CeraVe

A醇全效平滑祛印精華

【質感】 首先講質地。佢係偏流質嘅乳液狀，唧出嚟係白色嘅，流動性幾高，推開嗰下好順滑，上面之後輕拍幾下就吸收晒，皮膚表面會留低一層薄薄嘅滋潤感，但又完全唔會覺得黐立立或者油淋淋。 呢種輕薄嘅質地我好鍾意。我以前用過某啲A醇精華，質地好厚好杰，用完之後塊面好似有一層嘢封住咁。但呢支完全冇呢個問題，用完之後皮膚仲係好透氣，感覺好舒服。 佢嘅包裝係泵裝設計，每次唧出嚟嘅份量啱啱好，一泵已經夠全面，乾淨衛生又唔會浪費。呢個設計對於衛生同控制用量都好有幫助。 味道方面，佢冇添加香料，聞落係好淡嘅原料味，幾乎係冇味嘅。對於追求無香味護膚品嘅人嚟講，呢點係好加分嘅。 【使用感】 呢個位係我最滿意嘅部分。佢嘅 「溫和程度」 真係令我驚喜。作為一支A醇精華，我本來預期會有一段適應期，可能會甩皮或者刺痛。但用咗大約一個月，完全冇呢啲問題。佢嘅微脂囊技術令A醇可以緩慢釋放，減少刺激性，敏感肌都用得放心。 佢嘅 「平滑皮膚效果」 都係我好欣賞嘅。用咗大約兩星期之後，我發現皮膚摸落平滑咗，毛孔望落細緻咗少少，尤其係鼻翼兩邊嘅位置。佢仲可以改善暗瘡印，我本身有啲暗瘡印，用咗大約一個月之後，見到印嘅顏色

Cerave A醇精華由外國引入香港了，綠色呢支除咗可以抗老，仲可以加速角質層更新，可以疏通毛孔，從而減少痘痘。前排食得太多油膩嘢，下巴位置生咗幾豆豆同閉口，即刻用依支精華。 唧出嚟係啫喱質地，清爽不油膩，全面搽一層之後，再喺出痘痘嘅下巴位置搽多一次，小小嘅份量已經夠用。感覺過咗一晚之後下巴位置變得平滑，豆豆係依然有紅，但已經冇咗腫起。 平時大概隔日都會keep住全面用，用完之後皮膚變得好滑，但對去印就無效。所以可以用呢支晚上使用A醇抗老同時疏通毛孔，然後再用美白精華淡印。

感謝 @cosme A醇全效平滑怯痘印精華 減少痘印、毛孔瑕疵，修護肌膚表皮屏障功能 感謝現在的網路資訊，水楊酸跟A醇是不可少 🈲孕婦、備孕女性使用-這點女性要特別注意‼️ 擠出來是這樣，很滑沒什麼味道 A醇可以淡化斑和痘印，所以我也會帶一些在眼下和脖子用完眼下稍微熱熱，但不影響。 搭配三寶使用數天後 慢慢代謝我苦惱已久的粉刺跟痘痘 很推👍 一定要買這三樣，幾天見效 深沉暗瘡出來了，很大顆！所以暗瘡的地方有點紅跟印記（因爲開口太大，需要一段時間淡化印記） 雖然暗瘡出來沒幾天，但紅紅地方開始比較淡，也沒重複再長痘痘，代表真的排的很乾淨 期待臉上深處痘痘粉刺慢慢代謝完，這樣就不容易一直為臉上痘痘所苦。 上妝才不會一顆顆的！ 來看看左邊皮膚皮膚如何？ 你們看明顯平滑很多，這個張圖只上潤色防曬跟腮紅而已。

