保濕碎粉 推薦好用產品

Ressie14好用推薦：#火熱新品 YSL新款恆時輕透保濕蜜粉！我終於等到你發售了！ 呢塊粉餅係我係直接買正裝的，參考過舊版粉質幼細，我諗新版只會升級而不會令人失望既。而且粉盒外貌好精緻～ 源用高訂皮革& 金色YSL CASSANDRE標誌設計，YSL fans 一看愛上！我選了 Shade 1 , 呢塊粉餅主力sell透明感，擦上臉蛋後有些少遮暇，有啞光柔霧妝效，臉蛋滑滑的歸功於佢「超微米」既粉末，即使全臉上粉整體妝容都唔厚重，當係蜜粉咁用，好清爽啊！另外佢嘅粉末有YSL花香味，使用時香味撲鼻，我本身沒有鼻敏感，對於香味可以照單全收的。 $525/8g 應該夠用一個夏天了～

Doris 好用推薦：Even Better™ Brightening Loose Powder 勻淨科研亮肌蜜粉，質感細緻，用落有小小涼浸浸嘅感覺，很舒服，也有輕微珠光效果，令肌膚更勻淨透亮。值得回購。

koko_wy_lo好用推薦：革命性採用3D柔滑貼膚粉末 加上修正膚色科技 全面掃上瞬間自動修正暗沉膚色☺️ 配合細緻珍珠粉末 塑造出猶如天生自然光感肌✨️ 有效柔焦瑕疵 妝容更持久立體精緻 長時間帶妝都可以保持健康透亮嘅奶油肌光澤😆 因為我自己屬於乾肌 平時對粉餅定妝補妝依賴度偏低 但佢嘅成份中特別添加咗洋甘菊同玫瑰油萃取 我依家經常都會用 因為佢超級輕透不留厚重粉感 又可以幫我持續為肌膚滋養保濕🥰

Ressie14好用推薦：大大罐, 日日都有使用, 定一定塗防曬後啲黏笠感+增加啞緻感。 有幼細的閃底唔誇張的, 粉質好滑 , 帶少少膚色自然提亮 ，只會吸收臉多餘既油光。 平日護膚程序後用透明防曬 + 碎粉, EXCEL蜜粉就係我用開既產品。 個人認為CP值高! 喺日本當地藥妝店買, 圍起港紙 >$120 , 20g 抵用。 用完會再買第二罐啊 :)

Tyc@@好用推薦：2024版 顏色啱啱好，有少少修飾作用但唔會顯得厚重 適合中性至乾肌 中性肌可以持妝到夜晚

Fng好用推薦：Cle de Peau Beauté 鑽光透亮蜜粉 有#1 Light同#2 Light Medium色號，我入手咗1 Light 全線最淺色，偏冷粉調 (Pink Undertone)，合適皮膚超白、冷底肌揀。佢貼近本身膚色，唔會面具感。上臉提亮明顯，帶粉嫩紅潤感，透明感強，想白裡透紅選light；追求「好似冇化妝」自然裸肌選light medium。 👀如果你係「白雪雪」冷底肌 → 1 Light（提亮+粉嫩感） 👀如果你係自然肌/黃調肌→ 2 Light Medium（均勻透亮） 新版 vs 舊版 Cle de Peau 呢盒 #碎粉 近年有升級配方， 我覺得粉質改進咗🥰 ✅️更幼！超微粒研磨，輕如煙霧 。 舊版已經好細，但新版再細多 20%+ ，上臉近乎零粉感，乾肌唔易卡粉。 ✅ 加強 #保濕，長時間帶妝都唔抽乾面皮 ✅ 「透光感」更細緻自然，似天生好皮 ✅️光澤靚偽素顏效果提升，毛孔柔焦力更強 ✅️ 格網可以分拆，可拎起洗淨，清潔度更理想 ☑️控油持妝 ⚠️ 依舊 輕度控油（非強效)，油皮夏天可能要補妝 香港夏天用後感: 混合肌 或 乾肌：新版 OK🥰 大油肌：

