早C晚A 推薦好用產品

ying好用推薦：✨ CLINIQUE 激斗注膚嬰細精華 (智慧修護科研精華) 用完真係有細緻左皮膚‼️ 暗粒都少左‼️ A醇新手必收 用完之後： ▸ 皮膚摸落去滑咗 ▸ 毛孔細緻咗 ▸ 整體膚質提升咗 ▸ 望落乾淨咗、精神咗 ✅ 暗粒都少左 呢個係驚喜！ 暗粒（封閉性粉刺）係好難搞嘅嘢， 好多產品都搞唔掂。 但呢支精華用完之後， 暗粒真係少咗， 皮膚平滑咗好多。 ✅ 質地清爽易吸收 精華質地，好輕盈， 上臉好快吸收，唔笠。 用完之後唔會黐立立。 ✅ 新一代A醇，溫和不刺激 傳統A醇好多人都會刺痛、脫皮， 但呢支用咗新一代A醇配方， 敏感肌都用得。 用完唔會紅，唔會痛。 ✅ 改善光澤感 用完之後皮膚有自然光澤， 唔係油光， 而係「皮膚好健康」嗰種光澤。 ✅ 適合早晚使用 唔使就住就住， 早晚都用得， 好方便。 ⚠️ 注意： 第一次用A醇嘅人， 建議都係先試吓皮膚反應， 雖然溫和，但每個人耐受度唔同。 日間用記得要做好防曬。 #CLINIQUE #激斗注膚嬰細精華 #嬰細去紋精華 #A醇新手入門 #細緻皮膚 #暗粒少左 #溫和不刺激 #敏感肌可用 #會回購 #skincare #hkb

Una好用推薦：Smart Clinical Repair Wrinkle Correcting Serum 激光活膚緊緻精華 溫和居家抗老：不用做侵入式醫美，居家塗抹就能維持類激光緊膚效果，風險低、價格比醫美療程划算。

Also melon好用推薦：Cerave A醇精華由外國引入香港了，綠色呢支除咗可以抗老，仲可以加速角質層更新，可以疏通毛孔，從而減少痘痘。前排食得太多油膩嘢，下巴位置生咗幾豆豆同閉口，即刻用依支精華。 唧出嚟係啫喱質地，清爽不油膩，全面搽一層之後，再喺出痘痘嘅下巴位置搽多一次，小小嘅份量已經夠用。感覺過咗一晚之後下巴位置變得平滑，豆豆係依然有紅，但已經冇咗腫起。 平時大概隔日都會keep住全面用，用完之後皮膚變得好滑，但對去印就無效。所以可以用呢支晚上使用A醇抗老同時疏通毛孔，然後再用美白精華淡印。

Emily Leung好用推薦：CeraVe A醇精華 藍瓶測評 CeraVe藍色係抗痘線，加咗菸鹼胺同甘草，理論上對祛痘印同抗炎效果會好啲。前者係黃色乳液狀，流動性強，質地偏油潤，我個人就唔太介意。 對我嚟講，用完皮膚係有滑咗，毛孔都細咗少少，睇得出有效果，但就唔太能夠維持皮膚穩定。我個人就係買到邊款用邊款，滋潤度可以根據產品同季節，配返面霜去調節。 我防曬基本上一四季都搽，冬天本身冇乜太陽，夏天正常會曬黑少少，應該唔係反黑（皮膚只係暗咗少少啫），冇咩不良反應。 CeraVe嘅嘢都比較溫和，好似有緩釋技術，但都建議要行返一次耐受流程。另外我之前有擔心生痘痘嗰陣，會刺激到有傷口嘅皮膚，所以中間有斷斷續續咁用，但後尾發現其實都ok。真係好溫和，注意做好防曬就得。 整體嚟講係推薦嘅。

Yty好用推薦：喺護膚呢條路上，我真係交過唔少「美白學費」。好多美白產品一係就溫和到好似擦水咁完全無感覺，一係就成份太刺激，搞到我塊臉動不動就泛紅抗議。直至我入手咗呢支周圍都見到人講嘅 Kiehl's 醫學速效淡斑精華（Clearly Corrective Dark Spot Solution），先至真正打破咗我對美白精華嘅偏見。 佢唔係個種令你一晚之間變白三個色階嘅「神仙藥」，而係一支潤物細無聲、幫你由內到外亮返起身嘅「發光瓶」。 個人實測：點解佢會變咗我嘅「熬夜救星」？網上關於佢咩「活性維他命C」嘅官方介紹有大把，但對我來講，最直接嘅個人用後感就係呢三點：早晚都用得嘅安心感：以前用親維C精華都要避光、一定要夜晚先敢擦，放得耐仲會變黃。但 Kiehl's 呢支竟然係用透明玻璃樽裝！證明佢嘅成分真係好穩定。我依家早晚都放心擦，出門口做好防曬就得，完全唔驚會變黑。塊臉去黃真係超快：身為長期對住電腦工作嘅打工人，塊臉最容易泛黃、好顯老。 我連續擦咗大半樽，最明顯嘅改變唔係膚色白咗幾多，而係個種「透亮感」。就算前一晚熬夜煲劇到凌晨兩點，第二朝醒來塊臉居然無平時個種慘情嘅蠟黃色，望落去好有氣色。死掐新痘印

