韓國化妝水 推薦好用產品

Tszki好用推薦： INNISFREE 綠茶神經醯胺保濕牛奶水 採用獨特的乳白色「牛奶」質地，針對乾燥與敏感肌膚設計。 綠茶神經醯胺 ，有助於強健肌膚的保濕屏障，抵禦外界刺激並減少水分流失。 含有 Super Green Tea™（美肌綠茶） 成分與 9種玻尿酸，，緩解內部乾燥。

Sejeong好用推薦：【用後感】Innisfree紅茶精華水 ～ 唔係賣廣告，真係會回購嗰隻！ 我本身係混合肌，T字位勁出油但兩邊面頰又乾到甩皮，夏天仲要戴口罩，搞到啲毛孔粗到嚇死人。前排見呢支Innisfree紅茶精華水喺小紅書同IG洗晒版，話咩「抗氧化神器」、「去黃一流」，見佢唔算貴，就膽粗粗買咗支試下。 用咗差唔多一個月，同大家講下真實Feel： 質地： 倒出嚟係水狀，但推開之後有少少滑溜嘅「精華感」，唔會杰撻撻。我通常倒喺掌心，捽熱少少就拍上面，吸收快過閃電，完全冇黐立立嘅感覺，夏天用超爽！ 味道： 好大陣「涼茶味」😂 或者應該話係好天然嘅草本發酵味，冇乜人工香料，聞落好Relax，夜晚護膚好似做緊Spa咁。 主打功效（去黃＋保濕）： 老實講，單靠一支水你想淡斑就唔使諗，但去黃氣真係有料到！我成日熬夜睇劇，朝早起身塊面成日都灰灰黃黃，但自從用佢嚟濕敷（我逢一三五敷五分鐘），第二日起身塊面係肉眼可見嘅白淨返，仲要係由入面透出嚟嗰種光澤感，唔係死白。 驚喜位（收毛孔＋控油）： 用咗兩個禮拜，我發覺鼻翼兩邊啲毛孔細緻咗，以前上妝一定要用Primer填毛孔，而家就咁搽防曬都見得人。而且佢控油力幾好

Emily Leung好用推薦：呢支 #紅茶精華水 真係不得了！ 質地有啲似好稀嘅蜜糖水 撳兩下就夠搽全面 拍拍吓好快就吸晒收 用完塊面即刻飲飽水咁 軟淋淋又唔會黐笠笠 最正係用咗個零星期 朝早起身照鏡 發現個膚色冇以前咁易黃 睇落透亮咗 同埋表情紋好似冇咁明顯 （可能因為皮膚飽滿咗？） 陣味好療癒 好似沖緊壺靚紅茶咁 每次用都覺得好放鬆 總之呢支真係 ✅ 保濕力強 ✅ 抗氧抵暗沉 ✅ 膚感滿分 會想繼續用落去睇吓效果！」

Yty好用推薦：Whoo 后 天氣丹華炫重生水 (Radiant Rejuvenating Balancer) 🧴✨ 呢支重生水真係我用過最驚豔嘅神級爽膚水，絕對係我**「化妝水部門」**嘅年度最愛！每當皮膚乾燥、暗沉或者狀態唔穩定嘅時候，用佢就最安心。 ✨ 用後感與好處： 【深層保濕，穩住好膚質】： 佢嘅質地比一般化妝水更加濃稠絲滑，但一抹就即時被皮膚吸收。保濕力直達肌底，幫肌膚打好底子，就算天氣乾燥都依然頂得住。 【重現彈潤，透出高級光】： 塗抹後皮膚摸落去極之軟熟，原本乾癟暗沉嘅肌膚瞬間被灌飽水分，透出好健康、好精緻嘅自然光澤，連後續護膚品都吸收得更好。 💬 總結： 作為化妝水，佢嘅保濕同修復表現真係無可挑剔。真心推薦呢支天氣丹重生水畀大家，用完皮膚真係會發光！ #化妝水部門 #Whoo后 #天氣丹重生水 #保濕修護 #美妝分享

橘子貓好用推薦：Radiant Rejuvenating Balanced 有點像lotion的化妝水，有一點點稠度，聞着有淡淡的草藥味，不會像中藥材味，可以接受。使用了一枝deluxe size sample下來，有補水感，可以保濕滋潤，暫未見其他效果。

