找產品
溫和卸妝 推薦好用產品
94 件
EC好用推薦：用咗THREE呢支卸妝油一段時間，真心覺得幾驚喜！ 首先佢個味超級好聞，係好天然嘅草本加柑橘味，每次卸妝都覺得好放鬆，好似做緊香薰治療咁。質地好輕身，喺面度按摩好舒服。 最正係就算冇化妝，我有時都會忍唔住用佢按摩下面，當係深層清潔。有時真係會推咗啲油脂粒出嚟，感覺好爽！ 有化妝嘅日子，佢一次過就卸得好乾淨，連眼妝都冇問題。過水之後塊面完全唔油膩，仲要好水潤唔繃緊。因為佢寫到明可以卸完唔使再洗面，我而家真係懶咗，一步搞掂，塊面少咗摩擦刺激，反而仲穩定咗。 整體嚟講，呢支嘢令我愛上咗卸妝，又乾淨又舒服，會回購！
<看全文>Emily Leung好用推薦：同大家介紹一款超級好用嘅卸妝油 🇯🇵品牌：Three 清潔效果：真係一流，之前用過唔同嘅外國品牌，成日都會澀眼，但呢款完全冇呢個問題，連眼唇部位都用得，用完一啲都唔乾澀，完全冇任何味道，質地輕盈柔滑。我洗完臉到而家已經過咗20分鐘，塊面都冇繃緊嘅感覺，而且唔含矽油。 購買渠道：應該係喺韓國機場免稅店買嘅，價錢大概唔使200蚊，確實嘅價錢就唔係好記得啦。 使用體驗：其實我本來對呢啲樸素嘅產品冇乜興趣，可能係年紀大咗，越嚟越鍾意簡單嘅嘢。當我打開呢個包裝嘅時候，一瞬間就愛上咗，簡約大方，就好似呢支卸妝油咁，可以令你回歸最本質、最原始嘅狀態。擠出嚟係油，但搽上塊面搓嘅時候完全唔覺得油膩。 推薦指數：🌟🌟🌟🌟🌟
<看全文>
維他他好用推薦：Biore出咗支新嘅噴霧式卸妝，幾新穎嘅卸妝方法，試試佢 呢支卸妝噴霧，每次卸妝大概都要噴10下以上，先會足夠可以卸乾淨全面嘅妝容，清潔力非常強勁，簡單易用，比起卸妝油會稀少少，但係比起卸妝水又會強勁少少，卸妝效果非常不錯，好乾淨，卸普通防曬一定冇問題，其實連眼妝胭脂呢啲都可以清潔得一乾二淨，重點係洗完之後，塊面一啲都唔乾燥，呢一點幾好，價錢大概$100一支，有120毫升，貴唔貴就見仁見智，但係效果真係幾好，會推薦俾朋友使用 #火熱新品
<看全文>Ming好用推薦：#火熱新品 最近見到各大媒體都有報道呢支卸妝油，好多用家都認同卸妝能力好高，性價比非常高。 用咗之後呢支卸妝油嘅卸妝能力真係好好，無論係直接噴喺面上面又好，或者噴喺棉花上面抹又好，都可以輕鬆卸妝，有啲好難卸嘅睫毛液，眼線亦都好容易卸到，而且唔需要係咁捽塊面，卸完之後塊面唔會好繃緊，雖然都要再洗多次面，但係唔會咁乾燥，都試過喺沖涼嘅時候用，可以同一時間卸妝洗面都冇問題。就呢個牌子嚟講，呢款嘅卸妝油卸妝能力已經有好大嘅進步。。
<看全文>
