皺紋 推薦好用產品

Fng好用推薦：OLAY 第五代超紅瓶面霜｜ 混合偏乾肌的冬日勝肽抗老之選✨ OLAY呢罐第五代超紅瓶，絕對係近期開架抗老面霜嘅CP值頂流！尤其係新升級嘅勝肽配方，喺乾燥嘅香港冬天，為混合偏乾肌帶嚟驚喜💫 🧬 成分亮點解析 新一代超紅瓶最大突破係加入「蛋白網重構科技」，搭配7重王牌勝肽組合，包括類肉毒肽（乙酰六肽-8）阻擋動態紋、信號肽刺激膠原增生。仲有5%高純度煙酰胺（維他命B3），抗氧提亮同時鞏固肌底膠原。最驚喜係加入南法白鑽松露，將修護力拉滿，成分直逼貴婦級配置。 🍦 質地與膚感 呢罐面霜有分滋潤版同輕潤版，混合偏乾肌喺冬天用滋潤版就啱啱好！質地似軟滑乳酪，推開瞬間化成水膜，吸收快得嚟零黏膩。潤而不油，上臉後有種緊緻感，後續上粉底唔搓泥，連鼻翼兩邊都唔會卡粉。 ❄️ 冬日實測紀錄 ▸ 保濕力：有混乾皮用家實測，喺冷氣房或乾燥環境下，保濕效果可以撐足8小時，面珠墩無繃緊，T位亦唔會泛油光 ▸ 緊緻效果：用咗兩個星期，法令紋變淺、蘋果肌嘭起，下顎線都明顯清晰咗，素顏出街都被問係咪做咗醫美 ▸ 妝前急救：厚敷3分鐘再上妝，粉底貼服到好似第二層肌膚，全日唔卡粉 ⚠️ 使用注意 雖然滋潤版對混合偏

Paris merci 好用推薦：OLAY推出新嘅滋潤版紅金面霜，質地比之前soft cream更為滋潤，主打「塗抹式類肉毒肽」。 面霜質地輕盈而柔滑，搽完之後有一種好舒緩嘅覆蓋感，不會覺得厚重。面霜容易推開，用完之後面部皮膚即刻有種柔軟同飽滿嘅質感。 呢款滋潤版更適合乾性皮膚或者老化皮膚。如果皮膚有甩皮用呢款可以修復得更加快。混合性皮膚用返Soft cream會比較好。 用呢款面霜最好夜晚用，而且可以以份量取多按摩，有助拉jawline，下巴線條變得明顯。整體肌膚更加有光澤，特別是嘴角位置，看起來緊緻平滑，冇咁顯老。 以Olay 萬寧開架牌子嚟講，做到呢個效果整體都算好優秀，可以說是推薦購買的面霜💕 #火熱新品

Poyobb好用推薦：冬季護膚❄️ 雖然我混合性皮膚面部，唔需要過分滋潤保養，但眼部因為多年化妝，眼底都有乾紋，所以眼部我偏向會用一啲可以去問或者更滋潤嘅眼霜。Clarins Double Serum Eye眼部雙萃同double serum一樣水油雙管共存，搽油上眼好似好油，用後意外地清爽同適合！ 兩邊精華分別係為保濕清爽水性精華，另一邊則是修護輕盈油性精華。混合之後質地似水感乳液，容易吸收不會感到粘膩，用咗一段時間都起麥粒腫👍🏻 佢可以令到眼部嘅皮膚夠滋潤，全晚都好足夠。其實佢嘅Double Serum都好好用，我已經買咗好多次，但Double serum eye係第一次用，用完覺得眼睛嘅皮膚係夠保濕，而且啱啱好。長期用係可以去乾紋，要用足夠份量，但其他去黑眼圈效果就一般。 對我成日化妝嘅人嚟講，係可以keep到眼部冇咁容易出乾紋。冬天用嘅滋潤度幾好，我未試過夏天用唔知會唔會過油。

Fng好用推薦：混合偏乾嘅熟齡肌對眼部護理真係又愛又恨🤨——怕油膩出粒粒，但又唔夠保濕會出乾紋！Clarins呢支Double Serum Eye（網上俗稱「眼部雙萃」）主打水油雙管齊下，用後感竟然出奇地清爽又夠力😍！ ✨質地與設計： 雙管設計好貼心～一管係清爽水性精華（保濕），一管係輕盈油性精華（修護），按出嚟後自己混合。質地輕薄如水感乳液，推開瞬間吸收，唔會黏眼皮或令眼周負擔沉重。夏天用完全冇油膩感，亦唔會引致油脂粒🤩！ ✨效果評價： 保濕度絕對夠用！就算喺冷氣房瞓足8小時，第二朝眼周都冇繃緊感，乾紋有即時柔化效果✔️。用咗兩星期後，覺得眼周皮膚更飽滿，上遮瑕膏都冇再卡粉～至於去黑眼圈同緊緻效果❓️網上評價就好兩極：有人話熬夜後眼冇咁殘，但對深色色素型黑眼圈就唔算明顯；緊緻效果要長期用先見到分別。 ✨適合邊類人？ 尤其怕厚重眼霜嘅人，呢支水油平衡做得幾好✅️。極乾眼周可能冬天要疊加其他產品。 缺點： 價錢偏貴💲💲💲（但用量省，一泵夠雙眼），同埋如果追求強效去紋可能要靠醫美🤫🤫🤫🤭。 總括：一支滿足保濕+輕抗老需求！ 清爽得嚟又夠潤，夏天眼霜首選！

