黑眼圈遮瑕 推薦好用產品

Kmggigi好用推薦：Hourglass 無瑕遮瑕液 — 高遮瑕、輕薄、用完即刻變天仙咁誇張嘅遮瑕😍🔥 質地 & 效果: 呢款遮瑕液真係貴價界嘅神級存在！ 遮瑕度高到可以一抹隱形黑眼圈， 但質地又薄得嚟似第二層皮膚咁， 自然到嚇親人嗰隻🫣 薄薄一層已經係「天生好皮膚」嘅效果。 延展性好好，完全唔需要技巧，新手都用到好靚！ 色號選擇多，我用 Cream， Sephora 嘅 SA 都會幫你揀到啱啱好🤣 化妝新手都啱用，簡單到唔使諗！ 遮黑眼圈嘅話，只需要喺眼底點幾點， 再用粉撲輕輕印開，就會即刻變精神！ 效果自然又高級，好似天生自帶柔焦濾鏡， 完全冇斑駁😎 上妝前: 黑眼圈好明顯，仲有眼袋🫨 用咗遮瑕液遮黑眼圈後: 係咪唔講都唔覺遮咗？ 因為真係超級自然，同附近嘅膚色blend得好好， 要記住我連粉底都冇搽！🥳 ‼️乾肌注意：不過個妝耐咗可能略乾 雖然佢本身係滋潤系，但如果你眼底極度乾， 過幾個鐘會開始感覺到乾感浮現。 我試過搽面部，推慢咗會好快變乾， 所以乾肌記得好好保濕先用。 總結：用完仲點捨得轉返其他遮瑕？！ 高遮瑕、超輕薄、易推、色號靚，帶妝又好睇， 除咗比較貴🫣🤣 只要做足保濕， 效果真係

Cheung2好用推薦：身為乾肌嘅我一直都搵緊一支命定眼底concealer，希望佢有coverage又唔顯乾紋 @hourglass vanish concealer好評如潮，忍唔住買咗嚟試🧐買咗crème同cotton兩隻色，都幾有驚喜😙 Crème用嚟遮眼底，cotton用嚟遮痘印，coverage好好，用法上有少少技巧，因為coverage過，最好點落手背，blend開之後再拎好少好少分量上面已經好夠，先會又夠薄又唔乾👍🏻啱哂香港夏天用🙌🏻 買細支啱哂去旅行/拎出街用，1.3ml都夠用好耐😂啱哂我中意不停試新產品😆

布吶吶好用推薦：Maybelline Fit Me 遮瑕膏（色號 15 Fair）詳細測評 今次同大家深入測評 Maybelline Fit Me 遮瑕膏，重點講吓 色號 15 Fair，呢隻色號喺香港都幾多人用㗎！ 整體評價： Fit Me系列以「自然貼服」做賣點，呢支遮瑕膏係開架品牌中嘅人氣王。色號15屬於 偏象牙白嘅淺色，帶少少 粉調，非常適合 白皮至自然偏白膚色 嘅朋友用嚟 提亮 同 遮蓋輕度瑕疵。 1. 質地與妝效 · 質地： 乳液狀質地，水潤易推，唔會黐立立或好快乾。對於偏乾皮膚嚟講比較友好，唔會卡粉喺眼紋。 · 妝效： 上臉後係 自然啞緻 效果，有少少皮膚本身嘅光澤感，唔會完全死實。因為質地輕薄，所以妝感唔重。 2. 遮瑕度與用途（色號15重點分析） · 遮黑眼圈： ★★★☆☆ 因為質地水潤，用喺眼下唔會太乾。但色號15 偏淺兼帶粉調，非常適合用嚟 提亮淚溝 同 中和灰黑色黑眼圈。如果係嚴重啡色黑眼圈，可能要先用橙調校色遮瑕打底，再用呢隻提亮。 · 遮痘印/瑕疵： ★★★★☆ 遮蓋 紅色痘印、輕微泛紅 效果非常好！因為粉調可以中和紅色。遮瑕度屬中等，可以疊加。 · 提亮用途：