Emily Leung好用推薦：Eve Lom 卸妝膏測評：真係「卸妝膏界愛馬仕」？ 今日同大家分享吓呢支貴婦級嘅 Eve Lom 卸妝膏，究竟係咪真係咁神？ 一打開個罐，佢係淡黃色嘅膏體，裡面有啲細細粒嘅顆粒。聞落有陣草本精油味，唔係嗰種人工香味，幾舒服嘅！不過如果你唔鍾意藥油味，可能要用慣先接受到。 跟足官方教嗰套「儀式感」用法先最正！挖一啲膏（唔使太多），係乾手乾臉度搓溶佢，然後按摩全臉。佢會慢慢變油狀，連埋個瑪姿林棉布用溫水敷臉，重複幾次（真係好似做Spa咁！）。敷完個刻，個臉滑到唔信，毛孔好似識呼吸咁！ 堅勁！我試過用防水眼線、唇釉，佢都輕鬆溶到，零殘留。而且用完唔會乾繃繃，反而有層保濕感，唔即刻搽護膚品都頂到一陣。 缺點： 1. 價錢貴：真係唔平，買個陣個心滴緊血⋯⋯ 2. 步驟多：如果趕時間返工/卸妝，真係冇心機跟足步驟。 3. 布要洗：跟嚟塊棉布雖然好用，但懶人可能會覺得麻煩。 總結： 如果你係「護膚儀式感」愛好者，又budget鬆動，呢支真係值得投資！尤其係皮膚敏感、易生閉口粉刺嘅人，用完會覺得成塊臉乾淨晒。
<看全文>Fng好用推薦：作為混合肌嘅我，夏天最怕卸妝產品笠痴痴或清潔力不足，導致毛孔堵塞或爆痘。Eve Lom 卸妝潔面霜一直評價兩極😈，有人讚為卸妝界愛馬仕，亦有人嫌步驟麻煩。親身試用一個月後，分享真實感受。 ✅ 優點 1. 卸妝力超強💯： 防水睫毛膏、持久粉底液，甚至部分唇釉都能一次溶解，無需反覆摩擦。相比其他卸妝油/水，佢嘅乳化效果更徹底，沖水後無殘留油膜感。 2.清爽但唔乾綳😗： 質地似 balm，體溫融化後變油狀，但沖洗後皮膚係啞啞哋嘅清爽感，無一般卸妝油嘅黏膩，亦唔會令T位過度出油。 3. 改善暗粒閉口😍： 配合官方「熱敷三步驟」，毛孔內嘅污垢同油脂粒明顯減少，尤其下巴同鼻翼位置，長期用覺得皮膚通透咗。 4. 天然草本氣味🌱： 成分含丁香、尤加利精油，味道療癒，無人工香料感，用落有種深層清潔嘅心理安慰。 ❌ 缺點 1. 步驟繁複🥴： 要按摩+熱敷+冷敷，趕時間或懶人會覺得麻煩（試過偷懶直接沖水，結果有少許油脂殘留😵💫）。 2. 夏天用稍嫌厚重： 雖然卸完清爽，但按摩時嘅油潤感，香港33°C濕熱天氣下未必人人接受到，建議用後即沖涼。
<看全文>
Emily Leung好用推薦：Cosme最值得回購的卸妝油 Attenir卸妝油是我回購最多的卸妝產品了！因為它真的卸的乾淨又溫和！而且膚感清爽巨好清洗，上臉幾乎沒有油膜感！洗完還不拔乾很水潤！ 清潔力也不輸任何大牌，無所謂淡妝還是濃妝，就連難卸的眼部彩妝也能卸得乾乾淨淨，親測塗了防水很強的睫毛打底+睫毛膏+眼線，也能快速溶妝，卸的非常乾淨，最重要是完全不刺激眼睛！ 味道也好聞，最喜歡柑橘香，其次是玫瑰！每次卸妝都感到很治癒！
