秋冬唇膏 推薦好用產品

Kylie L好用推薦：OPERA 唇膏，我用的色號是09。調色自然，日常上班或素顏單擦都能提升好氣色，挺顯色的。 唇膏質地十分滋潤，不用護唇膏打底也能順暢塗抹，能打造出類似唇蜜般的水光感。 但覺得不是想像中那麼持久，吃完東西也是會掉色的。

Kitty 好用推薦：質地真係潤到呢⋯⋯好似搽緊潤唇膏咁滑，但顯色度又意外地高！係好自然嘅紅潤感，好似由入面透出嚟嘅血色咁💋持久度方面，飲水會甩少少色，但食完飯仲有層tint留低，唔會甩到七彩咁醜樣。最鍾意佢唔黐立立，戴住口罩都唔會搞到成個mask係唇印😷 唯一缺點係天氣熱嗰陣支膏會有少少軟，不過整體嚟講性價比超高！已經諗緊要回購多幾支其他顏色🌹真心推薦比鍾意自然水潤妝感嘅sis，用過返唔到轉頭啊！✨

Water好用推薦：玫瑰金嘅包裝超精緻！勁靚勁鍾意！呢枝唇膏色號係pillow talk，顏色偏nude，一開係甜甜嘅香氣 可能我唇色較深，上嘴唔太顯色；日常淡妝 / 偽素顏會比較適用。matte finishing嘅關係，有略微加深唇紋：用後感算滋潤，唔會令到嘴唇炆炆緊

mandy好用推薦：Charlotte Tilbury Matte Revolution Lipstick 摩登霧感唇膏 $300 摩登霧感唇膏蘊含保濕成分，有效滋潤雙唇，故上唇妝時也不會感到乾燥，而且不顯唇紋。 帶誘人的朱古力香味，令人更喜歡使用摩登霧感唇膏。 完妝為霧面唇妝，而摩登霧感唇膏最為一熟悉的色號當然就是最有名氣的#Pillow Talk，是非常熱銷的霧面nude pink色號。 #Pillow Talk 平時用Nude Pink的唇膏都好驚顯得唇绝蒼白，而Charlotte Tilbury摩登霧感唇膏#Pillow Talk就沒有此問題，仲好適合用來化偽素顏妝或約會淡妝。如果各位靚靚想挑戰Nude Pink的唇膏，不妨嘗試摩登霧感唇膏#Pillow Talk，絕對是零失敗的色號。 #Pillow Talk Medium 中性色系的Pillow Talk Medium雖然比Pillow Talk稍為深色及帶啡調，但同樣易carry又顯肌膚白，很適合配搭日常的淡妝，是適合每天使用的唇色。 含保濕成分: 矽靈, 微晶蠟, 氫氧化鋁, 紅花籽油 及 醋酸鹽維他命E 控油成分

Fng好用推薦：ADDICTION 2026年春季「THE LIP GLOSS」系列嘅 #06 Euphoria Kiss，係一款揉合咗可愛同型格嘅 苦調紫粉紅（Bitter Mauve） 。 ✨ 產品檔案 · 系列名稱：THE LIP GLOSS（柔光幻影唇彩） · 所屬系列：2026春季「MONOCHROMATIC MIRAGE」 · 發售日期：2026年1月9日 · 容量與價格：7.5ml；日本 ¥4,070（含稅），香港 HK$260 🎨 顏色與妝效 · 色調：帶藍調嘅玫瑰色/冷調灰粉色。雖然帶藍調，但上嘴後唔會過分偏藍，反而呈現玫瑰色效果，黃皮都用得。 · 妝感：清透有光澤，能打造玻璃唇效果。顏色貼近天然唇色，係好好用嘅 MLBB（My Lips But Better） 色。 ✨ 質地與成份 · 輕盈保濕：質地輕盈唔黏笠，上嘴舒適無厚重感。含大小2種透明質酸等保濕成份，可長時間保持水潤。 · 修護抗老：加入8種有機植物萃取及6種保濕成分，配合豐唇精油，視覺上可提升唇部豐滿度。 💬 評價 · 效果顯著：有效撫平唇紋，唔會積線或起死皮。顯色度高，單用已經好出色。 · 使用方便：無香

