專櫃眼影 推薦好用產品

Sophia好用推薦：Charlotte Tilbury 四色眼影一向優質，色號MESMERISING MAROON係我嘅最愛💯 - 粉質細緻柔滑，容易取粉又唔飛粉 ✨ - 顯色度高，淺色自然打底、中間色層次豐富、深色一次上色已夠飽和 🎯 - 色調偏酒紅同玫瑰色調，配色感覺高貴顯白🍷 - 閃粉細緻，貼服不顯顆粒，打亮眼皮或眼頭效果超讚 ✨👀 - 深色淺色都好容易暈開，效果過渡自然，適合新手使用🤎 - 持妝力良好，一整天不脫妝 🕗 推薦俾喜歡酒紅深邃感的朋友，無論日常上班或晚妝都夠用好用💖👍

布吶吶好用推薦：呢個係Charlotte Tilbury嘅招牌四色眼影盤，色號Pillow Talk。整體係溫柔玫瑰粉褐色調，非常適合日常、約會或偽素顏妝容。 粉質方面，CT做得好好，好細滑而且唔飛粉。四個色嘅分工清晰：左上係帶微珠光嘅淺香檳粉，做眼皮打底同提亮眼頭；右上係啞光乾燥玫瑰色，做主色掃眼窩好自然；左下係帶閃嘅玫瑰金，點喺眼皮中央可以令雙眼立體又有光澤；右下係深啡色，用嚟畫眼線同加深眼尾。 好處係妝感高級、溫柔顯氣質，持久度都幾好，大半天都唔會點積線。不過要留意，呢盤色調偏清淡，適合喜歡自然妝感嘅人，濃妝愛好者可能會覺得唔夠顯色。另外，最深色如果做眼線，建議配眼線刷濕用會更實色。 總括嚟講，係一盤好易用、唔會出錯嘅眼影，新手或化妝老手都值得擁有。

Miranda好用推薦：【質感】 一打開呢盤＃28 De La Crème，真係俾佢嘅粉質細緻度同高級感驚艷到！唔好睇佢係四四方方咁簡單，拎上手嘅金屬光澤外殼已經貴氣十足。重點係佢嘅質地，手摸上去係點睛濕潤細滑，但原來用到嘅係全新突破性嘅「粉霜轉換質地」，當眼影粉一觸碰到眼皮，就會瞬間由霜狀融化再轉化為細滑粉末，妝效極度細緻絲滑，彷如第二層肌膚一樣貼服，完全唔飛粉。無論係珠光色定係霧面色，用手指輕輕掂上去都係實淨軟糯，壓盤實得嚟又唔會結塊。呢種奢華又高科技嘅觸感，絕對係普通開架眼影無法比擬嘅。 【使用感】 ＃28 De La Crème嘅呢種「焦糖可可」色調，絕對係大地色眼影盤嘅天花板！成盤一共有四格色，由溫柔嘅珠光打底色、帶有絲緞光澤嘅主色，再到最深邃嘅啞光加強色都一應俱全，實用度極高。最正嘅地方係佢每一格都係「零廢色」，色差勁細，完全唔會遇到一格廢色用唔著嘅情況。鍾意低調日常妝嘅，可以輕輕用手指單上一格珠光色喺眼皮，已經即刻有種自然又高級嘅水緞光澤感。如果想妝感再明顯啲，可以仔細暈染疊加，就算係化妝新手都唔會失手，由淺入深嘅層次感做得好好，濃淡皆宜，完全可以配合返工或約會嘅多種場景！ 【持久度】 講到持

