HELENA RUBINSTEIN

全效極光煥采精華露 (小露珠)

一直都好期待使用老牌子Helena Rubinstein的產品，感謝@cosme 給予機會試用 Helena Rubinstein小露珠精華露 和黑繃帶面霜🙏🏻，一時候真的會愛上💕，分享一下使用21日後的用後感。 「小露珠」真的很適合乾皮使用，平常我沖完涼出來皮膚都比較乾，由露珠微囊組成的小露珠包住每粒精華，倒在掌心，然後輕輕按壓於面上，由額頭開始往下按至面部及頸部。質地上臉潤而不油，吸收好快，不會覺得油膩，還能為肌膚即時補水，用後有即時提亮的效果。第二天起床，臉摸上去是嫩嫩的。 總結：開頭我是單獨使用小露珠的，已經見到皮膚用後非常通透，其後我就配合黑繃帶面霜一起使用。效果我會在黑繃帶面霜那邊詳細分享。非常推薦各位姊妹一齊見證Helena Rubinstein小露珠精華露的神奇功效👍🏻。 Helena Rubinstein小露珠精華露 一瓶濃縮三步護膚程序及功效 一瓶三效➡️滋養補水、煥活澎彈、抗氧透亮 三重雪絨花萃取物高效配方，完美融合精華級水油比例
1. 精華水：喚醒肌底細胞 提升後續護膚功效
2. 精華液：深層修護 煥現彈嫩透亮光澤
3. 精華油：高效鎖水 24小時保持肌膚水潤

HR呢個歷史悠久嘅貴婦品牌，一直都大獲好評，但係一直都唔捨得入手。今次見到有得試用精華露同修復晚霜，當然即刻要抽啦！「小露珠」精華露係一支濃縮曬精華水、精華液同精華油既護膚品，聲稱可以一次過做到滋養補水、煥活澎彈同抗氧透亮。倒出嚟質感介乎於好濃潤嘅化妝水同精華之間，雖然係偏流質，但可能因為有精華油成份，推開之後依然感覺到好滋潤。我平時用佢嗰陣，就咁單用佢之後就上面霜，滋潤度好足夠，唔需要再疊加其他精華。搽完佢之後已經覺得塊面緊致咗，同埋面色提亮左。用咗佢七日之後，我覺得細紋係改善咗少少嘅，其他功效就冇覺得有特別明顯改善。我亦都試過喺敷面面膜之前使用精華露，我覺得佢提升咗之後面膜嘅吸收度。所以整體嚟講呢支精華囉係我會想自購嘅產品。

聽聞咗Helena Rubinstein 呢個牌子一段時間，今次好幸運得到@cosme 嘅試用品俾我試一試HR嘅威力。 今次試用嘅係HR嘅全效極光采精華露，即係俗稱小露珠，產品外觀方面真係人如其名，好似一粒粒露珠咁呈現喺樽身裡面，而倒上手之後嘅有別於其他精華露有機會遇到嘅黏黏笠笠感覺，反而俾我感覺係有啲似厚身卸妝油，小小杰，但仍然可以流動嘅狀態。 而我本身皮膚比較乾，有時候洗完面就要9秒9搽上精華、面霜等，否則，臉好快就會有硬崩崩嘅感覺。而由第一日開始使用，洗完面，將小露珠倒喺手心，然後捽下佢加熱，然後就由額頭向下，輕按到頸，再用手按壓全面。塗完嘅感覺好舒服，好似好快就被皮膚吸收，但表面又唔會覺得好油，又或者好乾咁，感覺好水潤，而且就淡淡香味，好fresh。用左幾日之後，洗完面無再擔心臉會龜裂，而且經歷過好乾燥嗰幾日，皮膚都無甩皮，因為用前遇著乾燥天氣，我鼻翼位置都常會有甩皮情況，明顯地，皮膚好似飲飽咗水咁，保濕情況真心不錯。

最近，我有機會試用Helena Rubinstein既兩款產品： Prodigy Cellglow Serum同埋Replasty Age Recovery Night Cream。呢兩款產品都令我留下左深刻既印象，希望同大家分享一下 ! 我的皮膚屬於混合性肌膚，平時兩邊面頰容易變得較乾燥，但T-zone卻容易出油。首先頭7日，我只係單用Prodigy Cellglow Serum ，已經能令我感到皮膚變得滋潤而不膩(T-zone不油)、七日後慢慢亦發現整體皮膚光滑了。到了第八天開始，我就加埋「黑繃帶」Replasty Age Recovery Night Cream一齊用，睇下效果會唔會更好。近日天氣又轉凉了變得乾燥，我發現「黑繃帶」效果能令我既皮膚在睡夢中亦能得到充分的修復和滋養。重點是連T-zone位置也不會因太滋潤而泛起油光！來到今天已是第二十一天試用，似乎一些輕微細紋亦減淡了，皮膚既彈性亦增強了。 總括而言，呢兩款產品都為我帶來很好的體驗！對於正在尋找保濕和抗老化產品既朋友，我強烈推薦呢兩款產品！#HelenaRubinstein #ProdigyCellglow #Rep