Sesame好用推薦：十分貼服的碎粉，又不會乾，又吸油！粉撲亦很舒服好用。

Fng好用推薦：Laura Mercier 柔焦保濕蜜粉 (Translucent Loose Setting Powder Ultra-Blur) 係一款好評極高嘅皇牌碎粉，主打「柔焦」同「保濕」。 ✨ 產品特點 · 柔焦零毛孔：粉質極細，上臉即時柔焦毛孔同瑕疵，打造「自帶濾鏡」嘅霧面妝感。 · 保濕不乾燥：加入透明質酸等護膚成分，多數用家實測保濕唔卡粉，乾肌都啱用。 · 輕薄貼服：唔含滑石粉，質感透薄自然，上臉無厚重面具感。 · 持久控油：官方指可達16小時柔焦，喺香港潮濕天氣下可Keep到6至7個鐘以上。 💬 用家真實反饋 · 優點：粉質幼滑易推、透明色號自然不泛白、定妝效果好、拍照不反白。 · 注意點：因無滑石粉，完妝後摸落唔會好滑；有極少數用家反映近看或會顯少許細紋；原裝無附粉撲。 💰 價錢 · 容量/價格：20g / HK$420；29g / HK$550。一份量好足可以用好耐。 📝 總結 如果你追求輕薄、保濕又有柔焦效果的碎粉，呢款會係好選擇。特別適合混合肌同乾肌，尤其喺香港潮濕天氣下想控油同時保持水潤。 #LauraMercier #柔焦保濕蜜粉 #Translucent

Lindabb好用推薦：真愛碎粉，Laura Mercier 經典碎粉 最初係上網見到勁多好評，就去買咗個細罐裝。當時已經覺得好好用，之後陸陸續續用過唔少碎粉，Givenchy、Nars、Make Up For Ever 等等，兜兜轉轉又用返佢，依然覺得佢係我秋冬嘅本命碎粉。 我本身冬天混乾，夏天混油，通常會喺秋冬天氣用佢。佢本身係唔跟粉撲嘅，我自己喺淘寶買咗個放落去，啱啱好。佢真係超級保濕，完全唔使擔心會抽乾水份嗰種，上面同粉底液融合得好好，有隱藏毛孔嘅效果，會顯得皮膚本身就好乾淨咁。我本身抗痘多年，塊面有唔少凹凸不平嘅痘坑，對個妝嘅要求就係要啞緻乾淨，佢完全可以滿足到我嘅需要。 之前一路覺得佢控油力爭少少，唔會喺大熱天時用佢。今年手頭嗰盒碎粉啱好用晒，未趕得切買新嘅，攞起佢用咗幾日，意外發現控油力都唔錯，夏尾夏初都頂得住。勁爆汗嘅大熱天我仲未試過，通常會轉用控油效果再好啲嘅款。其他季節對我嚟講都係超完美～

aaapril好用推薦：正值冬天，天氣開始乾燥。我推薦這個自己已經用了3盒空瓶的。如假包換的空瓶!! (*ˉ︶ˉ*) 唔易脫粉，真的好好用。特別戴住口罩嘅情況下，持久性非常明顯。我記得第一次用完，當我回購嘅時候，剛好@cosme缺貨，我每隔幾日就會去舖頭望下返貨未，終於行左幾之後先買到，好誇張！ 外觀： 我第一次購買時大約係2020年， 當時係採用金色包裝。而家轉左灰色，同樣用紙盒包住，而色號印喺底部，唔好手快快攞錯！注意裡面唔包粉撲，需要另外購買！！ 我依隻係保濕系列嘅皇牌，有3隻顏色選擇。我用嘅係<771 自然色> ，顏色偏粉色，可以提亮我面部膚色，望落無咁暗沉。 另外，佢嘅粉質屬於超幼細而且好順滑，非常之容易推開，唔怕卡粉之餘，仲可以令個妝望落去唔會厚𥄫昅。之前幾篇文章都有提及過我係屬於超級乾性皮膚，另一個我喜歡用Chacott 保濕蜜粉嘅原因係因為佢嘅保濕力做得好好，可以長時間幫我hold住個妝，唔會擔心肌膚越用越乾。

jaye好用推薦：呢款係透明而保濕系列既碎粉，秋冬呢段時間用好好，粉質非常之細緻，柔軟，非常浮貼係臉上，無好重粉感，好薄透既感覺，控油效果就未係最好，不過定裝效果係秋冬用都好持久，夏天係會爭啲。估計性價比夠高，所以係@cosme都長期無貨…～推薦！！

