平價睫毛膏 推薦好用產品

Kitty 好用推薦：KissMe睫毛膏真係眼妝救星！我本身睫毛比較短，平時用開其他牌子好易塌落嚟，但呢支刷頭設計好貼心，可以精準勾到每根睫毛，一刷上去即刻有纖長+濃密效果，仲唔會結塊𠵱！最驚喜係持久度超班，我成日眨眼又出油，但撐足成日都冇暈開，放工對眼依然好有神～卸妝方面都算容易，用支溫和嘅眼唇卸妝液敷多陣就ok，完全唔會扯甩睫毛。我呢隻係特別版，乾燥玫瑰色，刷上去顯得眼神好溫柔，幫眼妝加分不少，而家化日常眼妝一定揀佢，就算想加強妝感疊擦兩層都依然自然，真心推薦畀鍾意偽素顏或者韓系妝容嘅姊妹！

Nicnic好用推薦：夏天有好多水上活動，一支起防水嘅Mascara 係必備的，呢一支mascara超防水，船P都唔甩 ✅可濃可淡：上圖係較自然效果，用咗比較少嘅膏體都可以太陽花嘅效果，有自然放大眼嘅感覺。如果用得比較多膏體，就有濃密效果，不過就要小心啲唔好搽到曱甴腳。 ✅勁太陽花：最鍾意佢個curve 極靚 💯 ✅持久度高：不論淡同濃個curve 都hold 得住，大概6/7個鐘之後會drop 少少。而且唔會smudge 或者溶 👍🏻👍🏻 ❗️一定要用眼唇卸妝液卸妝 ❗️要小心控制用量

Becky32好用推薦：第一次用呢支睫毛液，有驚氣，搽下眼睫毛，好突出，依家一定搽埋先出門

PorscheB好用推薦： 日本旅行買咗支啡色嘅眼睫毛膏，但係搽出嚟偏向係比較紅色。 即使用咖啡色或者淺啡色嘅眼線筆都配合得唔好睇 以前用過黑色，就覺得持久好用。 下次應該要買返黑色😖

Fish Tse好用推薦：要畫上一個完美我眼妝，睫毛膏都係好重要既一環刷到靚靚既太陽花睫毛會令成個眼妝望落去更有神 睫毛膏最怕就係一次過攞個量太多導致會有曱甴腳既情況出現，我見到哩款金屬刷睫毛膏真係忍唔住要買返黎試下個效果 有黑色同黑灰色選擇，夾完眼睫毛之後上睫毛膏係睫毛底定一陣再向上搽就會好輕易得到太陽花既睫毛，即使疊加第二、第三層都唔會有曱甴腳嘅情況出現 至於搽幾多層都好取決於你想要咩妝容，如果係平時返工想淡妝搽一層就足夠，如果想妝容完整度高d就可以搽第二、三層 重點佢係防水、防汗唔易暈染

mavvv好用推薦：感謝cosme 俾我做Canmake 今個秋季既新品試用！ 今次我試用咗Canmake既金屬刷睫毛膏。 呢次係我第一次使用金屬刷既睫毛膏，結果令我十分驚喜！與之前的纖維毛刷相比，這款完全冇結塊既問題。 係上妝前，我的眼睫毛有點凌亂，而這款睫毛膏輕輕一刷，獨特的輕刷頭設計有效幫我整理睫毛，每條睫毛分明而且自然地翹起，效果好出色。它更是有潤黑效果，讓眼睛看起來更加有神。 持久度方面都非常優秀，出門六小時後依然無脫妝現象，而且都冇暈妝既情況，睫毛依然保持翹曲，並有效防水防油。 呢款睫毛膏的設計小巧，非常方便攜帶，隨時可以補妝，性價比相當高！

