無矽 推薦好用產品

Luna好用推薦：Hair Recipe 米糠洗髮露（生薑檸檬） 嘅真實用後感 質地＆氣味 · 係透明啫喱狀，流動性高，好易起泡。 · 薑味唔攻鼻，檸檬味偏清新，沖完涼頭髮有陣淡淡果香。 洗嘅感覺 · 去油力幾強，沖水時會覺得頭髮有少少「澀」同乾，唔滑捋捋（因為冇矽靈）。 · 建議一定一定用護髮素，如果唔係乾性髮質會打結打到喊。 用咗一個月左右嘅效果 · 甩頭髮方面：有人話甩少咗（尤其洗頭時排水口嘅頭髮量減少），但唔係個個得，視乎體質。 · 頭髮狀態：頭皮清爽咗，冇咁易出油，髮根有啲企身，唔會咁扁塌。 · 缺點：如果本身頭皮偏乾或有濕疹，呢支可能會太乾刺激，要隔日先用。 總結建議 · ✅ 適合：油頭、幼髮、想防脫髮嘅朋友（夏天用特別爽）。 · ❌ 唔適合：乾旱受損、漂染後、敏感頭皮。 · 💡 小貼士：只洗頭皮，頭髮絲輕輕帶過就夠，重點護髮素揸髮尾。

Tobimak好用推薦：呢支洗髮露帶有清新的生薑檸檬香氣，洗頭時聞落十分舒服，令人感覺自然放鬆。 使用後頭皮沒有敏感反應，佢成分溫和不刺激，清潔力恰到好處，能洗得乾淨同時保持頭髮的輕盈柔順，不會過度乾澀。👍🏻 整體而言，這款洗髮露兼顧香氣、溫和與潔淨，特別適合敏感頭皮人士。不過包裝若能改成泵裝會更方便，濕手時更易控制用量。

hatty好用推薦：💛法之羽有機防脫髮洗髮露💛 蘊含有機認證迷迭香葉萃取，可以促進頭皮血液循環🩸強韌髮根，天然抑菌抗炎溫和不刺激😛洗髮露以低刺激嘅植物性洗淨劑為主要成分，透過綿密嘅泡沫將污垢洗淨，能使髮絲洗完後柔順不糾結且受損髮絲適用😏

Kura好用推薦：呢款洗頭水係無香味，用完之後真係幫助到頭髮生返d bb毛毛，洗頭水嘅質地係比較厚身嘅gel，加水容易起泡，容易過水清洗，產地係日本

jojoma123好用推薦：以shampoo來説,它的保濕能力也不錯,洗髮後,秀髮的乾旱及開叉問題似有一些改善，看起來亮麗得來亦見貼服了不少,再配合同系列conditioner 使用,效果會更突出

T.C好用推薦：趁特價嗰陣買過來用，覺得有香氣但唔係好濃個種，可接受的，洗完頭髮幾乾淨，不過覺得修護功效唔太明顯。

LenaC好用推薦：多謝@cosme同埋LUX❤️推出今次【特別會員禮企劃】🫶送咗6枝正貨嘅LUX洗護系列俾我試用☺️☺️ 以下係我既用後感 適合髮質 : 細軟易塌受損髮 質地 : 濃稠乳狀 香味 : 用既時候散發出淡雅芳香的氣息🥰 滑順度 : ♥♥♥♥ (以指尖撫過 就可以充分感受從髮根到髮梢既柔順服貼) 效果: 以前我既頭髮好容易一到下晝就開始油笠笠 塌塌哋 用咗LUX 呢隻角蛋白氨基酸洗髮乳之後 一整天頭皮都超清爽😊😊 用咗佢令啲頭髮恢復既有既彈力同光澤 視覺上睇起嚟更有質感🥰 下圖為行咗半日山後影既 頭髮都仲keep到咁 真係多得呢隻LUX 既 Smoothener 洗護系列 當然仲要多謝@cosme 好介紹 否則都唔會知有呢款咁好既頭髮洗護產品 價錢親民🫶 效果又顯著👍  P.S. 分享@cosme 提供既護理頭髪小秘笈: 原來使用護髪素前要先去掉頭髪上殘留既水份 咁就可以幫助護髪素滲透 更好吸收架

