msthea好用推薦：網上好Hit 呢個日本面霜，見到香港都有得買，價錢又唔貴就買嚟試吓啦 不過就真係好失望嘅，而且要永久back list  面霜質地好水狀，諗住夏天用搽薄啲唔緊要 不過真係只有當下有補水嘅感覺，轉個頭已經feel到塊面又乾了 最大問題係用完之後狂爆瘡… 完全覺得自己係中咗伏，直頭唔可以再繼續用落去了以5⭐️為我嘅滿分 保濕度 感覺持久度 推薦度 冇打錯，係零呀，真係一粒⭐️都比唔落手🥹

Morgan Y好用推薦：【超好用face cream 第6+次空瓶】 自從我幾年前試完一次之後完全返唔到轉頭！！！中途有fd送過一set貴啲嘅牌子(L牌) 轉用過一輪 都唔及佢好 所以都係要返返去Curél嘅懷抱 回購再回購～ 因為我係普通中性偏少少乾嘅關係 的確一開始唔會被”intensive moisture care”呢幾個字吸引 覺得好似會好痴笠笠唔舒服咁 但試完其實真係好神奇 我啲皮膚冇試過咁開心飲飽水(尤其是之前轉過一輪 發現好大分別) 覺得用呢個後 1. 少左生暗瘡 暗粒 (包括個鼻嗰啲士多啤梨位) 2. 上妝係貼妝左 唔會出現浮粉嘅情況 3. In general皮膚好左 有光澤左 我習慣夜晚搽 第二朝起身 塊面好似冇嘢咁 係乾爽feel 證明個cream所有營養都吸曬入去～ 朝早因為化妝前唔鍾意有層嘢好似會加厚左咁(?) 所以唔鍾意搽cream 但會用返同系列嘅化妝水拍一拍塊面先 感覺好似會last耐啲～ 佢唔會話好厚身 所以秋冬天最乾燥嗰幾日未必夠做😂 但春夏天用就唔會好笠 所以for香港天氣係perfect 強烈建議🫶🏻

Tobimak好用推薦：呢支洗面膏既系列我已經用過好幾款，但始終都係最愛原始藍色呢支。佢只要用少少已經可以徒手起到濃密的泡泡，如果用埋起泡網既話d泡泡更加多，所以會超級治療🥰而且潔淨力一百分，用後唔會覺得乾燥 而只係會覺得乾淨。 性價比超高，十分推薦budget唔多的小資女購買。

AmyAmy好用推薦：已回購多次❤️ CP值極高，易起泡沫，清潔能力高，但用後又冇忟緊或好乾嘅感覺，我四季都用佢👍🏻

A&R好用推薦：蘆薈舒緩液，暴曬之後用嚟舒緩皮膚就好，放喺雪櫃後效果更佳，但係會有黐立立的感覺，搽完之後舒緩之後都係要再沖洗，亦都可以用嚟敷面膜，效果主要係即時舒緩皮膚，其他效果並不顯著。價錢很便宜。

維他他好用推薦：曾經熱門過一排的蘆薈gel. 又平又大罐，夏天曬完厚敷喺面上好舒服 仲要罐蘆薈gel擺雪櫃 凍冰冰仲收埋毛孔添 唔好理佢補水有冇作用，舒緩一定有先 推推推

ChungCharis好用推薦：日本石澤研究所精心研製 這款深受日本人喜歡的米精華面膜 使用了100%由日本國產米提取的保濕成分 使用後肌膚有感潤的 面膜是使用了較為厚身的質料 可以感受到相當充足的美容液含量 比較適用於肌膚明顯感覺到水分不足的時候 用了一包後有感受到毛孔縮小 亦有令肌膚變得更柔軟有彈性 應該會回購的～

