凹凸洞 推薦好用產品

Miranda好用推薦：【質感】 首先講質地。佢係偏流質嘅乳液狀，唧出嚟係白色嘅，流動性幾高，推開嗰下好順滑，上面之後輕拍幾下就吸收晒，皮膚表面會留低一層薄薄嘅滋潤感，但又完全唔會覺得黐立立或者油淋淋。 呢種輕薄嘅質地我好鍾意。我以前用過某啲A醇精華，質地好厚好杰，用完之後塊面好似有一層嘢封住咁。但呢支完全冇呢個問題，用完之後皮膚仲係好透氣，感覺好舒服。 佢嘅包裝係泵裝設計，每次唧出嚟嘅份量啱啱好，一泵已經夠全面，乾淨衛生又唔會浪費。呢個設計對於衛生同控制用量都好有幫助。 味道方面，佢冇添加香料，聞落係好淡嘅原料味，幾乎係冇味嘅。對於追求無香味護膚品嘅人嚟講，呢點係好加分嘅。 【使用感】 呢個位係我最滿意嘅部分。佢嘅 「溫和程度」 真係令我驚喜。作為一支A醇精華，我本來預期會有一段適應期，可能會甩皮或者刺痛。但用咗大約一個月，完全冇呢啲問題。佢嘅微脂囊技術令A醇可以緩慢釋放，減少刺激性，敏感肌都用得放心。 佢嘅 「平滑皮膚效果」 都係我好欣賞嘅。用咗大約兩星期之後，我發現皮膚摸落平滑咗，毛孔望落細緻咗少少，尤其係鼻翼兩邊嘅位置。佢仲可以改善暗瘡印，我本身有啲暗瘡印，用咗大約一個月之後，見到印嘅顏色

Also melon好用推薦：Cerave A醇精華由外國引入香港了，綠色呢支除咗可以抗老，仲可以加速角質層更新，可以疏通毛孔，從而減少痘痘。前排食得太多油膩嘢，下巴位置生咗幾豆豆同閉口，即刻用依支精華。 唧出嚟係啫喱質地，清爽不油膩，全面搽一層之後，再喺出痘痘嘅下巴位置搽多一次，小小嘅份量已經夠用。感覺過咗一晚之後下巴位置變得平滑，豆豆係依然有紅，但已經冇咗腫起。 平時大概隔日都會keep住全面用，用完之後皮膚變得好滑，但對去印就無效。所以可以用呢支晚上使用A醇抗老同時疏通毛孔，然後再用美白精華淡印。

Emily Leung好用推薦：Benefit毛孔細緻霜測評 質地： 搽上手第一感覺係「滑得嚟有啲矽感」，唔會立癡癡，推開個陣有啲似慕絲咁，好快就啞面，完全唔油。如果你試過佢哋嘅反孔精英，呢個霜嘅質地會再輕薄少少，似一層好薄嘅柔焦濾鏡咁罩住皮膚面頭。乾皮用可能會覺得有少少繃，建議局部用喺毛孔粗大位（多數係T字同鼻翼兩側）。 毛孔細緻效果： 即時效果明顯，填平凹凸窿窿嘅能力幾強，尤其係鼻翼兩側同眉心位嘅細小毛孔，搽完即刻睇落平滑咗，有種「磨皮感」。但注意，佢唔係真係收細毛孔，而係透過填充同光線折射令毛孔「睇唔到」。持久度大概可以keep到半日左右，如果出油多，晏晝可能要用紙巾印一印油，再補少少。 小貼士： 1. 唔好當全臉面霜用，只搽喺毛孔明顯嘅位置，否則可能會有屑或者太乾。 2. 建議用完保濕打底（等吸收晒）先搽，之後再上粉底會更貼服，毛孔隱形效果會加倍。 3. 如果追求天然妝感，可以單用呢支霜，再薄掃一層碎粉定妝，已經有好靚嘅柔焦效果。 總結： 適合油性/混合肌，或者需要即時修飾毛孔嘅場合（例如約會、見工）。但如果你期望長期改善毛孔粗大，就要配合其他護膚品（例如果酸、維A醇）。一支都幾耐用，值得入手試吓！