Emma W好用推薦：睫毛液能夠持久保持妝效，即使在潮濕夏天、或者落雨出汗時，都不容易晕染。 另外，比一般睫毛液，其令效果更長更纖細，又不易起塊狀凝固物，增強了眼部的立體感。 最怕就係防水產品難卸妝，但其唔會有依個難處。用濕左化妝棉輕抹兩三下，就已經卸咗妝，不會對睫毛造成傷害。 適合肌膚：任何 成效度：4/5

cc好用推薦：真係超好用！個掃好細好易用，下眼睫都刷到～適合新手使用，唔會有曱甴腳！ 睫毛纖長效果好好！十分推薦！（我配合埋canmake既持久睫毛液，可以keep住眼睫毛全日都好靚！）💕

zetalhc好用推薦：性價比超高嘅睫毛液，纖細嘅擦牌可以令睫毛根根分明，又唔會起一粒粒嘅膠，非常好用。唯一就係比較難卸妝，就咁用卸妝洗面奶卸得唔乾淨，一定要用卸妝油。 

940727.0好用推薦：以極纖細三角睫毛刷，將睫毛自根部向上提起，營造纖長睫毛 1.無須擔心纏繞，三角刷頭刷長設計 三角刷頭設計，可使睫毛自根部起刷出較原本眼睛更為深邃的眼妝。 2.無須擔心下垂，維持纖長 可防止下垂，有效長效維持纖長。 3.無須擔心暈染，乾淨俐落 有效防止脫妝、暈染，可長效維持妝感。 使用方法 1.自睫毛根部起，順之字形，略為施力地來回塗抹。 2.輕輕細細地以刷具描繪前後之睫毛。 3.如描繪眼線，可打造更有神之眼妝。

mandy好用推薦：D-UP Perfect Extension Mascara for Curl 完美纖長鬈翹睫毛膏 #RUBY BROWN 寶石紅棕 功效：纖長+自然鬈翹 建議大家先用mascara base打底， 之後再上完美纖長鬈翹金膏就會更容易掌握。 完美纖長鬈翹睫毛膏可以完成既纖長又自然鬈翹的睫毛。 想要纖長的睫毛，只需多掃幾次睫毛膏便可。 完妝時，睫毛膏鬈翹纖長不暈染不溶妝， 持久度非常好，而且睫毛根根分明。 睫毛膏的掃可以好好的抓緊短小的眼頭睫毛及下睫毛， 而且可以輕鬆畫下睫毛而不暈染。 此外，完美纖長鬈翹睫毛膏暖水可卸，不傷睫毛。 含保濕成分: 聚乙二醇-45M, 水解透明質酸, 維生素原B5 及 水解蠶絲蛋白 鎮靜消炎成分: 維生素原B5 及 銀杏葉萃取 抗衰老成分: 人參根萃取, 銀杏葉萃取 及 枇杷葉萃取 抗氧化成分: 人參根萃取, 銀杏葉萃取 及 枇杷葉萃取

Lumi Kwan好用推薦：顏色都係低飽和度嘅顏色，係現時化妝界最熱門嘅色調，我買嘅係淺啡灰色同埋淺啡黃色，無感比較強，適合化一啲淡水妝，妝容篇冷白色調嘅效果會更加適合，不論顏色，兩支睫毛膏嘅持色度都非常之好，而且冇甩色嘅情況，掃頭都好容易控制，易於描繪。

Circlecyy20好用推薦：使用後感覺有小驚喜，因為能夠做到防水防汁嘅效，而且會顯得更加結實明亮

chymiaaa好用推薦：呢款眼睫毛液有防水同防油 持久度效果好好 而且個刷頭好好用 唔會容易結塊 性價比好高 推薦購買！🥰👍🏻

Nicole 好用推薦：彎月刷頭，帶有纖維，刷出來又長又濃密的感覺，但不會是蒼蠅腿，比較適合精緻妝容🫶🏻 超强防水防汗，持久力強不會暈染。

zetalhc好用推薦：好容易就可以做到令睫毛根根分明同埋更加濃密嘅效果，亦都唔容易起粒粒，總括嚟講性價比幾高，但係落妝嘅時候比較需要多花時間同埋用卸妝油會落得乾淨過用卸妝水