lonia好用推薦：最近入手咗呢款Shiseido 養膚精華蜜粉，主要係因為睇中佢上妝同時可以護膚嘅特點。經常化妝嘅女生，揀啲對皮膚好啲嘅化妝品係好重要！聽BA姐姐講，呢款產品每粒蜜粉都有透明質酸包圍，所以可以做到長效補濕功效。唔好忽略夏天補濕嘅重要性，長期身處冷氣房，都好易抽乾皮膚水份。使用呢款蜜粉，長期身處喺冷氣office都完全冇感覺到皮膚乾燥。 蜜粉附有粉撲，唔需要另外添置。粉盒係網面設計，用粉撲輕壓就可以。我買呢款色號係01，係帶光澤嘅白色細緻蜜粉。上妝後唔會影響妝容色調。佢嘅妝效透亮、有光澤感，雖然透薄，但無損佢嘅控油力，T字位冇出現泛油、浮粉情況，上妝後可以keep到大半日，持妝度都好理想。 同時具備補濕同控油力，推薦俾喜歡透亮而帶光澤感妝效嘅女生！

Hoikiki好用推薦：Shiseido養膚修護精華蜜粉使用心得 喂，呢盒Shiseido碎粉，我用完真係有啲嘢想同你講！ 粉質好輕薄，倒出嚟真係好似煙咁散，輕到無朋友。拍上塊面嗰下，零！粉！感！ 好似第二層皮膚咁，完全唔驚一笑就龜裂。 個妝效都好完美，唔係死白嗰隻，係幫你塊面打咗層天然柔光，鼻翼兩邊啲毛孔即刻隱形，望落似訓飽8個鐘，皮膚好到可以呃人。 養膚係咪堅？ 真心，有扮護膚成分，試過捱夜殘樣用佢，卸妝後塊面仲係軟淋淋、唔繃緊，唔似平時啲碎粉吸乾你水份，敏感肌姊妹都用得放心。 控油頂到幾耐？ 我混合肌，返工朝9晚6都叫hold到，出油後唔會一撻撻，反而變咗靚靚奶油光。不過大油皮就真係要預咗補妝，乾肌冬天用直頭係恩物。 缺點： · 貴！真係貴！買嗰陣個心揪一揪。 · 佢唔會幫你遮雀斑暗瘡，瑕疵要自己搞掂先。 · 個網窿有時出粉一嚿嚿，記得倒落紙巾再上，唔好直接撲，如果唔係變麵粉頭。 一句到尾： 如果你想搵盒碎粉「扮天生好皮膚」，呢盒係頂班。但如果要控油控到乾爭爭，佢唔係你杯茶。 #碎粉 #日系品牌 #平民試貴婦 #養膚碎粉 #Shiseido碎粉 #冇粉感 #扮天生好皮 #化妝#

Chloeincosme好用推薦：Decorte既碎粉（/蜜粉）係我一直嘅回購品，亦都係我用過最好嘅碎粉（沒有之一）。 雖然價錢望落小貴，但係其實好大容量，除返比開架品牌更平😂 呢盒係好耐之前囤既貨（因為之前嗰盒用咗好耐，終於用晒😆🤣😓）。 1. 粉撲： 暫時未見到比佢更有誠意既粉撲🤣夠軟夠厚長毛，抓粉力恰到好處，唔會太多但唔會上左空氣。  2. 色號：11 號。 妝感：日系自然，好輕微既粉色再加少少閃粉，上面效果精緻，略帶珠光，喺陽光下有一種好自然嘅透膚感。 Zoom近影見唔見到有極細極細既珠光閃粉，唔會令塊面登台咁，但又有光澤。 控油：混乾肌表示返工/ 行街完全夠做，如果全日戶外活動就要噴定妝噴霧。 保濕：偏高（控油比大白餅冇咁好！但比大白位保濕） 簡單黎講，平靚正🤣 

Kitty 好用推薦：作為一個對底妝有啲要求嘅女仔，我呢幾年試過唔少專櫃同開架嘅碎粉。作為混合肌，DECORTÉ呢盒碎粉真係有驚喜！ 佢最大賣點係妝效自然，帶微珠光，上臉後，唔會死白，反而透出好似皮膚自己嘅光澤，即時提升氣色，柔焦毛孔效果亦好出色。 粉質真係超幼細，近乎零粉感，因為添加咗氨基酸，所以就算係面頰偏乾位都唔會繃緊。控油力對我嚟講算中等，出油後妝面會融合成自然嘅奶油肌，但大油皮夏天就可能要補妝。 總括來講，佢完美打造咗一種精緻嘅偽素顏感。雖然屬專櫃中高價位，但粉質同妝效確實對得住個價，一盒可以用好耐。好推薦俾追求自然光澤肌、同怕碎粉乾嘅乾性/混合肌姊妹！

