緊緻毛孔 推薦好用產品

Tszki好用推薦：Benefit The POREfessional 柔霧控油毛孔細緻霜 質地清爽，容易推開且快速吸收。能顯著減少油光，維持清爽不黏膩。具備強大的柔焦填補效果，讓皮膚表面看起來更細緻。因為控油力強，若保濕不足，乾燥肌膚可能容易卡粉。含有矽氧成分，使用後需使用卸妝產品確實清潔，以免阻塞毛孔。

Blooming好用推薦：Benefit The POREfessional 柔霧控油毛孔細緻霜，磨皮效果明顯，修飾毛孔做得真係唔錯，質地清爽，控油效果的確不錯，持妝更long lasting。

Kelvin好用推薦：因為鼻粉刺超多，每星期都會full泥面膜。The POREfessional Deep Retreat 深層淨化毛孔泥膜係紫色嘅，好特別。泥膜係有彈性，QQ質地。 搽上面嘅時候厚敷10分鐘，泥膜會由深紫色轉變成紫色乾狀態。而且有油嘅地方會有一點點。 慢慢用水及洗面巾慢慢抹乾淨，長期使用鼻子黑頭會冇咁嚴重。敷完泥膜通常會可以輕推黑頭出嚟，Benefit泥膜就推到輕微少少，未算推到太多粉刺出嚟。

Fng好用推薦：benefit 深層淨化毛孔面膜 deep retreat pore-cleaning clay mask 呢罐紫色夢幻泥膜簡直係「反傳統清潔神器」！當其他泥膜仲係度瘋狂抽乾皮膚水分，佢竟然識得同偏乾肌玩先清後補嘅平衡遊戲—— 💜 三重智能層解密 • 紫層薰衣草鎮靜：普羅旺斯真薰衣草精油即時舒緩冬燥引起的泛紅 • 白層微孔吸附：特別調配的低吸水力黏土，只帶走油污唔搶水分， 敷完之後，肌膚水潤透亮 • 粉層爆水核心：沖水時釋放玻尿酸冰珠，即時填補清潔後的空虛感 🌡️ 香港冬日實測記錄 ▸ 攝氏15度乾燥日：敷足10分鐘無緊繃，沖水後兩頰依然柔軟 ▸ 冷氣房vs戶外穿梭：維持水油平衡達6小時，無出現慣性脫皮 ▸ 妝前急救測試：薄敷3分鐘再上粉底，鼻翼卡紋情況改善70% ⚠️ 偏乾肌必讀警報 1. 時間就是金錢：嚴格守時8-10分鐘，過鐘會啟動倒吸水分程序 2. 分區護理智慧：T區可厚敷，兩頰僅需透明狀薄層即可 3. 溫水沖洗法則：切忌用熱水！38度溫水打圈最能激活保濕層 ✨ 冬日隱藏用法 • 混入半泵角鯊烷油，自製成「貴婦級滋養清潔膜」 • 洗澡前薄塗一層，浴室蒸氣助精油成分滲

Kmggigi好用推薦：皮膚狀況: 冬天乾敏肌，夏天混合偏乾+少敏感 Skincare routine: 卸妝油 (benefit) -> 洗面奶 (日本vit c洗面奶) 產品使用情況: 支卸妝油設計好貼心，好中意細細支比你有得拎個嘴lock實，用嘅時候再吱 質地係清晰嘅油，帶點果香味，幾好聞又唔會好假 用完覺得塊面唔會崩緊同埋有過度清潔嘅感覺，我以前用卸妝水+化妝棉大力少少咁塊面都會紅，但用依支油唔會！ 終於明點解啲人話乾肌敏感肌用卸妝油比較好🤣

Belle LUI好用推薦：喜歡潔面後清爽的感覺 呢隻卸妝油，真心好正！ 使用完後，不會有很黏的感覺，也不會太乾， 淡妝/防曬，用它後可以不用再用洗面膏再洗一次，直接護膚程序！