Yuki Chow好用推薦：好貼面，讚美見到收毛孔效果，但保濕滋潤度高，價錢亦都非常親民，特別如果朝早塊面係乾可以敷佢上妝會更加貼面～～

Hamiii好用推薦：第一次用係好多年前冬天飛紐約 一出機場企係露天地方等車，吹到塊面超！痛！ 番到酒店用左塊用開好勁既面膜都搞唔掂，只係保到濕，但紓緩唔到已經凍傷左既皮膚，只要輕輕一掂都會痛 同事拎左喱盒面膜俾我試，當時佢係用個細盒分裝左，方便帶出差用，我一打開，聞到陣玫瑰味係好鐘意既，但一睇到，我都問：咩黎嫁🤢 黃黃啡啡仲要有d一塊塊，睇落真心覺得唔靚，唔想搽想面.. 但無奈盛情難卻.. 又試下 可能天氣好凍，佢自然變左做凍膜既關係，一上面，冰冰涼涼，起碼唔痛先🤕 敷左大約20分鐘，去到洗面膜既時候，先發現塊面已經無咁痛！ 雖然有繼續紅腫，但明顯有紓緩左👍🏻 保濕度亦都好夠，加上敷完陣玫瑰味會持續一陣，真心覺得鐘意❤️ 當時香港仲未有專門店，我就會每次飛出去都去s字頭鋪頭入手 而家香港/海外久唔久都會有套裝優惠，見到我都會keep住入手用 如果經常都要面對乾燥天氣/皮膚偏乾，好值得入手一試：）

yykk88好用推薦：Fresh 真係我最愛嘅面膜品牌！！ 我係使用玫瑰保濕面膜嘅常客，幾乎每兩三日就會查佢一次，因為覺得佢比片裝嘅面膜方便得多，而且嘅時間又唔需要太耐，只需要用個面膜掃喺塊面度查完之後洗咗佢就OK。用完佢之後乾紋減淡咗好多，日常都見自己出油嘅情況少咗。而且價錢都好容易接受，佢嘅玫瑰味都last到一段時間，不過係洗嘅時候就需要洗面巾去協助就會洗得乾淨啲。 總括而言：| (• ◡•)| 質 地：❤️❤️❤️❤️❤️ 保濕度：❤️❤️❤️❤️❤️ 價 格：❤️❤️❤️❤️🤍 光澤度：❤️❤️❤️❤️🤍 推薦度：❤️❤️❤️❤️❤️

Lingling1108好用推薦：本人膚質係偏乾易敏感肌膚，尤係冬天時會乾燥到臉上甩皮泛紅，所以平時洗臉後一定要拍上比較滋潤既化妝水，當我遇到肌研極潤保濕化妝水（濃潤型）真係好適合我乾燥既肌膚😍，化妝水質地雖然好稀身，但有好滋潤感覺，搽上臉上好似有層保護膜咁，而且價錢親民，性價比超高，已多次回購👍👍👍

lhyying1128好用推薦：肌研這個牌子一直研發保濕產品，而極潤就是它家一直很火的王牌產品！一瓶爽膚水的價錢，卻有四重波尿酸精華，經常水潤到面霜都忘了搽。我中學的時候已經一直用這款極潤保濕化妝水，人人都誇我皮膚很水潤，而且整個中學時期用它，都沒有長過痘痘，現在回想起來真的挺感謝它的(*^_^*)

Fish Tse好用推薦：韓國產品一致大受好評，所以膽粗粗買黎試下 肌膚要長期補充水份先會養到好既皮膚，由其是清潔完之後敷返保濕既水份會令皮膚毛孔更加細緻 mask既size好貼合我既面型當然想再貼服d可以係鼻骨位同下巴位分別剪一下，咁就可以每個位都可以敷到 哩款mask一攞出黎感覺上充滿精華，感覺會為肌膚注滿水份。我習慣先會攞mask出黎，淨底係袋入面既精華先搽上面然後先將mask敷係面到 含獨有N.M.F天然保濕因子及金縷梅等多種保濕成份有助改善毛孔、維持肌膚水油平衡等好處 大概敷15分鐘左右會見到Mediheal較明顯表示精華被皮敷吸收了，就可取下mask。面上仲有較多剩餘既精華可以再全面按摩吸收順利提拉一下面部輪廓，按完之後覺得塊面有光澤感好似注滿水份咁 最後我會用清水洗面洗走多餘吸收唔到既精華再做後續保養程序 我用過數款既保濕mask，覺得哩款係最好用