Rin好用推薦：豐唇唇蜜 當時看到他有豐唇及滋潤效果 塗抹的時候會有刺刺的感覺像是幫你豐唇中 我的用法有2: 1.直接當日常亮澤嘴唇用（下唇用了，上唇是原唇色） 2.將家中霧面的唇膏加上唇蜜，做出另一種感覺,變成有多幾款的選擇 注意刷頭容易沾上顏色，所以如用在霧面唇膏上記得再用紙巾清潔一下 液都比較黏，是會沾到杯子和頭髮 但持久力還不錯 另外是有色的豐唇蜜BR301,這個比較不會有刺刺的效果，適合日常出門用 撫紋，簡單，日常血氣色

莓莓好用推薦：Visee 精華唇蜜用後感：開架價錢，專櫃享受？真心有驚喜！ 老實講，我以前對開架唇蜜冇乜信心，覺得都係「痴淋淋」、「顯色度低」或者「一陣膠味」。但前排見Visee呢支精華唇蜜喺小紅書俾人推到爆，話係「Chanel 105平替」，我忍唔住買咗支返屋企試。用咗兩個禮拜，真係有啲說話想講。 先講顏色，我買咗最 hit 嘅 #BE320 奶茶杏色。 如果你鍾意Chanel 105嗰種自然好感度，呢隻色你會一試愛上！佢係帶少少棕調嘅奶茶色，但因為夠透，上嘴之後唔會顯老，反而好似自己嘴唇天生就係呢種「微粉微杏」嘅血色感。對於黃皮嚟講，呢隻色絕對係「安全牌」，就算素顏就咁搽，都唔會突兀，仲有種「我本身唇色就咁靚」嘅錯覺。如果你鍾意更粉嫩，可以揀 #RD401 櫻桃紅，薄搽已經好提氣色。 重點嚟喇，質地係成支嘢嘅靈魂！ 佢個質地好特別，唔似傳統唇蜜咁「漿糊式」痴住個嘴，反而似稀身少少嘅精華油，一掂到嘴唇就溶化，好輕盈。最驚喜係佢一啲都唔黐頭髮！平時搽唇蜜最驚風一吹成嘴都係頭髮，呢支完全冇呢個問題，搽完之後嘴唇係水潤，但唔會「漿住」，呢點絕對加分。 講到「精華」兩個字，佢真係做到養唇效果。 我本

YYeman好用推薦：MAC絲霧唇膏930測評： 色號：930 蜜桃燕麥茶 · 顏色係好靚嘅裸調蜜桃色，帶少少奶茶同豆沙感，好適合日常通勤。 · 黃皮友好，顯氣質又自然，唔會「冇血色」，素顏或淡妝塗都好提升精神。 · 相比Armani 214，呢支更偏暖調同年輕感，214就更加玫瑰女人味啲。 質地：柔霧絲絨 · 新配方好順滑，一塗即勻，唔會扯唇皮，係MAC子彈頭入面算係最舒服嘅霧面質地之一。 · 上嘴係高級絲絨霧面感，但完全唔乾，有少少滋潤度，長時間帶妝都唔會令唇紋變明顯。 持久度：中等 · 屬於輕薄貼唇嘅類型，食輕食（飲嘢、食蛋糕）問題不大，但食濃味或油膩嘢就會脫一半左右。 · 好處係脫色都脫得均勻，唔會斑駁，補塗都好方便。 設計：經典子彈頭 · 黑色磨砂外殼幾有質感，膏體切面方便勾勒唇形。 小貼士： · 深唇色嘅人可能要先遮一遮原本唇色，先可以還原到官試色嘅效果。 · 如果想顏色更實更持久，可以薄塗一層後，用紙巾印一印，再疊塗多一層。 整體評價： 呢支係近期嘅「偽素顏」心機之選！顏色溫柔又高級，質地大進步，完全擺脫咗以往MAC霧面唇膏「好乾」嘅印象。如果你鍾意自然、溫柔、有氣質嘅日常