Chloeincosme好用推薦：因為眼下皮膚偏乾，用遮瑕膏經常卡紋，Fit Me柔滑遮瑕膏出左新色- 三文魚色，就買黎用下。整體質地輕盈水潤，推開好順滑，冬天用幾好，係搵到一支唔會令眼下乾到現皺紋嘅遮瑕～ 新三文魚色（黑眼圈嚴重嘅朋友可能會嫌佢唔夠橙）質地偏水潤 🤍 滋潤度：4.5/5 水感質地好貼服，即使用喺眼底都冇卡粉，冬天乾肌用都零負擔！ 🤍 遮瑕力：4/5 薄薄一層已經遮到7-8成黑眼圈同痘印，不過重複疊加就會有啲妝感！ 🤍 持久度：3.5/5 帶妝大半日會有少少減淡，但唔會積線或斑駁，補搽都方便～ 🤍 色號選擇：5/5 有齊冷暖調多個色階，容易揀到啱自己膚色嘅遮瑕～ 總結： Fit Me呢支遮瑕膏係平價遮瑕中嘅優等生！尤其適合眼下乾燥又需要自然遮瑕嘅人～唔知夏天嘅持久力如何？有機會回購，推薦俾所有怕厚重又追求貼服妝感嘅你！

Kmggigi好用推薦：Excel 無重絲滑三色遮瑕霜 — 濕潤柔滑，遮瑕修飾一盒搞掂！✨ 質地: 呢款Excel 無重絲滑三色遮瑕霜質地偏濕潤， 推開非常容易，啱晒轉季後使用 就算係乾肌用都唔會卡粉或者顯細紋， 遮瑕同時保持自然細膩妝感， 令肌膚睇起來更水潤柔滑，偏水光妝效！ 顏色: 一盒內含三種色調，已經足夠應付日常遮瑕需要， 簡單又實用： - 深色：適合用嚟遮掩痘印，有效修飾色素沉澱同暗瘡印，令膚色均勻。 - 三文魚色：針對遮黑眼圈設計，能夠中和眼周暗沉，令目光更明亮有神。 - 淺色：用嚟調整另外兩色嘅明亮度，亦可以直接用嚟遮蓋泛紅位置，例如鼻翼兩側，效果非常自然。 每個色調都可以靈活混合， 根據膚色需要來調整遮瑕效果， 而且遮瑕霜同皮膚貼合度算高， 無論遮瑕定修飾都啱用！ 效果圖: Before - 有黑眼圈同淚溝After 總結：濕潤自然，一盒多用的全能遮瑕霜 Excel 無重絲滑三色遮瑕霜以濕潤質地、三色設計， 令遮瑕過程更加簡單方便， 仲可以輕鬆應對痘印、黑眼圈同泛紅等多種問題。 如果你想搵一款性價比高又多功能嘅遮瑕霜， 呢款絕對係值得入手嘅選擇！💫

Emily Leung好用推薦：强烈推荐🌸excel三色遮瑕盘 简直就是复刻版ipsa❗️ 高密着感的膏体质地即使大干皮也不会卡粉斑驳，上色好，遮盖力很强大！ 三格分別針對雀斑痘印、黑眼圈、鼻翼泛紅。 由上到下1用來遮痘印、斑點、和嘴角處色素沈澱的，2用來遮黑眼圈，3是用來和1疊用調整色差。 真的超好用，上臉滋潤又不會成坨，刷頭也是很好用，遮痘印斑點技巧是一定不能用力，要輕輕的用小刷頭取1號色用刷頭整個側面點塗，不要只遮痘印，遮蓋範圍要延展出去一丟丟，然後取3號色疊圖調色，再用大刷頭將邊緣交界處掃均勻，要輕輕的。2號遮黑眼圈也很好用，不過我用的不多。 每天隔離之後用完這個遮瑕，真是很滿意沒有瑕疵的妝感！

Kmggigi好用推薦：Visee 眼部專用遮瑕膏 — 高性價比遮圈好幫手✨ 質地: 呢款眼部遮瑕膏嘅質地柔順絲滑，滋潤度偏高， 遮瑕膏嚟講，上眼後貼服度算高， 起紋或積線相對算比較少， 對於眼下乾燥肌算友好，轉季後都可以使用。 妝感自然輕盈，唔會有厚重感。 效果: 產品包含兩種基本色調，正好對應遮蓋黑眼圈需要。 使用時可以按自己膚色比例調配， 我通常會先上一層橙色調整暗沉， 再疊加幾層膚色色調去提亮遮瑕，效果自然明亮。 多層疊加時可能會出現輕微結塊， 搽薄啲效果會更理想。 不過以遮瑕力同貼服度嚟講，整體性價比相當高， 係開架品牌入面表現突出的一款。 上遮瑕膏前: 眼底黑眼圈比較明顯，另外有淚溝用手指搽上遮瑕膏後: 輕微遮蓋了黑眼圈同淚溝，但由於顏色比較有限，短時間唔可以調配啱我自己嘅膚色，但有咁嘅效果已經好好👍🏻 總結：溫柔遮瑕力，眼下暗沉救星 Visee 眼部專用遮瑕膏以柔滑質地、自然貼服效果同靈活調色設計見稱，非常適合用嚟遮黑眼圈。 雖然多層疊塗會有少許結塊， 但以佢嘅價位同表現嚟講，真係值得入手！✨

