脫皮 推薦好用產品

莓莓好用推薦：La Roche-Posay Cicaplast Baume B5（萬用修復霜）測評 包裝質感： 牙膏管身，開口細，好控制用量。但用到最後要剪開先刮得乾淨，呢樣扣少少分。 質地與氣味： 白色厚身乳霜，推開有少少白痕，但輕印就會吸收。無香味（無添加香料），只有好淡嘅原材料味，敏感肌友好。 使用感受： 搽上皮膚感覺滋潤但唔油膩，有層薄薄嘅保護膜。適合局部厚敷（如乾燥脫皮、泛紅位置）或全面薄塗（當急救面膜）。唔建議長時間全面厚敷，可能會生粉刺。 成分專業分析： · Panthenol（維他命B5）：核心成分，深層保濕、促進皮膚修復 · Madecassoside（積雪草苷）：抗炎、舒緩泛紅 · Manganese + Copper + Zinc：礦物質複合物，幫助傷口癒合 · Shea Butter：滋潤鎖水 ❌ 含氫氧化鉀：極少數敏感肌可能有輕微刺熱感 適用場景（重點！）： · ✅ 乾燥脫皮、敏感泛紅 · ✅ 濕疹輔助護理（非急性期） · ✅ 醫美後、雷射後修復（醫生同意下） · ✅ 嬰兒尿布疹、大人手腳乾裂 · ✅ 輕微擦傷、曬後舒緩 · ❌ 暗瘡嚴重發炎期（太厚可能焗瘡）

Fng好用推薦：LaRochePosay B5萬用修復霜用後感 🚒✨ 如果你同我一樣，成日出入冷氣房搞到塊面乾繃繃，又或者轉季時皮膚狀態唔穩定，相信你對呢支B5霜一啲都唔陌生。佢係法國藥妝界嘅傳奇產品，有人叫佢「萬能霜」，有人叫佢「爛臉救星」 🧴 質地：白色乳霜，有少少厚但可接受 · 擠出嚟係白色實色乳霜，睇落有少少厚。推開會有輕微白痕，但只要輕輕印多幾下就會吸收。 · 無香料，只有好淡嘅原材料味，敏感肌友好。 上手貼士：千祈唔好就咁「捽」上塊面！我會喺手心搓熱幾下，等佢乳化咗再輕輕按上面，咁樣就唔會好似戴咗面具咁焗住。 🔥 快速急救：退紅止痛超快，雪凍用效果更勁！ · 雪凍厚敷嗰陣，退紅速度真係無得頂。 · 我試過面頰敏感泛紅，薄薄搽一層過夜，第二朝起身泛紅同甩皮嘅位置明顯穩定咗、摸落冇咁粗糙。 · 如果皮膚乾到脫皮或者曬傷，可以試下雪凍厚敷，即時涼浸浸，五分鐘壓倒性舒緩！ 🛡️ 修復屏障：穩定膚況，唔會乾到扯住 · B5入面嘅5%維他命原B5同積雪草萃取，可以修復受損嘅肌膚屏障，同時舒緩炎症。 · 喺又濕又焗嘅香港，我夜晚開住冷氣用好夠保濕，唔會乾繃繃。有中性肌用家分享，洗完面搽完爽

Chloeincosme好用推薦：呢枝Kiehl’s Facial Cream 係前排Sogx 特價果時買😂 呢款經典保濕霜網上評價好壞參半，今次親身用落，終於明白點解咁多人中意！ 🤍 保濕力：3.5/5 質地柔潤但唔厚重，推開後好快吸收，形成輕薄保濕膜，但我全晚開冷氣嘅話會有少少唔夠保濕🥲🥲 🤍 質地吸收：4/5 延展性好高，少少份量就夠搽全面，按摩兩下已經食入皮膚～ 🤍 溫和度：4/5 冇香料酒精，敏感肌用落零刺激，轉季期間皮膚穩定咗，冇再無故泛紅～ 🤍 適用性：4/5 混合偏乾肌同混合肌用啱啱好，但極乾燥天氣可能要疊加精華油先夠力；油肌夏天用可能覺得有少少潤～ PS.有人話用佢用到爆痘，但我又冇！介意既記得去睇佢個成份表/ 拎sample先！ 總結： Kiehl’s呢支面霜係穩陣嘅日常保濕之選，尤其適合混合偏乾至混合肌，或者身處冷氣環境嘅人～ 不過岩我既面霜太多，佢我就未必回購！