Hellobeauty 好用推薦： CHARLOTTE TILBURY AIRBRUSH FLAWLESS FINISH 輕盈無瑕蜜粉 自然色調#2 試用咗呢個產品之後,我終於明白佢點解叫磨皮界始祖 我一直知道呢個品牌嘅產品非常受歡迎但係自己一直唔敢試,因為一直覺得歐美品牌嘅產品未必適合自己,因為擔心妝感太重；加上自己膚質容易缺水,所以所以一直唔敢試； 試咗之後,令我改觀了； 近期天氣乾燥,我皮膚處於「乾性肌」狀態,但佢嘅質感非常幼滑舒服緊貼住我嘅皮膚而且唔會出現卡粉嘅情況，輕易打做霧面磨皮嘅效果,仲要係輕輕一抹已經可以輕鬆柔化細紋、皺紋與毛孔； 而今次我選用2號自然色系,非常適合亞洲人黃皮膚嘅膚色,完全沒有色差,完全做到打造新肌膚一樣；

Paris merci 好用推薦： 網上勁hit既粉餅，加上小紅書帶推想試好耐。 本身皮膚偏乾，試過淨係base+foundation 再直接用CT做定妝。粉質好細緻，上完無毛孔。粉嘅顏色都好自然，無粉感。超級滑，好高質！ 平日都係帶呢盒出去補妝，即使面部出咗少少油光，再加底妝有少少溶，補妝多無同底妝打交，直接補粉餅都無斑博情況。補完妝好似啱啱上完妝嘅一樣咁靚，無毛孔，好正。 控油度ok補一次都好夠，就算查多陣都唔會好厚粉。坐Office用唔會過分乾燥。 我會回購！完全我需要嘅效果！但佢光滑玫瑰金表面好易跣手，另外上網嘅人話用到hit pan好易碎。入返落啲細袋仔帶出街就安全啲，依樣要小心💕

Cosmeemee好用推薦：Chacott COSMETICS 保濕完妝蜜粉評測 🗓️使用時間：持續使用一星期 💆🏻‍♀️個人皮膚狀況： 混合乾性肌膚，全面易乾而出油 膚色有點不均勻，有少許雀斑及暗瘡印 皮膚有時洗澡後有敏感及易紅約情況 使用產品後沒有任何過敏反應 🔽全面使用心得如下🔽 1️⃣蜜粉質地: 這款蜜粉採用了"超微細絹雲母粉體",顆粒非常細緻,上妝時能很好地貼合肌膚,達到自然平滑而自然的妝感。 2️⃣保濕效果: 作為一款保濕蜜粉,它的保濕力確實不錯，適合混乾肌膚/冬天使用。使用後肌膚不會有緊繃感,而是有種柔滑舒適的感覺。尤其對於混乾肌膚的我來說,使用這款蜜粉後妝容更顯水嫩。 3️⃣定妝控油力: 雖然不如一般的定妝蜜粉來得出色,但對於保濕型的蜜粉來說,它的控油效果也算不錯。在香港這樣潮濕的環境下,使用一整天也不會有太嚴重的出油問題。我個人認為持妝時間可以再提升一些，或需配合其他定妝產品才可以在夏天保持完美妝容。 4️⃣特有粉樸 Chacott 的粉樸是超級細緻舒服，好似毛公仔咁。原本係白雪雪嘅，用咗一段時間先染咗啲色。完全唔cake粉底～ 5️⃣產品資訊： ⚪️色號：771 自然色 🇯🇵Made i

Kitty 好用推薦：聽聞呢個牌子係芭蕾舞演員專用！我用開好耐喇，真心覺得佢做到不氧化、不卡粉、不暗沉、不斑駁，仲要咁嘅價錢，仲想點呀？ 上妝成日都唔會變黃變暗，就算T字位出少少油，望落去都係自然光澤感💡，唔會話油淋淋，影響唔大。保濕力做得唔錯，用後塊面唔會緊繃，反而有種柔滑舒適嘅感覺。粉質真係超幼細，上臉輕盈薄透，完全冇面具感。會一直回購，強烈推薦俾所有想搵平靚正定妝散粉嘅朋友！👍🏻