試用程度：因順豐延誤遲了收貨，只試用咗連續七日，只有每晚洗臉後使用。 橫跨了一個颱風，時正炎熱潮濕之季。 以前有用過其他A醇產品引起大過敏，後續煥膚效果一流，但始終過敏太痛苦就冇再繼續。 有與收到Cerave同系列「去油抗瑕白泥潔膚露」及「多重酸抗瑕疵修護精華」一起試用。 以往有用開Cerave的修復霜於濕疹皮膚上，自從佢被L'Oreal收購後就冇乜點再留意呢個品牌。 容器：●●●●●●● 真空樽裝帶泵，可以令serum冇咁易變質又衛生👍 一泵半夠搽整塊臉連頸。 樽上label嘅大細同質地略嫌太廉價感。不過完全唔影響使用就由佢。 Overall係我理想中嘅精華容器形態：廢嘅label可以撕走，遮光又真空保存，輕身但自己企得穩。 氣味及質地：●●●●●●○ 微黃稠身不透明gel狀，無香料。流動性不高，不過容易推開或吸收，冇焗皮膚嘅感覺。搽上臉第一下會有種微涼微灼熱嘅感覺，但好快就消失，後續亦無過敏反應等。 成分：●●●●○○○ 優點：A醇選用咗緩釋型，想試A醇嘅敏感肌膚都冇咁易受刺激，而且可以減少變質機會；有維他命B3 (Niacinamide)同Cerave最出名嘅Ceramid

【A醇全效平滑祛印精華】 謝謝@cosme 邀請試用CeraVe 嘅去A醇全效平滑祛印精華！呢個牌子我都係第一次用～ A醇產品之前都有用過，但質地太笠所以好快棄咗。呢支精華幾易推、搽上面感覺都算好快就吸收，唔會厚重同有好笠、膠住塊面嘅感覺。 用佢我無爆發期，無一次過爆好多粒粒，塊面亦都無敏感同乾燥出現。反而驚喜位係，因為我試咗只搽右邊面先，瞓醒覺得塊面幾透亮✨，第二日即刻搽埋左邊面同額頭😁！ 試用咗兩個禮拜，塊面覺得有柔軟同平滑咗，面豬嘅痘印都有淺咗少少，但收毛孔效果可能要用耐啲先見到～ 二百幾蚊嚟講性價比真係幾高，想揾A醇產品嘅你絕對可以一試，建議配埋同系列去油抗瑕疵白泥潔膚露，感覺皮膚會更好😆🫶🏻

多謝Cosme比我試用今次CeraVe淺藍色系列的產品。平時間中做完Facial都有用開藍色保濕系列，唔會過敏，淺藍色去油同去黑頭的系列想試好耐了～去油抗瑕疵白泥潔膚露 呢一款潔膚露含白泥同水楊酸成份，估唔到會係透明的。使用起來質感同CeraVe另外一果枝去油嘅不一樣，一開始以為皮膚會有假滑的情況，畢竟好少去油嘅洗面奶洗完之後係唔會繃緊同乾，但皮膚同時都保持住好清爽的狀態。 洗完塊面係有感覺乾淨咗，粉刺都有少左，不過去黑頭效果就暫時未見到。 A醇全效平滑祛印精華呢次係我第一次用A醇的產品，精華搽上面口，感覺上好快就吸收，不厚重，唔會有好笠的感覺，用咗之後有補同牌子的保濕面霜，所以第二朝都唔會話塊面敏感同乾燥。 試用咗幾日，塊面覺得柔軟咗，都平滑咗，感覺上下巴嘅痘印都淺咗少少，收毛孔效果暫時就未見。 多重酸抗瑕疵修護精華 平時一直有用開其他牌子的收毛孔精華，今次轉用CeraVe的試用幾日，集中搽T字位同下巴，用咗幾日，感覺皮膚的確出油少咗，黑頭生長速度慢咗，不過唔會話搽咗之後黑頭就少咗好多。呢個價錢嚟講，感覺呢支都值回購。