Miranda好用推薦：【質感】 首先講質地。佢係白色嘅輕身乳液狀，流動性算高，推開嗰下好順滑，上面之後輕拍幾下就吸收晒，皮膚表面會留低一層薄薄嘅滋潤感，但又完全唔會覺得黐立立或者油淋淋。 佢嘅質地真係好輕薄，無論夏天定冬天用都唔會覺得有負擔。呢點係我幾鍾意嘅——因為我以前用過某啲抗皺精華，質地好厚好杰，用完之後塊面好似有一層嘢封住咁。但呢支完全冇呢個問題，用完之後皮膚仲係好透氣。 佢嘅包裝係滴管設計，每次唧出嚟嘅份量啱啱好，一兩滴已經夠全面。味道方面，佢有淡淡嘅香味，似係護膚品嗰種清新味，聞落都幾舒服，唔會太濃。 【使用感】 呢個位係我覺得「有好有唔好」嘅地方。好嘅方面，佢嘅 「即時保濕效果」 係有嘅。用完之後皮膚變得柔軟水潤，洗完面嗰種繃緊感即時消失。佢嘅質地輕薄得嚟又有基本嘅滋潤度，對於混合肌嚟講係幾討好嘅。 佢嘅 「溫和程度」 都算唔錯。我用咗大約一個月，完全冇過敏或者刺痛嘅情況。佢嘅成分似乎對敏感肌都算友善，如果你本身皮膚容易敏感，呢支應該都接受到。 不過，佢嘅 「淡紋效果」 我覺得只係一般。官方話可以淡化眼下紋同法令紋，但我用咗一個月之後，額頭同虎紋嘅細紋冇明顯改善。佢做到嘅嘢，其實一

Hoikiki好用推薦：Olay ProX（俗稱小黑瓶）最近真係好hit，我自己都用過兩支，以下係真實用後感，俾你參考下（混合偏油肌，少少暗粒）： 質地 & 吸收（滿分） 真係「水水地」嘅流動質地，一搽上面秒吸，完全唔立黐黐。香港夏天用都零負擔，油肌/混合肌會愛上。 效果（視乎膚質） · 去暗粒／平滑肌膚：內含高濃度煙酰胺（B3），用大約一星期，下巴同額頭嘅粒粒明顯平滑咗，摸落去滑溜咗。 · 毛孔細緻：有收斂效果，但唔會話零毛孔咁誇張，係視覺上乾淨咗、冇咁明顯。 · 美白淡印：呢個要俾啲耐性，用曬一支會覺得整體膚色均勻咗，紅印褪得快啲，但唔會白幾度。 注意⚠️（好多人中伏） · 一定要建立耐受：第一次用或有少少「吉吉哋」、泛紅係正常，頭幾日要隔日用，搽之前一定要拍多啲化妝水打底。 · 搓泥問題：如果配搭含高分子膠嘅精華/面霜，或者用手「捽」得太耐，會起擦膠碎。正確係輕拍按壓吸收，之後等陣先上面霜。 性價比 & 回購 價錢親民過專櫃好多，功效對得住個價。如果你係B3新手，呢支係好好嘅入門版。但如果你對B3已經免疫，或者想強效淡斑，就要升級揀更高濃度。 總結廣東話一句： 「平平哋，當日常打底精華絕對收

Miranda好用推薦：【質感】 雙管設計超級有驚喜，一邊係水溶性精華，另一邊係油溶性精華，唧出嚟係水+油分開兩條，但用手一推就已經融合變成一種好輕盈嘅乳液狀。上面之後感覺好水潤，但完全唔會油淋淋或者黐立立，皮膚好快就吸收晒。最正嘅係佢嘅滋潤度啱啱好，冬天用夠潤，夏天用又唔會覺得焗。而且佢有淡淡嘅花香，聞落好舒服，每次搽都好似喺屋企做緊SPA咁放鬆。 【使用感】 呢支精華主打修復同抗老，成份入面有結合咗21種高效植物萃取，包括起絨草、七葉樹等。我用咗大約兩星期左右，已經明顯感覺到皮膚變得好柔軟、好飽滿，之前因為捱夜而顯得暗啞嘅膚色，都變得有光澤咗。最驚喜嘅係佢嘅修復能力，有次我皮膚敏感泛紅，照常搽佢，第二朝起身泛紅已經退咗好多。佢仲可以幫手淡化乾紋，眼底同額頭嘅細紋望落平滑咗，上妝都貼服好多。我自己係混合肌，T字位易出油，但用佢完全冇生暗瘡或者塞毛孔嘅問題，水油平衡做得幾好。 【持久度】 持久度方面，朝早搽完到晏晝，皮膚仲Keep到水潤同彈性，唔會一陣就打回原形。夜晚搽完，第二朝起身塊面摸落柔軟飽滿，好似飲飽水咁。長期用落去，皮膚嘅穩定性明顯提升咗，就算轉天氣或者捱夜，都冇咁容易突然爆瘡或者泛紅。對於成日要

LUK WAI PING好用推薦：【水油黃金比例】CLARINS 嬌韻詩 黃金雙激萃（輕盈版）試用體驗！ 一直很想試試看大名鼎鼎的 CLARINS 黃金雙激萃，這次開了輕盈版的試用裝，用完真的很驚艷！ 雖然它是水加油的雙質地，但這款輕盈版在臉上推開後吸收速度非常快，完全不會有黏膩或厚重的油悶感，在夏天使用也完全沒有負擔。擦完後皮膚會呈現一種非常健康、細ซ์的透亮光澤感，保濕度在冷氣房裡剛剛好。 連續用下來感覺皮膚的水油平衡變好了，摸起來變得滑嫩有彈性，粗糙感減少了很多。是一支兼具抗老與清爽感、會讓人想入手正裝的優秀修護精華！