Tszki好用推薦：Kiehl's 第三代面霜即為其皇牌產品 Kiehl's 特效保濕乳霜 (Ultra Facial Cream) 的全新升級版本。 輕盈不黏膩質地，吸收速度快，適合早晚使用。改善乾燥脫皮的效果顯著，令肌膚柔嫩。但在極端乾燥環境下，可能需要疊加精華液；而油性肌膚在夏季可能會感到稍顯滋。 新配方能滲透肌膚表層達 15 層，提供更深層的補水。此面霜能在 1 小時內 開始修復肌膚屏障，並在 2 小時內重建屏障功能。保濕力由原先的 24 小時延長至 72 小時，能有效防止水分流失並舒緩泛紅乾癢。堅持無添加酒精、香料、色素、礦物油及 Parabens 防腐劑，適合包括敏感肌在內的所有膚質。 

Kathy Wai好用推薦： 喂喂喂～成日話「d program」係敏感肌救星，今次等我真人實測佢哋支修復面霜，睇吓係咪真係咁神！ 【質地】 一打開係雪芭狀，推開嗰下「嘶」一聲溶化，好似軟雪糕咁滑～敏感肌最怕笠，呢隻吸收勁快，拍兩拍就冇曬油光，夜晚搽完第朝塊面仲係爽身粉手感，正！ 【急救效果】 前排轉季塊面紅到似關公，厚敷一層（當sleeping mask用），第二日即刻降溫退紅。最驚喜係甩皮位，連續搽3日，鼻翼邊啲「紙巾碎屑」全部收皮，上粉底終於唔會裂開！ 【續航力】 朝早搽完，喺冷氣房坐到下晝4點，兩邊面珠仲係飲飽水咁脹卜卜。但大乾肌可能要溝油，混合肌/敏感肌用剛剛好～ 【小總結】 ✔️退紅力：🌕🌕🌕🌕🌗 ✔️保濕續航：🌕🌕🌕🌕🌑 ✔️笠感指數：🌑🌑🌑🌑🌑（零笠！） 一句到尾：比佢個包裝呃咗以為好厚，點知係輕盈版急救神器！敏感肌想找唔怕踩雷嘅面霜，呢隻有買貴冇買錯～（拍心口） 溫馨提示：皮膚問題嚴重記得睇醫生，呢隻主要係舒緩穩定，唔係藥品呀～

Chloeincosme好用推薦：（你見我影到咁夢幻就知我想大讚佢🤍😆） 前排皮膚長期唔穩定，除左泛紅仲狂出粒粒，所以開左D program Skin Repair Dream 呢款面霜。 揀佢係因為佢嘅配方超溫和，冇酒精、冇香料、冇色素，仲標明「不致粉刺配方」，而且通過敏感同刺激測試，見落都安心！ 🤍 溫和度：5/5 完全冇酒精香料，敏感肌用零刺激！就算皮膚泛紅期間使用都冇刺痛，仲有舒緩效果～ 長期用泛紅有所改善！ 🤍 不致粉刺：5/5 標明「不致粉刺配方」，用咗兩星期都冇生新粒粒，連平時易生暗瘡既面側位都好穩定～（之前用一隻韓國牌子會搞到暗瘡爆得仲勁！ 🤍 保濕修護：4/5 質地柔潤唔厚重，推開後形成保護膜，第二朝起身皮膚水潤飽滿，冇再乾到甩皮～ * 但佢絕對唔係非常非常滋潤/ 油潤嘅面霜，佢喺偏水潤！如果極乾肌就要用保濕精華打底！ 🤍 配方安心：5/5 無添加防腐劑，通過敏感測試，對成分挑剔嘅人可以放心使用～ 總結： d program呢支面霜救左我呢個敏感肌同易生粒粒既人🥹溫和得嚟做到基本保濕修護，仲唔會刺激粉刺問題～會回購，推薦！

