暗粒 推薦好用產品

Yeeting 好用推薦：完全感受到隱形看孔嘅感覺。 敷咗大約20分鐘，洗面後感受到毛孔好乾淨。 皮膚白淨左啲，最緊要毛孔明顯收細咗💚

jaye好用推薦：敏感肌既我特別慎重選擇去角質/磨砂產品，aesop呢款去角質產品真係好好！草本味道，質地好似乳霜甘，有石英微粒同乳酸成份，搽上臉好易推開，好滑，粒子雖然係明顯，但粗幼度適中，按摩落塊臉部完全唔會有粗糙或吉既感覺，加水按摩2-3分鐘後，再靜待1-2分鐘度，洗淨後係完全覺得好乾淨而完全無繃緊，皮膚係馬上柔軟光滑左，後續護膚品既吸收度係明顯高左，第二朝化妝又會睇到個妝都貼左！要溫和又有效甘去除同軟化角質，aesop呢支真係特別岩敏感肌！而家春夏既時候每星期用1-2次（敏感肌），輕輕係臉部搓揉，粉刺較多或者容易出油的部位就按摩多幾下，兩三星期度已經有感！同埋每次用既分量其實唔駛多，所以好耐用，性價比相對而言其實真係好高！真心唔推唔得！

Cole Cole 好用推薦：皮膚擦子膠，有少少似磨砂，洗完之後皮膚有少少麻麻地的感覺，唔算太溫和，有少少強烈的感覺，要即刻搽返護膚品，個人認為都係用返普通嘅潔面產品已經OK。

Kathy Wai好用推薦： 又嚟到換季敏感大作戰！你係咪都試過額頭下巴爆粒粒，兩頰乾到甩皮，T區又勁出油？我呢排就係咁……好彩姊妹塞咗支Origins靈芝菇菌精華水俾我，話好犀利！今日就同你哋做個專業啲嘅真心評測～ （包裝 & 質地 – 第一印象） 「包裝係Origins一貫嘅簡約綠風格，拎上手有重量。倒出嚟係透明水狀，少少滑身但唔笠，有股好天然嘅草本+靈芝氣味——唔係香精嗰種，聞落反而覺得幾安心，敏感肌表示收貨。」 （主打成分 & 點解無平替） · 10倍濃縮靈芝修護水：官方話係成個系列嘅靈魂，好似幫皮膚戴咗層透明保護盾，將敏感、泛紅、外來刺激全部擋喺門口。 · 甘草酸二鉀：呢個成分要畫星星！佢專捉引發痘痘同閉口嘅刺激因子，從底層減低發炎機會，等粒粒唔好成日翻發。 · 無酒精、無香料、無礦物油：敏感肌三項basic嘢，佢齊晒。 （親身用後感 – 重點） 「我用咗大約10日，早晚洗面後輕拍上臉，敏感嚴重嗰幾日會濕敷5分鐘。 · 舒緩泛紅：本身兩頰成日紅一撻白一撻，用咗3日左右明顯退紅。 · 粒粒減少：下巴啲閉口同小痘痘，生嘅頻率低咗，就算生都冇以前咁大粒咁痛。 · 保濕平衡：乾嘅地方飲飽水，T區又唔會

chasiutung好用推薦：Origins靈芝菇菌精華水 水狀質地 質地吾油好清爽 容易吸收 有淡淡的中藥味 (味道可以接受)我係混油敏感性皮膚 當我長閉口 長痘同皮膚過敏嘅時候就會用佢 我會用靈芝菇菌精華水倒落化妝棉到濕敷5到10分鐘左右 第二日 痘痘就會消腫  敏感第二日都退得7788 真係萬試萬靈 💓同埋日曬後皮膚又紅又熱嘅時候 用佢濕敷降紅效果都非常不錯的 依支係我回購最多次嘅化妝水 真心推介比油性肌混油肌同痘痘肌使用💕

Yuki Chow好用推薦：b.glen 礦泥潔面乳是一款非起泡型潔面產品，主要利用天然礦泥（蒙脫石 Montmorillonite）的吸附力來清潔毛孔，而非傳統表面活性劑的泡沫。 一般礦物濾嚟俾人感覺用完之後會比較繃緊同乾， 這款潔面乳使用後既能吸除污垢，同時保留肌膚必要的油脂與水分。 使用一段時間之後會發覺酒米同黑頭會減少咗，特別下巴位，係一款靜悄悄幫你去除黑頭粉刺嘅產品，一般深層清潔用完之後會覺得好繃緊好乾，有時仲有機會出現敏感嘅狀況，而呢款潔面產品可以去除黑頭粉刺，亦都可以保留肌膚嘅水潤度，性價比高。