ying好用推薦：✨ CLINIQUE 激斗注膚嬰細精華 (智慧修護科研精華) 用完真係有細緻左皮膚‼️ 暗粒都少左‼️ A醇新手必收 用完之後： ▸ 皮膚摸落去滑咗 ▸ 毛孔細緻咗 ▸ 整體膚質提升咗 ▸ 望落乾淨咗、精神咗 ✅ 暗粒都少左 呢個係驚喜！ 暗粒（封閉性粉刺）係好難搞嘅嘢， 好多產品都搞唔掂。 但呢支精華用完之後， 暗粒真係少咗， 皮膚平滑咗好多。 ✅ 質地清爽易吸收 精華質地，好輕盈， 上臉好快吸收，唔笠。 用完之後唔會黐立立。 ✅ 新一代A醇，溫和不刺激 傳統A醇好多人都會刺痛、脫皮， 但呢支用咗新一代A醇配方， 敏感肌都用得。 用完唔會紅，唔會痛。 ✅ 改善光澤感 用完之後皮膚有自然光澤， 唔係油光， 而係「皮膚好健康」嗰種光澤。 ✅ 適合早晚使用 唔使就住就住， 早晚都用得， 好方便。 ⚠️ 注意： 第一次用A醇嘅人， 建議都係先試吓皮膚反應， 雖然溫和，但每個人耐受度唔同。 日間用記得要做好防曬。 #CLINIQUE #激斗注膚嬰細精華 #嬰細去紋精華 #A醇新手入門 #細緻皮膚 #暗粒少左 #溫和不刺激 #敏感肌可用 #會回購 #skincare #hkb

Una好用推薦：Smart Clinical Repair Wrinkle Correcting Serum 激光活膚緊緻精華 溫和居家抗老：不用做侵入式醫美，居家塗抹就能維持類激光緊膚效果，風險低、價格比醫美療程划算。

MoonMoon好用推薦：EXILIR幹細胞膠原年輕緊緻精華（我用咗約一個月，混合肌，少少敏感），真實用後感： --- 質地＆吸收（滿分5⭐） · 流動性高：似稀身乳液，一推開就變水狀，完全唔笠。 · 吸收極快：捽兩圈已吸晒，皮膚表面即時滑咗，但唔係假滑嗰種。 · 氣味：幾乎冇味，得少少原料味，敏感鼻都接受到。 --- 用後即時效果 · 保濕度：夏天夠力，冬天乾肌可能要加多層保濕精華。 · 亮澤感：捽完塊面即刻望落飽滿咗，有輕微「漲卜卜」嘅錯覺，毛孔視覺上細咗少少。 --- 持續用一個月嘅轉變 · 緊緻度：下顎線條冇鬆到，但未至於V面，似「塊面實淨咗」。 · 乾紋：眼底同虎紋位，上粉底時卡粉少咗，幼紋淡咗約3成。 · 彈性：按落去塊面回彈快咗，尤其蘋果肌位置最明顯。 --- 缺點／注意位 · 搓泥風險：如果之前用太多精華水，或者後續面霜太厚，會少量搓泥，建議每步隔1分鐘先捽。 · 價錢：專櫃價偏貴，建議日系藥妝店折扣時入手，或者買細支裝試先。 · 敏感肌：我冇紅冇癢，但若果你對發酵成分敏感，建議試喺耳後先。 --- 回購意願：★★★★☆（4星） 適合追求穩定、保濕、初老預防嘅人，效果唔

Emily Leung好用推薦：真心講，我皮膚係混合偏乾，T字位少少油但兩頰乾到會緊。呢排轉天氣，塊面仲有啲暗沉同粗糙，上粉底會卡粉嗰隻。用咗ELIXIR支幹細胞膠原年輕緊緻精華大約一個月，早晚都用，每次兩泵，可以講吓真實感受。 質地： 佢係偏向乳液狀嘅精華，流動性高，好易推開。一掂到皮膚就溶咗入去咁，唔油膩，但又有種好實在嘅滋潤感。最鍾意佢吸收之後，塊面係滑捋捋，唔會痴笠笠，之後再搽面霜都完全冇負擔。 效果（最驚喜部分）： 用到大概第10日，我發覺兩頰嘅毛孔細緻咗，尤其係化妝嗰陣，粉底貼服好多，冇再出現一撻撻嘅乾紋。用到第三個星期，最明顯係個輪廓線！平時影相要就角度，而家側面睇，下顎線條係實淨咗，冇咁鬆，有種「收緊」嘅感覺。鼻翼兩旁嘅暗粒都平滑咗，皮膚整體望落有光澤，係由內滲出嚟嗰種透亮，唔係死白。 缺點： 老實講，價錢係偏貴，同埋佢嘅緊緻效果係溫和漸進型，唔會話用兩三日就V面，想快見效嘅可能會失望。另外，如果妳係大油肌，夏天用可能覺得太潤，建議減到一泵就夠。 總結： 我會歸類佢為「輕熟齡肌入門級抗老精華」，尤其適合開始覺得塊面有啲下垂、膚質粗糙嘅朋友。佢唔係猛藥型，但用一個月後，皮膚嘅穩定度同飽滿感係睇到嘅