Yoyo Sin好用推薦：唔塞毛孔既素顏粉！好用 遮到毛孔之外有少少修飾肌膚既感覺 但感覺美白功能不太明顯

choichoi好用推薦：沒太感到美白功效但是打造偽素顏一流，不會呈面具感也是其優點之一

natanatalie好用推薦：高性價比的日系蜜粉！❣️ 在第一次使用的時候，最明顯的感覺就是粉質非常細緻。輕輕掃在臉上，不會飛粉，也不會結塊，妝效呈現出柔和的霧面感，卻仍保留一點自然光澤，讓膚質看起來乾淨而不死板。這種透薄的妝效特別適合日常使用，甚至能營造出「偽素顏」的效果。👍🏻 再來是保濕與控油的平衡。因為加入了玫瑰美肌精華和Ceramide等成分，乾肌在眼底或細紋位置使用時不會顯得乾燥，反而有一種柔潤的貼合感。不過，它的控油力偏向中等，對混合肌或輕油肌來說已經足夠，但如果是出油量較大的膚質，可能需要額外搭配控油底妝或定妝噴霧。🙆🏻‍♀️ 遮瑕方面，它的表現屬於中等。能夠均勻膚色，修飾輕微的毛孔或小瑕疵，但對於明顯的斑點或痘印，效果就比較有限。換句話說，它更適合用來提升整體膚質的自然感，而不是追求高遮瑕度。😚 最後不得不提的是包裝。外盒設計帶有質感，附有鏡子和粉撲，方便隨身攜帶，尤其適合外出時快速補妝。這種貼心的設計，讓它不僅是一款底妝產品，更是一個隨身的美妝小物。🫶🏻 總結來說，Excel柔絲美肌精華蜜粉餅最適合乾肌或混合肌的日常使用，能帶來自然、透薄又柔和的妝效。如果你是油肌，或者需要更高的遮瑕力，可

auntiemuscle好用推薦：係之前cosme活動，聖誕倒數寫reviews時既被獎禮物，估唔到揀中左我，多謝先 excel一路評價都幾高，成日想入手試佢既眼影又覺得開架呢個價錢又略高，一路都冇入手 今次機緣巧合下試佢既底妝，yeah 其實我好少用定妝，春夏先會用，因為皮膚比較乾 其實呢個係蜜粉餅黎，拎出街補妝都好方便啲粉唔會周圍飛 初初見到咁白都有啲驚，因為我都算係偏小麥肌， 粉都幾幼幾滑，跟埋既粉樸都好軟 我都試左幾個配搭，日常如果返工我只係防晒加呢個粉餅，你因為我返工係有款動既上左面都有提亮作用，因為用梗某有色防晒，一到下晝出油個樣暗左，用左呢個粉定妝就冇呢個問題，但如果冬天濕度低，我覺得有啲乾 都試過fdt加呢個粉餅，明顯有霧面感，但唔係啞色實晒果種死白，都保持到大半日清爽 但如果當日肌膚狀態比較乾我都係用掃上，咁樣就薄啲冇咁乾

lingbb好用推薦：- 當時買這款粉餅完全是被顏值吸引，呢種啡啡白白珠光閃閃零抗拒感😆 - 粉餅一共六格，四格啞光，兩格珠光細閃，我買2號色，屬於自然偏白，上臉非常自然。粉餅壓得好實，唔易飛粉 - 我用黎當高光或散粉， 專櫃價但一物兩用CP值算高🥹 - 剛開始使用時候我係用掃上，粉質細膩輕薄，而且有一點點控油效果，粉跟很均勻的貼在臉上，有微微珠光感，唔會好浮誇，膚色即時提亮，提升妝後光澤度，呈現一種自然霧面感覺。 - 鐘意裸妝效果嘅應該好鐘意。 - 鐘意用閃粉定妝都適合，持久度都幾耐 - 如果想有金光燦燦嘅效果可以配合美妝蛋，局部按壓上妝，就會打造高調啲嘅高光效果。

