專櫃唇膏 推薦好用產品

🌸好用推薦： 今次試用嘅產品係YSL LOVESHINE LIP OIL STICK 全新情迷水光唇膏(左邊嗰枝）。睇一睇介紹，原來佢就係金色嘅ROUGE VOLUPTÉ SHINE LIPSTICK BALM 迷魅亮彩唇膏升級版！嚟張新舊對比圖先:新舊兩款唇膏都係3.2 g，重量同形狀都係一樣嘅。新版嘅唇膏換上銀色外殼同埋全新橫向YSL CASSANDRE標誌，比舊包裝更顯型格同時尚。 我用嘅呢隻色係202 Peachy Glow - taupe nude 蜜桃光澤的裸色唇膏呢個係我喺素顏狀態之下嘅試色。唇膏質地輕薄，顯色度唔算高，反而顯得柔和、自然，如果想要顯色嘅話要反覆咁樣搽。質地柔潤唔黏笠。202呢隻色相當於一般有色嘅潤唇膏，比較接近我本身嘅唇色，係一隻睇落溫柔嘅偽素顏色。因為我本身即使唔化妝都會搽唇膏，呢隻顏色就非常之合適，即使化淡妝或者素顏用都可以，對於追求自然妝容嘅朋友非常友好。 唇膏搽上去之後帶有水光感，觸感絲滑、柔軟。用咗之後有效感提升咗唇部嘅光澤感，同時滋潤雙唇。睇返資料，原來佢今次呢個新升級配方，加咗來自YSL Ourika社區花園嘅無花果精華萃取成分，同時做到補濕同鎖水特

Blooming好用推薦：YSL情迷水光唇膏，我很喜歡水潤唇膏，這款效果很滿意，我去日本搽都夠滋潤度，沒有甩死皮問題，惟transfer嚴重，食完全餐飯已甩7-8成。香味帶點芒果香。

Emily Leung好用推薦：這支唇膏我給五星🌟🌟🌟🌟🌟 Bobbi Brown 🔥2025新品 晶鑽漾色盈潤唇膏 2025好像各品牌都在水光唇的戰爭 Bobbi brown 也出水唇膏‼️ 超保濕！水光0黏膩 高保濕植萃 ✅荷荷芭油 ✅紅花籽油 立即保濕&修護肌膚屏障 霜淇淋質地 上唇滑順又顯色 保濕水潤 中高顯色度 完美遮蓋唇色 高質感！水潤釉光唇‼️高級剔透「釉」光融進唇中 如同陶瓷表面的高級光澤‼️上唇「亮嫩」好氣色 霜淇淋質地、上唇滑順又顯色‼️主打上妝0技巧 不用鏡子也能輕鬆補妝❤️ 我的最愛色號nude sugar 素顏當潤唇膏用，也可以美美噠！

Kitty 好用推薦：Bobbi Brown呢支盈潤唇膏真心好正，不愧係@Cosme榜上大熱門！一搽上嘴，質地超級順滑柔潤，好似融化緊咁，完全唔覺厚重。顏色出得幾自然，而且帶住種好靚嘅水光感，睇落似嘴唇本身嘅健康光澤，仲可以修飾吓唇紋，成個人個氣色即刻好咗！ 最驚喜係佢夠滋潤，入面有護唇精華，就算本身嘴唇有少少乾，用咗都即刻覺得潤番，唔會黐立立。當然啦，咁潤嘅唇膏，質地會偏軟搽時要輕力d，飲水食飯實會甩少少，要補搽，但個舒服感覺同個妝效都幾抵贊！ 如果你係鍾意自然水光妝效，又想要有護唇效果，呢支真係可以試吓，日常用好方便！

wingbks好用推薦：要換啲滋潤啲嘅唇膏嚟迎接秋冬，轉季咀仔比較乾，YSL一定係其中一個品牌我放手袋👜嘅唇膏，咁多年嚟出嘅「夾心唇膏」，外層係護唇精華，中間圖案係晶透亮色粒子，隨嘴唇溫度轉換釋放護唇精華，越搽越水潤，高滋潤度又唔會顯唇紋！

