找產品
酸類保養 推薦好用產品
170 件
Kathy Wai好用推薦：呢罐 CeraVe 水楊酸煥膚潔膚露，質地真係幾特別。 佢唧出嚟係透明啫喱狀，冇乜香味，加水之後唔會話勁多泡，只係有少少好微細、好柔和嘅泡泡（想多泡可以用起泡網）。沖水嘅時候會有一種「滑潺潺但又唔係洗唔乾淨」嘅感覺，好舒服。 我自己用後感分享： · 第一週最見效：鼻翼兩邊同下巴原本有一粒粒鞋十十嘅顆粒（即係閉鎖性粉刺），摸落去平滑咗好多！化妝都冇咁易浮粉。 · 最驚喜嘅地方：雖然有水楊酸，但完全唔乾唔繃緊。因為佢有 CeraVe 招牌保濕成分，洗完塊面係保水、少少透光嘅狀態。 · 身體都用得：攞嚟洗背脊嘅暗瘡效果好好。 要留意嘅小地方： · 如果慣咗洗完面要「澀澀乾乾」嘅感覺，呢罐你會覺得好似洗唔乾淨，但其實佢已經清潔完㗎喇。 · 建議一個禮拜用 2-3 次就好（尤其係頭幾次），唔好日日用，免得過度去角質。日頭一定要做好防曬。 ✅ 優點 1. 溫和唔繃緊 有三重神經醯胺，洗完面摸落去係保水、柔軟嘅觸感，唔似一般酸類洗面乳會乾到脫皮。 2. 粉刺顆粒感明顯減少 持續用一個禮拜左右，鼻翼、下巴嘅閉鎖性粉刺會變平滑，摸落去唔再一粒粒。 3. 身體都用得，CP值高 攞嚟洗背脊暗
<看全文>Emily Leung好用推薦：Cerave SA水楊酸煥膚潔膚露 冬季護膚心得分享 ❄️ 身為一個香港人，每逢冬天真係好考驗皮膚！天氣又乾又凍，我本身係混合性肌膚，T字位易出油又有少少暗粒，面頰就偏乾，搞到護膚好頭痛。最近試咗Cerave呢支SA水楊酸煥膚潔膚露，用咗一段時間，同大家分享下喺冬季嘅使用感受～ ✨ 質地同使用感： 透明啫喱狀，唔算好厚身，好容易搓到泡（建議用起泡網，泡泡會更綿密）。上臉感覺好柔滑，唔會過度摩擦皮膚。雖然係水楊酸潔膚產品，但完全冇嗰種「刷緊層皮」嘅乾澀感，沖水後皮膚係濕潤軟滑嘅，冇即時繃緊，呢點對於冬季護膚真係好重要！ 💧 保濕同修復效果（重點！）： 老實講，我一開始都有擔心，冬天用含水楊酸嘅潔面會令皮膚更乾。但呢支嘢驚喜在，佢加入咗Cerave招牌嘅神經酰胺同透明質酸，清潔同時補水同強化皮膚屏障。 用咗之後，我最明顯感覺係： 1. 保濕力足：就算而家咁乾燥嘅天氣，洗完面後皮膚仍然保持水潤感，唔會「拮拮緊」，後續搽toner同精華都吸收得快咗。 2. 修復屏障：我之前因為轉季，面頰有少少泛紅同甩皮。持續用呢支潔膚露（每晚一次），感覺皮膚嘅「抵抗力」好咗，冇咁易因乾燥而痕癢或不適，泛
<看全文>
jhope0725好用推薦：雖然踏入❄️冬天，但係煥膚一定唔可以偷懶！ 冬季天氣乾燥、肌膚相對敏感，好多人都會忽略咗去除角質嘅重要性，只係着重保濕。 呢枝含有18%杏仁酸嘅產品，不但一年四季都可以用，喺冬天更加能夠進一步協助已經乾死咗嘅皮膚、以及角質層加快去除，加速新陳代謝，令皮膚重新變得嫩滑！