DR.WU

杏仁酸溫和煥膚精華8%

我混油敏感肌 用Dr wu 杏仁酸沒有過敏 用8 ％依款無乜效果 可能係我之前有用過果酸所以需要濃度高d嘅杏仁酸先有效 18 ％嗰款特別愛用 因為我吾喜歡全臉都係油嘅感覺 所以我只會係有暗粒嘅位置同有黑頭嘅位置搽 剛開始用 會長痘 但好快謝 會有少少甩皮 之後會發現暗粒少左 皮膚變得乾滑左👍酸類黎講杏仁酸係比較溫和 同無咁快見效 不過用耐左效果真係好好 雖然杏仁酸溫和 但皮膚都需要建立耐受 剛開始先用8 ％ 一星期用一至兩次 之後皮膚適應左 可以日日用 用完一支之後可以考慮使用18 ％ 但18 ％吾可以日日用 一開始可以 一星期用一至兩次之後可以隔日使用 杏仁酸 油狀質地 雖然係油但吾係油冧冧嗰種 質感輕薄但使用後皮膚會略乾 甚至甩皮 要注意做好保濕同防曬 🫶 Dr wu 杏仁酸 價值吾貴 性價比高 值得入手👍推介

我系中性肌膚，用嚟局部揸鼻，黑頭粉刺減少咗好多，鼻位皮膚細緻左。 有時生痘痘，揸痘痘位，好快謝👍🏼

我啲皮膚都好容易敏感嘅 但係呢平日都有一啲暗粒喺度 做磨砂又好驚會搞到啲皮膚再敏感啲 咁我就上網發現到呢個杏仁酸評價都幾好 好多人討論 咁我就買支試下 感覺好好 呢一支感覺幾溫和 搽完之後都唔會話覺得刺痛 過咗一陣之後有時啲暗粒都可以捽返出嚟 第二日你會feel到角質層好似溶咗咁樣啲毛孔暢通曬 塊面會分泌到自然嘅油脂出嚟 閃令令咁樣 變返光滑 所以我都幾推薦嘅🤗❤️🎉

Dr wu呢個杏仁酸其實係佢18%個個嘅溫和版本，主要係比敏感肌或者係乾性皮膚用嘅，第一次接觸酸類嘅人最好都係由低濃度開始用(・ω・)ノ佢官網指話全面作用於淺、中、深層角質，溫和去除老廢角質，並深入疏通毛孔，清除粉刺，改善暗沉。 我用左一個半月左右，其實佢話去除暗沉我唔係好有感覺，但係我覺得佢去粒粒嘅效果又真係幾好。一開始用嘅時候係會覺得生多咗暗瘡，因為佢係靠煥膚去令你底層啲粒粒浮返出嚟，所以嗰時係會爆多咗粒粒，但係後尾之後就會越來越少，下巴位都變得冇咁鞋同平滑左，少咗好多暗粒。但係就唔好期望佢會好快有作用( ´▽｀)因為通常呢啲換膚都係要等三四個禮拜先會有效果。同埋佢都唔係所有粒粒都會變成暗瘡，有啲係會直接浮左上面一r就甩咗😂感覺係幾爽。 但係要注意返佢唔可以溝化妝水嗰啲用，有啲人會驚用佢可能會太乾跟住就加啲嘢落去撈埋用，但係咁樣其實會溝淡咗佢個pH值，會變得更加刺激，所以係應該洗完面之後用佢，3分鐘之後再加後續嘅保養先啱。 用完佢都打算買返支18%，效果應該會更加強勁。

有酸嘅成份，長期用真係見到皮膚好咗好多！變得又滑又白！但要小心會敏感

初入門既酸類產檢 同埋皮膚只係小狀況下使用 如果好大問題都用濃度較高既

暫時用了半個月，混合型肌膚，偏乾，日日用都唔會敏感，但係效果暫時不顯著，用完塊面油油地咁

敏感皮膚又想去溫和甘幫手去角質，8%呢支就岩晒，用個陣係會有少少吉吉地，不過好快就無左吉既感覺，持續用左個幾星期既夜晚，粉刺明顯地少左，臉部平滑柔軟左，而且唔會泛紅或有繃緊既感覺，不錯！

對於敏感肌都好Friendly，竟然無刺癢，只要乖乖地跟住說明做唔好過量就ok，用完佢再用其他野都無起屑打架，閉口粉刺有明顯改善

質地很水，抹開有點油油的使皮膚不會過乾。去角質的效果很好又不會到刺激，暗粒粉刺的問題大大減少，很喜歡。

用嘅時候會有少少刺痛，但之後敷返面膜就冇事 用完嗰排係會生少啲暗粒，而且上粉都感覺貼面啲

我的方法是搽1日，休息2日（正常平日護膚程序)，一星期大約3次，晚上護理時用的。 去粉刺超work！下巴位最難清潔既位置都清潔到，使用了三次，鼻翼下巴嘴角位置泛紅情況有所改善，毛孔疏通了，對於閉鎖性粉刺及痘痘也十分有效，皮膚平滑、細緻左好多啊！ 另外，意外的是帶有美白效果，大概是帶走了老化角質，連痘印也淡化了，完全改善了我面上的暗沉瑕疵！但需注意保濕，否則皮膚會繃緊不已。

我第一次用Dr.Wu 呢個品牌, 見好多人都講呢隻杏仁酸好好用, 由於我都容易敏感, 所以買左支8%試, 頭一個星期用嘅時候我早晚都有用, 每次用我就有d熱熱地感覺, 唔知係未都正常, 之後見有啲紅就停左幾日, 再用每日都只用一次, 隔幾日咁就冇見紅, 用左大半支有多, 可能我用8%, 冇18%咁勁, 效果相對上就慢啲, 我主要用呢支係想去角質層

質地水狀，好快吸收，我係乾肌，所以用8%杏仁酸這支溫和版比較適合，搽上面完全冇刺激感/敏感，會見到黑頭粉刺明顯減少，皮膚不穩定有暗瘡的時候，確實令我暗瘡加快掉謝，到有痘印時我會重點搽上，會見到慢慢淡化，效果真是很好，所以我一直有回購！與此同時，用完杏仁酸要加強返自己肌膚保濕，避免肌膚太乾！

對清除暗粒的效果很好,通常使用兩次之後, 暗粒就會開始冒出來,很容易就可以清除。