HELENA RUBINSTEIN 好用推薦產品

Eun H好用推薦：使用了 Helena Rubinstein 黑繃帶面霜 一段時間，質地偏滋潤但延展性很好。皮膚乾燥或狀態不穩定時用，修護和舒緩感覺不錯，第二天皮膚會比較柔軟穩定。不過對我來說稍微有點厚重，建議少量使用或晚上用會更合適。整體是一款修護力不錯的面霜。

Kmggigi好用推薦：HR Replasty 修復晚霜 — 高效修復，減淡泛紅細紋✨ 效果: 呢款晚霜嘅修復效果非常顯著， 使用後可以有效抑制泛紅同減淡細紋， 尤其適合需要修護嘅脆弱肌膚，幫助重建健康膚質。 雖然晚霜本身滋潤度唔錯， 但對於乾肌用家，如果皮膚屏障唔算好強， 建議搭配保濕精華一齊使用， 可以進一步改善乾燥問題，令修復效果更加全面。 總結：修復力一流，脆弱肌膚的完美選擇 HR Replasty 修復晚霜以強效修復力見稱， 能有效舒緩泛紅同減淡紋路， 對於需要修護嘅肌膚非常適合。 如果你係乾肌，用前搭配精華使用， 就可以更好發揮晚霜嘅修復力量，絕對值得一試！

Jeniel好用推薦：HR呢支極光精華，質地似乳液咁，推開好絲滑，吸收之後塊面係有種高級嘅光澤感，唔係油光，係好似皮膚底層透出嚟嘅光咁。用咗一排，最明顯係膚色均勻咗，冇之前咁暗啞，尤其熬夜後塊面都唔會睇落灰灰沉沉。 保濕度好好，秋冬用都好夠力，皮膚摸落去飽滿咗。缺點係真係幾貴，用嘅時候有啲肉赤。 如果budget夠又想對自己好啲，呢支真係幾正既

Fng好用推薦：HR 全效極光煥采精華露（小露珠）熟齡混合肌夏日奢華修護之選 HR呢支小露珠絕對係貴婦級別嘅水油雙重精華露！同其他高機能化妝水（如SK-II神仙水、La Mer修護精萃液）相比，佢贏在獨家水包油質地——肉眼見到金黃露珠粒子，推開瞬間化水，滲透力極強，用完皮膚即刻飽滿透光✨ 熟齡混合偏乾肌夏天用超驚喜：膚感清爽零黏膩，但保濕力可持續8小時，面珠墩明顯嘭潤，T位亦無泛油。相比神仙水偏乾、La Mer較潤膩，小露珠完美平衡水油，仲帶淡淡高級花香。長期用膚質更細緻穩定，毛孔同暗沉有改善～ 唯一缺點係價錢進取，但用量省，兩泵已夠全面。追求極致修護同儀式感嘅值得投資！ 推薦給：✔️ 熟齡肌需要水油同補 ✔️ 追求奢華護膚體驗 ✔️ 夏天想用清爽但高效打底！

Calvin好用推薦：黑繃帶眼霜同晚霜一樣有30%高濃度專利玻色因，因此用後皮膚潤滑，黑眼圈亦有所減淡。唯獨價錢太過進取，預算充足者可入。

Kitty 好用推薦：終於意識到用HR綠寶瓶嗰陣，我塊面皮比起以往任何時候都穩定。。。本身作為A酸同果酸愛好者，爛面泛紅經常發生，再加埋屏障脆弱之後，氧化暗沉又嚟層層加，就咁樣泛紅同暗沉反反覆覆。。。。 都唔係冇試過各種抗氧精華同修護面霜，但唔係太猛太刺激就係太厚太焗太笠，成日覺得有種治標唔治本嘅感覺，就冇一隻夠抽HR綠寶瓶嘅，用完塊面即刻就唔紅唔敏、舒舒服服，跟住越嚟越光、越嚟越嫩，用咗大半支落嚟成塊面變得水潤又穩定、細膩又乾淨，皮膚質感正到照鏡會上癮。 畢竟對我哋呢啲脆皮嚟講，敏感泛紅同氧化暗沉就係個死循環，你個屏障好脆弱好易泛紅，外界氧化刺激同臭氧污染又加劇咗呢一點。。。因為氧化壓力產生嘅自由基會破壞細胞功能，細胞更加容易受刺激著火，進一步促進更多嘅活性氧產生，有啲似皮膚裡面自帶咗一大堆bug代碼，補咗東牆漏西牆，呢樣亦都係點解好多修護精華面霜效果有限嘅關鍵原因。 所以可以同時搞掂刺激泛紅同氧化暗沉嘅綠寶瓶，遇到就好好珍惜啦，確實由用料去到效果都可以同其他牌子拉開一大截差距，精挑細選咗布列塔尼海岸生命力頑強嘅海茴香、用尖端細胞萃取技術將癒傷組織細胞嘅能量榨取乾淨，上面就可以修護受損細胞、加強細胞連