Fng好用推薦： Dior Le Baume 全效修護萬用霜 最強萬用霜 vs 最美千鳥格護手霜，邊款先係你嘅本命？ 💖 作為一個成日對住電腦嘅熟齡混合肌，乾燥敏感總係無處不在。今次一口氣入手咗Dior兩款話題新品～ 🩷 Le Baume 全效修護萬用霜：多功能懶人救星 🧴 設計貼心：輕巧鵝卵石外型配Logomania圖騰，高級得嚟仲單手開到，放喺小手袋都無問題。 ✨ 質地做到「吸收快但鎖水力強」：白色乳霜本來驚太厚，但一推就化開，好似有一層保護膜包住，但完全唔油！混乾肌用完有即時飲飽水嘅軟熟感，有評測話6小時後水分仲可以+60%！急救我濕疹手，關節裂咗嘅位搽完第3日突然自己埋口，好神奇。 💯 真正一瓶走天涯：一支搞掂護手、護唇、敏感急救、指甲邊，甚至身體乾燥位都ok。乾肌上妝易卡粉？薄薄搽上面當打底，妝感會貼服，無咁易出乾紋！ 📌 小總結：全能、高效、無味，適合追求實用性同高效修復嘅人。 🌸 Miss Dior 千鳥格柔潤護手霜：隨身香氛時尚單品 近年Dior最靚包裝之一！以格拉斯玫瑰花水為基底，一搽就好似噴咗Miss Dior香水咁，散發住玫瑰同白麝香嘅浪漫花香。絲絨質地輕盈清爽

Kitty 好用推薦：我係混合性肌膚，T字位出油，但面頰有時會好乾，尤其係轉天氣或者開冷氣瞓覺之後，塊面會黐立立但又覺得繃緊，好麻煩。 質地同氣味： 個包裝已經贏咗，有質感又方便攜帶。入面嘅cream質地超柔潤，搽完好軟滑舒服，有滋潤感。因為小朋友都可以搽，應該冇加咩香精，氣味方面冇乜特別。 用後感覺同效果： 1. 即刻飲飽水感： 搽上面嗰一下，第一個感覺就係好潤澤，但完全唔會立！佢好似一秒鐘就俾塊面吸收咗，皮膚即刻變得軟熟咗，摸落去滑捋捋。之前面頰乾到有啲甩皮，用咗佢之後，啲乾紋即刻冇咁顯眼，好似飲飽水咁。 2. 持久保濕，唔再外油內乾： 最驚喜係佢嘅持久度！以前用啲cream，朝早起身個T字位成面油，但而家呢種情況改善咗好多。佢好似幫我平衡返啲油水，令到皮膚狀態穩定咗，唔會再亂出油或者異常繃緊。開成晚冷氣，第二朝起身塊面都依然keep到水潤，冇摷住嘅感覺。 3. 膚色提亮，有光澤： 用咗一段時間，發現塊面冇之前咁暗啞，有種健康嘅光澤感，唔係油光嚟㗎！上粉底都貼服咗，冇再因為皮膚乾而起擦膠碎。 4. 係咪真係萬用？ 老實講，佢唔係一支神奇藥膏，唔會話用完乜嘢紋都冇晒。但係作為一支高級嘅日常