今次收到CeraVe 袪痘抗瑕系列產品，分別有洗面同精華。 首先，洗面係有白泥同水楊酸，本身都會驚太乾，但用完之後又好舒服，皮膚都唔乾燥，洗完面過十分鐘後都唔會出油。 另外，兩款精華都非常好用，本身都唔係好敢用酸，但結果都唔錯，完全冇甩皮。 A醇成日聽到用完會甩皮，會紅，一直都唔敢用，今次我一開始都有隔日先用，之後日日用都冇事！ 效果方面，我覺得袪印快咗，適逢黎m有痘，見到下巴位有印，但兩三日都消得7788。 另外一枝係多重酸修護精華，主要我用係面頰，想收下毛孔。 整體來講，皮膚有冇咁紅，毛孔有乾淨到，但可能用太少時間，毛孔冇特別細咗，另外額頭暗粒都有少咗！

CeraVe A醇精華 藍瓶測評 CeraVe藍色係抗痘線，加咗菸鹼胺同甘草，理論上對祛痘印同抗炎效果會好啲。前者係黃色乳液狀，流動性強，質地偏油潤，我個人就唔太介意。 對我嚟講，用完皮膚係有滑咗，毛孔都細咗少少，睇得出有效果，但就唔太能夠維持皮膚穩定。我個人就係買到邊款用邊款，滋潤度可以根據產品同季節，配返面霜去調節。 我防曬基本上一四季都搽，冬天本身冇乜太陽，夏天正常會曬黑少少，應該唔係反黑（皮膚只係暗咗少少啫），冇咩不良反應。 CeraVe嘅嘢都比較溫和，好似有緩釋技術，但都建議要行返一次耐受流程。另外我之前有擔心生痘痘嗰陣，會刺激到有傷口嘅皮膚，所以中間有斷斷續續咁用，但後尾發現其實都ok。真係好溫和，注意做好防曬就得。 整體嚟講係推薦嘅。

好開心今次抽中咗 @cosme CeraVe嘅祛痘抗瑕系列試用邀請❤️ 我自己一向好鍾意CeraVe呢個品牌，之前一直有用佢綠色嗰枝溫和潔膚露洗臉，然後間唔中會用淺色透明樽身嗰枝水楊露潔膚露for深層清潔。而潤膚方面，而家紫色嗰款skin renewing night cream搽臉，深藍色嗰兩款lotion同cream搽身。所以都算得上係呢個品牌嘅忠實用家🤣 呢枝係「A醇全效平滑祛印精華」，首先喺質地上，呢款祛印精華係杰身質地嚟嘅。唧出嚟冇流動性，但都唔算難吸收。 另外講一講佢嘅包裝，佢嘅樽口係泵咀，使用上都幾方便，開完蓋就可以直接單手唧。 咁講一講佢哋效果，因為我係呢款精華同修護精華一齊用，所以就一齊講，我用嘅時間唔算好耐，大約10日左右，所以效果未去到好明顯，但用落比較近期嘅period痘印有少少變淺色咗，但比較耐嘅痘印就未有明顯分別，而配合潔膚露一齊用，黑頭算係少咗。 （P.S.呢3樣產品用嗰陣都係冇香料/香精嘅味道，呢個品牌無論潔膚/潤膚產品，暫時用過嘅都係咁，而呢樣係我鍾意嘅！）

多謝 @cosme 送左「CeraVe祛痘抗瑕系列」嘅「去油抗瑕疵白泥潔膚露」、「A醇全效平滑祛印精華」同埋「多重酸抗瑕疵修護精華」比我試用。 本身皮膚偏油性，好易生痘痘，又忍唔住手去抓，所以都有唔少痘印，加上平時好懶冇乜點護膚，毛孔都比較明顯同粗大。 今次試用左14日，去印同收毛孔嘅效果未算好明顯，但使用後感覺到膚況有改善，當中最欣賞洗面乳嘅「去油」效果。洗面乳係透明狀，好易起泡，泡泡都好綿密，搽上面好舒服。洗完面感覺好清爽，唔會有油膩感，喺香港濕熱嘅夏天都哥以保持半日好清爽嘅感覺。 至於A醇精華，質地偏向啫喱狀，因為有酸性，所以搽上臉掂到痘痘會有少少刺激感。用完感覺膚色有變亮。 最後到多重酸精華，呢一支係偏水狀，搽上面感覺比較溫和，面部感覺有所舒緩，部分肌膚都變得光滑左。 總結來說性價比不錯，洗面乳好大支應該有排用，會持續使用慢慢改善膚況。

