找產品
控油洗面乳 推薦好用產品
23 件
Yuki Chow好用推薦：b.glen 礦泥潔面乳是一款非起泡型潔面產品，主要利用天然礦泥（蒙脫石 Montmorillonite）的吸附力來清潔毛孔，而非傳統表面活性劑的泡沫。 一般礦物濾嚟俾人感覺用完之後會比較繃緊同乾， 這款潔面乳使用後既能吸除污垢，同時保留肌膚必要的油脂與水分。 使用一段時間之後會發覺酒米同黑頭會減少咗，特別下巴位，係一款靜悄悄幫你去除黑頭粉刺嘅產品，一般深層清潔用完之後會覺得好繃緊好乾，有時仲有機會出現敏感嘅狀況，而呢款潔面產品可以去除黑頭粉刺，亦都可以保留肌膚嘅水潤度，性價比高。
<看全文>雪雪好用推薦：B.glen呢支礦泥洗面乳非常出名，我用咗一大半，有以下心得。 首先佢係一支唔會起泡嘅洗面乳，如果鍾意泡沫嘅朋友就唔好揀呢支。 另外佢主打用磁鐵去吸付面部嘅黑頭粉刺，深層清潔，同時保留肌膚水份，用咗一大支，我唔係好覺得黑頭粉刺有減少，不過洗完之後，肌膚唔會繃緊，保濕方面做得幾好，清潔方面尚可，呢支洗面價錢都唔平，三百幾蚊，雖然可以用好耐，但係對我就麻麻地。
<看全文>
Sandy好用推薦：[穩定夏日肌膚] 心得 洗面露泵一下已足夠清洗全臉，洗完即時感受到清爽零黏膩，水楊酸溫和帶走皮垢同時保持肌膚柔軟，T位毛孔明顯清潔乾淨🥳 鼻翼位，下巴同額頭油脂粒明顯減少， 香港夏天又潮濕又高溫 皮膚好容易出油脂粒, 加上成日都需要化妝 我屬於 50+成熟皮膚， 用咗呢支洗面膏之後 皮膚透白 😄改善咗暗沉 😃 減少油脂粒， 洗完面可以吸收更多到精華素💪 避免浪費 敷mask更加容易吸收👍 分享畀大家好物👍
<看全文>momojo好用推薦：無香精味，比想像中起得多泡，無用網都搓到 用完好滑！一星期用一兩次左右，只作洗面
<看全文>
Fng好用推薦：CeraVe 清爽泡沫潔膚露 CeraVe 清爽泡沫潔膚露（Foaming Cleanser）係一支專為「中性至油性肌」設計嘅弱酸性潔面，主打清潔力夠之餘，又唔破壞皮膚屏障，用法同感受都幾簡單直接。 💟 產品重點（成份／功效） - 主要適合：中性、混合偏油、油性肌，如果你係成熟偏乾肌，就要小心用或只限夏天。 - 成份重點： - 3 種 Ceramides 神經醯胺，幫皮膚維持屏障。 - 透明質酸，提供基本保濕。 - Niacinamide（煙醯胺）有助舒緩、輕微調理油脂。 - 特點： - 無香料、弱酸性（約 pH 5.7），敏感肌一般都可以試（但非常乾或極敏感要先做局部測試）。 - 可用於面部同身體，一支可以當洗面＋沐浴露用，CP 值高。 💟質地同清潔力 - 泡沫：凝露質地，加水後易起細緻泡泡，沖洗得好快、唔痴面。 - 清潔力： - 洗得好乾淨、去油力幾強，夏天、運動後用會特別舒服。 - T 字位唔易再好快出油，洗完係「舒服嘅乾爽」，唔係滑到好似洗唔乾淨。 💟乾不乾？適合邊種膚質？ - 混合肌用家： - 正
<看全文>Mei_pk好用推薦：這款洗面奶，適合敏感肌，潔淨力ok，但是我個人比較喜歡用藍色的水楊酸。
<看全文>
