韓國彩妝 推薦好用產品

Sccan好用推薦：香港夏日咁熱容乜易出晒油溶妝，唔用控油碎粉定妝補妝點得呀？ innisfree依隻礦物碎粉我由佢一開始出用到依家，佢包裝得5g，內含一個絨毛粉撲，細細盒袋係身隨時補妝好方便。我專登沾咁多影比大家睇，粉質算幼細，用粉撲上或者用掃掃上，會即刻變左霧面，控油力大約2小時，因人而異，有少少遮毛孔嘅功效，皮膚睇落平滑啲，但唔會令膚色白左一度，反而好有透明感。加上依隻係礦物碎粉，成份天然，無香料味，唔傷皮膚又透氣唔會生粒粒，痘痘肌同敏感肌都啱用，十分推薦！

Desse好用推薦：如果你久唔久先化一次妝 #夏天 易出油嘅時候又想買盒碎粉嚟定吓妝 咁喱盒 #碎粉 就好啱你啦！ 佢只有5g ! 100蚊內就有交易⭐️ 唔怕浪費又性價比高💓💓 產品榮獲 @cosme「2024年度香港美妝大賞 碎粉第1名」 係咪好吸引先😆😆 Innisfree控油礦物散粉（No-Sebum Mineral Powder）係韓國嘅大熱產品🇰🇷🇰🇷 專為控油同定妝而設💡 粉質超級細緻..💓💓 用上面好輕盈..唔會卡粉或者令妝感變厚重 🍵仲有淡淡薄荷香味..用完感覺清爽舒服！ 控油效果好明顯💓 夏天或者出油多嘅時候補一補，即刻啞緻返晒，唔怕變「油面」🤩 產品優點💡 控油力強🫶🏻適合油性或混合性皮膚 粉質幼細🫶🏻唔會反白或者結塊 價錢親民🫶🏻細細盒方便攜帶 無香料！無防腐劑！🫶🏻敏感肌都用得 不過呢……. 🏮粉盒細細個…5g好快用完.. 如果你係長期用家.. 就要一次過入定幾盒貨🔔innisfree 官網都有幾件嘅優惠.. 可以留意番💓 🏮控油效果未必可以維持全日 油肌或者勁出汗.. 可能要補多幾次 總結吓先🧏🏻‍♀️🧏🏻‍♀️ 性價比高❤️定妝補妝都啱用 特別適合夏天或者易出

natanatalie好用推薦：最推薦的遮瑕液！❤️ 相信有化過妝嘅女仔都會明，黑眼圈問題係好好好困擾！亦會令化妝時間長左好多！一隻好嘅遮瑕液可以遮得好啲，又可以遮得快啲！🤤 呢次我揾到一支又平又好用又襟用嘅遮瑕液推薦俾大家！托朋友喺韓國買好似幾十蚊，香港亦有好多地方有得賣，買佢都非常方便！價錢無得輸，幾十蚊用到好耐，重點係，好！好！用！🫶🏻 首先講下包裝，佢係支裝，有一個掃頭，我會直接用佢掃喺眼底！再用化妝棉慢慢印開，用手印一樣咁容易！我自然色黃皮膚，用15Natural Beige好啱用！好吸引我嘅一點係佢有SPF28 PA++嘅防曬，而佢嘅質地好清爽但唔會乾，我本身有少少眼紋，有啲遮瑕液用完會顯眼紋，用佢就無呢個問題。而且就咁用佢就會遮得好好，會即時提亮返眼底，唔需要再溝色。至於持妝度，我都好滿意，我呢啲油性肌膚化左一整日，都唔會點溶妝，keep到個妝容大致完整。🙆🏻‍♀️ 除左用嚟遮黑眼圈，我仲會用嚟遮痘印，效果都非常之好。一支可以用到好耐，我日日化妝，而且瑕疵都唔少，一支大概用到4個月，非常抵玩，性價比好高！🥰 非常滿意呢支遮瑕液，絕對係我嘅底妝必備單品！😜