A醇全效平滑祛印精華 平時有用開a醇精華，呢枝冇乜味，而且好推 唔厚身，好易吸收 用完一星期 冇敏感同乾 膚色有提亮到 冇咁暗啞 配合白泥潔面露同多重酸精華 黑頭有減少，毛孔收細咗dd 一set配合用效果有加乘 幾枝比較 我最中意呢枝a醇😝

試用分享｜CeraVe A醇全效平滑祛印精華 首先好多謝 @cosme 邀請我試用 CeraVe 呢支「A醇全效平滑祛印精華」。我自己屬於混合肌，有時都有痘印、膚色唔均，仲有少少粗糙感，所以對呢類可以改善膚質、提亮膚色嘅產品特別有興趣。 質地溫和，唔刺激又易吸收 呢支精華質地係啫喱乳液狀，推開好易吸收，冇香料味，搽上面幾舒服。入面主打成分係緩釋包覆性A醇，由皮膚科醫生共同研發，設計嚟溫和漸進地發揮效果，我自己比較敏感，用咗都冇出現爆皮或者紅痕。配方仲加入咗甘草根萃取，用落覺得膚色有提亮咁嘅感覺，特別係夜晚用完，第二朝起身塊面真係滑咗同透亮啲。 淡化痘印、提升膚質有感 我連續用咗差唔多兩個星期，開始感覺到啲痘印有慢慢淡咗，特別係之前暗瘡爆完留低啲紅印，冇咁顯眼。毛孔位置（例如鼻翼、下巴）都平滑咗啲，望落去膚質冇咁粗糙，整體皮膚感覺乾淨咗、光澤感都有提升。 有修復力，唔怕乾同敏感 雖然係A醇產品，但用落一啲都唔乾，應該係因為佢入面有三重Ceramides 同 Niacinamide（維他命B3），真係有幫助修復皮膚屏障。我平時啲位置一轉季就好易甩皮，但而家用咗佢，反而穩定咗，唔會覺得乾

多謝 @cosme 比咗我呢次試用 CeraVe A醇全效平滑祛印精華 嘅機會。其實一直對 A 醇都有啲保留，怕會刺激或者脫皮，但呢支用落比我想像中溫和，感覺幾唔錯。 我係混合偏油肌，主要困擾係下巴同面頰會有啲粉刺、暗粒，有時膚色又唔均。呢支精華係乳白色乳液狀，質地比我預期厚少少，不過推開後吸收得快，唔焗唔黏，上面霜都唔會起擦膠碎，用完膚感幾舒服。 我一開始係局部試用，夜晚擦完第二朝起身冇紅冇腫，亦都冇甩皮，所以之後安心全臉使用。大概隔日用一次，用咗一星期左右，覺得膚質有平滑咗啲，特別係下巴冇以前咁多粒粒，摸落乾淨咗少少。膚色方面雖然未話好大改變，但有種冇咁「灰灰沉沉」嘅感覺，睇落精神啲。 我鍾意佢夠溫和，唔會一下子爆皮或者令皮膚敏感，同時有做到輕微代謝角質同平滑膚質嘅作用。加埋保濕成分，用後唔會乾或者繃緊，皮膚反而穩定咗少少，出油情況都有改善。 總括嚟講，如果你係第一次試 A 醇，或者以前用過覺得太刺激，呢支精華會係一個幾穩陣嘅選擇。雖然效果唔係即時見，但長期用應該會有幫助，適合想溫和慢慢改善膚質嘅人。

