平價眼霜 推薦好用產品

Rin好用推薦：第200篇是一個里程碑，決定來介紹這個最近的心頭好 OLAY 至臻緊緻紅金眼霜！！！ 主打成份： • 勝肽組合：加強抗老 • 法國海茴香：提亮抗氧、抗藍光、高效修護眼周膚色，降低暗沉與黑眼圈。 💡 用後感 ✔ 清爽不厚重，不會長油脂粒 ✔ 黑眼圈＋細紋有改善（小驚喜） 之前長眼挑針（眼瘡）導致有一隻眼底線沒有用眼霜結果一星期後他們兩隻眼確實有明顯的分別 ⚠️ 小缺點 大開口瓶設計：取用不方便、容易不衛生，尤其懶惰時候常用手 建議用小刮棒取用！ 🌟 總結：高CP值之選，之前用過不少眼霜效果都一般，這瓶的效果對得起他的價錢 目前已經回購第二瓶及推薦朋友 保養還不錯，至少不會惡化畢竟人在年紀漸大的時候肌膚是越難保持 #眼霜 #olay

Miaomiao好用推薦：用開olay既紅金面霜，覺得效果好好，所以就試埋同系列既眼霜。 米色乳酪質地，搽上面感覺絲滑，水潤保濕得黎唔油膩。香味比起紅金面霜淡好多，始終搽係眼周，減少不必要既香料刺激到眼睛好合適。使用2星期後眼周明顯地變得緊緻飽滿，尤其係笑既時候眼肚冇咁腫脹，眼角細紋亦減淡左。黑眼圈就未見到有好顯著既改善。初時用會輕微辣眼，不過~2日後已經適應。 使用方法上，眼肚用手指係眼頭中尾點3點，然後輕輕均勻按壓。眼尾搽既時候輕輕向上提拉，最後搓熱手指溫敷眼皮。我眼肚前端既乾紋特別明顯，嚴重時候會稍為厚敷一下當眼膜用。 平時都唔多特登買眼霜，一黎係因為搽完好易生粒粒，二黎比起面霜貴太多，e.g.呢款紅金系列，同一個價錢面霜有50g，眼霜得15g😂 用完覺得眼霜既質感比面霜輕盈，吸收得更快，用左2星期滋潤得黎冇生粒粒，的確有佢既價值。 整體黎講呢個價位非常值得一試！

Jcxjessie好用推薦：今次試用咗嘅係CeraVe嘅全效保濕修護眼霜 唧出嚟呢佢嘅質地有少少似膏狀，但係呢又好容易推開。我大概一粒豆左右嘅size，然後係眼周用手指印開。雖然佢好似膏狀咁，但係吸收得好快而且一啲都唔痴笠。 因為我隻眼本身好容易出油，所以我都驚啲眼霜太笠，用完眼周會生粒粒，不過呢呢支我用咗一排，我都冇生粒粒，佢嘅質地都唔係好厚身。 雖然before after 張相有少少色差，但係都睇到用完之後我嘅黑眼圈有淺色左，尤其是右眼比較明顯。

Karen好用推薦：呢款係第一次試用，佢可以有效改善黑眼圈同細紋 暫時而家見到嘅係細紋改善咗

Ceccinmydin好用推薦：使用感同質地： - 雪芭狀質地，推開有啲「沙沙哋」嘅顆粒感，冰涼感超爽！❄️尤其夏天用真係唔錯 - 個按摩頭係膠質嘅，用落唔太順滑，感覺唔可以好smooth咁推開啲眼霜 效果： - 保濕力一般，冇乜改善眼周乾紋嘅效果，用完唔算好持久，過咗半日啲細紋出返嚟，keep唔到保濕感覺😥 - 官方話提亮同去黑眼圈，但睇唔到明顯分別 👀 推介用法： - 放落雪櫃增加冰感降溫效果，朝早攞返出嚟用，即時消水腫同有醒神效果😂👍，需要急救降溫會考慮 ✅ 但秋冬/ 追求抗老去紋就唔夠潤🤔，想試下「冰感」可以體驗下，保濕合格但別期望太高功效～ 啱追求清爽，冇乜滋潤要求嘅人❄️💦