choichoi好用推薦：能夠打造富柔焦感的妝容，但又不會帶來面具與粉感，非常自然，定妝效果亦理想

Fng好用推薦：Canmake 定妝粉 #01｜ 混合偏乾肌の「冬日冷調提亮術」 ❄️ --- ✨色調分析｜粉紫色盒實測 ▸ 色調屬性：冷調粉紫，帶細膩珠光微粒 ▸ 矯色效果：即時中和暗黃、提亮膚色，適合亞洲人泛黃肌 ▸ 光澤感：微珠光創造「自然血色感」，非誇張閃粉 ▸ 膚色兼容： ✅ 黃一白至黃二白：提亮去黃效果顯著 ✅ 蒼白肌：增添自然紅潤氣色 ⚠️ 黃三白或小麥肌：可能顯灰或色差 --- ✨寒冬實測：低溫下的矯色定妝 粉質細滑如紫藤花瓣粉末，上臉輕盈無負重感！ ✅ 寒風測試：戶外4小時不乾裂、不結塊 ✅ 暖氣房考驗：溫差下珠光依然貼膚，不浮粉 ✅ 口罩摩擦：僅鼻樑微脫妝，無明顯粉痕 --- ✨成分保濕秘技：冬日友好配方 ▸ 蠶絲蛋白粉體：低溫下不易吸水拔乾 ▸ 紫羅蘭色素微粒：矯色同時反射柔光 ▸ 抗靜電處理：預防冬季毛衣摩擦飛粉 --- ✨混合肌寒冬分區定妝 ✅ 全臉矯黃：蓬鬆刷具輕掃一層均勻膚色 ✅ 局部提亮：重點拍壓淚溝、法令紋，視覺膨潤 ✅ T區控油：粉撲局部按壓，避免過度矯色 ✅ 顴骨高光：餘粉輕掃創造自然紅暈 --- ✨色調搭配心機術 ▸ 底妝過黃急救：薄

WSY好用推薦：細細個方便攞出街，補狀好方便！啲粉都細膩，價錢又唔貴，性價比好高

Emily Leung好用推薦：夏日不脫妝分享 | 從早美到晚的秘訣✨ 最近香港的天氣又熱又濕，只要出門就變得汗流浹背。 臉上精心化好的妝更是溶化得快，太容易出油和斑駁！我費盡心思找到了一款上臉服帖乾淨持久的定妝散粉，就是NARS家的原生光蜜粉！只要在化妝後輕輕撲上一層，皮膚秒變焦柔感，最後再用定妝噴霧焊死在臉上，一整天下來怎麼暴汗都不脫妝，簡直是夏天必備定妝神器！ 新款散粉粉質通透，輕輕一層就能讓肌膚呈現出完美光澤，同時在肌膚上產生柔和的提亮效果，有助於抵抗暗淡膚色，有效柔化臉上細紋瑕疵，淡化毛孔。網格設計容易控制每次取粉份量，而且雙層的蓋子可預防漏粉。 ⭐️微米級粉質填補毛孔，皮膚立刻變啞光柔焦 ⭐️ 透明感妝效，不會蓋住底妝的光澤 ⭐️超長持妝，戴口罩和吃火鍋都不會斑駁

Sanna Cher好用推薦：所用的產品是透明效果的蜜粉，主要作為定妝和打造霧面妝容時使用。塗上粉底及胭脂後，先重點在眼下位置，其後在面頰及修容位置，利用細化妝掃輕壓蜜粉。擦上修容及打亮產品後，再次在容易出油的位置，如額頭及T zone 輕壓蜜粉，其他位置亦利用大蜜粉掃輕輕擦上作為定妝，見額頭位置明顯白晢。 完妝照片，見產品做到膚色均勻的效果。