Kitty 好用推薦：呢盤TF12 seductive rose 係我收嘅人生第一盤紫色調眼影，亦都係我一腳伸落紫色坑嘅罪魁禍首！好耐冇用，今日再畫返，嘩，果種熟悉嘅陷入熱戀感覺即刻返晒嚟。佢嘅調子好冷，畫起上嚟真係唔使過腦，唔似其他眼影要諗爆頭點畫先啱自己，求其啪啪聲疊啲閃片上眼就得啦，實冇死！ 眼影盤入面嘅靈魂主色係隻帶灰調嘅紫色，做眼線色啱晒，入面仲夾咗啲紅調㗎，所以有啲姊妹話上眼會有啲似瘀咗嘅感覺。我用佢嚟畫眼線或者整啲小煙熏，控制好份量就冇問題㗎喇。上完呢隻主色，另外果兩隻大閃片色你就可以放心亂疊啦，點疊都靚！我自己通常就疊果隻紫閃，相機影出嚟灰調睇落重手咗，但實物上眼真係好靚㗎！成隻色好似沾咗夜露嘅紫桔梗，有種幽幽嘅光澤，正到痺！其實我本身唔係好食得啲灰調嘅，但呢盤嘅調色好神奇，可以等我自己控制灰調嘅輕重，再加埋兩隻咁鬼靈氣嘅閃片，成個妝效就一啲都唔會覺得沉悶或者污糟。不過講真，呢盤眼影畢竟都係老前輩喇，佢隻打底色飛粉飛得幾犀利，眼線色都有啲難暈染。有興趣試吓呢種灰紫調嘅姊妹，其實可以拎 Tom Ford 30 號盤，skip左粉紅色果格嚟試下，除咗閃片唔同之外，出嚟個效果真係差唔多㗎！當然啦，

Emily Leung好用推薦：Addiction 單色眼影 #004SP ｜ 必入嘅「神仙閃片」！閃得好高級，一搽對眼即刻有靈魂。 顏色： · 係隻 「香檳金色」，即係好靚嘅淺金色。 · 唔係大塊膠片閃，係超密超細嘅 「碎鑽閃」，光一照好似濕濕哋，好立體！ 不同用法： 1. 眼中提亮：搽少少喺眼皮中間，成個妝即刻貴價晒。 2. 眼頭／臥蠶：點落眼頭同臥蠶，對眼即刻大咗又精靈。 3. 單搽：求其搽一層都好靚，好似對眼自己識發光。 優點： · 粉夠幼，唔會飛到成塊面都係。 · 百搭，襯咩眼影色都得。 如果你只想買一隻貴價閃片色，呢隻 #004SP 絕對唔會買錯，一用就會明點解咁多人讚！

Kitty 好用推薦：😍 呢粒眼影粉質細滑，用手指上色已經好貼服，完全唔飛粉。我尤其鍾意佢哋嘅閃片，唔係大顆廉價嗰種，而係水光感好幼細，點喺眼皮中間即刻令成個眼妝立體晒✨ 顯色度適中，新手都唔怕一下太重手，疊加兩三層又夠飽和。我最常用係074號色，係帶閃嘅大地啡色，返工約會都搞得掂。持妝8個鐘都冇積線，唔使補妝，懶人恩物！👏 唯一缺點係價錢偏中高，但一粒可以用到天荒地老，值得投資～ 真心推薦比鍾意自然光澤妝感嘅sis！💖

Sanna Cher好用推薦：圖中的omega眼影是2年前的專門店滿額體贈品，個人使用眼影作陰影，屬於冷調的顏色，對修容部分很有幫助。使用前後分別，見臉頰V位陰影更明顯，臉側陰影色調較重，鼻翼位置亦然。完妝照片，見不同燈光下，都見陰影部分有被修飾。

Tszki好用推薦：粉質幼細、不輕易飛粉，且單顆包裝輕巧，非常適合攜帶旅行。其顯色度適中，疊加後能呈現自然深邃感。

takemyokane好用推薦：最初接觸 Addiction 是它們的唇部彩妝，當時就已經深深迷上整個品牌的設計感，以及產品所呈現的效果，整體就是有種高級感。後來從朋友中收到眼影組，原來除了單買一個個以外，還可以自由組合成一盒眼影。   第一下試上手就覺得顯色度很高！粉質十分幼細，不易碎裂。較深色的眼影也不會有髒感，很容易控制。閃粉更不用說，它並不是誇張的大顆粒，但一掃就已經超閃。整體很滿意！唯獨不喜歡的是我習慣用眼影附贈的掃，但這組眼影需要另外用自己的掃，不過問題也不大。

Noel好用推薦：日本雜誌經常可以見到 Addiction 癮彩眼影，先不論產品質素，設計時整個系列有 99色，由日常使用的大地色系，以至時尚/誇張顏色都一應俱全，相當具話題性❗眼影包裝貫徹品牌的簡約美學，方方正正一粒，的式可愛。 Addiction 單色眼影有四個不同質地珠光，啞緻，金屬色，我曾收 #BuffaloSoldier 及#LaMamounia，分別是大地色及棕紅色，帶有微閃閃💖 值得一提，個人很欣賞它的顯色度，算是日牌數一數二了👍 顯色 🌟🌟🌟🌟🌟🌟 持久 🌟🌟🌟🌟🌟🌟 粉質 🌟🌟🌟🌟🌟 價格 🌟🌟