Miranda好用推薦：【質感】 Elixir呢支高純維A重點膠原抗皺霜，我第一下打開蓋就俾佢嘅質感吸引住。佢係柔滑軟綿嘅乳霜狀，觸感豐厚但奇妙地一啲都唔黏笠。用手指輕輕掂起，霜體有種好實淨嘅存在感，唔似流質到會滴出嚟，但推開嗰下係超級順滑，延展性好高，真係只需一粒珍珠嘅份量，已經夠晒搽晒全臉嘅紋路位置。吸收速度非常快，上面之後皮膚表面唔會殘留油膩感，而係形成一層輕薄柔軟嘅保護膜，清爽得嚟又有恰到好處嘅滋潤度，呢種恰到好處嘅平衡感，絕對係高端抗皺產品先做到嘅本事，難怪會成為近期討論度爆燈嘅 #火熱新品 。 【使用感】 使用感可以分成初用同長期用兩個階段嚟講。首先呢支霜最大嘅賣點，係蘊含咗日本厚生勞動省唯一認證可以有效改善皺紋嘅「純粋レチノール（純視黃醇）」成分，佢嘅功效係用科學實證出嚟。好多怕A醇刺激嘅朋友聽完可能會卻步，但佢嘅設計好體貼，說明書清清楚楚指導頭兩星期每隔2至3日先喺夜晚用一次，等皮膚慢慢適應，之後再逐漸增加到每晚用，完全唔需要心急。我作為一個之前未接觸過高純度維A護膚嘅人，跟住呢個指引用咗一個月，期間完全冇出現脫皮、泛紅或者刺痛。上臉時好溫和，輕輕按摩喺虎紋、眉心紋、眼尾呢啲表情紋重災區，感覺

Jenny Fu好用推薦：超級好用，效果明顯！ 好驚喜，本身眼尾有少少紋 鼻樑有條幾明顯既紋 見到竟然有支cream係有埋日本政府認可 又唔係好貴，諗住試下 點知！ 勁work, 做眼霜一流 夠潤又唔會生油脂粒 去紋效果好好！ 已經用緊第二支，去日本必買補貨！

Fng好用推薦：OLAY 新生高效緊緻精華水（大紅瓶精華水）用後感——熟齡混合偏乾肌嘅「平價抗老泵水神器」 💧✨ 我係熟齡混合偏乾肌，成日覺得塊面暗啞乾燥，但又怕用太潤嘅護膚品會「漿住」塊面。呢支OLAY大紅瓶精華水（150ml / 約HK$184-259） 🧴 質地：清透水感，秒速吸收 · 質地係流動性極高嘅透明水狀，比一般化妝水有輕微嘅精華感但一啲都唔「杰」 · 上面輕拍兩下就完全吸收，清爽唔黏笠，零油膩感 · 用完皮膚即時有飲飽水嘅柔嫩飽滿感 · 香港潮濕天氣用，完全冇負擔，夏天都覺得清爽 🔬 成份與功效：平價都有專櫃級抗老配方 · 黃金抗老胜肽（Pepetide）：3X促進膠原增生，撐起彈性蛋白 · 高純度菸鹼醯胺（Niacinamide / B3）：+55%保護肌底膠原，提亮膚色去黃氣 · 四大補水成分（泛醇、多元醇、尿囊素等）：深層補水鎖水 · 無酒精、無色素，敏感肌都用得 ✨ 用後感：一個月後皮膚明顯「發光」 · 去黃提亮：用咗一個星期，皮膚暗啞黃氣明顯減退，膚色均勻咗 · 毛孔細緻：第二個禮拜開始，毛孔望落整齊細緻咗 · 緊緻彈潤：皮膚變飽滿，摸落有彈性，連法令紋都有輕微淡

mysecretgarden好用推薦：呢支精華水完全唔係我諗嗰種杰撻撻嘅精華質地。倒出嚟係好似水咁，流動性超高，仲要係透明冇色嘅。慣倒啲喺手心，然後直接按上塊面度。佢真係吸收得好快，基本上你按多兩按，捽多兩下，已經完全食咗入皮膚度，冇嗰種黐立立或者好似有層薄膜咁嘅感覺。成個過程好乾爽，但同時你又會feel到塊面係飲飽水，摸落去好軟熟。對於驚黏膩嘅人嚟講，真係一流，亦都唔驚太焗會生粒粒。朝早趕住出門口，啪咁一層上去，再搽防曬都完全冇問題，唔會搓泥。  我皮膚比較容易敏感，所以換新產品嘅時候都要小心處理。我特登查過佢個成分表，係冇加酒精同香料嘅，我用落都冇咩敏感嘅情況 。 我用咗之後，最大感覺係之後再搽面霜，吸收得好咗。朝早起身，塊面依然keep到水潤，冇之前咁易出油 同埋摸落去，有種飽滿咗嘅感覺。至於抗皺呢啲長遠功效，就要再睇耐啲先知。 如果你係追求快吸收、水感、同溫和嘅，真係可以一試。以咁嘅價錢，有咁嘅質地同保濕力，性價比幾高。當然，冇得拎佢同千幾蚊嘅專櫃品牌比較啦。但作為一支日常打底、基礎保濕兼帶點抗老功能嘅精華水，佢絕對合格。

Sanna Cher好用推薦：帖文是@cosme 試用活動。 產品是乳霜質地，綿密度介乎輕盈和厚實之間，厚度適合四季使用。使用方法是抹塗精華後，劑出如上圖的份量，繼而使用帶有冰鎮效果的按摩金屬，將產品塗抹在眼周。 使用產品後的效果明顯，會見眼周有即時美白。使用眼霜後，皮膚觸感會帶有油性，感覺像是滋潤著被塗抹的位置，多於提供緊緻和彈性。除了淚溝，眼周暗沉的位置以及黑眼圈都有被照顧和提亮和減少了細紋。總括來說，使用產品的時間可以更長，以得到更佳效果。

JZ好用推薦：溫和A醇精華，長期用有效美白祛皺，因濃度較低不太會造成過敏反應

Eun H好用推薦：使用了 Helena Rubinstein 黑繃帶面霜 一段時間，質地偏滋潤但延展性很好。皮膚乾燥或狀態不穩定時用，修護和舒緩感覺不錯，第二天皮膚會比較柔軟穩定。不過對我來說稍微有點厚重，建議少量使用或晚上用會更合適。整體是一款修護力不錯的面霜。