莓莓好用推薦：MAC絲霧唇膏 #544 測評 1. 色調同顯色度 · 色號：544屬於「奶杏蜜桃色」，帶少少暖調嘅裸粉感，唔會太過螢光或偏橙。 · 顯色：一層已經好上色，遮蓋唇色能力中等，深唇人用可能會偏暗少少。 · 適合膚色：黃皮同白皮都友好，日常提氣色，淡妝或偽素顏都好夾。 2. 質地同舒適度 · 絲霧妝效：半啞光質地，有微微光澤感，唔會完全「粉狀啞光」，睇落唇部質感軟熟。 · 順滑度：膏體好推，唔會卡唇紋，但建議唇部狀態好時用（如果死皮多會顯紋）。 · 保濕感：中等保濕，唔算乾，但長時吹冷氣或天氣乾燥時，最好加少少潤唇膏打底。 3. 持久度同沾杯情況 · 持久度：普通飲食可以保持6成顏色，飲水會輕微脫色，但唔會斑駁脫落。 · 沾杯：有少少沾杯，屬正常範圍，始終唔係液體唇膏。 · 卸妝難度：普通眼唇卸妝液可以輕鬆卸乾淨。 4. 優點 · ✅ 顏色自然百搭：日常返工、見客、約會都適合，温柔提氣色。 · ✅ 質地平衡得好：半啞光得嚟唔乾，適合怕乾但又想有霧面感嘅人。 · ✅ 包裝實用：MAC經典子彈唇膏設計，容易攜帶補妝。 5. 缺點 · ❌ 唔算好持久：需要定時補塗，尤其食

Kitty 好用推薦：講真，最初入手Chanel呢支霧面唇膏個陣，我心諗：唔會又係個啲睇得唔用得嘅伏物嘛？點知一試即刻改觀！ 💄包裝設計：經典黑金配搭 Chanel嘅產品一向以簡約優雅見稱，呢支唇膏都唔例外！黑色亮面管身加上按鈕式設計開合好方便，拎出街補妝都覺得自己好有氣場～哈哈！ ✨質地： 雖然係霧面，但佢唔會一搽上去就抽乾你嘴脣啲水分！膏體軟硬適中，好順滑易推，薄薄一層已經夠色，厚搽都唔會結塊或者起粒粒。最驚喜係佢有種絲絨感，唔似一般霧面唇膏咁硬邦邦，反而有少少彈性，落高級又唔老土。 🎨顯色度： 真心無得輸！遮蓋唇色能力超強，深唇色人都唔需要擔心。我入手嘅#107都係熱門色，一搽即刻氣質提升，仲好顯白！持久度都算合格，飲嘢食少少嘢都keep到，當然食大餐就一定要補啦。 💦保濕度： 老實講，霧面唇膏來講佢已經做得好好！唔會好似某啲品牌咁，幾個鐘後脣紋暴現兼爆拆。但建議本身唇部狀態差嘅朋友，先用個脣底膏打底，效果會更順滑。 總結： 如果你係霧面控，又怕乾到似沙漠，呢支絕對值得試！價錢雖然唔算平，但質素對得住個價。唯一要彈係個包裝嘅按掣設計有時唔太順，但睇在佢咁好睇嘅份上就算啦哈哈～

Fish Tse好用推薦：就黎又到聖誕啦！出去玩梗係要化返個靚妝影多d靚相去紀念下個節日啦！ 唇膏係唔少得既環節，揀岩唇膏可以令個氣息睇落去差好遠，想係聖誕受矚目，可以考慮哩款啞緻柔滑唇膏 唇膏既外殼係黑色配搭金色唇膏殼比人有種高貴既感覺令人愛不釋手 我買既係63號色ESSENTIELLE，哩款唇膏有荷荷巴油衍生物同埋乳木果製成柔滑配方好順柔睇落去雖然係咁啞緻桃紅色，但都有種濕潤盈滿既感覺 仲有一點佢既顯示度非常之高，搽一層已經充滿色彩，用既時候直接搽上唇上由中心向外塗抹就可以了

Emily Leung好用推薦：fwee GN02 玫瑰心動鎖色唇露 🌹 無花果烤奶色，黃皮必收！ 前排見 IG 洗版嘅 fwee 唇露，終於忍唔到手入咗支 GN02，同大家講吓真心用後感 💄 色調： GN02 係「乾燥玫瑰 + 無花果奶皮」嗰種 tone，唔會太紅又唔會太紫，帶少少棕調，好襯亞洲人膚色。 素顏薄搽似天生唇色好氣息，厚搽就溫柔又有氣質，返工、見家長都用得。 質地： 一搽落去係水狀，推開之後變 絲絨霧面，完全唔黏笠，仲薄過空氣～ 但記得！！！嘴唇乾嘅話一定要打底，否則顯唇紋會現形 😂 鎖色／持久度： 呢支主打「鎖色」，的確比一般霧面唇釉企理： · 飲水、戴住口罩講嘢，4-5 個鐘都仲見到 7 成色 · 食飯內圈會甩，但外層留到色，唔會一撻撻 （小缺點：難卸，要用眼唇卸妝液敷一陣） 用後感總結： ✅ 優點：色調高級、黃皮顯白、唔沾杯唔沾口罩、補妝輕便 ❌ 缺點：偏乾、唇紋深嘅人要打底、持久度高所以有染唇 邊個適合買？ · 想試 MLBB 霧面玫瑰色嘅人 · 成日戴口罩又想 keep 到唇妝 · 唔 mind 補唇妝（因為始終會甩內圈） 邊個唔太啱？ · 極乾唇／成日爆皮（除非肯勤力打底）