FishFish好用推薦：Bobbi Brown 月光石眼影：點解貴過開架但個個都話必買？ 講起 Bobbi Brown Luxe Eye Shadow，最出名一定係 Moonstone（月光石） 呢個色號。網上個個都話「一摸入坑」、「眼淚感天花板」，到底係咪真係咁值得入手？今次同大家詳細測評。 ✨ 第一印象：包裝＆質地 · 包裝：細細格黑盒，有鏡，簡約但有質感，擺喺化妝袋唔怕花。 · 質地：佢係 極幼細嘅閃粉，唔係大粒亮片，幾乎冇飛粉問題。手指一摸就感受到嗰種「絲滑＋濕潤感」，同一般開架眼影完全唔同層次。 🎨 顏色＆光澤 · 色調：屬於 香檳金＋銀白閃，唔偏黃唔偏橙，任何膚色用都自然。 · 光澤感：佢唔係金屬色，而係 水光感 嘅閃——好似皮膚入面透出嚟嘅光，唔係死實實嗰種。光線下轉面會有「碎鑽效果」，靚到癲。 👁️ 上眼實測（4大優點） 1. 一掂就上色，唔使技巧 用手指輕輕點一下已經好夠色，唔使來回捽。新手都可以做到「眼妝 instantly 高級咗」。 2. 波光粼粼嘅淚眼效果 點喺眼皮中央、臥蠶或者眼頭，即刻有種「水汪汪、無辜感」。尤其喺陽光／燈光底下，真係靚到似眼淚反光。 3. 持妝力

Kitty 好用推薦：呢盒Bobbi Brown Incandescent眼影真係一見鍾情！佢係水光湿漉漉嘅人魚姬色，粉橘底色帶金粉色偏光，陽光下閃爍得好夢幻，望住佢就好似人魚鱗片咁波光粼粼🧜‍♀️ 粉質超幼滑，用手指上色最靚，輕輕印一層已經好顯色，仲可以疊加到金屬光澤。 我最鍾意單塗人魚姬色喺眼皮中間，眨眼之間有種濕潤水光感，溫柔得嚟唔誇張。或者用佢打亮眼頭，成個眼妝即時高級晒～持妝力都唔錯，冇乜飛粉，六個鐘都仲保持到光澤。如果想低調啲，薄薄掃一層已經似自然透出嘅紅潤光，真係約會必備！總括嚟講，呢盒係貴得值嘅心頭好，眼影控一定要試下呀～💖

Sandy好用推薦：Dior backstage rosy glow眼影 眼影係閃爍淺粉紅色，上咗眼之後持久沒有掉粉， 容易推開容易搽 氣味都好舒服嘅 好啱為春日 粉色妝容易襯衫❤️ 初時都擔心單色眼影好難使用 用咗之後搽上眼都好 "好精神"😎 價錢係有啲貴, 質量好都幾值得買👍

K_w好用推薦：收到貨也覺得好好看，亮片很細膩溫柔，不算太高調的 類型，走的是精緻路線～貴氣大小姐 但是黃皮真的… …拔草省錢吧。我是黃一二白，塗上 臉之後就是紫色里透出黑黃的感覺！！快看起來很髒很 士那種（是我的問題嗚鳴嗚） 不過相信白皮用一定超美，自帶仙氣那種！但是爾等黃 皮只能說一句愛過杏

ying好用推薦：✨ Bobbi Brown Long-Wear Cream Shadow Stick Ombre Crème Stick Longue Tenue 用嚟畫臥蠶 好靚・好bling ✨ 💬 用完真心話 呢支Bobbi Brown眼影筆 我唔係就咁當眼影用 而係用嚟畫臥蠶。 ✨ 做臥蠶好靚 輕輕一畫 下眼位置即刻有自然嘅提亮 唔會太誇張 但就係嗰種「唔知點解對眼精靈咗」嘅效果 ✨ 好bling 佢嘅光澤係細緻嗰種 唔係大閃片 而係好高級嘅微閃 望落去好乾淨、好靚 ✨ 質地順滑 霜狀質地 畫落去好順 唔會拉扯眼周皮膚 ✨ 持久 佢個系列叫Long-Wear 真係幾持久 畫完之後成日都唔會甩 唔會積線 ✨ 方便 筆狀設計 一畫就得 唔使掃唔使手指 趕時間用佢畫臥蠶好快 🌟 我嘅總結 Bobbi Brown Long-Wear Cream Shadow Stick 我會用佢畫下眼位置 做臥蠶好靚・好bling ✨ 自然提亮 唔誇張 對眼即刻精靈咗 持久度好