Bubu黃好用推薦：我自己係油性肌膚，用落覺得好 OK，香味係草本植物既味道🌿，水乳質地好輕薄、吸收快，夏天用嚟穩膚、收斂泛紅都好啱心水，唔會悶出暗瘡。唯一缺點就係貴同埋貴😂😂 但我乾性肌膚嘅朋友就話依家夏天喺冷氣房用佢『完全唔夠滋潤』，鎖水力唔夠，塊臉好快繃繃緊，所以我唔推薦乾肌買～‼️

JuneL好用推薦：眼霜質地乳白色的凝乳狀, 質感輕盈, 不黏膩, 延展性很好! 配合眼霜全新採用的按摩塗抹器, 打圈按摩數回, 已經被肌膚完成吸收, 而且使用時更會感到冰涼感覺, 令按摩同時更能有效舒緩眼部浮腫, 十分方便! 

Miranda好用推薦：【質感】 一唧出嚟係透明嘅水狀精華，流動性極高，倒上手背會跣走嗰種。佢完全冇貴價精華嗰種黐立立或者油膩感，上面之後輕拍兩下已經秒速吸收，皮膚摸落軟軟嫩嫩，好似飲飽水咁。帶有淡淡嘅植物清香，聞落好舒服安心。最正嘅係後續疊加面霜都完全唔會擦膠碎或者搓泥，夏天用零負擔。 新版PRO配方含有高達2億顆海蓬子植物幹細胞，比舊版濃縮咗14%，仲加入咗強效抗氧化嘅依克多因（Ectoin）同埋舒緩鎮靜嘅紅沒藥醇（Bisabolol），可以激活防禦屏障、改善肌膚瑕疵。 【使用感】 呢支精華最犀利嘅地方係佢嘅「SOS急救修復」能力。官方數據話佢可以做到30分鐘快速褪紅77%，我親身試過幾次塊面泛紅敏感，厚敷一層，半個鐘左右泛紅明顯退咗好多。捱夜爆痘、生理期冒閉口嘅時候，持續用幾日，紅腫痘會慢慢謝返。 最驚喜嘅係長期用落去，會感覺到皮膚屏障明顯變厚變強韌。以前轉季成日敏感泛紅，用咗之後穩定咗好多。就算捱夜，第二朝起身塊面都唔會暗沉垮臉。有啲用家甚至形容佢係「一夜回春」嘅神器，真係冇誇張。 【持久度】 持久度方面，佢嘅舒緩同穩定效果唔係曇花一現。朝早用完到晏晝，皮膚依然Keep到水潤穩定。夜晚用完

Hamiii好用推薦：呢支好早前用過 諗住用慣左sk2 不如轉下 但效果唔太理想 Texture比起其他精華水厚身 要d時間吸收 我用完會出油🙂‍↕️ 唔太岩我

Poyobb好用推薦：用法全面薄薄地敷5-10分鐘，用少少水打濕面部，於鼻翼額頭下巴等毛孔粗大位置再按摩2分鐘，然後沖洗乾淨。敷完之後直接茶返日常護膚品就可以，建議可以加強保濕💧 洗乾淨之後，全面都好滑溜，有點煥然一新嘅感覺🥰好似所有污糟嘢都洗走晒，而且膚色係明亮咗。因為呢款係淨化修護面膜，而家夏天可以每星期使用一次。我會喺皮膚爆瘡或者出暗粒嘅時候特別鍾意使用，連敷幾日，感覺暗粒會快啲謝，而且暗瘡傷口係快好曬。佢唔會令到你啲黑頭消失，但可以令皮膚少啲出油，同時深層清潔到你啲皮膚，毛孔冇咁易積聚污糟嘢👍🏻 對比都係清潔面膜既白泥，用完白泥之後會令皮膚好乾燥，皮膚會泛紅，非常刺激強烈。HR依款面膜相對較溫和，但啱啱茶面膜上面都帶啲刺激感覺，唔建議敏感皮膚/皮膚薄嘅人士使用。

