CLUB

素顏護膚蜜粉餅(玫瑰)

去日本 手痕買咗 CLUB 晚安蜜粉(玫瑰味)，它粉質算細膩，帶淡淡玫瑰花香，上臉有輕微提亮同柔焦效果。Selling point 免卸妝 概念，夜晚護膚後薄撲一層，可以減少黏膩感，亦能吸附多餘油脂。混合肌夏天用，T位確實冇咁易油光滿面，而且唔會抽乾兩頰水分，整體膚觸清爽～ ✨使用感與缺點： 粉撲厚身軟熟，但遮瑕力接近零，只係修飾毛孔同膚色，本身肌膚狀態理想嘅話可以日間使用。如果護膚品太潤或疊加太多層，有機會輕微搓泥！熟齡肌要注意唔好撲得太厚，否則可能卡少少乾紋。玫瑰香味較濃，對香料敏感者要避開。 ✨適合邊類人： 適合夏天想保持清爽嘅混合肌，懶人不想夜晚黐立立必試！但極乾肌可能覺得雷，建議局部用於T位即可。 總結：百零蚊有齊顏值+功能！ 偽素顏感自然！

見簡介話係素顏用完可以當偽素顏，對於平時懶化妝嘅我嚟講好似好啱用，不過用完發覺其實只係好似加咗層霧化 / 柔焦嘅感覺，但實際係零遮瑕同埋零防曬作用🧐 所以如果係嘅話可能化完妝用嚟當定妝更加有實際功用🧐🧐。 上完粉底之後用呢一個蜜粉嚟定妝，配合返佢嗰個粉撲，就會變咗霧面嘅粉底。

已經用左大半年，無論係用黎定妝定作為素顏粉黎用都試過。好鐘意佢霧面嘅感覺，同埋擦完會白左一度，但又唔會好假。最美中不足係佢嘅香味，一開始聞覺得好香，但過左一排，就覺得唔想再聞，但擦上面係冇味，只係開蓋聞到，所以都可以接受

之前用過佢嘅素顏霜，最近開始接觸好多牌子都有出嘅素顏粉/護膚粉，又諗起club都有又平平地就買黎試下，打開鐵盒就聞到淡淡玫瑰香味，個粉撲好軟棉棉，上面感覺舒服，粉質細膩，即時有霧面效果，平時放假唔化妝上完防曬再用佢就唔會塊面令立立咁，不過如果想要有遮瑕就要慎選喇。

粉壓得超級實、係粉餅上面根本睇唔出係粉，上 面好細膩，明顯有提亮的效果，一秒變啞光膚質、唔會泛油光，好乾爽。外觀都好可愛、尤其係個cushion，超級柔軟。我當呢個係定妝 粉，另外都覺得佢有提亮膚色嘅效果、可以遮到一啲面上嘅小瑕疵、仲帶有花香味。

真的是非常之推薦喔！☆*:.｡. o(≧▽≦)o .｡.:*☆ 使用後膚色不均的問題即時改善了 而且有點敏感泛紅的位置也沒有那麼明顯～ 還有微微的香味真是十分加分！(*≧ω≦)

隻玫瑰味超級勁，搽完上面成日都聞到，鍾意香味既人應該幾buy ，我自己就okay既。上面之有提亮同白淨感，少左出油，同我慣性用完都係會卸妝。

有淡淡好香嘅玫瑰味 粉質地滑 有護膚功效嘅蜜粉餅 對我黎講上面有d白 不過我好少用 平日懶得用😆去浸溫泉用過幾次 用完無過敏 無生暗瘡同暗粒 感覺普普通通無乜特別

粉體很輕，粉撲很可愛。撲粉後立刻展現柔焦效果。主要用於晚上護膚完成後，會很清爽，讓頭髮不容易黏臉上，也不黏枕頭。

唔塞毛孔既素顏粉！好用 遮到毛孔之外有少少修飾肌膚既感覺 味道好香 唔假

超鍾意佢個粉撲，抓粉力好高，而且厚厚的，用落好舒服☺️ 個粉本身係冇顏色嘅，說明聲稱係素顏嘅時候用嘅，而且用洗面奶就可以洗走。 我通常係搽完護膚品之後會用，咁樣塊面睇落會冇咁油光滿面。 用咗一排都唔會生暗瘡，好啱香港嘅天氣使用！

平時不太常用，但春夏總係出好多油，個人不會太白薄薄一層可以即時去到油，不過不會太持久。雖然說是不用卸可直接睡，但基本上我都會洗走。

夜晚查完所有護膚品後，最後一步用佢 用佢本身粉卜上會容易反白，唔自然，不過夜晚訓覺用又無咩所謂 純粹用完之後唔會痴頭髮、唔會整油啲陰 淡淡香味，唔同味聞落唔大分別，試過幾隻味效果都差唔多 大大盒都幾come用，會keep住回購

方便好用，就算係屋企都可以搽上面，唔需要卸妝，有輕微嘅保濕效果，但最主要係可以令塊面睇嚟無咁油笠笠，價錢平又大罐，一個可以用好耐， CP值超高

藍罐玫瑰味因為舊購入，所以外罐搞到好殘舊同污糟。 妝後用覺得味道好香，一盤用左約1~2年。 會在睡前搽完保養品後上粉，喜歡上粉後即時減油膩、去黏稠的效果，有呢罐就唔需要再等保濕品風乾，感覺很方便。單用已經遮蓋到大量毛孔，素顏睇落都有美白一度。

貪佢無需冲洗，控油加少少修飾效果。敷睡眠面膜時最啱用，唔會痴笠住枕頭。已經hit-pan所以回購多兩盒係屋企有備無患

疫情影響，日日都要帶口罩出街，感覺下半面成日都焗住焗住，每朝洗完面上完晒skin care之後用手呢個蜜粉，感覺乾爽好多，加上又香香地，正啊

已經回購個呢款蜜粉幾次🥰 唔使卸妝好方便 粉質都算幼細，而且我好鍾意嗰陣玫瑰味🌹 有保濕效果，尤其用完面霜再用佢會更鎖水 用完皮膚睇落會白淨咗🙈好自然 用咗咁耐都冇任何致痘或敏感情況

好香嘅玫瑰香味，微粉白色上面透明，可以當蜜粉定妝用，都可以夜晚素顏用，粉質細嫩又唔會吸曬d油太乾。🌹💕

我嘅膚色比較黑 所以搽完呢一隻碎粉會顯到好白 但係係好怪嘅白🤣 所以多數都會係夜晚先搽 而護膚效果亦都唔太明顯