🌸好用推薦： 今次試用嘅產品係YSL LOVESHINE CANDY GLAZE情迷凝亮唇蜜（右邊），係固體狀嘅lipgloss，對於嘴唇長期乾燥嘅我嚟講絕對係福音！ 呢個係我喺素顏狀態之下嘅試色: 使用前：使用後： 我呢隻色係15 SHOWCASING NUDE奶茶裸色，係一隻比較百搭嘅顏色，冇拎着深、淺色衫，返工定係去街，乜嘢場合都啱用。 唇蜜啫喱狀嘅質地，但口陣陣清香。搽上去之後有豐富嘅水光感，觸感絲滑、水凝。用咗之後有唇部睇落豐盈、有彈性。顯色度高，可以完全遮蓋原有唇色，對唇色較深嘅用家相當友好。由於佢滋潤度非常高，感覺上秋冬天都會好舒服。而且卸妝好方便，一抹就甩，食嘢之前唔使擔心會唔小心食咗唇膏。 睇返資料，原來呢隻唇蜜含有78%唇部修護基底配方，仲有透明質酸和石榴萃取，所以做到長效水潤感，強化唇部肌膚鎖水屏障。唇膏既有修護唇膏嘅效果，又能夠提高唇部嘅血色感同豐盈感，包裝又相當美觀，完全係內外兼備嘅代表作。 #火熱新品

Water好用推薦：玫瑰金嘅包裝超精緻！勁靚勁鍾意！呢枝唇膏色號係pillow talk，顏色偏nude，一開係甜甜嘅香氣 可能我唇色較深，上嘴唔太顯色；日常淡妝 / 偽素顏會比較適用。matte finishing嘅關係，有略微加深唇紋：用後感算滋潤，唔會令到嘴唇炆炆緊

mandy好用推薦：Charlotte Tilbury Matte Revolution Lipstick 摩登霧感唇膏 $300 摩登霧感唇膏蘊含保濕成分，有效滋潤雙唇，故上唇妝時也不會感到乾燥，而且不顯唇紋。 帶誘人的朱古力香味，令人更喜歡使用摩登霧感唇膏。 完妝為霧面唇妝，而摩登霧感唇膏最為一熟悉的色號當然就是最有名氣的#Pillow Talk，是非常熱銷的霧面nude pink色號。 #Pillow Talk 平時用Nude Pink的唇膏都好驚顯得唇绝蒼白，而Charlotte Tilbury摩登霧感唇膏#Pillow Talk就沒有此問題，仲好適合用來化偽素顏妝或約會淡妝。如果各位靚靚想挑戰Nude Pink的唇膏，不妨嘗試摩登霧感唇膏#Pillow Talk，絕對是零失敗的色號。 #Pillow Talk Medium 中性色系的Pillow Talk Medium雖然比Pillow Talk稍為深色及帶啡調，但同樣易carry又顯肌膚白，很適合配搭日常的淡妝，是適合每天使用的唇色。 含保濕成分: 矽靈, 微晶蠟, 氫氧化鋁, 紅花籽油 及 醋酸鹽維他命E 控油成分

Wkk好用推薦：顏色方面比較淡，適合化妝前打底塗或者素顏的時候塗，滋潤效果一般啊

TsuenMa好用推薦：#Dior Addict Lip Glow 004 CORAL 一見到呢枝唇膏嘅外型就比佢吸引左，小香水瓶嘅設計，加埋透粉紅嘅配色，充滿少女感，拎出黎搽嘅時候，相信會好吸睛🤭🤭 色號揀左004珊瑚色，對於抗拒大紅色或者好怕Barbie 粉紅嘅人會係一個吾錯嘅選擇。本身我比較健康膚色，所以岩搭一啲偏橙的胭脂或唇膏。 質地好滋潤明亮，適合乾唇嘅人，但比較容易掉色，搽完飲水會好易印左啲唇膏上去杯到。所以可能要補得密啲，或者食完晒野先再搽會好啲。 總括而言，呢枝都係一枝好靚好吾錯嘅唇膏💄

