INNISFREE

控油礦物散粉 (礦物控油碎粉)

「Innisfree 薄荷礦物碎粉」實測：平價貨定係真心正？ 呢個Innisfree 薄荷礦物控油碎粉（嗰盒綠色細細盒嘅）已經火咗好多年！佢真係平靚正！今次同大家講下用後感！ 1. 包裝同質地： 盒仔真係好細盒，方便帶出街補妝。個粉撲都算軟熟，但唔算好厚身。啲粉係白色碎粉，好幼細，好似煙霧咁。聞落有陣好淡嘅薄荷味，唔會好濃好刺鼻。 2. 上臉感覺： 掃上塊面嗰陣，即刻有陣涼浸浸嘅感覺，夏天用真係好爽！好似俾塊面開冷氣咁。啲粉好薄，冇咩負擔，唔會覺得焗住塊面。 3. 控油效果（重點！）： 我係混合肌，T字位好易出油。試過喺防曬之後撲上呢隻碎粉： · 即時效果： 啞面咗，冇晒啲油光，塊面摸落去「滑捋捋」。 · 持久度： 平日大概頂到 3-4個鐘 左右，個鼻頭先開始有少少油光翻嚟。對比佢個價錢（幾十蚊盒），已經交足功課！但要同啲貴價專櫃粉比，就當然冇得比啦。 · 補妝： 出油之後補多層，都唔會結塊或者覺得好厚粉，呢點幾好！ 4. 提亮同遮瑕： 因為係白色粉，有少少提亮效果，但唔會好白或者「假面」。至於遮毛孔，都有少少柔焦效果，睇落皮膚滑啲，但唔好期望可以完全遮到好大嘅毛孔或者瑕疵

Innisfree 礦物控油碎粉 真實測評 📦 開箱第一感覺 包裝：淺藍色小圓盒，少女感十足～ 粉撲：跟盒附送嘅 薄身小粉撲，軟熟但偏細，比較啱用嚟 局部補妝。 粉質：倒出嚟係 白色幼滑粉末，有淡淡薄荷涼感（唔刺鼻嗰種）。 👩🏻 上臉實測（混合肌/T字油/兩頰乾） 1. 控油力：★★★★☆ · 即時效果：撲上臉嗰刻，油光即時 「啞咗」！尤其鼻翼同額頭，即刻變霧面。 · 持久度：夏天出汗天，大概 3-4個鐘 開始泛少少油光（但唔會溶到一撻撻）。 · 小貼士：如果係 大油皮，建議午飯後補一次，效果更持久。 2. 柔焦毛孔：★★★☆☆ · 薄薄撲一層，毛孔會睇落 細滑咗，但唔好期望完全隱形（始終係碎粉唔係妝前乳）。 · 注意：如果皮膚好乾或者有皮屑，可能會 少少卡粉。 3. 定妝效果：★★★★☆ · 化完底妝後輕撲一層，真係可以 延長持妝時間，尤其係口罩摩擦位，甩妝情況有改善。 4. 其他用途（隱藏功能！） ✅ 急救劉海：頭髮油立立嗰陣，撲少少喺髮根，即刻變乾爽！ ✅ 身體止汗：夏天頸背出汗，撲少少可減少黏膩感（但唔好撲太多，會白）。 ✅ 優點總結 1. 平價之王

香港夏日咁熱容乜易出晒油溶妝，唔用控油碎粉定妝補妝點得呀？ innisfree依隻礦物碎粉我由佢一開始出用到依家，佢包裝得5g，內含一個絨毛粉撲，細細盒袋係身隨時補妝好方便。我專登沾咁多影比大家睇，粉質算幼細，用粉撲上或者用掃掃上，會即刻變左霧面，控油力大約2小時，因人而異，有少少遮毛孔嘅功效，皮膚睇落平滑啲，但唔會令膚色白左一度，反而好有透明感。加上依隻係礦物碎粉，成份天然，無香料味，唔傷皮膚又透氣唔會生粒粒，痘痘肌同敏感肌都啱用，十分推薦！