lonia好用推薦：首先要讚吓呢款眼霜頭嘅設計好方便，唧完眼霜搽喺眼嘅四周，就可以用眼霜頭稍作按摩，冰冰涼涼咁，都幾舒服。眼霜好似雪芭狀咁，帶沙沙哋嘅質感。佢無香料、色素，敏感肌應該都可以放心使用。 用咗一排，提亮功效暫時未感覺到，保濕功效就唔錯嘅，可以幫眼周肌膚補補水。不過個人覺得佢比較適合夜晚使用，試過朝早使用，稍為摩擦就容易起碎屑，如果之後需要上妝就比較麻煩。

Tobimak好用推薦：我用咗左Hada Labo Premium 煥活抗皺滋養眼霜一排，感覺都幾好。 佢質地好柔滑，推開好快就吸收，夠滋潤但唔會厚重，用完眼周乾紋即刻冇咁明顯。最重要係佢溫和得嚟唔會令我長油脂粒，能令眼周保持乾淨平滑。早上用嘅時候仲覺得有消腫效果，用附送的按摩棒輕輕按摩，眼袋同浮腫都淡咗，成個人望落精神好多。 以佢嘅價錢嚟講，真係幾抵用，效果唔輸好多高價品牌。總括而言，佢滋潤、抗皺、消腫都做到，性價比仲好高，係一支值得回購嘅眼霜。 #火熱新品

Poyobb好用推薦：肌研全新Premium煥活抗皺滋養眼霜，新出呢款眼霜除搭配埋按摩棒，方便按壓眼部穴位。眼霜嘅最大功能係抗皺，經常化妝會適合使用👀 因為我每天化妝，眼底上粉底或者遮瑕膏會有cake粉現象。雖然望落眼霜似係好厚身嘅，但原來上手質地輕盈，乳白色容易推開及吸收。呢種質地適合化妝前使用唔會令到眼部肌膚過油。 我會早晚都會用佢，如果用埋佢嘅按摩棒可以輕輕按壓眼部穴位。用完呢罐眼霜之後，按摩棒都可以用係其他眼霜。都用咗一段時間，即時而家轉季，眼霜嘅保濕濕度都足夠，睇落眼部肌膚冇咁暗沉🥰 而依款係肌研既新產品，眼霜都可以改善到乾紋，性價比唔錯。#火熱新品

Ceccinmydin好用推薦：肌研呢款 Premium賦活緊緻眼霜已經係空瓶回購了！ 成分有雙重專利四胜肽、酵母菌萃取同透明質酸，主打抗皺淡紋、提亮眼周同深層保濕，同時提升緊緻感 質地/膚感 👀 - 透明gel狀，帶少少涼感，朝早用會即刻醒神 - 金屬冰感按摩頭好就手，一推就開，唔黏笠，吸收好快 用後感🙌 - 即時保濕做得幾好，妝前用都唔起擦膠碎，連續用落，幼紋同乾紋有被撫平嘅感覺 - 按摩頭好用，使用感更舒服😊 - 有淡紋＋輕度提亮嘅初老肌好啱用 推介用法 - 唧一粒綠豆份量，用個頭按摩（由眼頭推向眼尾），仲順便去水腫 會回購😆 性價比高，平時當日常抗初老眼霜長期用都冇負擔