YiN好用推薦：同朋友行免稅店，用優惠價換到嘅旅行size。睇佢細細枝，其實可以用到好耐，我用咗一個月都仲有半枝。覺得好大原因係因為佢質地好厚，只需要好少份量就夠洗全面。泥膜嘅顏色，冇好強烈香味，入面有啲磨砂粒粒但唔算好密。 我本身混乾肌皮膚又比較薄，所以唔會用太多磨砂，我擠得少出嚟啲粒粒少我反而仲舒服。但最喜歡嘅地方係就算我用好少份量，加水都可以搓到好多泡，搓下搓下就夠洗全面，又唔覺有磨擦感。而且過水之後都唔會好乾好磞緊，但又有種無殘留嘅清爽感。整體感覺非常良好，會回購！
<看全文>Kelly Wong好用推薦：KANEBO洗面泥呈現厚實的泥狀質地，帶有細緻的磨砂顆粒。推開時有一定的阻力，但不會過於粗糙，能在清潔同時帶來輕微去角質效果。 有玫瑰果油成份，按摩過程中真係有絲滑嘅效果，沖洗後感覺乾淨清爽又有高級感既花香味，唔會有緊繃或過度乾澀。讚👍🏻 不過根據說明書，每週使用2–3 次就可以，避免過度去角質，反而造成皮膚屏障受損。
<看全文>
Poyobb好用推薦：佢叫做金盞花潔面泡沫，但其實係透明gel狀，茶花味，佢嘅味道令我洗面時感到好relax🛁 起泡量適中，輕盈質地泡沫，洗面溫和，沖乾淨後唔會啜手，溫和嘅潔面產品都有類似嘅效果🥚 比同系列嘅爽膚水好用好多。保濕度好，用完感到皮膚嫩滑，任何季節都啱用。就算敏感泛紅皮膚都用得。 成熟皮膚開始注重穩定皮膚狀態，温和產品更適合，依枝潔面相信會再回購😊
<看全文>dor.r好用推薦：一直都幾鍾意Kiehl’s呢個品牌，身邊嘅朋友都覺得佢哋嘅產品係幾有效果的👍🏻今次講吓呢支金盞花潔面泡沫🌼產品不含肥皂同酒精，可以舒緩泛紅敏感，保護皮膚屏障，不過我本身唔係敏感皮膚，所以呢方面感覺不大🫢佢有少少好天然嘅金盞花香味，我用大概五毫子嘅份量加水起泡，雖然不含肥皂但起嘅泡泡都算多，泡沫不算綿密🫧好容易沖洗乾淨，至於清潔同保濕功效都做得好唔錯，洗完面皮膚好爽但又唔會覺得繃繃緊，感覺幾舒服，我覺得混油肌係好適合用的，值得推薦👍🏻
<看全文>
Emily Leung好用推薦：敏感肌洗面奶First Aid Beauty✨ 擠出來的是乳白色膏狀，沒有流動性，無添加香料。加水在掌心搓揉後，因為不是皂基，所以起泡能力一般，但是打圈按摩後洗的非常乾淨。 洗面乳是弱酸性，因為裡面有蘆薈成分，成分天然，特別溫和。我打完水光之後用來潔面，都不會覺得刺激，洗完臉白白嫩嗯，也不會覺得乾和緊繃。 官網說這款洗面乳是可以卸除隔離霜和BB霜的，我一般用了防曬或者遮瑕的話，還是會先用卸妝乳卸一下再用這個清潔。 我個人感覺哦，和香奈兒的山茶花有的一拼，但是更溫和，對敏感肌非常友好，而且性價比太高了。
<看全文>agnessstang好用推薦：同FAB其他產品一樣 所有膚質都可以用 濕疹/敏感肌都ok 有蘆薈成分 係比較溫和嘅cleanser 唔算係起好多泡🫧 但潔淨力不錯 洗完塊臉都唔會覺得乾💧 官方係話可以卸妝 不過我都係會卸咗妝先再用洗面奶🤣
<看全文>
Chloeincosme好用推薦：🤍 泡沫質地：5/5！Bifesta呢支碳酸泡沫潔面真係一按即出超綿密泡沫～啲泡沫細緻到好似忌廉咁，可以輕鬆深入毛孔，按摩嗰陣感覺好舒服，仲有淡淡清新香味！ 🤍 清潔力：4.5/5！清潔力真係冇得輸～可以有效溶解多餘油脂同污垢，洗完面個感覺好清爽，我諗應該好適合油性同混合肌 🤍 保濕度：3/5！對於乾肌來講，用完之後唔會即時有繃緊感，但保濕效果就真係一般，建議洗完之後要即刻做保濕步驟☺️ 🤍 對抗黑頭/暗瘡：4/5！持續使用覺得毛孔有變乾淨，黑頭問題有輕微改善，而且因為清得徹底，暗瘡都生少咗～不過要徹底解決黑頭可能都要加返深層清潔產品！ 總結： 如果你係油肌/混合肌，或者追求強力清潔同豐盈泡沫感，Bifesta呢支碳酸潔面絕對係平價好選擇！佢嘅細緻泡沫同清潔力真係冇得彈，不過乾肌朋友就要注意保濕跟進～整體來講性價比高，用來做日常深層清潔唔會令你失望！