Emily Leung好用推薦：講起呢支 #科顏氏維C淡斑精華 真係要大力推！ 用咗半支已經想同佢平反 之前聽人講話會『癢身』 其實係維C喺度努力工作緊啊！ 質地係透明水感 上臉吸收得快 頭兩次用會有微微刺刺哋嘅感覺 （櫃姐話正常，建立耐受就得） 果然第三日開始就冇事喇 最驚喜係額頭啲痘印 淡咗超多！ 成塊面睇落勻淨咗 冇以前咁『花面貓』 同埋透白感係由內而外咁發出嚟 唔係死白嗰隻 而家化妝唔使特登用遮瑕膏蓋黑眼圈 慳返唔少時間 會繼續回購嘅一支！

Sophia好用推薦：Clinique 這款淡斑精華都算幾出名，用完1支正貨感覺還好👀 * 質地清爽好吸收👍，溫和不刺激🥰，適合敏感肌 * 提亮膚色✨，有保濕效果💧 * 淡斑效果：新痘印淡化效果明顯✅；陳年斑點暫未見有效 * 總結：有效提亮膚色✨、淡化斑點可能需耐心持續使用⏳️

SammyN好用推薦：香味甜甜的，手感稍油，因此塗抹之後皮膚有一部份感覺較滑。使用後冇感受到淡斑，可能不適合我🥹

Miranda好用推薦：【質感】 一唧出嚟嘅時候，見到佢係好特別嘅淡黃色，第一次用仲諗緊會唔會好厚，點知一推開就感覺到佢嘅質地好輕盈、好順滑。佢介乎乳液同精華之間，流動性高，搽上面好快就吸收晒，完全唔會覺得油淋淋或者黐立立。最驚喜嘅係，雖然佢有A醇成分，但完全冇一般A醇產品嗰種刺鼻嘅氣味，用嘅時候感覺好舒服。而且佢嘅真空泵裝設計可以隔絕空氣，確保每一滴A醇都保持新鮮活性，呢點非常加分。 【使用感】 呢支精華含有0.1%純正A醇，配合微精準技術將傳統A醇嘅刺激性減到最低，同時加入咗神經酰胺同胜肽，一邊抗老一邊修復皮膚屏障。我用嘅時候完全冇出現甩皮、泛紅或者刺痛嘅情況，敏感肌都用得好安心。官方建議初初用可以每星期用2-3次，等皮膚適應之後再增加到每日1次。我用到第二個星期左右，已經明顯見到皮膚質感變得好平滑，毛孔細緻咗，連帶之前一啲好淺嘅乾紋都開始淡咗。官方數據話2週細緻毛孔、4週減退皺紋、8週緊緻提升，我自己用落覺得個進度係符合嘅。用嘅時候仲可以帶埋落頸，順便撫平頸紋。 【持久度】 持久度方面，朝早用完到晏晝，皮膚依然保持到水潤同彈性，唔會打回原形。夜晚用完，第二朝起身塊面狀態好好，摸落柔軟飽滿。最正嘅

ying好用推薦：✨ KIEHL'S Retinol 精華 (微劑量A醇精華) 有效淡紋・緊緻平滑 提亮膚色・改善暗粒 A醇新手入門首選 🌟 我嘅總結 KIEHL'S Retinol 精華 有效淡紋 ✔️ 緊緻平滑 ✔️ 提亮膚色 ✔️ 改善暗粒 ✔️（呢個好驚喜） 乳液質地，滋潤易推， 微劑量配方溫和唔刺激， 敏感肌都多能適應。 初期可能有輕微不適， 係正常適應期， 皮膚會慢慢習慣。 用後記得加強保濕， 日間一定要防曬。 如果你係： ✔️ 想試A醇但怕刺激 ✔️ 有細紋、暗粒困擾 ✔️ A醇新手 呢支值得一試。 回購意願：★★★★☆ #KIEHLS #Retinol精華 #微劑量A醇 #淡紋緊緻 #改善暗粒 #提亮膚色 #A醇新手入門 #溫和不刺激 #會回購 #skincare #hkbeauty #透明感

