日本彩妝 推薦好用產品

Chloeincosme好用推薦：🤍 刷頭設計：5/5！Canmake呢支Metalook Mascara嘅金屬刷頭真係超細心～幼細得嚟又有彈性，可以精準刷到每根睫毛，連眼頭同眼尾嘅短小睫毛都照顧到，仲好少會整污糟眼皮，手殘黨都輕易駕馭！ 🤍 妝效：4.5/5！效果自然得嚟又有驚喜～刷出嚟係而家好流行嘅「一束束」纖長效果，唔會蒼蠅腳又唔會結塊，好似本身啲睫毛就咁濃密咁，偽素顏必備！ 🤍 持久度：4/5！防汗防皮脂能力唔錯，正常出門大半日都唔會暈染，卸妝時用溫水就可以輕鬆卸除，唔會搞到變熊貓眼～ 🤍 CP值：5/5！真心好抵，喺日本買幾十蚊港紙就有交易，效果拍得住專櫃，絕對係開架中的戰鬥機！ 總結： 如果你鍾意自然纖長、根根分明嘅睫毛效果，又唔想化妝時搞到周圍都係，Canmake呢支Metalook Mascara絕對係必試之選！細刷頭精準易控，效果清新又持久，重點係價錢親民到可以囤貨～特別推薦比學生黨、淡妝愛好者同追求日常偽素顏妝容嘅你！ #轉季 岩用

Kitty 好用推薦：🇯🇵✨日本旅遊必買！CANMAKE金屬刷頭睫毛膏——新手&潔癖者福音，打造日系精緻睫毛✨🇯🇵 去日本旅遊，點可以錯過掃平價又高質嘅日系彩妝？CANMAKE呢個國民品牌今期推出嘅金屬刷頭睫毛膏，絕對係2025年新品嚐鮮嘅頭號目標！無論係新手定化妝達人，呢支睫毛膏嘅獨特設計同實用性，保證令你一試愛上，仲要即刻包色入手！ 必買理由： 日本限定金屬刷頭，精細到尖叫！有別於傳統毛刷，呢支睫毛膏採用韓國流行後再改良嘅全金屬刷頭，超幼細設計輕鬆照顧眼頭、眼尾同下睫毛，連最刁鑽嘅短毛位都刷得勻稱！單次沾取膏體量恰到好處，唔會一嚿嚿結塊，輕鬆刷出日本妹最愛嘅“成束感”睫毛，自然又精緻。 最驚喜係金屬刷頭構造簡單，用完用紙巾一抹就乾淨，甚至可以直接水洗，啱晒有潔癖嘅你！去旅行帶住佢，輕便又唔使驚滋生細菌。 日本當地價錢只需幾百yen，以而家匯率仲抵到笑！加上CANMAKE成日推出限定色號，好似自然黑同柔和棕，旅行買嚟自用或送禮都啱晒，唔入手真係走寶。 🌟 網友分享冷門用法：想啲睫毛再翹啲，可以抹乾金屬睫毛刷個頭上面啲膏。跟住用火機或者風筒烘熱個刷頭，然後當睫毛夾咁燙上去啊，好多

Rin好用推薦：豐唇唇蜜 當時看到他有豐唇及滋潤效果 塗抹的時候會有刺刺的感覺像是幫你豐唇中 我的用法有2: 1.直接當日常亮澤嘴唇用（下唇用了，上唇是原唇色） 2.將家中霧面的唇膏加上唇蜜，做出另一種感覺,變成有多幾款的選擇 注意刷頭容易沾上顏色，所以如用在霧面唇膏上記得再用紙巾清潔一下 液都比較黏，是會沾到杯子和頭髮 但持久力還不錯 另外是有色的豐唇蜜BR301,這個比較不會有刺刺的效果，適合日常出門用 撫紋，簡單，日常血氣色

Emily Leung好用推薦：Visee超級斷貨王 | 和Dior成分一樣的唇油 這個唇蜜可以疊加在任何口紅上打造嘟嘟唇的效果， 還添加玻尿酸和角鯊烷，可以滋養嘴唇👄 上嘴會跟唇色融合，自然有血色， 睡覺前塗修護唇紋，微甜淡淡香草薄荷的味道～ 不愧cosme大賞第一名☝️ 上嘴不粘但是封閉性很好 塗完變水光嘟嘟唇 用起來和Dior那支不相上下！