維他他好用推薦：呢支toner有埋精華成份，搽完好保濕，質地容易吸收，用完之後好清爽，價錢都唔算太貴，belif d野都幾好用

shadow影子好用推薦：化妝水嚟講質地算比較杰，可以在皮膚上輕輕推開，化成水珠，質地非常滋潤，而且保濕持久力比較高。

Angie好用推薦：之前用開同牌子嘅另一款，但係保濕力有啲唔夠，所以就買埋呢款試吓，呢款比較適合秋冬乾燥天氣使用，保濕力較強

GinGin好用推薦：因為我係混合性皮膚，所以水潤形只適合秋冬使用，否則就會太潤T字會出油，因為水潤質地，所以比其他爽膚水較為濃稠，其實保濕幾好

Tracy好用推薦：比起清爽個枝比較杰身，不過都好流質，雖然杰啲，但都唔會痴笠笠，個清爽嘅

葉子🍃好用推薦：洗完面用佢，原本面色暗沉，一搽左粉紅色精華水，皮膚有血色同明顯美白功效，質地比較似精華，無咩味，比較潤，易吸收，唔黏笠，有興趣試下佢同款其他產品

lingbb好用推薦：- COLLAGEN系列嘅產品都含有三種膠原蛋白：膠原蛋白、彈性蛋白和透明質酸，此外，含有法國直接進口的優質原料Gattefosse成分，有獲得專利的11種成分，毛孔+彈力專利原料 - 主打補充膠原蛋白，以打造緊緻潤澤的肌膚。改善乾燥引致粗大毛孔和產生皺紋的肌膚，保濕度比較高，有抗皺功能，也適合脆弱肌膚。 - 質地透明較厚身嘅水狀，流動性高、 唔太黏笠，保濕算中上，香味淡淡香，後續用埋成條line，覺得好用過積雪草系列。 - 適合後生一點嘅夏天秋天肌膚保養

Noel好用推薦：朋友推介入手的 Medicube 膠原潤膚水，購買時正在進行 1+1 優惠，相當划算啊！潤膚水近乎透明，質感帶點稠，有點似精華水／啫喱水，潤膚感覺很不錯❗而且濕敷的效果，比單塗要更好💦 唯一缺點係香味很重，有點 overwhelming，對香料多少或味道有要求的朋友，要先試用，不要盲目購買。

KDing好用推薦：噴霧都算幼細呢個算係去完gym Room之後想簡單保濕會帶過去噴嘅product

Hamiii好用推薦：行山當保濕噴霧用 可以輕輕紓緩到曬紅左既皮膚 溫和唔刺激，小朋友用都無咩問題

Miranda好用推薦：【質感】 質地係完全嘅水狀，流動性極高，倒出嚟同清水差唔多。但佢唔係普通清水嗰種「澀」嘅感覺，而係帶有少少滑捋捋嘅觸感。上面之後輕拍兩三下已經完全吸收晒，皮膚表面清爽到好似冇搵過嘢咁，零黏笠、零油膩。 佢冇添加任何香料，聞落只有淡淡嘅原料味，敏感肌用起嚟好安心。300ml大大支，樽口設計適中，倒出嚟容易控制份量。成分方面，佢用咗5D複合玻尿酸配方，加上泛醇、尿囊素等舒緩成分，成個配方偏向簡單直接，唔會太過複雜。 【使用感】 呢支化妝水最適合嘅用法係 「疊加」 。因為佢質地夠薄，我一向都係洗完面之後拍一層，等佢吸收之後再拍多一層，有時甚至拍三層。每層都好快吸收，完全唔會有「漿住」嘅感覺。用完之後皮膚即時變得柔軟水潤，洗完面嗰種繃緊感即時消失。 佢最出色嘅地方係可以 「打開皮膚通道」 。用完佢之後再上精華同面霜，明顯感覺到後續產品滲透得快好多，唔會好似平時咁浮喺表面。佢仲可以濕敷急救——有時皮膚乾到上妝卡粉，我會用化妝棉沾滿佢敷喺面頰同額頭大約5分鐘，敷完之後皮膚好似飲飽水咁脹卜卜，上粉底貼服好多。夏天放喺雪櫃雪凍先用，仲有即時降溫舒緩嘅效果。 不過要講返缺點。如果你追求嘅係「濃