Kitty 好用推薦：【實試分享】理膚泉 B5 精華 - 冷氣房救星！保濕力爆燈💦 夏天必備！ 最近天氣熱到爆炸🔥，成日要長駐冷氣房，塊面乾到好似沙漠咁，仲有啲位會繃緊甩皮... 真係好炆！聽人講La Roche-Posay 隻B5修復精華好勁，話保濕修復一流，專對付乾燥敏感。忍唔住手入咗支，用咗一排，真係要同大家講：嘩！真係得喎！冷氣房保濕救星非佢莫屬！ 💙 ✨ 重點感受：保濕效果真係超！級！掂！ 1. 即刻飲飽水嘅感覺💧： 支精華質地係帶少少杰身嘅半透明gel狀，推開係超！級！水！潤！。一搽上塊面，嘩，好似乾咗嘅海綿遇到水咁，咻一聲即刻吸晒落去！吸收得勁快，皮膚即刻有種飲飽水嘅滿足感，摸落去係軟熟咗、潤咗，但個表面係有種滋潤嘅清爽感！呢點對夏天嚟講真係超重要！ 2. 冷氣房長效鎖水💨❄️： 重點嚟啦！以前喺office/屋企長開冷氣，未到中午塊面已經乾到攝住，甚至會出少少乾紋。用咗呢支B5精華之後，情況真係大大改善！佢嘅保濕力唔係得個“即”字，而係好持久。就算對住部冷氣機直吹幾個鐘，塊面都keep住係潤澤有彈性，冇咗嗰種扯住扯住嘅乾燥感同繃緊感。佢入面有維他命原B5 (Panthenol) 同

Yeonjung好用推薦：理膚泉B5精華💧 最近用晒理膚泉嘅B5精華，真心想推介俾有需要嘅姊妹們！💙 ✨ 主要功效 呢款精華嘅核心成分係泛醇（B5）同透明質酸，主打修復同保濕。泛醇有強效嘅修復同舒緩功效，可以快速紓緩皮膚乾燥同泛紅問題。而透明質酸就提供深層補水，令肌膚更柔軟有彈性。 🌸 使用體驗 質地有少少似精華乳，上面有少少黏稠感。 💧 使用方法 每日早晚洗面後，拎適量B5精華搽喺塊面同頸度，輕輕按摩到吸收。可以喺用之前噴一層水，會吸收得更快。 🎈 適合人群 乾皮同需要修復肌膚屏障嘅人都好啱用！就算你係油皮，都可以喺轉季嗰陣拎嚟急救用。 ✅ 總結 總括嚟講，理膚泉B5精華真係令人好安心。希望所有追求健康水潤肌嘅姊妹們都用得到佢～

Eun H好用推薦：使用了 Helena Rubinstein 黑繃帶面霜 一段時間，質地偏滋潤但延展性很好。皮膚乾燥或狀態不穩定時用，修護和舒緩感覺不錯，第二天皮膚會比較柔軟穩定。不過對我來說稍微有點厚重，建議少量使用或晚上用會更合適。整體是一款修護力不錯的面霜。

Kmggigi好用推薦：HR Replasty 修復晚霜 — 高效修復，減淡泛紅細紋✨ 效果: 呢款晚霜嘅修復效果非常顯著， 使用後可以有效抑制泛紅同減淡細紋， 尤其適合需要修護嘅脆弱肌膚，幫助重建健康膚質。 雖然晚霜本身滋潤度唔錯， 但對於乾肌用家，如果皮膚屏障唔算好強， 建議搭配保濕精華一齊使用， 可以進一步改善乾燥問題，令修復效果更加全面。 總結：修復力一流，脆弱肌膚的完美選擇 HR Replasty 修復晚霜以強效修復力見稱， 能有效舒緩泛紅同減淡紋路， 對於需要修護嘅肌膚非常適合。 如果你係乾肌，用前搭配精華使用， 就可以更好發揮晚霜嘅修復力量，絕對值得一試！

