雪絨花 推薦好用產品

Jeniel好用推薦：HR呢支極光精華，質地似乳液咁，推開好絲滑，吸收之後塊面係有種高級嘅光澤感，唔係油光，係好似皮膚底層透出嚟嘅光咁。用咗一排，最明顯係膚色均勻咗，冇之前咁暗啞，尤其熬夜後塊面都唔會睇落灰灰沉沉。 保濕度好好，秋冬用都好夠力，皮膚摸落去飽滿咗。缺點係真係幾貴，用嘅時候有啲肉赤。 如果budget夠又想對自己好啲，呢支真係幾正既

Fng好用推薦：HR 全效極光煥采精華露（小露珠）熟齡混合肌夏日奢華修護之選 HR呢支小露珠絕對係貴婦級別嘅水油雙重精華露！同其他高機能化妝水（如SK-II神仙水、La Mer修護精萃液）相比，佢贏在獨家水包油質地——肉眼見到金黃露珠粒子，推開瞬間化水，滲透力極強，用完皮膚即刻飽滿透光✨ 熟齡混合偏乾肌夏天用超驚喜：膚感清爽零黏膩，但保濕力可持續8小時，面珠墩明顯嘭潤，T位亦無泛油。相比神仙水偏乾、La Mer較潤膩，小露珠完美平衡水油，仲帶淡淡高級花香。長期用膚質更細緻穩定，毛孔同暗沉有改善～ 唯一缺點係價錢進取，但用量省，兩泵已夠全面。追求極致修護同儀式感嘅值得投資！ 推薦給：✔️ 熟齡肌需要水油同補 ✔️ 追求奢華護膚體驗 ✔️ 夏天想用清爽但高效打底！

Emily Leung好用推薦：The Body Shop 雪絨花抗氧活肌精華測評：平價抗氧精華定係伏？ 支裝設計幾靚，係按壓泵頭，衛生又容易控制分量。質地係半透明嘅啫喱狀，推開之後好水潤，吸收得幾快，唔會黐立立。 有陣好清新嘅花香味，唔會太濃，聞落舒服。搽上面個刻有少少冰涼感，幾適合夏天用！ ✅ 保濕度： 7/10 補水效果唔錯，油皮膚同混合肌應該會鍾意，但乾皮膚可能覺得唔夠潤。 ✅ 抗氧化： 6/10 用咗一排，覺得面色冇咁易暗沉，尤其係朝早起身塊面冇咁黃，但效果未算好明顯。 ✅ 清爽度： 9/10 真心清爽！搽完完全唔黏膩，後續搽防曬同化妝都冇擦膠碎。 我通常早晚都用，每次一泵就夠全面。記得要趁塊面仲微濕個陣搽，吸收得更加好！ ✨ 優點： · 價錢親民，初接觸抗氧產品嘅新手唔怕肉赤 · 質地清爽，油皮膚同後生肌啱晒 · 成分天然，有機雪絨花聽落都幾安心 ⚠️ 缺點： · 抗氧效果唔算明顯，要持續用先見到少少分別 · 保濕力唔算好強，乾皮膚可能要加多支保濕精華 · 功效比較基礎，熟齡肌可能覺得唔夠力 老實講，如果你expect佢有神奇嘅抗氧化效果，可能會失望。但作為一支入門級抗氧精華

Kitty 好用推薦：支精華質地係比較濃稠嘅，推開嗰陣感覺水潤，一上臉初時會覺得有好強潤澤感，但吸收一陣之後，就會覺得皮膚表面有少少黐立立，唔算好爽快。如果趕時間出門，可能要等多幾分鐘先好上其他保濕或者防曬，唔係會覺得有層膜喺面咁。 講到修復同保濕效果，我覺得係有嘅！尤其係夜晚用，第二朝起身皮膚會覺得軟熟咗，乾紋同暗啞都有少少改善，尤其係秋冬或者開冷氣瞓覺，佢嘅鎖水力都算合格。 不過個人嚟講，我真係唔太鍾意佢上臉之後嘅膚感……可能我本身怕黏膩，我比較鍾意吸收得快、清爽d嘅精華。呢支對我嚟講有少少重手，夏天用可能會覺得有負擔，冬天就可能接受到。 總括嚟講，如果你係乾性肌或者唔介意精華有少少黏，都可以一試；但如果你係混合性或者油性肌，又怕黐立立感覺，就可能要諗諗先入手啦～ 😌

