開架蜜粉 推薦好用產品

Jasmine L好用推薦：SOFINA Primavista柔光美肌蜜粉我係買白色珠光，粉質細滑，帶柔和珠光，上臉後皮膚即時顯得柔焦透亮，有自然水光感，夜晚係餐廳燈既光下會閃閃地會超靚！✨ 控油力唔錯，T字位半日後都KEEP到唔算多油光，整體妝容持久度OK，唔易卡粉或暗沉。 敏感冇刺激，乾肌要先做好保濕先夠服貼。適合想日常自然提亮嘅女仔，輕薄自然，唔會粉樣！

Miaomiao好用推薦：買左裸色同粉色既蜜粉，效果分別不大。閃粉比較明顯，通常帶閃粉既粉底，拍左上面都係輕微珠光，但係呢款係近睇會見到有一粒粒閃粉既狀態，適合鍾意妝感亮麗顯著既人。 控油能力高、配合埋同系列既long lasting primer可以持妝全日，特別適合夏天使用。我係混油皮，T字位出油位置覺得用呢款幾好，但係面頰同額頭位置就會有d起皮。

Lindabb好用推薦： 【Canmake控油礦物碎粉 – 用後真心話】 個包裝…細到呢 拎出街補妝係方便嘅，粉撲硬過我條命，扑粉好似用砂紙磨面咁，唔該自備化妝掃啦，唔係陣間一撻撻仲衰過唔撲。 控油？笑咗 一上臉係幾清爽嘅，但一過中午，T字位啲油多到可以煎蛋。戴口罩？算吧啦，焗一焗，溶到阿媽都唔認得，補妝補到手軟。 粉質…叫做幼啦 幾十蚊貨仔，唔會要求佢好似專櫃咁滑，但上到塊面係有層「白濛濛」嘅粉感，等佢出少少油融合返先自然。乾肌朋友，奉勸你搽夠保濕先，唔係啲乾紋會現形現到似地形圖。 遮瑕？零！ 呢盒嘢淨係做到「透明感」，暗瘡印、斑點全部繼續見人。如果你唔係皮膚底好靚，用完佢只會覺得「吓？我搽咗啲乜？」 總結：邊個啱用？ · ✅ 學生妹／油肌／超短途出街：性價比贏晒，看門口合格。 · ❌ 乾肌／瑕疵皮／戶外暴汗人：直接Skip，慳返幾十蚊買杯珍珠奶茶好過。 一句到尾： 佢係「窮人恩物」，但唔好FF佢會變魔術。俾分？6/10，純粹因為平，唔係因為好用。 #Canmake控油碎粉 #平嘢冇好嘢 #又愛又恨 #控油一般般 #粉撲難用到喊 #學生妹恩物 #乾肌慎入 #誠實測評 #廣東話化妝 #嬲嬲豬系

Luna好用推薦：📣 Canmake 礦物蜜粉實測！日系品牌平價戰鬥機？ 📣 作為一個成日面油多到煎蛋嘅混合肌，今次見呢盒 Canmake Mineral Silky Face Powder 喺@cosme排行咁高，忍唔住入手。日系品牌嘅化妝品，包裝永遠都係咁少女心，連粉撲都毛茸茸，未用先開心。 🌟 粉質：（滿分5粒星） 4.5粒星 🌟🌟🌟🌟✨ 真係對得住「礦物」兩個字，粉細到好似煙霧咁，上臉零粉感。日系品牌嗰種「偽素顏」透明感出晒嚟，毛孔即時柔焦，但又唔會死白。 🌟 控油力： 3.8粒星 🌟🌟🌟✨ 香港呢啲濕熱天氣，我T Zone撐到大概4個鐘到開始有光澤。但奇妙在佢出油後唔會斑駁，反而融合成「奶油肌」，呢下日系調控真係幾痴線。 🌟 缺點誠實講： 個粉撲太細，趕時間撻上塊面要撻好耐。同埋佢防曬得SPF18 PA++，夏天戶外一定唔夠，要自己另外加防曬。 💰 價錢： 大概120，CP值極高，學生妹同小資女恩物。 👀 總結： 如果你追求日系品牌嗰種輕透、自然、好似無化妝但皮膚好咗嘅感覺，呢盒絕對收貨。油肌冬天用一流，夏天就記得補妝。 #Canmake #礦物蜜粉 #日系品牌 #透明感底妝 #平

