菸鹼醯胺(Nicotinamide) 推薦好用產品

Paris merci 好用推薦：Cerave 長效保濕晚霜，雖然名稱叫保濕晚霜，但我覺得朝頭早用都好合適。佢嘅質地比較濃稠，但唔會黏膩，對於我乾性皮膚非常適合。而且佢唔係一般嘅乳液狀，係一種比較厚實嘅水份面霜，反而吸收得好快。 有試過晚上用呢款面霜，朝早起身肌膚感到有啲乾，可能因為我需要嘅保濕度再高啲，相反而家入秋早上用就適合。 CeraVe晚霜冇添加香料，敏感肌膚都適合，配方含3種親膚神經思安可以穩定皮膚，而且冇香味，令到肌膚更加唔舒服。保濕效果如果夜晚用再加強啲，就會更加完美。不過而家嚟講都好滿意。冬天會買埋同牌子嘅lotion同cream用，試吓係咪都幾好💕

布吶吶好用推薦：一轉季就皮膚乾燥嘅兄弟姐妹，人手一支！ 天氣一轉涼，塊面就好似鬧鐘咁準時即刻有反應，面頰又紅又乾，急急腳摷返我支Cerave面霜出嚟厚敷一層。 一搽上臉，真係水感大爆發，凍冰冰超舒服，好快吸收咗！無幾耐，塊面嘅紅同燙焫焫嘅感覺就退晒，乾到甩皮嘅面頰都變得水潤十足。照塊鏡一睇，塊面又滑又亮，重帶住啲自然光澤感！！！ 呢支就係我呢個大乾皮秋冬換季必用嘅保濕霜，而家連續用咗幾日，摸落去水噹噹，又飽滿又細滑，皮膚狀態直接拉滿！ #換季#轉季#乾皮 --- 希望這個版本能傳神地表達出原文的驚喜感！如果还有其他修改想法，随时可以提出。

Jcxjessie好用推薦：今次試用咗嘅係CeraVe嘅全效保濕修護眼霜 唧出嚟呢佢嘅質地有少少似膏狀，但係呢又好容易推開。我大概一粒豆左右嘅size，然後係眼周用手指印開。雖然佢好似膏狀咁，但係吸收得好快而且一啲都唔痴笠。 因為我隻眼本身好容易出油，所以我都驚啲眼霜太笠，用完眼周會生粒粒，不過呢呢支我用咗一排，我都冇生粒粒，佢嘅質地都唔係好厚身。 雖然before after 張相有少少色差，但係都睇到用完之後我嘅黑眼圈有淺色左，尤其是右眼比較明顯。

Karen好用推薦：呢款係第一次試用，佢可以有效改善黑眼圈同細紋 暫時而家見到嘅係細紋改善咗

Kitty 好用推薦：La Roche-Posay B3 精華真係色斑救星~用咗半個月：毛孔靜咗、膚色亮咗、印淡咗！ 講真，當初買呢支La Roche-Posay B3 精華係貪佢B3 + 專利抑制黑色素成分呢個組合夠穩陣。我本身混合肌，T字位油到反光，兩頰敏感易紅，下巴仲有啲陰魂不散嘅暗粒同痘印⋯⋯結果用咗兩星期，竟然有驚喜！ ✅ 優點：淡印亮膚 + 收毛孔 + 保濕 1️⃣ 啲印真係淡得快咗！ 以前啲紅印冇兩三個月都唔肯走，而家早晚用，新紅印 1 星期淡七成，舊啡印都慢慢變淺，好似塊面乾淨返咗！ 2️⃣ 暗粒同毛孔靜咗好多！ B3（菸鹼醯胺）果然係抗炎能手！T字位出油少咗，毛孔冇以前咁張開，連下巴啲摸到但擠唔出嘅閉口都平伏咗～ 3️⃣ 美白同時保濕！ 質地係粉紅色凝露狀，推開好水感，吸收後皮膚係潤而不膩。修復皮膚屏障同時提升皮膚自身保水力。 ⚠️ 注意位：初用可能有啲拮？ 頭兩日搽上臉有微微刺癢（尤其爆痘位），不過唔會紅腫。櫃姐話係B3起緊作用，叫我減量（隔日用）。果然第3日就冇事～敏感肌建議先試局部！ 💰 性價比：貴得有道理？ $500+ 一支（30 ml）唔算平，但成分乾淨（冇