Vera Violet好用推薦：夏天最驚熱到成身汗，出門口幾分鐘就開始溶妝，Bobbi Brown 呢支 超持久炫彩眼影筆 絕對係必備~ 色號： 我入手左 Cappuccino，係一款好溫柔嘅啞緻大地色，呢個色實用性高，單色搽可以消腫、加深對眼既輪廓；或者當做 base，係上面疊加其他閃閃色都超靚 妝效： 主打防水防汗，真心好岩夏天用，全日都 keep 到原色，唔驚變積線甩色 用法好方便~ 朝早趕時間，係眼皮畫兩下再用手指摔兩下就暈染得好靚，即刻可以出得門口，直頭係返工/旅行神器 已經睇緊其他色，睇岩絕對會再買多幾支，瘋狂回購！

Summer好用推薦：NARS 四色眼影用落真係幾順手，粉質幼滑，顯色度高又持久，一日都唔易甩妝。唔易飛粉，化妝過程乾淨舒服～ 四色配搭好方便，輕鬆就可以疊出立體漸層效果，日常淡妝同夜晚濃妝都啱。 不過啞緻色推開時有啲難暈染，要花多少少心機。至於閃爍色就光澤感好強，效果華麗，派對或者濃妝場合用就好靚，佢個閃粉真係好閃下😂 總結嚟講，呢盤眼影係穩陣又實用，啱晒想要方便又高質嘅人！

莓莓好用推薦：NARS四色眼影盤——ST PAUL DE VENCE 聖保羅 呢盤係屬於溫暖嘅橘棕色系 非常適合日常妝或者溫柔氛圍感嘅妝容 配色清新自然，既可以畫出低調妝 又可以疊加深色，營造更濃郁嘅妝效 百搭又實用，適合鍾意柔和妝容嘅人。 顏色：整體係杏棕色調，蜜桃色用嚟打底，配搭裸色、淺啡同深啡。蜜桃色溫柔清透，裸色提亮眼窩，淺啡加深輪廓，深啡勾勒眼線。 質地：粉質細膩，結合咗啞緻同微珠光質地，唔飛粉，易暈染。 特點：新手都啱用，配色日常又百搭，輕輕鬆鬆就可以畫出自然有神嘅眼妝，日常返工、約會都啱用。

Kitty 好用推薦：Deep盤嘅配色睇落係濃郁嘅大地色系，有齊啞光同金屬光澤質地，一打開就覺得好適合秋冬或者夜晚出街用。 🎨 粉質同顯色度 - 粉質真係好細緻，摸落去好似絲絨咁滑，唔會點飛粉。我用刷子或者手指都上到色，好順滑。 - 顯色度好高，但唔會一嚟就一嚿嚿，你可以慢慢疊加。尤其係個深棕+金屬金色，一搽上去眼窩即刻深邃咗，個輪廓出返晒嚟。 👁️ 上眼效果同點樣用 - 點樣畫： - 我用最淺嘅啞光色打底，大面积掃成個眼窩。 - 跟住用中間嘅深棕色暈染眼尾同眼摺位，加深個層次感。 - 最後用金屬金色點喺眼皮中間同眼頭，即刻有種華麗感，個眼妝睇落更立體。 - 整體感覺：Deep盤出嚟個效果係神秘又帶啲型格，特別係夜晚去派對或者約會，真係眼神有故事嗰種氛圍。如果你係油皮，建議加個眼部打底，咁樣個妝會更持久。 ⭐ 優點同缺點 - 👍 優點： - 配色實用，一盤可以搞定成個眼妝，從通勤到夜場都用到。 - 持妝度唔錯，我試過帶妝8個鐘，都冇明顯脫妝或者結塊。 - 粉體入面有保濕因子，我幹皮用都唔會卡紋。 - 👎 缺點： - 價格偏貴，算是高階彩妝單品。

chasiutung好用推薦：我買嘅係deep (大地色)同tender (玫瑰粉紅色) 粉質細滑 容易上色 用掃上會飛粉 配色好靚 個眼妝hold到全日 Deep 依盒化完真係好靚 吾會浮腫 點化都好靚嗰種 tender依盒 個人認為 好考技巧 一定要少量多次去上 要暈染得好 如果吾係隻色會好螢光同好會顯眼腫

