平價粉底液 推薦好用產品

Emily Leung好用推薦：Maybelline 反孔特霧粉底液（Superstay系列） 測評 簡單啲講，佢就係油皮同混合肌嘅「定妝救星」，專治溶妝、出油，貪佢持久、遮瑕度高，但妝感會比較明顯。 1. 質地：似濃身嘅奶霜 擠出嚟係冇乜流動性嘅cream狀，推開有啲厚度，但唔會好黏。 ✨ 上妝貼士：因為佢乾得幾快，最好分區（一邊面頰/額頭咁），快手用化妝棉或者濕粉撲拍開，唔好一次過點成全塊面先至慢慢捽。 2. 妝感：全霧面，遮瑕力強 · 霧面感：上完妝即刻係好靚嘅全霧面，毛孔同油光即刻隱形，塊面望落好「乾淨」。 · 遮瑕度：高遮瑕！普通泛紅、暗瘡印、淺色雀斑，基本上一層已經遮到八九成，唔使點再用額外遮瑕膏。正因為咁，妝感係會有少少「面具感」，如果追求超薄透自然妝嘅人可能覺得重咗啲。 3. 持妝能力：堅挺！出汗出油都頂得住 呢支嘅賣點就係「超持妝」，實測落真係唔錯： · 抗油抗汗：夏天出汗，或者T字位出油，佢真係可以hold得住，唔會溶到一撻撻，只會慢慢變返少少光澤。 · 長時間表現：帶妝8-10個鐘後，基本上個底妝都仲喺度，唔會完全消失。最多係喺鼻翼、嘴角呢啲表情多嘅地方有少少卡粉或積線。

Lydia好用推薦：Maybelline Fit Me 反孔特霧粉底液 — 霧面妝感嘅高 CP 值之選，控油效果持久✨ 質地： 呢款粉底液嘅質地偏向流動性高嘅 liquid 狀， 上臉好容易推得開，唔會覺得厚重。 推勻之後好快就會變成霧面嘅 finish， 觸感偏滋潤，不過冇乜黏笠感， 對於偏油或者混合肌嚟講，呢種質地喺夏天用都幾舒服。 效果： 妝感係好自然嘅 matte look， 修飾毛孔嘅效果確實唔錯，皮膚睇落會平滑咗。 遮瑕力中等，對於普通嘅膚色不均或者淺色豆豆印，薄薄上一層已經遮到大部分，妝效唔會覺得好似戴咗面具咁。 控油力方面表現幾穩陣，平時返工出街大半日， T-zone 位置雖然會有一點點油光，但混合咗油脂之後，個妝反而會變成好睇嘅奶油肌妝感，唔會好容易成塊面溶晒或者出現斑駁嘅情況。 缺點： 不過呢款粉底乾得比較快，建議上妝嗰陣要分區處理，如果唔係可能會推得唔夠均勻。 另外，對於鼻翼或者皮膚本身有乾皮嘅位置，可能會有少少顯乾紋，所以妝前嘅保濕步驟一定要做足，咁樣個底妝先會更加貼服。 總結：平價好用嘅霧面底妝，油肌同混合肌嘅穩陣選擇。另一樣最大嘅優點就係佢好易買到，樓下屈臣氏都有。

Fng好用推薦：KATE 零瑕肌密粉底液｜ 混合偏乾肌的香港春天濕戰攻略🌧️ 喺香港「回南天」嘅高濕度環境下，呢支粉底液反而變成混合偏乾肌嘅 「神隊友」——只要識得用，春天嘅潮濕反而解決咗冬天最頭痛嘅乾燥問題： 💧 春天質地大不同 當環境濕度超過80%，原本冬天覺得偏乾嘅質地， suddenly變得 「啱啱好」 。液態轉粉嘅過程因為空氣中嘅水分變得更加順滑，唔需要刻意加強保濕打底，已經可以做到貼服零卡粉。 🌧️ 回南天實測表現 ▸ 濕度90%早晨：薄上一層已經足夠，粉底同皮膚融合得自然，唔會因為潮濕而浮粉 ▸ 全日口罩測試：控油力喺春天剛剛好，唔會因為濕度高而溶妝，除低口罩依然完整 ▸ 下午補妝：即使T位輕微出油，用紙巾印走油光後妝容依然完好，唔需要補粉底 🎭 春天妝效進化 冬天用可能會覺得偏霧面，但春天嘅潮濕天氣反而令妝效變成 「絲絨微光」——有種天生好皮膚嘅通透感，又唔會油光滿面。呢支喺春天嘅表現比冬天更出色！ 💡 回南天使用秘笈 1. 簡化妝前保養：春天濕度高，妝前只需要輕薄保濕就夠，太滋潤反而會令粉底容易移位 2. 定妝技巧：因為本身已經係粉霧妝效，可以完全跳過蜜粉步驟，保留自然絲絨