如果你久唔久先化一次妝 #夏天 易出油嘅時候又想買盒碎粉嚟定吓妝 咁喱盒 #碎粉 就好啱你啦！ 佢只有5g ! 100蚊內就有交易⭐️ 唔怕浪費又性價比高💓💓 產品榮獲 @cosme「2024年度香港美妝大賞 碎粉第1名」 係咪好吸引先😆😆 Innisfree控油礦物散粉（No-Sebum Mineral Powder）係韓國嘅大熱產品🇰🇷🇰🇷 專為控油同定妝而設💡 粉質超級細緻..💓💓 用上面好輕盈..唔會卡粉或者令妝感變厚重 🍵仲有淡淡薄荷香味..用完感覺清爽舒服！ 控油效果好明顯💓 夏天或者出油多嘅時候補一補，即刻啞緻返晒，唔怕變「油面」🤩 產品優點💡 控油力強🫶🏻適合油性或混合性皮膚 粉質幼細🫶🏻唔會反白或者結塊 價錢親民🫶🏻細細盒方便攜帶 無香料！無防腐劑！🫶🏻敏感肌都用得 不過呢……. 🏮粉盒細細個…5g好快用完.. 如果你係長期用家.. 就要一次過入定幾盒貨🔔innisfree 官網都有幾件嘅優惠.. 可以留意番💓 🏮控油效果未必可以維持全日 油肌或者勁出汗.. 可能要補多幾次 總結吓先🧏🏻‍♀️🧏🏻‍♀️ 性價比高❤️定妝補妝都啱用 特別適合夏天或者易出

有啲唔好意思仲係舊包裝嗰陣買嘅，我用到依家都未用完，仲要個盒有少少污糟。講到控油碎粉冇可能有人唔知innisfree。果然好難用相片表達碎粉，因為佢真係無色透明，搽上去只會一秒變霧面，但唔影響本身底妝嘅顏色。 粉嘅質地唔算超級細，市面上可以搵到好多幼細過佢嘅粉，但佢控油力真係超級犀利。 話說我之前試過去日本旅行由朝玩到晚，中途完全冇補過妝，我位日本朋友塊面泛哂油，但我依然保持到霧面，佢忍唔住問我係用咩產品。我會形容呢盒innisfree碎粉係唔可以完全令你唔出油，但可以喺抑壓住油光，出油之後摸落去你會覺得個底其實係有層油喺度，所以唔可以多手掂個底妝。 至於點解我用到依家轉埋包裝都未用完，係因為我係混合性乾肌，只可以用佢搽會出油嘅T字部位，乾嘅兩邊面珠就要用其他碎粉。

今日同大家分享吓我嘅innisfree礦物控油散粉用後感啦～我係混合肌，T字位特別易出油，尤其香港夏天又濕又熱，真係好驚塊面變“反光板”啊，所以散粉定妝係對我最重要的底妝步驟！ ✨包裝設計： 個罐仔細細個好Q，薄荷綠色睇落好清新！雖然得5g但超耐用，入面有個小粉撲軟綿綿，不過我通常用化妝掃上妝，貪佢均勻啲～ 💫質地： 粉末超幼細好似煙霧咁，倒出嚟嗰陣仲以為自己喺度玩乾冰，礦物成分感覺溫和，我敏感肌用都冇痕癢。 🌞控油力： 朝早9點上完粉，到中午食完飯都只係鼻翼有少少油光，用紙巾印一印再補層薄粉就搞掂！試過冇用散粉嗰日，下晝3點已經溶妝溶到似斑馬🦓 🎭妝效： 上臉即刻有啞緻磨皮效果，毛孔同細紋即刻隱形！最正係唔會假白，同底妝融合得好自然，有種天生好皮膚嘅光澤～ 💡隱藏用法： 1. 劉海油笠笠嗰陣，撲少少落髮根即刻變清爽！ 2. 化眼妝前掃少少喺眼皮，眼線同眼影真係冇咁易溶～ 3. 唇膏易甩？薄薄撲層再印走，即刻變持久染唇效果！ ⚠️注意位： • 乾肌姊妹可能要局部用，否則會覺得有啲繃緊 • 倒出嚟要小心，試過倒多咗成個梳妝枱變雪景❄️ • 雖然話係透明，但用量多都會有少少白，建