👆🏼產品相當流質，用完唔會覺得好油膩，完全冇負擔感 一開始使用嘅時候會感覺到輕微刺痛，我嘅偏油性皮膚大約用咗兩星期適應，雖然產品說明教一星期用兩至三次就已經可以，不過基於我皮膚已經適應產品，現在一星期七日使用都冇問題~ 大約一星期後，就會明顯見到角質層開始脫落，大約兩至三星期，新一層皮膚就會浮面，變得乾淨嫩滑~ 👆🏼剛剛開始脫皮嘅時候，就會出現呢種情況，見到白色嘅皮屑 相比一般磨砂膏，利用酸性去除角質，自己覺得效果更顯著！不過產品特別之處係需要喺爽膚水之前使用，否則的話，保濕產品同杏仁酸結合，就未能夠發揮最好嘅作用。 冬季要有好皮膚，不能只靠保濕，去除角質都好重要~ 呢個系列另外有較溫和嘅版本，含有8%嘅杏仁酸，適合乾性肌膚，如果較易敏感或者皮膚比較乾嘅朋友可以考慮~
<看全文>Emily Leung好用推薦：DR.WU杏仁酸精華用後感｜溫和刷酸！暗粒閉口拜拜！ 忍唔住要同大家分享呢支寶藏精華——DR.WU 18%杏仁酸亮白煥膚精華！對於成生暗粒、閉口嘅我嚟講，真係相見恨晚！ 簡約專業嘅樽身，滴管設計好容易控制分量，衛生又方便。 點解揀佢？ 聽講杏仁酸相比其他酸類溫和好多，而且呢支專為亞洲肌膚設計。我係混合敏感肌，用咗之後覺得真係唔會點刺激，好安心！ 質地係透明水狀，非常清爽，搽上臉好快吸收，唔會黏膩，油皮用都零負擔。 效果點樣？ 最驚喜係用咗大概兩星期，額頭同下巴啲「磨砂感」暗粒平伏咗好多！皮膚摸落去滑溜咗，冇咁易阻塞出暗瘡。而且膚色睇落均勻咗、有光澤感！ 用之前皮膚有啲暗啞同細細粒嘅閉口，用咗一段時間後，皮膚平滑咗同光亮咗！ 使用心得同注意事項： · 頻率好緊要！ 新手建議由隔晚開始，等皮膚建立耐受性。 · 一定要加強保濕！ 用完之後我會搽保濕力強嘅面霜。 · 日頭必須防曬！ 刷酸後唔做防曬好易反黑，切記！ 總括來講： ✅ 優點： 溫和去角質、有效對付閉口暗粒、膚色更亮白 ❌ 缺點： 要建立耐受性、必須配合保濕防曬 咩人最啱用？ ➡️ 成日有暗粒、閉口煩惱嘅
<看全文>
ying好用推薦：✨ PAULA'S CHOICE SKIN PERFECTING 2% BHA LIQUID EXFOLIANT 毛孔通暢・皮膚平滑 黑頭粉刺剋星 All Skin Types ✅ 暢通毛孔，黑頭粉刺消失 呢個係2% BHA嘅最大賣點！ 水楊酸係脂溶性， 可以滲入毛孔深處溶解油脂同老廢角質。 用完一段時間， 黑頭、白頭、粉刺明顯減少， 毛孔望落乾淨清爽。 ✅ 平滑膚色，皮膚變細緻 唔止清毛孔， 皮膚整體質素都會提升。 表面粗糙嘅感覺消失， 摸落去滑溜咗， 望落有光澤。 ✅ 質地清爽 水狀質地， 好輕盈，好快吸收。 唔笠、唔黐， 夏天用都舒服。 ✅ 用法簡單 洗完面，拍上臉， 等吸收就可以後續護膚。 唔需要洗走， 好方便。 ✅ 對抗暗粒／閉口好有效 好多用家分享， 下巴、額頭嘅暗粒（封閉性粉刺）， 用完之後慢慢平咗、消失咗。 #PAULASCHOICE #2BHA #SKINPERFECTING #寶拉珍選 #水楊酸 #黑頭粉刺剋星 #暢通毛孔 #平滑膚質 #化學去角質 #skincare #hkbeauty #會回購