咁次有幸試用結合三種功能嘅精華露，淡淡嘅雪絨花香味，平時護膚習慣都會加精華油，哩個質地潤唔會好立黐黐 ，好快就吸收哂，宜家只要搽一種就做到補水重明顯見到有光澤。自己再配合左booster pro一齊用，一個星期後睇到眼底嘅細紋同木偶紋有減淡左 毛孔都有收細左啲。 之後又做左次美容機，因為皮膚都會比較乾 同小小浮紅。夜晚配合用埋黑繃帶晚霜將小露珠混合埋一齊，整體更容易吸收😳減低左皮膚好缺水嘅感覺，都有降紅效果。 整體都覺得唔錯可以入手。

HR呢支極光精華，質地似乳液咁，推開好絲滑，吸收之後塊面係有種高級嘅光澤感，唔係油光，係好似皮膚底層透出嚟嘅光咁。用咗一排，最明顯係膚色均勻咗，冇之前咁暗啞，尤其熬夜後塊面都唔會睇落灰灰沉沉。 保濕度好好，秋冬用都好夠力，皮膚摸落去飽滿咗。缺點係真係幾貴，用嘅時候有啲肉赤。 如果budget夠又想對自己好啲，呢支真係幾正既

HR 全效極光煥采精華露（小露珠）熟齡混合肌夏日奢華修護之選 HR呢支小露珠絕對係貴婦級別嘅水油雙重精華露！同其他高機能化妝水（如SK-II神仙水、La Mer修護精萃液）相比，佢贏在獨家水包油質地——肉眼見到金黃露珠粒子，推開瞬間化水，滲透力極強，用完皮膚即刻飽滿透光✨ 熟齡混合偏乾肌夏天用超驚喜：膚感清爽零黏膩，但保濕力可持續8小時，面珠墩明顯嘭潤，T位亦無泛油。相比神仙水偏乾、La Mer較潤膩，小露珠完美平衡水油，仲帶淡淡高級花香。長期用膚質更細緻穩定，毛孔同暗沉有改善～ 唯一缺點係價錢進取，但用量省，兩泵已夠全面。追求極致修護同儀式感嘅值得投資！ 推薦給：✔️ 熟齡肌需要水油同補 ✔️ 追求奢華護膚體驗 ✔️ 夏天想用清爽但高效打底！

非常感謝@cosme邀請我使用 Helena Rubinstein既小露珠精華露! 只要有呢枝精華露係手，就等於一次過用晒精華水、精華液、精華油，簡化咗成個護膚程序，做到補水、煥膚、透亮三大效果。 倒上手偏流質既感覺，洗完面之後先用手心輕微搓熱，再輕拍上面，即時滋潤面部肌膚，水油配合得非常好，潤得黎又唔會黏立。 用咗2個禮拜，明顯見得到法令紋同嘴旁木偶紋減少左，皮膚都pom pom 水潤左，就算呢排氣溫驟變，皮膚既狀況都保持穩定，唔會泛紅同甩皮。 各位想改善肌膚狀態既mm，大推呢款三合一精華露🫶🏻

🤍Helena Rubinstein「小露珠」精華露🤍 先多謝cosme送咗呢個機會 等我可以試到呢個貴婦品牌嘅小露珠❤️ 呢個產品推銷點係： 滋養補水、令肌膚澎彈感、抗氧透亮 以前護膚我一向好少用「油」嘅產品🤣 今次小露珠其實係用咁濃縮三步程序，當中有齊精華水、液、油，從而追求融合精華級嘅水油比例！ 我就跟咗指引連用7日🤌🏻 而小露珠嘅質地就取決水同油！望落壽好似好多油份，但其實我覺得佢好聰明，唔會整得太rich，所以佢一啲都唔會傑！而係水為主，所以係勁好吸收。 不過佢明顯帶香味，如果易敏感嘅朋感覺可能要覺試用係其他皮蛋位置喇🥶 而用後感就係頭幾日無咁明顯，但第4/5日我覺得乾紋係少左，都少咗鼻翼位嘅少甩皮問題。🥰 透亮同皮膚彈性就暫時不見有進步住！就睇下之後加埋另一個產品效果會唔會做得更好😗