<看全文>Sakura醬好用推薦：呢支Attenir卸妝油，我諗都唔使我多介紹，喺日本@cosme常年攞獎，真係有佢嘅原因㗎！ 講吓我點解會試佢先。之前我用開嗰啲卸妝水，成日要化妝棉喺塊面度捽嚟捽去，有時捽到塊面紅晒之餘，眼線睫毛膏仲要捽極都唔甩。後尾見到Attenir呢支油好多好評，話可以連頑固妝容都一抹搞掂，仲要標榜無礦物油、無色素、無酒精，對我呢啲敏感肌嚟講，聽到已經心心眼！ 首先，佢個流動性質地真係好加分！唔係杰撻撻嗰種油，係好輕爽嘅水感油，一推開就好順滑。最正係佢嘅乳化速度，快到我覺得佢好似識得變魔術咁！乾手乾面捽完妝，沾少少水上面，即刻「刷」一聲變晒奶白色，好易就沖洗乾淨，洗完塊面完全唔會有油膜感，但又唔會乾爭爭，係嗰種好舒服嘅保濕感，唔使即刻衝去搽護膚品都頂得順。 卸妝力方面，我可以好肯定咁同你講，真係好強！我平時返工妝容，粉底、碎粉、眉、眼影、防水眼線、唇膏，佢一嘢過全部KO晒。我會特別喺眼妝位置敷多幾秒，然後輕輕打圈，連我最怕捽嘅防水睫毛膏都溶到，唔使捽到對眼紅晒，呢點真係要俾個Like佢！ 仲有佢個香味，佢有幾款，我買嘅係柑橘香味，係嗰種好舒服嘅草本柑橘味；總之係好療癒嘅天然精油味，卸妝嗰陣成
<看全文>
Fng好用推薦：Maybelline 維C潔淨亮肌卸妝液 質地同卸妝力💚💚💚💚 呢支維C卸妝液係水油雙層配方，用前要搖勻。質地比純卸妝水滋潤少少，但又冇卸妝油咁厚重，好適合香港夏天混合肌使用。卸妝力相當唔錯，日常防曬、底妝、眉妝同普通唇彩，基本上用化妝棉抹兩次就已經好乾淨，唔需要用力捽。用後感幾清爽，沖水後皮膚冇油膩膜感，但同時唔會即刻覺得好乾繃。 膚感同溫和度🩵🩵🩵🩵 對我哋混合偏乾肌來講，最怕用完卸妝產品後，T字位唔乾淨，但兩頰又乾到扯住。呢支卸妝液嘅平衡度處理得幾好，因為有油份，清潔時夠順滑，減低摩擦感；而維C成分則帶來少許亮澤感。不過，如果眼妝用緊防水產品，就可能要額外敷多幾秒先卸得徹底，否則有少許殘留。 同價位品牌比較💛💛💛💛 同樣開價位（約HKD$70-$90），常見對手有Biore嘅卸妝水同L'Oréal嘅三合一卸妝水。Biore質地更清爽，但保濕度稍遜，偏乾部位可能覺得「拮」；L'Oréal就溫和，但卸妝力對夏天嘅強效防曬可能勉強少少。Maybelline呢支嘅優勢在於水油平衡，卸完膚感舒服，兼顧咗清潔力同保濕，性價比高。 整體評價💥💥💥💥 總結嚟講，係一支幾可靠嘅日常卸妝選擇，
<看全文>mysecretgarden好用推薦：卸妝係每日護膚流程一項好重要嘅一環，卸妝唔乾淨皮膚都會變差。一直用開第二個牌子的卸妝水，但係Maybeline新出就試吓呢一隻。呢隻標榜水油雙層配方，維C, 無添加酒精及香料，成份對於敏感肌嘅我嚟講用得比較安心 。每次用之前要搖一搖混合兩層，試用咗兩三個星期，最驚喜嘅係真係卸得好快，基本上日常防曬眉粉遮瑕 ，一抹就乾淨咗八九成，用後亦都唔會有好油膩嘅感覺，之前我用卸妝油都好容易出粒粒，但係呢款真係用完皮膚都好穩定 。不過美中不足嘅地方係個包裝設計。我自己將佢倒咗落第二個樽度，如果可以換成泵裝就好了。另外容量都比較少，一支好快用晒。 
<看全文>