Kala好用推薦： KATE零瑕肌密粉底液質地輕薄絲滑，延展性佳，塗抹後肌膚觸感柔滑，遮瑕力約7成，能有效修飾毛孔、痘印與輕微泛紅，打造自然透亮妝感。持妝力強，混油肌使用8小時仍清爽不暗沉，控油效果不錯，適合秋冬。乾肌建議搭配保濕打底，避免些許卡粉。色號選擇偏自然，貼合亞洲膚色，日常通勤妝容好選擇，性價比高，值得回購。

chewyfruit好用推薦：Hello！姊妹們～今次同大家開心share 呢個Media粉底霜 OC-B1 ！因為呢個「開架寶藏」 真係驚喜度爆燈，性價比高到令人想尖叫啊！💖 🌟 第一印象：開箱即心動！ 樽身小巧可愛，撳蓋設計好衛生。一打開見到係幼滑奶油霜狀，但係呢～ 一掂上手就知唔簡單！質地軟糯好似雪糕，用手指一推就化開，完全冇厚重感，超級貼心！❤️ 💧 上臉實測：水潤到喊！ 我係混合肌（T位油、面頰乾），用佢個日仲要係開緊冷氣嘅乾燥環境。點知一上臉——哇！好似飲飽水咁！ ✨ 光澤感：唔係油光，係從肌底透出嚟嘅自然光澤，好似皮膚本身好好狀態咁！ ✨ 遮瑕度：我面頰有少少泛紅同暗瘡印，薄薄一層已經遮到七七八八，毛孔即刻隱形，真係「偽素顏」神器！ ✨ 色號OC-B1：超級適合追求自然提亮嘅姊妹！唔會死白，係好乾淨嘅米調亮膚色，黃皮友好，出街冇人覺得你化咗厚粉，只會問：「你今日皮膚點解咁好？」😉 ⏰ 持久度測試：朝九晚九冇難度！ 朝早化好妝，冇用碎粉定妝（想試真佢實力）。 · 中午：T位少少出油，但反而變咗好靚嘅奶油肌，用紙巾輕輕印一印就恢復原狀。 · 夜晚：成個妝依然貼服，冇斑駁冇浮粉，只有鼻翼微微溶

Emily Leung好用推薦：Media粉嫩保濕礦物粉底霜測評 質地： 一打開係好似Cream狀雪糕咁嘅粉底，摸落去好軟糯、好creamy。用粉撲或者海綿輕輕印落去，會感覺到佢即時「融化」咗少少，變成好絲滑嘅粉體。質地屬於保濕型，推開個下有少少濕潤感，但唔會油膩或者痴立立。乾得好快，上臉後好快會變半啞光。 妝效： · 遮瑕度中等偏上：對於泛紅、暗瘡印、毛孔嘅遮蓋力幾好，一層已經可以遮到七七八八，屬於開架粉底中遮瑕力驚人嘅產品。痘印位可以疊加多一層。 · 妝感：自然嘅粉嫩柔焦感，唔係死啞光，帶有微微嘅自然光澤（似皮膚本身嘅光澤）。遠睇好似天生皮膚就咁平滑，有種「偽素顏」嘅感覺。因為係礦物粉底，粉感唔算重，但如果你皮膚狀態乾或者有皮屑，有機會卡皮。 · 持久度：中等。混合肌/油皮大概可以Keep到4-5個鐘，之後T位會開始出油，但出油後唔會斑駁得太難睇，用紙巾印走油光後妝面都仲算完整。乾皮用就比較適合，只要做好保濕，全日都唔會乾到裂。 · 氧化情況：有少少，建議揀色號嘅時候可以揀白半個至一個色號，等佢氧化後就啱啱好貼合膚色。 適合咩人？ · 混合肌至乾性肌膚（大油皮夏天用可能太快溶妝） · 追求自然遮瑕、唔喜