Miranda好用推薦：講到抗氧化精華，SkinCeuticals支CE Ferulic真係神級之作。佢有15%左旋維他命C、1%維他命E同0.5%阿魏酸，呢個黃金組合抗氧化能力好強。質地係好輕身嘅水狀，雖然初初搽有少少暖笠笠嘅感覺（C精華正常反應），但好快吸收，之後完全唔黏。我用咗大約一個月，最驚喜嘅係塊面真係由內而外透出光澤，肌膚透明度明顯提升，望落冇咁黃冇咁暗啞，暗瘡印同色斑都淡得好快。朝早洗完面搽佢，再上防曬，全日都唔怕氧化出油變灰。就算捱夜，第二日皮膚都仲係好精神，唔會殘。唯一缺點係價錢真係貴，同埋開咗之後要放雪櫃保持活性。但如果你追求頂級抗氧化同提亮效果，呢支絕對值得投資。堅持用一排，你會發現皮膚穩定、透亮、細緻，素顏都敢見人！

dooudu好用推薦：我超级钟意用呢一个精华啰，因为呢佢唔系好黐立立，然后其实佢可以有效咁，去除呢啲面上嘅色素，有啲抗氧化嘅功能。就系要注意嘅呢就搽完之后一定要搽防晒

Also melon好用推薦：Laneige一直都有用開佢哋嘅water bank 系列補水，呢款係比較特別嘅三管精華。 三罐精華係喺一支精華入邊分三個獨立管 三罐精華，三隻都唔同顏色嘅，有抗皺精華，（成份是A酸）、緊致精華（膠原蛋白類別）、美白精華（茶花籽類黃酮），當你一泵嘅時候三管精華就會混合唧出嚟。 因為有A醇嘅關係，晚上使用比較適合。另外三罐精華都有唔同嘅質地，混合咗之後感覺都會偏向滋潤有油分，可以夜晚輕鬆咁樣按摩吸收晒再搽面霜。 三管精華功效淡紋+提亮+緊緻，比較全面功效，每天都用得，而且都用得幾舒服。效果嚟講，感覺預防抗老勝於改善已出現皺紋。

Yty好用推薦：喺仁川機場dfs專門店購買，最鍾意精華嘅設計係扭開唔需要打開個蓋，設計好有質感，而且美觀，唧出嚟有三種顏色，三種顏色代表緊致，光彩同抗皺三種成份精華液喺入邊，一泵已經有三種功效，可以節省每次用兩三種精華嘅時間，用落之後發現皮膚「透明感」有所提升，感覺上皮膚亮白左同滋潤度夠，日頭我會用一泵，夜晚會用兩至三泵，夏天早晚用一泵都可以，用咗呢個精華之後對於品牌其他嘅產品都甚為興趣，會繼續嘗試 #「透明感」 #去黃 #緊致抗皺#【提升肌膚透明感的護膚品】

jhope0725好用推薦：❄️冬季護膚不能夠忽略嘅就係眼部護理，因為冬天濕度降低，乾紋容易出現，尤其是係眼部附近嘅細紋！所以冬季一定要好好滋潤雙眼~ 我起初買呢樣產品係因為佢主打去黑眼圈，減淡黑色素，不過使用大約一個月，黑眼圈未見明顯減淡。 但令我喜出望外，係佢嘅淡紋同滋潤效果！ 呢支產品係油性，所以一泵出嚟會覺得相對油膩，不過佢同眼周附近肌膚好容易結合，打圈按摩五至十個圈，就會完全吸收！吸收完之後，明顯見到眼部附近細紋即時減淡，我使用約一個月，更加覺得眼尾嘅魚尾紋略為減少咗~而且配方唔會令到皮膚容易出油脂粒，減少眼部肌膚負擔☝🏻產品雖然係油性，但係延展性相當高！ ☝🏻使用前，眼紋明顯，眼底肌膚相當乾燥，略見白色皮屑☝🏻剛剛將產品塗在眼底，會見到一層薄薄的油分☝🏻按摩大約1分鐘，油分完全吸收，眼底肌膚變得滋潤，眼紋雖然仍明顯，但略見減淡。眼底肌膚略見提亮 不過要提提，呢枝產品只係眼部精華，但靠佢都唔夠，後續仲要添加眼霜，鎖住營養。雖然使用過程黑眼圈色素冇乜變化，但係呢支產品嘅滋潤效果已經令到我覺得值得回購！係我冬季護膚步驟中，不二之選！

