控油防曬 推薦好用產品

Sana好用推薦：夏日炎炎，香港呢種濕熱天氣，搽防曬真係好似同自己皮膚打仗咁。以前一到夏天，我塊面就黐立立，用厚身防曬仲搞到出粒粒，但今年終於俾我遇到救星——Biore 水感智能防曬慕斯。 先講質地，佢一唧出嚟係輕盈嘅慕斯泡沫，好似忌廉咁軟綿綿，但一推開就「化」晒做水珠，完全冇傳統防曬嗰種「粉狀感」或者「油膜感」。對於我呢種混合肌，夏日護膚最忌就係疊加太多嘢，呢支慕斯可以當作日間護膚最後一步，爽膚水後直接用，連乳液都慳返，夠晒方便。 最驚喜係佢嘅「智能感應」技術，聽落好玄，但實測真係會跟住皮膚狀態調整貼合度。試過喺三十幾度高溫下喺街行咗半個鐘，塊面出晒汗，但防曬竟然冇流白汗，仲保持到清爽啞光。以前用其他防曬，一到中午T區就油到反光，但呢款用完，就算再上碎粉，都維持到一種「柔焦」感覺，絕對係適合夏日的護膚品必選。 防曬力方面，SPF50+ PA++++ 絕對夠應付香港嘅暴曬，最緊要係佢防水之餘，用普通洗面乳就卸得乾淨，唔使額外用卸妝油，減少對皮膚嘅負擔。夏日夏天最怕就係防曬「焗住」毛孔，但呢支慕斯用咗兩星期，完全冇生暗瘡或粉刺，反而覺得皮膚仲滑咗。 如果硬要講缺點，就係佢有少少酒精味，但揮發得好快，

雪雪好用推薦：最近入手左呢支Biore智能水感防曬慕絲，佢支出黎好似唧蛋糕唧花咁，幾靚幾特別。防曬慕絲係白色的，慕斯質地，順滑易推，有少少提亮膚色，不過只係少少only ，追求明顯提亮的美女們，呢支就唔啱喇。 呢支防曬有SPF50+，可以隔離UVB，防止曬紅曬傷，而佢嘅PA++++可以預防UVA引起的色斑，室內戶外都夠哂用。 佢賣點仲有防水耐汗，非常適合香港嘅夏天使用，不過如果留咗好多汗，都要注意要補搽防曬。 防曬質地方面，佢都有少少笠，可以用碎粉/爽身粉保持乾爽。 整體黎講，支防曬都幾好，質地輕盈，防水耐汗，價錢唔算貴，大約$120，都可以入手一試。 #防曬

AnnaChan好用推薦：真係要同大家推介一枝我最近好鍾意既防曬——ALLIE 濾鏡調色防曬 平時趕出門口，真係勁懶得化全妝，大熱天時又唔想層層疊疊咁又防曬又粉底碎粉，但素顏出門又怕個樣好殘。朋友推介下試咗呢支調色防曬，用完根本就唔洗再上粉底。 首先試咗紫色果支，但本身cool tone皮膚既我用完有少少蒼白，所以最後決定入手杏桃色。佢最正嘅地方係完全唔係嗰種死白嘅防曬。本身帶有微微嘅杏桃粉色，一推開超級自然，修飾到黑眼圈同暗沉，膚色即刻均勻晒，望落去真係好似天生皮膚好咁，有種好健康嘅好氣色，好似幫皮膚開咗個filter咁 質地方面，水潤得嚟一啲都唔笠，推開好快就吸收。最緊要冇傳統高防曬系數咁厚重，戴口罩都唔會痴立立。用完有微霧光澤感，後續上粉底都唔會起擦紙膠碎。 而且佢仲有陣淡淡嘅杏桃清香，聞落幾舒服 留意到佢係海洋友善配方，呢樣值得欣賞，而且佢仲係抗汗、抗皮脂配方，夏天去海邊玩都可以安心使用。 原圖直出，毛孔修飾埋，仲有微微光澤，超自然