Fng好用推薦：The Saem Tip Concealer 屬平價遮瑕神器，我買咗1.5號色，專為自然膚同黃調肌而設🥰 質地與遮瑕力：👍👍👍👍 (高CP值) 質地偏厚身少少，但好推易拍開。遮瑕力真係無得輸，痘印、黑眼圈、泛紅基本上都能完美遮蓋，唔需要重重疊疊，少量就夠用，呢個價錢有咁高遮蓋度，性價比極高！ 色號與黃肌匹配度：👍👍👍 (合格以上) 1.5號色係自然偏白，帶微微黃調，對於黃肌來講算幾友好，唔會死灰或過於粉白，遮蓋後能自然融合膚色，提亮效果自然。 持久度與保濕度 (夏日關鍵)：🤔 (要技巧) 香港夏天用，T位出油後反而會同油脂融合得幾好，冇嚴重卡粉。但係！如果直接用喺眼底或兩頰偏乾位，就好易出事，幾個鐘後會出現乾紋同龜裂，非常顯眼。 總結： 一支優缺點極明顯嘅強力遮瑕！佢超高遮瑕度同平價真係無敵，適合用嚟遮痘印、鼻翼泛紅等油份較多嘅部位。但絕對唔建議直接用喺眼底，必須混合精華或眼霜降低乾度先可用。係你化妝袋裡嘅局部急救兵，但並非全能選手！

wcm好用推薦：這塊「三色修容盤」自己已經用到見底！1號色調非常適合亞洲人皮膚，三個深淺漸變的灰棕色調，完全不會顯髒或泛紅，手殘黨也能輕鬆暈染。粉質細膩軟糯，壓盤實但很好取粉，用刷子少量多次上臉超級自然，像是天生的立體感！ 我通常用「最淺色」打鼻影、「中間色」修飾臉頰、「最深色」補髮際線或加深眼窩，混合三色也很適合下顎線。 一盤能用超久，自己已經用了2-3年，CP值爆表，新手入門或日常必備！

Fng好用推薦：Too cool for school修容粉，之前見網上面有好多好評，所以買咗兩盒嚟試:#01＆02，02號色適合冷皮膚用， 01 號色適合暖皮用。01色號嗰盒我已經用到hit pan😆 。 🩵我習慣在顴骨跟下顎線刷上最深色修容，too cool for school 有不同程度深淺色可以自行調配，多次上色，調整色調，不需高技巧也能加強五官的立體感。而我一般都會使用蜜粉或腮紅刷大面積刷在髮際線及顴骨上。 🩶#02有少少偏灰色，我用它打喺鼻樑做陰影夠自然。粉質細緻，唔會飛粉，用最左手邊(最淺色)嗰格打鼻影，一啲都唔突兀，與底妝溶為一體，持久度8個鐘以上，開架產品嚟講算十分好。 💜另外，佢夠小巧又有鏡子，仲連埋個掃，cp值十分高， 值得推介💝。

Chloeincosme好用推薦：Etude house大部分彩妝都鍾意，唯獨呢枝眉筆麻麻地。 呢枝04色，睇圖係啡灰色，實際係純灰色。 另外，佢既筆頭都可以改進一下🥲 如圖可見，佢個頭偏粗，無辦法畫到好精細既線條。（但佢叫柔滑精細眉筆😂🥲）上色尚算順滑，軟硬度適中唔會好易斷，但如果流一流汗眉尾就冇晒🥲😂 或者 #轉季 會岩用少少？ 總結： 唔會回購🥲🥲

Hippoqueen好用推薦：Etude house眉筆三角形設計，可以畫得更精細，效果幾持久，已經回購左兩支。

Cosmeemee好用推薦：已經用了Etude House很多產品 這款眼影適合四季～ 🤭 🌟平時嘅日常妝容都可以使用 🌟自然又方便，不易飛粉 🌟性價比高，適合新手🙌🙌

羅小白好用推薦：佢嗰六個配色好實用，全部都係大地色，基本上大部份嘅膚色都啱用，但係有樣嘢唔好就係，去到比較濕熱嘅天氣就好容易溶，眼皮上面嘅顏色會變成一舊，同埋啲眼影會攝晒落去條眼皮入面，所以一定要用定裝噴霧。 但有樣嘢最值得一讚嘅係，個包裝真係好靚