mysecretgarden好用推薦：眼霜真係一款有又好似冇作用，但冇又唔得嘅產品。我之前用開嘅眼霜一係就太清爽，搽完同冇搽差唔多，完全感受唔到效果；但一唔用呢，眼底細紋就即刻出返嚟化咗妝尤其明顯，會攝晒啲粉。如果轉用滋潤款，又驚太潤會出油脂粒，真係好難攞到個平衡，為此我都煩惱咗好耐。 後來見肌研呢支極潤特濃緊致精華眼霜做特價，就買來試下。用落真係有驚喜！雖然個名有個濃字，聽落以為質地好厚，但其實一啲都唔厚重。佢係比較厚身少少嘅凝膠狀，推開後吸收得好快，而且會形成一層好薄好薄嘅保濕膜，感覺好舒服。最正係附送嘅金屬按摩頭，用個冰涼嘅頭部按摩眼周，好舒服，又可以幫助促進血液循環。 用咗一段時間，覺得佢嘅保濕度剛剛好，夠潤但又唔會太油膩，至今都未出現過油脂粒。雖然唔係話有即時神奇效果，但眼底皮膚確實保持到水潤狀態，細紋都無咁明顯。總算搵到一支平衡度唔錯嘅眼霜，暫時會繼續用落去。

Maggieyt好用推薦：見呢支眼霜勁多人推介 而且價錢合理，已經用左2支，質地易推易吸收完全唔笠同埋冇起過任何油脂粒，用完對眼唔乾，就算開左晚冷氣隔日起身都唔乾，有優惠嘅時候可以再買多幾支

kayla.me.me好用推薦：眼周肌膚系面部最脆弱嘅地方,如果喺平日卸妝後,即緊接呵護眼肌,提升眼肌油水比例,就可以令肌膚亮透同保濕度即UP!再提升眼肌膠原細胞,使眼肌緊緻同彈潤度UP! UP! 想做到以上效果?我會選擇有醫生權威推薦嘅抗皺成分GNIVEAⓇ CELLULAR FILLER 全港No.1 眼霜。 佢有新升級膠原,1日就可以提升+33% 細胞再生, 更多膠原增生, 眼肌膚更彈潤緊緻嫩滑。 蘊含高濃度透明質酸+膠原Booster, 仲有抗氧化強效嘅維他命E, Glycerin, Magnolia 萃取精華→可減淡細紋、修護保濕、抗皺緊緻 而且抗皺效果仲超越專櫃品牌。 搽上去容易推開,仲吸收得好快,使用7日密集修護後,達至明亮水 嫩眼肌。

綺羅香好用推薦：就嚟踏入4字頭大關，照鏡見到自己眼底下出現凹陷，而且多咗皺紋，真係嚇一大跳😱，最衰都係有段時間懶咗，無搽眼霜，搞到啲眼紋出晒嚟，所以做女人真係唔懶得😩 係藥妝揀眼霜時聽到左右隔離係度話L’Oréal 紫熨斗好好用，以前有用開同牌面膜，知佢哋唔少product 都有加入專利成分普拉斯鏈pro，的確可以改善皺紋，就入手一支 唧出嚟係白色乳霜，易推開，管咀設計成好似熨斗咁嘅三角形，可以一路搽一路按摩眼部周圍，幫助吸收，又唔駛用手直接掂到眼霜，非常衛生，搽咗兩三個月，覺得眼底下凹陷無咁嚴重，眼紋都淡返🥰，真係好好用

Rin好用推薦：相比起紅金，我認為他更滋潤一點 所以用量要適當 太多的話，很容易有粒粒 當然每個人的體質也有不一樣，所以一開始嘗試的時候還是要適量適當 而且要按摩多一點點時間才吸收 如同他的名字 有去皺淡紋的效果，除了眼紋他還可以去頸紋 波色因亦比上一代多了一倍效果應該是會更好的