Kitty 好用推薦：Dior 唇膏嘅包裝一向無得輸，拿上手沉甸甸嘅，經典嘅深藍色配銀邊，個感覺已經贏咗！帶出街補妝個陣，虛榮心即刻飆升，哈哈！ 🎨 顏色：超靚木玫瑰豆沙色🎨 #720色號係一隻好微妙嘅顏色！佢係一隻帶住少少啡調同粉棕調嘅豆沙色，但唔會好似普通豆沙色咁悶，裡面仲有微微嘅玫瑰色調，所以佢有個咁詩意嘅名叫做木玫瑰。 - 對黃皮超級友好！我本身係黃二白，搽上嘴完全唔會顯黑或者顯黃，反而即刻睇落個人好精神、好溫柔。 - 顯色度：遮蓋力好好，我本身唇色偏深，薄薄搽一層已經能夠還原到唇膏本身嘅顏色，仲好均勻。 - 場合百搭：呢隻色真係唔挑場合！平日返工、見客，佢低調得嚟又有品味；周末去Cafe打卡、或者夜晚去食飯，佢又顯得你好有氣質，絕對係一支唔會出錯嘅萬能唇膏！ 💋 質地：絲絨啞緻，高級感之選 💋 呢支係柔霧啞緻質地，但係！佢一啲都唔乾！ - 順滑度：搽上嘴個下好似絲絨咁順滑，完全唔會拉扯到嘴唇。 - 滋潤度：雖然係啞緻，但裡面應該加咗保濕成分，我唔打底直接搽都唔會覺得繃緊，亦唔會顯唇紋（當然，如果本身唇況好差，點都要做返個基本護理啦）。 - 持久度：食嘢飲水當然會甩少少，但唔會成層甩到冇晒，底

KDing好用推薦：我用既色號係720號既玫瑰色，搽上嘴好顯色，上嘴顏色都幾深色，搽上嘴好係紅噹噹，絕對係招財嘅顏色，所以好適合去朋友屋企拜年嘅時候，打牌嘅時候贏到開巷🤓 同埋有啲好重要，就係呢支唇膏拎出嚟補妝嘅時候都覺得貴氣十足，顏值已經拉滿咗。本身支唇膏嘅質地都係偏向matt身，所以都要用少少潤唇膏嚟打底，咁樣冇咁容易起死皮。 唇膏嘅持久力都算幾高普通飲嘢飲咗幾次之後嘴唇嘅顏色都唔會話甩得好嚴重，補妝嘅次數唔需要太多。 顯色度：4/5 啞面唇膏

Emily Leung好用推薦：#火熱新品 M·A·C 輕吻雲霧唇膏 #901 測評 一句講晒： 質感獨特嘅粉霧唇膏，霧面得嚟舒服唔乾，顏色自然百搭。 包裝： 磨砂霧面殼，有質感。 顏色 (#901)： 帶灰調嘅溫柔豆沙色，日常唔挑人，黃皮友善。 質地/妝效： · 膏體順滑，上嘴有「粉化開」嘅感覺。 · 變身薄身粉霧妝效，零反光，輕到好似冇搽。 · 唔拔乾、唔顯唇紋，但唔算滋潤（極乾唇要打底）。 優點： · 輕薄舒服，冇存在感。 · 霧面靚，但唔會有傳統啞緻唇膏嘅乾燥緊繃感。 · #901色號超級百搭，素顏淡妝必備。 注意： · 唔係水潤亮澤妝效。 · 食嘢會脫色（但脫得均勻），要補塗。 結論： 如果你一直想搵支真正舒服、輕薄嘅霧面唇膏，呢支絕對值得試！#901色號係安全又顯氣質嘅首選。

Sakura醬好用推薦：#火熱新品 MAC 雲霧輕吻唇膏 #930 Brickthrough使用心得 呢隻色號係呢個系列嘅熱門色之一，等我同你詳細講下感受同效果啦～ 💄 💄 顏色： 暖調磚裸色，帶少少土橘感。黃皮友好，自然提氣色，日常百搭。 ✨ 質地： 招牌「粉霧感」，柔焦絲絨效果。順滑輕薄，保濕度比一般啞光好，唔算乾。 ⏱️ 持久： 中等，飲水會輕微脫色，但脫得均勻，補妝唔結塊。 📌 適合： 返工、日常自然妝，一年四季都用得。 ⚠️ 注意： 極乾唇建議打底；深唇色上嘴可能再暗少少。 一句總結： 一隻「有氣質又舒服」的日常磚裸色，霧面得嚟唔乾燥，盲買唔易出錯！ 👍 #火熱新品

green好用推薦：今次想講講Chanel 銀管唇膏，呢個系列個名係ROUGE COCO BLOOM，我用緊110 Chance 色號。 呢隻顏色比較粉嫩，帶有小小三文魚色，有啲提氣色，唇淺同膚色淺會更加合適。雖然我膚色有啲黃，但化淡妝時候查呢隻色都好有氣色同好顯氣質，就算唇色有啲深都唔怕，因為佢質地有6成遮蓋力，比較滋潤唔染唇，易卸。唇色深搽都有提氣色既效果，唔同唇色搽出黎都唔同，所以買之前最好試試，呢隻唇膏我都幾鐘意，好春夏溫柔感覺，有機會會再買😊。