Q能Q好用推薦：粉質超滑，上面完全冇粉感，磨皮效果好好 買咗2024版，$215有20g性價比幾高 但只適合秋冬，夏天控唔住油

Giselle 好用推薦：Excel 柔絲美肌精華蜜粉（2023 秋冬ver. 01） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係Excel每年秋冬都會出嘅限量版蜜粉( ⸝⸝•ᴗ•⸝⸝ )੭⁾⁾因為呢款係添加咗美容液成份，所以年年一出就會超級無敵搶手₍ᐢ⸝⸝› ̫ ‹⸝⸝ᐢ₎我自己用後覺得超級好用₍ᵔ·͈༝·͈ᵔ₎佢嘅粉質係超級幼細，就算上多幾層都無嗰陣好厚粉好白嗰陣感覺⸜( ´ ꒳ ` )⸝♡︎而且佢可以做到模糊粗大毛孔嘅妝效，望落去有種皮膚好好嘅錯覺ヾ(*>∀︎<)ﾉﾞ另外佢嘅粉撲真係超級無敵舒服(o´∀︎`o)ﾆｺｯ超級軟而且又大，基本上拍幾下就已經定好晒全臉妝容而且用嗰陣又唔會唔舒服(〃'∇︎'〃)佢嗰盒嘅設計屬於壓落去就已經可以沾到粉，唔需要倒轉嗰盒倒到周圍都係粉(≧︎▽︎≦︎) ❤︎ ❤︎ 佢嘅定妝效果屬於一般般嗰種，around 4個鐘頭就會開始係鼻翼附近開始有浮粉嘅情況(◞︎‸◟︎；)所以油肌嘅小夥伴呢款唔太適合你哋(இдஇ; )另外因為佢係好大盒所以都唔太適合帶出街隨時隨地補妝(꒦ິ⌑︎꒦ີ）

Sejeong好用推薦：【Kose 定妝抗油光碎粉 用後感】 喂，呢盒嘢，真係又愛又恨！ 優點： 控油力強到呢，夏天香港呢種濕熱天氣，扑完佢出街，行到 lunch 塊面都仲係乾爽過我銀包。戴口罩？以前除罩成塊面溶到阿媽都唔認得，用咗佢之後，最少個妝叫做「見得人」，唔使嚇親同事。 缺點： 但！佢乾到呢……如果我嗰日懶，冇搽夠保濕精華，扑完幾個鐘之後，兩頰啲乾紋出晒嚟，好似話俾全世界知「我好乾呀」咁。仲有塊跟盒粉撲，薄到呢，用佢上粉一係一撻撻，一係飛粉飛到成枱都係，最後都係要乖乖哋用返自己把掃。 真心話： 呢盒嘢，你當佢係「夏天專用吸油機」就啱，唔好FF佢會幫你變靚或者保濕。遮瑕？零。保濕？負數。佢嘅使命就係吸油、定妝、冇其他。 邊個買得過？ · ✅ 油到煎蛋嘅朋友 → 買啦，你會愛上佢 · ❌ 乾肌／成日開冷氣嘅朋友 → 慳返幾十蚊 評分：7/10 控油抵讚，但乾到喊，同埋塊粉撲真係要掉咗佢。 #又愛又恨 #控油力強但乾到裂 #夏天限定 #塊粉撲掉得 #真心話 #唔好FF太多 #平嘢冇完美 #碎粉