橘子貓好用推薦：一向知道Fasio睫毛膏很有口碑，日本通關後旅遊Shopping，在一系列睫毛膏之中藍色包裝最順眼，就選購了一枝。 這款是自然捲翹纖長防水，四項之中有三項半達標： 自然✅ 自然眼睫毛妝效，不會誇張，塗了像是天生眼睫毛就那麼長。 捲翹✅ 基本上卷曲度可以維持一整天，難得我不用mascara base打底，眼睫毛也不會塌下。 纖長✅ 自然增長睫毛，不同濃密型，就算塗上3、4層也一點都不會令睫毛變曱甴腳。 防水⭕️ 上妝半天就有點溶妝，睫毛膏會暈到眼下有明顯黑色，雖然未去到一撻撻那般誇張。 整體睫毛膏表現是不錯的，可能我是油眼皮，防水防暈效果未如理想，不過也可以用mascara base去補救。還是值得推薦。 #火熱新品

zetalhc好用推薦：用嘅時候唔會起一粒粒膠，可以令到睫毛跳跳分明，個人覺得性價比幾高。而且防水防汗，唔會甩色，但係用普通卸妝油都可以好乾淨清除。

Fannie好用推薦：刷頭好幼細，刷完真系做到根根分明，好自然，試佐好幾款睫毛膏都會試過暈染到下眼檢位，哩款用完暈染情況不太明顯，解決佐我嘅煩惱😆會再回購！

CC1997好用推薦：本身一直用開Dejavu嘅睫毛膏，可以話係咁多年嚟唯一長期使用同回購嘅睫毛膏品牌！我用開紅色同粉紅色大炮，最中意嘅賣點係佢地嘅睫毛膏可以不斷疊加但都唔會起曱甴腳。 呢枝同平時紅色粉紅色嘅效果好唔同，夾左睫毛再搽左之後有個種去做左角蛋白嘅感覺，根根分明同纖長，但就比較無濃密嘅效果。適合化淡妝、想營造自然美女嘅感覺時用。同其他款一樣都係可以疊搽，唔易起曱甴腳的。 持久度方面，春天去行完一日山都仲見到睫毛係纖長同翹，不過有少少黑色粉跌左係下眼位置，可能比較適合短時間外出用。或者唔介意嘅話中途抺一抺下眼簾就可以。 呢個係出左半日街後，抺走左跌係下眼位置粉抺嘅效果： 對比番未上妝前，可以睇到睫毛係長過原本，亦都加粗左，比原本明顯但依然係根根分明。 易缷程度一如既往，溫水可日卸。 總結嚟講，推薦俾日常出街或者番工想化淡妝嘅時候用。

Tobimak好用推薦：真係做到纖長效果，妝感好自然唔會曱甴腳，而且價錢便宜。但係刷頭比較大，要用得好小心。

sammiimelda好用推薦：完全做到纖長嘅效果 但係刷頭太大 好難控制份量 好多時會查多咗變咗一噠噠 同埋夏天嘅時候會溶落眼袋

iliya 好用推薦：貪得意買嘅彩色睫毛液，色號好多，例如：墨綠色、緋紅色等，而且防水防油，持久力超高！

Sharon Kwok好用推薦：. ❣️ 纖長捲翹彩色睫毛液為自然顯色的彩色睫毛液, 採用 HYPER CURL Fix 配方 x 極細啡色刷頭, 捲翹感十足; 防汗、防水、防油脂、防磨擦配方, 不易染暈, 全日持久保持動人睫毛。

Suki好用推薦：Kiss Me 的超級防水濃密眼睫毛液，結果有點小失望呢！這個睫毛液的防水效果確實很強，但效果卻讓我有點尷尬。 首先，它的包裝真的很可愛，粉粉嫩嫩的顏色讓人心情愉快，開心地想要試用。 #使用感受 不過，當我塗上去的時候，睫毛看起來有點厚重，像曱甴的觸角一樣，完全不是我想要的自然效果。雖然濃密是它宣傳的賣點，但對我來說，反而覺得有點太過了，妝感顯得有點污糟。 #防水效果 至於防水效果，我承認它真的很出色，一整天下來也沒有暈染。但如果要選擇的話，我寧願妝感更自然，而不是這種濃密得讓我有點不自在的樣子。

Lilyscl好用推薦：用完唔會太誇張，但要小心用量，重手左會有機會曱甴腳。最緊要係防水，唔會好易甩，夏天用都唔驚熊貓眼。性價比都ok!