<看全文>Fng好用推薦：Bifesta 碳酸潔面泡沫 清爽型 膚感同清潔力 作為混合偏乾肌，香港夏天成日面油出汗，但兩頰同眼底偏乾，揀潔面產品好頭痛。Bifesta呢支碳酸泡沫一按就出到超綿密嘅泡沫，好似忌廉質地，上臉好舒服，完全唔需要再打泡。用佢做晚間清潔，輕輕按摩已經可以帶走多餘油垢同防曬，沖水後感覺清爽，但唔會有乾燥感，對於T字位油、面頰乾嘅人來講，平衡度做得幾好。 同價位品牌比較 同樣開架價位，唔少人會揀Biore或者Cow Style嘅泡沫潔面。Biore泡沫相對冇咁實淨，消泡快，清潔力對偏油肌可能唔夠持久；Cow Style就溫和但去油力稍弱。Bifesta碳酸泡沫嘅優勢在於泡沫密度高，吸附力強，清洗毛孔油脂效果更明顯，同時保濕感比一般清爽型產品好少少，適合香港又濕又焗嘅天氣。 整體評價 總結嚟講，呢支潔面係夏天混合肌嘅穩陣之選——方便、爽快但唔過度抽乾。如果兩頰極乾的話，建議只重點清洗T字位，或者轉用滋潤型。至於性價比，佢同其他開架品牌價格相近，但碳酸泡沫嘅使用感同清潔效率略勝一籌！
<看全文>
Kmggigi好用推薦：Curel 深層控油保濕泡沫潔面乳係一款專為油性肌膚設計嘅潔面產品 相比起同系列嘅豐盈泡沫洗面乳， 呢款潔面乳喺控油方面表現更加優秀， 專為容易出油、毛孔堵塞嘅肌膚設計， 有效清潔多餘油脂並維持肌膚水油平衡， 令面部更加清爽乾淨。 泡沫質地同樣綿滑豐盈，能輕柔包裹肌膚， 溫和去除污垢同油脂，用後肌膚感覺潔淨清爽， 但唔會出現繃緊感，保持舒適嘅潔面體驗。 潔面乳特別針對毛孔問題設計， 能有效預防黑頭同粉刺， 日常使用後，明顯感覺到毛孔更乾淨， 油脂分泌減少，肌膚變得更平滑健康。
<看全文>Wendy好用推薦：Cruel 呢支洗面奶適合敏感肌膚使用 泡泡好綿密 好溫和 夏天使用可以控油而且用後吾會感到好繃緊 會再購
<看全文>
Camilalkw好用推薦：溫和 保濕力不錯 好好沖洗 唔會有殘留感 但唯一缺點係無乜泡泡 另外佢都有添加經典既Sk2 PITERA™成分 可以調理肌膚平衡
<看全文>Noel好用推薦：SK-II 的 Gentle Cleanser 由於單價比較高，所以個人對這件產品有很高期望。潔面乳呈白色膏狀，只有一粒黃豆多dd 的份量，就能起泡，泡泡多而且綿密，使用時很舒服👍用量又省，算是可以接受。而且用後清爽，沒有繃緊，我這個大乾肌用也覺得 ok❗ 缺點方面： 1️⃣ SK-II 價格比較高，我會選擇能達到差不多效果，但相對便宜的 Decorte AQ系列 2️⃣ 花香味很重，鼻敏感人士千萬留意
<看全文>