Emily Leung好用推薦：MINON 氨基酸保濕絲滑卸妝乳 購於日本藥妝店，MINON專區，是眾所周知的天然溫和不刺激，氨基酸產品很多的品牌。 卸妝乳質感絲滑，無味的白色不流動但也不粘稠的乳液質地，易於沖洗乾淨。 很好推開，卸的更快乳化也更快，更清爽乾淨，但又很保濕，卸完妝感覺整張臉都清清透透水水嫩嫩的在呼吸~皮膚摸起來也光滑細膩哈哈哈哈~使用感敲級棒~
<看全文>KDing好用推薦：Minon 卸妝膏質地好輕盈，吱出黎再搽上面好易推開，氣味唔係帶強香精既味道，效果對化開淡妝既人黎講已經好夠，基本上四季用都會好舒服。 佢既清潔力對於日常妝容已經好夠用（eg 畫眉/防曬/遮瑕/胸脂/唇膏），洗完面之後都無妝殘留係面上。如果本身有上濃少少既眼易同底妝，建議係先用強力少少既卸妝產品，再用Minon卸妝膏做二次清潔就好，因為皮膚會無咁乾同溫和D，洗完面既水份都唔會完全帶走曬。 質地：偏水潤易推 香味：淡 清潔力：3.5/5 滋潤度：4/5 回購度：4/5
<看全文>
Tobimak好用推薦：呢支卸妝油已經回購過好多次了，我最鐘意佢性質溫和，使用時和使用後都沒有油笠笠的感覺👍🏻👍🏻👍🏻👍🏻 佢卸妝能力好強，就算果日個妝化得有幾細緻、有幾濃都好，用佢捽幾下就好快落乾淨，仲要唔傷皮膚💦💦💦 我平時會乾手乾面，直接泵2下就係塊面到捽，連眼影眼線都係咁卸，而過程中真係連少少蛰眼既感覺都唔會有🥰🥰 而且佢連毛孔都能徹底洗淨，不會因洗唔乾淨而搞到生暗瘡❤️
<看全文>kykyky好用推薦：雪花秀必用產品-順行潔顏油，輕輕既油容易係面上推開，隨後用小小水就可以乳化潔顏油，就可以將彩妝卸走，即使眼線液都可以卸得好乾淨，雖然卸妝力高，但用後唔會感覺繃緊，重點係長期使用皮膚都唔會出暗粒。
<看全文>Chloeincosme好用推薦：🤍 溫和度：5/5！Muji呢支敏感肌卸妝油真係名不虛傳～配方超級溫和，完全冇香料同酒精，就算係敏感肌或者皮膚狀態唔穩定嘅時候用，都完全唔會刺激或者泛紅，用完皮膚零負擔！ 🤍 質地同乳化力：4/5！質地算輕薄，唔會好似一般卸妝油咁厚重，推開按摩好順滑～乳化速度中等，沾水後可以徹底乳化，沖洗後冇油膩感，亦唔會黐笠笠！ 🤍 卸妝力：3.5/5！日常防曬、底妝同眉毛都可以輕鬆卸除～但對於防水眼線同睫毛膏就比較吃力，建議眼唇部位還是要用返專用卸妝產品，以免拉扯到皮膚！ 🤍 保濕度：4/5！用完之後皮膚完全唔會緊繃或者乾燥，反而有種潤潤嘅感覺～成分溫和同時保留到肌肤水分，乾肌同敏感肌都可以放心使用！ 總結： 如果你係敏感肌或者喜歡簡約護膚，Muji呢支敏感肌卸妝油絕對係穩陣之選！佢溫和又足夠卸除日常底妝，而且價格親民，性價比超高～雖然對付唔到強力眼妝，但作為一支日常卸妝產品已經足夠，特別推薦比追求溫和同基本清潔嘅你！