Miranda好用推薦：【質感】 首先講質地。佢係偏流質嘅乳液狀，唧出嚟係淡紫色，流動性算高，推開嗰下好順滑，延展性極好，一粒黃豆嘅份量已經夠搽全面。上面之後初初感覺好水潤，但等一陣之後會慢慢收乾，變成一種「緊緊貼住皮膚」嘅霧面感覺。摸落去係清爽嘅，唔會覺得油淋淋。 不過要留意嘅係，佢上面之後需要等一陣先會完全乾透成膜。如果趕時間，未等到佢乾就上粉底，會覺得有少少「漿住」。但如果等佢乾透先上妝，個感覺就會好貼服。 味道方面，佢有淡淡嘅花香味，類似紫陽花同鼠尾草嗰種清香，聞落都幾舒服，唔會太濃。 【使用感】 呢個位係我最鍾意嘅部分。我本身係典型亞洲黃皮膚，成日都俾暗沉同蠟黃困擾，尤其係捱夜之後，塊面望落又黃又冇精神。呢支防曬嘅紫色調，可以自然咁修飾我面嘅蠟黃感，用完之後膚色即時變得均勻透亮，好似開咗濾鏡咁。 佢嘅提亮效果係自然嗰種，唔會死白，搽完之後塊面有一種「由內而外」嘅光澤感。對於趕時間嘅日子，我搽完佢再撲個碎粉就已經可以出門，慳咗好多化妝時間。如果想化全妝，佢嘅貼服度都幾好，後續上粉底會乾淨細緻好多。 不過有兩個位要留意。第一，紫色調嘅用量要控制好，如果一次過搽太多，塊面會過白，所以我習慣逐少

Fng好用推薦：SOFINA Primavista 持久控油防曬調色底霜用後感（春夏・熟齡混合偏乾肌） ☀️ 我係熟齡混合偏乾肌，香港又濕又熱嘅天氣下，底妝最怕溶到一撻撻。見SOFINA呢支第3代妝前乳（約HK$240 / 25ml）主打控油防汗同修飾毛孔，就買咗Beige色嚟試～ · 質地水潤輕透：偏水潤嘅霧感型，上臉順滑好推，延展性高，唔會厚重或泛白。用完有自然柔焦霧面感，清爽零黏膩。 · Beige色自然提亮：帶粉嘅裸膚色，可以均勻膚色、提亮暗沉，妝感透亮乾淨。自然融和唔假白，偽素顏必備👍🏻。 · 超強控油防汗：控油真係超班，喺悶熱潮濕環境下全日唔泛油光。我有時單搽再壓蜜粉就出門，清爽一整天😙。 · 溫和保濕唔乾燥：第三代升級後加入玻尿酸同洋甘菊精華，就算喺冷氣房待一整日，面頰都唔會感到乾燥繃緊。 · 修飾毛孔粗大：可以有效撫平毛孔凹凸位，對於一般毛孔已經好夠用（如果毛孔極粗大就要疊加其他產品）。 · 防曬力足：SPF50 PA+++，日常出門防紫外線好夠用。不過記住用前要搖勻！👈 · 升級版改善致痘：網上話新一代採用咗「不易致粉刺配方」，比起舊版出粉刺嘅風險低咗好多，痘痘肌都可以試下。 💬

Tszki好用推薦：質地水潤易推，能即時提亮膚色並修飾毛孔，可單獨使用打造「偽素顏」效果。控油效果明顯，即使在 T 字位也能長時間保持清爽，減少溶妝機會。具備 SPF50 PA+++ 的防曬系數，足以應對日常紫外線。提亮暗沉及偏黃膚色，呈現粉嫩、白皙的透明感。特別適合在香港潮濕炎熱的環境下使用。使用前可先敷面膜才用，妝容更加貼服持久！

Vi.ck好用推薦：妝前好鍾意用呢支防曬，質地好輕薄唔厚重。最驚防曬會好似戴咗面具咁，但呢支上臉無泛白問題，同後面嘅底妝亦配合得好好，唔會打交。佢有效抵禦紫外線，返到屋企發現冇咩點黑。整體感覺好舒服，keep住用嘅妝前防曬！

alicec好用推薦：對於混合油肌黎講都係一個好選擇，質地輕盈唔油膩，搽上面感覺好舒服。防曬效果持久，用左大半個月暫時都冇曬黑。敏感肌都適合，完全冇刺痛感或者唔舒服，可推介！ #火熱新品 #每月新品感謝禮 #我的崇光感謝祭必買防曬