Hamiii好用推薦：AHC一向都係cp值高既品牌，價錢平，效果唔錯，唔太乾既天氣用係唔錯既選擇🫶🏻Ahc既眼霜到而家已經出到第12代，而呢支係第9代🌷 官方既成份係： ◼ 注入『逆時空原生緊緻因子』，啟動逆時般的自然彈潤！ • 蘊含膠原蛋白＋彈力蛋白＋高機能左旋肌肽，結構近似人體原生成分，賦予原生肌膚逆時般的極致緊實感！ • 強效緊緻成分－含7種EGF撫紋修護因子，對抗細紋， • 賦活眼周彈亮－添加35種胜肽抗老成分，改善眼周暗沉 • 深層保濕能量－注入10重玻尿酸＋17種胺基酸，深層補水 補水，潤澤既感覺係有既，而且質地cream狀，好易推開，亦都可以好快被皮膚吸收🫶🏻 至於我自己，會將佢搽埋去抬頭紋位置，幫手減淡下d細紋🫶🏻 對於幾十蚊一支既眼霜，性價比很高👍🏻

mandy好用推薦：來自AHC 的第九代青春持久全能眼霜 價位真的很便宜, 而且還大容量30ML, 且含海量對肌膚有益的成分, 實在是非常物超所值的眼霜。 功效: 減少黑眼圈、眼袋及浮腫 增加肌膚彈性 保濕 淡化細紋、去紋 提昇面部輪廓 收毛孔 全面都可使用 AHC 第九代青春持久全能眼霜 質地 介乎滋潤及清爽之間,  完全不黏笠, 而且很好吸收及非常柔滑易於推開。 比起很多日系的抗衰老產品清爽, 日系的抗衰老產品大都非常滋潤, 很少這種比較清爽、保濕又不太潤的產品。 如需上妝, 妝前用這款眼霜就不影響後續上妝。 黑眼圈有淡一點, 但不能天天夜瞓。 有眼袋可使用眼霜頭配合眼霜按摩來減少浮腫。 除了比較大容量, 價位便宜外, 第九代青春持久全能眼霜  不只可用於眼周肌膚, 在全面包括頸部都可使用。 基本上就是可塗於所有皺紋的地方, 如法令紋及頸紋, 非常方便抵用! 大牌的頸霜可不便宜,  有了這款萬能抗皺霜就給大家多一個選擇。 皺紋方面, 個人認為得花多點時間持續使用 才可以有效, 成功沒有捷徑。 近來頗感覺到頸紋變淡了少少。 我都沒有全面使用,

橘子貓好用推薦：Revitalift Pro-Reinol Anti-Wrinkle Eye Cream 已經用空瓶了！A醇入門級的眼霜，零耐受期，不會刺激反乾，保濕不笠，不會太油潤。適合初抗老需求的人士，用後可以維持眼周皮膚狀態，不易長出皺紋。

維他他好用推薦：高cp值的眼霜，價錢抵，好用，去到呢個年齡，開始用抗皺去紋的護膚品，呢隻眼霜可以減淡細紋，幾好

Chloeincosme好用推薦：🤍 溫和度：5/5 Avene呢支眼霜對敏感眼皮非常友好，成分簡溫和，完全零香料零刺激，就算眼周肌膚敏感、泛紅甚至微損時用，都完全唔會刺痛或不適 🤍 保濕力：3.5/5 保濕功能做得不錯～質地輕潤，推開後能為眼周提供即時滋潤，緩解乾燥繃緊感，對於基礎補水來說合格！ 🤍 改善效果：2/5 可惜除了保濕外，其他功效近乎零～用咗一段時間，黑眼圈、眼紋同浮腫問題都唔見改善。 🤍 質地與吸收：3.5/5 質地輕薄，吸收算快，唔會導致油脂粒～日間妝前用都唔會搓泥，適合追求簡單保濕嘅人！ 總結： 如果你眼周極度敏感，只追求最基礎、零負擔嘅保濕，Avene呢支眼霜或者可以滿足你～但如果你同我一樣，希望同時改善眼紋、黑眼圈等問題，就可能要投資其他多功能眼霜了～應該不會回購啦！

Noel好用推薦：入坑 Avene 後買的眼霜，小小一枝，白色乳霜狀，沒有流動性，帶品牌獨有的香味，像香皂＋精油的味道，我很喜歡❣眼霜延展性極好，塗到眼周即時補水，喚醒皮膚💧乾肌都會愛上 Avene 吧？！🤗 不過，我沒有打算回購這款眼霜，因為除了滋潤眼周皮膚外，沒有其他 function...