<看全文>Kk.ac好用推薦：平時都有唔少人推介muji好物，今日就要推介muji溫和潔面卸妝油😍 🔸呢款卸妝油加入咗具有高保濕功效💧，並配合天然潤澤成分杏桃汁、桃葉精華及透明質酸製成。而且最重要嘅係無香料、無礦物油、無色素、無酒精等，對皮膚或氣味敏感嘅人都比較友好😌 🔸使用方法：我平時會按壓3至4次於掌心，然後搽面並打圈按摩，對於眼部彩妝，會將手指放係眼部（合上雙眼）多停留幾秒以充分溶解，之後再用水徹底沖洗💦 🔸用後感：用卸妝油個時，感覺到質地輕盈又唔笠，唔需要用力搓揉，好易乳化。清水洗乾淨後，塊面覺得幾滋潤，無繃緊，面部無殘留感覺。 總而言之，我非常滿意muji呢款溫和潔面卸妝油，可以輕鬆卸完妝，連卸妝棉唔洗用。佢能夠起到溫和清潔又滋濕皮膚嘅作用，而且喺muji卸妝眾多產品當中係清潔力強同滋潤。佢宜家400mL只賣七十幾蚊，物超所值，用多啲都唔心痛👍🏻👍🏻
<看全文>
Fng好用推薦：老實講，每日最期待嘅護膚步驟，唔係搽精華，而係——卸妝。將全日嘅防曬、粉底、眼線一次過溶走，望住塊面回復乾淨，嗰種療癒感，好似同個世界講「收工喇」。 Curel 呢支卸妝啫喱（約HK$120 / 130g），係透明、會流動嗰種啫喱。 上面之後唔會滴到周圍都係，可以慢慢按摩。冇香味（Curel 一貫作風），敏感肌友好。 🩷點樣用先最舒服？官方話：乾手乾面用 記住：乾手、乾面。 擠大約2-3cm直徑嘅份量，放喺手心，用中指同無名指（力度最溫柔嗰兩隻）喺面上打圈按摩。 佢遇到皮膚溫度會慢慢溶化，由膏狀變成輕油狀。呢個過程好治癒，好似幫塊面做緊SPA。 按摩大概30秒，你會feel到粉底、防曬好似被「推起來」，但唔會拉扯到皮膚。 加水乳化：用少量水沾濕雙手，繼續按摩。佢會瞬間變成乳白色液體，呢個就係乳化過程。乳化做得夠徹底，沖水之後先唔會有殘留感。 最後用大量清水沖洗乾淨。 💚卸妝力實測：日常妝夠用，眼妝要分開 我平時嘅妝容：防曬 + 粉底 + 碎粉 + 少少胭脂。 Curel 呢支完全可以一次過溶走，洗完塊面乾淨、唔繃緊，仲有少少滋潤感（因為加咗神經醯胺同甘油）。
<看全文>Emily Leung好用推薦：Curel卸妝啫喱嘅真實使用感 我平時化開好簡單嘅妝：防曬 + 薄粉底 + 眉粉同少少胭脂，眼線同睫毛膏！平時我都搵緊一隻適合自己嘅卸妝產品，用化妝油會生容易閉口，用卸妝水又會刺激敏感，聽講呢隻卸妝啫喱係敏感肌專用，所以入手！用後真係好驚喜！ 講返支產品，佢嘅質地好得意，係一嚿 「唔會流」嘅透明啫喱，擠出嚟係一舊，唔會好似油咁漏落手。推上塊面嗰陣，感覺好滑，但又唔會覺得好油膩，好似將啲保濕啫喱按摩入皮膚咁。 味道方面，我要講：「基本上係冇味㗎！」 真係要好專登去聞先有陣好淡好淡嘅原料味，完全冇香料感。如果你係成分黨或者敏感肌，會好鍾意呢點。 用落感覺點？超級溫和！ 我兩頰好易敏感，但用佢完全冇刺冇痕。乾手乾面按摩一陣，啲粉底同胭脂會慢慢溶開，變成好細嘅白色粒粒。跟住加少少水乳化，佢會變成好稀嘅牛奶水狀，過水好易就沖得乾淨。 不過要講重點：佢嘅卸妝力係「剛剛好」。對我嘅日常裸妝同防曬，係完全夠力，洗完塊面好清爽，唔乾唔繃。但如果我今日用咗持久粉底或者防水防曬，就要按摩耐少少，或者用多啲份量先得。至於眼線唇膏？都係僅僅可以，想乾淨一定要用眼唇卸妝液。 總括來講，佢係一支 「皮膚狀