Emily Leung好用推薦：完美真皮染膚精華—excel光感美肌精華粉底 今年第一款被妝效驚艷到的粉底液，藥妝店粉底里的黑馬產品，妝效遠超許多大牌，價格卻只是他們的三分之一。 🌟質地：為流動性較強的乳液狀，延展性好。 🌟妝效：光澤四溢水光肌，0妝感，裡面配合了鏡面因子上臉後多角度反射光茫，看起來肌膚透亮有光澤。 🌟持妝：一天幾乎不脫妝，暗沈這塊反正肉眼是看不出來的早晚基本沒有色差。平滑毛孔光滑肌膚的效果顯著，輕盈透氣。 🌟遮瑕度：中低，畢竟是裸妝效果，修飾膚色膚質比較明顯，有斑點和痘印還需要單獨遮瑕。 使用感受：水潤輕薄不油膩的質地太適用乾皮了，而且它的光澤感特別強，畫出來的妝效就是那種日本妹子年輕清透素顏的感覺。而且它的性價比之高真的令人震驚，這麼平價的一款粉底竟然有如此完美的妝效真的吹爆！

Poyobb好用推薦：首先睇佢個名光感美肌粉底精華液，感覺係一啲好保濕護膚成份嘅粉底液。粉底液含有81%嘅精華液，化妝同事可以保養皮膚。 粉底液有輕微防曬度，spf28pa ++，感覺唔錯。 我用既係St01，精華粉底液入邊最淺嘅顏色。我平時通常用開00 01色號，但係係精華粉底液去唔到00 01顏色，整體顏色偏黃，直程深過我手臂嘅膚色。 質地好水潤，用咗好似自己啲皮膚咁樣又光澤係幾靚嘅，超級自然貼服。就咁試上手絕對可以媲美尊貴牌子一啲流質粉底液。持久度未知，不過用得呢啲咁自然透薄嘅粉底液既女仔，大多數不太着重持久度，相信皮膚大部份都無瑕疵。 相信呢枝excel精華粉底液出返一啲淺啲嘅顏色，相信會上cosme榜🫢

Tszki好用推薦：質地輕盈且不易卡粉，適合夏季或潮濕環境使用。質地極度滑順：它是類似「精華液」的高流動性質地，延展性極佳，用手指就能推勻，不會有厚重面具感 。 具備半霧光質感的「光澤陶瓷肌」，觸感薄透且能修飾毛孔及不均勻膚色。陶瓷光澤感：完妝後是那種「半霧半光」的質感，像天生皮膚很好、透出淡淡水光的感覺 。 修飾毛孔效果好對於鼻翼兩側的毛孔遮蓋力很出色，能營造出平滑的視覺效果 。控油抗汗延續了 Primavista 的強項，即使夏天流汗，妝感依然能維持 6-8 小時不崩塌。 遮瑕力中等： 對於深色痘印或黑眼圈，這款粉底液只能遮住約 5-6 成，需要額外搭配遮瑕膏 。

LenaC好用推薦：一直係Sofina Primavista UV base 粉底液嘅忠實粉絲🙆🏻‍♀️ 佢嘅UV base 可以長時間抑制皮脂 實現零油光妝感 一整天都可以保持妝容清爽柔滑 唔會同皮脂、汗水混合 基本上唔會出現溶妝、浮粉情況 質地輕薄清爽 一啲都唔黏膩 適合春夏濕熱季節 價錢亦超貼地❤️ 😹（重點） 美白 遮瑕 修飾毛孔 一✅過完勝🛎️ #BA照

Emma W好用推薦：Revlon 持久無瑕水印潤粉底液能夠長時間保持妝容，不易脫妝。這款粉底液的質地輕盈，容易推開，讓肌膚感覺舒適，並不會有厚重感。最重要的是，對於想要遮蓋瑕疵或膚色不均的人來說，這款粉底液提供了良好的遮瑕效果，能夠遮蓋小瑕疵。塗抹後，更加光滑和有光澤，又不會起粒粒。一段時間段後，不易浮粉，係減少補妝的粉底液之一。 價錢方面，相較其他高端產品，依個較親民，似一個不錯的選擇。 適合肌膚：任何 成效度：4/5 保濕度：3.5/5 貼合度：4/5 質地：cream狀

Mo Wong好用推薦：呢款粉底遮瑕度唔錯，可以遮到我面上D斑7成左右，我係上薄薄地一層，用黎化霧面妝幾啱。佢都易推開，我係乾肌上面唔會太乾，而且佢keep到幾長時間唔甩妝，所以幾滿意。

sammiimelda好用推薦：特登買來夏天用嘅一款粉底 質地比較輕盈 上面都清爽 遮瑕冇其他粉底高 但主要睇中佢夠輕薄 持久度都足夠全日 延展性亦都高 容量少少就夠用全面