Emily Leung好用推薦： 講到「Zero毛孔」，好多女生都中過伏——用完即時好似磨皮，但第二日打回原形，仲要爆暗粒。 medicube呢塊2.0版，聲稱用「雙層微孔棉」+「AHA/PHA溫和去角質」，係真收毛孔定又係即興幻覺？今次連續用14日，早晚抹，唔做其他深層清潔，實測見真章。 專業分析： 1. 質地與設計 2.0版比舊款棉片更厚，但唔硬。一面係凹凸壓紋面（去角質/擦走黑頭）、一面係平滑面（鎮靜/補水）。濕潤度剛好，唔會滴精華，亦唔會乾到刮面。 2. 成分重點 · AHA（乳酸/甘醇酸）：表面代謝老廢角質，針對毛孔入口粉刺。 · PHA（葡萄糖酸內酯）：分子較大，温和剝落，敏感肌相對受落。 · 積雪草 + 透明質酸：平衡酸類刺激，減少用完甩皮。 留意：冇酒精、冇人造香料，但對酸類敏感者仍要做耳邊測試。 3. 真實效果 · 即時：鼻頭明顯平滑，化妝唔再卡粉喺毛孔窿。 · 第3-5日：下巴暗粒開始浮出，用凹凸面輕力抹幾下會甩到細微皮屑。 · 第14日：兩頰毛孔視覺上細咗約30%（唔會零毛孔，但粉底可省掉填毛孔底霜）。 · 致命缺點：對嚴重士多啤梨鼻（頑固黑頭）效果有限，需要用完再敷泥膜先有明

旻珊好用推薦：小時候太愛吃雞排搞得滿臉痘痘毛孔粗大，黑頭粉刺好像永遠都請不走它！ 後來接觸了酸類，洗面乳也用酸類洗面乳搭配洗臉機….有天偶然發現這個化妝棉廣告打很大，後來也是勸敗買了！ 平常洗完臉後會先敷再臉上（數分鐘後…. 換有顆粒那一面螺旋🌀把臉上的角質去一下！ （加強部位鼻翼跟唇部下方還有下顎的地方） 平常沒在看用完後的棉片，這次特地看了一下，發現好大收穫….決定要分享一下….髒髒臉 感覺棉片上的收穫也滿厲害的！ 不知道大家使用是否也一樣呢？

橘子貓好用推薦：The Pore Fessional Shrink Warp Overnight AHA+PHA Pore Treatment 多謝@cosme 和Benefit 抽中我試用！今次三款毛孔護理系列的產品之中，我最最最喜歡這款睡眠面膜！ 膚感好，啫喱狀的overnight面膜，不像一般酸類面霜或精華會很黏笠，泛油光，Benefit的塗上臉等約20分鐘已經差不多吸收了，不會黏頭髮和枕巾。塗上臉也不會感覺拮拮的，一點都不刺激，比較溫和，我連塗比較易過敏的顴骨位置也沒問題。 連續用了三天，已經感覺皮膚變得光滑。休息3天後，再連着用了4、5天，下巴的暗粒明顯減少，連生理期前的痘痘也長少了，就算有谷暗瘡，厚塗Overnight Treatment，第二天早上就會㓔。 試用裝我只餘下一片了，想購入正裝，原來香港Benefit還未上市這款產品！！！快上市吧！很想繼續用這款護膚品！ 後記19/04/24: 在Benefit門市買到了！BA說上星期已有現貨啦，只是官網和Sephora沒更新。越用越喜歡這款面膜，一般非BHA的酸類產品在我T位效果真的不明顯，因為我油皮位置真的很油，角質又厚。但

Tobimak好用推薦：我屬於敏感偏乾肌膚，對含果酸的產品一向有戒心，怕會刺激泛紅。但今次用左Benefit 的緊緻毛孔爽膚泡沫，竟然沒有敏感反應，真係有啲驚喜。 泡沫質地好輕盈，推開後好快吸收，唔會黏笠亦唔乾燥。我係早晚潔面後使用，感覺皮膚乾爽但唔繃緊，夏天用特別舒服。 鼻翼位置平時容易積黑頭，用咗幾日後，毛孔有收細左，黑頭亦冇咁明顯。妝前用一層，底妝貼服度明顯提升，唔易浮粉。 雖然佢有果酸成份，但我用後冇出現泛紅或刺痛，只係第一次用時面頰有好微弱嘅感覺，好似吉吉地咁，但之後就冇事。建議敏感肌可以先試局部，再配合保濕精華一齊用。 如果你都係怕果酸但又想改善毛孔問題，呢隻toner可以一試。

Fish Tse好用推薦：除左另一款洗面啫喱狀既洗面之外，哩款洗面真係懶人既福音，一禁出黎就有好豐盈既泡沫可以直接上面洗唔洗好似其他咁要再加水先有泡出 哩款同另一款洗面都接近，都可以溫和咁去帶走面上既污糟野同油脂，好好咁清潔到肌膚

