HELENA RUBINSTEIN

全效極光煥采精華露 (小露珠)

HR呢個歷史悠久嘅貴婦品牌，一直都大獲好評，但係一直都唔捨得入手。今次見到有得試用精華露同修復晚霜，當然即刻要抽啦！「小露珠」精華露係一支濃縮曬精華水、精華液同精華油既護膚品，聲稱可以一次過做到滋養補水、煥活澎彈同抗氧透亮。倒出嚟質感介乎於好濃潤嘅化妝水同精華之間，雖然係偏流質，但可能因為有精華油成份，推開之後依然感覺到好滋潤。我平時用佢嗰陣，就咁單用佢之後就上面霜，滋潤度好足夠，唔需要再疊加其他精華。搽完佢之後已經覺得塊面緊致咗，同埋面色提亮左。 用咗佢七日之後，我覺得細紋係改善咗少少嘅，其他功效就冇覺得有特別明顯改善。 我亦都試過喺敷面面膜之前使用精華露，我覺得佢提升咗之後面膜嘅吸收度。所以整體嚟講呢支精華囉係我會想自購嘅產品。