natanatalie好用推薦：補濕不錯，但美白不太有感。。。 質地好清爽，好快吸收一啲都唔笠，而且美白精華嚟講補濕效果唔錯，不過價錢唔平嘅佢美白效果不太明顯。

Miaomiao好用推薦：質地係奶白色，比平時用開既枝裝洗面奶偏流質。搓開泡泡唔多但綿密，按摩面部既時候感覺細膩。Cerave本身都主打係皮膚科醫生推薦既品牌，呢款潔膚露冇任何添加香味，用係眼周亦冇刺激覺，敏感皮膚可以放心使用。 夏天痴笠笠想洗乾淨皮膚既油脂，但係冷氣又令皮膚易乾，更加擔心過度清潔會破壞水油平衡。呢枝可以做到洗後清爽得黎唔繃緊，有足夠既補濕能力應對乾燥冷氣環境，有效穩定夏日肌膚。 平時出街主要搽防曬prima/bb cream，再加唇膏同畫眉，有刻意試過用完呢款洗面奶再用卸妝紙抹面，冇抹到任何顏色，證明係卸得乾淨既。可以一次過做曬卸妝+洗面非常方便。 之前都有用過藥妝店常見個款卸妝洗面乳，雖然都卸得乾淨，但係洗完面既感覺比較乾，塊面摸落好"啜"手。Cerave呢款用後既感覺會更加溫和、滋潤。

劉肥貓好用推薦：呢隻潔膚液性質溫和，但佢嘅清潔力比起其他牌子嘅溫和潔膚露強一點 過水即爽 冇香料配方

Mei_pk好用推薦：這款洗面奶，適合敏感肌，潔淨力ok，但是我個人比較喜歡用藍色的水楊酸。

格仔餅公主好用推薦：有少少傷口都唔會嗱，同埋有岩岩好既潔淨感覺，唔會刺激到皮膚，夏天用都唔會乾爭爭成個感覺岩岩好

poonpoon好用推薦：Cerave 長效保濕防曬面霜SPF30🧴 😉質地：乳白色乳霜，容易推開唔算特別厚身，推開後要少少時間先會吸收晒。有足夠保濕度同時有防曬力，會偏油膩，但不黏立。 😀功效：保濕度強，保濕度幾乎等同潤膚膏。成份同時溫和，令到皮膚表面不會乾燥，而且曬完用佢可以降紅。成份不致痘，不刺激，無香精，添加了SPF30嘅防曬功效，日間室內足夠防曬度。 ☺️用後感：我屬於乾性皮膚，只要不用化妝嘅日子就會用，一朝早出門口就會用，一支有兩種功能十分方便。我鍾意搽完乳霜之後留有嘅滋潤感，依枝剛足夠，全日足夠保濕。 因為防曬需要搽足夠份量，依支乳液五月開，我大概一星期用五日，用咗一、兩個月就接近用晒。 乳液添加了防曬成份，味道不討好。 😇適合人士：混合皮膚至油性皮膚不太適合，恐防出暗粒，建議用返乳液同防曬分開兩枝 適合敏感肌及乾性皮膚。 🤭Tips:建議官方用法，將乳液擠喺手上語法，然後再按壓上面。或者喺乳液添加精華液，令乳霜更水潤。

Poyobb好用推薦：Cerave 乳液有AM同PM，呢支係AM有添加SPF30防曬度，日常防曬/室內使用足夠，一支已經可以做到護膚保濕同防曬功效。白色乳霜質地容易推開，而且添加咗3種護膚成份，神經酰胺、煙酰胺、玻尿酸，保護皮膚屏障👍🏻 雖然係無油配方，但高保濕效果再加防曬度會有點油份，夏天會過於滋潤，對於我混合性皮膚嚟講，會少許殘留嘅油感，用完會容易起暗粒，用咗幾次就俾咗屋企人。依款乳液比較適合中性至乾性皮膚使用。

choichoi好用推薦：茶樹油一直是我抗痘良伴但未知是否年紀漸長開始失效？效果是大不如前了。對抗石頭瘡改為使用其他產品，這款有即時消炎感，塗抹後瘡沒那麼痛，勤力點一天三次更可達至加快暗瘡代謝