Fng好用推薦：Torriden DIVE-In 玻尿酸爽膚水 ——清爽到好似「水感精華」，夏天濕敷大愛 💧 見呢支 Torriden 爽膚水喺韓國Hwahae App 有近 2.2 萬個評分，94% 好評，就買嚟試吓！💙 🧴 質地實測：水般清爽，一推吸收 擠出嚟係「流動性極高」嘅透明水液狀，用化妝棉一抹，毫不費力就滑過全臉。吸收速度異常地快，輕拍兩下已經滲透，完全零黏笠，用完雙手都係清爽嘅。 💢拍蓋設計容易倒出份量，但水狀流動性高，用時記得揸穩支樽，以免倒瀉。 🔬 核心成分：5D 玻尿酸 + 神經酰胺 「5D 玻尿酸複合物」含 5 種唔同分子大小嘅玻尿酸，低分子滲透到肌底深層補水，高分子喺表面鎖水。加入神經酰胺 NP 強化皮膚屏障，馬齒莧、尿囊素等舒緩鎮靜成分，純素配方，無香料、無酒精、無色素，用落零刺激。 ✨ 效果實測：補水＋降紅＋水油平衡 · 深層補水，質感清爽： 我偏乾肌用完 T 位清爽，面頰水潤，水油平衡做得啱啱好。加上 pH 約 5.5，弱酸性，用完真係零刺激。 · 降紅舒緩，濕敷極爽： 轉天氣泛紅時，我會用化妝棉濕敷 3 分鐘，塊面好似「飲飽水」，泛紅散咗，妝前急救

Angie好用推薦：個質地好得意，原本怕好難吸收，用落都幾易推，吸收得好快，完全唔會笠

mandy好用推薦：THE SAEM HARAKEKE TONER 不含防腐劑、人造色素、礦物油、動物成份及二苯甲酮. 比蘆薈更補濕, 同時紓緩肌膚的新西蘭亞麻(Harakeke)精華將水份傳送至肌膚各處. Ecocert認証金盞菊精華及麥蘆卡蜂蜜保持肌膚水潤至極, 更有抗菌抗炎功效. 透明的有點似 GEL 的質地, 一搽上臉, 好易推開, 好快吸收, 塊面即時感到好水潤保濕! 一點黏膩感也沒有呢 極舒服的使用感 難怪有時會售罄 價格也不貴 以前很愛用harakeke 系列， 主要是具補濕功效， 比較適合十多至二十多歲使用。 三十打後，會需要用更機能性或多功能的護膚品，努力抗衰老。

Jasmine Yuen好用推薦： 1. 深度保濕：使用噴霧後，肌膚會感覺非常滋潤和水潤，能夠有效地提供深度保濕，減輕因乾燥而引起的不適感。 2. 舒緩肌膚：Innisfree 綠茶保濕噴霧含有豐富的綠茶萃取物，能夠幫助舒緩肌膚，例如曬太陽後使用可減少紅腫和刺激，使肌膚更加舒適和柔軟。 3. 提升肌膚亮度：綠茶成份具有抗氧化的功效，能夠有效地清除肌膚中的自由基，提升肌膚的亮度和光澤。 *返工時坐冷氣房，得閑噴下都覺得好提神👍🏻

Lumi Kwan好用推薦：佢比起紅茶噴霧，噴嘴噴出嚟嘅噴霧更幼細，但係保濕效能一般，噴完之後半小時，都會覺得皮膚有啲乾，如果講CP值，我覺得紅茶噴霧比較好。

Bubu好用推薦：見佢介紹使用鬱陵島深海1500公尺的海洋深層水，成份溫和，買左枝細試試，聞落冇味，用落都清爽舒服，用左一排都唔刺激唔用引致生暗瘡，但成價比不高。

luckietintin好用推薦：爽膚水黎講，正正常常，略嫌佢個頭好難控制使用量。 官網話佢採用左專利科技，有效控制多餘皮脂，去除角質、污垢、乾燥和死皮細胞，讓肌膚保持持久滋潤。 用左一段時間之後，皮膚都的確係穩定左既，冇咁容易出暗粒，黑頭都少D既

