YSL BEAUTÉ

細緻煥膚精華水

YSL Pureshot 微精華保濕盈露（極效活萃彈潤亮膚露） 我用左超過兩支，要憶起初初試用感受很朦糊，簡單黎講係好用；次次都係跟set裝買完正裝又送幾個試用裝。 試用裝包裝好過正裝，簡單４—５泵上化妝棉足夠一次份量。 研究過佢既成分有性質溫和既煙酰胺(Nicotinamide), 化學層面上可以美白肌膚、改善暗瘡、保濕抗老；同持肌膚含水量，增進真皮層微循環，人類肌膚又易吸收,定能為肌膚奠定護膚好基礎。 植物成分提煉方面用左摩洛哥苦橙花萃取調理出清爽又滋潤既感受，所以使用感先咁舒適（P.S. 好多Loreal 旗下產品都有添加安全成分既調理劑提升使用感受，只係每個品牌有唔同既選擇）

呢支係我最愛用煥膚水！ 每星期只需要用2-3次，夜晚用就夠，持續一個月左右會覺得素顏都自然透亮，好似乾淨咗褪咗層灰色咁。氣味係我好鐘意嘅花香，用嘅時候要先搖一搖將水油混合，但搽上面係冇感覺到油感，亦唔會覺得刺激。

成日係Ysl買set裝都會送依支 lotion 唧出黎乳液狀 質地輕薄 輕輕推開水感質地 有淡淡嘅香味 依支係精華爽膚水 剛上面會有輕微黏笠感 但吸收哂就滋潤吾黏笠 我平時冬天化妝前使用 就咁用佢就夠 保濕滋潤有提亮效果 使用後粉底更貼服 全日皮膚都依然水潤👍

係YSL 買野送左支精華水，一唧出黎有好香的香氣，好容易推開，似水狀，好易吸收，都幾保濕，又唔會痴笠笠。

YSL 的爽膚水近水狀，上臉不黏笠，輕拍數下已經吸收，雖然似水，但因為有加摩洛哥堅果油，所以上臉其實有少許的滋潤度。我後續精華是用夜皇后精華，一同使用沒有起粒粒。用了3天後，明顯有感到皮膚有細緻一點，會回購正貨。 上臉舒適度：4/5分 滋潤度：3.5/5分 膚質提升感：4/5分

YSL 仙女水，是水油混合的精華水，含 97％微酸透亮精華及 3％舒緩植物精油，有助去除老廢角質，明亮皮膚，同時增加保濕效果❗ 精華水透明無色，帶較強的香味，塗到面上很快就散去👌 塗到面上有明顯滋潤感覺，應該就是因為植物萃取精華油的作用。感覺香 Lancome 極光水相似~

最近又用番night reboot serum 順手入埋呢款product 果然無跌眼鏡😍 質地偏厚身 易推開 微黏 有水潤感 唔會用左好似無用咁 加埋night reboot serum Youth cream 同系列一set過 訓得

有摩洛哥堅果油成份，用前要先搖兩搖，配合埋night reboot serum用，去角質既效果更覺明顯，皮膚細滑透亮左，煥膚之餘唔乾，十分之溫和，仲有水潤感，望落膚色均勻左、光澤左！

質地唔算好浠，但聞到一陣香料味，用法來講都尚算容易推，我通常會用落棉花上，在抹上面上面，保濕度一般，中規中矩。。

- 質地較杰身既化妝水 - 呢個系列既花香我覺得有種太假既花味，自己麻麻地 - 使用後皮膚有滋潤光澤感，毛孔細緻，但有點黏笠 - 呢個系列自己唔太適合

用落幾舒服，第二日皮膚即刻光澤左，堅持用係會明顯見到少左暗粒，皮膚都穩定d! 不過價錢頗貴...

覺得幾保濕，有一定厚度，用完皮膚會有光澤，吸收都算快，個人黎講唔刺激，可以溫和去角質

效果不錯 用後有光澤感 可惜價錢有啲貴

帶有淡淡的花香，朋友叫它高級香（笑），質感很輕盈，用上一段時間後皮膚會比較平滑毛孔感覺乾淨，就是價格稍高但針對其效果算是值得投資

不過不失的滋潤爽膚水，有高質爽膚水的補濕感覺，不會乾燥或崩緊，綿柔細密也易吸收，很舒服。 爽膚水該有的效果都有，但卻沒有比其他品牌爽膚水更出色的地方或效果。 以爽膚水價錢是偏貴，但以YSL護膚品來說只是一般價錢，整體感覺不太值。