Fng好用推薦：La Mer Crème de la Mer 精華面霜｜ 混合偏乾熟齡肌の「春日修護儀式」用後感 🌿 ✨ 質地與乳化儀式：膏體越厚，效果越奇蹟 打開個白色陶瓷罐，見到嗰種極度厚實嘅膏體，心諗：香港春天咁濕，搽上塊面會唔會好似敷咗層臘？原來秘訣在於手心乳化——用挖棒取少量（真係一粒黃豆就夠），放喺掌心合十搓熱，直到佢變成半透明油潤狀先輕印上面。呢個過程好似某種護膚儀式，每次做都有種治癒感。 ✨ 春日實測 香港春天又濕又笠，混合偏乾肌嘅T字位開始出油，但兩頰依然乾到繃緊。用完Crème de la Mer最驚喜係：佢唔會令T位變油田，反而平衡到皮脂分泌，有混合肌用家都話用完反而冇咁快出油。最關鍵係修復力——呢排轉季塊面成日紅紅癢癢，連續用幾晚，泛紅明顯減退，連之前乾到起屑嘅鼻翼都變返軟滑。 ✨ 混合偏乾肌春日使用攻略 ✅ 乳化必須徹底：手心唔夠熱就乳化唔到，上臉會推唔開 ✅ 分區用量：兩頰正常按壓，T字位用掌心剩餘量輕帶就夠 ✅ 妝前打底：薄薄一層已經令粉底超貼服，唔會起屑 ✅ 急救厚敷：皮膚唔聽話時，乳化後厚敷泛紅區，第二朝穩定好多 ✨ 熟齡肌の抗老見證 我自己嘅感覺係

Kitty 好用推薦：呢款經典面霜質地係豐潤嘅霜狀，要係掌心搓揉乳化㗎！我通常加爽膚水搓到變半透明再輕輕印上塊面，一掂到皮膚就知唔同啲～即刻有種被滋養嘅感覺，但完全唔黐立立👌 💧水潤保濕度真係無得彈！ 朝早瞓醒摸落去依然軟嫩，好似有一層保護膜鎖住水份。以前轉季鼻翼會甩皮，今年居然平安過渡，妝容都貼服好多！ 緊緻效果呢，就真係要讚👍 我本身有少少baby fat，易浮腫，輪廓唔算好明顯。連續用咗幾星期，發現下巴同顴骨位有種被托住嘅感覺，睇落線條精神咗！唔係即時變V面嗰種，而係皮膚好似實淨咗、有彈性咗，搽嘅時候順便按摩埋頸部，連頸紋都覺得淺色少少～ 最驚喜係修復力！ 有一次敏感泛紅，厚敷一晚第二朝就退紅七八成，果然係急救面霜之王👑 皮膚狀態穩定咗，毛孔都感覺細緻d～ 雖然價錢真係肉赤，但對於需要修復、抗初老嘅乾肌/混合肌來說，確係值得投資。記住乳化步驟好關鍵，同埋晚間用效果最明顯～ 想皮膚有水潤光澤同緊緻感嘅朋友，可以試試佢！🌟

Chloeincosme好用推薦：Embryolisse全能奇蹟保濕霜 我回購左無數次（十幾年前初中已經用緊😂）！好多人會當晚間保濕霜用，不過對我呢種極乾肌嚟講夜晚用唔太夠力，但！用佢嚟做妝前保濕，真係非常非常非常好用～ 🤍 妝前貼服度：5/5 搽完再上粉底，底妝好似「扒」咗喺塊面度咁，全日都冇浮粉卡粉，連鼻翼兩側都保持貼服！（而家咪有一支好興，韓國品牌，瓶身黃色既妝前乳，我用到爆痘，所以又即刻轉返embryolisse🥹） 🤍 質地吸收：4.5/5 乳霜質地柔滑易推，好似融化喺皮膚入面咁，完全唔會同後續防曬或粉底「打交」～  🤍 溫和度：5/5 我自己敏感肌用落零刺激，轉季期間用都冇泛紅問題～（留意！佢有香味，如果香料敏感嘅記得要睇清楚成份表！） 🤍 滋潤平衡：4/5 日間用啱啱好，提供足夠滋潤但又唔會油光滿面；極乾肌夜晚用就會覺得續航力唔夠～ 總結： Embryolisse呢支保濕霜係我嘅妝前神器！由中學用到而家，底妝貼服度從來冇令我失望～雖然夜晚用對極乾肌唔夠力，但作為妝前打底絕對無可取代！仲要唔貴！會繼續回購，推薦！

ying好用推薦：😳😳其實我成日見人share好用 我frd話會勁乾 上妝前用佢就好好多 有次見到即管買嚟試吓，又真係幾好用喎😍 有時幫男人甩晒皮嘅面搽 就即刻平復返 冇再甩皮😚😚 價錢又唔係好貴，又襟用 唔錯唔錯