YYeman好用推薦：終於俾我搵到妝前救星！MAC白芍面霜 卡粉甩皮嘅姊妹集合！我唔准仲有人未用過MAC呢支白芍面霜，真係完美掌握咗妝前保濕嘅精髓，簡直就係底妝嘅神級助攻！ 質地係輕盈嘅雪糕感，一推就開，潤得嚟唔油膩，完全唔會對皮膚造成負擔。每次用佢，都覺得似同塊面做緊豪華SPA，皮膚即刻被水潤包住。 核心成分係珍稀雪域白芍，再加煙酰胺、神經酰胺同霍霍巴籽油，組成Pro4修護矩陣。唔單止可以由底層提亮膚色，仲可以平衡、重塑同加強皮膚屏障，等塊面由內到外散發健康光澤。即使帶妝成日，個底妝都依然乾淨透亮，暗沈卡粉全部消失！ 用咗佢之後，上妝超順滑，粉底好似同皮膚融合咗一樣，毛孔、乾紋統統隱形，鼻翼同嘴角呢啲易卡粉位都變得貼服。無論你係乾皮、油皮定混油皮，佢都輕鬆駕馭，真係全膚質通用嘅寶藏面霜！ 一支搞掂妝前保濕、提亮同養膚，MAC白芍面霜簡直就係底妝界嘅「全能王」，邊個用都會愛上！未試過嘅寶貝一定要試，絕對會成為你嘅妝前新寵！ -

Nicole 好用推薦： 質地比較厚身，但都算容易推開，自帶淡淡香味。 我通常天氣比較乾燥時才會用它，只針對局部位置，不會全面都用（本身混油皮）不用塗太厚，不要塗完馬上上粉底，給它一點時間吸收，後續底妝會更服貼和不卡粉。

Kit wong好用推薦：喺屈臣氏買，最初見到個包裝好靚（顏色搶眼）就俾佢吸引左目光，之後都search過評價好似OK，所以就買一盒試下。一盒5塊要百五咁上下，平均一塊30蚊到，係有少少貴🥲所以唔會日日用！但只要用一塊，都的確有即時見效嘅感覺，好似前排轉季兩邊面出暗粒，下巴又有泛紅，敷左mask之後真係有緩和到，而且暗痘都無再出現！幾有效！有幾次覺得乾/有出瘡瘡/有泛紅，都會用佢，用完之後唔可以話完全好返晒，但有感覺係慢慢好返，好似幫皮膚調理返咁👍🏻 我覺得雖然一盒唔算平，但屋企常備一盒，久唔久拎嚟急救其實都OK ☺️題外話 第一次用嘅時候，差啲唔識開，以為要用較剪剪咁麻煩😂 原來佢有個超隱藏嘅開口😂😂 我覺得可以整得明顯啲囉……分享面膜實際個樣，某啲部位有兩層，主打嗰幾個位「密集修護」，有兩層嘅嗰幾個位包括鼻同雙頰，有感覺到貼啲、包得好啲，所以會有精華吸收得更好嘅感覺，但以效果而言係咪特別有用，就無好大感覺（似gimmick 多啲LOL😂) 但重申一次，其實成塊都好用，只係無佢講嘅針對壓力位有特別效果，急救都始終係一流的！

Beautygirl好用推薦：今次好開心有機會試用aio新推出嘅面膜。period前皮膚會變得唔穩定，同埋翻工長期處於冷氣地方，皮膚都偏乾，平時都會膚面膜保濕。呢款aio面膜非常適合穩定皮膚，加強保濕。 呢款4合1面膜嘅設計與別不同，有重點集中修護面部四大壓力區，採用雙層膜布設計，令到皮膚吸收得更好。用完一星期覺得法令紋都有淡左，肌膚更保水！ 用完產品唔會覺得痴立立，做到溫和、低敏及親膚的效果。早排做完醫美pico，塊面特別乾，因為無添加色素，無添加香料及無添加尼泊金脂類防腐劑，做完療程用都唔擔心！用完上妝都貼服好多。