Fng好用推薦：fwee 玫瑰心動鎖色唇露 GC01 Bunny Rose用後感 ——冷調玫瑰嘅「顯白魔法」，唇紋瞬間隱形！ 🌹✨ 我本身係熟齡混合偏乾肌，平時搽唇釉最怕顯唇紋同黐頭髮，但fwee呢支新系列真係令我完全改觀！用咗大約兩星期，分享吓～ 關於 fwee 新系列 今次港台地區搶先韓國推出「玫瑰心動鎖色唇露」(Rose Obsession Stay-Fit Lip Tint)，一共多達 18 款玫瑰色調，分成 Glow（水光感）同 Matte（柔霧感）兩種質地，實測唇掃亦因應質地而重新設計。我買咗GC01 Bunny Rose 係 Glow 水光質地，主打輕盈透亮水光感，唔會好似傳統唇蜜咁黏笠。 GC01 Bunny Rose 顏色分析 GC01 係 偏冷嘅玫瑰色，唔係好粉嫩嘅少女粉紅，亦唔會太紫太暗，好有氣質但唔老氣。低飽和偏冷調，幫黃皮即時去黃提亮，我覺得係一年四季都咁百搭，係溫柔又有個性嘅感覺。 質地與妝效：玻璃水光感，3D立體豐唇 質地係輕盈嘅啫喱水光質感，上面順滑易推，唔會拉扯嘴唇。裡面有隱藏油膠囊，持久閃亮得嚟唔會黐口。上嘴之後好似有一層晶瑩嘅露珠停留喺唇上，望落 3D 立體

Verna好用推薦：這品牌的唇膏很經典，我記得我讀書時，偷偷地拿媽媽的唇膏來搽，也是這個品牌🤭 這款麗采唇膏是品牌最經典和皇牌的產品之一，它的質地透薄，搽的時候好像搽奶油般順滑，搽完不會有黏住雙唇的感覺，而且很顯色，雙唇也很滋潤，就算忘記用潤唇膏打底也不會很乾 年末的時候，臨近聖誕節、冬至和元旦，特別多party、聚會和約食飯，當然要打扮得美美地見人，唇妝當然不可少 它的顏色選擇很多，有超過20個顏色，連質感也有4個選擇，包括柔潤、啞緻、珠光和亮澤，總可以選擇到合心水的唇膏。我買了#775 Super Red 和#225 Rosewine，#775 是經典正紅色，適合濃妝和比較正式的場合，而#225就有點像豆沙色，適合日常的自然妝容

Ming好用推薦：Revelon呢支唇膏顏色好自然，搽上口個人即刻精神咗，顏色都last得耐，持久，不過查完之後都係用紙巾印一印會好一點，然後再搽上透明唇蜜效果會更加好。卸妝都好方便好容易。評價中中等等。

SammyN好用推薦：顯色、持久，攞喺手有重量感。對我嚟講稍乾（如果唔打底會有碎碎）要搽潤唇膏打底先。

Fng好用推薦：366#burnt rose，特別顯白，天鵝絨質地，用起來貼服顯色又持久，不顯唇紋。

Tszki好用推薦：小黑條 #312 (赤裸褐紅)深咖調的紅棕色，帶有絲絨質感，非常適合秋冬或個性妝容。但是小心使用弄太多會很似中毒的顏色，取少量使用便可以弄漸變顏色！ 妝感最霧、最乾淨，方型膏體設計讓描繪唇峰與邊緣非常精準。顯色度極高，輕輕一抹就能達到完全遮蓋唇色的飽滿效果。若唇部狀況不佳（如嚴重脫皮），直接塗抹可能會有明顯卡紋感。持色度比較持久。一般飲水或吃點心不太會掉色，遇油脂食物才會部分掉落。帶有品牌經典花果香，香味適中且高級。