Kathy Wai好用推薦：【Benefit 毛孔細緻霜用後感】 講起呢支嘢，真係又愛又恨。細細支都唔平，但佢個名「毛孔細緻霜」唔係流嘅，搽完真係有種「霧化」咗個毛孔嘅感覺。 質地係淺褐色嘅膏狀，有少少矽感，推開要快，因為佢都幾快乾。用法好緊要——唔好成塊面搽，淨係局部搽喺毛孔粗大嘅位，好似鼻翼兩側、額頭、蘋果肌位。用手指或者細掃薄薄印一層，等佢定一定先上粉底。個效果係點？就係你摸落去塊面會覺得好滑，好似搽咗層絲絨咁，毛孔望落真係細緻咗，有種柔焦filter嘅感覺。 最正嘅係佢控油力都唔錯，T字位出油會慢啲，粉底冇咁易卡入毛孔。如果話單搽佢加碎粉出門，係可以嘅，但遮瑕度近乎零，純粹係修飾毛孔同埋令皮膚摸落滑啲。 缺點？有。第一，如果你搽得太厚或者太大力推，會起擦膠碎，好尷尬。第二，乾肌或者冬天用嘅話，會覺得有啲乾，甚至掹掹緊，一定要做好保濕打底。第三，佢係矽基底，有啲人會生粒粒或者塞毛孔，敏感肌要試真啲。第四，都幾貴，同埋支裝設計好快用完。 總結：如果你係油肌或者混合肌，毛孔粗大又想妝容持久啲，佢係一支幾好用嘅局部修飾霜。但如果你係乾肌，或者追求保濕護膚型嘅底霜，就唔係好啱你。我會俾7/10分，

Hchan好用推薦：本身膚質是混合偏油的敏感肌，一直有毛孔粗大易出油的問題，尤其現時天氣不穩定更會有泛紅情況。因此平日上底妝會習慣在防曬乳後先上毛孔底霜再上粉底液，並以碎粉定妝來增加持妝度。 用過不同品牌覺得這枝表現最平均，半透明霜狀質地很滑很易推開，薄薄塗一層就可以遮蓋毛孔，後續上粉底也不會起碎屑，再上碎粉即可呈現有柔焦效果的妝效，因為有控油效果在現時悶熱的天氣一整天下來脫妝情況還可以接受。包裝小小一枝容量看起來很少，但因只局部塗臉頰及鼻子其實很耐用，下次仍會回購。

Kyhy好用推薦：自己本身係油性肌 化妝前用左呢枝底妝會較貼服 而且控油效果都好好 用完會再買

Lauren好用推薦：呢隻產品 我由佢出咗冇耐，已經開始不斷用佢 我本身係油性肌膚 好容易出暗瘡粉刺問題 塊面都會有少少嘅凹凸洞 其實用咗好多產品皮膚狀況都反覆會出現唔穩定嘅狀況 再加上香港天氣容易潮濕 我自己又比較容易出油 皮膚狀況會比較粗大 自從用咗呢一隻面霜之後 我覺得成個皮膚好似重生一樣 皮膚狀況好咗 冇咁容易出暗瘡 粉刺都減少咗好多 凹凸洞亦都有改善 最重要係佢嘅質地比較水潤 而家我出街，亦都會戴口罩 有時查好多精華面霜皮膚會好立次次 但係就算用完面霜，我再戴口罩出街 都唔會再有黐立立嘅情況 我有推介俾好多身邊嘅朋友用 用完都覺得好好再返叫我幫佢地買 所以真心推介 用過咁多隻體驗最好嘅一隻🫶🏻