感謝@Cosme的試用邀請🙌 呢款係我第一款用嘅A醇精華～唔知大家有冇聽過早C晚A嘅護膚Routine，就係朝早用維生素C淡化斑點、改善暗沉，夜晚用A醇幫助肌膚代謝角質、緊緻毛孔，可以今次終於可以試吓啦！ 🔽試用資訊🔽 🗓️使用時間：持續使用10 天 🇫🇷產品產地：France 💆🏻‍♀️個人皮膚狀況： 混合乾性肌膚，全面易乾而出油 使用產品後沒有任何過敏反應 🔽全面使用心得如下🔽 1️⃣ 產品質地 質地呈gel狀，非常易推開同吸收，用完之後覺得肌膚有彈性唔黏笠🙌 用完之後再搽防曬或者底妝，反而更貼妝🤭 2️⃣ 提亮膚色、平滑肌膚 塊面喺啱啱起身嘅時候，非常暗沉同埋膚色唔均勻，之後用完佢嘅潔膚露已經白咗一度🤣再用埋呢款A醇精華，再進一步收毛孔同撫平眼底乾紋👍🏻 （效果見圖，潔膚露的Review請移玉步到另一篇貼文♥️） 3️⃣改善痘印 雖然只係用咗一星期，但已經有即時嘅淡印效果😎 原本眼底有啲雀斑，圖入面都見到真係淡色咗少少🤣 🙌總結評分🙌 產品質地：♥️♥️♥️♥️♥️ 提亮膚色：♥️♥️♥️♥️🤍 平滑肌膚：♥️♥️♥️♥️♥️ 改善痘印：♥️♥️♥️♥️🤍 推薦

好開心入選參與 CeraVe試用活動，謝謝@cosme ！ 作為混合性偏油肌膚，皮膚暗沉、毛孔粗大既問題對於我嚟講比較困擾，所以由洗面乳去到精華都會選擇返水楊酸同埋A醇成份既產品。 我用緊既洗面乳 - CeraVe 去油抗瑕疵白泥潔膚露 我自己一直都係CeraVe洗面乳既忠粉，因為用落明顯見到少左好多出油既情況 (⁎⁍̴̛ᴗ⁍̴̛⁎) 而我最鍾意佢入邊有水楊酸成份～ 🔎水楊酸 ：可以疏通毛孔 + 改善瑕疵，溫和去除老廢角質，同時調理油脂分泌過多，預防痘痘粉刺形成，使肌膚更加潤澤平滑。 今次試咗CeraVe A醇全效平滑祛印精華 真心有驚喜！佢質地易推，感覺水潤不黏立，好快就吸收晒，入面蘊含A醇成份令我對產品更有信心，除咗可以改善膚質及提亮整體膚色；另外加入咗三重親膚Ceramides及Niacinamide(維他命B3) 配方有助修護肌膚表皮屏障功能，減少痘印和毛孔，提高皮膚光滑度🫶🏻～ 對一個混合偏油人士嚟講，真心推薦！

有幾個朋友都推介呢個精華，話用完皮膚冇咁多暗瘡，所以我都買黎試吓。 不過我本身皮膚比較容易敏感，搽咗cerave呢支精華之後，發現會令我皮膚敏感發作，所以唯有停用，可惜呢個產品唔岩我嘅膚質～