Fng好用推薦：喺專門店買咗406號色😍顏色偏棕紅色，非常之顯白，同埋一啲都唔顯唇紋，搽咗之後唔會乾，飲完嘢，食完嘢之後，都有五成顏色係上面，怪唔得知啲人對chanel唇膏讚不絕口，暫時都冇發現另外品牌可以比得上。🥰🥰🥰🥰

Jayla好用推薦：[愛用分享] 質地：偏硬，硬度不易受天氣影響 顏色：一共10色 滋潤度：保濕滋潤，不黏 Bobbi brown嘅晶鑽保濕修護唇膏係我成日都會用嘅潤唇膏，外型係bobbi brown一貫嘅簡約風格，由於係方型嘅管身，卡實之後蓋係冇辦法旋轉，所以唔會有唔小心轉咗成條唇膏出嚟嘅風險。 已經用咗好多~ 打開之後膏體係望落係比較結實，初時上手有擔心過唔夠滋潤，但用落覺得好有驚喜。喺嘴上一抹就化開，搽完覺得滋潤順滑，而且冇黏黏嘅感覺。因為係有少少硬度嘅膏體，所以可以好順暢地搽，整個過程唔需要擔心太用力而塗得太多，亦唔會有黏住嘴唇嘅摩擦感。睇返官網主要成份有橄欖油同荷荷巴油。其實荷荷巴油並唔係油脂而係液態臘，難怪就算係8月嘅夏天拎出嚟用都唔會溶化。 呢款潤唇膏係屬於透亮嘅顏色，我分別買咗Bare Nude 同Bare Raspberry。官網上嘅顏色色差比較大，所以最好係去專櫃親身試色。Bare Nude係有少少橙調，顏色亦比較淡。所以主要我嘅用法係當化偽素顏妝嘅時候用嚟嘴唇嘅色調，偏橙少少令妝感柔和d。 而Bare Raspberry係我每日都會帶住出街。我多數到下午就會開始有

heihei好用推薦：嘴唇好乾，雖然每晚有用Lip Balm，但每朝仍要先搽潤唇膏打底先可以好順滑咁搽唇膏而唔起死皮。 見網上好多人推薦BB呢款潤唇膏，就買咗評論話最啱素顏用，自然有血色嘅Bare Rasberry嚟用。試用後覺得的確非常滋潤，對於我呢啲咁易乾嘅嘴唇嚟講的確做到潤唇膏嘅作用，就算甩咗都唔洗狂補嚟保持滋潤。而Bare Raspberry隻色亦都幾提升到血色，令嗰嘴唇望落水潤得嚟有番少少色。要講缺點應該就係佢滋潤得嚟係有啲黏笠嘅，同埋唔會成膜，所以食嘢飲嘢就會甩。

4dyknay好用推薦：收到好姐妹送嘅生日禮物：（M·A·Cximal Sleek Satin Lipstick），佢哋揀咗呢隻色號#824，屬於豆沙粉紅，好適合秋天，呈現絲緞光澤，而且有種順滑creamy感。小妹平時嘴唇好容易乾，但即使唔用潤唇膏打底，上嘴感覺唔乾，望落有種自然光澤感，而且夠顯色，整體嚟講非常推薦，M.A.C唇膏唔會令人失望🫶🏻滋潤度：🌟🌟🌟🌟（4/5)上嘴唔乾 顯色度：🌟🌟🌟🌟🌟(5/5) 顏色靚 持久度：🌟🌟🌟（3.5/5）成日要補