Desse好用推薦： 【歲末】有咁多party.. 點可能少得一支靚靚嘅lip blam❤️ #112 號色嘅小銀條💡 想當年要配貨先入到手..🙂‍↕️ 而家易買咗好多🌟 YSL嘅唇膏不論顯色度同滋潤度都做得好出色💡 #112 蜜桃奶茶 屬自然柔粉色調🧏🏻‍♀️ 適合淡妝使用🌟 即使素顏.. 搽少少都可以提升成個人嘅氣息💡 滋潤度大約做到4個鐘.. 食飯嘅時候補一補就ok.. 完全遮蓋唇紋🥰 相入面係薄塗一層嘅色調.. 顯色足夠.. 好靚嫁💋

Tszki好用推薦：YSL啞緻絕色時尚啞緻唇膏 中的色號 #18 Reverse Red，這是一款濃郁的復古紅棕色調，呈現絲絨霧面妝效。 膏體採用獨特的超薄方形斜角設計，有助於精確勾勒唇形，甚至無需使用唇線筆。能維持數小時，但吃喝後可能需要補塗。雖然是霧面質地，但其乳霜狀配方滑順好推，不會拔乾。 

Suidan好用推薦：我呢支係1966號色，隻色係一隻帶dd橙既大紅色，唔啱素顏使用，一定要化妝先match到。 佢既妝效係matte但唔會好乾，唔會令唇部甩皮。

Nicole 好用推薦：號是neutral rose，乾燥玫瑰色，粉調豆沙色，我覺得塗上令人感覺溫柔知性☺️ 上色飽滿、潤滑，而且質地非常滋潤，不顯唇紋，持久度也不錯；深唇淺唇也可以用，它能很好地覆蓋原唇色。 我認為不適合素顏，比較適合日常妝容使用更好，更能凸顯它的美。

Ceci好用推薦：最近愛用嘅一款唇膏就係Bobbi brown嘅霧面唇膏，顏色係boss pink，類似豆沙色、上嘴好靚好自然，唔需要化全妝，平時出街簡單搽一搽就即刻顯得精神左🤭雖然係霧面但唔會好乾，並且十分持久，食完野唔會甩哂👍🏻

Nicnic好用推薦：色號981 mull it over /$235 係大名鼎鼎嘅mull it over! 之前powder kiss lipstick同powder kiss liquid lip colour 已經大賣！ 我以前試過liquid 版嘅mull it over，但係因為佢顯色度好高，偏向橙調同淺嘅色好濃，冇化妝會顯得氣息好差。 今次試咗佢哋隻新唇膏，唔服氣嘅我都係想試下mull it over。 當日我都係冇化妝嘅，一上嘴係精神㗎！🥹 顏色係peachy 偏橙tone 而唔會有瑩光感 好襯日常淡妝 佢唔會修飾到唇紋 但都唔會加深唇紋同卡住喺中間 如果有死皮 係絕對冇辦法搽佢 一定卡到傻 嘴仔狀況好啲先搽佢 持久度唔錯嘅 會痴口罩但都有色淨 黃皮小心，最好試試先 持久度: 3.5/5 妝感：霧而不乾 閃粉：❌ 個人喜好：4/5 回購：Maybe 📸: IPhone 13

格仔餅公主好用推薦： #火熱新品 ～色號 - PUMPKIN SPICED肉桂南瓜~ 一隻令到皮膚望落白雪雪既顏色❤️唔化妝既時候用都絕對無問題👌🏻薄薄地搽一層好岩素顏用，完全唔會怪仲令你望落氣息好啲🏆質地方面雖然佢係啞光，但上嘴感覺都軟，同同牌子既子彈唇膏比無咁乾，多左幾分滋潤感覺。你地可以望下圖我只係求其搽左下佢個色已經好飽滿，好有光澤感，岩哂氣質秋冬妝！

maylam好用推薦：NARS其中一個好出名嘅唇膏系列 我自己剩係用過唇釉 今次呢隻唇膏唔介乎啞光同水潤之間 四季皆宜 我最鍾意885同805 都係秋冬顯氣場嘅顏色 配合妝容嘅話日常都好啱用 雖然唔係全啞光 但係都會有少少顯唇紋 要打底先

Nicole 好用推薦：色號是823，Luscious溫暖玫瑰色 磨砂質感管身，浮雕logo，盡顯型格，蓋是磁吸型設計。 質地滋潤，塗起來非常順滑，輕薄又顯色，不會顯唇紋。 是個很溫柔的蜜桃橘色，又有點偏粉橘調，日常百搭色，令人感覺充滿元氣！ #火熱新品