Q能Q好用推薦：粉質超滑，上面完全冇粉感，磨皮效果好好 買咗2024版，$215有20g性價比幾高 但只適合秋冬，夏天控唔住油

Giselle 好用推薦：Excel 柔絲美肌精華蜜粉（2023 秋冬ver. 01） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係Excel每年秋冬都會出嘅限量版蜜粉( ⸝⸝•ᴗ•⸝⸝ )੭⁾⁾因為呢款係添加咗美容液成份，所以年年一出就會超級無敵搶手₍ᐢ⸝⸝› ̫ ‹⸝⸝ᐢ₎我自己用後覺得超級好用₍ᵔ·͈༝·͈ᵔ₎佢嘅粉質係超級幼細，就算上多幾層都無嗰陣好厚粉好白嗰陣感覺⸜( ´ ꒳ ` )⸝♡︎而且佢可以做到模糊粗大毛孔嘅妝效，望落去有種皮膚好好嘅錯覺ヾ(*>∀︎<)ﾉﾞ另外佢嘅粉撲真係超級無敵舒服(o´∀︎`o)ﾆｺｯ超級軟而且又大，基本上拍幾下就已經定好晒全臉妝容而且用嗰陣又唔會唔舒服(〃'∇︎'〃)佢嗰盒嘅設計屬於壓落去就已經可以沾到粉，唔需要倒轉嗰盒倒到周圍都係粉(≧︎▽︎≦︎) ❤︎ ❤︎ 佢嘅定妝效果屬於一般般嗰種，around 4個鐘頭就會開始係鼻翼附近開始有浮粉嘅情況(◞︎‸◟︎；)所以油肌嘅小夥伴呢款唔太適合你哋(இдஇ; )另外因為佢係好大盒所以都唔太適合帶出街隨時隨地補妝(꒦ິ⌑︎꒦ີ）

Fng好用推薦：CANMAKE 蜜粉餅 Abloom｜ 日系透明感定妝 🌸 產品定位：微珠光透明感蜜粉 粉質解析：蠶絲粉體 + 珍珠微粒 ✨ 核心優勢： · 光學柔焦術：微米級粉體填平毛孔，珠光粒子創造「透明空氣感」而非單純霧面 · 智能控油：吸收多餘皮脂卻保留肌膚自然光澤，混合肌實測T區持妝6小時 · 極致便攜：薄型粉盒僅1.5cm厚，內附鏡面絨粉撲 ⚠️ 注意事項： · 珠光特性：強光下明顯，油肌可能顯毛孔 · 遮瑕力弱：主打定妝非修飾，瑕疵肌需先遮瑕 · 粉撲限制：絨毛粉撲取粉較弱，建議搭配刷具 💡 上妝手法： 1. 日系透明感：圓頭刷打圈取粉，全臉輕掃 2. 油肌定妝：粉撲對折按壓T區 3. 補妝技巧：先用吸油紙，再輕拍蜜粉 🌈 色號選擇指南： # 01 提供最強的提亮和去黃效果； # 02 則主打紅潤好氣色； # 03 則更強調自然的膚色平衡和柔和感，適合大多數膚色（特別是暖調肌） 🌦️ 香港氣候實測： ✅ 雨季潮濕：控油力足夠，不易結塊 ✅ 冷氣房：保濕度中等，乾肌需加強妝前 ✅ 口罩摩擦：每4小時需補妝 總結：百元價位的「日雜光感定妝神器」！適合追求自然透明妝效的混合

Rin好用推薦：平價好物（於日本購入） 適合小資女孩，可以稍微的提亮膚色，平日出門可用，粉質於這個價格上已經算很不錯了，雖然還是看得出粉感 保濕還是要做好，因為有可能會結塊 毛孔遮瑕等方面沒有太大作用，不算太顯毛孔 偏白，黃皮黑皮要慎選 化妝後使用感覺他和妝感不太融合

lonia好用推薦：Laura Mercier嘅蜜粉一直係品牌嘅皇牌產品，個人非常喜歡呢款蜜粉嘅妝效。 首先佢嘅粉質非常細緻，可以修飾毛孔，令毛孔無咁明顯。上面之後妝感透薄自然，唔會有好重嘅粉感或者容易顯紋。呢款嘅色號係Rose，佢可以做到微調膚色嘅功效（但唔係死白），好似自帶紅粉緋緋嘅感覺，令整個人嘅氣息好咗。悶熱嘅夏天，朝早使用，下午喺T字位補一補粉就ok，整體都可以keep到一日而無明顯氧化變色。 而呢款旅行裝細細粒，方便攜帶唔佔位，拎出街補粉非常方便！

Jasmine L好用推薦：之前已經用過米白色，件出咗粉紅色所以買咗。 粉紅色相較買白色會顯得精神啲，因為令到整體妝容帶有血色感，好適合面色比較蒼白嘅女士使用。 乾爽到冇最新嗰隻粉體咁出色，不過相對上調色效果會比較好，適合冬天使用。