<看全文>
TsuenMa好用推薦：❄️冬季護膚 主打一個油水平衡嘅概念❄️ 清潔力強嘅卸妝或者洗面，一般都會係扯走啲油份，有時候清潔力強嘅item，用完之後會令到塊面繃緊，THREE呢支平衡潔膚油，就完美改善咗呢個情況，做到清潔之餘，同時間保持肌膚嘅油水平衡，減少對肌膚嘅負擔。 🫧使用方法：因為物理原理，會好明顯見到佢油同埋水兩層分開，所以用之前，需要先搖勻，令你擳出嚟唔會剩係得油，或者用到最後得返水。 🫧使用技巧：搖勻之後將product擺喺卸妝棉度，拭擦想要落妝嘅地方，以全塊面嚟講，應該要用兩張先夠。 🫧產品特色：product會有少許生薑味，使用起上嚟都好Refreshing，本身其實係有啲抗拒，但係用耐咗都習慣咗。 🫧產品設計好簡約，冇太多花巧嘢，一款實用型嘅概念；晉身用咗透明設計，有一種簡約無印風。 🫧用後感：好surprise呢隻潔膚油嘅清潔力同乾爽程度，平時好怕卸妝油會油淋淋，但呢隻唔會！佢油嘅程度只係其他卸妝油產品嘅一半，所以真係好有驚喜同好鍾意🫶🏾 啱晒冬天嘅時候使用，唔會加劇皮膚嘅乾燥，同時令到肌膚保持返油水平衡。
<看全文>Emily Leung好用推薦：THREE呢支平衡潔膚油真係堅得！ 質地比想像中輕薄 唔會好似傳統卸妝油咁『漿』住塊面 一泵就夠卸全面連眼唇 乾手乾臉按摩個陣 陣陣柑橘草本味超療癒 好似做緊香薰SPA咁 連防水眼線同唇釉都溶得快 加少少水即刻乳化變牛奶 過水一沖就乾淨 零油膩感 唔使再二次清潔 最驚喜係用完完全唔繃緊 皮膚仲好軟滑 又唔會悶出粒粒 真正感受到『以油溶油』嘅威力 已經成為我每日卸妝嘅儀式感！
<看全文>
Chloeincosme好用推薦：呢排用緊 La Roche-Posay 卸妝水 🤍 性質溫和，卸日常防曬同淡妝夠晒用，敏感肌用落零刺激感～ 🤍 清潔力：3.5/5 卸防曬、氣墊粉底同眉毛完全冇問題 🤍 溫和度：5/5 配方簡單安全，入眼都唔會刺痛，用完皮膚冇泛紅或繃緊，真正為敏感肌設計！ 🤍 使用感：4/5 水狀質地清爽，配合化妝棉一抹就乾淨，唔會留低黏膩感～ 總結： 如果你係敏感肌，平時只化淡妝或主要卸防曬，La Roche-Posay呢支卸妝水係穩陣之選～溫和抵用又方便，會繼續回購！
<看全文>lhyying1128好用推薦：本人係痘敏肌(´Д` )對卸妝產品既要求會好高，呢款溫泉舒緩卸妝潔膚水係無香料無酒精嘅，而且係敏感皮膚專用品牌，用起黎好安心(o^^o)
<看全文>