Kitty 好用推薦：Chanel紅山茶花精華，拖下拖下終於用完差不多一半。呢支精華嘅質地推開之後唔黐立立又唔厚重，好適合喺冷氣房抽乾咗嘅混合偏油皮膚補濕，維持返皮膚嘅平衡狀態。 佢個精華取用設計幾特別，支嘢個泵嘴蓋同吸管設計同一般產品有啲唔同，睇完廣告心郁郁想試嘅話，確實可以入手一試。講到護膚，係冇一步登天呢支歌仔唱嘅，護膚始終係要理性規劃＋堅持先見到成效。

Rosa好用推薦：山茶花精華非常容易推開 精華質地透明有淡淡的山茶花香味 我覺得夜晚使用他嘅效果都不錯 吸收能力高 在我皮膚效果主要是保濕皮膚有光澤感 使用這隻款精華，這幾天皮膚都變得比較穩定 

Kitty 好用推薦：Dr.Ci：Labo零毛孔細緻精華水：夏天毛孔嘅“透心涼救星”！ 熱到溶嘅夏天，洗完面塊面仲係黐立立、焫焫焫？拎起支橙噹噹嘅樽身，搖兩搖——將化妝水倒响化妝棉度，“啪”一聲拍上塊面！嗰陣冰涼感好似成支雪櫃拎出嚟咁。嘩！一聲由頭涼到落腳趾尾！絕對係我梳妝檯上最適合夏天的化妝水！ 個涼法唔係微微風，係薄荷醇直衝腦門嘅激凍！拍上塊面嗰刻，成臉毛孔“叮”一聲豎起晒，啱啱仲焗到燶嘅面，即刻好似跳咗落泳池咁爽！ 老實人使用心得： 涼到震？敏肌小心！薄荷+酒精，爽就超爽，但薄皮/易紅塊面可能頂唔順！初試建議淨係敷T字位，避開紅卜卜位置～ 濕敷先係王道收毛孔！鼻頭啲黑洞好頑固？剪細塊化妝棉浸到滴汁，局住敷3分鐘，一拎走，滑到反光，手指摸落去仲會溜一聲！ 夏日定妝秘技：朝早護膚後，用浸透嘅化妝棉輕拍全臉，唔單止二次清潔，殘留嗰陣冰氣仲可以壓住啲油唔俾佢標，個妝熱到40度都唔溶！ 總結：Dr.Ci：Labo呢支化妝水，絕對係夏天嘅神隊友！佢似一杯加冰嘅薄荷梳打，“噸”一聲淋熄塊面嘅燥火。雖然對敏肌有啲狠，但嗰陣即凍收毛孔+持久控油嘅爽快，足以令佢成為我妝枱上無可取代嘅夏日冰器

jaye好用推薦：水狀質地，十分清爽，用個陣會有少少薄荷既涼快感，好舒服，夏天用一流！我係係夏天個陣用化妝棉配合黎朝早抹臉用，可以抹走多餘既油脂，而同時有保濕感，係幫助到清潔毛孔，真係好岩夏天用！敏感肌混合肌都可以試下！

bearbear246好用推薦：塗上面有涼涼地既感覺 對於改善暗粒似乎冇咩效果 但對於下巴粗糙有少少改善 希望搵到一款更強力既產品

Jan好用推薦：因為想改善毛孔+粉刺+暗瘡問題 之前曾購入caudalie 的葡萄籽毛孔淨化爽膚水（這瓶在@cosme 上面似乎暫時找不到資料） 相比起來個人更愛Tunemaker 這瓶 有清新的柑橘類香味，質地像水很清爽 用到空瓶大概有兩個月左右 暗瘡少出現了也穩定下來了 很開心 目前在用的化妝水也是@cosme 買的 大瓶便宜好用 如果那瓶沒有貨了這瓶是應該會回購 但tunemaker 系列好像也常常斷貨不齊全 整體來講，值得一試