好開心今次抽中左Helena Rubinstein嘅小露珠。識呢個牌子嘅人一定會識得黑繃帶，小露珠我係第一次接觸，上臉效果已經非常驚豔。 我本身係沙漠肌，尤其呢幾日氣溫急降，我嘅皮膚水份都跟住一齊急降，所以每次沖完涼就即刻用佢做第一層保濕，明顯感覺到皮膚即刻冇咁繃緊！ 小露珠既質地流質唔粘，但神奇地上臉又唔會好做吸收晒，會有種水膜係皮膚既感覺。 之後做返日常保濕routine, 保濕效果比平時更long last🥹 我會回購呢枝小露珠，對沙漠肌黎講太友善了！

HR 既小露珠實在係神級精華露，我不嬲都極度鍾意呢個牌子，平時一路有用佢嘅爽膚水同埋黑繃帶，效果都好好👍🏻 今次第一次試到佢嘅小露珠精華露，一搽上塊面吸收得超好，質地潤而不膩，用咗一段時間，明顯見到啲細紋少咗，緊致度提升咗，皮膚飽滿又有彈性😄😄😄 最緊要係我有配合埋個黑繃帶晚霜去用，更加提升咗個效果💗💗💗 我剛剛不久前做咗個超聲刀提拉療程，呢一個月一直使用呢個精華露再加黑繃帶，療程後嘅修復亦大有幫助👍🏻👍🏻👍🏻👍🏻我絕對會繼續支持呢個品牌😊😊😊

今次得到@cosme 的Helena Rubinstein「小露珠」精華露 及 黑繃帶晚霜試用😚😚 試用完21日，分享下用後感先🤣 質地： 小露珠精華質地比較清爽，帶有少少油潤嘅感覺。搽上面都超快吸收，同埋因為有精華油成分嘅關係，所以都keep到個補水度。尤其啱啱洗完面好繃緊嘅話，揸完之後都有水潤潤嘅感覺。 效果： 由於一直都有皮膚泛紅，同埋嘴角木偶紋嘅困擾。喺體驗第14日嗰陣已經覺得泛紅嘅問題得到處理，而木偶紋亦都變得淺咗。 而且皮膚嘅質地更加有彈性，亦都少咗出現敏感嘅情況。至於緊致度就會喺搽完21日嘅時候見到一個顯著性嘅改變，尤其額頭嘅凹陷，都有好似緊致返，都少咗抬頭紋。

多謝cosme比我有機會試用Helena Rubinstein嘅「小露珠」精華露同黑繃帶晚霜。一直都好想試佢地的product, 今次試到，完全係被驚艷到！ 「小露珠」嘅質地真係好特別，好水好輕薄，味道清香，上臉之後，竟然變成一個保護罩咁，幫我鎖住水份，完全唔會痴立立，零負擔！用咗一個星期，皮膚保到水，連暗啞嘅情況都有改善，膚色都比較透亮。 但最神奇的係重要係，加幾滴「小露珠」落黑繃帶晚霜一齊用，效果真係有1+1>2嘅感覺，保濕度再上多幾個level，完全係黃金組合。平時做完Hi-Fu都會有啲位特別敏感，但今次做完Hi-Fu就係混合咁樣用，皮膚不單無敏感，唔刺激，而且仲好滋潤，真係好神奇！ 成個感受可以用一個字總結：滿意！

今次好榮幸被抽選試用Helena Rubinstein既產品，今次試用既係俗稱小露珠既精華露同黑繃帶面露。 講下小露珠既質地先，佢入面有一粒粒既小精華咁，倒出嚟係雙手之間輕輕搓熱再搽上塊面，即時感覺好滋潤但又唔會好膩，輕輕拍兩拍就吸引哂！！塊面唔會覺得好油膩，睇我兩張相。 第一張係before第二張係用左小露珠7日後既after，明顯見到啲斑淡左啲同埋虎紋都淡左，7日就有咁既效果，勁到我依家已經買左支正貨準備之後用😂大力推薦！

我最近試用了全效極光煥采精華路露。這款產品質地輕盈，迅速被肌膚吸收，沒有黏膩感。使用後我的肌膚明顯感到水潤，用了約兩星期肌膚看起來比之前光滑細緻 Before&After照