Gloria好用推薦： 好開心可以得到Cosme X 毛孔護理專家Benefit PORE CARE毛孔護理系列-毛孔水份導入精華（爆水泡泡珠）嘅試用。佢呢個爆水珠珠，係一個水性嘅啫喱入面有油性嘅珠珠，啫喱狀可以好易推開，滋潤的油就慢慢滲透入皮膚，接摩吸收完，會覺得皮膚有一層精華油嘅膜咁好滋潤，但又清爽不立痴痴。佢呢個啫喱狀接觸到皮膚就開始慢慢溶化，而佢個玻璃樽加上樽口設計，要大力少少先可以倒到出嚟，所以較難控制用量。我T字位容易出油，毛孔好粗大，特別下巴位置有好多粒粒。 試用時覺得出油少咗，不過毛孔無變化，皮膚就變得有光澤又好水潤咁。大概第14日，朝早發現下巴位的粒粒裏面啲污糟野浮晒出嚟。用化妝棉清理浮出嚟嘅污糟之後，下巴即刻光滑咗好多，粒粒減淡咗。 用左兩星期嚟講，我覺得用爆水泡泡珠，對於毛孔粗大嘅情況我覺得冇乜太大幫助，但毛孔會乾淨咗，出油情況係改善好多可以keep到成日，同埋皮膚好光澤，膚色均勻咗，摸落去係滑咗嘅。

Carcar好用推薦：首先多謝@cosme 同Benefit 抽中試用一系列收毛孔新品🥳 好開心因為之前自己買過Benefit 既毛孔細緻乳霜黎用，都覺得好好用。今次可以試下其他野🤩正！ 講下個包裝先，好少讚包裝靚，但佢隻色真係好鬼靚，一打開個內盒係粉紅色，撞得好靚，一路開一路期待試呢支 毛孔水份導入精華（爆水泡泡珠）😍 一拎出黎，嘩，d爆珠睇落閃令令，好靚，即刻試用下先！ 試上手，少少份量已經可以推開全隻手。啫哩質地水潤柔滑，一抹即時補充水份。乾燥既細紋即刻被撫平，用後肌膚明顯感到滋潤同嫩滑❤️❤️ 前後前後搽上面時，會聞到淡淡既玫瑰果清香，感覺舒服😌 持續使用兩星期，配合其他benefit產品（滑溜毛孔去角質粉、緊緻毛孔睡眠面膜），面部肌膚變得柔滑，面頰毛孔變細緻。而且感覺後續護膚品更易吸收👍🏻👍🏻👍🏻 肌膚依家水油平衡，訓醒冇再滿面油光😍返工坐喺冷氣房內，到下午都只係出少少少少油，個妝貼服左好多！好開心好鍾意❤️ 推薦給水油唔平衡，T字位油，面頰乾既混合肌🫶🏻

Emily Leung好用推薦：混油皮本人在這個夏天遇到的新寶藏面霜 偶然發現了肌研極潤的這個寶藏面霜！價格也很友好，便宜大碗怎麼用也不心疼！ 🌟打開之後，有一個小勺，我對這種設計特別愛，不用擔心指甲縫里吃面霜的情況 🌟再來看面霜，質地就真的像是雪葩、冰沙一樣，有種肌膚吃冰淇淋的趕腳！很像綿綿冰那種，不愧是叫雪葩霜 🌟然後聞起來是那種淡淡的清香，不是那種低劣香精味，聞起來就很安心 🌟試用了一下，使用感受也是相當驚艷，首先它是那種一抹化水的，抹上很快就吸收了！把水都喝進了皮膚里啦～補水保濕效果是很顯著的，對於混油皮來說，也很清爽，如果晚上用第二天完全不會變成大油田，也不會滋潤度不夠～ 而且用完是那種啞光肌，上妝前用也不會搓泥，夏天能擁有啞光肌！整體來說還是很推薦油皮混油皮夏天來用的，推薦肌研雪葩霜，真的不錯！

KaKi321好用推薦：今次已經係多次回購呢款面霜，前排因為打算再試吓其他產品，於是就停用咗呢款保濕面霜。結果，就開始爆返好多暗瘡。 肌研Hada Labo 極潤保濕清爽水分露（$99–係Waston購入） 使用方法好簡單，我習慣先噴左保濕水，等保濕水完全吸收之後，先至再搽肌研嘅水分露。 水分露嘅質地清爽，唔會痴黐立立。我本身好怕搽完面霜之後，塊面會好容易出油。呢一款水分露完全唔會有呢個問題，揸塊面之後感覺係舒服。 另外，我額頭一直都好容易出暗瘡，但係搽完佢之後真係會少咗好多。感覺到佢真係有符合返產品描述嗰度講嘅，舒緩及修復受損肌膚，提高肌膚穩定性。