Tszki好用推薦：呈白色乳霜狀，容易推開，質地略帶厚重，用後肌膚帶有滋潤感。保濕力強肌膚水分大提升，能即時保濕，皮膚用後充滿光澤感，不顯死皮，朝早塗抹後，滋潤感可維持一整天。 塗抹抗曬修護日乳後，上底妝亦不會起擦膠粒，on top 加上粉底亦沒有影響粉底的貼服程度，沒有岀現嚴重脫妝問題。防曬度數算高有Spf50，沒有泛白。沒有產生過敏反應能舒緩泛紅位置！沒有香料推薦使用

Fng好用推薦：NIVEA Luminous630 抗曬修護日乳 ☀️ 優點： · 淡斑技術加持：專利Luminous630成分，連續用4週雀斑同痘印明顯減淡，開架中少見有效美白抗曬二合一 · 保濕貼妝：乳霜質地潤而不膩，熟齡偏乾肌用後底妝更貼服，冷氣房下唔會繃緊 · 高防曬系數：SPF50/PA++++ 足夠香港夏天通勤使用，抗紫外線同時預防色斑 ⚠️ 缺點： · 膚感偏潤：油肌夏天用可能嫌膩，建議壓碎粉定妝 · 酒精味明顯：敏感肌要先試用，有輕微熏眼感 · 抗氧化力弱：到下午膚色會微暗沉，要補塗或搭配抗氧化精華 🌞 香港夏天實戰力： 混合偏乾肌用後T位微出油需壓粉，但兩頰潤澤度完美平衡！流汗後無溶白痕，防曬力穩陣度媲美專櫃。同價位中唯一做到「淡斑+高防曬+貼妝」三效合一。 💡 總結： ⚠️⚠️⚠️百元級淡斑防曬日乳之王！適合追求性價比同淡斑功能的熟齡肌，但極油肌同敏感肌要試清楚～💡

皮皮爱马桶好用推薦：#底妝升級好物 特意用完了2支后，来写写Sofina这款控油持妆隔离底霜。 本人夏天混合偏油肤质，主要是T区比较容易出油。 先上手看下流动性，是较稀偏流动状的液体。 用打湿的化妆蛋蘸取适量在两颊以及额头、下巴处轻轻扑开。 底霜质地偏轻薄水润，很容易推开，上脸完全不油腻，不会成膜闷痘，也没有出现假白的情况。而且紫色底妆可以有效中和偏黄肤色，令肤色看起来更加明亮和干净 。 上完底妆后，下巴以及唇周泛黄情况明显改善: 等底妆略干后再上粉底液，非常服帖，没有搓泥、浮粉的情况出现，脸色也显得红润通透。 上完粉底后的全妆效果： 此外，这款粉底液还有隔离防晒的功效，夏天如果不会去户外暴晒的情况下，通常就用这支底霜当做防晒的替代了，SPF16 PA++ 日常通勤用很合适。   要说缺点的话，因为比较轻透，所以遮瑕能力略逊一筹，痘印基本盖不住，需要后续上遮瑕，总体而言适合肌肤没有太多瑕疵的姐妹。

Fng好用推薦：Sofina呢支皇牌控油底霜，幾乎係油皮夏日必備，但對於混合偏乾肌嚟講，用法就好講技巧🤫🤫🤫🤫！ 控油力：👍👍👍👍 (強勁！) 佢嘅控油效果真係名不虛傳，主打塗抹喺T字位同毛孔粗大位置，的確能極有效延遲出油時間，皮膚整日保持啞緻，唔會油光滿面。呢點對於香港夏天來講，確實吸引。 質地與潤色： 係輕盈嘅粉白色乳液，推開後有輕微潤色效果，能修飾毛孔同少少提亮膚色。但對於偏黃調肌，呢種提亮可能會有少少灰白感，未必完全融合膚色。 混合偏乾肌要注意：❌ (全臉使用大伏) 如果貪心全臉使用，兩頰偏乾部位絕對會「出事」！好易出現屑狀乾紋、甚至繃緊唔舒服，反而令底妝更唔貼服😵‍💫。只可以嚴格局部使用在易出油位置。 總結： 一支效果強勁但必須「精準使用」的控油產品。非常適合混合肌在炎夏時，只集中在T字區、鼻翼等易出油部位使用，能有效解決溶妝問題。但絕對不建議全臉塗抹，否則乾燥部位會愈用愈乾。係你化妝枱上嘅局部救兵，而非全線防禦的底霜！