TsuenMa好用推薦：#CLIO KILL COVER FOUNDATION CUSION 係我第一次入手嘅氣墊粉底，氣墊粉底評價好壞參半，有人看重佢嘅方便性，亦有人話吾衞生（係係清潔好個粉撲嘅情況下）。我入手嘅原因係睇到有人評論話上妝補妝都好方便，但事實上呢個產品未必適合我。 呢隻氣墊粉底係韓牌，一般色號都係偏白，我呢隻係3.5 BO vanilla 色，上左面明顯白左兩度以上，對我嚟講有啲啲多左。 但呢隻好嘅係已經有最高防曬系數，SPF 50 PA+++，趕時間出門吾需要再另上防曬，慳返些少時間。遮瑕力亦算好吾錯，基本上印多兩下就遮到黑眼圈。 但係唯一用左甘耐都有嘅問題係佢好浮粉，我坐office 冷氣房，淨係返工有出過戶外，但係未到放工時間，下午就已經浮晒粉，對我嚟講都仲係未跨越到嘅痛點，試過配搭吾同嘅保濕打底，都係仲有呢個問題出現。 如果帶出街補妝仲災難，補完個位會一撻撻，好吾貼服，吾用佢補妝可能會仲好啲。 但佢一上完面係好ok的，可以只適合我用黎短暫出個街。

Akassoo好用推薦：Clio嘅氣墊無論係黑方盒定粉方盒都好出名，而呢款黑方盒（色號3）係我人生中第一次用嘅氣墊粉底。 雖底色號係比較白，但本身諗住3號（自然亮膚）已經係深咗一度，結果原來都係偏白，所以如果下次買呢款嘅話我會試吓買3.5色號。 呢隻嘅好處係佢有SPF50+/PA+++，已經唔使另外搽防曬，黑方盒係啞面妝感，遮瑕力都幾高，持久度亦都好高。 不過個人覺得缺點係會氧化同埋鼻翼都會脫粉，當用咗大概超過八個鐘之後個粉底就會暗，而佢暗咗嘅顏色就反而比較啱我想要嘅顏色。 整體嚟講其實個妝感都幾靚，不過我會繼續試吓唔同類型嘅粉底先再考慮回購。

Suki好用推薦：Clio 嘅15號色眼影，第一眼就被佢嗰啲粉粉嫩嫩嘅顏色吸引住，感覺好少女又好適合日常妝容。色調偏暖，帶少少閃粉，上眼之後即刻有種溫柔甜美嘅感覺，非常適合想打造輕柔妝感嘅人。 不過，用落之後有少少失望，因為飛粉嘅情況真係幾明顯。無論係用眼影掃定手指上妝，都會有啲粉散喺眼底，化完妝仲要額外清理，會覺得麻煩咗少少。而且，持久度都稍為欠缺啲，出門幾個鐘之後會發現眼影開始有啲模糊，特別係如果皮膚偏油嘅話，暈染嘅情況會更加明顯。 雖然咁，但如果你唔介意飛粉，15號色嘅配色真係好靚，同埋好多唔同場合都啱用。建議用之前可以搽啲眼影打底，咁樣會穩定啲，亦可以減少飛粉嘅情況。如果你鐘意粉色系又唔介意稍微花啲功夫處理，呢款眼影都可以試下，但如果你追求零飛粉或者超持久嘅效果，就可能要考慮下其他選擇啦。

Minnie Tse好用推薦：簡直係Clio 的忠實fans 佢家的眼影我有7盒🌟 作為韓系眼影，不會超顯色，適合新手使用，慢慢叠加上去 雖然唔同盒都有唔同的combination, 但眼影大致上有4種texture： 1. 啞面 2. 小閃粉 3. 碎鑽 4. 大閃片 以呢盒15 Spring Sunshine 為例，就4種texture 都有齊 我會認為唔好選成盒都係閃個種，因為啞面的眼影真係好重要，做底色唔會顯腫 話晒一盒眼影 最好可以一盒帶出去都夠用，全閃片好難自己一盒用 當然Clio 眼影2/3盒一齊用 可以有好多好靚的combination 🌸🌸

Sakura醬好用推薦：Etude House眼影盤bake house秋冬實測！🍂 轉秋冬季終於可以同溶妝講bye bye！但係呢排天氣乾燥，啲眼影成日飛粉又唔顯色... 又拎出珍藏嘅Etude House「麵包盤」，真係可愛到唔捨得用啊！ 🍞 柔軟粉質似真麵包！ 一打開盤真係「嘩」一聲！啲粉質摸落去軟綿綿，好似按緊真嘅麵包咁～ 轉季天氣乾燥用佢都完全唔飛粉，上眼超貼服，冇掉粉落塊面度搞到污糟邋遢！ 🎨 秋冬色系超百搭 成個配色都係暖洋洋嘅大地色+奶茶色，仲有隻好靚嘅楓葉紅色～ 無論係想化日常妝，定係去event化濃啲都得！最正係啞光同珠光比例啱啱好，唔會太閃令眼腫腫哋～ ❄️ 持久度令人驚喜 試過戴住口罩行街成日，眼頭出油位都冇積線！個妝keep到放工都依然靚靚～ 而且佢顯色度適中，新手點亂化都唔會變「熊貓眼」啊！ 💡 轉季小貼士 天氣凍咗可以先用指腹上珠光色，再用化妝掃暈染啞光色～ 咁樣個眼妝會更加持久同有層次感！ 總結： 如果你轉季想搵盒平靚正、粉質又唔會太乾嘅眼影，Etude House麵包盤真係好抵玩！細細盒帶出街又方便，仲要成個包裝可愛到犯規～ 今個秋冬就等佢陪你打造暖暖哋嘅溫柔眼妝啦