一直都係Innisfree嘅忠實客戶，除咗綠茶籽護膚品系列之外，佢嘅碎粉我都超級鍾意用！計落應該已經回購咗超過5盒，唔好睇佢細細盒，其實佢絕對可以用超過1年！本身入邊附送一個粉撲，個人覺得都幾好用，不過我自己習慣倒啲碎粉落個蓋度，再用一個好蓬鬆嘅掃取粉。原因係呢隻碎粉吸油嘅能力實在係太強勁，如果你唔平均取粉/取太多，好容易會令全臉都好乾🤣 本身我係油性肌膚，同埋都比較鍾意水潤有光澤感嘅妝感，所以就算夏天使用都唔敢用太多，只會喺上完底妝之後用少量碎粉定妝。呢隻碎粉可以令我嘅底妝更持久，一整日都唔會甩妝！而且價錢非常相宜，所以我仲係學生嗰陣都負擔得起，到宜家出到嚟做嘢都一定會keep住回購😉 哈哈我仲有另一個隱藏用法，就係如果咁啱乾髮噴霧用晒，我都會用少量嘅碎粉「嬸」上我髮根嘅位置，咁樣全日落嚟啲頭髮都冇咁容易出油同埋可以定返型👍🏻 價錢: 10/10 控油: 10/10 耐用: 10/10 包裝: 10/10

上面有即時啞緻效果，唔卡粉。皮膚能做到瞬間磨皮，但有缺點。第一，標榜自己係控油嘅碎粉，我係混合性偏乾肌膚，淨係t字位出油，但係兩個鐘頭後塊面依加會出油，同我平時一樣毫無控油效果。第二，佢個粉撲同埋出份位置實在太細，每一次取粉量得好少，所以需要搭配自己碎粉掃使用，出門使用亦不便。

用咗成年都未用完，幾襟用👍🏼定完個妝都好自然，唔會假白。夏天就可以要補多幾次或者加定妝噴霧一齊用。 但自帶嘅粉撲太細，要重新取粉好多次先可以定好個妝，近排發現倒出嚟用掃定會快好多，而且都keep到妝效，反而會更加輕透自然。

Innisfree 礦物控油碎粉測評！ 先講我的化妝情況： · 膚質： 混合肌，T字部位特別容易出油，尤其夏天不到中午就油光滿面。 · 上妝習慣： 平時上班追求快速、自然，底妝通常只用防曬 + 氣墊粉餅或粉底液，比較輕薄。 · 對蜜粉的需求： 控油力要夠，但不能太乾導致臉頰卡粉；粉質要細，不能有厚粉感。 1. 控油力：★★★★☆（強！） · 絕對是它的最強項。 對我這個T字油王來說，用它定妝後，出油速度明顯變慢。從原本的2-3小時延長到4-5小時才需要稍微補一下。 · 如果只是日常通勤，基本上到下午妝容都還能保持得七七八八。 2. 粉質：★★★☆☆（中規中矩） · 粉質算細，但不到「極細如煙」那種頂級程度。上在臉上不會有粗糙感，但如果用量太多，還是有機會有一點點粉感。 3. 妝效：★★★☆☆（啞光） · 上臉後是完全的霧面啞光妝效，能立刻把皮膚的油光和黏膩感變不見。 · 如果你喜歡的是「水光肌」或「奶油肌」，那這罐不適合你。 · 切記要用「輕拍」的方式上妝，不要用「摩擦」的，妝效會更服貼。 4. 隱藏版用法：★★★★★（超讚！） · 拯救油頭！ 這應該是很多人買它的原

呢盒Innisfree礦物碎粉真係夏天救星！細細盒放喺手袋超方便，有時趕時間淨係搽防曬再加層碎粉就可以出門。粉質夠晒幼細，雖然係白色粉末但上臉後唔會令塊面反白，好有透明感！ 控油效果真係冇得彈，特別係T字位油光即刻冇晒，keep到成日都唔會油光滿面。我仲發現用佢拍瀏海仲正過專用嘅dry shampoo，雖然遮瑕力就弱啲，但以咁嘅價錢嚟講真係CP值爆燈！ 總括嚟講，呢盒碎粉已經成為我夏日必備，無論係定妝定係急救瀏海都咁好用，仲要平靚正！

CP值高產品，用咗5年以上，價錢親民，控油能力高，唔會脫妝，用整天都唔會覺得好乾或者好油，完全係我首選！

性價比非常高的一款散粉，我中學嘅時候成日都用嚟控油，粉感不重，控油效果也很好，推薦！

Innisfree既碎粉對於沙漠乾肌既我黎講真得太乾，上完面真係一秒抽乾晒臉上水份，可能真係適合油肌/ 混油既肌膚多d. 不過因為佢粉質夠細，我會用佢做第二樣野： 上落瀏海😍😎 一秒將油油地既瀏海變返洗完頭既霧面感，做完運動要約食飯唔想個頭笠痴痴就靠佢，性價比相對專用既髮型用品高好多！