雪雪好用推薦：B.glen呢支礦泥洗面乳非常出名，我用咗一大半，有以下心得。 首先佢係一支唔會起泡嘅洗面乳，如果鍾意泡沫嘅朋友就唔好揀呢支。 另外佢主打用磁鐵去吸付面部嘅黑頭粉刺，深層清潔，同時保留肌膚水份，用咗一大支，我唔係好覺得黑頭粉刺有減少，不過洗完之後，肌膚唔會繃緊，保濕方面做得幾好，清潔方面尚可，呢支洗面價錢都唔平，三百幾蚊，雖然可以用好耐，但係對我就麻麻地。

Sandy好用推薦：[穩定夏日肌膚] 心得 洗面露泵一下已足夠清洗全臉，洗完即時感受到清爽零黏膩，水楊酸溫和帶走皮垢同時保持肌膚柔軟，T位毛孔明顯清潔乾淨🥳 鼻翼位，下巴同額頭油脂粒明顯減少， 香港夏天又潮濕又高溫 皮膚好容易出油脂粒, 加上成日都需要化妝 我屬於 50+成熟皮膚， 用咗呢支洗面膏之後 皮膚透白 😄改善咗暗沉 😃 減少油脂粒， 洗完面可以吸收更多到精華素💪 避免浪費 敷mask更加容易吸收👍 分享畀大家好物👍

momojo好用推薦：無香精味，比想像中起得多泡，無用網都搓到 用完好滑！一星期用一兩次左右，只作洗面

Cheung2好用推薦：上次用完three卸妝油之後，回購就試埋支洗面，點知真係有驚喜🤭🤭🤭 唔再係18/22，對洗面產品要求除咗乾淨之外，最重要就係洗完塊面唔會乾燥繃緊😶‍🌫️ 呢支three jelly wash乾淨得來又唔乾，仲有輕微磨砂粒粒可以去角質，早晚用都夠潔淨力💯💯💯 回購指數: ⭐️⭐️⭐️⭐️⭐️(5/5) 年度愛用洗面💯💯💯

Gloria好用推薦：好開心可以得到cosme X 毛孔護理專家Benefit PORE CARE毛孔護理系列-滑溜毛孔去角質粉嘅試用呢個滑溜毛孔去角質粉嘅使用好簡單呀，好容易就可以起到泡，可以佢根據自己平時嘅習慣去使用。可以就咁加水用又或者加落洗面奶度用，咁我自己就鍾意加落去洗面奶嗰度，每個禮拜可能做一兩次嘅磨砂。 佢雖然係粉粒狀，但加水可以完全起泡，唔會感覺到磨砂粒粒係面到，而且洗完唔會覺得乾燥，可以好容易就同皮膚做去角質，步驟亦都唔多。用左兩星期後，原本我下巴有好多閉口嘅暗粒，平時好難清潔到，結果用咗呢個系列之後就清除咗好多角質，粒粒嘅污糟嘢終於可以浮到出嚟。 始終磨砂呢一個禮拜只可以做一至兩次，而呢個試用期就只有兩個星期，我都係用咗好少次，我覺得效果真係耐少少先可以體驗到。不過佢磨砂粉末會融解起泡，不刺激不傷皮膚，用的時候加落洗面奶一齊使用，可以好簡單就為皮膚做定期去角質。

Carcar好用推薦：首先多謝@cosme 同Benefit 抽中試用一系列收毛孔新品🥳 好開心因為之前自己買過Benefit 既毛孔細緻乳霜黎用，都覺得好好用。今次可以試下其他野🤩正！ 今次試既係滑溜毛孔去角質粉（毛孔打磨粉），先講下佢既質地😊佢由3款唔同既粉末組成，磨砂粉質地極幼細，真係超！幼！細！！😲我起完泡既時候，用手指感覺唔到磨砂粒粒。直至放喺面頰磨個陣，先感覺到好幼細既砂粒👍🏻好啱敏感肌使用! 而且呢個磨砂粉係可以自行調較唔同的磨砂強度。如果想溫和地去角質，加多d清水起泡，質地會更綿密；如需要加強去角質的效果，就加少d清水，令質地濃稠d。除左單用之外，亦都可以將去角質粉加到洗面膏用，自製磨砂洗面膏👍🏻👍🏻👍🏻用完之後覺得呢個磨砂同平時用開個d好唔同，唔會刺激皮膚，用完塊面冇痛既感覺，亦都唔會崩崩緊、乾到裂開。雖然性質咁溫和，但佢能夠有效去除角質。我既皮膚明顯有改善，唔單止膚色變得亮白，早排暗瘡同暗粒爆發🫨用完磨砂謝得好快，2,3日就收晒！去左角質之後，暗瘡印都消得快d✌🏻毛孔同時變得緊緻🫶🏻適合各種肌膚使用。