Fng好用推薦：KANEBO 煥采再生微精華水｜ 熟齡混合偏乾肌用後感✨ 前排香港天氣又濕又悶熱，我呢啲熟齡混合偏乾肌真係好難搞，搽太潤怕黏笠，搽太爽又怕乾到出紋。早排見到KANEBO出咗呢支「煥采再生微精華水」（$820/168ml），官方叫佢做「導入精華」，話可以幫皮膚打開吸收渠道～💧 🌸 質地同膚感 佢係透明水狀，流動性超高，一倒出嚟就係水感💦，完全唔會覺得油或者厚重。拍上臉之後好快吸收，滲透力極強，兩三下已經feel到啲水份滲咗入皮膚入面，用完表面清爽但入面係潤嘅。🌊 最驚喜係佢用完之後，皮膚即時變得好軟熟、好彈手，好似飲飽水咁，摸落去滑咗好多～🥚💫 💯 優點 導入效果顯著：呢支微精華水嘅定位係「洗完面第一步用」，幫皮膚打開吸收渠道。我用咗之後再上精華同面霜，明顯feel到後續產品唔會淨係浮喺表面。🚪✨ 保濕力足夠但唔黏：混合偏乾肌最怕就係保濕產品太潤會令T區出油，但呢支做到「潤得嚟清爽」。官方話佢係水油黃金配方（98:2），難怪用完之後兩頰夠潤但T區唔會笠。💧 膚質有明顯改善：持續用咗大約兩星期，最明顯係皮膚穩定咗，光澤感出返晒，妝前用仲會貼妝好多，粉底唔會浮。🌟😍 溫和唔刺

ying好用推薦：**KANEBO GENERATING ESSENTIALS 💧🤍✨** --- **📍質地** 清爽水狀，流動性超高 💦💦💦 一推開已經感覺到好水潤，完全唔笠 🌊 滲透力極強，拍兩拍已經吸晒入皮膚 ⚡️👌 **📍功效** 係一支「導入精華」🎯 洗完面第一步用，幫皮膚打開吸收渠道 🚪✨ 後續搽精華、面霜都好似食得更入咗 💨💖 敏感肌都用得，溫和得嚟又有感 🌸😌 --- **📍效果** 用完即時覺得皮膚軟咗、彈咗 🥚💫 持續用皮膚穩定咗，光澤感出返晒 🌟😍 妝前用仲會貼妝好多，粉底唔會浮 🎭👌💄 --- **📍用法（BA姐姐教路）👩‍🏫💡** 原來正確用法係要 **搽兩次** 🙌🙌 第一次：全臉輕拍，等皮膚先飲飽水 🥤💧 第二次：再按多一次，集中喺乾燥/暗沉位 🎯✨ 咁樣先真正發揮到佢「導入」嘅威力 💪🔥 跟住做之後，效果真係有分別！冇呃人 🙏😭💕 --- #KANEBO 💎 #GENERATINGESSENTIALS 🌸 #導入精華 🚪✨ #護膚步驟 🧴🫶 #日系護膚 🗾🤍 #BA教路 👩‍🏫💡 #搽兩次先係精髓 🙌🙌 #sk

Sakura醬好用推薦：日本Rosette海泥洗面膏用後感！！ 呢支綠色管嘅洗面膏真係我用過咁多隻之中，清潔力同滋潤度最好嘅洗面膏！ 拎到手之後，支嘢嘅包裝管身揑落去軟淋淋，仲好有彈性添！ 擠出嚟嘅膏體係灰色，聞落有陣淡淡嘅泥味（證明真係海泥嚟㗎～），不過整體都算幾清新！ 將啲膏擠喺手度，加足夠嘅水，慢慢捽，就會出超多泡沫，而且仲要好細密！！！！ 我通常會重點捽個鼻哥位，一來我T字位好易出油，二來我鼻哥嘅黑頭好多。 好喇，重點嚟喇，洗完塊面之後我神奇咁發現，鼻哥上面啲黑頭同毛孔裏面嘅污糟嘢真係少咗好多！而且一摸自己塊面，奇蹟般咁滑溜，好似BB嘅皮膚咁！ 連續用咗幾日之後，塊面基本上冇乜痘痘啦！皮膚前所未有咁透亮！ 真係超級鍾意！實會再回購！！！！