Lindabb好用推薦：MAC子彈唇膏 #669 測評 最近試咗MAC子彈唇膏嘅新色號 #669，同大家分享下真實用後感！✨ 1. 包裝同質地 · 包裝：經典子彈唇膏設計，黑色亮面外殼，睇落專業又簡約，方便攜帶。 · 質地：官方話係「緞光妝效」，實際搽上嘴都幾順滑，唔會太乾或太潤，屬於中等滋潤度。如果本身嘴唇偏乾，建議先搽潤唇膏打底。 2. 顏色表現 · #669 色號：呢隻係帶少少玫瑰豆沙調嘅奶茶色，偏向自然日常，唔會太過鮮豔。 · 顯色度：一層已經可以遮蓋本身唇色，顯色度中等偏上，唔會卡唇紋。 · 適合膚色：對黃皮友好，顯氣質又低調，適合返工、日常出街用。白皮搽會更顯白淨！ 3. 持久度同使用感 · 持久度：大約可以維持4-5個鐘，飲水會輕微脫色，但唔會斑駁或積線。食飯就需要補搽。 · 使用感：上嘴舒服，冇厚重感，亦唔會黏嘴唇。時間長咗可能會有少少乾，但整體接受度幾高。 4. 優點同缺點 ✅ 優點： · 顏色自然百搭，適合亞洲人膚色。 · 質地順滑易推，顯色度夠。 · 包裝輕便，方便補妝。 ❌ 缺點： · 持久度普通，要定期補搽。 · 如果嘴唇狀態唔好，可能顯唇紋。 5

Hamiii好用推薦：隨手入既一支唇膏🤷🏻‍♀️ 呢支唇膏滋潤度算好夠，唔顯唇紋，亦好顯色🫶🏻 但耐何持久度不足，要成日補😮‍💨 如果短暫出下街都幾好，要long wear就…… 唇膏都係買番tom ford同ysl啦😅

mandy好用推薦：M.A.C  CremeSheen Lipstick 水漾亮色唇膏 $190 水漾亮色唇膏的完妝效果帶自然光澤，而且不顯唇紋， 含不少保濕成分，可滋潤雙唇，質地近似Cream狀， 使用感稍為滋潤，有少少黏膩感，比較適合在秋冬季使用， 尤其是特別乾燥的日子。持久度一般，需要適時補唇妝。 除非很不喜歡滋潤型的唇膏， 水漾亮色唇膏的品質及使用感不錯， 價位在專櫃來說挺便宜，性價比高。 #heart to heart (Limited) 這個色號是來自某年的聖誕限定系列， 是帶光澤的粉紅色，可以即時為面容帶來紅潤氣息。 顯色零色差而且不突兀不誇張，很好carry， 自然的顯色及光澤可展現剛剛好的甜美感，不會太甜太膩。 這個實用的色號不是只有特別日子才可使用， 即便您不喜歡使用太高調的唇妝， 也是天天都可以用到的唇色。 含保濕成分: 乳木果, 野大豆籽萃取, 醋酸鹽維他命E, 神經醯胺 3 及 膽固醇 抗氧化成分: 乳木果, 野大豆籽萃取, 維他命E, 醋酸鹽維他命E 及 維他命C棕櫚酸酯  抗衰老成分: 乳木果, 野大豆籽萃取, 維他命E,

YYeman好用推薦：MAC絲霧唇膏930測評： 色號：930 蜜桃燕麥茶 · 顏色係好靚嘅裸調蜜桃色，帶少少奶茶同豆沙感，好適合日常通勤。 · 黃皮友好，顯氣質又自然，唔會「冇血色」，素顏或淡妝塗都好提升精神。 · 相比Armani 214，呢支更偏暖調同年輕感，214就更加玫瑰女人味啲。 質地：柔霧絲絨 · 新配方好順滑，一塗即勻，唔會扯唇皮，係MAC子彈頭入面算係最舒服嘅霧面質地之一。 · 上嘴係高級絲絨霧面感，但完全唔乾，有少少滋潤度，長時間帶妝都唔會令唇紋變明顯。 持久度：中等 · 屬於輕薄貼唇嘅類型，食輕食（飲嘢、食蛋糕）問題不大，但食濃味或油膩嘢就會脫一半左右。 · 好處係脫色都脫得均勻，唔會斑駁，補塗都好方便。 設計：經典子彈頭 · 黑色磨砂外殼幾有質感，膏體切面方便勾勒唇形。 小貼士： · 深唇色嘅人可能要先遮一遮原本唇色，先可以還原到官試色嘅效果。 · 如果想顏色更實更持久，可以薄塗一層後，用紙巾印一印，再疊塗多一層。 整體評價： 呢支係近期嘅「偽素顏」心機之選！顏色溫柔又高級，質地大進步，完全擺脫咗以往MAC霧面唇膏「好乾」嘅印象。如果你鍾意自然、溫柔、有氣質嘅日常