Fng好用推薦：shu uemura 無色限極霧保濕唇膏 BG963 超襯膚色的帶橘奶茶色，淡妝也不突兀，薄擦超美，缺點係顯唇紋， 個人認為佢保濕度一般。

Cheeeeery好用推薦：之前喺專門店買嘢送咗呢支小唇膏試用～ 顏色係OR 570柔霧血橙～ 十分顯色又好推開，而且唔沾杯 但係顏色太鮮艷，同埋上唇感覺有少少乾🤔 平時我先用其他裸色打底再淨係上少少喺唇中間，感覺都會比較日常～ 下次可能會回購其他顏色～

Noname 好用推薦：#555 好喜歡，價格便宜，素顏，淡妝也可以，我先用潤唇膏再塗 缺點：易掉，常要補塗，但也不礙事

Noelle S好用推薦：絕色絨霧啞光唇膏1299焦糖拿鐵，係萬記先買到。霧面橙紅色，質感柔滑，顯色又唔乾。食野係會脫色的，但價格相宜，設計小巧精緻，係專櫃慢慢揀，試過鍾意就買咗啦。

KDing好用推薦：唇膏質地比較硬身啲 唔算好易推 相應顏色都備實色多啲 所以唔解議揀太深色

格仔餅公主好用推薦：唇膏膏體屬於柔滑，但係上咗唇之後偏乾，建議最好就打底再用無咁顯乾，飽和度同顯色度都好高

Kura好用推薦：呢款唇膏雖然係啞面唇膏，但搽上嘴顏色超靚，完全唔會顯唇紋，價錢好平

kameari好用推薦：顏色上是不錯，也很上色，感覺厚實，但顯唇紋，一定要保濕之後塗。

Yeonjung好用推薦：#火熱新品 Givenchy高定緞光唇膏P20——為咗趙麗穎，呢條數我畀！ 話說前排碌手機，碌到趙麗穎個Givenchy新廣告，嘩，佢嘴上面嗰抹顏色靚到好似識發光咁！成個高級感出晒嚟。本身已經係佢嘅小粉絲，見到佢代言，即刻心心眼，個腦仲要同我講：「買啦買啦，唔買對唔住自己。」於是，我就乖乖課金，入手咗呢支Givenchy G方管，仲要係揀咗P20呢個色號。 點解揀P20？一個字：正！ 其實之前已經有佢哋細管嘅G05，嗰支都好靚，但今次見P20個色，好似帶啲「邪烏木玫瑰」調？即係唔會太嬌，又唔會太淡，帶少少型格嘅暗紅，但又唔會似食咗細路仔咁恐怖。最緊要係，見好多姊妹話素顏都carry到，我呢啲懶人，最需要就係一支可以「是但搽、是旦靚」嘅唇膏。 實測！純素顏無filter，豁出去！ 為咗測試佢係咪真係咁堅，我特登乜底妝都冇搽，純素顏就咁上嘴。一搽上去，個感覺係——「柔滑到呢」！佢係絲緞質地，唔係啞光嗰種乾爭爭，又唔係豬油膏嗰種反晒光。介乎中間，有一種好高級嘅低調光澤。顏色方面，佢真係好特別，薄搽會偏玫瑰豆沙，好溫柔，素顏絕對HOLD得住，仲顯得個人有精神咗；厚搽嗰下，烏木玫瑰嘅感

Kitty 好用推薦：代言人趙麗穎同款嘅Givenchy方管脣膏N05，調色真係靚到爆！💄素顏恩物嚟㗎，溫柔裸杏色，百搭又顯氣質，黃皮姊妹們唔使猶豫。佢質地滑潤又顯色，放心衝～外觀設計夠晒時尚，拎上手勁有質感，大牌氣場全開，真心值得入手！ #火熱新品

Fng好用推薦：我入手#Timeless Taupe 係百搭嘅豆沙棕色，黃皮膚塗上嚟好顯白，妝效係啞光，唔會顯唇紋，十分顯色 ，100％可以覆蓋自己唇色。佢唔會抽乾唇部，當然自己要做好保濕先，嘴唇唔可以有死皮。 持久度都唔錯，食完嘢都有一半嘅顏色留返喺度。 卸妝用一般卸妝油已經可以，外殼幻彩顏色，靚靚!