Emily Leung好用推薦：Addiction 單色眼影 #004SP ｜ 必入嘅「神仙閃片」！閃得好高級，一搽對眼即刻有靈魂。 顏色： · 係隻 「香檳金色」，即係好靚嘅淺金色。 · 唔係大塊膠片閃，係超密超細嘅 「碎鑽閃」，光一照好似濕濕哋，好立體！ 不同用法： 1. 眼中提亮：搽少少喺眼皮中間，成個妝即刻貴價晒。 2. 眼頭／臥蠶：點落眼頭同臥蠶，對眼即刻大咗又精靈。 3. 單搽：求其搽一層都好靚，好似對眼自己識發光。 優點： · 粉夠幼，唔會飛到成塊面都係。 · 百搭，襯咩眼影色都得。 如果你只想買一隻貴價閃片色，呢隻 #004SP 絕對唔會買錯，一用就會明點解咁多人讚！

Fng好用推薦：喺官方網站買咗兩隻色，一隻暖色調，偏橙色，另一隻 冷色調，偏紫色。兩粒眼影都好順滑好貼服，冇飛粉情況，同埋係細細的閃，好細緻， 用手指上妝 持久度特別好。

Noel好用推薦：Visee 眼影產品係信心保證，個人而收了好幾盒不同系列👍 老實說，Visee 不同系列的眼影，除了包裝 case 的分別外，眼影拼色、妝效、品質都大致相同，未入坑的靚靚挑 Visee 就對了❗最近子瑜還代言呢！ 驟眼看，以為眼影係四色 quard，打開有驚喜的第五個色🤣 眼影粉質幼細，觸感很滑。而右上的灰色底×銀閃色有 surprise，即使只用來單塗，已經超好看❣眼影粉壓得很實，不飛粉，平日快快化妝趕上班，用手指 apply 也沒有困難💖 基本上這款五色眼影，可以打造到兩個類似的眼妝。而最下方比較實的啡色更可用作眉粉／眼尾加長，真的一盒可以救全家，一物三用，爆CP值❗❗真的沒有時間化妝，我就帶著這盒衝出門👌

橘子貓好用推薦：#BR-2 眼影摸着是軟糯粉質型的，順滑不卡粉、不結塊，易推開，顯色度偏高，可暈染疊色，以平價眼影來說，使用感不錯。 要說缺點的話，稍嫌左上一格的香檳閃粉色底色顯色度不足，會顯得閃片比較呆板單調。整個5色眼影可畫的眼妝風格變化不大，都是日常大地色系眼妝。而且，眼影持久度一般。 整體而言，在平價眼影之中算表現不錯，化妝新手友好，顏色適合的可以入手。

Kmggigi好用推薦：Visee 眼部專用遮瑕膏 — 高性價比遮圈好幫手✨ 質地: 呢款眼部遮瑕膏嘅質地柔順絲滑，滋潤度偏高， 遮瑕膏嚟講，上眼後貼服度算高， 起紋或積線相對算比較少， 對於眼下乾燥肌算友好，轉季後都可以使用。 妝感自然輕盈，唔會有厚重感。 效果: 產品包含兩種基本色調，正好對應遮蓋黑眼圈需要。 使用時可以按自己膚色比例調配， 我通常會先上一層橙色調整暗沉， 再疊加幾層膚色色調去提亮遮瑕，效果自然明亮。 多層疊加時可能會出現輕微結塊， 搽薄啲效果會更理想。 不過以遮瑕力同貼服度嚟講，整體性價比相當高， 係開架品牌入面表現突出的一款。 上遮瑕膏前: 眼底黑眼圈比較明顯，另外有淚溝用手指搽上遮瑕膏後: 輕微遮蓋了黑眼圈同淚溝，但由於顏色比較有限，短時間唔可以調配啱我自己嘅膚色，但有咁嘅效果已經好好👍🏻 總結：溫柔遮瑕力，眼下暗沉救星 Visee 眼部專用遮瑕膏以柔滑質地、自然貼服效果同靈活調色設計見稱，非常適合用嚟遮黑眼圈。 雖然多層疊塗會有少許結塊， 但以佢嘅價位同表現嚟講，真係值得入手！✨