Sanna Cher好用推薦：使用色號794，為當時的特別版，偶爾見到專門店有售。紫兩色為冷調，棕色和卡其綠色接近暖色，使用時可將眼影盤分為冷暖色調使用，每次使用兩色。使用圓形眼影掃，打圈掃上卡其色，見色調可用於不同季節。 眼影色調能夠做到輕微煙熏妝，而妝容有別於黑煙熏或大地色調使用在煙熏妝容方法，是色調非常獨特的配搭。加上卡其綠色作眼線陰影，見色調混搭後有點混濁，可隨個人喜好抹塗，但對個人來說是認為看似很高冷的暖色。完妝照片

mandy好用推薦：CHANEL LES 4 OMBRES BYZANCE #318 PARURE VÉNITIENNE $595 CHANEL的4色眼影盤粉質柔滑不飛粉，容易上妝。 4色眼影都可互相配搭到，非常實用，不存在癈色。 右下的眼影第一眼以為是白色，其實是很美的幻彩色， 可以用作眼影打底，具少許提亮效果。 左上的玫瑰粉色及右上的香檳金色均可以用作眼影主色， 可以按照喜好選其中一色作主色。 左下的啡色，可以用來描繪眼線，可有效放大雙眼。 CHANEL的4色眼影盤外盒設計簡約華麗而且貼心， 不佔空間，內附鏡子及眼影掃，方便隨時隨地上妝補妝。 顯色方面剛剛好，即使上多幾層眼影，也不會太鮮色或具濃 豔感。特別喜歡CHANEL的4色眼影盤配色，每個眼影色都很美很經典不過時，可以一個眼影盤走天下，在不同場合都可以派上用場。

Miranda好用推薦：【質感】 呢盤眼影嘅粉質真係做得好好，軟糯細滑，用手指掂起已經感覺到嗰種高級嘅絲絨觸感。四格顏色嘅質地都好平均，啞光色順滑唔澀，珠光同金屬色嘅閃粉細緻，上面之後好貼眼皮，唔會飛粉飛到成面都係。顯色度屬於中等偏上，可以逐層疊加，唔會一下手就太重，新手都容易掌握。唯一要留意嘅係壓盤唔算好實，用化妝掃沾取嘅時候會有輕微飛粉，但考慮到佢嘅軟糯程度，呢個係可以接受嘅。 【使用感】 講到顏色，#720 撒哈拉沙丘嘅實物係一隻 好純正嘅冷調水泥裸棕，帶灰灰嘅煙熏感，完全唔暖唔紅。同官網圖嘅色差真係好大，官網圖睇落偏紅偏暖，但實物係清冷型嘅裸灰色調。如果你係俾官網圖呃咗而入，可能會覺得好失望；但如果你本身就想搵一隻真正嘅冷調水泥色，你會覺得呢盤簡直係寶。佢嘅冷灰調對黃皮嚟講意外地友好，唔會顯髒，反而有種高級嘅清冷氣質，好適合化煙熏妝或者打造「生人勿近」嘅時尚感。用手指上妝已經好順手，眼影同眼皮融合得好，冇界線。右上角嘅珠光色係低調嘅水光感，唔係粗閃片，上面之後好有質感。整體嚟講，顏色同官圖不符係最大嘅缺點，但如果你接受到實物呢種冷調水泥色，使用體驗係好好嘅。 【持久度】 持久度方面，呢盤眼影表

zzzhelen好用推薦：買咗有一段時間，依隻係100 Stora Dolls。本身諗住佢比較冷色，所以擺到天時凍先用佢，點知上眼效果超自然，日日用都得，顏色都係百搭，日妝又得，晚妝又得，簡直係相逢恨晚，馬上成為我2024年最喜愛眼影。我諗依隻色tone，啱哂所有同我咁上下膚色既人。 ysl眼影仲好易blend開，又顯色，點兩下既量就夠一隻眼既眼皮。重點色要少量多次先唔會太濃 以下係我用係日妝既時候 以下係我用前鏡影，會易啲見到閃粉 成個眼妝只要用右上大範圍打底，右下加深雙眼皮摺位，左上閃粉點亮眼中+眼頭，左下掃鬆眼線就完成啦