Kura好用推薦：呢款妝前打底嘅質地係超級水嘅乳液，顏色有少少藍色，但搽上臉唔會泛白，但會顯得皮膚好通透，同埋有防曬度數，夏天用非常好用，亦都唔油膩，超級適合快速上妝，同埋用嘅份量唔需要好多就可以搽曬全臉，價錢平，性價比高，值得入手好用嘅妝前乳 @cosme #妝前打底 #妝前打底

Wongwong好用推薦：呢款隔離乳既價錢平，性價比高。質地清爽如水，上臉一秒霧化，控油效果非常強大，能大幅延長底妝持妝度、減少T字部位出油。微微既提亮效果好自然，能夠修飾毛孔。

kat好用推薦：上月去日本旅行， 很多時間停留在室外，但覺得冬季陽光不怎樣猛烈，所以防曬就只塗臉。 結果有塗防曬的臉幸保不失 ; 沒塗防曬的手變 得又乾又黑 , 手背和手掌是2截色 。 這款50度 防曬救了我臉的小命。 最重要的是它不黏稠，對皮膚沒負擔。

Fng好用推薦：防曬糸數夠高，容易推匀，不會泛白， 同埋質感就清爽，之後上底妝唔會同粉底打交， 控油能力亦好好。

Poyobb好用推薦：質感類似Sofina Primavista 調色底霜，ettusais 呢支偏粉色，接近膚色狀態。 Primer控油能力強，用完之後皮膚會乾爽呈現霧面狀態。夏天日常可以淨係用喺T字位，減少出油情況，令妝感全日維持得更好。如果係油性皮膚可以全面用，用完控油度好強，面部感覺乾爽至少許繃緊，所以如果乾性皮膚就唔建議使用。 我買佢最主要嚟講都係增加底妝嘅控油度，至於修飾毛孔方面，有少少效果，建議用返修飾毛孔嘅底霜（豬油糕質地嗰種底霜）。呢支比Sofina嘅平約百元，視乎自己情況而買啦😉

葉子🍃好用推薦：呢支毛穴控油妝前底霜一試就知係我最鐘意既款，蜜桃粉紅色調，用手慢慢印開上臉，很乾爽控油、妝效貼服自然、持久力強（一整天無出油，妝容完整），搽完收毛孔，見到呢支入面加左幾種粉末，所以搽完摸上好滑身，用後無起粉刺粒粒，會再購入

Fng好用推薦：Sofina Jenne 水油平衡美白防曬乳液▶️質地似輕爽乳液，推開後瞬間啞緻，仲有微微潤色效果，黃調肌用無泛白，後續直接撲碎粉就可以出門，懶人恩物✨ 控油力對混合偏乾肌來講剛剛好——T位keep到3-4小時乾爽，面珠墩又唔會抽乾繃緊。防曬系數SPF50+ PA+++足夠日常通勤，試過30℃戶外活動2小時無曬黑，但流汗後需要補搽（輕微有白痕）。 持久度中上，冷氣房內可維持半日，出油後無斑駁但光澤感會增加。百幾蚊有提亮+防曬+控油三合一，性價比超高！ 推薦給：✔️ 混合偏乾肌找平價多功能防曬 ✔️ 黃肌怕泛白 ✔️ 短時間戶活動需求！

dor.r好用推薦：Sofina防曬係我嘅必備妝品之一，一定要有一兩支存貨先安心😂用咗好多年空瓶過無數次，不過近來買咗好多新嘢所以有時都會離棄下佢😜呢支係化學性防曬，質地係液體狀，好容易推，我自己用大概5毫子的份量就夠搽全面，好薄好清爽，唔會泛白，又唔會焗住毛孔出粉刺，油性同混合性皮膚多數都會鍾意呢種冇負擔感覺，不過壞處係佢有陣化學味，呢度扣少少分🤏至於防曬功效都唔錯，試過搽咗佢去行山都冇曬黑，整體而言都做到預期嘅功效👍🏻不過美白功效就唔係好見到😝