Beautyfish好用推薦：第一次使用Make Up For Ever的粉底~ 那天逛街時無意中看到，試了一點在手背上發現質地非常貼薄，水狀的質地很好推。而最吸引我的是它標榜不易脫妝，不會甩色落口罩上；咁啱最近天氣開始熱又潮濕，加埋帶mask個妝真係好易溶，所以忍唔住就買了，發覺佢真係幾好用❤️ 這隻粉底液的成份天然，而且相對簡單，對皮膚的負擔不會那麼大。親身試用過之後真係發覺佢比其他粉底貼面而且持久，妝感好自然，薄薄上一層已經可以令全面膚色均勻，semi-matt 嘅妝感幾靚，同埋持妝得嚟唔乾，呢點對於混合性偏乾皮膚嘅我來講就好好😍 要留意返佢嘅遮瑕度屬於低至中，需要多啲coverage嘅地方可以輕輕上多一層而唔會厚粉；不過對於喜歡多啲遮瑕力嘅朋友可能會嫌佢薄得滯，而且佢唔算控油。 總結：我覺得呢隻粉底同MAC嘅Studio Fix Fluid有啲相似，都係long-lasting同貼面；不過呢一隻會更加適合乾性皮膚；如果要控油同高啲coverage嘅話應該MAC會好啲😉

Poyobb好用推薦：有啲似Ettusais 有一種藍色foundation ，變粉狀嘅粉底液，賣點防水不輕易沾污雙手，一啲唔鍾意搽碎粉嘅人仕，我喺讀書年代都買過呢種粉底 佢係流質粉底液，只有三隻顏色01 02 03。雖然01係明亮色，但係都有點偏黃嘅感覺，所以要試顏色先買。建議用粉撲去上妝，會比較均勻。試過用紙巾去抹，咁既然都會有粉底液真係唔算容易甩。 佢base使用保濕型嘅底妝先至啱用，雖然係好水潤輕透，但乾透後唔夠保濕。

Akassoo好用推薦：以前用開韓國嘅粉底，呢排轉試下日本嘅粉底，當中最大嘅分別係日本嘅妝容一向都係輕薄自然啲，而呢款media luxe嘅輕透持效粉底液顧名思義，真係好輕透。用之前要搖晃，一倒上手可以睇到佢係勁流質，要好快拍上臉。我用嘅係02號色（自然），開頭倒出嚟見到咁黃勁驚買深咗色，好彩拍返上臉之後都符合返膚色（本身自己係普遍黃種人膚色）（如果你皮膚係比較白嘅話，就可以試吓01號色）。不過因為輕薄自然，所以遮瑕度唔會話特別高，如果大家多瑕疵嘅話，都需要另外用遮瑕。 呢隻粉底液主打「防水抗汗，輕透美肌持續全天」，個人覺得佢的確係防水，而持久度都真係高，基本都可以hold到7-8個鐘、暗沉亦唔明顯。不過，而家啲天氣咁炎熱，日日都30幾度嘅情況下鼻翼就比較易浮粉，鼻頭亦都會出現白芝麻嘅情況。 另外，呢隻粉底係SPF26 PA++++，喺而家咁炎熱嘅天氣底下我自己都會喺上妝前用防曬底霜打底。整體嚟講，呢隻粉底液嘅性價比高，港幣$100都唔洗，但都做到晒基本粉底液嘅要求。如果日常淡妝嘅話其實呢隻就夠晒。

Hellobeauty 好用推薦：小資女又找到好妝物了 今次分享的產品係KATE 零瑕肌密柔霧粉底液，呢個「實而不華」產品雖然外表樸實，但係好好用，而且性價比高。 呢個【霧面妝】產品妝效很貼服，而且遮瑕力強，妝感好輕，好自然好舒服。我之前都好唔鐘意用【霧面妝】粉底液，因為會相對難推開，而且有一種黏稠厚實感。我唔太想我塊面好似有油漆批盪感妝效，所以一直好少用【霧面妝】粉底液。 KATE 零瑕肌密柔霧粉底液除了有上述優點外, 我對它就遮飾毛孔及隱藏細紋方面，都非常出色。(圖中效果係我愛上吒個產品原因) 有興趣就試下啦, 期待下次再分享好物。