Poyobb好用推薦：冬季護膚❄️ 精粹水treatment lotion 質地水潤，因為我係混合性皮膚我好少用啲偏厚身嘅，呢支差唔多係唯一一兩支會用，重要厚得嚟唔會起暗粒。保濕好又吸收得快。用落會發現，除咗維持皮膚穩定之外，皮膚有變得更加光澤同水潤，仲有助減少乾紋同細紋🥰 好乾燥嘅日子，用少少Treatment lotion就足夠，在搽返少少La cream，上妝就已經好貼服。無論係日常或者急救用，個效果都好好。 用落真係會有感覺唔同，不過就偏貴啲，但值得投資。

Miranda好用推薦：【質感】 呢支肌底修護液嘅質地好特別，佢係水狀但又帶少少絲滑感，倒出嚟好似流動性好高嘅精華水，唔會太稀唔會太杰。推開嗰下感覺到佢好柔潤，上面之後輕拍幾下就迅速吸收，皮膚表面會留低一層好薄好薄嘅水光膜，完全唔黏笠，亦唔會焗住皮膚。佢嘅觸感好舒服，好似皮膚即刻飲飽水咁，但又唔會好似有層嘢封住。對於後續護膚品嘅吸收，有明顯嘅促進作用。 【使用感】 呢支修護液係洗面後第一步用，官方建議倒喺手心再輕拍上面。我鍾意佢嘅泵頭設計，一泵份量啱啱好，乾淨衛生。用完之後，皮膚即時變得柔軟、飽滿，繃緊感完全消失。最驚喜嘅係佢嘅舒緩效果，我本身皮膚間中會泛紅同敏感，用完之後泛紅明顯減退，有種「飲飽水」嘅鎮靜感覺。佢唔單止係普通嘅保濕水，仲可以幫後續嘅精華同面霜「開路」，用完佢再搽其他產品，感覺滲透得快好多，護膚品好似發揮得更好。持續用咗兩星期，皮膚嘅穩定性提高咗，冇咁易出粒粒或者忽乾忽油。 【持久度】 持久度方面，佢嘅保濕同舒緩效果唔係曇花一現。朝早用完，到晏晝皮膚依然保持水潤，唔會乾到繃緊。夜晚用完，第二朝起身皮膚狀態好好，摸落柔軟有彈性。就算喺冷氣房訓覺或者返工，都唔會覺得水分被抽乾。而且佢對敏感

karun好用推薦：本人混合性肌膚，痘痘生完再生，這產品一試十分喜歡！質地透明水狀，擦完不黏立，馬上吸收完，非常清爽，對後續護膚吸收非常友好！夏天會長期使用，痘痘痘出少左，推薦！

lingbb好用推薦：- 係一款無油、專為有暗瘡傾向嘅皮膚而設嘅精華 - 就算我唔係暗瘡皮膚我都當佢係夏日必備神恩物，一枝好用過所有暗瘡膏！ - 主打預防暗瘡形成，减退瑕疵，同時減淡幼紋 及皺紋。 - 夏日我通常易生暗瘡，我會係生暗瘡時用，每次使用份量就係精準滴係暗瘡度就可以。唔使大範圍塗 - 質感係透明水狀，有比較刺鼻嘅味， - 使用後暗瘡真係超快點謝，瘡嘅後遺症包括乾到甩皮暗沉都冇哂，亦減少毛孔閉塞、中 - 是價錢有點貴，對我黎講一罐可以用好耐！每次用嘅份量唔多 -推介俾暗瘡肌 #夏日必備保養

Evolllwong14好用推薦：我最近超愛用【毛孔救星】Takami小藍瓶精華，因為它真係屬於「溫和角質調理」但又好唔刺激嘅類型，對我呢種會成日長閉口、鼻翼毛孔又易顯嘅肌膚特別有感✨ 我第一次用就覺得佢吸收好快：水水狀、完全唔黏膩，上面皮膚冇負擔。平時洗完臉我會直接上佢（其實唔使再用化妝水打底），按壓一陣就吸收晒。用完之後我會覺得皮膚軟軟滑滑，摸落去好細緻，最重要係——肌膚開始有「透明感」嘅感覺💧🌿 堅持咗一段時間，我發現鼻翼嗰啲毛孔同小閉口的確有減少，粉底液都會更易推、更貼、更服帖。整體膚感就好似「皮膚飲咗水」咁，清爽又透氣；唔會再覺得暗沉或者粗糙頂住塊面😌✨ 如果你都想搵到一款幫你提升透明感、又唔想太刺激嘅護膚品，我真心推薦你試下呀！🩵