Giselle 好用推薦：Etude Play Colour Eyes Bake House *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢盒眼影總共有10隻色₍ ᐢ. ̫ .ᐢ ₎ 1: Sugar Rusk 呢隻係比較大比較閃嘅閃片色(⁎⁍̴̛ᴗ⁍̴̛⁎)離遠望埋去都會見到嗰種⁽⁽٩(๑˃̶͈̀ ᗨ ˂̶͈́)۶⁾⁾我一般都會用係上下眼皮到做highlight (ㆁᴗㆁ✿︎)但要小心因為佢係有少少濕潤嘅質地以及閃片比較大粒，所以用嗰陣好容易會hi到太多，如果唔小心無好好控制用量用係眼頭就好容易變成一粒粒閃亮亮嘅眼屎(*>_<*)ﾉ建議沾取後先係手背推開咗再用手背嘅已經推開咗嘅閃片用係眼頭位置哦･ω･´o)ﾉﾞ 2: Milk Latte 呢隻係偏暖橘色嘅打底色ヽ(´>∀︎<`*)ﾉ呢款會比較適合用嚟做橘色系or warm tone嘅眼妝( ˘͈ ᵕ ˘͈ )有時候我都會用佢嚟過渡眼妝唔同部分，令眼妝望落去會比較自然¨̮♡︎ 3: Pine Cone 呢隻係無閃粉版嘅紅棕色( ⸝⸝•｡•⸝⸝ )同10號比，呢款會比較偏紅同warm tone 啲₍ᵔ·͈

Chloeincosme好用推薦：Etude House嘅Curl Fix Mascara，好多人話佢係“時代嘅眼淚”，但我覺得佢真係開架眼妝既滄海遺珠，超好用！佢持久度勁高，試過帶妝超過12個鐘，完全唔會溶到變熊貓眼，睇戲喊都冇問題。用左佢既眼妝靚勁多🥹 唯一嘅缺點就係個刷頭有啲大，新手用嘅時候要小心啲。（仲有個唔好處係好難買😂🤣） 小tips: 用任何Mascara之前用紙巾印一印，等佢冇咁濕，出黎既效果會好好多！

zetalhc好用推薦：可以做到睫毛根根分明嘅效果，上色同持久功效都唔錯唔會覺得有就膠咁，唯一係比較容易結粒粒，用上睫毛嘅時候要快手。

Mei_pk好用推薦：這款碎粉很控油，用了它妝容一整天都不會脫妝，就是有點乾。底妝需要加強保濕

Ice好用推薦：細細地一盒好方便帶出街。佢喺入邊仲有個絨毛嘅粉撲，可以令到啲碎粉上到塊面，維持到個妝咁好靚。 重點係佢真係好平好抵用性價比超高，去韓國一定要買，超好用。又可以。又可以令到個妝咁變得霧面，又可以令到個妝容更加持久。

jhope0725好用推薦：呢枝真係#此生摯愛唇彩！ 呢支唇彩一如其名，質感好似棉花一樣輕薄，唔會抽乾嘴唇水份，唔顯唇紋，疫情之下戴住口罩，查咗佢都唔會覺得笠、而係形成咗一層薄膜喺嘴上面。好light，好舒服。 佢顯色度、飽和度都好高，輕輕一層，已經令到成個嘴好立體，影相會好精神。我用嘅顏色係14號，上嘴唔會太紅~ 佢持久度算中上，未至於可以全日都唔補妝，但係維持四、五小時都冇問題~ 相片中嘅我搽咗呢支唇膏，會見到飲筒上面都有紅色唇印，但係出乎意料地，唔影響成個唇妝嘅效果，食完飯輕輕印下個嘴已經ok，唔一定要補妝！而且佢嘅好處係落妝會好乾淨同方便，唔會好似其他tint咁食死左個嘴唇。 唯一美中不足嘅就係，呢支唇彩嘅掃我略嫌太大，未必可以準確勾畫嘴唇嘅輪廓，如果大家係屋企化妝，有多啲工具，可以配合棉花棒，紙巾等等，如果出街補妝，輕輕由嘴唇中間上色，再自然合上嘴唇抿開，就會natural d! 私心推介，希望大家都搵到啱自己嘅色號！ 

