CLUB 好用推薦產品

Fng好用推薦：去日本 手痕買咗 CLUB 晚安蜜粉(玫瑰味)，它粉質算細膩，帶淡淡玫瑰花香，上臉有輕微提亮同柔焦效果。Selling point 免卸妝 概念，夜晚護膚後薄撲一層，可以減少黏膩感，亦能吸附多餘油脂。混合肌夏天用，T位確實冇咁易油光滿面，而且唔會抽乾兩頰水分，整體膚觸清爽～ ✨使用感與缺點： 粉撲厚身軟熟，但遮瑕力接近零，只係修飾毛孔同膚色，本身肌膚狀態理想嘅話可以日間使用。如果護膚品太潤或疊加太多層，有機會輕微搓泥！熟齡肌要注意唔好撲得太厚，否則可能卡少少乾紋。玫瑰香味較濃，對香料敏感者要避開。 ✨適合邊類人： 適合夏天想保持清爽嘅混合肌，懶人不想夜晚黐立立必試！但極乾肌可能覺得雷，建議局部用於T位即可。 總結：百零蚊有齊顏值+功能！ 偽素顏感自然！

Akassoo好用推薦：見簡介話係素顏用完可以當偽素顏，對於平時懶化妝嘅我嚟講好似好啱用，不過用完發覺其實只係好似加咗層霧化 / 柔焦嘅感覺，但實際係零遮瑕同埋零防曬作用🧐 所以如果係嘅話可能化完妝用嚟當定妝更加有實際功用🧐🧐。 上完粉底之後用呢一個蜜粉嚟定妝，配合返佢嗰個粉撲，就會變咗霧面嘅粉底。

TsuenMa好用推薦：#CLUB 素顏蜜粉 (有防UV） 又係衝住有防曬成份嘅蜜粉去入手，主要想係補妝嘅時候用，但發現呢隻吾適合用黎補妝： 1） 佢上面有色嘅程度，完全吾可以話自己係透明蜜粉，如果上完妝再用呢個產品，會令到膚色更加死白，好吾自然，我自己好麻麻地。 所以一般而家會用黎做吾帶妝嘅時候，上完護膚產品就用佢出街，減輕黏笠感的同時抵擋紫外線。 2） 佢個粉撲好大好柔軟，而我係好鍾意呢個撲，小蝴蝶嘅設計好有少女心，但因為個撲太大，所以都係吾岩用黎做補妝。 見到有其他用家係用黎做晚安蜜粉，等啲護膚品吾會痴落去枕頭到，不過我自己就無試過，因為始終覺得呢啲粉類都係要清乾淨先去瞓教，等毛孔可以抖抖氣。

Viannie好用推薦：用過粉紅色玫瑰香味好鍾意，想試埋粉綠色白茶香，但唔鍾意個味道😔 功效其實一樣，主要係果日唔化妝，搽完防曬就用佢，薄薄上一層好似定妝咁，塊面冇咁立立令，冇咁重黃氣白少少會精神啲，最正係夜晚唔駛用落妝產品🥳

Chloe0104好用推薦：素顏護膚蜜粉餅 出左期間限定的冰感款 CLUB Suppin 冰感素顔養★ 不論日或夜，素顏或帶妝，24小保持妝感 ✅阻隔污染物，保護肌膚 有效阻隔香煙煙霧、塵埃、PM2.5及藍光等對肌膚有害的污染物 冷感成分配合：薄荷醇、薄荷氣基丙二醇 吸附油脂成分：羥磷灰石、二氧化矽 毛孔護理成分：朝鮮薊葉萃取物 ✅素顏、化妝都讓肌膚柔焦透光柔滑定妝，自然貼服 粉質細膩，輕盈絲滑，控油保濕，讓妝容更貼服無瑕素顏提亮，均勻膚色 使用方法： 🌞早上作素顏粉使用，遮蓋粗大毛孔，提亮暗沉膚色，不化妝也能展現自然透亮素肌； 🌝夜間在護膚後使用能減少面部黏膩感。 個人用後感 👍冰感長達一小時，很適合面部温度高、熱辣辣的夏天 👍控油效果佳，面油少左，黑頭粉刺都少埋 如果你同我一樣油肌 一定要試下 在香港，暫時只系系松本清見有得賣