Chloeincosme好用推薦：呢款係由泰國紅到台灣再黎到香港既肌亮水潤精華乳，已經連續使用咗兩個月，真係感受到佢不同凡響嘅效果。呢款身體乳液質地輕盈，容易推開，塗上去即時感覺皮膚好水潤，完全唔會有黏膩感，對於夏天使用特別合適。 使用咗大約幾個星期，我發現皮膚有明顯嘅改善，特別係肌膚嘅亮度，真係白咗一度！而且佢有滋潤效果，即使係冷氣房訓足12粒鐘，皮膚都唔再乾燥。每次洗完澡後用，皮膚感覺好似有一層保護膜包圍住，保持住濕潤狀態，但阻唔會油笠笠。 最開心嘅係，佢嘅吸收速度非常快，唔使等太耐就可以著返衫，非常方便。 總結：肌亮水潤精華乳係一款性價比高、效果明顯嘅產品，特別適合想改善肌膚狀態嘅你地☺️ 如果你都想要一個水潤亮白嘅肌膚，呢款乳液絕對值得一試！

Kpl6be6好用推薦：#夏天 必備❗❗呢支精華凝乳質地比普通潤膚乳更輕薄～感覺滲透效果更佳～一推開已被皮膚妥妥吸收 (笑)～除咗水潤度十足之外～重點係可以令皮膚光澤度同亮白度都有明顯提升！！

Chloeincosme好用推薦：最近買咗Vaseline嘅日常防曬提亮精華液，用後感真係好好。呢款防曬美若其名：似足精華液！質地輕盈，容易吸收，塗上去之後唔會黏膩，搽防曬好似搽cream咁，即時感受到肌膚變得更加水潤，完全唔會太過厚重！ 而佢既基本功能防曬力都十足，擁有SPF 50+PA++++嘅保護，對於日常出街/ 做運動都非常合適！ 我真係好推薦！如果你想要一款價錢相宜，防曬力又十足既身體防曬，Vaseline呢款防曬絕對值得試下！

JessicaB好用推薦：☀️投奔夏季，背心短裙仔都要出動喇😎！香港嘅夏天太陽猛烈，紫外線指數又高，一定要高度防曬呀🥵，仲要keep住💦水潤透光嘅肌膚，凡士林嘅「日常提亮防曬精華液 SPF 50+ PA++++」，仲有泰國🇹🇭每8秒賣出1支’ 嘅「肌亮水潤精華凝乳 Dewy Radiance」就係Caca今個summer嘅防曬partner 🙌🏻！ 🩵【凡士林日常提亮防曬精華液 SPF 50+ PA++++】 😎室內、室外，都有效抵禦5大肌膚傷害。 🈶助防止UVA & UVB紫外線對肌膚造成傷害，適合每日使用🫶🏻 🈶效抵禦空氣污染~、藍光及冷氣乾燥等傷害 🈶維他命B3、C 及E，為肌膚注入所需營養，散發自然透亮光澤*。 🈶效快速吸收，質地清爽不黐笠

choichoi好用推薦：輕盈的保濕霜像流動的啫喱般透薄，稍稍按摩便被吸收而且臉是滑的不會卡卡的，因此上妝前使用也沒有跟粉底產品打架而起屑，日間晚上保濕也適用

iliya 好用推薦：呢款保濕霜係偏啫喱狀嘅質地，輕度而容易吸收，係最基本嘅保濕產品，但係就冇其他特別嘅功能啦！🙈

Sophiaso好用推薦：冇試香味就買，香味個人麻麻地，泡泡都好棉密，沖完涼唔會覺得乾，都OK

A&R好用推薦：純粹因為香味而買，lux 產品出名香味濃烈，而且質地好杰身，唔會好似溝咗水禁稀。香水味藍風鈴味道好香，沖完涼都滋潤。價錢中等。不過好似冇抗菌功效。