莓莓好用推薦：Hello大家好，今次要同大家做一個卸妝油實測——Bobbi Brown 舒緩卸妝油 。我係混合偏油肌，T字位易出油但兩頰偏乾，有時仲會因為卸妝唔乾淨而生暗粒。呢支被譽為「卸妝油界清泉」，係咪真係咁神？即刻開波！ 【產品質地】 水感輕薄，流動性極高，唔似傳統卸妝油咁黏笠。推開瞬間好似化成清爽精油，乳化速度唔使3秒，過水後零油膜感。 【氣味】 高級舒緩嘅薰衣草＋洋甘菊精油香，唔係化學合成味，卸妝過程好似做緊芳療，敏感肌都安心。 【上臉感覺】 乾手乾臉按壓2-3泵，喺有防曬＋粉底＋防水眼線嘅半邊臉打圈。觸感順滑零拉扯，即使近眼簾位置都冇澀眼。加水乳化瞬間變牛奶白，過水後皮膚柔嫩唔繃緊。 【用後皮膚狀況】 連續使用一星期，明顯感覺黑頭粉刺減少，冇堵塞毛孔引致暗粒。最驚喜係洗完面後水分值keep到41%（對比未洗前38%），角質層軟化得嚟仲帶自然光澤。 【評分】滿分5星 · 卸妝力：⭐️⭐️⭐️⭐️⭐️（防水睫毛膏都一抹即溶） · 溫和度：⭐️⭐️⭐️⭐️⭐️（敏感肌友好，眼唇可用） · 清爽度：⭐️⭐️⭐️⭐️⭐️（零油感，油痘肌大愛） · 回購率：⭐️⭐️⭐️⭐️⭐️（已回購第三
<看全文>Kitty 好用推薦：今次同大家分享Bobbi Brown Soothing Cleansing Oil！講真，我以前對卸妝油有啲戒心，驚佢笠痴痴、驚生暗粒... 但呢支嘢，真係改寫晒我嘅印象！✨ 1️⃣ 質地超輕薄！真係似水多過似油！💧 一泵出嚟，嘩！同我平時用開嗰啲油淋淋嘅卸妝油完全唔同！佢嘅質地超級水感，流動性好高，好似啲精華油咁薄身。查上面嗰陣，完全冇傳統卸妝油嗰種糊住塊面、扯住皮膚嘅感覺，舒服到呢～ 就算而家夏天咁悶熱，用佢都零負擔！ 2️⃣ 溶妝力超強！防水眼妝都 K.O.！💪 你咪睇佢質地咁薄就以為冇料到！佢嘅溶妝能力真係堅勁！我平時化妝都幾狠：防曬、粉底、遮瑕、防水眼線、睫毛膏、唇釉... Full gear 上陣！擠兩泵（乾手乾面！）按摩全臉，啲妝真係秒速溶解！尤其係啲超防水嘅眼線同睫毛膏，輕輕捽多幾下眼周位，就溶到一乾二淨，完全唔使捽到塊皮都紅晒！懶人恩物！ 3️⃣ 乳化超快！水一沖就乾淨！🚿 呢個真係重點中嘅重點！好多卸妝油衰就衰在乳化慢同唔徹底，搞到塊面油黐黐又生粒粒。Bobbi Brown 呢支呢，乳化速度真係快到癲！加少少水上面按摩幾圈，啲白色嘅乳化液即刻出晒嚟，仲要好徹底，
<看全文>
Annie Mo 好用推薦：哇～我真心要同大家share呢支Yii嘅MILD CLEANSING深層淨肌卸妝啫喱！見佢包裝簡約又靚，一試就上癮～😆125g大支又好抵玩。 佢唔止係普通cleansing gel，仲可以做deep cleansing mask！😍用法超simple：厚敷10分鐘，等佢滲入毛孔溶走dirt同blackheads，之後溫水沖乾淨，跟返skincare routine就搞掂。我本身T-zone成日油笠笠又有粒粒，用咗兩次毛孔已經乾淨咗同滑咗唔少，仲光亮左添。最正係佢洗得夠力但唔乾，保濕度都ok，推薦左俾敏感肌嘅friend都話舒服。我而家每晚都靠佢reset皮膚狀態，2百幾蚊真心覺得CP值高到爆！👍🏻