Yty好用推薦：近排塊面乾得嚟，對眼又因為成日煲劇、睇返工塊螢幕，黑眼圈同眼紋衰老感直接爆發。之前去專門店入手咗呢支 Dermacept C5 真皮營養液，我攞嚟做眼部精華打底，效果竟然驚艷到我要出 Post 讚佢！✨ 我最愛嘅產品特性質地超好吸收： 雖然係精華油咁嘅觸感，但用喺眼周一啲都唔黏膩。無負擔感： 輕輕用手指微溫印開，幾秒鐘就食晒入皮膚。完全無起油脂粒： 呢點對眼部護膚品嚟講真係至關重要！ 💡 用左一段時間嘅個人好處分享黑眼圈淡化： 佢最勁係幫我帶走咗嗰種「長期唔夠飽」嘅死氣沉沉暗啞。眼周明顯提亮咗，望落精神好多。乾紋拜拜： 以前下眼瞼化妝好容易卡粉，用咗佢做打底精華之後，眼周皮膚底子厚實咗，乾紋被填平，眼妝貼好多！溫和抗初老： 5% 濃度剛剛好，用喺眼咁脆弱嘅位置都完全無刺激感，好舒服。 📣 碎碎念：心思思想衝新版！呢支嘢我默默用咗一段日子，真係用到見底咁滯。啱啱睇留意到原來品牌最近出咗全新升級版！舊版 C5 已經咁好用，好期待新版會唔會調配得更加溫和、或者吸收力再 double 升級？等我用完呢支，一定要衝去專門店入手新版試試佢，到時再同大家對比吓新舊版分別！ #精華部門 #眼霜

Fng好用推薦：Dermacept VC 10% 純維他命C真皮營養｜熟齡混合肌夏日透亮之選✨ Dermacept這支VC 10%是黃金中庸之選⚖️！比起5%的溫柔初戀版本，10%的透亮力簡直是曖昧期升溫💕；而對比20%的激情熱戀，它更像是細水長流的穩定關係💑，完美平衡功效與溫和度！ 質地像透明甘露💧，推開時帶著微微潤澤卻秒速吸收，在濕黏的香港夏天用完就像為肌膚穿了件透氣涼感衣🌬️！混合偏乾的熟齡肌用後，皮膚立即飽滿發光💡，後續保養完全不打架～ 實測三週最驚艷是自帶打光板效果✨！暗沉痘印像被美圖秀秀修掉般淡化，顴骨曬斑也悄悄隱形👻～比起5%的無感養成，10%簡直是開掛模式🚀；對比20%可能的緊繃脫皮，10%在冷氣房下依然水潤如初💦，真正實現溫柔地變亮哲學！ 最愛它的抗氧化超能力🦸‍♀️～白天使用後搭配防曬，到傍晚膚色依然像剛睡醒般明亮🌅！雖然抗皺不如專業抗老精華，但毛孔細緻度提升到像開了柔焦鏡頭📸～ 推薦給：✔️ 初嘗VC的輕熟肌當入門鑰匙🗝️ ✔️ 進階者夏天的舒適選擇🍃 ✔️ 追求「發光不刺激」的聰明保養黨🎯！

維他他好用推薦：Dermacept呢支C10精華真係幾得！樽嘢係淺黃色，一睇就知係維他命C精華。人到三十要開始抗衰老，用咗成支之後，覺得毛孔真係細緻咗少少，冇之前咁顯眼。而且佢聲稱有3.7倍滲透力，感覺真係吸收得快，唔會黐立立。 不過要提一提，開封之後真係要快手用晒佢！我試過擺得耐咗，支精華開始越嚟越黃，應該係氧化咗，效果冇咁好。所以建議大家開咗就每日用，唔好嘥。整體嚟講，呢支精華對改善暗啞同毛孔問題有幫助，會考慮回購！雖然價錢有少少貴，遲啲可能要買高級啲， 20或者25嘅維他命C精華

Paris merci 好用推薦：Dermacept維他命C精華有多款濃度，依款係25%的超高濃度純維他命C，佢係一個強效的抗氧化劑，可以改善我們的肌膚問題。 我依照官方使用方法一次用4滴，輕輕在按壓全臉。雖然佢係維他命C精華，4滴啱啱好夠用，油膩感好快會消失！然後我再加一層面霜，咁樣就可以覆蓋全面，所有維他命C精華都被肌膚吸收，完全唔會浪費。 用維他命C精華，可以令肌膚更持久地保持美白和白淨。唔同嘅維他命C濃度有唔同嘅功效，依支有25%已經係超高濃度，keep住用可以令皮膚整體膚色更均勻💕