維他他好用推薦：冇乜特別的爽膚水，正正常常，幾清爽，春夏適用，冬天不夠潤，少少嫌香味較重，不過呢個品牌一向香料較重，保濕力一般，不過不失

雪雪好用推薦：呢支Laneige爽膚水都幾唔錯，保濕力ok, 又幾爽，唔會痴笠笠，確實做到水油平衡，有少少香味，好聞嘅，整體唔錯，價錢唔貴，性價比算高

mandy好用推薦：Innisfree  Black Tea Youth Enhancing Skin紅茶逆時活膚爽膚水$200/ 150ml 功效: 提亮+彈力+鎮靜+乾燥+光潤+活力 (本人為混合性偏乾膚質) 紅茶逆時活膚爽膚水的質地算不上濃稠,處於清爽及滋潤之間, 保濕力剛剛好。剛上面時有少少黏, 但很快就被肌膚吸收, 所以不會很油很笠。使用後, 肌膚變得水潤飽滿、富光澤及彈力。使用感極之清新及舒適。 如果以開架品牌來看, 紅茶逆時活膚爽膚水的價位著實有點貴; 但跟某些大牌專櫃的抗衰老系列爽膚水比較就不會覺得貴。 個人認為如果大家首重便宜, 可能這款不太適合。 但如果重視優質成分及使用感,  那紅茶逆時活膚爽膚水說不定就是your cup of tea. 大家最好在店家感受下質地再決定是否入手, 始終不同人有不同膚質及喜好, 最重要是適合自己。 總結一下, 紅茶逆時活膚爽膚水的品質、成分及使用感都不錯, 可是價位算不上很便宜, 性價比自然不是很高。 如果開始在意抗衰老, 想賞試使用抗老爽膚水, 但又覺得專櫃品牌太破費,  那紅茶逆時活膚爽膚水可能會比較適合您。 

Lumi Kwan好用推薦：紅茶成份有助抗衰老，我當佢係Fresh嘅代替品，有時平平哋買來用。質地其實唔俾大牌子差，未必真係試到有冇抗皺效能，但保濕功效一定有，用完之後塊面都幾清爽，唔會覺得好油膩，可以即時再搽精華同面霜。

Milo101好用推薦：🌟🌟保濕水有分清爽型及滋潤型，這個是滋潤型。 🌟🌟滋潤型比較濃淍，倒出來是半透明液體狀的。 🌟🌟有一陣像啫喱的香氣，個人覺得蠻好聞的。 🌟🌟塗在面上會感到水潤滋潤，即時補充皮膚面層水份，比較適合年輕肌膚作基礎保養。

Hamiii好用推薦：Toner黎講算比較杰身..但吸收速度夠快👍🏻 春夏出入冷氣房用無問題， 秋冬就唔太夠， 同牌子另一款牛奶水會好d Laneige純保濕產品一向都唔錯，呢支平平地都值得入手：）

LenaC好用推薦：呢款產品專為乾燥肌膚而設 可以均勻地散佈水分 Innisfree 既水潤綠茶保濕噴霧含16種氨基酸 有助打造水潤透亮肌膚 夏天行山既時候噴一噴 可以涼快咁散佈水分 為乾燥肌膚隨時補水之餘 仲可以降溫 減退紅印敏感

agnessstang好用推薦：淡淡綠茶味🍵 細支size方便 噴頭一般 噴出嚟嘅水珠唔算細緻 會見到一粒粒水珠 保濕感唔強

Emily Leung好用推薦：🥛 Laneige 牛奶柔滑細膚水真實測評 | 乾肌救星 見到好多人話呢支「牛奶水」保濕力超強，仲話可以改善粗糙肌膚。我本身係混合偏乾肌，轉季個陣塊面成日繃繃緊，所以就買嚟試下啦！ 奶白色樽身好靚，倒出嚟嘅質地真係好似牛奶咁！質地比普通化妝水濃稠少少，流動性都幾好。上臉後好快吸收，皮膚即刻有光澤感。 倒出嚟係奶白色嘅液體，有陣好清淡嘅花香味。質地比普通化妝水濃稠少少，但推開後好快吸收，唔會黏立立。 即刻效果：拍上臉個刻已經覺得好水潤，皮膚好似飲飽水咁。 持久度：試過淨係用呢支水，冷氣房都可以頂到個幾鐘唔繃緊，保濕力真係唔錯！ 改善肌膚效果： 用咗兩個星期左右，最大感覺係： · 皮膚摸落去滑溜咗 · 鼻翼兩側嘅毛孔睇落冇咁明顯 · 上妝貼服咗，冇再起皮 優點總結： ✅ 保濕力強，適合乾燥肌 ✅ 質地舒服，吸收快 ✅ 用後肌膚有光澤感 ✅ 改善肌膚粗糙效果唔錯 缺點提醒： ❌ 油性肌膚夏天用可能會覺得太潤 ❌ 香味可能唔係個個都鍾意