Kelvin好用推薦：塗抹式面膜，淡黃色乳霜，敷完會深層清潔毛孔。 官方用法塗上面後待10分鐘，先輕按摩至完全吸收(不用沖洗) 然後將多餘面膜抺走，再進行晚間護膚程序便可以！ 出嚟嘅效果係超級刺痛，用完塊面會泛紅。用1-2分鐘已經好唔舒服，但我嘅皮膚又唔係特別敏感！功效完全看不見！

YY好用推薦：Helena Rubinstein植物幹細胞再生面霜 HR有支好出名嘅綠寶瓶，呢罐係同一條line嘅綠寶瓶面霜，主打賣點修復肌膚、改善粉刺痘痘、補水保濕。 綠寶瓶面霜質地係淡黃流質，上咗面好似有層油cover住，吸收好慢，感覺岩乾肌用多啲。至於修復屏障和改善粉刺效果都唔覺。 其實綠寶瓶系列依條line專for油性肌用。但油肌性更加唔鐘意依鐘又滑油油既感覺，搽完面好耐都有一種油膩喺表面嘅感覺。 最重要係佢明明係day cream，但用完再上base會搓泥，搞到我要卸晒重新化過！ 有人話敏感用完第二日好返，但我未試過咁情況 冬天保濕效果ok，其他功效未見，都係鐘意黑白繃帶多啲，用完超嫩滑🌟

JuneL好用推薦：面霜質地呈白色的乳霜狀, 質感軟滑, 易推開! 肌膚狀態好時, 其實用量不需太多, 但當肌膚乾燥時, 可多用份量, 再配合按摩手法, 令肌膚容易吸收外, 更能快速回復潤澤飽滿! 

Noel好用推薦：這枝致命誘惑睫毛膏，只係見到個名，已經知道非同小可啦😂 其實這枝就係蟒蛇睫毛膏，包裝方面，就如品牌一貫作風，採用了金屬外殼，這枝沒有拉絲質感，不過，就配上緊密的蛇皮花紋，超細緻❗ 使用後，睫毛捲曲度能夠 hold 一整日，絕不下塌👍感覺就同豹紋睫毛液相近！不過，蟒蛇這一枝，濃密效果會更明顯，雙眼電力 UP⏫ 加上HR 睫毛液的配方神奇，即使多塗，都對眼皮沒有負擔，感覺輕盈❣ 而且，睫毛刷的設計都比較獨特，有點像眼鏡蛇的形狀，上下較窄，中間比較闊，並且微微彎曲。塗抹沒有困難，亦不易沾到皮膚😍 這枝我很喜歡使用，感覺比豹紋睫毛液更易用啊❣不能比滿分，全因價格並不親民~

keinice好用推薦：效果非常濃密，而且可以保持睫毛的彎度 ，但價錢比較貴 ，而且睫毛膏是要經常更換的，性價比不高。

Noel好用推薦：作為 HR 睫毛液的超級粉絲，必定要試試這枝眼部卸妝液💙 與市面上的眼唇卸妝液非常相近，都是分了水油兩層，不過 HR這枝多了清新花香。使用前 shake shake 混合就 ok~ 這個卸妝液油份比較重，卸除防水眼線及睫毛液時，感覺更容易。絕對可以減少卸妝棉與眼周皮膚及睫毛的磨擦 👍 除了卸妝力強之外，清水沖洗就能帶走油份，不會殘留在眼周，非常好用啊❣即使卸妝時滲入眼晴，都沒有感覺不惜，配方溫和。 缺點方面，一定是價格太高了，貴婦才能負擔啊… 所以我會選購套裝產品，睫毛液加送這枝眼部卸妝，感覺會划算一點☺️