橘子貓好用推薦：Vitamin C Serum 20 plus V.E Obagi就是 Dermacept的日本版本。去旅遊時回購的。 因為現在用A酸類產品，不可與維C同用。之前用過25%，現在就回購濃度低一點的20%來日常使用。 油狀的精華，新鮮開封時是淡橙色的。三個月後還未用完，精華就會變啡橙色，氧化了護膚效果就沒有了。 20%的不會刺激，質地是很薄身的油狀精華，用幾滴就足夠塗會臉，夏天單用就足夠滋潤。冬天我會混到面霜中一同使用。 可能已經用過了25%，皮膚已經習慣高濃度，20%的收毛孔效果沒有25%的明顯，不過也算是有維持到。

SKY好用推薦：這款精華剛開始使用會有點刺激，讓已經持續使用維他命c精華一段時間的我在第一次使用時臉部有刺刺和發熱的感覺，幸好皮膚沒有過敏，而這個感覺在之後使用時也慢慢減輕了。 精華的質地十分水狀，很好吸收，但臉上會有一種膜感。因為我是早上使用，所以後續會擦防曬，如果用推的方式上防曬的話，會搓泥…用拍的方式上會比較好，但還是會搓泥…可能如果用完這個精華要上妝的人要小心挑選搭配的底妝。 開封後液體會開始氧化，慢慢變黃，所以開封後我都會盡快把它用完。 我每天使用，大概一個半月才把它用完。確實皮膚好像比較透亮有光澤，但不明顯，不知道是我的心理作用還是真的有效。而且膚感不是我最喜歡的，畢竟價格不便宜，所以暫時不會回購了。 *更新：因為最喜歡的維他命c精華一直斷貨，最後又回購了兩瓶這款維他命c精華！另外也購入了新出的C25的那瓶，使用完再來比較和分享。 **更新 2024/12/10: 前前後後用了6瓶，但用完C25那瓶之後比較喜歡那瓶的清爽膚感，C15被打入冷宮了，不過還是會好好的把C15的存貨用完。

Karman28好用推薦：用過既美白產品入面，我覺得呢支係有功效！佢同其他維他命C 既產品一樣，有一陣味，唔係香料味，應該係本身vitamin c產品既味道。 用左一排，我覺得面上既斑有淡到，整體面部膚色係有均勻度。

msthea好用推薦：用左Kiehls呢支醫學雙維他命C抗氧亮活精華差不多一個月 佢話可以改善毛孔、皮膚暗啞同細紋 老實講，我就唔係好見到效果啦佢質地係比較潤厚，比較適合秋冬，因為實在唔太清爽 但係每次一搽上面，都會有少少刺痛嘅感覺 唔知呢啲係咪就係所謂嘅效果😅 因為好多人都話維他命C係會有咁嘅感覺 個人覺得秋冬用都還可以，不過就沒有顯著效果 如果春夏季就唔太推薦用呢個了

takemyokane好用推薦：産品兼顧色調和質感護理，特點是保濕而不粘膩，讓肌膚呈現出從底層散發的自然光澤，更有助於減少紫外線傷害。可以早晚使用，質地順滑、濕潤。推薦給想要擁有零瑕疵皮膚的人。 #逆齡護膚品分享

Also melon好用推薦：呢支係細紋救星，持之以恆用真係可以見到乾紋變淡，而且眼部嘅皮膚會變得更加緊緻，冇咁易有眼紋鬆弛。眼霜因為含有A醇，所以建議係晚間用，但佢其實樽身寫住早晚都用得，朝早用一定要加防曬！晚上用的時候都係用喺護膚最後一步，或者做埋保濕之後再塗！ 雖然包裝睇落同傳統眼霜一樣，但其實佢係針對細紋設計，可以用喺法令紋、頸部紋等好多地方。尤其而家興用呢支去酒精精華搽落頸紋度，感覺用完對去紋會有安全感☺️

Sophia好用推薦：Elixir retinol power wrinkle smoothing cream於包裝上已清晰顯示使用份量，適用於眼周咀角等易有紋理的地方。產品質地滋潤吸收快，使用後皮膚即感覺很保濕，即使用於眼周皮膚也沒有引起油脂粒。細紋乾紋淡化了一些，皮膚也顯得比較飽滿，對於較明顯的紋理暫未見效果，但以温和的retinol抗皺保養來說已經不錯，我主要配合眼霜使用加強日常修護👀✨️👍