Myonlyone好用推薦：用咗Laneige牛奶水一個月，塊面滑到似剝殼雞蛋？真心用後感 開頭見到Laneige出呢支「牛奶細膚水」，個包裝白撞藍，望落去勁Creamy，好似真係飲得嘅牛奶咁。我本身係混合肌，T字位油，兩邊面頰乾到龜裂嗰隻，成日搽咩都話唔夠保濕，一係就太笠出粒粒。見佢主打「低刺激」、「高保濕」，仲要話有1/2000嘅納米級乳霜分子，把幾火買咗支試下，而家用咗大約一個月，可以同大家講下真實感受。 質地： 佢唔係清水咁稀，亦都唔係Cream咁杰。倒出嚟係奶白色、少少稠嘅水狀，流動性好高，但推開嗰下會feel到有種絲滑感。最正係佢吸收得快，捽兩下就「颼」一聲吸晒入塊面，唔會話成塊面油淋淋反晒光。 用法： 我試過就咁用手拍，效果OK，但後尾跟網上啲人教，倒落化妝棉度輕抹，當係二次清潔加打底。點知！抹完之後，化妝棉有少少黃黃地（即係抹走咗啲死皮同污糟嘢），而塊面即時好似飲飽水咁，脹卜卜，仲要冇任何刺痛感。就算我鼻翼兩邊有時捽到紅曬，敷上去都係好舒服，呢點真係抵讚。 保濕力： 以一支水嚟講，佢嘅鎖水力算係中上。我通常夜晚洗完面，拍完呢支牛奶水，再搽多個保濕精華就瞓。第二朝起身，塊面係軟腍腍、有彈性

takemyokane好用推薦：偏水狀的啫喱狀爽膚水，很易推開，上臉感覺清爽不含油，也不會影響後續上妝，整體令肌膚保水及帶有透亮感，但也沒有非它不可的感覺。Belif 的產品幾乎都有種草本芳香，淡淡香味很舒服。

mandy好用推薦：Belif Bergamot Herbal Extract Toner    佛手柑平衡保濕柔膚水 $220/ 200ml   專為中性及混合性肌膚而設,  功效以保濕為主, 使用感偏向清爽。 佛手柑平衡保濕柔膚水沒有明顯香味, 保濕力很優秀, 而且跟蜜桃保濕爽膚水 (濃潤) 一樣, 使用感清爽不黏笠。 使用後, 佛手柑平衡保濕柔膚水一下子就被肌膚吸收, 使肌膚有更好的水油平衡。 即使夏季使用也很適合, 不會因太潤而長荳。    Belif 家共有7款不同的爽膚水, 可按膚質及需要選擇。   尤加利清爽控油爽膚水 為油性肌而設, 可以預防荳荳及改善水油平衡。   為乾性肌膚而設的金縷梅滋潤鎮定營養水, 可加強保濕及鎮靜敏感肌膚。   高效水凝亮白健膚水則可保濕同時美白。 積雪草紓緩炸彈爽膚水適合敏感肌使用, 可保濕、舒緩鎮靜及抗氧化。 山金車賦活修護爽膚水具抗衰老及淡化皺紋功效。 綠色力量抗痘爽膚水不含酒精, 適合油性敏感肌使用,  可同時舒緩鎮靜及調理痘肌。   含保濕成分: 甘油, 丁二醇, 甜菜鹼, 聚麩胺酸, 甘油丙烯酸/丙烯酸

sammiimelda好用推薦：呢一款比較特別 佢會跟埋一盒棉花 基本上就好似去角質咁樣 不過佢好溫和 用咗之後塊面的確會變咗黑色 將面上面污糟嘅嘢抹落嚟

jaye好用推薦：首先佢個泵按鈕好方便使用，個人係配合化妝棉洗臉後用，有二次清潔既效用，質地好清爽，水狀精華快速被肌膚吸收，有輕微保濕，三星期度，顯著改善暗啞，見到皮膚係透亮左，敏感皮膚都岩用，抵用！