貓餅好用推薦：呢支隔離霜有少少提亮效果，係可以修飾到毛孔，質地似乳霜狀，非常柔軟，容易推開，推開之後，毛孔係唔見咗，但缺點係有啲乾

karlula好用推薦：03膚色，質地好推，主要真係可以淡化毛孔，亦有啲均勻膚色，好用嘅妝前

natanatalie好用推薦：好適合油肌使用嘅精華，尤其夏天用感覺更好！質地好清爽一啲都唔笠，好啱油肌，而且用完有小小控油效果，讚！ 用左一排，毛孔明顯細緻左，肌膚亦無咁粗糙，而且粉刺都小左，夏天必買！

Helen好用推薦：敏感肌唔太建議用，上面會有少少刺痛感 但局部用T-Zone位去黑頭唔錯， 同埋毛孔閉塞係有好左

sp_113好用推薦：一直用緊B5 gel，夏天夠用，但一到冬天就覺得唔夠保濕。每次用完好快就乾燥返，底層仍然好缺水，有種治標唔治本嘅感覺。睇完YouTube 袁彌明介紹吸引左去買，結果成為最愛，已經回購四五支！ ✅改善乾燥&泛紅 B3會刺激皮膚生分子釘，皮膚就可以鎖水同減少乾燥。依支B3 13%濃度高，所以效果顯著。長期用膚質有改善，感覺有修復皮膚底層，無以前咁易甩皮同泛紅。 ✅容易吸收 質地係水狀，搽完好快吸收，唔會笠痴痴 ✅成份安全 成份簡單安全，敏感皮膚適用

Hannah好用推薦：一款令面部油脂分泌平衡嘅產品 用完第二朝已經明顯唔會出咁多油，毛孔較幼細 質地易吸收

Milo101好用推薦：台灣購入的提提研面膜，之前用過藍色超導水保濕款覺得好好用，後來再入手紅色美白呢款試試。 面膜紙材質是超級纖維，用落不像布也不像紙質，反而有點像蒟蒻，而且是超薄的，超強貼服度依然是此面膜的最大優點，見到jaw line位都可以覆蓋貼合就知道： 精華液份量充足，敷10-15分鐘期間，如果覺得精華液吸收得七七八八，可以將包裝袋剩餘的精華液補上。而且不會敏感，敷完即使不過水都可以，不會黏立。至於美白效果，敷完後的幾個鐘都有明顯亮白，過了一晚後就不能持續了。

KDing好用推薦：保濕效果唔同 用完塊面都可以keep到一日既水潤感 亮白就有少少

mandy好用推薦：Quality 1st The Derma Sensitive 專業皮膚護理系列 敏感肌專用面膜 7片 $38.5 (2件9折, 之後再95折) from松本清 面膜富彈性，可完全緊貼面部，大小剛剛好，不會太大或太細。 成分溫和，而且含有大量的保濕、抗衰老及鎮靜消炎等成分。 精華量尚算充足(但精華量比Derma Laser 真皮激光 Super VC100面膜少，喜歡敷爆水感面膜的要留意呀!) 使用感舒適放鬆，敏感肌也可敷此面膜， 使用後肌膚即時回復水嫩，而且有效擊退泛紅。 官方使用方法: 於潔淨面部使用，每次只需敷約3分鐘 (我會敷大約5分鐘)。 建議大家可以在早上快速敷這片面膜，不要少看這短短幾分鐘， 可有效即時保濕及鎮靜消炎，而且後續上底妝會更貼面唷~ 含保濕成分: 雙丙甘醇, 甘油, 覆膜酵母菌發酵產物濾液, 神經醯胺 9, 神經醯胺 2, 神經醯胺 3, Ceramide Ag, 神經醯胺 AP, 葡糖基神經醯胺, 黃芩根萃取, 茶葉萃取, 二（月桂醯胺穀氨醯胺）賴氨酸鈉, α-葡聚糖, 玻尿酸鈉, 維他命C磷酸鎂鹽, 甜菜鹼, PCA 鈉, 乳酸鈉, 精氨酸,

Iriskam好用推薦：我因為坐長途機導致皮膚非常乾燥，起粒粒同痘痘，連續使用這個面膜7天後皮膚好了很多，有保濕和抗炎功效，推薦！！