Fng好用推薦：RMK 立體調色眼盤 EX-18 Naïve Nights｜ 混合偏乾肌の春日暮色濾鏡 用後感 🌇 ✨ 色調分析｜暮光紫粉 × 復古玫瑰 EX-18 四色配置如下 ： · 左上（暮光金色）：暖調香檳金，低調光澤唔會太閃 · 右上（靜謐灰褐色）：帶灰調嘅裸褐色，打造立體感 · 左下（粉紫色）：銀金珠光冷調粉紫，全盤最特別嘅色 · 右下（復古玫瑰色）：懷舊玫瑰調，溫柔中帶少少成熟感 比起EX-17嘅清新晨光，EX-18嘅黃昏色調更適合熟齡肌，唔怕眼腫，低彩度設計上眼更顯氣質 。 ✨ 粉質與膚感｜濕潤貼膚唔飛粉 四色分別有四種質地：光燦、緞光、爍光、霧光 。粉質細膩，用手指或掃具上妝都好貼眼皮，唔會飛粉飛到成面都係。香港春天潮濕天氣用，持妝度理想，6小時無明顯積線或暗沉。 對混合偏乾肌友好，唔會抽乾眼周水分，熟齡肌用都唔怕顯乾紋。 ✨ 混合偏乾肌春日上妝技巧 🌦️ 潮濕天氣對策：先用眼部打底膏，再上眼影，持妝更持久 🎨 日常妝（5分鐘搞掂）： 1. 灰褐色掃眼窩打底，消腫同時做好輪廓 2. 玫瑰色重點喺雙眼皮摺位，溫柔感即時出嚟 3. 香檳金用手指點喺眼皮中央，增加立體感

Tszki好用推薦：粉質與觸感，粉質被形容為非常細緻、濕潤且服貼，幾乎不飛粉或積線。觸感細滑，且壓粉緊實，不會有散粉的情況。 妝效與透明感，延續 RMK 一貫的日系透明感風格。即使多次疊擦，妝感依然透亮而不厚重，能與肌膚自然融合。 色系與質地組合，·一盤內通常涵蓋了霧光 、輕光燦、爍光 等多種質地。珠光細膩且帶有高質感的光澤，不會顯眼腫。 顯色度，與傳統強調極致透明的日系眼影相比，這款的顯色度有所提升，能呈現出飽和但洗練的色彩。 新手友好，因為粉質易於暈染，且配色通常成套搭配，不易畫髒。 持久度一般，在不使用眼影底膏的情況下，持久力表現較中規中矩。   ·

Fng好用推薦：ADDICTION 四色眼影 選眼影最怕粉質乾澀顯眼紋，ADDICTION呢盤009「時光流轉」（Enchanted Lilac）真係有驚喜。日系專櫃質感，價錢與SUQQU、LUNASOL相近，一盤約HK$450！ 🧴 包裝與第一印象 磨砂外殼，低調高級，內附化妝鏡，帶出街補妝都方便。 🎨 四色全解構 呢盤係低飽和度嘅濁色調，帶灰霧感。四個顏色分別係： · 左上 大粒珍珠（亮片）：復古水晶吊燈般耀眼，上眼高調唔廉價，放眼中/眼頭/臥蠶即變全場焦點。 · 右上 緞光流沙棕（珠光）：觸感似喀什米爾羊毛，上眼穩重知性，輕易收縮眼窩營造深邃感。 · 左下 珠光中性橘（珠光）：帶灰冷調嘅橘，看似突兀但點睛之筆，平衡整盤色調。 · 右下 橄欖綠（珠光）：帶細膩金光嘅灰綠色，上眼靜謐深邃，放眼尾當眼線好有特色。 ✨ 粉質與妝效 · 粉質細膩：輕柔綿滑、上眼融為一體。 · 顯色度可控：新手友好，慢慢疊加唔怕失手。 · 唔顯眼紋：添加護膚成分滋潤眼周，眼下唔卡粉。 💯 持妝度與服貼度 香港潮濕天氣下持妝一整天沒問題，唔會積線或暈染。內雙/油眼人親測「汗都唔怕溶」，保持乾淨立體。 🤔

