INNISFREE

柔亮棉花唇釉

呢枝真係#此生摯愛唇彩！
呢支唇彩一如其名 ，質感好似棉花一樣輕薄，唔會抽乾嘴唇水份， 唔顯唇紋， 疫情之下戴住口罩，查咗佢都唔會覺得笠、而係形成咗一層薄膜喺嘴上面。好light，好舒服。
佢顯色度、飽和度都好高，輕輕一層，已經令到成個嘴好立體 ，影相會好精神。我用嘅顏色係14號，上嘴唔會太紅~
佢持久度算中上，未至於可以全日都唔補妝，但係維持四、五小時都冇問題 ~ 相片中嘅我搽咗呢支唇膏，會見到飲筒上面都有紅色唇印，但係出乎意料地，唔影響成個唇妝嘅效果，食完飯輕輕印下個嘴已經ok，唔一定要補妝 ！而且佢嘅好處係落妝會好乾淨同方便，唔會好似其他tint咁食死左個嘴唇。
唯一美中不足嘅就係，呢支唇彩嘅掃我略嫌太大，未必可以準確勾畫嘴唇嘅輪廓，如果大家係屋企化妝， 有多啲工具，可以配合棉花棒，紙巾等等，如果出街補妝，輕輕由嘴唇中間上色，再自然合上嘴唇 抿開，就會natural d!
私心推介，希望大家都搵到啱自己嘅色號！