<看全文>Lydia好用推薦：Product: Paula's Choice 2%水楊酸精華液 呢支精華液係我專門買嚟對付暗瘡同粉刺問題嘅(一直都受嚴重暗瘡問題困擾)，用咗大概兩三個月左右。 質地同使用感：佢係流質嘅精華液質地，有少少似爽膚水，拍上臉之後吸收得幾快，唔會笠痴痴。因為我一向都有用開酸類產品，所以直接用呢支都冇出現敏感或者刺激嘅情況，但有時天氣好乾燥嘅話上面嗰下會有少少揦。 抗痘效果：用落最明顯嘅感覺 係塊面真係平滑咗同緊緻咗。尤其係第二日起身摸塊面，會覺得皮膚冇咁粗糙，毛孔睇落好似冇咁明顯。暗瘡同粉刺嘅生長速度感覺上慢咗，就算生都冇之前咁嚴重，復原得比較快。暫時用過咁多抗痘類產品呢支係令我最有感嘅。 不過我都聽過朋友講，話呢類產品用用下效果會冇一開始咁明顯，或者係用得太密可能會令皮膚屏障受損。暫時用咗兩三個月嚟講效果都仲keep到，但都會繼續觀察皮膚狀態，睇下有冇需要調整用法。 總結：整體嚟講，我覺得呢支精華液對改善暗瘡肌膚同粉刺問題係有幫助嘅，特別係用咗之後皮膚變得平滑同緊緻呢點幾明顯。但係用嘅時候真係要注意頻率同皮膚反應，可能唔好一開始就用得太密，等皮膚適應咗先慢慢調整。
<看全文>
Mani Tso好用推薦：超正，從未試過有產品令我一搽即愛上。 深色痘印真的有減淺，搽上面有絲滑感覺， 第一次買30ml未用完都急不及待再買定支100ml， 本身痘痘算嚴重又多痘印，相信會一直用落去。
<看全文>Kura好用推薦：超級無敵好用嘅面霜！我已經回購無數次，有痘痘搽佢會好快就退，同埋佢去痘印，千年黑色素都超有效，但真係要好耐心咁晚晚搽，我唔會全臉搽，只會係臉上有好嚴重問題嘅地方搽佢，無香味質地係好滑嘅cream，搽上臉好容易推開，亦都好快吸收，係真實有效嘅一款面霜，超級推薦俾大家，如果有痘痘黑色素沉澱用佢真心得！我已經由佢出30ml買到100ml，之後都會繼續回購，因為真係一年四季都啱用 #夏日必備保養
<看全文>
旻珊好用推薦：小時候太愛吃雞排搞得滿臉痘痘毛孔粗大，黑頭粉刺好像永遠都請不走它！ 後來接觸了酸類，洗面乳也用酸類洗面乳搭配洗臉機….有天偶然發現這個化妝棉廣告打很大，後來也是勸敗買了！ 平常洗完臉後會先敷再臉上（數分鐘後…. 換有顆粒那一面螺旋🌀把臉上的角質去一下！ （加強部位鼻翼跟唇部下方還有下顎的地方） 平常沒在看用完後的棉片，這次特地看了一下，發現好大收穫….決定要分享一下….髒髒臉 感覺棉片上的收穫也滿厲害的！ 不知道大家使用是否也一樣呢？
<看全文>lingbb好用推薦：- 棉花一面有壓花，一面平面，壓花部份用作去角質，重回係鼻位打圈，另一面平面輕輕係其餘位置輕輕作二次清潔。擦過全臉一遍。 - 一般同溫和版分別係一般版成份為AHA(單一水基果酸)；溫和版成份為PHA(多重水基果酸) 相對於AHA，PHA係多種果酸複合物， 比較唔刺激皮膚、且安全性高，各類型膚質均適用，添加咗保濕舒緩精華，做到溫和不刺激 - 皮膚乾時會有輕微刺刺感，因為成份有水楊酸、乳酸、成份針對角質調理同舒緩為主，並有酒精成份。所以唔會用黎濕敷，溫和版就唔會刺痛 - 兩款用完皮膚都係清爽，我唔會日日用，會特別係天氣悶熱皮膚悶悶時用。 - 快靚正嘅去角質之選