Fng好用推薦：Kose 定妝抗油光蜜粉EX｜ 夏日油光的隱形終結者🌞 這罐開架蜜粉根本是日本藥妝店的「鎮店之寶」！比起同品牌經典款，EX版宛如升級裝甲——將控油力、細緻度、持久度三大難題一次破解： ⚡️ 粉體黑科技解析 採用「球形多孔矽石」微粒，吸附油脂後會產生啞光霧化效應，卻不會像傳統滑石粉吸走水分。最妙的是它的遇汗轉化機制：接觸汗水時會釋放微量保濕因子，避免結塊脫妝💦 🌸 上妝心機術 ▸ 烘焙定妝：沾滿粉撲按壓T區30秒，掃除餘粉後毛孔隱形度+200% ▸ 三明治夾心：噴霧→蜜粉→粉底→蜜粉，創造鐵壁妝效💪 ▸ 急救控油：出油時用蓬鬆刷輕掃，瞬間恢復剛上妝狀態 ⚠️ 隱藏版地雷 • 極乾肌全臉使用可能顯紋理，建議局部定妝即可 • 白色粉末在深膚色上可能泛白，可選透明款更安全🎭 • 盒內粉撲需定期清洗，否則孔洞阻塞影響控油力 這罐蜜粉就像為混油肌量身打造的「智慧吸油紙」，當其他定妝產品還在糾結控油與保濕的平衡時，它已用開架價格達成專櫃級別的精準調控💫 特別推薦給需要從早到晚維持妝容完整的上班族，讓你在大暑節氣也能保持優雅乾爽！

綺羅香好用推薦：去台灣旅行好開心中咗5000蚊icash ，用佢嚟買咗好多化妝品同香水，其中就有1028藍色吸油蜜粉，以前見細妹經常回購。台灣酷熱嘅天氣令到我鼻翼出油嚴重，又唔記得帶定妝蜜粉，妝溶得好快，係康是美見到1028就即買即用，用粉撲上會令膚色變得太白，要用掃輕輕掃走多餘嘅粉，吸油力驚人，就算帶妝全日再加食燒肉，鼻翼依然清爽，難怪細妹咁鍾意

Heychauchau 好用推薦：這個透明蜜粉餅小小的，而且附有粉樸和鏡子，特別方便外出攜帶，吸油程度尚算可以，一般都用作底妝後定妝之用，夏天很容易溶妝，也方便作補妝之用。

shadow影子好用推薦：顏色自然融入底妝，有很好的吸付力，而且有少少的遮瑕力，最喜歡在base之後直接塗上碎粉，自然的偽素顏妝瞬間完成！就算是潮濕的春夏天用效果也很好！

chasiutung好用推薦：SOFINA Primavista Ange 控油持妝蜜粉 係我學生時期買嘅第一盒蜜粉 依款蜜粉用左幾多年回購過幾次 係一款平價好用嘅蜜粉 粉質細滑 顏色自然 均勻膚色有一點遮瑕作用 會有少量粉感 控油效果還可以 係一款不過不失嘅蜜粉 依個價錢黎講真係幾抵用

JuneL好用推薦：最初我對Media Luxe 的產品不太感興趣, 後來因在網上看到有人介紹, 才開始留意這品牌。 買了它的蜜粉來 試試，粉質幼細度真的可平替某大品牌的蜜粉, 它除了粉質幼細幼滑外, 上面後在控油效果方面也算不錯的！ 我最欣賞蜜粉的隔網設計, 帶有點彈性的隔網在取粉時更容易取及取粉均勻, 容量多, 價格親民, 勝價比超高! #會員活動 #碎粉

alicec好用推薦：呢款蜜粉絕對係 Laura Mercier平替！對於混合油肌來講，好輕透又貼面，控油同埋持妝效果都唔錯，中間個彈網可以輕鬆攞到合適份量，唔會飛到周圍都係粉。性價比超高，好用又唔貴，值得推！ #火熱新品 #每月新品感謝禮 

Sejeong好用推薦：【Media 碎粉 – 一份溫柔嘅日常】 唔使太多期望，反而會換嚟驚喜。 Media呢盒碎粉，冇聲嘶力竭嘅控油宣言，亦冇花巧嘅包裝，就係靜靜哋喺開架架上，陪咗好多女生好多年。 粉質唔算頂級幼滑，但以佢嘅價錢，已經係超額完成。上面嗰種柔焦感，唔係遮遮掩掩嗰種，而係輕輕幫你嘅毛孔打層薄霧，好似幫塊面套咗層好薄好薄嘅filter。妝感係自然嘅，唔會有面具感，適合嗰種「唔想化濃妝，但又想見人精神啲」嘅日子。 不過佢有佢嘅堅持——控油力唔強。混合肌用佢，大概半日就要補一補，鼻頭會悄悄滲出油光。但換個角度諗，呢種油光，又未必係缺點，融合之後個妝反而更貼、更似真實嘅皮膚。 粉撲係薄嘅，我建議你換返把掃，溫柔啲對待自己塊面。色號偏白少少，如果膚色自然，記住薄薄上就夠。 總括嚟講： 呢盒碎粉，適合乾肌、中性肌，或者鍾意自然妝感嘅你。佢唔會改變你，但會溫柔地陪住你過每一個普通嘅日子。 評分：7.5/10 唔係驚豔，但係安穩。好似一杯微溫嘅茶，唔燙嘴，但飲落舒服。 #碎粉 #自然妝感 #溫柔定妝 #開架小確幸 #乾肌日常 #唔爭唔搶但好用 #慢活化妝 #用後心得 #療癒系化妝品