Winnie好用推薦：專塗下眼睫毛的產品非常少見，我是第一次嘗試，刷頭是特別設計，不容易弄髒下眼睫部位，而刷頭及刷毛非常细，的確比較容易處理稀少的下眼睫毛，值得一試的產品。

lingbb好用推薦：我係一個揸完上眼睫毛就一定要揸埋下眼睫毛既怪人， 一直都諗緊會唔會有品牌出下睫毛液😂 呢個牌子出名睫毛膏同眼線。 買哂上下睫毛膏。 下睫毛膏個刷頭細細，個刷頭設計幾好，但個睫毛液就比較難痴住我既睫毛，必須要打個睫毛液底上毛比較有顏色，都算係防水同油，用係我身上開頭無溶妝，去到後段就開始溶妝；係時候要換枝新的！

Tobimak好用推薦：呢支maybelline既睫毛膏我係在泰國旅行時購入。當時購入原因係覺得包裝靚，因為係用左時下最hit既black + pink🖤🩷 而佢顏色就有黑色同啡色可以揀，而我入手嘅就係黑色。實際用落時就發現呢支睫毛液唔太啱我，雖然啱啱化好個妝嘅時候眼睫毛係好靚，刷頭亦很大，隨便掃兩下已能夠為上眼睫毛上妝。但我平時眼睛會有少少出油，出門口唔夠三個鐘就會甩到變咗熊貓眼。

Rin好用推薦：我記得很久以前已經有用過這個品牌的睫毛膏，當時的感覺是不錯的，但是也是不是太防水 而且是這款就是比較濃脈型 而且可以抗熱 這麼多年應該有進步了吧

格仔餅公主好用推薦：#火熱新品 刷頭比較大但就做到濃密感覺，疊搽都無問題唔會kick下kick下同攪到一嚿嚿，隻啡色夠哂自然，唔易甩無變熊貓眼，屬於抵玩既開架mascara，係我既用完再回購list入邊

sylsylsyl好用推薦：刷頭偏粗大，其實掃出黎果一刻效果唔錯 相當濃密 但可惜唔適合我嘅油眼，過大概一 兩個鐘開始變熊貓眼 試咗幾次都係咁 只可以講佢唔適合我了

bibubibu好用推薦：呢支mascara易溶 到夜晚就會變熊貓眼 溶哂落眼底 個人覺得好似歐美品牌嘅mascara普遍都有呢個問題 或者佢唔適合香港潮濕天氣使用 雖然佢係梳頭幾好用 搽上去睫毛根根分明 但佢做唔到維持弧度 即使我一夾好睫毛就上呢支mascara 眼睫毛好快就drop落嚟 好似冇用過咁 但呢個係mascara最重要嘅功能 而佢係做唔到 另外亦未有濃密纖長效果 不過佢個名叫push up lashes 相信應該係主打睫毛卷翹 但佢呢方面表演令人失望

Cynthia好用推薦：睇完日本妹既推介係日本樂天買左返黎用～ 係我最鍾意嘅啡色睫毛膏(⁎⁍̴̛ᴗ⁍̴̛⁎) 十分易刷開一根根睫毛😍 刷完唔會起一嚿嚿膏狀 

Flora好用推薦：買咗Cassis色 顏色好靚，都唔算好浮誇 不過如果刷頭嘅沾取量少返啲會比較好 有少少難控制

Kuma醬好用推薦：我很喜歡Fujiko嘅產品，創新嘅設計和包裝，經常令我覺得好吸引，價錢合理，基本上佢一有新野出我就買，呢隻睫毛膏都一樣，佢個筆頭好特別，同其他捷毛膏不同。 我買嘅係01 blue black，顏色來講普普通通，搽咗上捷毛都係嗰啲顏色，無咩特別。 但佢個筆頭就諗極都唔明點解係咁嘅設計，搽上捷毛好唔方便，不能令捷毛根根分明不特止，一pat咁搽上捷毛度，要好細心咁在捷毛上分開。 仲要佢唔係容易乾嘅捷毛膏，一不小心，化嘅妝就毁於一旦，最後又要等佢乾洒先可以合上眼噴定妝噴霧，真係日落西山。 不推薦呢。