<看全文>
Gloria好用推薦：多謝JOSERISTINE and @cosme 的皮奧寧袪痘系列試用活動。 這次一套三件裝，不論是消炎膏，清爽乳液，面膜都有各自的功效，能夠一同使用相信係最理想。 我根據使用說明，在潔面後，將適量強效消炎膏塗於痘痘患處，隨後於全面及頸部塗上清爽乳液。 第一次使用時，當然未有袪痘效果，但這支清爽不稠稠，易吸引的乳液對我來說滋潤度不足夠，最初使用時會乾到痕。但之後有敷面膜，增加皮膚水份後，慢慢地就接受到這支乳液，不再痕癢。 我一向都想要清爽的面霜產品，但往往都滋潤力不夠，最後都會轉用滋潤度足質地效厚重的產品，但夏天焗熱時，就會很難受。 今次的試用，因為想好好填寫用後感，所以就算乾癢都堅持用下去，結果發現自己能夠適應，使用到質地清爽型的乳液，對我黎講真係意外的大發現，今個夏天會繼續使用落去。 前後圖這是試用活動期間的皮膚變化，因為痘印太多，看落變化不大，不過這個皮奧寧袪痘系列，我覺得最主要是針對皮膚上新長的痘，令痘痘快速消炎治癒，不留痘印，痊愈了就看不到，只看到舊的痘印囉。 這系列產品，比較有針對性，特別適合夏天，天氣悶熱，皮膚容易出油生痘痘時使用，等皮膚痘痘問題解決，再處理其他皮膚問
<看全文>Sogno夢好用推薦：多謝COSME 給我試用機會, 今次試用產品是皮奧寧袪痘清爽乳液 乳液成份有來自日本針對痘痘的皮奧寧成份, 有強效抗菌作用, 有效鎮靜及舒緩痘痘, 減退發紅。其他份包括茶樹油, 透明質酸, 水楊酸, 舒敏佳, 神經醯胺3。主成份可以淡化痘痘, 預防痘印, 防止發炎及控油, 適合有暗瘡困擾的肌膚。 消炎膏有100ml , 正價約HKD143 , 建議在每次爽膚水後使用, 是護膚最後步驟。 以下個人使用心得是配搭了同系列的面膜及乳液後的效果, 會盡量評價面膜的單獨功能和感受, 另外的兩個品項也有單獨再有心得。 首先乳液質地相對濃稠厚重, 是比較像乳霜的感覺, 如果臉上沒有保持濕潤, 並不好推開。乳液有一陣藥草的味道, 帶一點苦澀, 不算刺鼻。一開始搽上面會覺得比較厚, 稍有黏稠感, 但幾分鐘後就會消失。 等乳液完全吸收後, 感覺有彈潤保濕, 第二朝起床後T字位置的油份有所減少, 平時油份分泌也感覺少了, 水油平衡做的不錯, 痘痘位置紅腫亦漸褪。 希望我的分享可以幫到大家。
<看全文>