Fng好用推薦：Innisfree 寒蘭全效修護眼霜（昇華版) ， 冇做research下，去韓國時盲買🫣🫣🫣 ✨質地與保濕度： 乳霜質地輕潤，推開後吸收速度快，唔會油膩或黏笠，夏天用都零負擔！保濕力足夠混合偏乾肌，冷氣房過夜眼周仍保持柔軟，乾紋有即時淡化效果，但極乾肌可能覺得冬天唔夠潤。 ✨功效與表現： 主打「全效修護」，實際用後覺得去浮腫同基礎保濕最明顯！寒蘭成分帶輕微抗氧化效果，熬夜後眼周冇咁暗沉，但對深層皺紋同嚴重黑眼圈效果有限。性價比高，$200左右有30ml，抵用！ ✨同價位比較： VSThe Ordinary咖啡因眼精華：呢支保濕更好，但去浮腫不及TO強效； VS AHC全效眼霜：質地相似，但寒蘭香味更自然，溫和度更高； VS L'Oréal Revitalift眼霜：Revitalift更針對淡紋，但寒蘭整體平衡性更佳。 ✨適合邊類人： 適合預算有限、追求基礎保濕抗氧化的輕熟肌！夏天用清爽夠力，但熟齡肌可能要疊加更針對性產品。 總結：平價眼霜中的「穩陣派」！冇驚天效果但絕少踩雷！

HYL好用推薦：我右眼天生有斑，現在明顯斑變淡，算是效果之一 補水效果和淡化細紋的功效我覺得不大，我前眼角那塊還是很乾。 #我的崇光感謝祭必買眼部護理

劉肥貓好用推薦：快吸收 容易推開 基本保濕滋潤效果可以 但其他效果就唔係太明顯

lingbb好用推薦： -一枝解決雙眼週邊3大眼肌膚問題：黑眼圈、眼紋、浮腫， - 質地係白色輕薄乳霜，易推易吸收，無香味，用了兩三天眼圈已經有減淡，而且無咁浮腫，眼底唔會乾， - 眼霜外型想做到按摩眼部既功能但我比較喜歡用冰涼既棒按摩 -如果想改善黑眼圈問題可以試試👍🏻。 #火熱新品

維他他好用推薦：早一期實行早C晚A嗰陣，實行到極致嘅時候，就係連眼霜都要用A醇產品，當時用咗neutrogena  A醇嘅抗皺眼霜，我用咗兩個禮拜左右，確實眼周嘅細紋同黑眼圈係減淡左少少，少少only ，但係魚尾紋嗰啲就做唔到改善，同埋眼周膚色不均都係差唔多，冇乜明顯改善 呢支眼霜質地算係輕盈，不過都係有少少黏立，但係整體嚟講都算快速吸收，價錢都唔太平，好似要$200幾蚊支，得15gram 有興趣早c晚A嘅朋友可以試吓

Yuki好用推薦：2024年買過性價比最高嘅護膚品 為左實行早C晚A 但又怕A醇太刺激用唔到 最後平平地揀左Neutrogena眼霜質地係乳液 好輕盈易推易吸收 用後唔乾冇脫皮冇紅腫冇敏感 眼霜加左透明質酸 乾肌用完全冇問題 用左幾日眼周細紋有好明顯改善 但減淡黑眼圈同均勻眼周膚色就冇咩效果 自己最想係減淡眼紋佢有做到 之前見watsons做優惠買一送一 已即時再入手左2支舊版產地：法國 (2024新版變咗韓國製造) 購入日期：2024-03-13 購入方式：護協website *朋友代購 入手價錢：HKD139/14ml (HKD9.93/ml) 原價：HKD199 (HKD14.21/ml) *新版貴咗 零售價$299/14ml 回購：10/10 *又平又好用