妝感輕薄，自然妝效。粉感係白色，得一隻顏色，最適合上完防曬直接定妝。少少似比爽身粉更加輕盈嘅質感，霧面質感🤩拍上面會有粉感，同一個位置唔好用太多 因為我是乾性皮膚，唔係話太需要控油好高，及油效果好強嘅碎粉，一般依款innisfree啱啱好，膚感唔錯😌 Innisfree碎粉藥房買好平，但控油度及細緻度非常一般，不過cp值高！

細幾十，五克，個盒大約5.5x2.5cm細盒便攜，價格美麗，喜歡佢自帶粉樸算好用，粉細如白霧，唔會好粗唔會好易一撻撻，只係我乾肌，要做好保濕打底，我唔多出油，唔可以咁厚定全面，頭髮有時因潮濕天氣而外觀感覺有點笠，可以用少少去改善，可以用少少當緊急乾洗化妝掃，而且用完可以裝自己喜歡的碎粉帶去旅行幾方便，個人覺得innisfree這個巨性價比，要求不高，稍稍控油定妝是可以的，這個價格嚟講，好好啦

作為混合偏乾肌，夏天T字位出油真係煩！Innisfree呢盒抗油碎粉（透明色）絕對係平價神器——粉質超細緻，上臉即時啞緻零粉感，仲唔會加重乾燥位繃緊感✨ 💡色號點揀？ 透明色（No Colour）最穩陣！黃一白用完全無泛白或灰面問題，似隱形磨皮咁撫平毛孔。如果膚色再深少少可考慮自然色，但透明色普遍適合亞洲肌～ 💦控油表現： 雖然我係混合偏乾，但香港夏天30℃+濕熱天氣下，T字位半日就泛油光。薄撲一層呢隻碎粉後，出油速度明顯減慢，keep到4-5小時乾爽。重點係——佢唔會抽乾面珠墩水分，無出現龜裂或卡粉，平衡度做得幾好！ ☀️使用Tips： 建議用鬆粉掃輕掃T字位同下巴，避開本身偏乾嘅臉頰位。補妝時先印走面油再薄撲，就唔會結塊。性價比高到哭，細盒裝方便帶出街！ 推薦給：✔️ 黃一白肌找透明定妝 ✔️ 混合肌局部控油 ✔️ 預算有限但要求細緻粉質

自己中到油肌，這罐Innisfree散粉絕對是我的定妝救星！粉質細膩，上妝瞬間霧化，能有效壓制油光卻不會厚重粉感，即使多層疊擦也不結塊。 自己是「三明治定妝法」：粉底後輕掃一層＋全妝完成後噴定妝噴霧＋最後再壓一層，即使天氣炎熱，也能讓我的油肌撐到午後才微出油（約5-6小時），且吸油後不斑駁。小粉盒設計便於攜帶，撲劉海去油也超好用！ 藥妝店40-50價位來說CP值爆表，已回購N罐～

我最近自己用了 Innisfree 的散粉，真的覺得好好用！質地輕輕的，定妝效果也不錯，控油效果很好，妝容保持得很久。因為我自己用得這麼滿意，所以就決定送一盒給朋友，想讓她也試試。 這款散粉的粉質很細，輕輕一拍就能上好，讓皮膚看起來很光滑。即使天氣熱也不會感覺悶，妝容不容易脫妝，整體效果都很不錯。不過，我也注意到它在遮瑕方面稍微弱了一點，對於比較明顯的瑕疵，可能還是需要搭配其他產品來用。 我覺得這款散粉送給朋友很合適，因為價格不貴，包裝又好看，特別適合作為禮物。而且 Innisfree 的產品成分天然，對皮膚也友好，這點我特別喜歡。希望她用上後會喜歡，雖然有些小缺點，但整體來說仍然是一個不錯的選擇！

用落冇乜特別，如果冇話要潤色或者遮毛孔效果，淨係控油可以一試~ 價錢平平地仲成日有優惠，又細細個可以袋出街都算方便嘅