Gloria好用推薦：好開心可以得到cosme X 毛孔護理專家Benefit PORE CARE毛孔護理系列-滑溜毛孔去角質粉嘅試用呢個滑溜毛孔去角質粉嘅使用好簡單呀，好容易就可以起到泡，可以佢根據自己平時嘅習慣去使用。可以就咁加水用又或者加落洗面奶度用，咁我自己就鍾意加落去洗面奶嗰度，每個禮拜可能做一兩次嘅磨砂。 佢雖然係粉粒狀，但加水可以完全起泡，唔會感覺到磨砂粒粒係面到，而且洗完唔會覺得乾燥，可以好容易就同皮膚做去角質，步驟亦都唔多。用左兩星期後，原本我下巴有好多閉口嘅暗粒，平時好難清潔到，結果用咗呢個系列之後就清除咗好多角質，粒粒嘅污糟嘢終於可以浮到出嚟。 始終磨砂呢一個禮拜只可以做一至兩次，而呢個試用期就只有兩個星期，我都係用咗好少次，我覺得效果真係耐少少先可以體驗到。不過佢磨砂粉末會融解起泡，不刺激不傷皮膚，用的時候加落洗面奶一齊使用，可以好簡單就為皮膚做定期去角質。
<看全文>Carcar好用推薦：首先多謝@cosme 同Benefit 抽中試用一系列收毛孔新品🥳 好開心因為之前自己買過Benefit 既毛孔細緻乳霜黎用，都覺得好好用。今次可以試下其他野🤩正！ 今次試既係滑溜毛孔去角質粉（毛孔打磨粉），先講下佢既質地😊佢由3款唔同既粉末組成，磨砂粉質地極幼細，真係超！幼！細！！😲我起完泡既時候，用手指感覺唔到磨砂粒粒。直至放喺面頰磨個陣，先感覺到好幼細既砂粒👍🏻好啱敏感肌使用! 而且呢個磨砂粉係可以自行調較唔同的磨砂強度。如果想溫和地去角質，加多d清水起泡，質地會更綿密；如需要加強去角質的效果，就加少d清水，令質地濃稠d。除左單用之外，亦都可以將去角質粉加到洗面膏用，自製磨砂洗面膏👍🏻👍🏻👍🏻用完之後覺得呢個磨砂同平時用開個d好唔同，唔會刺激皮膚，用完塊面冇痛既感覺，亦都唔會崩崩緊、乾到裂開。雖然性質咁溫和，但佢能夠有效去除角質。我既皮膚明顯有改善，唔單止膚色變得亮白，早排暗瘡同暗粒爆發🫨用完磨砂謝得好快，2,3日就收晒！去左角質之後，暗瘡印都消得快d✌🏻毛孔同時變得緊緻🫶🏻適合各種肌膚使用。
<看全文>
Tobimak好用推薦：我屬於敏感偏乾肌膚，對含果酸的產品一向有戒心，怕會刺激泛紅。但今次用左Benefit 的緊緻毛孔爽膚泡沫，竟然沒有敏感反應，真係有啲驚喜。 泡沫質地好輕盈，推開後好快吸收，唔會黏笠亦唔乾燥。我係早晚潔面後使用，感覺皮膚乾爽但唔繃緊，夏天用特別舒服。 鼻翼位置平時容易積黑頭，用咗幾日後，毛孔有收細左，黑頭亦冇咁明顯。妝前用一層，底妝貼服度明顯提升，唔易浮粉。 雖然佢有果酸成份，但我用後冇出現泛紅或刺痛，只係第一次用時面頰有好微弱嘅感覺，好似吉吉地咁，但之後就冇事。建議敏感肌可以先試局部，再配合保濕精華一齊用。 如果你都係怕果酸但又想改善毛孔問題，呢隻toner可以一試。
<看全文>Fish Tse好用推薦：除左另一款洗面啫喱狀既洗面之外，哩款洗面真係懶人既福音，一禁出黎就有好豐盈既泡沫可以直接上面洗唔洗好似其他咁要再加水先有泡出 哩款同另一款洗面都接近，都可以溫和咁去帶走面上既污糟野同油脂，好好咁清潔到肌膚
<看全文>
何何好用推薦：被某youtuber燒到，係hktvmall搵到有得買即入手一支。本身想用佢消除上手臂粒粒，同均勻手臂膚色（因為手臂晒後唔識白返好傷心……），我用左佢斷斷續續有大半年，但未見有大改善……佢單價唔平，而且滋潤度不足，只夠夏天用，沒有太大香味，如果份量用得太多，會顯示笠痴痴，份量不能用太多。 相信未必會回購了