zetalhc好用推薦：喺日本藥妝店購入，清潔能力同潔淨毛孔嘅能力都普普通通，但係就勝在性價比好高，長期用可能會覺得洗得唔夠乾淨會堆積角質

Sana好用推薦：【Clinique全效亮白淡斑精華 快狠準評測】🎯 喂，呢支真心有驚喜喎！💧 質地係好似水感精華咁，爽身到爆，幾滴就推勻全塊面。 我用咗一個月度，塊面嗰種透明感係真係望得出——即係化淡妝甚至素顏，都好似有層薄光喺底咁，唔係油光嗰種！🌟 至於淡斑，我顴骨啲萬年曬斑淺咗少少（未消失晒），但整體膚色乾淨咗好多，尤其係去黃效果唔錯。 朝早用完上防曬，全日都冇話變暗沉。 ✅ 透明感：★★★★☆ 用後塊面望落「乾淨咗」，好似抹走層灰膜咁，光線均勻反射，自帶柔焦透光感。 ✅ 淡斑效果：★★★☆☆ 新嘅暗瘡印褪得快過舊嘅色斑，要長期作戰，但整體膚色冇咁「花」。 ✅ 質地：★★★★★ 流動性高嘅水狀精華，秒吸收，零油膩，夏天／潮濕天氣用零負擔。 ✅ 適合咩人？ 想提升肌膚透明感、均勻膚色、但又怕黏笠嘅朋友。敏感肌都OK。 ❌ 注意 淡斑唔係漂白，唔會一兩星期變「零斑」，要畀啲耐性。 結論：唔會誇張話「變第二個人」，但持續用，皮膚會呈現一種自然透光嘅透明感，望落精神、乾淨、有光澤。✨ #透明感#透亮#提升肌膚透明感

Selena好用推薦：呢枝精華我朝頭同夜晚都有用。 我首先洗乾淨面、搽曬爽膚水之後，就用呢支精華。面上有痘印、色斑、暗啞位，我會局部再疊加少少重點按壓吸收。 我覺得質地好水潤清爽，推開即刻滲入皮膚，唔黏笠、唔搓泥，後續搽面霜、上底妝都好貼服。 日間用我一定會搽防曬，用兩個月後越嚟越透亮均勻，皮膚變得有透明感有光澤。 #透明感

erica tsang好用推薦：第1次試用+ 購買左Medicube牌子 ·Melody 聯名美容儀，好可愛，粉紅色美容機 4大功能，提亮 緊緻 保濕 毛孔收護 贈品好kaiwaiii PDRN PINK COLLAGEN CAPSULE CREAM 好正面霜，鮭魚成分+保水粒子 好保濕 ，搽在面上，加上美容儀按摩。我感覺皮膚更有彈性，好Bing Bing 。 依家仲做緊買一送一，好抵牙。

Angie好用推薦：買咗一套四支美容儀，ATS算係比較難用嘅一支，皮膚需要多啲時間適應，頭幾次用完塊面都好容易生粒粒，不過皮膚適應咗之後就冇呢個問題，用完之後再敷面膜感覺吸收好咗

Tszki好用推薦：質地輕盈水潤，推開後能迅速滲透肌膚，不會留下黏膩感，非常適合亞洲潮濕悶熱的氣候。··'、 緊緻毛孔有感，肌膚細紋感退了而且緊緻度提升變得有BB水潤肌的彈性！使用後能明顯感受到臉部顆粒感減少，皮膚變得更平滑。 敏感肌大推薦使用！

Rosa好用推薦：覺得適合夜晚使用 質地容易推和吸收 精華設計非常方便使用

Miranda好用推薦：【質感】 呢支乳液嘅質地係白色輕盈嘅乳液狀，流動性高，一唧出嚟好水潤。佢唔會太稀唔會太杰，推開嗰下感覺好順滑，好似融化嘅雪糕咁。上面之後好快就被皮膚吸收，完全唔覺得油膩或者黏笠。最加分嘅係佢冇香料，聞落係好天然嘅原料味，對敏感肌好友好。我呢啲混合偏油肌用起上嚟覺得清爽得嚟又有足夠嘅滋潤度，唔會好似有層嘢焗住皮膚。呢支 #火熱新品 嘅質感絕對係油痘肌嘅夏天恩物！ 【使用感】 使用感方面，呢支乳液主打平衡油脂同抗痘，我早晚洗完面爽膚水之後就用佢。搽上面之後感覺好舒服，唔會刺痛或者發熱，就算皮膚敏感泛紅時期用都完全冇問題。用咗大約兩星期，最明顯嘅改善係朝早起身塊面唔會再油光滿面，T字位出油量明顯減少，但兩頰又唔會覺得乾。至於抗痘效果，我本身下巴成日生暗粒同石頭瘡，用咗之後新生嘅暗瘡少咗，舊嘅暗瘡印都淡得快啲。佢有平衡皮脂同舒緩炎症嘅成分，長期用落皮膚穩定咗好多，唔會成日突然爆瘡。 【持久度】 持久度方面，佢嘅控油效果唔係短暫嘅。朝早搽完，到晏晝三四點，T字位只係有輕微光澤，唔會變到成塊面油淋淋。如果係全日喺冷氣房，甚至可以保持清爽到收工。佢嘅舒緩效果都幾持久，用咗一排之後，皮膚嘅泛紅同敏感