Also melon好用推薦：Visee 雙色遮瑕膏長期都上cosme榜熱賣，佢嘅size好似單色眼影細細盒，一盒有兩隻顏色，感覺扺用。我喺舖頭試上手嘅時候都覺得好似唔太差，質地容易推開，跟住就買咗。 買完之後感覺有少少中伏。真正化妝時直接用上眼底，完全feel到遮瑕膏有啲乾燥，如果用太多又會好乾，太少又遮唔到黑眼圈。另外因為要用橙色再上膚色，其實未定妝之前已經好乾。 如果係成日化妝嘅人一上眼已經有少許乾，化妝之後幾個鐘就真係會顯咗成條乾紋出嚟，表現一般。

Kmggigi好用推薦：Visee 3D Glitter Eye Liquid係一款簡單易用、效果絕美嘅液體眼影，無論新手定化妝達人都可以輕鬆駕馭！✨ 液體眼影設計非常方便，質地柔滑、易於推開， 用手指或者眼影掃都可以輕鬆操作， 完全唔需要高技巧，特別適合化妝新手使用！ 我嘅常用方法係：單搽或者先搽其他顯色眼影打底，再喺眼皮中間點綴少量液體眼影，提升整個眼妝嘅層次感🤣 呢款液體眼影帶有極致閃亮效果， 細緻嘅閃粉喺唔同角度下會反射出多層次光澤， 效果自然又吸睛，無論係日常妝容定派對妝都非常適合👏

Verna好用推薦：我很喜歡bling bling的小物和美妝品，所以當我見到這款眼影液時，立即😍😍😍 急不及待要試試 這款眼影液用法很簡單，只需點在想highlight的地方，我通常會點在眼瞼中間，然後掃均勻就可以，但我總覺得我用手指稍為印開少少的效果比較好😝 所以操作上真的很容易，就算是新手也容易上手 這款眼影液有閃粉，也有閃片，我覺得它閃爍的程度剛剛好，也很美，是屬於不經意的閃，而且當它乾了就不容易掉甩 #火熱新品

Emily Leung好用推薦：Visee眼影｜輕柔奢華，打造去重感混血大眼 可以一次上手的OR-4珊瑚橘色， 輕柔的粉質，雖然是暖調但不腫眼皮， 中間打底色視覺擴張下垂變窄的雙眼皮， 亮片很輕，疊加後很有意思， 在社交距離下看是星星點點的心機閃， 粉質留色持久不氧化， 提升元氣+自帶好感的眼妝就選這盤。

Kura好用推薦：好溫柔嘅眼影顏色，粉質非常細膩，搽上眼可以非常完美修飾我嘅眼型嘅缺點，顯色度高，令到整體嘅妝感都非常立體，非常靚，同埋包裝外型細細盒方便帶去旅行，係新品眼影嘅必選單品 @cosme #眼影 #新品 #眼影 #新品

Kirby好用推薦： 睇都相見到我用到Hit晒pan，我覺得非常好用！ 呢盒雖然係膏狀既4色遮瑕膏，但係好容易推開，亦唔會顯乾紋。我最常用係左邊上下用嚟遮黑眼圈，遮瑕力足效果亦自然。右下用嚟遮暗瘡，暗瘡印等等瑕疵。右上用嚟打亮鼻同眼角位。一盒有多種配搭使用，細細盒帶去旅行都非常方便。

Fng好用推薦：Addiction Skin reflect fresh concealer palette 四色遮瑕盤 # 001 比較啱皮膚偏白嘅人用🤍，左上係遮黑眼圈嘅 右上係highlight ，左下係提亮色， 右下可以用只遮啲小斑點/痘印，基本上一盒已經可以處理哂全部皮膚嘅瑕疵， 質地水潤，不會卡粉。

Sanna Cher好用推薦：整體來說，是一個能夠塑造立體感的胭脂。使用產品附送的化妝掃，在臉頰由外到內，由上至下均勻伸延色彩，大概就是打好多次「1」。 程序完成三次後，會同時做到顯色且增強立體感。