瑪拉好用推薦：持久唔掉～就算飲水食嘢整到都只會掉少少，我呢個係11號色，本人黃二白，暖皮膚搽上嘴係好靚嘅玫瑰色～

Emily Leung好用推薦：Innisfree纖細睫毛膏用後感｜真・根根分明！手殘黨都用到嘅神器！ 哈囉！各位姊妹～ 今日同大家開心Share我最近嘅新寵——Innisfree纖細睫毛膏！用咗一排，真係要同大家講，如果妳怕蒼蠅腳，呢支真係救星！即刻同大家詳細講解下！ 睇下支嘢幾簡約！黑色包裝好簡約，細細支好方便帶出街補妝。 點解會揀呢支？ 本身我嘅睫毛條件一般，又短又直，最慘係每次用睫毛膏都好易「一舊舊」，變咗蒼蠅腳，睇落好邋遢！見好多韓國美妝博主都大推呢支，話個刷頭係精髓，所以就入手試下啦！ 關鍵嚟啦！個刷頭真係幼到好似支針咁！同普通個啲大蘑菇刷頭完全唔同，可以精準刷到每一根睫毛。 妝效如何？自然派最愛！ 我通常會薄薄哋搽兩層，效果真係好自然！唔會好似戴咗假睫毛咁誇張，而係好似本身啲睫毛就咁長咁翹，出嚟係「偽素顏」心機妝感！真係做到根根分明，零結塊！ 持久度同防暈度點樣？ 我朝早化妝，到落班返到屋企，足足十個鐘，睫毛都依然Keep住翹！我眼肚算係幾易出油，但用呢支完全冇暈開，冇熊貓眼，呢點真係要比個Like！ 有冇咩要留意？ 如果妳係追求超濃密爆炸效果，咁呢支就可能要疊擦多幾層，或者用支濃密款

zetalhc好用推薦：性價比超高嘅睫毛液，纖細嘅擦牌可以令睫毛根根分明，又唔會起一粒粒嘅膠，非常好用。唯一就係比較難卸妝，就咁用卸妝洗面奶卸得唔乾淨，一定要用卸妝油。 

TsuenMa好用推薦：Innisfree 我的專屬彩妝眼影盤 除咗入手咗閃鑽系列嘅眼影，仲入手左眼面系列嘅粉紅系列，本身佢連個盤係跟咗一支眼影掃，但用用下都唔知去咗邊嚕🙈不過其實係可以再另外買返嘅，係我自己冇再去買，因為佢係好細支，裝起上嚟唔算太好用，有時直接用手指上就算，後來都額外買咗另外嘅眼影掃去上妝，就冇再糾結呢知唔見咗嘅眼影刷。  以前真係好鍾意用呢盒眼影盤，你會見到係鐵盤左兩隻顏色，但最後因為覺得佢顏色太實淨，唔夠柔和，所以入手左其他嘅眼影，去代替呢一盤。 啞色嘅眼影，主要可以作為日常嘅妝容，返工嘅話唔會太浮誇，又可以令到雙眼更加有神，所以其實眼妝真係好重要🙂‍↕️ 如果啞色嘅話就都唔怕可以上多少少，失敗率比較低，但係都要留意如果隻色係深色嘅話，最好都係要少量多次咁去上妝喇。 呢盒眼影基本上用普通嘅卸妝水就可以充分落妝啦，唔需要用到去眼妝專用嘅卸妝油。💟 不過依家市面上有好多其他嘅選擇，我覺得好用程度會比較高，可以行先考慮其他嘅產品再考慮佢，又或者如果你睇中佢可以彈性咁揀自己想要嘅顏色，咁都未防係一個好選擇💞