Kmggigi好用推薦：HR Replasty 修復晚霜 — 高效修復，減淡泛紅細紋✨ 效果: 呢款晚霜嘅修復效果非常顯著， 使用後可以有效抑制泛紅同減淡細紋， 尤其適合需要修護嘅脆弱肌膚，幫助重建健康膚質。 雖然晚霜本身滋潤度唔錯， 但對於乾肌用家，如果皮膚屏障唔算好強， 建議搭配保濕精華一齊使用， 可以進一步改善乾燥問題，令修復效果更加全面。 總結：修復力一流，脆弱肌膚的完美選擇 HR Replasty 修復晚霜以強效修復力見稱， 能有效舒緩泛紅同減淡紋路， 對於需要修護嘅肌膚非常適合。 如果你係乾肌，用前搭配精華使用， 就可以更好發揮晚霜嘅修復力量，絕對值得一試！

Sanna Cher好用推薦：帖文為 @cosme試用活動。 產品是凝膠質地的精華液，每次使用是注滿吸管的容量。方法是先將精華液倒在掌心，延伸至雙手掌心的位置，然後將掌心輕輕按摩全面，令精華液覆蓋全面。 經13日試用後，得出以下結果。基乎是每次使用後，必然達致美白和緊緻的效果。 膚色在每次使用後，會出現透紅，而絕不是泛紅的效果，感覺更有氣息。皮膚觸感在使用後會更顯彈性，同時不會太黏稠。 保濕度方面不算極高，但由於產品已明顯滿足美白和緊緻的要求，保濕方面可透過乳霜或其他護膚程序完成。總括來說，是有明顯提升肌膚狀況，同時感覺高級的護膚品。於我而言，產品對肌膚的最大改變，是未上妝已達致均勻膚色的膚質👍👍

jhope0725好用推薦：AHC呢個牌子向來同我都幾夾，旗下出好多產品對於我嘅皮膚都算頗有功效，幾吸收。今次呢個系列嘅精華同面霜及眼霜，有好多韓星幫佢做代言，所以最初吸引咗我眼光。 同埋呢個系列主打醫美效果，亦都令我想嘗試只係用塗抹形式嘅產品，對比其他有做醫美嘅朋友，效果係如何？ 最初見其他網友分享，都會擔心對油性皮膚嚟講負擔太重，。結果用起上嚟，佢質地嚟講係相對厚潤嘅精華液，流動性唔算太強，相對杰身。不過就算我係油性皮膚，使用都冇大問題，沒有出現痘痘粉刺情況。 佢雖然杰，但延展性好，我嘅皮膚大概2至3分鐘可以完全吸收，所以比較建議呢個質地嘅精華喺晚上使用。否則返工前唔夠時間俾佢吸收。 由於頸紋係我比較關注嘅身體紋路，所以特別買呢個系列嚟希望改善頸部皮膚。 即時使用完，效果唔算太明顯，頸部色素不均同頸紋仍然存在。唯獨見到即時保濕，所以肌膚亮度稍微提升。 使用一個月之後，效果就相對顯著。 見到頸部皮膚有緊致左，頸紋有改善情況，頸部肌膚保濕度提升，整體效果不錯！ 不過我自己對香味較為敏感，雖然唔會引致皮膚狀況，不過唔算特別喜愛香氣太強嘅產品，呢個系列所有產品都有頗重香味，可能對於韓國人嚟講比

Miranda好用推薦：【質感】 首先講質地。佢係白色嘅輕身乳液狀，流動性算高，唧出嚟會喺手背流動嗰種。推開嗰下好順滑，上面之後輕拍幾下就吸收晒，皮膚表面會留低一層薄薄嘅水潤感，但又完全唔會覺得黐立立或者油淋淋。 呢種輕薄嘅質地我好鍾意。佢唔似某啲修復精華咁，用完之後塊面會有一層嘢封住；亦都唔似某啲太清爽嘅產品咁，用完之後好似冇搵過嘢。佢嘅滋潤度係啱啱好嘅，無論夏天定冬天用都唔會覺得有負擔。 味道方面，佢有fresh招牌嘅清新草本香味，聞落好舒服，有種「天然護膚」嘅感覺。每次用嘅時候都覺得好放鬆，呢種「護膚儀式感」係幾加分嘅。包裝係泵裝設計，每次唧出嚟嘅份量啱啱好，一泵已經夠全面，乾淨衛生又唔會浪費。 【使用感】 呢個位係我最滿意嘅部分。佢嘅 「穩定皮膚效果」 真係做得好好。用咗大約兩星期之後，我發現皮膚嘅泛紅明顯減少咗，以前成日都會有少少紅卜卜嘅位置，而家望落均勻咗好多。佢嘅火山茶成分似乎有抗氧化同舒緩作用，可以令皮膚冇咁容易受刺激。 佢嘅 「保濕效果」 都係我好欣賞嘅。用完之後皮膚變得柔軟水潤，洗完面嗰種繃緊感即時消失。而且佢嘅保濕係持久嗰種，唔係用完當下覺得水潤，過一陣就打回原形。 佢仲有