Fng好用推薦：買咗AB09號色，暖棕色調，屬於百搭顏色，上臉柔和夕陽嘅感覺🌅，適合黃皮膚使用。一貫日糸清透感，可以多次疊搽，去打造自己想要嘅深淺色效果， 不會出現重手咗，無可挽回的地步。 另外，驚喜嘅地方係佢好持久，全日妝感維持不變， 粉質細緻，冇結塊情況，同埋佢有漸變層，可以用頂層最淺色做highlight ，另外可以溝埋一齊用，就會有低調blink blink 效果 ，不浮誇， 適合日常妝容。2024 我最常用嘅 胭脂 非佢莫屬 ，打造不同妝容 ，非常方便，性價比又十分之高。

Vivian好用推薦：唇膏塗上是光澤顯色，主打持久不脫色，的確在光澤型唇膏裏面不錯，類似Kate怪獸唇膏，而且價格便宜，開架品牌值得一試

綺羅香好用推薦：由於Visee 嘅開架唔係度度都有，趁圍方新開，特登去嗰邊藥妝店搵呢支係日本比Kate怪獸唇膏更加搶手嘅黏膜持色唇膏，竟然誇張到全部色號都無貨，連試用都無，唯有搵代購買兩隻最熱門PK850同PK851，咁啱係近排行過cosme store見到仲有貨，快快手再買多支OR250 所謂黏膜感，即係模仿嘴唇內黏膜濕潤嘅血色感，自然而柔焦，迷人又睇落無害，係日本逐漸流行，Visee 只係出咗6個色號，選擇唔多，不過色階跨度夠大，唔算難揀，圓柱形黑色外殼，有少少墜手，主打媲美怪獸唇膏嘅持色能力同埋黏膜色，色彩飽和度高，搽兩層已經遮哂原唇色，上唇觸感舒服，唔黏，滋潤度足，有好靚嘅緞光光澤，官方話要等60秒成膜，持色能力先會比較好，不過我發現飲水食嘢都係會甩咗一啲，不過係接受範圍內，出門最好帶埋去補妝，跟住係PK850、PK851同OR250各評 PK850，兔子戀人，代言人子瑜使用色，超級無敵難買到嘅色號，我搵咗好多間代購先買到，但後尾發現cosme store 返咗貨😐，隔幾日再去又俾人搶哂，非常粉嫩嘅珊瑚粉色，無螢光感，搽完感覺個人後生好多，難怪係大熱色號 PK851，任性的肉球，模仿貓咪手

Bendict好用推薦：之前試過好多底霜 一係就比較乾 一係就塞毛孔 所以去@cosme試咗呢支底霜之後買咗 效果非常好 texture好容易推開 亦都好潤 後續上底妝 效果非常好👍 雖然防曬力有少少不足 但佢修飾毛孔效果顯著 我係敏感肌 偏乾 呢隻底霜有潤色效果 潤得黎唔會太厚👍 下面幅相係cpd 同rmk對比 左邊係cpd 右邊係rmk男士如果用CPD 會顯得過白 rmk男士用都啱 所以呢個我推薦 😺👍👍

Steph好用推薦：已經係用緊第二支，係近來發現最好用嘅底霜。鍾意佢有防曬，而且有顏色，質感唔會太薄唔會太厚啱啱好，最好嘅係可以遮到毛孔，用完之後亦都可以上到粉底。有時難起上嚟，但用呢支底霜都可以夠出街用而且都叫做持久，喺冷氣房返工返咗全日，都唔會脫妝咁！