mandy好用推薦：LUX - 角蛋白氨基酸豐盈柔順護髮素 適合細軟易塌受損髮質使用, 以角蛋白氨基酸修復及滋潤受損秀髮。 護髮素的重點在於選洗髮乳是看頭皮(scalp)的情況, 而選護髮素則是看髮尾如何。 例如: 乾性頭皮需要用保濕滋潤型的洗髮乳, 可是油性髮尾要選輕盈、平衡及強韌的護髮素。 適合的洗髮乳及護髮素不一定是用同一個系列。 個人來說, 比較適合使用保濕滋潤型的 膠原蛋白氨基酸保濕滋潤洗髮乳及強韌髮絲、 修護乾旱受損髮的乳木果油氨基酸強韌防斷護髮素。 由於本身頭髮不是細軟易塌的類型, 所以冇咁適合用角蛋白氨基酸豐盈柔順護髮素。 大家記住要好好選擇洗髮乳及護髮素。 -香味清新淡雅, 不會過於濃烈 香味不明顯不代表不好, 有時候香味太濃烈, 未必人人接受到。 如果喜歡較強烈的花果香味, 可以使用有花果香味的護髮噴霧增香。 -質感:  偏清爽水感的乳液狀質地, 延展性佳, 比同系列洗髮乳稍為滋潤,  使用後不會令頭髮變油變笠, 而且富彈性不易扁塌。 -成效: 本身髮量多、頭髮較粗。 平時為了令頭髮變得柔順易梳理, 我會很依賴髮膜。 在試用角

robinsbk好用推薦：呢隻hair supplement真係勁誇張！！好用到傻！！ 一開頭淨係睇佢個包裝已經覺得勁靚勁吸引！感覺上好可靠好pro🤭跟住見到made in Japan👍🏻信心十足 講下本人髮質：中性、幾乎唔出油、隔三個月會染一次頭髮、日日會用Dyson airwrap兩次、髮質唔算好傷但都會有毛燥、洗完頭會打kick、最大問題係近呢半年唔知點解啲頭髮好蓬鬆好亂咁😹焗完油都改善唔到 好！講下呢隻乳木果油氨基酸洗髮乳！！ Texture方面都幾水狀、透明～ 不嬲慣咗要泵5-6下洗頭水 可能係因為以前用開嗰隻洗頭水唔點起泡 所以要泵咁多下 點知！呢隻hair supplement起泡量多到嚇親我😹到之後我改咗泵4下 已經好夠 佢啲泡好棉密 清潔力好足夠仲要洗完唔會乾爭爭、會即刻好順滑、未用護髮素用手指就咁都叉得開啲頭髮！ 香味！超級清新！有淡淡嘅檀木味？我唔知點形容！總之聞落好舒服好天然又唔會好強烈～個香味去到我第二朝起身用airwrap整頭嗰陣都會聞到！ 最勁嘅地方嚟喇！就係佢聲稱嘅防斷髮同柔韌功效！真心好有效！！！🥹 可以睇下我未用之前洗完頭斷幾多頭髮先！用咗呢隻洗頭水大約

Milo101好用推薦：🌟透明gel狀洗頭乳，加水起泡 🌟無矽配方的，洗完覺得正正常常，也想試試其他品牌的

Kpl6be6好用推薦：炎夏必備護髮良品推介❣️同扁塌油頭Say Bye❣️ 踏入 #夏天 🥵🥵悶熱潮濕天氣又大汗淋漓～頭髮有乜可能唔扁塌油笠笠吖～出門口一陣就毫無髮型可言🙈最近同貪靚友人傾開有乜解决方法～佢就介紹咗呢個榮獲🌟@cosme 2024日本美妝大賞最佳「洗髮護髮」部門攞咗TOP 3🌟嘅品牌俾Be☺️☺️襯經過萬寧即刻手刀買咗set返屋企試～估唔到效果真係有驚喜噃🫶🏻🫶🏻 . 🙆🏻‍♀️用後感： 産品質地滋潤得嚟卻唔會有油膩感～喺而家嘅香港天氣下使用就啱哂喇❤️用完之後～頭髮順滑貼服又有光澤咗🫰🏻梳頭嘅時候仲冇咁易斷～頭髮唔再因爲打kick而梳到甩到成地都係😃最重要係個香味前調有甜甜果香 ～中調迷人花香 ～後調個性木香～好清新!!兼且持香效果好好～令髮絲全日滲出淡淡清香～連香水都唔使噴～都自帶女神香🤗🤗