Desse好用推薦：上個月去fresh補貨，撞正品牌送sample活動❤️ 可以慢慢試，好正❤️❤️❤️ 今次先介紹～ Fresh Tea Elixir Serum⭐️ 💓有效成分： APT茶複合物 - 改善肌膚紋理 煙醯胺 - 均勻膚色 五千道爾頓玻尿酸 -深層保濕 神經醯胺 - 修護肌膚屏障 ⭐️同時具備多重功效結合，主攻保濕、修護同提亮 實試驗驗🧏🏻‍♀️🧏🏻‍♀️🧏🏻‍♀️ 大約用咗4包～12日 💡質地 質地係輕盈嘅乳液狀 好容易推開而且迅速被吸收，使用後肌膚柔滑不黏膩，仲帶有淡淡青草茶香，感覺清爽又舒緩😌 💡適用膚質 適合多種膚質，包括敏感肌！ 我做完醫美後泛紅同敏感狀況明顯改善 皮膚變得更有光澤 💡功效 用咗3日後，原來嘅泛紅感覺減退咗 10日左右會見到細紋減淡咗，臉上有水潤感💓 總結嚟講🧏🏻‍♀️🧏🏻‍♀️ Fresh Tea Elixir 是一款集保濕同修護功效於一身嘅精華，特別適合敏感肌或者醫美療程後用⭐️ 如果budget許可，建議一試❤️

Kitty 好用推薦：一打開係白色cream狀，質地幾豐潤，似豬油膏，但推開唔會黐笠笠，吸收得幾快。幾乎無咩氣味，冇加香料，聞落幾安心。 💆‍♀️上臉感受： 我係混合肌，T字位油、兩邊乾。用咗之後覺得皮膚即刻有啲潤潤哋，但唔會悶痘。夜晚用第二朝起身，塊面摸落去幾軟滑，有種膨潤嘅感覺。 🌟效果重點： 最明顯係法令紋同嘴角紋！堅持用三四個禮拜，發現啲乾紋真係淺色咗，尤其上粉底冇再卡紋～塊面睇落冇咁下垂，有微微緊緻感。抗老效果唔算即時魔法，但持續用真係有分別！ ⚠️注意位： - 如果你係極油皮膚，可能冬天用會啱啲。 - 價格真係唔平，但一罐都幾耐用，每次唔需要搽好多。 總結： 價錢的確肉赤，但考慮到佢同貴婦級面霜比都已算白菜價，而且用料幾足，有30%抗老成份玻色因！我覺得投資得過～尤其係皮膚開始有歲月痕跡嘅姊妹，值得試吓！

Kit wong好用推薦：之前聽人講過SKINCEUTICALS呢個品牌好用，但無研究過或用佢啲產品，今次第一次用呢隻面霜，好有驚喜！！ 先講下佢個質地係比較特別的，同市面一般乳狀或水凝狀面霜都唔一樣，一時三刻諗唔到似咩質地🤔 但一啲都唔笠，好快滲透。呢個面霜嘅吸收速度，應該係我用嘅面霜當中數一數二最快的，真係毫無殘留感但滋潤感又夠力，前排天氣好乾，塊面都仲係keep住好水潤保濕！ 質地使用感當然緊要，但最緊要都係功效。我想講呢隻抗老面霜，係堅有用！！因為我用左10幾日後，發現額頭嘅抬頭紋、眉間嘅皺紋、法令紋都有減淡‼️ 特別係眉間嘅皺紋，因為我由細到大都會皺眉頭，所以皺紋已經好耐了，睇落去個人成日都好唔開心咁，估唔到佢有減淡嘅一日🥹🥹感動！ 另外，我都發現到下巴鬆馳位置有變緊緻。皮膚本身有啲粗糙都變滑左，塊面好明顯因為滑左所以識反光左。真係真係有減齡feel，好勁‼️ 最後仲有一個bonus，就係之前我用一隻好貴嘅美白精華，但用親都起粒粒（唔知係咪美白精華濃度太高太刺激），搞到我唔敢用，之後我轉左用SKINCEUTICALS 面霜之後，皮膚好似健康左，於是再試下用返嗰隻美白精華，日日用都無再起粒粒🥳

Chloeincosme好用推薦：因為發現眼角同法令紋開始有細紋，加上轉季皮膚乾到脫皮，所以買咗 肌研呢枝緊緻塑顏精華。質地係清爽透明乳液狀，推開後吸收得幾快，完全冇傳統抗老產品嘅油膩感～ 🤍 抗皺效果：4/5 用咗半枝，眼周細紋有淺化，尤其上妝後冇再卡粉，法令紋都冇咁明顯！ 🤍 保濕力：4/5 保濕力秋天算足夠，冷氣房瞓醒皮膚都唔會繃緊 🤍 緊緻感受：3.5/5 朝早起身塊面浮腫情況有改善，下巴線條睇落精神咗，不過效果唔會好持久。 查左一查，呢枝精華如果係日頭使用，用後必須加強防曬🧐 總結： 呢支抗皺精華係個穩陣嘅入門選擇！特別適合剛開始抗老、怕油膩又容易敏感嘅肌膚。雖然唔會即時變V面，但保持到皮膚水潤同彈性，以開價品來講已經交足功課～會繼續用落去觀察效果！

Fng好用推薦：肌研HA SUPREME緊緻塑顏精華｜混合偏乾肌嘅「平民抗老」驚喜 肌研呢支精華（二百頭嘅價位）sell平民價錢、貴婦功效 配方 •5種透明質酸：由表面到底層層補水，仲有得捉水 •膠原蛋白+煙酰胺：一個撐起彈力，一個提亮膚色 •無香料酒精：抵讚！敏感肌都玩得 同OLAY新生高效系列比，肌研呢支補水更落力；同The Ordinary buffet系列比，佢就溫和同有效好多！ 夏日使用： 1. 全臉一泵已經夠，唔好貪心唔係會黐立立 2. 搓熱手心先按上臉，吸收快一倍！ 3. 敷面膜前打底用，效果即刻升級 用後感： 第一次用嗰陣覺得質地幾得意，係清爽透明乳液，推開後吸收得幾快，冇平時抗老精華嘅油膩感。用咗兩星期，最明顯係朝早起身塊面冇咁浮腫，下巴線條好似sharp咗少少（可能係心理作用？）。不過要讚係保濕力夠曬，冷氣房瞓醒都唔會乾到繃緊！ 溫馨提示： ✨記住頸都要搽，唔係塊面緊緻條頸出賣年齡 ✨如果想效果更好，可以搭配按摩 ✨朝早用完一定要塗防曬 總結： 一支抵玩又多功能嘅入門抗老精華！特別適合剛開始抗老、又怕產品太潤嘅混合肌姊妹。雖然唔會用完變V面，但作為日常保養，keep住皮

