Solone 好用推薦產品

jovyjosie好用推薦：solone 應該大家都認識！而家香港都好易買到了！ solone呢隻serum foundation好水潤透薄！你見搽上手，非常之易推開！粉感唔會好重！如果想要遮瑕嘅話，就再一層一層薄薄補上去，好自然！開架嘅價錢，性價比非常高！值得入手！ #火熱新品

Priscilla好用推薦：呢枝係回購第二枝，好好用，好啱香港天氣，一年四季都用到。上面好保濕，薄薄地上一層好自然，遮瑕度可以堆疊，隔一陣會自己成膜，有自然光澤感，用6-8個鐘都吾會甩，暗沉程度吾明顯。

Noelle S好用推薦：買咗兩盒solone眼影，濃太妃latte +特調乳酪，膚咖、橙啡、藕粉、珠光各款顏色都非常易襯，一直隨心混搭配色用。由於眼影盒底部為軟性磁鐵，可吸附磁鐵片，這盤眼影已經俾我重新組裝，全部都係我常用的次序和顏色，非常喜歡呢！

choichoi好用推薦：防水防汗沒有問題但因為真的很防水，請不要偷懶必須使用眼唇卸妝液去卸膊否則有點難卸，但也力證到它的耐水防汗真的相當高，非常適合油眼、夏天使用的

Angie好用推薦：非常容易上手嘅眼線膠筆，新手都覺得好容易用，妝效持久，夏天用都唔怕變熊貓眼

Noelle S好用推薦：大玩藝術家系列F12雲朵定妝刷，刷毛蓬鬆順滑，毛量很多，可以碌或拍上碎粉。係網上旗艦店購買非常方便，圖片尺寸用法都解釋得很清楚。此品牌刷具質素一向都幾好，款式很多，價格相宜。推薦!

AngelC好用推薦：平靚正之台灣品牌，我屬油眼 劃親眼線不久就變熊貓眼， 用左solone眼線膠之後再冇呢個問題出現，佢質地軟滑易上手又long lasting，已經用上了4支，多數會用啡色。

lucrezianoin好用推薦：我買咗啡色, 睇落顏色好自然. 上色都容易, 最大好處係我眼皮比較油都冇乜暈染, 持久度高!!!

kwan0524好用推薦：一打開已經有好感，筆身好幼好得意 其實佢所謂三角型角度都好細，同一般眉筆冇乜分別 易上色，要輕手上妝，算持久，我用2號色

Katrina好用推薦：穩佔我2019年終極愛用啞色唇膏液首位! 呢支“薄塗日常，厚塗上鏡” 一支搞掂嘅 @solone_taiwan #MeltedCreamLipTint 04, 有名你叫 叛逆棕紅， 質感非常輕薄，搽咗感覺十分舒服!

Tiffany好用推薦：台灣品牌嘅眼線液筆，出墨順𣈱，顯色度高，易畫易塗，價錢夠實惠。

Angie好用推薦：價格便宜，畫落都幾順手，性價比高，每次去旅行嘅時候都會順便補貨

Noelle S好用推薦：大玩藝術家系列F04漸層腮紅刷，毛質柔軟蓬鬆，質量很好。刷頭較寬較厚，主要用來上修容的。已用了半年，每兩星期洗一次，毛質依然順滑，留盒裝好去旅行用⋯⋯又再被誘惑入手另一支腮紅掃啦！

Elaine好用推薦：這支妝前精華真的是超級多人人手一支的打底好物！我自己是混合偏乾肌，但夏天T字還是會出油，所以我會在毛孔及T字部位使用，有興趣的朋友可以進來看看真實使用心得～ ｜功效 主打先穩膚再上妝的妝前保濕精華 ｜質地 凝膠狀 ｜使用感受 我使用的是小藍管，會有微微的涼感、控油、舒緩溫熱的功效，可以在夏天上妝前先幫皮膚降溫，幫助後續底妝服貼，對於遮蓋毛孔的效果不是特別大，但還是有幫助～ 一抹化水完全沒有負擔感，不過沒有防曬係數，所以建議之後還是補個防曬再上底妝～ 成分有添加積雪草跟玻尿酸，幫助舒緩及保濕 但不知道是不是成分的關係，開封後過一陣子質地會變水一點，不知道是不是每一款都有？ 這是唯一覺得可惜的地方，但光是夏天可以在上妝前有涼感已經很滿足了～～推推！ #底霜部門 #妝前保濕 #毛孔柔焦

cck1215好用推薦：呢支妝前精華嘅保濕力好高，質地非常水潤易推，最震撼嘅係佢嘅柔焦效果！主要幫手修飾鼻翼兩側嘅毛孔同微細紋理，推開之後肌膚即時呈現好自然嘅磨砂柔焦感，整體膚質睇落平滑咗好多～ 如果追求透亮貼服、又有自然磨砂濾鏡感嘅底妝，呢支妝前精華絕對值得入手！