Chloeincosme好用推薦：好耐之前買落既Kate the base zero 粉底液 ，主打零毛孔同持久妝效，試用後覺得性價比幾高！ 🤍 遮瑕度：3/5 質地輕薄，遮瑕力中等，普通毛孔同泛紅都遮到七八成，係霧面肌妝感～ 🤍 妝效/ 貼服：4/5 上臉係啞光效果，如果保濕做得好，會同皮膚融合得好自然，鼻翼同眼底位都冇卡粉，似天生好皮膚～ 🤍 持久度：3/5 帶妝8粒鐘有明顯溶妝或暗沉，但用紙巾印走油光後妝容依然完整～ 🤍 控油效果：3.5/5 夏天對油肌可能唔夠力，但混合肌同乾肌用就還好（都要定妝 總結： 適合追求自然妝感同中等遮瑕嘅你，呢枝粉底液價格親民但質素都算幾好！ #轉季

helloapap好用推薦：❌ 方便度 喺網上搜尋SOFINA呢盒粉底，會見到好多個碌碌既負評😂自己親身用過之後，的確係唔好用。個海綿碌碌既設計，令鼻翼兩側、嘴角、眼角呢啲細微位置好難精準上妝，通常我都用手指撩少少粉補角位。而且個碌根本掂唔到盒粉底既邊角位置。加埋本身啫喱狀好易痴墊，用一陣已經係肉眼可見既污糟。呢個設計真係好扣分。 ✨ 妝感 雖然上妝過程係幾伏，但係妝感自然貼服，柔焦毛孔嘅同時冇厚重粉感，睇落膚質健康又精緻，適合鍾意霧面妝既人。 ⏳ 持妝效果 Primavista系列最令我欣賞嘅，係佢嘅持妝能力。對我呢個混合肌嚟講，佢嘅控油能力幾好，T字位出油速度明顯慢咗，但兩頰又唔會因為咁而覺得繃緊或者乾。正常情況下，帶妝一整日只有鼻翼有輕微脫妝，成個妝容完整性好高，唔會暗沉或者斑駁。 特別要提嘅係，佢好適合轉季嘅時候用。喺天氣唔穩定、皮膚容易敏感或者乾癢嘅春秋兩季，佢既可以提供足夠保濕度避免乾紋出現，又可以有效控制因為溫度變化而失衡嘅油脂分泌，令個妝容喺轉季期間都可以保持穩定靚仔嘅狀態。

Poyobb好用推薦：開價牌子粉底液嚟講，佢嘅質素係絕對唔差，我第一次用完全感覺係驚喜。 流質度高，延展性好，佢唔算係一啲好薄嘅粉底液，因此遮瑕度都幾好，最重要係持久不脫妝，絕對適合香港夏天日子使用。 我揀嘅係01，偏向自然，大部份女仔都啱既色🤗 粉底液本身唔係好霧面，會保留返自然光澤感，我幾鍾意呢種妝效。再用碎粉輕輕定妝，就已經可以last到全日，唔會去到幾個鐘頭之後粉底液斑駁狀態，真心幾靚。佢嘅粉底液完全係貼合佢嘅底妝產品一樣咁持久💕

Gtam 好用推薦：Primavista 水潤光感持久粉底液質地非常輕盈🫧容易推開，而且不會卡粉。這使得它非常適合那些希望使用一款輕盈、自然的粉底液的人，尤其是在夏天🌞或潮濕💦的環境中使用。它的質地非常薄透🌵可以輕輕地滑過肌膚表面，讓肌膚呈現自然的光澤感⭐️。 粉底液還有一個非常重要的優點，那就是它的持久力非常好👍🏻這款粉底液可以持續整天🌞不需要不斷地修補🌬️或補妝。這使得它成為一款非常實用的產品，尤其是對於那些需要長時間保持完美妝容的人來說。

Kura好用推薦：平價粉底液嘅皇者，對於我黎講用好少份量就已經可以打造到好貼服嘅底妝，重點係價錢好平

flower0427好用推薦：沙漠乾肌用過兩罐了💖 算是一罐只要保濕有做好 上妝就會很漂亮的粉底～～ 當時手頭上還有Lancome 那罐粉底 但是我都更愛用這款💖 比較潤一點比較適合乾肌！

Tszki好用推薦：質地水潤但在推開後會變為清爽微霧面，有效抑制油光。 其遮瑕力強且妝感輕盈自然，特別適合隱藏毛孔。但也有用家反映質地較乾，乾性肌膚需加強妝前保濕以防乾裂。