Nicnic好用推薦：近期冇腦快速上妝精選，偏暖嘅啡橙色應該好多人都啱用～ 色號004 Timeless Gold 顏色（消腫，污糟）：佢係偏橙嘅大地色，絕對係唔洗用腦之選！個啡色調色啱啱好，可以消腫，一啲都唔污糟～💕 🧡淺膚色：我會大範圍喺眼皮打底，佢帶有少少同細粒嘅閃閃，提亮到個眼皮。如果有時想淡妝好清透嘅妝容，我會淨係上呢隻色。用咗一個月多啲，呢隻色已經凹凹地。🥹 🧡橙啡色：呢個色好靚，明顯又唔誇張，黃昏時間嘅天空就係喺我嘅眼上🥹 🧡深啡色：因為我單偏小內雙，我鍾意用呢隻色做眼線位，畫完眼線再按top加多少少smudge 開，消腫一流 🧡閃金色：我日常比較少用，佢係冇底色嘅，係比較大粒鬆散啲嘅金色閃粉。 質地：好smooth,，好滑，一啲粉感都冇。同掃拎都唔飛粉~👍🏻 持久度：日常使用冇問題，到夜晚唔會唔見咗 妝感貼膚，啲粉唔會好乾，唔會令到眼紋好明顯 閃粉：四隻色都有閃粉，深啡色嘅閃粉比橙色同膚色嘅大粒少少 暈染：容易blend 開，冇用eye primer 都唔會結塊～👍🏻 飛粉：唔飛粉的🤣🤣 喜愛度：4.5/5

Fng好用推薦：身為混合偏乾肌嘅人，夏天化妝最怕眼影積線、溶妝或者顯乾紋。最近試咗Decorté嘅慕絲眼影（色號#25M），呢隻帶微微珠光嘅玫瑰棕調，號稱質地輕盈、貼服度高， 所以買嚟試下！ 質地 & 上眼感受 慕絲質地：一摸係軟滑嘅cream狀，但推開後會變粉狀，好得意！手指或掃都上到，不過建議用手指按壓更貼服。 - 延展性：幾順滑，但乾得算快，要快手暈染。 - 滋潤度：對我嘅偏乾眼皮嚟講，冇卡紋，亦唔會令眼周繃緊，但建議打底前做好保濕（尤其冷氣房長待）。 持久度 x 香港夏天 抗汗度：朝早化完出街，中午行到出油出汗，眼影冇明顯溶，但珠光位會減淡少少。 積線問題：冇用primer嘅情況下，6小時後眼摺位有輕微積線，但唔明顯，用primer應該更好。 色調 & 妝效 #25M 色號：低調嘅玫瑰棕，帶細緻金閃，日光下好氣質，Office lady或日常都啱用。 顯色度：屬自然系，一層偏透薄，疊兩層先顯色，適合鍾意偽素顏或淡妝嘅人。 ✅ 優點 - 質地輕薄，混合肌夏天用無負擔 - 珠光細膩，顯高級感 - 方便攜帶，手指上妝快靚正 ❌ 缺點 - 大油

Fion好用推薦：雖然本身都鍾意Decorte呢個品牌但eyes product 真係第一次買，呢粒mousse eye shadow有驚喜！！ 我買22M係拎嚟當eyeshadow base用，唔難blend而且有消腫效果(視乎個人膚色)，已經決定會去買多幾粒！😁 同時要讚一讚佢支lip coat，真係keep到色之餘仲有輕微光澤效果，好建議配合matte lipstick一齊用👍🏻

Bchonfrise 好用推薦：Suqqu既閃係世一的！無用置疑！ 12月去咗行街，行到Suqqu時見到有限定色眼影，上手swatch覺得好似好深色好難用，然後BA行過嚟介紹，覺得佢眼妝好靚，就問佢用緊咩，原來就係限定色呢盤！

maylam好用推薦：我係Suqqu眼影嘅忠實fans 喺日本買咗春季新色號14號夕琥箔 係超級靚嘅粉棕色 好日常 搽上眼會顯得幾精神 難怪香港至今仲斷緊貨！ 我仲有限色號129 甘艷 又係勁靚 好推介去日本旅行嘅時候買Suqqu 眼影！