黯然仙人掌好用推薦：見到youtuber 同cdp 做對比之後買，的確係好幼細，有磨皮效果，而且唔會厚妝，但對混油肌黎講夏天用就做唔到控油效果，要加setting spray 先得。

natanatalie好用推薦：高性價比的日系蜜粉！❣️ 在第一次使用的時候，最明顯的感覺就是粉質非常細緻。輕輕掃在臉上，不會飛粉，也不會結塊，妝效呈現出柔和的霧面感，卻仍保留一點自然光澤，讓膚質看起來乾淨而不死板。這種透薄的妝效特別適合日常使用，甚至能營造出「偽素顏」的效果。👍🏻 再來是保濕與控油的平衡。因為加入了玫瑰美肌精華和Ceramide等成分，乾肌在眼底或細紋位置使用時不會顯得乾燥，反而有一種柔潤的貼合感。不過，它的控油力偏向中等，對混合肌或輕油肌來說已經足夠，但如果是出油量較大的膚質，可能需要額外搭配控油底妝或定妝噴霧。🙆🏻‍♀️ 遮瑕方面，它的表現屬於中等。能夠均勻膚色，修飾輕微的毛孔或小瑕疵，但對於明顯的斑點或痘印，效果就比較有限。換句話說，它更適合用來提升整體膚質的自然感，而不是追求高遮瑕度。😚 最後不得不提的是包裝。外盒設計帶有質感，附有鏡子和粉撲，方便隨身攜帶，尤其適合外出時快速補妝。這種貼心的設計，讓它不僅是一款底妝產品，更是一個隨身的美妝小物。🫶🏻 總結來說，Excel柔絲美肌精華蜜粉餅最適合乾肌或混合肌的日常使用，能帶來自然、透薄又柔和的妝效。如果你是油肌，或者需要更高的遮瑕力，可

auntiemuscle好用推薦：係之前cosme活動，聖誕倒數寫reviews時既被獎禮物，估唔到揀中左我，多謝先 excel一路評價都幾高，成日想入手試佢既眼影又覺得開架呢個價錢又略高，一路都冇入手 今次機緣巧合下試佢既底妝，yeah 其實我好少用定妝，春夏先會用，因為皮膚比較乾 其實呢個係蜜粉餅黎，拎出街補妝都好方便啲粉唔會周圍飛 初初見到咁白都有啲驚，因為我都算係偏小麥肌， 粉都幾幼幾滑，跟埋既粉樸都好軟 我都試左幾個配搭，日常如果返工我只係防晒加呢個粉餅，你因為我返工係有款動既上左面都有提亮作用，因為用梗某有色防晒，一到下晝出油個樣暗左，用左呢個粉定妝就冇呢個問題，但如果冬天濕度低，我覺得有啲乾 都試過fdt加呢個粉餅，明顯有霧面感，但唔係啞色實晒果種死白，都保持到大半日清爽 但如果當日肌膚狀態比較乾我都係用掃上，咁樣就薄啲冇咁乾

AngelFung好用推薦：呢款蜜粉好細緻，好薄唔會泛白，雖然有少少閃粉，但完全唔明顯，外人絕對係睇唔出嘅，但會令整體妝感更加清透~ 個人係混乾，T字出油，而呢款蜜粉控油對我嚟講啱啱好，拍完冇乾紋╰(*´︶`*)╯ 唯一壞處係個盒啲窿唔好用，攞粉唔平均~俾啲耐性慢慢拍就冇問題嘅XD Kate呢個日系品牌嘅品質一向都唔錯，呢款產品雖然未必有其他咁出名(例如唇膏)，不過以開架嚟講絕對值得一試！

