HELENA RUBINSTEIN

REPLASTY 修復晚霜 (黑繃帶晚霜)

HR呢個歷史悠久嘅貴婦品牌，一直都大獲好評，但係一直都唔捨得入手。今次見到有得試用精華露同修復晚霜，當然即刻要抽啦！我本身對於呢個鼎鼎大名嘅修復晚霜抱有好高嘅期望，但是試用完之後我就覺得同我所期望嘅有少少落差。首先講吓佢嘅質地，睇落佢好似雪糕嘅質地，就咁單搽上面都幾易推開。對於中性膚質嘅我嚟講，我覺得夠滋潤嘅，但我相信對乾性肌膚嘅朋友嚟講就會差少少啦。用咗佢兩個星期，除咗滋潤以外，我冇特別覺得皮膚有太大改善。不過佢聲稱有效用於美容療程後修復，但我自己就冇做美容療程習慣，所以就評價唔到啦。
除咗單用，我都有配合埋佢嘅「小露珠」精華露一齊使用，但發現如果直接將精華露同面霜混合，佢哋兩者唔係好混合得好，面霜會變得難推開 ，所以都係分開用上面比較適合。
整體嚟講，我覺得HR既精華露係非常之推薦嘅，相反修復晚霜可能要用再長一段時間先見到效果，如果你係搵緊一款適合美容療程後用嘅面霜都可以試吓嘅。