Fng好用推薦：CANMAKE 透亮珠光胭脂粉 #P01，絕對係胭脂平價必選！ ✨ 優點： ✅ 平價高CP：百元內有交易，學生黨恩物！ ✅ 珠光細緻：#P01帶淡粉珍珠光，黃皮上臉自然提氣色，唔會顯毛孔或變金箔臉 ✅ 輕透妝感：日系透明感十足，重手都唔會變關公，適合淡妝日常 ✅ 內附掃具：附送小掃方便補妝，雖然質素普通但應急夠用 💦 持久度： ✅ 冷氣房內約4-5小時開始變淡（需補塗） ❌ 戶外出汗或戴口罩摩擦後掉色快，約2-3小時需補妝 ⚠️ 油肌建議先上啞光底妝，否則珠光易顯毛孔 🌞 香港夏天表現： ✅ 粉質算細膩，無結塊或飛粉問題 ❌ 濕度高日子易溶妝，建議定妝噴霧加固 ⚠️ 缺點： 1. 顯色度偏弱，白皮用自然，黃深膚色需疊擦3-4層 2. 附送掃具難取粉，建議自配胭脂掃 3. 大油肌夏天用可能加速出油 總結：係一支「合格嘅開架珠光胭脂」！適合預算有限、追求自然透亮妝效嘅學生同OL。香港夏天用要記得出門前加固定妝，同埋深黃皮可能要用多幾掃～💖

Kura好用推薦：呢款珠光胭脂粉係打造戀愛粉嫩妝容嘅必備單品，胭脂嘅設計就係滿滿嘅戀愛氣息，心型設計非常符合情人節嘅主題，胭脂粉質細膩，搽上臉顯色度高，飽和度高，就算夏天用都唔會容易溶妝，同埋所有顏色都超級靚，閃粉亦都好靚，整體妝感自然，有氣息，我係選擇包色，咁就可以打造到唔同主題嘅戀愛粉嫩妝容啦，超級適合約會時用 @cosme

格仔餅公主好用推薦：我個人用手指上呢盒都已經覺得好靚，唔係好使技巧，因為佢個粉質好貼服同顯色，建議眼影新手唔想買太貴但又質素唔差既product攞嚟訓練畫眼影簡佢都唔錯

mavis好用推薦：顏色配搭都好容易用，就算係新手都唔會難畫，盒入面有埋掃，帶去旅行都好方便

Dasha好用推薦：B3 Dazed Violet 011色💜 好鍾意呢個顏色！

Lumi Kwan好用推薦：係因為顔色靚所以買，Color mascara以日牌顔色較低飽和度(相對歐美ysl, L’Oréal等)，而且addiction 日雜誌狂推，所以喺香港唔紅都算可惜。 顔色係橙色，掃頭都幾易刷，但較難用落下眼睫毛，份量一拎會較多，所以第一下要小心，相對持久度高，缷妝一定要用眼部專用，而且要落兩次。

auntiemuscle好用推薦：質地係如其名 gel狀，其實未去到啫喱但係係偏gel狀，杰身過liquid foundation,又唔係cream狀咁 都好易推開 我膚色偏深既 用103響faceline,面中用101 用掃掃上面再用濕粉樸拍開 因為我鼻翼毛孔超粗大 我再用掃響毛孔位置打圈咁掃上去 整體都好貼面 易推開 唔會一撻撻 都唔會話好快就kick左 同埋佢係好似有層柔焦左咁 反正毛孔焦立體但遮唔到但好似好滑咁 遮霞度其實唔錯 日系粉底黎講我覺得算高 我面有啲斑都遮到8-9成 同埋都唔乾 唔會有乾紋但我本身鼻翼有啲乾皮 果個位會少少乾 但我平時戶外工作 係冇問題 持妝度ok 冇泛油 但 如果好熱就建議拍多少少碎粉 但佢都有啲啲缺點 就係有大部份日系粉底既問題 最白個tone都唔夠白 白皮會覺得有少少黃（佢出左200 嫁可以去睇下） 但追求極致冷皮係可能唔岩 同埋佢有層柔焦？有時有啲光線望埋下我好似白左😅 如果極乾皮就唔建議 乾皮都可以試企要用潤啲既base

stella好用推薦：質地屬於流質，上臉無調色效果，一隻純保濕底霜。同粉底唔會打交，令成個妝容貼服全日都唔會有浮粉。但我覺得只係啱混合性偏光或者乾性皮膚。油性皮膚可以略過。