YY好用推薦：好耐之前一次過係萬寧買左兩盒(´•ω•`) 混合偏油肌嘅我都有需要保濕嘅時候，每次用mediheal 面膜都好舒服，塊臉好有光澤。 每一包面膜都會好多精華淨左係袋，可以用黎搽埋頸( ^ ^ )/ 雖然精華好多，但都唔會令我有種笠痴痴嘅感覺，所以推薦比大家日常保養用( ⑅ᴗ͈ ᴗ͈)𓈒𓏸𓈒𓐍

hellolulu好用推薦：一直用開同品牌的潔膚水，加上價格親民，評價不錯，購入時滿有期待。第一次使用時，被超級豐盈而挺拔的泡泡嚇了一跳😂 按摩面部時感覺柔滑，即時使用感不錯，清洗後面頰有輕微發熱感覺，但產品介紹是碳酸促進血液循環，初時不以為意。 可是分別試用了幾次，發現每次用後隔天皮膚總會開始出現小狀況：泛紅粗糙、冒小微粒、痕癢。敏感情況雖不算嚴重，但連平日粗枝大葉的老公都看得出來😅 每次都要花上好幾天才恢復，為免辛苦自己最後都是停用了，實在可惜🥲

zetalhc好用推薦：一撳出嚟就係綿密嘅泡泡，含有碳酸成份可以迅速滲入毛孔，深層潔淨嘅能力唔錯，但係一支好快用晒

samanthang1117好用推薦：我混合性偏乾肌，同時係敏感肌，用咗接近大半支～ ・皮膚柔軟有彈性，摸落soft咗滑捋捋，有穩定肌膚！ 今年皮膚因為用錯product同身體問題🥲，睇過好多次醫生💊，但keep住用佢做保濕都冇問題！ ・保濕力同持航力好足👍！ 有時OT到半夜先收工，懶淨係用流金水拍面就瞓教～成晚喺冷氣房吹住瞓，第二日起身塊面仲係水嫩，摸上手柔軟，唔會掹緊／乾到出油，非常好🥰！ ・質地水嫩同時有保濕感 質地好似水咁0負擔，但拍上面又唔會好似一陣風咁冇晒，有保濕力但唔係立！ 春夏用幾好，唔知秋冬會唔會唔夠保濕，整體用嚟看門口長用冇壞！

A&R好用推薦：個名叫生肌水，其實應該即是爽膚水吧，潔面之後使用，令到皮膚即刻有保濕的效果。不含酒精，感覺都幾清爽，又唔會黐立立，沒有味道，用咗之後除咗有些少保濕感覺見唔到有其他效果。用咗都好過冇用嘅，至少用完之後皮膚不會出油。

Ronni好用推薦：好耐之前前朋友俾過試用裝我試～ 感覺其實冇乜特別，但係質地都幾搞笑 又唔似cream 更加唔係啫喱 突然之前有一期唔知買咩面霜 加上佢好抵又大罐 就買咗返嚟試🤣 用用下不知不覺，都用到底啦 係真係無呃秤🤭 用到個罐底 而且我發覺 成個冬天我都用緊佢 係好舒服😌唔會乾 同埋唔會敏感🫶🏻🫶🏻 不過又咁啱 呢排天氣又濕又淋 就覺得佢有啲笠啦🤭🤭

Hoilly好用推薦：敏感皮膚恩物♥︎♥︎♥︎ 具即時舒緩功效，並讓乾燥、受壓皮膚和濕疹持久保濕。質感如同雪糕般幼滑，一塗一推，輕易被肌膚快速吸收，清爽又滋潤。無人造香料、色素和酒精，獲皮膚科專家認可，就算濕疹和敏感肌膚也適用。 皮膚敏感或不穩可作舒緩！性價比高！唔可以冇左佢！