<看全文>SKY好用推薦：從圖片就可以明顯看出來，這款身體乳比果酸的那款薄很多，水楊酸這款是把蓋子打開就會自己流出來，果酸那款是要擠壓瓶身才會出來，幾乎沒有流動性。因為流動性佳，很好抹開，所以很容易就可以擦好乳液，省時省力。 香味明顯，是一種類似益力多的酸甜味。 因為是酸，所以如果皮膚有小傷口不小心抹到的話，會痛不欲生🫠 黏膩感不重，算是輕薄，也很快吸收。 原本的購買原因是期待可以改善皮膚的顆粒感和關節處的暗沉，一條用下來顆粒感有用就有改善，沒用的那天就恢復原狀，暗沉方面效果不明顯。一條單價偏高，所以應該不會回購了。 *結果還是回購了，因為真的有減少胸前的顆粒感，還有清爽不黏膩。效果不持久的部分只好透過每天努力使用去應對了～
<看全文>
Emily Leung好用推薦：Innisfree 火山泥面膜用後感 點解會買？ 之前見成日有人講呢支嘢，話深層清潔好得，又話對黑頭同毛孔有用，咁我鼻翼同額頭又多油又有啲黑頭，咪買支試下囉！ 支面膜係灰灰色嘅泥狀，推開嗰陣幾順滑，唔會好快乾晒。有陣淡淡的泥味，唔難聞，感覺幾天然。 我通常一個禮拜用一次，沖涼之後趁毛孔打開，搽全面（避開眼同嘴），T字位會搽厚啲。等大概 10-15分鐘，見到佢乾咗八成左右就用溫水打圈按摩沖走，尤其係鼻頭位置，輕輕揉下可以帶走啲粉刺。 用後感覺： · 乾淨咗！ 洗完塊面有啲「唞緊氣」嘅感覺，唔再黐立立。 · 黑頭少咗，尤其係鼻頭，見到有啲白頭浮咗出嚟，用棉花棒輕輕一推就清到。 · 毛孔睇落細緻咗，不過都係暫時性，要持續用先keep到。 · 唔算好繃緊，比起其他泥膜，呢支算係溫和，但如果乾性皮膚可能要用完再保濕。 缺點 · 如果等得太耐（超過15分鐘）會乾到裂，塊面扯住扯住，所以千祈唔好敷過龍。 · 對於好頑固嘅黑頭未必一次就清得晒，要定期用先見到明顯效果。
<看全文>Tszki好用推薦：超級火山泥清潔面膜 其質地呈奶油狀且易於推開，洗淨後皮膚感覺乾淨清爽，不會有過度乾澀或緊繃的感覺。使用後膚色看起來更亮、更清透。 減少出油及清理黑頭 洗臉後，先將臉部水分擦乾。 避開眼周與唇部，將泥膜均勻塗抹於全臉或重點 T 字部位。 停留約 10 分鐘，待泥膜稍乾（但不宜敷到完全乾裂緊繃）。
<看全文>
Yeonjung好用推薦：YSL細緻煥膚精華水評測 呢枝 YSL細緻煥膚精華水，我連續用咗差唔多一個月，最想重點講嘅係——佢真係做到 提升肌膚透明感！ 先講質地：佢係流動性高嘅水狀精華，帶少少絲滑感，但一推開就吸晒，完全唔黐立立。好啱香港潮濕天氣，無論乾肌定混合肌用都無負擔。 用法方面：我就鍾意早晚潔面後，倒大約五毫子大小，輕拍上面，然後會喺顴骨同下巴位置重點捽多幾下。有時feel到皮膚角質變厚、暗啞嗰排，仲會用化妝棉輕抹當溫和去角質。 效果重點——透明感大爆發！ 用咗一星期左右，最明顯係鼻翼兩側同額頭嘅粗糙粒粒平滑咗，皮膚反射光線變得均勻。