Emily Leung好用推薦：Avene 細胞激活緊緻精華 使用心得 先講句公道說話：呢支精華唔係打針，唔會用完第二日即刻變後生五年，但用落會覺得塊面「硬淨」同「飽滿」咗。 我係30頭嘅混合肌，開始留意到蘋果肌冇以前咁脹、虎紋有啲陰影、輪廓好似冇咁分明。見到Avene呢支主打「細胞激活」同「抗衰老」，價錢喺專櫃精華嚟講算中價，就買嚟試咗一個半月。 質地 & 使用感 佢係白色乳液狀，唔係流質嗰種，比一般精華杰身少少。但推開好滑，吸收速度中等，查完塊面會有層好薄嘅保濕膜感，唔黐立立，亦唔會起擦膠碎。 最怕抗老精華太潤搞到出暗粒，好彩呢支冇。我用喺爽膚水之後、面霜之前，日頭用都冇問題，後續上防曬同粉底唔會打架。 用後感（用咗約6星期） 頭一星期：冇乜特別感覺，淨係覺得保濕幾好，冷氣房瞓醒塊面都仲係軟腍腍。 第二星期開始：摸到塊面滑咗，特別係下巴同腮位嗰啲粒粒有少少平滑咗。 一個月左右：見到個變化—皮膚望落「厚淨」咗。平時朝早起身塊面會扁扁地、有啲暗啞，而家會見到有自然光澤，唔係油光嗰種。虎紋位置有少少漲返，唔係消失，但冇咁凹。化妝時粉底貼好多，尤其係蘋果肌嗰忽，明顯冇咁易浮粉。 最驚喜係皮膚狀態穩定咗

Kelvin好用推薦：Avene最新出咗幾支精華，一支係保濕，另一支係B3，仲有支好似抗敏，枝枝都睇落差唔多。 一樣都係泵頭，擳出嚟精華流質。透明用手推開或滑滑地，吸收完之後會有一層保護膜喺皮膚上面。B3依支主打緊致去皺紋，精華無太大Avene味，可接受。除咗維他命B3之外，添加透明質酸。 用落佢去紋方面不太大效果，感覺好似同保濕精華差唔多，但係就冇保濕精華嗰支咁黏笠，不過皺紋呢啲其實好難用精華去到，對我嚟講冬天嚟講會幾啱可以keep住用，可以抗老預防皺紋，質地適合。

jhope0725好用推薦：感謝 @cosme 的試用機會~ 自從年紀漸大，眼睛附近肌膚開始見到細細條魚尾紋。加上工作作息不停時，色素容易積聚，形成眼周局部地區出現黑色色素，感覺膚色不均勻。 長期望電腦，用眼過度，導致以往豐盈飽滿嘅臥蠶以及眼睛周邊肌膚略見鬆弛。雖然我知道眼霜緊要，但因為使用過好多產品都容易出現油脂粒，變咗會逃避使用眼霜。 對我嚟講，一支真正有效，以及有專業保養成份嘅眼霜十分重要。 呢支Nivea細胞激活抗皺緊致修護眼霜，唧出嚟見到白色膏狀，但一推開質地就好容易吸收，唔係好似普通啫喱咁清爽，但對眼周圍肌膚絕對唔會造成負擔，連續使用14日並冇出現油脂粒。一支夏天使用都唔會形成油脂粒嘅眼霜，已經足以吸引我連續使用落去。 從圖片見到，塗抹完畢，即時見到肌膚細紋被撫平，眼周肌膚保濕度提升，我關注嘅色素問題都即時見到有緩和。呢支產品嘅即時效果有令我驚喜！ 使用時候，我會配合按摩手法，將眼睛周邊，和嘴唇周邊肌膚向上提拉，由於產品質地易推，就唔會怕按摩期間形成更多皺紋。 連續使用14天，效果就更顯著。 為咗做個更好比較，我拍攝時候選擇面帶笑容，希望觀察眼尾情況。 雖然魚尾紋仍然存

Fanfanmorning好用推薦：好開心可以收到NIVEA【CELLULAR EXPERT FILLER 細胞激活抗皺緊緻修護眼霜】試用活動，雖然話眼睛係靈魂之窗，但我成日都唔記得用眼霜，眼下的細紋越嚟越明顯，尤其化妝之後，一乾就現晒出嚟。之前有用過Nivea其它款的眼霜，感覺良好，所以好期待今次的試用。 睇睇用之前的相，相信大家都見到眼下面兩三係明顯到爆的眼紋。而且我勁鍾意大大力捽眼，捽到條紋越嚟越深。捽到平時keep住眼周覺得好乾好繃緊。ELLULAR EXPERT FILLER 細胞激活抗皺緊緻修護眼霜細細支15ml，但每次用一粒豆的份量，15ml都可以用好耐。眼霜有三大重點成份，分別係高濃度透明質酸、葉酸（即維他命B9）同膠原Booster，加埋一齊可以激活細胞，活動肌膚自我更新，促進膠原蛋白同透明質酸增生。同時深度滋潤眼周肌膚，高效緊緻抗皺，達到提升眼周彈性，撫平細紋。 之前用過專櫃眼霜，試過太清爽或者太油。CELLULAR EXPERT FILLER 細胞激活抗皺緊緻修護眼霜質地適中易推，搽上眼係好舒服柔滑的感覺，唔會太清楚或油膩，唔怕出油脂粒。搽完即刻覺得眼周肌膚無咁繃緊，仲可維持全日。 試用嘅呢兩星期