Fng好用推薦：suqqu 打底夠滋潤，搽上面等30秒會吸收，同埋有少許提亮效果， 毛孔會隱形30%，但spf15略為不夠，要額外補防曬， 有時朝早趕時間， 唯有用其他品牌嘅打底霜。😑

zetalhc好用推薦：含有滋潤油嘅成分，皮膚覺得好水潤，而且有少少粉紅色嘅提亮效果，後續上妝都好貼服

Fng好用推薦：Canmake棉花糖粉餅 #01繡球花園｜春日限定偽素顏神器！ ✨ 粉質與色調 呢塊春日限定粉餅融合珠光感嘅淡紫、粉紅、米白、嫩黃、淺藍五色，粉質延續棉花糖系列嘅空氣感細滑，但比舊版更多咗層次感！混刷後上臉會自然調節膚色，紫色修正暗黃、粉色提氣色，似為皮膚打上柔光濾鏡～ 🌟 妝效與控油度 實測香港春日潮濕天氣，薄撲一層已有柔焦毛孔效果，控油力屬中等偏上，T區可維持3-4小時乾爽。最驚喜係零粉感不厚重，疊擦兩層都唔會假面，真正做到「若有似無」的偽素顏～ 💔 美中不足 · 遮瑕力近乎零：純粹調色定妝，瑕疵肌要另用遮瑕 · 粉撲依舊難用：建議自配絨面粉撲或散粉刷 · 限定色難回購：錯過季節可能絕版，要囤貨！ 🆚 同系列比較 · VS 經典透明色MB：MB純控油；#01多咗調色提亮功能 · VS 舊版五色蜜粉：新版粉質更貼服，色系更柔和 · VS 薰衣草紫色款：薰衣草款偏冷調；#01冷暖調平衡更百搭 💡 春日使用技巧 1. 三明治定妝：粉底後輕拍→噴定妝噴霧→再薄撲一層 2. 局部調色：單獨沾取紫色掃T區，即刻去黃氣 3. 補妝秘訣：先用吸油紙，再用粉撲按壓出油位 春日適

Emily Leung好用推薦：日本好物｜我願稱佢為🐮e大饼平替！ 前排去東京藥妝店掃貨，摷到呢塊補妝蜜粉餅，終於得閒同大家分享下。 無濾鏡真心分享 ！之前都用過e大饼，但成日斷貨兼貴到飛起，專登去藥妝店睇下有冇代替品，點真係畀我搵到！原來係canmake！！🤭 佢啲粉真係幼到無得彈，唔會死白，顏色帶少少血色感。跟身塊粉扑都唔大，超方便攜帶，放入手袋隨時拿出來控油補妝。 ⭐️粉質：超細緻，好似絨粉咁軟滑，上臉零粉感，唔會卡毛孔。 ⭐️顏色：帶微微血色感，自然提氣色，唔會死白或灰灰哋。 ⭐️妝效：啞光柔焦，一上臉毛孔同油光即刻隱形，妝感乾淨唔厚重。 ⭐️持妝：控油力中等，油皮頂到3-4個鐘，補妝唔結塊，性價比高！ 最緊要係平！百零蚊有咁嘅質素，真心抵玩平替之選！原價千幾日元，真係抵到爛🌝

Wuxx好用推薦：唔係講笑，依個應該係唯一可以係冬天或者極乾天氣下使用嘅粉餅～ 有時帶妝耐得濟我會係日中落妝再上多次妝， 但無理由帶枝粉底液翻公司咁大陣仗， 所以我會隨身帶住粉餅，唔上妝都方便補妝～ 首先冬天嘅使用感係超級滿意！！ 佢上妝後時間耐左係變好靚好靚嘅奶油肌， 除左粉質本身好細滑之外粉質保濕度都非常足夠， 就算妝前保養做得唔太足夠都唔怕， 就算去北海道用佢底妝都係可以好貼同好持妝！ 所以連坐飛機我都係用依隻粉餅上妝～ 但香港依隻粉餅夏天用可能控油同持妝度會稍微不足， 鼻翼和下巴會比較容易出油，有脫妝嘅情況， 但其他部分都可以保持貼服嘅奶油肌～都唔太會暗沉～ **注意選色部分 我用最白嘅色號OC00都會有啲黃， 而換左佢最新出左嘅偏粉調嘅色號BP00之後就好少少 如果你日系粉底色用開明亮色、淺膚色之類可以參考下～