Circlecyy20好用推薦：之前喺法國藥妝店度見特別平，所以買咗。好適合用來做妝前嘅保濕，對於後續嘅底妝唔會打交唔會粒粒，反而會令到個底妝會更加貼服。 我覺得喺夏天使用就未必咁適合，因為滋潤度好高，而係冬天使用之後，亦都可以係乾燥嘅天氣使用粉狀嘅粉底。  本身一支都比較大枝，所以可以用好耐大概三至四個月都已經夠用，便宜好用。

flower0427好用推薦：沙漠乾肌使用還算可以，有保濕潤感～～這款很適合當妝前乳使用，不會跟底妝打架！

Fng好用推薦：AHC B5玻尿酸睡眠面膜，補水效果超讚! 🥰🥰🥰🥰🥰 最開始知道AHC這個品牌是看一些韓劇，裡面有這個護膚品牌的廣告植入，它們家的B5玻尿酸糸列可以說是一款好歡迎line。 AHC B5玻尿酸睡眠面膜，個人感覺補水效果十分好👍🏻，更可以上底妝前使用，薄薄敷面十分鐘，再洗掉，後續不黏膩，挺清爽的。 價格的話，五粒星滿分💯，尤其適合學生使用🫶，這款睡眠面膜味道很好聞，跟AHC 那款網紅黑管眼霜的味道有點像，香香的，敷在臉上一整晚，第二天早上起來確實感覺到皮膚變得很水潤，很順滑。用水沖洗的時候感覺有點油，不過用洗面奶洗掉就好了。 厚敷一層, 搓一下會有很多水珠冒出來, 是很水潤的感覺，夏天在冷氣房裡或者冬天暖風機旁待久了，厚敷這款睡眠面膜來補補水，確實可以給肌膚喝飽水的效果💦💦。 這款面膜對於冬天特別容易起乾皮的我來說，也是足夠。冬天確實是要多補水, 不給肌膚做好補水的後果就是在化妝的時候唔夠貼，再好的妝容也會被毀掉🫣。 #面膜

Chocol55好用推薦：本人屬於混合性皮膚，主要會係冬天較乾燥時用呢樽面霜。面霜質地比較"杰"身，朝早搽完爽膚水同精華之後再補埋呢樽感覺好夠保濕，而且亦唔會同防曬或化妝品打交或者起屑碎粒既情況。好多時候都會見到有優惠，CP值幾高。

Fng好用推薦：LA MER 精華柔潤乳霜 (Soft Cream) 💎✨ 🧴 質地：輕盈絲滑，一抹即融 官方定位係「柔軟透薄，輕按上面即可吸收，透現自然亮采」。我自己用落覺得質感好似絲緞咁軟滑，一推開就同皮膚融為一體。最感動嘅係 👉🏻 唔使乳化 👈🏻 （終於唔使喺掌心搓先上得面）！仲有淡淡嘅嬰兒爽身粉香氣，每次搽都好似做緊貴婦級Spa咁療癒。 💧 用後感：超強修護力，清爽唔立 · 即時舒服晒！：第一次用嗰晚，洗完面後塊面有少少崩緊同泛紅。搽完之後即時軟化晒，有種「溫和包覆」嘅安全感，刺痛感消失得無影無蹤。第二天瞓醒，皮膚飲飽水咁漲卜卜，完全唔會笠！ · 暗粒都減少咗？：持續用咗一段時間，下巴同鼻翼啲頑固暗粒明顯平滑咗。因為 Miracle Broth™ 有效平衡皮脂分泌，幫皮膚排走多餘油份。 🌞 潮濕天氣實測：平衡度啱啱好 喺又濕又熱嘅香港，搽完完全唔覺得焗或者黏笠。相比經典面霜，呢款專門為混合肌同中性肌而設，塗抹後會喺面上形成輕盈水膜，保濕力持久，開冷氣都頂得住。油肌朋友喺盛夏用可能會覺得潤，建議天氣涼啲先出動。 🤔 性價比分析 優點 · 質地輕盈唔立，唔使乳化 · 急救敏感泛紅效