因為我係敏感肌，所以其實一直都用開CeraVe/Cetaphil嘅產品，係個忠實用家嚟。 CeraVe呢枝「A醇全效平滑祛印精華」幫助到我減淡暗瘡疤痕、色素沉澱同收毛孔，非常喜歡。因為突然皮膚敏感，嘴角生咗一大堆暗瘡同油脂粒。而我只係搽咗呢枝精華大概1星期，已經明顯見到暗瘡消咗腫同紅印淡化咗，真係好神奇🥹2星期後更加係連紅印都就嚟睇唔到，只須一層薄薄嘅粉底已經遮蓋到。精華嘅質地易推，唔黏。佢係好溫和咁幫我消炎，一啲刺激嘅感覺都冇，亦都唔會好似其他牌子咁抽乾晒啲油份，令到嗰個部位乾到甩皮👍🏻瓶身設計簡單同衞生，一小揼已足夠，非常好用油肌推薦，一定會再去購買。 ** 我係配合埋同一系列嘅「多重酸抗瑕疵修護精華」使用，單搽可能效果唔同。 價錢: 9/10 祛印: 10/10 包裝: 10/10

好開心收到@Cosme嘅試用 今次收到嘅產品係CeraVe 祛痘抗瑕系列 總共3件 跟住就講Cerave嘅【A醇全效平滑祛印精華】 因為兩款精華都有酸 功效唔一樣 所以唔好搞亂佢地呀~ A醇呢款係主打減少痘印同瑕疵 改善膚質 可搽全面 每日一次 跟隨"早C晚A"護膚法 我都係會選擇夜晚用呢枝 我有用過其他品牌嘅A醇精華 覺得呢款係相對溫和 即使每日用都冇皮膚不適/甩皮 係A醇精華入門嘅不二之選 用左一排皮膚係有更健康嘅感覺 我有搭配埋去油抗瑕疵白泥潔膚露&多重酸抗瑕疵修護精華一齊用左約14日 整體皮膚變得乾淨左 暗粒問題都少左

好開心可以試用「CeraVe 祛痘抗瑕系列」 本身個人皮膚起石頭瘡或者傷口之後容易留痘印同毛孔粗大，一直都想搵適合嘅產品處理修復問題。 之前試用過其他A醇產品，第一次試用CeraVe A醇全效平滑去豆精華亦分有效。它的質地呈啫喱狀，好好推開同吸收，用完之後覺得肌膚唔會覺得刺激或者黏笠，吱吱裝控制用量好方便。 持續使用A醇全效平滑去豆精華一星期之後，色素沉澱問題有所改善，配合同系列其他產品使用，粗糙的皮膚毛孔感覺乾淨，無新增粉刺痘痘，皮膚狀態穩定，可以安心使用。

今次同大家分享外網好hit嘅產品！依家香港都有得買啦！！ - 𝙄𝙣𝙛𝙤 - CeraVe 去油抗瑕疵白泥潔膚露& A醇全效平滑去印精華 洗面含2%水楊酸同白泥成份，配搭使用精華，減淡瑕疵、清潔毛孔 - 𝙁𝙚𝙚𝙙𝙗𝙖𝙘𝙠𝙨 - 連續使用左接近兩星期，超級無敵鍾意！ 成日覺得25+混油瑕疵肌嚟講，想要搵適合嘅產品真係唔係咁容易🥲最大訴求就係，可以去痘痘平滑肌膚表面之餘，千祈唔可以乾🥹因為已經冇以前咁油，好驚啲產品會抽乾晒底層啲水份 講咗洗面先，我真係日日都有用佢，唧出嚟係透明啫喱質地，加水起泡唔算好棉密，不過勝在洗完面完全唔會乾，毛孔唞返氣！最近呢幾日轉季涼返少少，有時洗完面冇即刻搽嘢，都唔會抆抆緊🤔 到支精華嘅表現，其實之前一直都有聽過佢係外國嘅王牌產品，平靚正已經可以有A醇嘅成份😈A醇其實可以改善膚質同埋提亮膚色，不過A醇產品選擇上真係要好小心，因為份量如果多咗，未必個個皮膚都會受得到🥵CeraVe呢支好mild，同時加入左B3同ceramides，幫助修護肌膚屏障！最大嘅感受係完全唔刺激，上面好清爽，同埋皮膚真係覺得柔軟左平滑咗少少🤓 真心呢兩隻product係值得回購🔥