Kmggigi好用推薦：Sofina Primavista 持久控油底霜 — 清爽控油界嘅神級好物，夏天必備！🔥 質地: 呢款底霜質地清爽，推開好滑好易 blend， 完全唔會有厚重感。 調色效果都幾好，色調接近膚色， 用完個底色會靚啲、均勻啲， 好似皮膚自然變咗好狀態。 效果: 佢最強嘅地方就係控油！ 有效減少出油、令底妝持久服貼一日。 混合肌、油肌、或者天氣熱到出汗嘅夏天， 都用得好舒服，唔會有溶妝既視感。 防曬係 bonus！一支搞掂兩樣嘢🤣 防曬指數高，可以直接當埋日常防曬使用， 真係一舉兩得。 懶人或者忙碌上班族會超鍾意， 少一步妝都即刻快咗好多。🤩 總結：輕盈、控油、調色、防曬，一支搞掂所有底妝前準備 Sofina Primavista 呢支真係夏天底妝救星，想底妝穩陣又唔出油嘅一定要試！✨

A&R好用推薦：Sofina Primavista持久控油粉底霜好啱夏天或者容易出油嘅肌膚用。 質地輕盈易推，搽上面好快融合，好似多咗一陣保護膜，唔會覺得厚重。最大特色係控油效果好明顯，上妝之後面仔保持清爽，T字位都冇咁快出油，妝感可以持久一整日。 朝早上妝，去到下午都仲keep到自然妝效，唔會溶妝或者甩粉。 遮瑕力都ok，令膚色均勻，仲有保濕成分，唔會因為控油而令皮膚乾燥。

shadow影子好用推薦：價錢親民性價比極高！夏天最鍾意用佢，夠晒控油清爽，而家有足夠防曬，查完之後直接上碎粉，效果自然持久。

格仔餅公主好用推薦：呢支用落texture 無咁笠係幾岩夏天用，控油係有感既，加埋佢幾高既防曬系數，有時我懶會單用就算都幾方便

Verna好用推薦：我一向有用這個品牌的控油底霜，但就很少用它的防曬乳液，當我逛藥妝店時，看到這個品牌的counter有新出的防曬乳液，而且有控油功能，就急不及待試試 這防曬乳液是白色的乳液，很容易推開，感覺很輕盈，推開之後覺得皮膚好似有一層薄膜，官方介紹，這是「控油隔離UV防禦薄膜」，觸感是很清爽不黏笠 這防曬乳液有控油功能，也有隔離霜的功用，而且有抗氧保濕成份，防曬同時護膚，也可以阻隔對皮膚有害的物質，一物幾用的產品真的是懶人恩物 #火熱新品

natanatalie好用推薦：溫和的高系數控油防曬👍🏻 呢款新嘅防曬主打採用獨特的持久控油紫外線防禦技術，全面阻隔紫外線UVA和UVB，同時為肌膚裹上一層「控油隔離UV防禦薄膜」。 我用完嘅感覺就係佢質感比較溫和，敏感肌都用到，不過質地唔算係最透薄嘅防曬，你會感覺到佢嘅存在。欣賞佢嘅係佢唔會泛白，適合唔想調色嘅朋友仔。質地算易推，控油效果真係感覺到！

Jayla好用推薦：呢支係我難得用完冇爆粉刺嘅防曬。我用過好多唔同嘅防曬，一係覺得太笠，一係唔夠一日就焗到有紅腫暗瘡，但呢支係難得用完皮膚冇出任何狀態。不過呢支真係有d貴，所以我只會用嚟搽臉，身體再用另一枝

choichoi好用推薦：醫學防敏的關係特別適合敏感皮膚或者面部受暗瘡、粉刺困擾的人士使用，至少他不會加劇你的過敏，但同時帶來防曬功效對抗黑色素的沉澱；質感說不上清爽有少許油但是是我於夏天也會在使用及接受的程度