Lalaleia 好用推薦：Soft Cream清爽一啲，適合春夏用，冬天就會用返cream。用完皮膚立即滋潤，我會臨瞓之前搽面，吸收得幾好，第二朝起身皮膚會更加有光澤。試過好多唔同牌子，發現la mer 的功效比較細膩，比返啲時間就會知佢的深層效果。

Cheung2好用推薦：最近轉季皮膚敏感又發作，上YouTube參考油敷法急救，真係忍唔住俾返個好評呢支堅果油💯💯💯💯💯 精華水加5-6滴堅果油，然後再落cream mask急救🆘 15分鐘後已經repair有感👍🏻個Treatment好似形成咗一層保護膜咁，滋潤得嚟又唔會生粒粒，大推🙌🏻🙌🏻🙌🏻  非常可惜香港已經冇晒melvita門市，呢支我用完一定會去旅行再回購✨✨✨

Karman28好用推薦：試用完佢包sample 就即刻買左！ 岩岩轉天氣果陣，無護膚，成身好乾同痕到比自己𢯎損哂。之後我即刻每日用左body loction打底，再加幾滴堅果油，堅持搽幾日之後，就唔再痕！冬天補濕鎖水真係好緊要。 呢支堅果油搽完，feel到佢係吸收到，唔會成手油淋淋，同埋佢無難聞既味，亦無特別加香味，所以我都用得好放心，唔怕對香料敏感。 佢個頭既設計都唔錯，係可以一滴滴油咁滴出黎，等用家容易控制個用量。 我自己暫時都係用係身體上，未試過用係面，因為我面部比較易毛孔閉塞，所以都唔敢試。身體油黎緊，呢支真係十分推薦。

Rin好用推薦：因為已經拎左去捐所以無相 係好用的，有種double小黑瓶感覺 有排爛面（多粒粒），用左佢一排 皮膚穩定返，粒粒無咁易發 但佢一次就要用晒去，因為會揮發 呢個地方就有啲麻煩

unclecar好用推薦：專櫃小姐介紹為急救版升級小黑瓶，轉天氣皮膚狀況唔穩定，可以用嚟緩解。為咗保持活性同新鮮，建議個半月最多兩個月要用完。宜家秋冬季用，甩皮少咗，滋潤度比小黑瓶高少少，用一星期左右，皮膚好似滑啲同穩定好多，毛孔細咗同面色好啲。因為佢都算係安瓶類別，唔需要一直使用，建議三至四個月用一次效果會更明顯。

TW好用推薦：精華質地絲滑，搽完後好快吸收亦好輕薄不會有油膩感，用後覺得皮膚膚質有彈性，感覺上亦緊致咗，適合冬天乾燥肌膚，搽完馬上覺得有保濕滋潤效果。"冬天" "冬季" "護膚" "冬季護膚"

Hoilly好用推薦：如果你有暗瘡、爛面既煩惱，我真心推介你用佢！ 雖然佢既價格都幾貴，但一分錢一分貨，好用既程度係荷包出緊血都會淘錢出嚟買佢！ 佢既修復功效真係好好，用3日已經好得7788，個時唔捨得買佢，用其他修復產品1個月以上仍然未有轉好，日日都唔想望鏡，所以最後轉多一次護膚品如果都繼續爛面，我就會去join美容院好貴嘅package 最後當然慳返個幾萬蚊facial 錢🙂🙂🫰🏻

Wuxx好用推薦：認識呢個品牌嘅時候正值係疫情期間嗰陣時， 日日戴口罩，皮膚完全失曬控！ 之後就開始係咁買好多唔同品牌嘅護膚品去急救皮膚，當然浪費咗好多冤枉錢🫩 直到試到呢個品牌嘅鎮靜精華，我嘅皮膚先至穩定落嚟！ 另外我會搭配佢嘅調理膏去舒緩暗瘡問題，雙管齊下~ 值得一提嘅係佢嘅產品都有淡淡嘅香味，令到我用佢嘅時候有埋放鬆神經嘅感覺！好舒服！ 所以一到轉季呢啲皮膚敏感嘅季節，我都會回購返佢黎看門口以備不時之需！ 雖然佢而家喺香港無門市，但係大家都仲可以從其他途徑，例如網絡商店去購買佢嘅產品~