Olivia好用推薦：染頭髮太頻密會好傷髮，除左毛燥，仲會暗啞枯燥😣最近用咗呢款向日葵洗頭水，髮質改善咗好多，依家頭髮少咗毛躁，充滿光澤，而且洗完有陣陣花香味，頭髮同心情都靚晒☺️

jojoma123好用推薦：髮絲平日受毛躁及乾燥影響,用了這款偏膏狀的護髮素,感覺有即時的滋潤,過水後,髮絲表面更富亮澤,倍感水潤

KwanWingWong好用推薦：個名好勁！外型好專業！使用前觀感“掂”嘅！使用後“噢”同其他“平嘢”沒分别！嗰刻“番卓”念頭即刻報銷…

Kitty 好用推薦：一打開就聞到好舒服嘅草本精油香，洗頭嗰陣成個浴室都好放鬆，唔會太濃太假，係好自然嗰種草本味，洗完瞓覺都特別舒服。 質地係透明嘅洗髮露，流動性幾強，加少少水就好易起泡，泡泡綿密得嚟唔會刮頭皮。佢係無矽配方，但洗完一啲都唔乾澀繃緊，反而頭髮摸落好柔順，手指穿過去唔會卡卡，就算唔即刻用護髮素都 OK。 用咗一段時間，最明顯係髮尾冇以前咁乾，開叉同斷裂都少咗，頭髮睇落有返光澤感，對受損髮質真係幾友善。清潔力都夠，洗完頭皮清爽輕盈，第二日都唔會話好快塌。 整體嚟講，佢唔係一洗就驚艷嗰種，但越用越順，溫和得嚟真係有修護效果，乾燥受損髮質嘅朋友可以一試 💆🏻‍♀️✨

Paris merci 好用推薦：草本療法修護洗髮水，聞落係非常大自然嘅味道，與平時買到嘅草本洗頭水嘅味係截然不同，成份入邊有添加薰衣草和甜橙油。而且薰衣草本味道入睡，都可以聞到，非常舒適。 偏淡黃色洗頭水，起泡力及清潔力都足夠。比想像中嘅修護洗頭水冇咁滋潤，頭髮較為清新，用完頭髮係輕盈而順滑。染髮之後使用，頭髮可以維持順滑，長期嚟講有修復效果💕

YolandaAuYeung好用推薦：一向用開紅色瓶身的，發現新産品，所以貪生忘舊了😅。香味隨和治癒，但效果並不及前者般絲滑易梳。

brenda好用推薦：洗完頭後很乾，很難梳，一點都唔柔順

Sakura醬好用推薦：前排轉季，個頭皮又痕又出油，但髮尾就乾到爆，真係好矛盾。試過唔少洗頭水，一係洗完個頭清爽但髮尾炸開，一係就滋潤到成個頭塌晒，好似幾日冇洗頭咁。後來朋友推介我試Kiehl's隻氨基酸洗髮水，話溫和得嚟又洗得乾淨，咁我就的起心肝買咗支嚟試。 支洗頭水樽身係Kiehl's一貫嘅簡約藥房風格，透明樽身睇到入面係透明啫喱狀嘅質地。唧出嚟嗰陣有陣好淡淡嘅椰子香味，唔會話好假好人工，聞落都幾舒服。加水搓幾下就起泡，啲泡唔算話好綿密澎湃，但都算細緻，搽上頭皮度按摩嗰陣覺得好溫和，完全冇嗰種拮拮哋或者涼浸浸嘅刺激感。 洗完第一次已經覺得個頭皮好爽，係嗰種乾淨得嚟又唔會話繃緊嘅感覺。我以前用某啲控油洗頭水，洗完個頭皮會乾到痕，但呢隻完全冇呢個問題。最正係髮尾唔會話洗完就變鐵絲，仲有少少自然嘅柔軟感。吹乾之後，成把頭髮係蓬鬆嘅，但唔係嗰種毛躁嘅蓬，而係有空氣感嗰隻。 我用咗大約三個禮拜，覺得個頭皮真係穩定咗好多。以前一到下午個頭頂就開始泛油光，而家可以捱到收工都仲算清爽。同埋我發現啲頭皮屑都少咗，以前撥下頭髮會有一兩粒白色嘢，而家幾乎冇再出現。不過要講缺點嘅話，就係佢嘅清潔力對於我嚟講算係中等，如果嗰日