Lukeee好用推薦：D program 酵母益生元乳液（毛孔淨痘），質地好順滑易推，岩曬係香港既春夏天保濕鎖水，配合埋同系列個爽膚水，有feel到毛孔細緻左。 #火熱新品

莓莓好用推薦：QV保濕精華測評 用過無數精華嘅我，只能輕輕講一句，呢個真係好用到爆！ 我第一次打開佢，啱啱擠少少上手嘅時候，第一次嘅觸感，第一次聞到嘅味道，第一次感受到嘅細滑，我就知道我絕對揀啱咗！ 佢係屬於保濕修護型精華，質地薄身、水潤感十足，非常好吸收，尤其係每次聞到佢嗰陣少少清淡（可以忽略唔計）、純乳液冇香精味嘅味道時，就會超級安心！ 仲有好關鍵嘅一點，就係佢性價比高，用嘅時候一啲都唔肉赤！純粹講價錢，真係是但用都得！！！每次用完，第二日朝早瞓醒，摸自己塊面時，唔誇張講真係有啲BB咁嫩！ 我本身皮膚底子冇痘痘或者出油之類，但我有少少雀斑，做好保濕之後，確實QQ彈彈。如果保濕做得唔好，乾到起皮就冇呢種手感… 呢一款係澳洲皮膚科醫生推薦，例如面部皮膚有問題嘅人，醫生會建議用呢個牌子～日常護膚、轉季、曬後等都能做好保濕修護，冇香精同色素亦真係好安心！對乾敏肌嘅我好友好，之後再塗一層面霜就可以更加鎖水啦～因為質地薄身，乾性、中性、油性肌膚都可以用，只係後面配嘅面霜換唔同嘅就OK！ #精華 #保濕精華 #维稳 #補水精華 #QV #B3 #B5 #CW #澳洲護膚推薦 #平價精華

popocarcar好用推薦：以前只係台灣有得賣，近年終於嚟到香港。 有折時買左枝乳液試，上面幾舒服～ #火熱新品

Mo Wong好用推薦：呢款精華睇黎係有D杰身，本來有D擔心唔好推及吸引，點知用落有驚喜，佢幾易推開，只要係面上點幾點再推開好快搽完，而且佢好快成膜同吸引，有少許香味唔會太濃，整體感覺幾舒服。 佢保濕度ok，我搽完佢再加平日用開嘅面霜，第二朝都唔覺得乾，而且無出油，如果只搽面霜瞓，一般第二朝T字位一定出油嘅。 至於減淡皺紋同增加皮膚彈性方面，試嘅時間太短，未測試到。 #火熱新品

Emma W好用推薦：這款精華能有效保濕，使肌膚感覺柔軟光滑。一搽上面後，會有香香的感覺。一開始以為會好難吸收，因為雖然質地不油膩，但都幾黏下，但係拍拍面部後，就好快吸收。感覺好似面部有滿滿的骨膠原。 但化妝人士留意，佢容易起擦膠碎，作為護膚唔錯，但唔好係化妝時使用。 適合肌膚：任何 成效度：4/5 保濕度：4/5 吸收度：4/5 質地：gel 狀 持香度：3.5/5 #火熱新品

Katrina好用推薦：白色膏狀面膜，先清潔黑頭位置後，搽上佢會有助吸走多餘油脂收細毛孔。敷一陣變乾沖水即可。但搽完佢上面會有啲拿，所以敏感皮膚未必適合使用。

Circlecyy20好用推薦：頗無感的產品 未有即時效果 長期使用的話又會多了一重步驟 偏麻煩

維他他好用推薦：Three 呢支化妝水係買嘢送嘅，試用裝嚟嘅，得10毫升，一打開個樽蓋，聞到滿滿嘅精油味道，超級香，超級好聞，味道非常放鬆，好似係泰國做緊relax嗰啲精油味道，但係佢係化妝水嚟㗎喎，真係一路護膚，都可以享受到Spa嘅氣味。 講返護膚品功效，佢保濕能力都唔差，入便可能加咗少少油，所以其實都幾滋潤，而且香氣好好聞，真係非常加分，呢支嘢正貨都唔平，不過會想試，因為佢真係好好聞，一路搽一路好enjoy，好舒服