黯然仙人掌好用推薦：超有名的粉紅精華，官方稱蘊含洋甘菊、山楂、牡丹三大草本植萃成分，擁有比水分子還微小的「奈米水分子滲透科技」和「高濃度舒緩配方」，啟動「舒緩+防禦修護」，可舒緩修護，敏感肌友好。 之前轉季皮膚勁乾又紅又敏感，重起哂皮，鞋颯颯，立即拎出黎用。精華質地超流質，基本上同水差唔多，好快就吸哂，氣味係有d 花香味，但有少少人工味嘅感覺。 用完之後有令皮膚平滑少許，但仍然係比較紅，第二朝都係無更好嘅改善，保濕力略顯不足，可能平時用會比較適合，急救就唔係太有效。

葉子🍃好用推薦：香味好有層次，有幾種味道，比較偏水狀，一用就好快吸收，開頭搽既時候會有涼感，鎮靜皮膚，摸上去都好滑身，不過太香，不太喜歡

Kpl6be6好用推薦：購物時所得之贈品～用時會先滴於掌心暖和後再上面～雖然係油狀～但感覺質地輕盈～且冇油膩感&容易推開～滋潤感充足～就快用完都有興趣直接買正品～

何何好用推薦：買darphin送贈的小sample, size好可愛，滴幾滴上手心，輕輕捽熱手心，輕敷上面頰兩邊，輕輕按壓，感覺好舒服，淡淡香薰味道，雖然不是我最愛既味道，但都有舒壓作用。❤想試darphin其他款的美顏油呢。☺️

sylsylsyl好用推薦：油膏狀嘅質地，每次用量唔需要好多 大𤆵每次拎半個手指頭嘅份量就已經足夠全面使 卸妝速度都好快 我習慣拎夠份量之後就向掌心搓熱上面，輕輕一搓就卸完，包括眼妝 除咗有比較強力嘅防水mascara之外，一般眼妝都可以輕鬆卸除 相反地乳化就唔算快，要d時間洗先唔會有未洗乾淨嘅感覺 性價比唔算高，小小一瓶只有125ml 使用感受上偏滋潤，會偏向秋冬時候再使用

mandy好用推薦：Darphin Aromatic Cleansing Balm With Rosewood 花梨木精油潔面凝霜 $320/40ml; $750/125ml Estee Lauder 旗下的品牌並不只是Bobbi Brown, Clinique, Jo Malone, La Mer, Origins, etc... 其實也有一些冇咁為人熟知的品牌, 如Atelier Cologne, Ordinary, Too Faced 及 Darphin。 Darphin 是來自法國的高端精油/香薰護膚品牌, 自然是偏向貴婦價位。 門市設於海港城及新城市廣場。 而花梨木精油潔面凝霜 跟防敏精華 都是品牌 signature product/ 皇牌產品。 因此, 我也就對花梨木精油潔面凝霜 充滿期待, 好想一探究竟是否真的很好用。 首先請大家有一定心理準備! 花梨木精油潔面凝霜 含有3款精油成分, 分別是 Rosewood Oil, Ylang Ylang Oil & Sage Oil (花梨木精油/ 依蘭依蘭精油/快樂鼠尾草精油) 所以香味真的比較明顯及獨特。 花梨木精

Pinky好用推薦：透明清水狀，無香味，好清爽，岩敏感性皮膚，對改善敏感無咩感覺，左敏感期都安心使用

yannyxx好用推薦：Darphin會員嘅贈品，職員建議洗面後用佢抹面。效果唔明顯，唔覺做到降紅或者收毛孔個啲，感覺用同唔用亦分別唔大。

choichoi好用推薦：面霜觸感柔滑，不過我在濕疹發作時使用有感刺痛

keinice好用推薦：有足夠的保濕和滋潤,容易吸收,而且不會有過份的香味。

lucrezianoin好用推薦：我通常夜晚會連埋lotion一齊用, 用完之後塊面會變得好滋潤同埋好有光澤 :-) 香味好舒服令人好放鬆! 不過價錢比較貴, 而且好容易倒瀉(我笨手笨腳 -_-), 所以都唔太捨得用...

Kami好用推薦：它是一瓶清潔度還算可以，意思是沒化妝就普通上保養品時，它可以清潔乾淨。但我一般是早上用它一次，晚上使用兩次，就覺得夠乾淨了，不緊繃。洗完臉部很舒服～

Conw好用推薦：香港名稱叫 活水保濕啫喱面霜 質感：gel cream狀，水潤易推。第一次用時有驚喜，摸落動L動L似軟身布丁，上面好快化乳液狀、吸收快。 使用感受：近來30度用完沒有黏亦不焗，個人不喜歡某些gel cream的膜感，這款完全沒有膜感。 氣味不是典型花香反而是淡淡草本味道，上面真的有清新感。 香港天氣適合中性到混合皮膚，基礎保濕。 官方介紹：清新輕透的啫喱面霜，含豐富水分的花植萃取為肌膚持續保濕，維持飽滿膚質，整天保持妝容水凝清新。

YolandaAuYeung好用推薦：是一款清潔與調理雙效合一的溫和產品，能溫和清潔肌膚，不含香精及香料，我這敏感肌用也沒過敏。

mamayi好用推薦：因為皮膚容易過敏，所以鍾意啲無咩刺激性嘅護膚品，Darphin 就會係我首選，佢嘅粉紅精華同油類出色之外，面霜都唔弱。我次次都會套裝特價時買入，份外抵用！ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 面霜屬於帶點雪葩質地嘅cream，就咁抹上面可能有少少厚重，但加一兩滴佢嘅精油，可以更快均勻塗於臉上；如果冇油，可以用手心熱力摩擦後，再塗上臉。 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 有時春夏朝早唔洗出門嘅日子，用完爽膚水，直接用佢都ok，絕對唔會面泛油光！ 乾燥日子都減少甩皮或者泛紅嘅情況！ 配合佢教嘅按摩手法搽精油同cream上面，翌日早上，臉上富有光澤，毛孔變得細緻，係令人愛不釋手嘅面霜！