Kelvin好用推薦：日本小眾牌子，lane Crawford 同Cosme尖沙咀旗艦店先見到有得賣行貨。Takami調理肌膚底平衡水油嘅toner，令到皮膚唔會咁容易出油暗瘡。但佢係唔會令到你啲毛孔收細，即係肉眼上唔會有明顯分別。 比較神仙水，冇一大浸發酵味，容易令人接受。我都係手上面再拍上面，唔會有刺激，相對神仙水更加溫和，而用完之後就算依排天氣忽冷忽熱，皮膚都唔會特別甩皮或者出粒粒。佢係水劑嘅精華水，用完會清爽，冇油份。不過佢係滴管狀比較細支，我一次要用兩吱份量，一個月就用晒一支，計返同神仙水價錢差唔多。

Emily Leung好用推薦：DR.WU 杏仁酸溫和煥膚精華8% 使用心得 先講結論：呢支係我嘅皮膚救星。 我本身係混合肌，T字位勁出油，但兩邊面頰又乾，最煩係下巴同額頭成日生埋啲細粒暗粒同粉刺，摸落去鞋鞋哋，化妝都仲係凹凸不平。上網見好多人推DR.WU呢支8%杏仁酸，話溫和得嚟又有效，就買嚟試吓。 質地 & 用法 佢係水狀精華，流動性好高，滴落皮膚好快就吸收，唔會黐立立。我習慣夜晚洗面後、爽膚水之前用，滴幾滴就夠查全面，重點位（下巴、鼻翼）會加多一滴。之後會照常查保濕精華同面霜——記住，查完酸一定要保濕！ 用後感 第一晚用完，第朝起身塊面已經冇咁油，T字位出油量明顯減少。用到第三、四日左右，摸吓下巴，啲鞋鞋嘅暗粒真係平滑咗好多！冇誇張，之前硬係摸到一粒粒，而家係滑手嘅。 最驚喜係，佢唔會搞到甩皮。我之前用過其他酸類，第二日塊面會乾到繃緊、甚至起皮。但DR.WU呢支8%真係好溫和，冇刺痛、冇泛紅，淨係鼻翼有少少乾，加強保濕就搞掂。 用咗大約兩星期，額頭啲細粒粉刺清咗七七八八，下巴嗰啲閉口都浮出嚟變咗小白頭，輕輕用棉花棒就清到。成塊面望落乾淨、透亮咗，妝都貼好多，唔會再一撻撻。 有冇缺點？ 有。佢對於

Also melon好用推薦：Dr Wu 杏仁酸，一直係暗粒、暗瘡肌膚嘅王牌產品。 化妝嚟講，落妝落得唔乾淨，淨係會容易起嚟暗粒。8%係可以每天使用，我喜歡沐浴後，趁着皮膚毛孔打開嘅時候用，感覺好似可以達到皮膚底層，可以疏通皮膚毛孔，keep住每日用係冇咁容易起粒粒，就算真係起咗粒粒啲會更快熟透。 而每晚瞓覺之前我就會用返其他功效性嘅精華，咁樣嘅護膚程序反而皮膚，雖然額頭仲有微小嘅暗粒，但好似真係少咗好大嘅豆豆。

agnessstang好用推薦：質地有啲似用水開好咗嘅軟膜粉 有少少泥膠味(?)🤣 但係可以接受 有一個匙羹仔同30片蠟紙  潔面後抹乾 取適量嘅鼻膜(大概1.5匙)搽喺鼻同鼻翼兩側 之後將蠟紙痴上去(有塗層嗰面係貼面嗰邊) 等20-30分鐘(鼻膜乾咗)之後搣落嚟再洗乾淨就ok 用完之後會有啲乾 所以我習慣會搽翻啲保濕乳/霜 清黑頭粉刺都算乾淨 除咗用完會有少少乾都冇乜刺激性 緊緻毛孔暫時冇咩感覺 用完要盡快閂好蓋 接觸到空氣太耐會變硬凝固 

lingbb好用推薦：- 春日潮濕有雨，護膚需要選擇質地清爽同時做到保濕嘅產品，用完一枝zero精華同面霜都有效穩定皮膚，令皮膚時刻保持保濕不怕黏笠感。 - zero精華主打收毛孔同時保濕 - 質地呈白色輕薄水狀，流動性高，質地水潤，有淡淡薰衣草精油香，非常清爽快吸收，使用後，肌膚明顯有光澤 - 用完一枝後，皮膚光滑飽滿，有飲飽水夠滋潤但唔會黏笠不適，毛孔亦變得細緻