<看全文>YS好用推薦：以往用嘅卸妝清潔一係卸唔乾淨，一係好快皮膚繃緊，但呢隻卸妝清潔啫喱無色無味，就算入眼都無刺痛感。之後無用洗面膏都夠乾淨👍雖然睇落唔大枝，但每次用只係用1個「$2銀」size，用到1-2個月！推薦👍
<看全文>
Fng好用推薦：RMK 呢支精華卸妝油（Serum Cleansing Oil），如果以「成熟偏乾肌＋香港冬天」嚟講，我會形容佢係一支好溫和、卸得乾淨、但用法同感受同傳統卸妝油有少少唔同嘅產品。 質地同使用感💛 佢質地係比較輕身嘅油，不係好厚重嗰種膏狀油，推開好滑，好易喺面上面郁開，按幾下已經可以推晒全面。 最大特點係💘： 官方設計係「唔使加水乳化，都可以直接抹走」，即係你可以用乾手乾面按摩開，之後用化妝棉／濕毛巾抹走，再用洗面產品清潔，就已經 OK，對於唔鍾意喺面度搓好耐、驚拉扯皮膚嘅熟齡肌，係幾加分嘅。 用喺冬天、冷氣房之後個面好繃緊嗰啲日子，第一下推上面會有一種「精華油」嘅感覺，多過「純卸妝油」：油膜薄薄一層包住皮膚，按摩幾十秒之後，粉底、遮瑕、胭脂基本上好易溶開，唔需要大力推。官方都強調係為咗減少摩擦、減輕皮膚負擔，呢點對成熟偏乾肌幾貼心🥰。 卸妝力同清爽度以日常妝、足夠份量防曬、一般粉底嚟講，卸妝力夠用，而且眼影、胭脂都溶得幾乾淨。如果係防水睫毛液或者超持久眼線，我會建議你用專用眼唇卸妝先處理，再用 RMK 精華卸妝油做全臉，會保險啲。抹走之後，面上係有一層「好似啱啱搽完輕油精華」嘅潤
<看全文>Wongwong好用推薦：這款卸妝油質地如精華液般順滑，推開時摩擦感低，對肌膚非常溫和。它能快速溶解彩妝且易於乳化，洗後清爽不油膩，並保有水潤感，不會感到乾澀緊繃。清新療癒的香氣更讓卸妝過程變得格外放鬆，是兼具清潔力與舒適度的選擇。 #火熱新品
<看全文>
Monkeyk好用推薦：我見之前啲人寫啲comment話佢起泡，但係我呢支叫做cream cleansing, 係完全唔起泡，滋潤型杰身質地，因為我前一排比較乾，有時都會鍾意用唔起泡嘅產品，呢支用完皮膚真係好舒服唔掹緊，仲要有好清新嘅橙花香味，洗面嘅時候聞到成個人都好舒服，有一日做完嘢好舒緩嘅感覺。我化淡妝或者淨係搽防曬洗係乾淨嘅，不過cream狀嘅嘢你就要用毛巾或者潔面紙抹先會乾淨，重點係真係好平，性價比高
<看全文>Lumi Kwan好用推薦：有一排冇洗面膏用，就買咗支無印頂住先，佢優點一定係平！咁本身佢都話自己敏感肌用得，應係成份較簡單。都算多泡泡，但洗面產品好簡單，只要做到清潔清爽嘅效果就OK，洗完後又唔會話覺得太乾，但當然對比起一啲專做美妝嘅品牌，佢確係比唔上人哋，不過以呢個價錢嚟講真係好抵用。
<看全文>