mysecretgarden好用推薦：講開卸防曬我一直都好苦惱。本身只係搽咗層防曬，但又未至於化全妝，為咗佢特登用卸妝水，又要拎化妝棉抹一輪，真係有啲麻煩。後來試咗Muji呢支溫和潔面乳液，先發現原來可以簡單咁多。 支嘢嘅質地同佢個名一樣，真係好乳液推開嗰陣好柔滑，完全唔會拉扯塊面，一開始都唔係好適應覺得滑潺潺，不過秋冬用呢就幾舒服。用完之後，塊面完全冇繃住嘅感覺，摸落去係水潤軟滑嘅。清潔力就屬於溫和派。如果我只係搽咗普通防曬，佢應該都可以洗乾淨。不過如果真係化咗妝，就未必夠力，我試過隻手度測試，真係要俾啲力先可以清潔到，比較起上嚟覺得同一個系列嘅啫喱表現就好好多。
<看全文>Karman28好用推薦：真的是很溫和的潔面乳，清潔力較低，覺得完全無刺激性成份，十分適合敏感肌人士。 但一般夏天會出汗和油的，不太推薦。
<看全文>
Kathy Wai好用推薦： 「Hello大家好！今日同大家做個真心評測——Sana豆乳洗面奶！成日見人講平靚正，等我用廣東話同你哋拆解下！」 （Packaging & 質地） 「包裝簡約日系風，唧出嚟係白色乳霜狀，冇乜香味（好感度加分！）。加水輕輕搓幾下，泡沫算綿密，但唔算超厚身個隻，敏感肌用都安心。」 （清潔力測試） 「日常防曬、淡妝（粉底+碎粉）可以直接洗得走，但防水眼線同唇釉就建議先卸妝。洗完面塊面唔繃緊，摸落滑捋捋，仲有少少水潤感～」 （成分重點） 「主打豆乳發酵液+大豆蛋白，溫和保濕冇酒精、冇色素。油肌夏天用夠清爽，乾肌冬天可能要快啲上保養品。」 （性價比 & 適合膚質） 「百零蚊有150g，早晚用都用成3個月！中性/混合/輕度敏感肌最開心，大油田可能覺得清潔力偏柔，建議朝早用。」 綜合評分： · 溫和度：4.8 / 5 · 保濕度：4.5 / 5 · 清潔力：3.8 / 5 · 泡沫質感：4 / 5 · CP值（性價比）：4.5 / 5 （總結） 「總括嚟講：平價基礎清潔入門之選！想穩陣唔踩雷、追求洗完唔乾嘅朋友，呢支值得長備。但追求深層去黑頭/強效控油就唔好抱太大期望啦～」
<看全文>楊一二好用推薦：呢支SANA豆乳洗面乳，成分天然冇人工香精，帶淡淡豆乳味。不過清潔力偏強，就算係我油性皮膚用完都覺得皮膚好乾，要即刻搽skincare 補濕 所以就算佢價錢好平都未必會回購，會去買返d溫和洗面乳。
<看全文>
Sakura醬好用推薦：日本Rosette海泥洗面膏用後感！！ 呢支綠色管嘅洗面膏真係我用過咁多隻之中，清潔力同滋潤度最好嘅洗面膏！ 拎到手之後，支嘢嘅包裝管身揑落去軟淋淋，仲好有彈性添！ 擠出嚟嘅膏體係灰色，聞落有陣淡淡嘅泥味（證明真係海泥嚟㗎～），不過整體都算幾清新！ 將啲膏擠喺手度，加足夠嘅水，慢慢捽，就會出超多泡沫，而且仲要好細密！！！！ 我通常會重點捽個鼻哥位，一來我T字位好易出油，二來我鼻哥嘅黑頭好多。 好喇，重點嚟喇，洗完塊面之後我神奇咁發現，鼻哥上面啲黑頭同毛孔裏面嘅污糟嘢真係少咗好多！而且一摸自己塊面，奇蹟般咁滑溜，好似BB嘅皮膚咁！ 連續用咗幾日之後，塊面基本上冇乜痘痘啦！皮膚前所未有咁透亮！ 真係超級鍾意！實會再回購！！！！
<看全文>zetalhc好用推薦：喺日本藥妝店購入，清潔能力同潔淨毛孔嘅能力都普普通通，但係就勝在性價比好高，長期用可能會覺得洗得唔夠乾淨會堆積角質
<看全文>
Hamiii好用推薦：免稅店見到套裝入手 本身expect佢會比較潤 但最後竟然偏乾🤨 起泡正常 清潔度唔錯 但洗完少少乾 可能天氣乾燥？！ 功能上不過不失 唔係非佢不可咁🫥