維他他好用推薦：呢支係SKIO VC活肌潔面啫喱，產品主打唔需要起泡嘅美容液質感啫喱 佢喺潔面嘅同時，會做埋角質同毛孔護理，入面加左乳酸同葡萄糖酸，可以溫和軟化並清除老廢角質、毛孔污垢同角栓，改善肌膚粗糙暗沉 入面仲有維他命C誘導體及蛋白聚醣，潔面同時補充水分，提升肌膚透亮感 用後感： 唔會起泡嘅潔面啫喱 洗完後肌膚明顯光滑左，而家不緊繃，特別係粗糙位置會滑左 帶有清爽柑橘香味，幾fresh 整體都ok嘅，幾乾淨，不過都係鍾意有泡嘅洗面多啲～

Sanna Cher好用推薦：產品質地偏流動性，屬於啫喱質地，帶維他命C橙香。擠出產品，在掌心搓均勻，打圈按摩及洗臉。 使用後滋潤感低，但潔淨力很高，是令人滿意的產品。

格仔餅公主好用推薦：-包裝 非常靚攪笑既包裝，好成功吸引到我視線，夏天就當然要美白，佢唔笠又水潤既質地好岩夏天用 -可作為多合一使用，有效解決黑斑與毛孔問題，保持肌膚水潤白皙的保濕啫喱。 連毛孔問題都handle到，非常岩繁忙既都市人

choichoi好用推薦：開架品牌來說，質素不錯，或許始終是KOSE副線的原因吧～適合瑕疵較少的朋友使用，因其遮瑕度屬普通

Tsyyy好用推薦：套裝幾抵買 送左枝primer 裝感一般 係性價比ok

Kitty 好用推薦：Clarins呢支超輕盈纖體精華，老實講，我當普通身體乳用多過佢標榜嘅纖體功能。質地確實抵讚，淡粉色凝膠乳質地，清爽唔黏膩，吸收得快過普通body lotion，沖完涼搽全身都好舒服，一搽上去涼涼地，仲有陣淡淡香味，呢方面滿分。 至於纖體效果，腰同大腿暫時未見到明顯分別，可能我冇跟足按摩手法？不過當保濕乳用都唔錯，皮膚摸落滑溜咗，當係升級版身體护理都算合格。如果目標係強效修身就可能要諗諗，但追求清爽體驗嘅話，佢絕對交到功課。

小Man好用推薦：買set裝入面嘅其中一項，淡淡粉橙色，我用係大脾，用完會涼涼地，生完b大脾大勁，未有好大感覺，不過clarins產品都要持之以恆使用。

Also melon好用推薦：Skio煥膚美白精華，佢嘅質地係經典油狀VC精華，用起上嚟真係又會有啲油膩，夜晚仲會較適合。佢問起上嚟係好強烈嘅維他命味道，應該成份係幾重，開價日系牌子嚟講，佢哋價錢唔會太平，大概$300內。 用完膚色係冇咁暗沉，感覺皮膚比較亮窄，維他命C濃度對毛孔有啲收細效果，但對於雀斑就冇功效，會配搭肌基底液之後用，再用面霜。 第一次有少少痕癢，之後搽返基底液，同舒緩面霜就冇再痕癢。但如果你話皮膚有效果嘅情況都要大概兩個禮拜之後，日日用先見到效果。所以如果用嘅時候可以添加落面霜，抵抗底層嘅黑色素。

iliya 好用推薦：呢款粉餅嘅粉粒幼細，掃一層上面之後嘅妝容感覺很薄透，而且自然貼服，保濕度更高，而且遮瑕度還可以。

橘子貓好用推薦：霜包油的質地，上臉很易吸收，不過要小心會跟啫喱狀的精華打架起屑屑，所以我一般在晚上用。 額頭皮膚因為青春期曾經長期長痘後一向比較粗糙，用多少護膚品都改變不了狀況。用了一個月左右活膚霜後，額頭皮膚光澤好多了，朋友更笑稱我開始「印堂發光」🤣！全面皮膚柔軟了，護膚品比之前易吸收。下巴經常長小痘痘、黑頭，摸上去凹凹凸凸，現在也平滑不少。 很多護膚品的功效都是維持肌膚狀態，或者補水滋潤，而ReVive的活膚霜則是我用過少數能突破肌膚現況，令皮膚更上一層樓的面霜！ 推薦混油肌或油肌試用。