WSY好用推薦：呢款毛孔精華不過不失啦。都有少少效果嘅，但因為價錢比較貴，性價比唔太高

Chloeincosme好用推薦：🤍 清潔力：5/5！Kiehl's呢支礦物粉未潔面嘅清潔力真係無得輸～只要加水輕輕按摩，就可以感覺到毛孔入面嘅污垢同多餘油脂被帶走，用咗一個星期已經覺得鼻上黑頭同粉刺明顯減少咗！ 🤍 磨砂與抛光：4.5/5！粉末非常細緻，按摩時完全唔會刮皮膚，用完之後塊面摸落去滑溜咗，毛孔睇落亦冇咁明顯～ 🤍 保濕度：2/5！對乾肌來講真係太乾了～即使用得好快手，洗完之後都會覺得皮膚繃緊，甚至連續用幾日之後上妝竟然開始甩皮😢 總結： 如果你係油性或者混合肌（特別係T位多油多黑頭），Kiehl's呢支粉末潔面絕對係黑頭救星！清潔力一流～但如果你同我一樣係乾肌，就可能要避開或者謹慎使用，因為真係太乾了～我自己未必會回購了！

maylam好用推薦：因為係品牌會員所以收到試用裝 用落覺得都幾唔錯 倒少少粉再加水已經可以洗成塊面 清潔力度都幾唔錯 洗完之後唔會覺得塊面好崩緊 如果品牌有折會考慮回購~

SandyTip好用推薦：葡萄籽急救保濕精華係每年夏天必回購的精華，質地十分清爽加上淡淡既獨有味道，令到每日都想用和享受護膚既時刻♥️♥️ 回購度⭐️⭐️⭐️⭐️ 清爽度⭐️⭐️⭐️⭐️⭐️

Angiema好用推薦：葡萄籽急救保濕精華係我係呢個牌子第一樣用嘅產品，非常有驚喜！ 我係敏感皮膚容易泛紅，呢隻精華可以即時補水舒緩乾敏，滲透力強，夏天用都唔會笠！ 用完上妝唔會起刷膠碎💜已回購🤣

Haidy好用推薦：去泰國嘅時候驚曬傷變敏感皮膚所以買入 嗰時曬到紅晒搽上面都幾溫和 保濕能力都唔差 但係又未去到超級補水嗰隻🤣 差唔多效果嘅話 好多平價韓系護膚品都得 係幾好用嘅 但係未必回頭了~

Jane好用推薦：水凝狀質地，一打開有淡淡嘅香味，氣味清新，夏天用好適合，超清爽，夜晚用鎖水力都好夠。

Tszki好用推薦：Biore溫和水嫩洗面乳 這支算是我冬天比較常用的，平常在用習慣到沒什麼感覺，一比下來才發現，質地是白色膏狀，它真的蠻容易就可以搓出豐盈泡泡，洗完後是很舒爽又很保濕的感覺，香味有種小清新，敏感肌可以使用_

Also melon好用推薦：洗面膏真係好平，平時做特價係會再平啲。佢少少洗面膏已經可以起到好多泡，而且清潔得好好，最鍾意卸妝之後用，真係洗得塊面好乾淨，夏天用好啱，男士都應該好鍾意呢種清爽感覺。而且味道可以接受。 溫和水潤款不過用完有少少乾燥，要搽返保濕。真係冇咩特別挑剔。

hellolulu好用推薦：購自專櫃～ 以清潔泥膜來說，質地比想像中幼滑，帶有belif 品牌一貫清新舒緩草本香氣～ 潔面後用附上的小鐵匙取適量，在面上厚敷至見不到皮膚原色，10-15分鐘後以溫水洗掉即可。 本身屬乾敏肌，對清潔泥膜印象一般會比較乾，通常敷不到建議時間便已令皮膚乾裂得要提早洗掉。但belif 深層潔淨奇蹟泥膜性質溫和，期間有輕微的收乾感覺但可以接受，按建議時間敷完15分鐘後，泥膜在面上仍呈濕潤狀態，用溫水便能輕易洗掉。本身毛孔問題不大，夏季期間大約每兩星期使用一次，即時效果有顯得皮膚白滑一點，感覺不錯～ #火熱新品