之前膚色偏黃偏暗，但用完之後，係望落乾淨、清透嘅嗰種 透明感，唔係死白，而係好似飲飽水、由底層透出光澤嗰種 提升肌膚透明感 嘅效果。就算冇化底妝，淨係搽防曬，塊面都望落精神好多。 至於去黃同均勻膚色，我覺得需要持續用兩星期以上先明顯。不過留意返，佢入面有溫和煥膚成分，如果皮膚好敏感，建議先喺耳後試下。 總括嚟講：如果你係成日覺得塊面暗啞、粗糙、欠缺 透明感，呢枝YSL精華水值得投資。佢唔係暴力去角質，而係溫柔咁幫皮膚新陳代謝，逐步 提升肌膚透明感。以精華水嚟講，性
<看全文>Ressie14好用推薦： YSL Pureshot 微精華保濕盈露（極效活萃彈潤亮膚露） 我用左超過兩支，要憶起初初試用感受很朦糊，簡單黎講係好用；次次都係跟set裝買完正裝又送幾個試用裝。 試用裝包裝好過正裝，簡單４—５泵上化妝棉足夠一次份量。 研究過佢既成分有性質溫和既煙酰胺(Nicotinamide), 化學層面上可以美白肌膚、改善暗瘡、保濕抗老；同持肌膚含水量，增進真皮層微循環，人類肌膚又易吸收,定能為肌膚奠定護膚好基礎。 植物成分提煉方面用左摩洛哥苦橙花萃取調理出清爽又滋潤既感受，所以使用感先咁舒適（P.S. 好多Loreal 旗下產品都有添加安全成分既調理劑提升使用感受，只係每個品牌有唔同既選擇）
<看全文>
Fng好用推薦：Cetaphil三重溫和煥膚酸潔膚啫哩 這支標榜「溫和煥膚」的潔面產品，在配方設計上呈現出開架品牌罕見的矛盾智慧，對香港夏天的熟齡混合肌來說，是吸晴。 配方解構：溫和背後的計算 •三重酸複合：甘醇酸+乳酸+檸檬酸，理論上涵蓋水溶性与脂溶性代謝 •pH值3.8：刻意調至有效作用臨界點，較同價位Neutrogena水楊酸潔面（pH4.5）更進取 •無皂基+保濕因子：試圖平衡酸類刺激，但停留時間不足難以發揮修護作用 顛覆性使用技巧： 1. 30秒定律：濕臉後按摩不超過30秒立即沖淨，超越即引發緊繃 2. 分區精準清潔：重點按摩T區與下巴，兩頰快速帶過 3. 頻率控制術：夏季每週2-3次晚間使用，冬季降至1次 實測體驗： 在35度高濕環境下，其清爽的啫哩質地確實帶來瞬間降溫快感，洗完當下毛孔視覺收細明顯。但對熟齡肌的兩頰偏乾處，即便嚴格控制時間，仍會產生微刺感——證明其「溫和」僅相對傳統酸類產品而言。 同價位比較： •勝CeraVe水楊酸潔面：清潔力更透徹，適合油脂分泌旺盛期 •敗La Roche-Posay Effaclar：後者的鋅成分控油更持久溫和 💥注意點： 1. 絕對禁止
<看全文>lonia好用推薦：本人因為係混合肌，T字位好容易出油，鼻翼都有黑頭及毛孔粗大問題，而面頰就長期都有偏乾嘅情況。呢款潔膚啫喱好啱混合性皮膚使用。 佢嘅用法係加水搓至產生泡沫，再於濕面打圈清潔就可以。佢容易沖洗、無殘留感，洗完面亦冇覺得皮膚有繃緊嘅感覺。我覺得佢可以成功做到平衡控油同保濕，用咗一排，T字位油光減少咗，鼻翼嘅顆粒感亦有所減低，摸落皮膚平滑咗，而且毛孔粗大問題亦有改善。所以推薦俾混合肌作日常潔面使用。