Jeniel好用推薦：HR呢支極光精華，質地似乳液咁，推開好絲滑，吸收之後塊面係有種高級嘅光澤感，唔係油光，係好似皮膚底層透出嚟嘅光咁。用咗一排，最明顯係膚色均勻咗，冇之前咁暗啞，尤其熬夜後塊面都唔會睇落灰灰沉沉。 保濕度好好，秋冬用都好夠力，皮膚摸落去飽滿咗。缺點係真係幾貴，用嘅時候有啲肉赤。 如果budget夠又想對自己好啲，呢支真係幾正既

Fng好用推薦：HR 全效極光煥采精華露（小露珠）熟齡混合肌夏日奢華修護之選 HR呢支小露珠絕對係貴婦級別嘅水油雙重精華露！同其他高機能化妝水（如SK-II神仙水、La Mer修護精萃液）相比，佢贏在獨家水包油質地——肉眼見到金黃露珠粒子，推開瞬間化水，滲透力極強，用完皮膚即刻飽滿透光✨ 熟齡混合偏乾肌夏天用超驚喜：膚感清爽零黏膩，但保濕力可持續8小時，面珠墩明顯嘭潤，T位亦無泛油。相比神仙水偏乾、La Mer較潤膩，小露珠完美平衡水油，仲帶淡淡高級花香。長期用膚質更細緻穩定，毛孔同暗沉有改善～ 唯一缺點係價錢進取，但用量省，兩泵已夠全面。追求極致修護同儀式感嘅值得投資！ 推薦給：✔️ 熟齡肌需要水油同補 ✔️ 追求奢華護膚體驗 ✔️ 夏天想用清爽但高效打底！

Poyobb好用推薦：冬季護膚❄️ 精粹水treatment lotion 質地水潤，因為我係混合性皮膚我好少用啲偏厚身嘅，呢支差唔多係唯一一兩支會用，重要厚得嚟唔會起暗粒。保濕好又吸收得快。用落會發現，除咗維持皮膚穩定之外，皮膚有變得更加光澤同水潤，仲有助減少乾紋同細紋🥰 好乾燥嘅日子，用少少Treatment lotion就足夠，在搽返少少La cream，上妝就已經好貼服。無論係日常或者急救用，個效果都好好。 用落真係會有感覺唔同，不過就偏貴啲，但值得投資。

Miranda好用推薦：【質感】 呢支肌底修護液嘅質地好特別，佢係水狀但又帶少少絲滑感，倒出嚟好似流動性好高嘅精華水，唔會太稀唔會太杰。推開嗰下感覺到佢好柔潤，上面之後輕拍幾下就迅速吸收，皮膚表面會留低一層好薄好薄嘅水光膜，完全唔黏笠，亦唔會焗住皮膚。佢嘅觸感好舒服，好似皮膚即刻飲飽水咁，但又唔會好似有層嘢封住。對於後續護膚品嘅吸收，有明顯嘅促進作用。 【使用感】 呢支修護液係洗面後第一步用，官方建議倒喺手心再輕拍上面。我鍾意佢嘅泵頭設計，一泵份量啱啱好，乾淨衛生。用完之後，皮膚即時變得柔軟、飽滿，繃緊感完全消失。最驚喜嘅係佢嘅舒緩效果，我本身皮膚間中會泛紅同敏感，用完之後泛紅明顯減退，有種「飲飽水」嘅鎮靜感覺。佢唔單止係普通嘅保濕水，仲可以幫後續嘅精華同面霜「開路」，用完佢再搽其他產品，感覺滲透得快好多，護膚品好似發揮得更好。持續用咗兩星期，皮膚嘅穩定性提高咗，冇咁易出粒粒或者忽乾忽油。 【持久度】 持久度方面，佢嘅保濕同舒緩效果唔係曇花一現。朝早用完，到晏晝皮膚依然保持水潤，唔會乾到繃緊。夜晚用完，第二朝起身皮膚狀態好好，摸落柔軟有彈性。就算喺冷氣房訓覺或者返工，都唔會覺得水分被抽乾。而且佢對敏感

Tszki好用推薦：精華呈淡黃色乳液或輕薄水狀，流動性佳，好推且迅速吸收，不黏膩。香味普遍被認為是偏濃但可接受的淡香。 香味較濃敏感肌可能產生感敏反應！建議先做皮膚測試。 連續使用7天後肌膚已有變化和改善，肌膚除咗變得水潤光澤、飽滿通透，整體暗啞的膚質透亮了不少，而細紋、乾紋、皺紋等都有減淡，摸上肌膚更有彈彈的柔嫩感覺，成個輪廓都有向上拉提緊緻了不少，望落去比以前更飽滿年輕呢！ 另外我間中都有化妝嘅習慣，但係發現使用後上妝後比較以前更貼服，沒有出現卡粉嘅情況，亦都唔會起屑，反而係感覺好透亮。 適逢現在很乾燥嘅天氣下，送俾大家一個護膚步驟小帖士，建議使用方法先用爽膚水，再用細胞激活三區提拉緊緻精華，然後再用比較滋潤嘅面霜，對於上妝甚至乎一晚後肌膚都會有明顯嘅改善喔，咁好嘅產品十分推介比大家用喔❣️