Rin好用推薦：屈臣氏買一送一時買 夏天用，目前ok 唔會太笠 一開始有小小成膜後就唔會 我自己當面霜防曬用，唔會再落lotion 因為用好多化學防曬都起粒粒，試呢隻，暫時係額頭有，但要再觀察（因為食左好多炸野） 皮膚比較敏感，通常一有就會第二日出 暫時都滿意，用埋夏天再決定會唔會買 （冷氣房太耐面會有啲緊繃） 後補：「用多一星期發現額頭係真係會爆瘡對我嚟講」 本身想買另一款可惜比人買晒

Linda好用推薦：#夏日必備保養 夏天最重要就係防曬 紫外線會造成皮膚老化 所以一定要搽防曬 Eucerin控油輕爽高效防曬面霜好適合夏天用

葉子🍃好用推薦：白色cream狀，推開有涼感，味道有啲似膠味，搽上臉控油未算強，半日已泛油，多數羅黎搽身，搽完有殘留感但仍算清爽，户外同水上活動皆可用，防曬力不錯，遇水仍有防護作用，呢款仲係海洋友善防曬

KK好用推薦：質地輕薄、延展快，成膜後不易黏膩。防曬感受持久，日常通勤補擦也方便；整體膚感偏清爽，適合想要不厚重且穩定隔離的人使用。

Karman28好用推薦：我日常係用開呢款防曬，始終都係防曬，所以有少少笠，通常用完防曬會加碎粉，等佢唔好成面油。用左之後，感覺好似無咁容易變黑，塊面都keep到差唔多既膚色。

KDing好用推薦：始終係大品牌，所以本身對呢款防曬會有啲期望，質地算偏厚少少，用完面上會有啲黏立咁，冬天比較

phybe6好用推薦：防UVA同UVB，因為怕曬黑，所以出街必搽防曬 佢雖然無潤色效果，但因為透明，所以唔洗怕搽得多面色會怪，可以搽夠量有效防曬 一唧出尼嘅質地似cream，不過推開後唔覺得特別黏，之後再上粉底都無打交，如果本身無特別要做調色先上粉底，可以直接當妝前底霜用 已經用咗兩枝，雖然過咗半日都係會出油，不過無特別出痘，同埋搽眼附近都唔會痛，可以放心成塊面搽

Ccc好用推薦：防曬質地輕盈，它擠出是乳狀的，推開屬於「凝露」的質地，好容易推開，而且不會厚重，亦不會泛白及油膩，唔會黐立立👍🏻👍🏻

Akassoo好用推薦：呢排夏天勁熱勁曬🌞☀️、作為混乾肌嘅我，T字部位出油出到不得了。 而INNISFREE呢支控油防曬主打塑造霧光肌感防油光，同埋可以作妝前底霜達至提亮和防曬效果，佢有SPF50+ PA++++、有埋控油同提亮膚色功效，所以我妝前搽完保養品之後就係用呢一支做埋防曬同底霜（妝前打底），一次過搞掂。個人都幾鍾意呢支控油防曬，搽完之後冇黏笠，而且T字部位真係做到控油效果，不過係有啲厚重。

維他他好用推薦：用過呢一隻嘅黃色舊版 Innisfree呢支防曬tone up幾自然，會提亮，但又唔會死白，不過就比較笠，用完係要用粉去令塊面乾爽返or用紙巾印一印防曬，否則塊面會比較反光，一出街會易痴塵，但overall其實除左笠以外，都幾好用同幾抵用。

Anna好用推薦：雖然用上面嘅時候feel到佢質地都好厚重，但係過左陣都可以吸收得七七八八，唔會太笠。佢嘅成分都幾溫和，敏感皮膚可以使用。我鍾意佢嘅原因係因為佢嘅防曬效果真系好出眾，又可以防水防汗，適合進行屋外活動嘅時候使用。但係佢唔可以日日用，唔係嘅話就會焗到生暗瘡。