<看全文>Milo101好用推薦：🌟潔面霜不錯，著重水油平衡 🌟泡泡易起而且綿密，清潔效果很好
<看全文>
Circlecyy20好用推薦：清潔力高，而且質地輕盈，夏天使用後不會感到乾澀 ，亦都不會容易出油。
<看全文>choichoi好用推薦：多數在夏天使用，因為下班之後已感油光滿面，可適當潔淨肌膚的油膩感，但不會致乾，在有痘痘的時間使用更能起收斂作用
<看全文>
Lumi Kwan好用推薦：*我用嘅係新版本* 我唔係油性皮膚，但都需要間中嘅深層清潔，所以一個星期會用一次呢種洗面膏。火山嚟都係呢個品牌嘅王牌產品，佢蘊含濟州島火山泥及水楊酸成分，清除毛孔污垢。見佢叫我添加積雪草，所以我覺得同一般深層清潔嘅洗面膏相比，佢洗完唔會話有太乾嘅感覺。至於婆婆方面，佢唔算龍脈，所以都好容易清洗，用後都幾清爽。
<看全文>Sarah好用推薦：深層清潔完覺得皮膚滑左好多，黑頭明顯少咗，皮膚回復光澤。但隨之而來的是皮膚乾燥和崩緊，只適合夏天出油多的日子用，而且不可以日日用。我當佢係去角質產品，一星期最多用兩次。
<看全文>
Poyobb好用推薦：之前用過細佬隻Biore 洗面泡泡，感覺唔錯，呢排幾多粒粒，買咗支抗痘款用。 一支出嚟就係泡沫，但泡沫唔係好濃密嗰種，比較稀，用起上嚟早上用泡沫會比較容易整理，唔會整到洗手盆都係，真係幾方便。 對暗瘡作用不大，反而覺得洗完面有啲繃緊嘅感覺，可能暗瘡呢款清潔力較為強，用完皮膚好乾，都要即刻用返保濕護膚品。睇返背後嘅說明只係講到有抗痘成份，但又冇寫明係乜嘢成份，年輕肌膚當普通洗面產品用就OK。對抗暗瘡個人嚟講都係用酸最有效果🤣
<看全文>Circlecyy20好用推薦：呢款洗面奶起泡好多使用都幾方便，但係清潔力就真係比較強，所以如果唔係油性肌膚會可能覺得有啲緊繃
<看全文>
Noel好用推薦：🌟🌟🌟🌟🌟🌟 六星星 亞馬遜白泥清潔產品，是品牌的明星商品之一，用過了小包裝，白泥潔面乳呈乳霜妝，沒有一塊塊泥土的感覺，起泡效果不錯。使用後用溫水沖洗，皮膚感覺很清爽，沒有乾燥及繃緊，感覺很好❗
<看全文>Shirley好用推薦：性價比高，用黎做深層清潔唔錯！洗完面都唔會好乾！用後舒服，feel到乾淨左！
<看全文>
Giselle 好用推薦：Biore 暗瘡護理洗面膏 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢個系列算係Biore入面最出名嘅洗面膏系列˚₊*୧⃛(๑⃙⃘⁼̴̀⁼̴́๑⃙⃘)୨⃛*₊˚我好細個嘅時候有接觸過呢一款產品❤︎(｡☌︎ᴗ☌︎｡)呢款產品只要加少少水就已經好快搓到好綿密嘅泡泡(✿︎´ ꒳ ` )♡︎不過洗完面之後對我呢個乾肌人士來講會太乾，可能佢嘅油脂清潔力比較強(⌯︎˃̶᷄ᗝ˂̶̥᷅⌯︎)所以同我一樣皮膚偏乾嘅小伙伴一定要做好後續補濕程序⸜( ´ ꒳ ` )⸝另外用咗佢之後亦都唔太覺得暗瘡嘅問題有咩改善(꒦ິ⌑︎꒦ີ)所以我唔太推薦而家有暗瘡問題嘅小夥伴入手呢支產品₍ᐢ ›̥̥̥ ༝ ‹̥̥̥ ᐢ₎
<看全文>iliya 好用推薦：Biore呢個系列嘅洗面膏係屬於平價開架貨，洗面嘅清潔能力都幾好，但係用完之後就有啲乾，同埋唔覺得有咩特別嘅暗瘡護理功效。
<看全文>