Ressie14好用推薦：春、夏天的時候，每晚都有使用呢個晚安素顏粉；因為晚間洗澡後用嘅護膚品疊加很多層；臨瞓前為免護膚品黏到枕頭套，都會使用素顏粉，素顏粉可以幫我吸走表面比較黏立的護膚產品，又不會抽走肌膚上的水份。當臉蛋感覺清爽，夜晚都會自然瞓得安心舒服啲！ 總評：如果想令塗滿護膚品嘅臉蛋保持清爽入睡，可考慮使用此素顏粉；性價比高大大罐，最後一提就係2023年薄荷色呢個系列仲有淡淡嘅百合花香，美美的網友們可以一試。

Yoyo Sin好用推薦：唔塞毛孔既素顏粉！好用 遮到毛孔之外有少少修飾肌膚既感覺 但感覺美白功能不太明顯

choichoi好用推薦：沒太感到美白功效但是打造偽素顏一流，不會呈面具感也是其優點之一

葉子🍃好用推薦：終於入手左晚安粉，主打係不用卸妝，都可以做到美肌護膚，我選左櫻花味，淡淡清香，圓鐵盒包裝，入面附有大粉扑，精美蝴蝶結🎀少女感滿分，由於粉餅壓得好實，扑粉時需要大力按壓取粉，但都唔會出現周圍飛粉情況，用後瞬間沒有油光、收毛孔、無殘留感，粉感好幼細同貼面不侷促，第二日起身都仲好保濕，肌膚有順滑感，我覺得油肌用好適合，吸走多餘油膩護膚品，無甘易出痘，如果日間使用可以當蜜粉

Giselle 好用推薦：Club 櫻花素顏護膚蜜粉餅 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款早幾年一推出真係hit爆( ¯•ω•¯ )因為佢係主打臨瞓前用嘅免卸妝控油蜜粉*ˊᵕˋ)੭再加上佢有保濕美白效果所以就被吸引下買咗₍ᐢ⸝⸝› ̫ ‹⸝⸝ᐢ₎佢係控油方面算係一般般，雖然係出油量係有減少到，但唔算好出眾( ˙༥˙ )俾佢更平嘅控油產品都有更好嘅效果(´._.｀)而且搽上臉後覺得塊臉變得死白咗，做唔到偽素顏嘅自然感(´・ε・｀)而且用一整晚之後塊臉會變得超級乾，做唔到話保濕嘅功能(´Д`|||)所以唔太建議臨瞓前搽，最好就係化淡妝or唔需要化全日妝嗰陣用會比較好‧⁺◟︎( ᵒ̴̶̷̥́ ·̫ ᵒ̴̶̷̣̥̀ ) ❤︎ ❤︎ 雖然啲粉因為壓得太實所以沾取嗰陣要大力少少，但勝在佢粉質細膩，搽上臉都唔會飛粉( ˘͈ ᵕ ˘͈ )佢嘅粉撲屬於又大又軟嗰種，趕時間嗰陣拍幾下就已經搽好全臉｡+ﾟ(*´∀︎`*)｡+ﾟ而且大大盒真係有排用( •̀∀︎•́ )✧︎但對我嚟講算係可有可無嘅存在(´・ε・｀) 呢啲優點係其他大牌子嘅蜜粉都可以做到，除咗免卸妝呢

Lunas好用推薦：粉色膏狀，有玫瑰花香，非常好聞。素顏霜不要塗太多，容易摧泥。配合club的晚安粉用會更好，毛孔完全隱形。

Yoyo Sin好用推薦：好用 性價比高既素顏霜 遮到毛孔之外有少少修飾肌膚既感覺 香味正常

Alice好用推薦：方便攜帶的保濕化妝水 - 放在手袋也適合的大小。 包裝設計可愛，噴那瞬間會聞到甜甜的氣味 - 包裝寫的是西洋梨味(沒跟真正的西洋梨對比過，我也說不出像不像🤔)。值得一讚的是那味道真是轉瞬即逝，就噴那一下覺得甜甜的，要是另外會噴香水 / 不喜歡那氣味的話也不用擔心會被影響。 要說硬傷就是定價1200 Yen賣$120（10算)並不是特別划算唄～

choichoi好用推薦：日本購買比較便宜，不論作為定妝或是日常放於手袋出門隨身或通勤時間保濕用也方便亦有效，噴霧噴頭的顆粒不能說很細緻但至少不是粗大顆粒，及後也很快滲透，可以接受

Yoyo Sin好用推薦：普通保濕既精華，勝在價錢便宜，當然做唔到深層保濕，學生可以試一試

Yoyo Sin好用推薦：味道好舒服，清新 唔係假香精味，即時保濕效果不錯 得閒乾燥噴一噴

Yoyo Sin好用推薦：唔塞毛孔既素顏霜！好用 遮到毛孔之外有少少修飾肌膚既感覺