Circlecyy20好用推薦：都真係啞色調 唔會有閃粉 所以我用黎都係做打底色 不過持妝力就差咁dd

chasiutung好用推薦：Etudehouse依款單色眼影有好多顏色選擇 顯色度吾錯 容易推開 吾算太飛粉 質地柔滑 好推開 持久度不錯

KDing好用推薦：飛粉嘅情況唔算高，但係勝在顏色多，而且平價已入手，所以簡單使用喺日常妝容都好好

Noel好用推薦：個人一向少用日系及韓系眼影，但是看到 Etude House 九宮格 Maple Road 就覺得很燒 🔥 這個大地暖調棕紅色實在太美了❣ 收到這盤時，不禁要驚呼，所以啞色的眼影都太深色了吧❓當下就覺得非常不妙了😅 慶幸韓系比較歐美眼影的顯色能力較弱，即使 Maple Road 的顏色比較大膽，上到眼皮也不會太深色或誇張👌 粉質方面，啞緻色的眼影粉質不錯，沒有飛粉問題。閃粉色很飽和又順滑👍而亮片色就稍為差一點，如果能更細緻就 perfect❗雖然配色方面比較秋冬季，但是春夏使用都沒有問題，是一盤很日常，人人都能 carry 的眼影。 包裝亦是我欣賞的類型，方方正正，一切從簡👍 比較品牌的十色眼影，這款透明盒包裝更方便啊！

Kura好用推薦：眼影顏色搭配好靚，適合嘅妝選擇都好多，粉質都算ok，但係價錢偏貴

Sarah好用推薦：鑽光閃片好靚，好顯色，配合其他眼影做疊加效果好好，可點眼頭/眼下作提亮。

Circlecyy20好用推薦：偏向珠光重d 而底色唔算好顯色 所以比較多用做眼影最後提亮既一步

傻傻小貓好用推薦：都幾顯色，不過有少少飛粉，淺色啲嘅閃粉可以用來畫臥蠶，幾實用

Noel好用推薦：只能說，韓國的美妝市場競爭非常激烈，看看 Missha 的方形眼影就知道。相片排列由新至舊，能夠看出 ？Missha 不遺餘力地改善產品💗👍 💜 紫盒：Glitter Prism [Metal] #04 非常緊貼潮流的花岡岩造型眼影，燈棕色底色，配上滿滿的綠色及銀色閃粉，非常搶眼。

Noel好用推薦：Etude House 有心之作，雖然已經絕版了，但相信還有其他平台可以購買。而且 Hershey's 聯乘系列，就只有兩個色號，如果有喜歡的顏色就入手吧~ Hershey's Powder Rouge Tint #RR402 #아몬드초코 #AlmondChoco 我連同 Cookie and Cream Palette 一起入手，本來只因為化妝品和朱古力品牌🍫合作才會購買。用後感覺這枝唇釉顏色很合我心意，質感有點像 mousse 非常 creamy，塗到唇上很順滑👍加上雲呢拿朱古力香味，實在大加分呢❣ 需要留意，因為是霧面唇釉的關係，雖然塗完後會變很啞緻，但仍然會沾囗罩的。建議薄塗唇釉，待乾後用紙巾輕壓一下啊❗

Kura好用推薦：顏色好靚，搽上嘴唔算好乾，搽上嘴可以打造到好有氣場嘅妝容感覺，但係價錢偏貴

羅小白好用推薦：呢隻眼影好多人話同某個歐美品牌好似，但佢價錢平好多，同埋咁多隻色，可以有多啲組合出嚟，而且本身呢個牌子嘅眼影佢嘅持妝都唔錯，不過就有少少飛粉。 我去water bomb嘅前提之下，係不停淋水嘅情況都可以去到夜晚都仲有顏色，雖然預咗點都會甩，但佢嘅表現比我想像之中好，未至於一啲顏色都冇晒。 日常用嘅話，出去都唔使點樣補色，絕對對得住呢個價錢。

jaye好用推薦：韓牌既眼影一向都唔錯，酒紅色系，顏色一樣自然，亦更顯氣色，顯色度不及歐美品牌高，勝在可以慢慢疊加，唔怕失手，粉質都算細緻，唔會飛粉，亦貼服，閃粉亦夠幼細，令到眼妝自然精神，比起大地色系，自己更鐘意酒紅色系，性價比又高，推！

Cosmeemee好用推薦：佢細細支又幾平🤭 質地唔錯做primer啱啱好🌟 但慢慢個人懶咗，依家直接用隔離霜搽埋隻眼😅 就冇再特登買一支專屬眼部嘅primer 了

Fng好用推薦：做唔到打底應該有嘅效果，搽咗primer 都唔見得眼妝持久，又會起接痕， 唔知做乜🤫🤫🤫，巳閒置咗一邊。