<看全文>
kayla.me.me好用推薦：主要成份係天然粉紅爐甘石,佢系由天然礦石提煉。 無添加人造色素，不含7大有害成分。 就算係大粒嘅暗瘡或石頭瘡都可以ko到。 佢可以控制皮膚油脂分泌、抑制粉刺、收斂暗瘡,並舒緩暗瘡所引起 嘅紅腫及不適感,能逐步淡化暗瘡痘印,令肌膚回復平滑光澤。 用完一排,啲暗瘡謝得好快,可以同痘痘say goodbye。
<看全文>Hazel好用推薦：居然冇人評論呢支暗瘡藥，之前啲beauty youtubes勁sell，連萬x都有得買咪買番支呢試吓。其實佢同Etude House或mario badescu 個支暗瘡藥勁似，都係上面透明有啲酒精味，下面粉紅色嘅粉狀物體用黎消炎殺菌。價格差唔多都係百零蚊有交易，用法亦類同，唔使搖勻，夜晚保養程序後沾上下面啲粉紅色粉狀係爆癔位置，記得乾咗先訓，如果唔係好易整污糟扻頭，第二朝啲暗瘡好快消，真心好用架！ 「#清痘大作戰」
<看全文>
Poyobb好用推薦：雖然已經三十，屬於混合肌嘅我依然係出暗粒，依然好注重去角質嘅護膚產品。 Clinique toner有1234 適合唔同膚質嘅人士 0無酒精 1嘢 2號適合混合肌偏乾 3號岩混合肌偏油 4號 我用2號，有酒精成份（好大浸酒精味）唔適合做保濕敷。超級清爽快乾，一定要用倒落化妝棉先可以抹出污糟嘢 👍🏻 去暗粒去角質層效果好，用完會慢慢出油少咗，而且皮膚會變得光滑。但一定要keep住用，令之後護膚品更易吸收。 如果有額外功能嘅toner，好似神仙水，價格會貴啲。淨係用嚟做二次清潔就會有啲浪費。 除咗二次清潔，無額外功能，但夠曬平，會keep放係屋備用。呢支嘢由10幾歲到所有年紀都啱🩷
<看全文>Candy Ng好用推薦：如果皮膚容易敏感的人士，用2號爽膚水，要比較小心，它的刺激性都比較強，會好明顯聞到有酒精的味道。 在夏天，容易出油的情況下用，係覺得臉部好清爽，無咁容易有油，清潔性強，會覺得毛孔無甘容易藏到污垢。我比較喜歡晚上，滴落棉花抹臉部，覺得好乾淨，同時乾性皮膚的人士要注意保濕。如果唔係呢會覺得佢唔好用嘅，佢令到你覺得皮膚好繃緊，顯乾紋😂
<看全文>
zetalhc好用推薦：係爆暗瘡嘅時候會用，可以即時消炎同埋做到控油效果，但係就會整走左好多皮膚嘅水份，用咗之後皮膚會有啲繃緊需要後續保濕
<看全文>Noel好用推薦：這枝急救面膜係弟弟的推薦產品，在皮膚變差，出暗瘡及面部暗啞無光時使用。個人屬乾肌，比較喜歡夏天使用，冬天就會停用。 Out Of Trouble 10 Minutes Mask to Rescure Problem Skin Made in USA 面膜呈白色，非常 creamy 容易推開，並帶有強勁薄荷味。塗到面上，會有點冰涼感覺，夏天用 very fresh 💚 面膜能有效帶走面部油脂污垢，使皮膚清爽。(乾肌不宜用得太頻密😅) 用後皮膚變明亮，感覺做了 deep clean。而生暗瘡的位置，痛楚會有少許減輕，有鎮靜效果👍
<看全文>