Noelle S好用推薦：四月已經有28度，工作有時要外出，出出入入冷氣地方，食完lunch必定溶妝。呢款maquillage oc10粉餅一開盒就用足一星期，非常適合混合乾皮夏天淡妝用。粉質綿綿的，遮瑕度ok，自然妝感，另加concealer遮黑眼圈，帶上粉盒隨時補補妝就可以last足一日。粉餅𢹂帶方便，上妝方便快速，旅行趕景點shopping又shopping早起搭車搭船，黎緊呢幾個月愈黎愈熱 #出國必備彩妝，遲啲去旅行都諗住靠佢。

LorraineTsung好用推薦：天使粉餅係年年都唔同包裝～(但年年都好靚😍) 2020款開始由舊有既3個版本改左做2個版本 分為”GR專櫃版”同”藥妝版”👈🏻 我自己分別有2018,2019,2020同2021版!!! . 我買既2020同2021都係GR版👆🏻 保濕都會好啲定妝無咁乾👈🏻 但無論係邊個版本都係得一個色號！ . 粉質都好細緻柔滑上臉會有好輕微既遮瑕效果 定妝能力同控油能力我覺得都維持到 雖然會有一定既妝感但唔會面具好假死白既感覺👍🏻 不過唔建議油皮使用❌

inkitsung好用推薦：外觀大於內在，年年都會唔同限定款~ 所以都會唔少人會買嚟珍藏~ 佢本身蜜粉又有分藥妝店版本同專櫃版本~ 個人覺得專櫃嘅會更保濕養膚~ 內在方面，粉質都算幼細，有一定遮瑕度，會感覺有啲妝感~

Kitty 好用推薦：Suqqu唇膏，真係一試就返唔到轉頭！如果你係乾唇人，又鍾意啲水潤感爆棚嘅唇膏，咁就要睇落去啦～ ✨水潤度滿分，乾唇救星！ 首先講下佢嘅質地，真係超級水潤！搽上嘴嗰刻好似搽緊唇膜咁，順滑到不得了，完全唔會卡紋或者起皮。呢排轉季就算我唔打底，直接搽都唔覺得乾，keep住成日個嘴仔都係潤潤哋，好舒服！秋冬咁乾燥嘅天氣，用佢就最啱，唔使驚個唇爆裂見不得人～ 🍂秋冬感滿滿，11號色顯氣質一流！ 我揀咗11號色潤茶，呢隻色真係一見鍾情！佢係嗰種好溫柔嘅玫瑰豆沙色，帶少少暖調，薄薄搽一層已經好提氣色，厚塗就更加有女人味。出街見朋友或者返工用都好得體，唔會太誇張，但又暗暗哋散發出一種高級感。成個氣質即刻提升咗幾個level，連老公都話我今日睇落特別優雅！ 💄持久度同光澤感都唔錯！ 雖然佢水潤，但持久度都算OK，飲嘢食飯會甩少少，但個底色仲會留喺度，唔會一下子打回原形。而且個光澤感好自然，唔係油淋淋嗰種，係好似本身個唇就咁健康咁，睇落好精神～ 總括來講： Suqqu呢支唇膏真係冇得輸！水潤、顯色、仲要包裝靚（佢個設計同質感好高級～）。如果你秋冬換季想搵支又潤又顯氣質嘅唇膏，11號色絕對係首選！真

SKY好用推薦：買的是8號冴褐色，看網上試色覺得好看就買了，但是第一次使用時覺得比網上看到的更紅，不是我想像中的楓葉色，就不太喜歡，也沒有再使用了。最近又把它拿出來用用看。又好像比印象中的橘色很多，又重新喜歡上它了～ 薄塗： 厚塗： 唇膏不會很乾，實際上看會比拍照深色一點點。好喜歡。 另外附上其他服役中的深色唇膏手部試色以供參考： 左邊是Laura Mecier 5號色 Brun Naturel ，偏冷色調，但其實上嘴冷色調不太明顯，很適合暗黑的妝容。 中間是Suqqu 8號冴褐色，明顯偏橙色，適合黃皮。 右邊是MAC Chili，明顯偏紅，不太喜歡，上嘴會顯老。