ArielG好用推薦：粉質細膩，半啞色顯得自然妝感，控油效果不錯，上粉時不會太帶走妝容

Tobimak好用推薦：呢盒蜜粉我係在台灣旅行時購入的，我貪佢細細盒，好方便放喺手袋拎出街補妝，包裝亦很有少女感。用附送嘅粉撲輕輕拍一層已能令底妝去油。但係使用份量好難拿捏，好容易令到塊面變得深色左。

chasiutung好用推薦：1028吸油蜜粉餅係我唯一用到見底全盒用完 依然回購嘅蜜粉餅 細細盒有鏡 有粉撲舊版附送嘅粉撲好似nars 嗰款薄到紙咁 新版非常好 優化左粉撲嘅問題 粉撲厚左加左條帶 粉盒厚左小小 但都係細細盒👍 粉質幼細 妝感輕薄 控油效果非常好 顏色自然吾會死白 沒有暗沉 價錢便宜 性價比高 推介

Circlecyy20好用推薦：粉質幾細滑 夏天用都幾合適 控油效果唔同 不過要經常補妝 春秋天用就岩岩好

jhope0725好用推薦：Media嘅產品，每次一樣都會令你有驚喜，而且價錢真係非常相宜 呢盒粉餅係因為同朋友出去玩嘅時候唔記得咗帶乾粉，出晒油唔知點算好，直接經過藥妝店就買，價錢唔使再三考慮，粉餅連粉盒，夾埋都係$70，佢主打透明妝感、我都有d期待！ 佢粉質好細嫩、上咗面唔會好厚粉，影響成個妝嘅質感。而且佢配左一個薄薄嘅粉撲，個粉撲質地好好，抓粉力好，補妝夠晒用 最欣賞係佢成個粉盒夾埋先係差不多一厘米厚，就算擺喺牛仔褲袋都好方便，出街補妝，完全冇問題 唯一要講佢嘅缺點，就係防曬系數唔係太夠，得SPF17/ PA +，如果可以高番d，夏天用會方便d！

lingbb好用推薦： essence粉餅簡單既包裝，非常親民價錢又滿意既效果👍🏻 質地係白色粉末，好幼細，上到面變透明唔會泛白色。我會局部用係最易溶既地方，例如鼻既位置， 但要注意如果鼻有瘡既話會有啲顯毛孔， 皮膚狀態好，用黎控油係不錯既選擇

Tiffany好用推薦：平價產品 粉質偏向粗糙，粉感比較重 個人覺得比較適合學生出油勁用，乾肌唔建議

Tiffany好用推薦：提亮+定妝二合一嘅蜜粉，蜜粉掃上臉係白色，有提亮效果，不過就唔太控油。

choichoi好用推薦：價格相宜的開架品牌，最近品牌包裝換新貌更好看；說回碎粉效果一般粉質略粗因此上臉後帶些面具感，要是改良一下粉質細緻度便好了

cky1111好用推薦：夠平又大罐，可以用好耐，我自己都拎嚟自製粉餅用。粉質好細，但定妝可以，控油能力麻麻。

jhope0725好用推薦：質感會厚身少少，粉質比較乾，而且個扑比較硬身，未必好貼面，但$88有15g，都算係咁

iliya 好用推薦：呢款蜜粉含有護膚功能，成份有洋甘菊精華、透明質酸等，集化妝及護膚於一身！

jellybeanyay好用推薦：粉質幼細好滑、用喺眼底唔乾，控油保濕效果不錯，持久力大半日冇問題，不過可能要補一補妝。 不過我唔鍾意有閃粉，雖然上面唔算明顯，但我覺得對光澤感係冇幫助。 另外佢嘅價錢一啲都唔平，$180但只有4g...以innisfree為例幾十蚊已經有5g，貴啲嘅Becca $3xx但有10g，所以其實計返佢嘅價錢算係專櫃嘅price point。 其實我唔後悔買咗，因為好難搵到唔乾同唔卡紋嘅定妝粉，不過有幾點美中不足嘅地方令我未必會回購。