莓莓好用推薦：MAC絲霧唇膏 #544 測評 1. 色調同顯色度 · 色號：544屬於「奶杏蜜桃色」，帶少少暖調嘅裸粉感，唔會太過螢光或偏橙。 · 顯色：一層已經好上色，遮蓋唇色能力中等，深唇人用可能會偏暗少少。 · 適合膚色：黃皮同白皮都友好，日常提氣色，淡妝或偽素顏都好夾。 2. 質地同舒適度 · 絲霧妝效：半啞光質地，有微微光澤感，唔會完全「粉狀啞光」，睇落唇部質感軟熟。 · 順滑度：膏體好推，唔會卡唇紋，但建議唇部狀態好時用（如果死皮多會顯紋）。 · 保濕感：中等保濕，唔算乾，但長時吹冷氣或天氣乾燥時，最好加少少潤唇膏打底。 3. 持久度同沾杯情況 · 持久度：普通飲食可以保持6成顏色，飲水會輕微脫色，但唔會斑駁脫落。 · 沾杯：有少少沾杯，屬正常範圍，始終唔係液體唇膏。 · 卸妝難度：普通眼唇卸妝液可以輕鬆卸乾淨。 4. 優點 · ✅ 顏色自然百搭：日常返工、見客、約會都適合，温柔提氣色。 · ✅ 質地平衡得好：半啞光得嚟唔乾，適合怕乾但又想有霧面感嘅人。 · ✅ 包裝實用：MAC經典子彈唇膏設計，容易攜帶補妝。 5. 缺點 · ❌ 唔算好持久：需要定時補塗，尤其食

Kitty 好用推薦：講真，最初入手Chanel呢支霧面唇膏個陣，我心諗：唔會又係個啲睇得唔用得嘅伏物嘛？點知一試即刻改觀！ 💄包裝設計：經典黑金配搭 Chanel嘅產品一向以簡約優雅見稱，呢支唇膏都唔例外！黑色亮面管身加上按鈕式設計開合好方便，拎出街補妝都覺得自己好有氣場～哈哈！ ✨質地： 雖然係霧面，但佢唔會一搽上去就抽乾你嘴脣啲水分！膏體軟硬適中，好順滑易推，薄薄一層已經夠色，厚搽都唔會結塊或者起粒粒。最驚喜係佢有種絲絨感，唔似一般霧面唇膏咁硬邦邦，反而有少少彈性，落高級又唔老土。 🎨顯色度： 真心無得輸！遮蓋唇色能力超強，深唇色人都唔需要擔心。我入手嘅#107都係熱門色，一搽即刻氣質提升，仲好顯白！持久度都算合格，飲嘢食少少嘢都keep到，當然食大餐就一定要補啦。 💦保濕度： 老實講，霧面唇膏來講佢已經做得好好！唔會好似某啲品牌咁，幾個鐘後脣紋暴現兼爆拆。但建議本身唇部狀態差嘅朋友，先用個脣底膏打底，效果會更順滑。 總結： 如果你係霧面控，又怕乾到似沙漠，呢支絕對值得試！價錢雖然唔算平，但質素對得住個價。唯一要彈係個包裝嘅按掣設計有時唔太順，但睇在佢咁好睇嘅份上就算啦哈哈～

Fish Tse好用推薦：就黎又到聖誕啦！出去玩梗係要化返個靚妝影多d靚相去紀念下個節日啦！ 唇膏係唔少得既環節，揀岩唇膏可以令個氣息睇落去差好遠，想係聖誕受矚目，可以考慮哩款啞緻柔滑唇膏 唇膏既外殼係黑色配搭金色唇膏殼比人有種高貴既感覺令人愛不釋手 我買既係63號色ESSENTIELLE，哩款唇膏有荷荷巴油衍生物同埋乳木果製成柔滑配方好順柔睇落去雖然係咁啞緻桃紅色，但都有種濕潤盈滿既感覺 仲有一點佢既顯示度非常之高，搽一層已經充滿色彩，用既時候直接搽上唇上由中心向外塗抹就可以了

shadow影子好用推薦： 鮮艷奪目嘅紅色喺唇膏嘅一大賣點，查咗上咀之後，可以見到要目嘅光澤感，令嘴仔顯得非常性感。

橘子貓好用推薦：L’absolu Rouge Ruby Cream #274 超粉粉嫩嫩的蜜桃色～不會偏粉偏橘，塗上顯得整個人年輕有朝氣。

Nicole 好用推薦：白管色號914，顏色偏橘調，質地水潤和帶光澤。 本身唇色不淺不深，塗了一次基本上是看不到變化，要多塗幾次才看到唇色有少少顏色，顯色度比較低，持久度也不高，要經常補。 所以它只適合淺唇使用，整體來說它只是有色潤唇膏。