Noel好用推薦：感謝 The body shop 店員熱心幫忙，購物時也不忘送我小禮物！這個雪絨花面霜呈白色，帶淡雅花香，霜狀，沒有流動性。質感很厚實，推開沒有困難，個人比較喜歡在手心搓揉，再用按的方式上面，這樣會更易控制上面份量👌 由於面霜 on the heavier side，所以我 prefer 留在晚上用～ 使用了五天左右，配合之前送我的雪絨花精華，皮膚很潤澤，補濕感深入肌底👍 早上醒來，皮膚會有薄薄一層油膜保護，乾肌喜歡這個感覺。

takemyokane好用推薦：專櫃購物獲贈。帶有淡雅花香，質地以 Cream 來說不會太厚，也不太粘膩。秋冬適用，但太冷太乾時應該不夠滋潤。

hellolulu好用推薦：BA極力推介有助抗污染、促進皮膚更生修復，但見有酒精、水楊酸和香料等敏感肌不友善的成分，安全為見先試用了幾包試用裝，確認沒有導致敏感和使用感不錯後，才自購了貨size (此為30ml，另有50ml裝會較抵)。 包裝簡潔，滴管能準確擠出所需份量。精華液呈透明，質地水潤，潔面後使用兩至三滴，按摩全面後再塗上面霜，暫時夏天初秋使用都夠保濕力。用了幾個月只用了約半瓶，都頗襟用。 使用數月以來感覺皮膚較穩定，即使日日戴口罩焗住皮膚亦比之前少了冒暗粒暗瘡，亦有朋友讚膚色望落較通透明亮，有動力繼續用😂

Kura好用推薦：有一段時間係瘋狂用呢款精華，質地好快吸收，好水潤，用完皮膚飽滿咗

TsuenMa好用推薦：#DIORSNOW Ultimate UV Shield SPF 50+ PA++++ #防曬 全年無休嘅課題之一，無論陰天落雨，定係室內活動，都會expose係UV之下，所以防曬更加specific應該要講係抵擋紫外線傷害皮膚。夏日，要同陽光玩遊戲就更加要做好保護！ 但係Dior呢款防曬未必岩香港濕悶嘅夏天，因為佢質地比較滋潤厚重，上左面就算等佢吸收晒，都有有少許焗住嘅感覺，對於我喜歡透薄清爽感覺嘅用家，撞過幾次板後就學識左呢枝吾會全面搽，只會用作第二層加強部分少許上面，或者係暗啞有色差，需要提亮嘅地方去上多薄薄一層，因為雖然呢枝有笠，但係佢提亮個part真係做得好好，用佢上完成塊面，都會白左一度，或者都可以就甘用完佢，上碎粉定妝同時減輕黏笠感就可以出街了。

Fish Tse好用推薦：防曬係每日出街前必需要用既產品，如果防曬力唔夠好易會令到皮膚出現雀斑 我之前未試過用Dior既防曬，但因我見佢既防曬防禦力好足夠而且有Dior獨有既香味聞落令我既心情較為愉快所以就買黎試下 Dior哩款防曬有SPF 50+ PA++++ 足夠我地對付紫外光以防佢地傷害幼滑既肌膚 哩款防曬係白色既延展性都好好，通常我會係面頰兩邊、額頭同下巴都搽上防曬然後向同一個方向即係由內到外搽，咁可以確保每一寸肌膚都有保護 可以單獨使用或者當妝前使用都得，我用完之後再上氣墊或者粉底液都冇打架既情況發生。單獨使用既時候我覺得有微微既光澤感，摸上面都唔會覺得黏黏地既感覺 唯一我覺得要改善既地方係樽身比較硬，用起上黎都要用d力先可以唧出嚟

Milo101好用推薦：🌟質地乳白色凝膠狀，推開按摩吸收，會有涼涼冰感，在夏天用尤其舒服 🌟涼感在塗後可以維持約十多分鐘 🌟用後有微微緊緻作用 🌟眼部較乾的我是當作眼精華用，外塗一層眼霜，才比較滋潤 #夏日必備保養

Tiffany好用推薦：質地light，搽上眼有少少冰涼，好舒服，配合按摩，眼部即時醒神唔少。好用。

皮皮爱马桶好用推薦：这瓶虽然倒出来是比较粘稠的手感，上脸很滑，但是干得也比较快，并不黏腻，不过秋冬的话还是需要搭配精华和比较润的面霜一起使用

kameari好用推薦：從家人裡得到的，質地都算清新嘅化妝水，肌膚有水嫩感，用後皮膚有光澤感都唔錯，未去到好好用但都可以。

wintonggg好用推薦：雪絨花day cream質地係乳狀，但搽上面都唔會笠！保濕度五分比三分，可能因為唔係主打保濕😂個人覺得似係修復性面霜，要長期用皮膚先會feel到慢慢冇咁暗沉，同埋我個人比較注重氣味，依款產品嘅味道都比較淡，唔會話好濃郁，所以都唔錯！用左好多，會回購！

Candy Ng好用推薦：收到開心的禮物🤭🤭 它是95%的成份是有機，希望應重新為我們的肌膚建立一個穩健的肌膚屏障。 而我用完之後，係覺得肌膚沒有因為天氣經常轉變，而有敏感情況發生。 上臉質地比較水潤，不是很多泡泡，覺得它沒有添加很多皂素入去，令臉部用完它洗臉後，有很緊繃的感覺。而且，潔淨程度不會因為它是gel 狀，而會好欠奉😌

wingshan1124好用推薦：用落有淡淡玫瑰香味，遮瑕度都ok，搽完塊面有光澤感，不過我有時嫌沾太多塊面會好似好膠好膠咁，多數會溝d爽膚水先搽，感覺會均勻同薄d，整體很滿意！