Emily Leung好用推薦：告別熊貓眼|豆乳A醇點晴筆 我最近每天追劇刷視頻啥的，睡覺基本上都到了凌晨，早上起來眼睛就像熊貓眼一樣，而且眼周都無光了。 多虧姐妹給我安利了這款SANA莎娜的豆乳A醇眼霜！ 質地是乳液狀的，很清爽不黏膩，每晚做好基礎護膚之後，擠適量眼霜，指腹乳化一下眼霜再點塗在眼周，輕輕按摩讓其吸收。我以前眼部乾燥導致化妝老卡粉，現在完全不會，眼周很滋潤！ SANA豆乳系列也算是日本老牌子了，這次裡面還加了雙重A醇新配方，可以很好的抗初老還可以滋潤眼周，淡化眼乾紋。 而且價格居然還在百元以內，用來做A醇入門級護膚性價比也很高。用起來可以放心，因為是無添加的哦。 一支多用，還可以塗在嘴角，鼻翼和有法令紋的地方哦 堅持用下去，會發現整個人都煥然一新了！

Simona好用推薦：Sana眼霜，日本女生超推！真係幾保濕，大大支20ML，而且係tube裝，好乾淨衛生。用落好舒服👀

Kelvin好用推薦： Cruel嘅護膚品弱酸性貼近肌膚天然pH值、無香料、無色素、無酒精、防敏感配方，所有皮膚都用得，聞落冇味道。 我對眼霜嘅主要要求保濕不刺激。cruel 藍色樽身，入邊係白色眼，保濕修護效果唔錯，查完幾個鐘仲有感，完全冇刺激。佢乳霜質地都相對濃稠，用起上嚟有啲厚身，雙眼好有滋潤感覺，但又唔會令到眼部皮膚好油，香港冬天乾燥天氣啱用👀但如果你嘅皮膚好容易起眼部油脂粒就只限於薄薄地擦一層

劉肥貓好用推薦：乳霜狀 質地濃厚適中，容易推開吸收 快 無香料色素。用後唔會敏感，唔會起油脂粒 基本保濕效果還可以

Stephanie好用推薦：基礎型眼霜，好推易吸收。妝前用完全不起碎。保濕力很足夠，小資女推薦！

Angie好用推薦：滋潤度比較高既一款眼霜，使用時要輕輕按摩幫助吸收，用咗一排無生油脂粒，唔錯

iliya 好用推薦：呢款眼霜聲稱有緊緻抗皺功效，不過用咗兩個星期都見唔到效果，而保濕度係ok嘅🙈

格仔餅公主好用推薦：雖然有緊致字眼但係唔係好覺得個效果出現！如果淨係純粹想保濕下啲眼紋（去唔走到架）都可以嘅

Akassoo好用推薦：呢盒眼霜係INNISFREE嘅舊版，依家得眼霜按摩筆，個人覺得呢款嘅眼霜耐用啲，有30ml，性價比較高。 產品主打綠茶成份，係可以為眼周補充營養及水份的保濕眼霜。不過就冇抗皺功效，冇得減淡眼部周圍嘅細紋。 #夏季必備保養

agnessstang好用推薦：偏厚身嘅eye cream 但搽上眼唔算太heavy 唔會生油脂粒 做基本眼周保養ok 冇咩特別效果

killkew.b好用推薦：質感好清爽，不過保濕力就一定唔夠其他眼霜黎， 但適合用按摩棒按摩眼袋去水腫時用。

sami.mew好用推薦：覺得只適合年輕學生黨使用，雖然cp值高，但長大後就覺得不太足夠滋潤了。

Meme166好用推薦：萬寧特價百零蚊， 查喺眼部周圍滋潤唔怕太笠， 仲可以查全面， 唔肉赤。我多數查完眼周圍，會查埋嘴角。