Ceccinmydin好用推薦：Kiehl's 氨基酸洗髮水用過小樣後一試愛上，個人已多次回購👍🏻 佢係透明啫喱狀，好易起泡，搓兩下就有好多泡泡，洗起上嚟好溫和，完全唔刺激頭皮，感覺好舒服🥰 帶有椰子香味，聞落好自然唔會假，洗完頭之後都有淡淡香味留住，心情都好啲 用完覺得頭皮好乾淨，油膩感即刻冇晒，不過髮尾有少少乾，要用返護髮素保濕 我自己頭皮偏油，感覺清潔力啱啱好，洗完頭髮摸落去幾滑，唔會打結，吹乾之後都幾順

pouchofdouglas好用推薦：生活壓力大，加上留長頭髮，脫髮問題嚴重左，就試下買支相對昂貴嘅洗頭水試下幫唔幫到手 老實講陣味真係唔討好，樽上面寫住話係佢地特別嘅herbal blend，但係我覺得有啲似酸縮左嘅味（？） 洗完無話特別乾 暫時用左兩個禮拜，未見脫髮問題有改善，唯有觀察耐啲

Kelvin好用推薦：Aveda紫森林姜豐盈強韌洗發水，前排有一段時間頭髮比較乾旱同甩頭皮，買一啲可以護髮強啲嘅洗頭水試吓。 佢嘅洗頭水好潔身起泡唔會太多，主要護髮功效強勁嘅洗頭水起泡都冇咁，主要嚟講深層滋潤返頭皮健康護髮。 依款蓬松感覺就係一般般，用後沒有太大感覺。不過用完洗頭之後頭皮係健康返頭髮冇咁脆弱，亦都冇再因為gel頭而痕癢。

mavis好用推薦：價錢唔貴 效果唔明顯 用完唔會覺得特別順滑或者有光澤 同普通洗頭水冇分別

Kura好用推薦：用咗一段時間嘅洗頭水，純個人原因唔鍾意冇泡嘅洗頭水，覺得用完個頭好似洗唔乾淨咁

Winnie好用推薦：superfood洗頭護髮分2款(藍色瓶和啡色瓶)，我2款也全部有購入使用，全部沒矽及標榜自然成分。此款啡色瓶是為比較乾旱髮質而設，很多植物油在內，但我並不覺得因此洗不乾淨，護髮素質地也輕盈，並不顯得油膩。superfood全部也有香味添加，我個人比較喜歡啡瓶系列的香味，比較清雅。

Kathy好用推薦：護髮素配合同牌子洗頭水用，滋潤順滑頭髮之餘，兼清爽不油膩！ 我個頭偏油，用後第一日蓬鬆度十足，用後到2日唔洗頭，頭髮都仲保持光澤又唔立！ 同洗頭水一樣，好香又唔俗！

Winnie好用推薦：是christmas gift set promotion時買的，一set3件，洗頭護髮及精華。superfood分2款系列(藍色瓶和啡色瓶)，我2款也有全部有購入使用，全部沒矽及標榜自然成分。此款蓝色瓶聲稱為防脱髮而設，但老實說我相信並不容易防脱髮。因為冇期待所以亦冇失望，當普通洗髮露使用就好。superfood全部也有香味添加，藍瓶是薰衣草香味，我個人比較喜歡啡瓶的香味，比較清雅。

Menlinda好用推薦：非產後脫髮問題，而是一般長髮女性容易出現的掉髮問題，想說使用後會否掉少一點，但感覺與未使用前差不多，如視為無太大效能的一般洗髮用品使用，則價格偏貴。最慘係天然產品感覺健康d，問題係使用後無咩香味。無效果無香味，難以回購或推介。

仙地好用推薦：我見佢無添加防腐和危險的成份，可以安心使用。質感清爽，啱夏季用！