TinaWongLK好用推薦：主要成分：PDRN、膠原蛋白以及多種植物活性幫助舒緩肌膚過敏現象，改善泛紅、乾燥等敏感症狀，並強化肌底，增強肌膚的抗紅能力 質地：清爽得黎少黐立感，容易吸收 氣味：少少似藥水味 使用後 少少滋潤 並沒有太顯著功效 暫時不會考慮回購

Noel好用推薦：品牌中略有名氣的8小時潤澤霜，這枝是美美的世界景點特別版😍 產品呈橙色，厚厚凝膠狀，沒有太多流動性，手指觸感黏黏的。質地還算可以接受，但味道就很一般，有點中式藥油味？！我不太確定這個味道😅 整體滋潤感覺很強，乾肌可試試，不過使用感較差😅 雖然產品全身適用，但我會集中用到面／頸部，用到身體的話，這個質感我不 ok。潤澤霜用近鼻子範圍會較難受，所以我大多只會塗兩頰＋額頭，再敷上較香的 sheet mask，如凡爾賽玫瑰面膜，去蓋過這枝潤膚霜的味道……

iliya 好用推薦：8小時潤澤霜係名副其實嘅萬用霜，無論邊個部位太乾燥都可以用，顏色係橙紅色嘅，質地偏油膩，但係都算吸收得快，而且好滋潤！

killkew.b好用推薦：抵買之選～大大支～有排用！ 質地比較厚身，上臉需要少少時間吸收，四季適用！ 按自己需要用多少少份量都唔會肉赤！ 泵頭設計非常方便使用，一定買定支看門口！

choichoi好用推薦：質感有點滑滑的，質地雖然不是濃稠但就是有點難吸收，要是配對錯誤更會起屑

lkylky3003好用推薦：質感輕盈不油膩，搽上面完全唔會粘粘笠笠，可以修復強韌番肌膚屏障之餘仲長效保濕,為肌膚提升水份

jojoma123好用推薦：感覺不算太厚身的面霜、由於功效主要是保濕、故塗搽後、肌膚水嫩度及透亮度彷彿有明顯的改善、但於格外乾燥的冬天使用、鎖水力稍有不足、要配合鎖水精華一同使用.

GinGin好用推薦：質地清爽一D都唔笠，容易推開，而且好香，我係混合性皮膚偏油都唔會敏感，仲係許廷鏗，STEPHY做代言人, 一定要買

Hamiii好用推薦：同支toner一樣既問題.. 太黏立啦… 保濕度亦唔夠… 可能唔係好岩我用😥😥

takemyokane好用推薦：看資料發現已出新版，因為少用 cream 所以上個冬季才用完。純白色的乳霜觸感綿密細滑，延展性極佳，不是厚重質地。主打南極冰川醣蛋白及角鯊烷成分，強調極致鎖，而且無添加人工香料。 之前在冬季和海外旅行時用，有足夠持久鎖水力，在乾燥的國外都可以得到深層滋潤。夏季的話，如果長期身處強烈冷氣環境，需要一款純粹、高效且無負擔的鎖水面霜，也是不錯的選擇。 注意舊版含有防腐劑 Parabens，不過新版已改良。

Jcxjessie好用推薦：已經用左kiehl’s嘅 ultra facial cream 好幾年，呢個已經係我唔知第幾個空瓶！🥰 因為我本身係超級乾燥肌，所以秋冬用嘅時候覺得有少少乾，但係春天夏天用嘅時候就啱啱好！ 容易推得黎又唔黐立，而且仲唔會刺激皮膚 有時候吹得冷氣多，塊面會乾同埋泛紅，夜晚用咗佢第二朝就冇咁紅啦！