Kura好用推薦：係我嘅平靚正粉底液嘅首選，份量唔需要用太多就已經可以搽曬全臉，遮瑕度適中，可以遮到細微嘅瑕疵，我用完呢款粉底液之後膚色有明顯嘅提亮，輕鬆打造到透薄自然嘅妝感，大家可以睇返我嘅對比圖，未用之前膚色較暗沉，用完做到即時提亮，唔會覺得好油，夏天用都唔會話溶妝，我用嘅色號係BR-C，搽上臉係好水潤嘅感覺，我係乾性肌膚都啱用，價錢好平，推薦俾想試新粉底液嘅朋友，產地係日本，信心水準有保證 @cosme

royu3好用推薦：包裝小巧可愛，內有酒珠，使用時要先搖勻。 用法簡單，用指尖取出適量的光影液，輕輕在臉頰、鼻樑、額頭等想做高光的地方印開。相比其他粉狀的高光產品，這枝光影液較有水潤感，不易卡粉亦不影響後續上妝。珠光很幼細，不顯毛孔，液狀質感更能自然融入肌膚，妝感雅致不誇張，亦大大提升立體感👍🏻 非常推薦這款底妝產品！

zetalhc好用推薦：呢支其實係esprique嘅glow primer，幾推薦嘅原因係因為佢做到好好嘅保濕同光澤效果。妝感很透薄貼服，後續上粉底液都唔會卡粉👍🏻👍🏻

wcm好用推薦： 自己冬天乾性夏天中至油性，但這支粉底液意外地好用！質地流動性高，延展性佳，手指亦能輕鬆推勻。妝感是自然微光的水潤肌，遮瑕度中等（泛紅可蓋7成，深痘印需疊加），但勝在完全不厚重，多次疊擦也不卡粉！ 搭配技巧上，單用對油肌持妝力稍弱，但「碎粉（我用Innisfree無油薄荷）+定妝噴霧（推薦NYX霧面款）」後，持妝度超級好！整體不斑駁，且出油後轉為奶油肌，暗沉不明顯（約半個色階）。 缺點是控油力普通，大油肌夏天可能需每3-4小時補壓碎粉，冬天就100 分！但以開架價位來說，性價比超高，適合追求自然妝感、不愛厚重粉底的混合肌～

Alicehui好用推薦：在屈臣氏買的揀錯了色號，揀了110號色，有啲太白了，因為之前買反孔特務藍色粉底液太乾，轉買了紫色這一款，在秋冬春用的確比較滋潤、易推開，但用一整天便會出現少少溶妝，要補多回些妝

Sanna Cher好用推薦：所用的產品是濾鏡大師柔光美肌粉底液的3K2色號，明亮度跟原生膚色相若，但顏色較為中性。粉色液為乳霜質地，利用化妝掃塗擦後，見粉底液跟肌膚完全融合，幾乎看不見痕跡。使用妝前乳後，上粉底的妝前效果。塗上粉底液後膚色均勻，明顯提亮膚色，粉底液非常貼服，亦有修飾毛孔的效果，上妝感強。完妝照片，見粉底液適合搭配自然和強烈的妝容。

Kura好用推薦：呢款粉底液嘅遮瑕度好高，我用嘅顏色係110，我覺得用完妝感好好，顏色非常適合我，顯白，皮膚有光澤，妝感貼服 #火熱新品 #火熱新品

Scarlett好用推薦：用在臉上非常好推，輕盈薄透貼服肌膚，均勻遮飾毛孔及色斑，質地不黏膩且頗清爽。加上價格便宜，很值得推薦。

Carmen好用推薦：收到＠cosme 寄出的贈品，多謝先。試用左黎上妝，覺得呢個粉底液同我用開果啲無太大分別，普通遮暇做到，不過唔係太遮到暗瘡印。價錢尚算ok, 都算多個粉底液嘅選擇.

Steph好用推薦：已經用咗起碼三支，試過用粉紅色亦都試過用偏黃嗰隻色，其實兩支都可以單刷。佢嘅妝感10分透薄，有少少遮瑕，但係唔會好誇張嗰種，所以我都好鍾意。 唯一覺得佢冬天可能真係太薄，會有少少乾。如果夏天用就真係好Perfect。之前喺香港用晒想買另一支，佢話冇晒貨唔會再出，但係喺京都都會搵到，希望佢會一直keep住出呢一支foundation。

Kura好用推薦：呢一款粉底液嘅質地偏厚身，遮瑕度偏高，搽上臉打造歐美妝容非常適合

Juneman好用推薦：不過不失，與Pro filt'r soft matte longwear foundation 混合使用，剛剛用第一轉有驚艷過，但再回購使用，發現夏天好易容妝，一到下午飯後脫妝得好誇張。