Sarah好用推薦：色號429 粉質系一貫嘅細膩，啞光色上眼好貼服，唔會飛粉，顯色度都剛剛好，唔會一上手就太重手，新手都可以慢慢疊加出層次。閃片色系低調嘅細閃，唔會誇張，反而帶少少光澤感，提亮眼中或者臥蠶都好自然，日常用唔會太閃，返工、上學都啱用。 配色系溫柔嘅玫瑰豆沙調，就算唔識玩好多技巧，簡簡單單用淺色調打底、中間色加深眼尾，再加少少閃片，都可以畫出乾淨嘅眼妝，成個妝感好溫柔，襯日常妝或者淡妝都好合適。持久度方面都唔錯，我系混油皮，帶妝一日都唔會話好容易積線、暈開，保持得幾乾淨。 整體嚟講，佢冇咩大驚喜，但勝在夠穩陣、好駕馭，想求穩、想要一盤日常百搭嘅眼影，呢盤真系幾合格嘅選擇。

HYL好用推薦：五色眼影 850 底的兩種顏色沒有強烈的閃片, 而且顯色度很高 頂部兩種色調和中間色調具有美麗的閃片,原來底部色調看起來也不錯 #火熱新品

幸運的小豬兒好用推薦：我的是斑馬色🦓，Chantecaille雖然是比較貴， 但它的顏值真的無法抵擋😝！輕輕一抹已經有Bling Bling效果，眼妝感覺立體，用量少就已經很突出，所以都感覺幾輕盈～ 而且我喜歡這個牌子，並不僅僅因為顏值，他們很注重環境和自然的保育， 所以我覺得買他們的東西，也算是付出一點點力吧！最重要的是他們採用的原料都是天然、自然、無害的，使用起來也比較安心放心👍🏻✨😆 我應該不會回購因為太多眼影🙈🙈🙈

maylam好用推薦：雖然貴咗少少 但呢隻眼影真係好靚好高級！ 非常值得買！ 單色搽已經好靚

Fng好用推薦：Charlotte Tilbury 星願成真盤 Pretty Glowing｜ 熟齡混合肌嘅「一盒搞掂」懶人恩物！ CT呢盒限量版面部綜合盤（約$550），網上評價好壞參半，有人讚佢慳位方便，亦有人彈佢顯色度不足。 質地與妝效： 呢盤係紫調裸粉色系，專為白皙至中等膚色設計。粉質細滑貼膚，但珠光眼影同高光有明顯嘅微細閃片，對於熟齡肌嚟講，眼部可能會顯紋理，建議集中用喺眼中提亮就好。春季潮濕天氣下，粉體唔會抽乾兩頰，keep到自然光澤感。 實測表現（香港春天濕度80%+）： · 眼影：霧面打底色顯色度自然，適合營造溫柔氣質感；但深色唔夠濃，想畫濃妝就要疊多幾層。 · 胭脂+光影：胭脂係柔霧感粉紅色，黃肌用都唔會顯髒，仲有自然紅潤感！光影就係低調水光感，唔會搞到成面油光，春天用啱啱好。 混合偏乾肌貼士： · 春季濕度高，用前做好基本保濕就夠，呢盤粉體唔會令乾紋現形。 · 建議用鬆散嘅化妝掃上妝，顯色度會更均勻自然。 · 眼影持久度一般，大油眼建議先用眼部打底。 總結： 一盒集眼影、胭脂、光影、古銅、碎粉於一身嘅懶人恩物！雖然顯色度比唔上CT舊版咁濃烈，但對於追求自然通透妝感嘅熟齡

Kura好用推薦：節日限定嘅多用途美妝盤，帶呢一盒去旅行真係最好不過，一盒就可以搞掂曬成個妝，呢個美妝盤嘅粉質非常細膩，用上臉顏色非常出色，就算出街全日都唔會溶妝，同埋包裝超級靚，真係非常值得入手嘅一個限定款 @cosme #火熱新品 #火熱新品

natanatalie好用推薦：Sunrise真係好適合眼妝新手！❤️ 慢慢開始入秋，街上夜晚都會有少少風，與暖色系Sunrise形成對比，令妝容給予人一種温暖感覺，更甜美更親和！🙆🏼‍♀️ 淡淡的打底色與玫瑰色調互相搭配，加上閃粉襯出嬌美膚色！💕 Sunrise眼影盤一盒就能打造有如少女般的甜美氣質，而且發色既柔美又不失活潑氣息，為秋天添上點點生氣！🙌🏻 #火熱新品