Fng好用推薦：chanel 91# 唇膏顏色夠持久，食完嘢都仲有六成顏色喺唇上面，同埋淡淡香味 ，搽上咀有滋潤感覺，唔會起死皮 ，唔顯乾紋，就算個嘴狀態差， 搽上去都即刻修復嘅效果。

葉子🍃好用推薦：唇膏面壓花很漂亮，有香味，色澤很顯色、夠滋潤、唔會卡唇紋，用完可以只買唇膏芯，感覺好環保

Milo101好用推薦：🌟 非常方便，很適合日常出外使用，已經用了好一段時間了 🌟質感不會太乾，蠻滋潤的 🌟買的是唇膏芯，可以隨意配在同品牌的唇膏殼裡使用

Josephine Lau好用推薦：103號色 很顯白的顏色，未到正紅色，可多塗2層，顏色就會更紅。 滋潤度還可以。

Fng好用推薦：cdp 色號101 Pouty， 帶啡調裸粉色 ，妝效自然，啱曬 黃皮膚，搽上含柔滑貼服 ，唔會顯 唇紋， 而且有滋潤感， 持久到一般。

royu3好用推薦：唇釉中最喜愛之一，可惜的是這枝唇釉已停產 (;_;) 光是包裝質感已經無可挑剔，以厚玻璃製成，深藍色配上多角的折射切割，增添不少奢華感！我買的是11號，屬於裸粉色，很清新減齡👍🏻 質地潤身富光澤感，顯色度高，薄塗也OK。刷頭設計很優秀，不會沾過多唇釉、既不會造成浪費，又防止沾太多令唇妝厚重。開首提及過這枝已停產，或可考慮它家其他唇妝產品，一樣很出色喔！💯

Christyi531好用推薦：上色持久，樽靚，又唔易甩色，日本機場買平香港好多，#我的命定唇彩

Also melon好用推薦：#777 ORGASM呢個色號係NARS嘅皇牌，靚嘅自然紅潤感，帶有珠光光澤嘅粉紅色。如果你鐘意唇色唔想太濃，又鍾意自然嘅效果，日常或者出街都啱用。 悅光水凝唇膏用嚟做唇妝，成個嘴唇都係自然光澤，睇落好靚！用起來超滋潤，唇唔會乾，即使冇用唇膏打底，上妝一整天都冇問題，完全冇唔舒服嘅感覺，唔會咁明顯唇紋。 仲有佢特別加入咗好多高質嘅護唇成分，所以對嘴唇有修護效果，仲可以keep住唔乾嘅！ AFTERGLOW的唇膏持久度都唔錯，不過就唔算不脫色唇膏，食完嘢都要補妝。專櫃牌子價格算合理，性價比算係唔錯，無論係用感、成分定外觀都冇得挑剔。推介#777顏色💄

popocarcar好用推薦：係一支好潤嘅唇膏。 就咁睇支唇膏好似好閃，但其實上到嘴就睇唔到閃粉，而且因為潤，所以顏色好透薄，效果有Lip gloss 嘅感覺但毫無黏膩感。 #火熱新品

Tszki好用推薦：YSL啞緻絕色時尚啞緻唇膏 中的色號 #18 Reverse Red，這是一款濃郁的復古紅棕色調，呈現絲絨霧面妝效。 膏體採用獨特的超薄方形斜角設計，有助於精確勾勒唇形，甚至無需使用唇線筆。能維持數小時，但吃喝後可能需要補塗。雖然是霧面質地，但其乳霜狀配方滑順好推，不會拔乾。 

Suidan好用推薦：我呢支係1966號色，隻色係一隻帶dd橙既大紅色，唔啱素顏使用，一定要化妝先match到。 佢既妝效係matte但唔會好乾，唔會令唇部甩皮。