Also melon好用推薦：Visee 雙色遮瑕膏長期都上cosme榜熱賣，佢嘅size好似單色眼影細細盒，一盒有兩隻顏色，感覺扺用。我喺舖頭試上手嘅時候都覺得好似唔太差，質地容易推開，跟住就買咗。 買完之後感覺有少少中伏。真正化妝時直接用上眼底，完全feel到遮瑕膏有啲乾燥，如果用太多又會好乾，太少又遮唔到黑眼圈。另外因為要用橙色再上膚色，其實未定妝之前已經好乾。 如果係成日化妝嘅人一上眼已經有少許乾，化妝之後幾個鐘就真係會顯咗成條乾紋出嚟，表現一般。

mcosmetics好用推薦：Dior Forever 呢支遮暇液一直有好多beauty youtuber推薦。我已經用完兩支。試左好多牌子嘅遮暇液係比較滋潤。我本身眼底較乾，帶妝一日容易現乾紋同卡粉，用dior效果係最好。顏色選擇多，容易搵到適合亞洲人嘅色調。雖然價錢唔平但佢都好大支用到好耐～開封耐左覺得有少少氧化，眼色橙左少少，但都好適合遮黑眼圈～遮暇度冇hourglass 咁高，但潤啲薄啲，可以疊加。最大嘅缺點係佢會漏到個蓋入面全部都係，用過兩支都係咁，覺得好浪費同埋有時會整污糟。不過冇hourglass咁差，唔會漏埋出黎。

Wkk好用推薦：質地比較乾，塗抹前需要做好保濕。但是提亮效果非常好，並且很持久

Ki Lyko好用推薦： 一直聽說這支遮瑕膏很好用, 因為價錢實在太貴,所以考慮了很久才終於買了, 唇膏狀, 用掃上會比較好, 別看他小小的一支，但其實每次只需用少量就可以了, 所以可以用很久, 上手效果 : 其實它遮瑕度算很高, 只要用少量也能夠把凸起的暗瘡也瑕得很好, 比想像中滋潤, 不太乾。

Ko好用推薦：最近去咗日本，喺免稅店買咗 Cle de Peau 呢個牌子嘅遮瑕膏。佢質地好滑好易推開，輕薄咁塗上去都唔會有負擔感，印象中免稅店好似得四隻色，我買黎遮黑眼圈。遮蓋力算強，可以輕鬆遮掉黑眼圈同埋其他面部瑕疵，不過因為我係千年黑眼圈，所以要喺個眼底度調左色先再上呢一支遮瑕膏。我眼底一向好乾，但佢用落唔會乾，修飾眼紋嘅效果中上，我眼紋好深，所以無論用咩遮瑕膏都會現形，所以中上其實我都算滿意㗎啦。不過佢價錢有啲貴，我盡可能都會喺免稅店先買，可以平差唔多2百。 圖1，2產品圖 圖3 搽虎口，可以見到啲紋唔會遮得哂 圖4 遮瑕力算係幾好

Kirby好用推薦： 睇都相見到我用到Hit晒pan，我覺得非常好用！ 呢盒雖然係膏狀既4色遮瑕膏，但係好容易推開，亦唔會顯乾紋。我最常用係左邊上下用嚟遮黑眼圈，遮瑕力足效果亦自然。右下用嚟遮暗瘡，暗瘡印等等瑕疵。右上用嚟打亮鼻同眼角位。一盒有多種配搭使用，細細盒帶去旅行都非常方便。

Fng好用推薦：Addiction Skin reflect fresh concealer palette 四色遮瑕盤 # 001 比較啱皮膚偏白嘅人用🤍，左上係遮黑眼圈嘅 右上係highlight ，左下係提亮色， 右下可以用只遮啲小斑點/痘印，基本上一盒已經可以處理哂全部皮膚嘅瑕疵， 質地水潤，不會卡粉。

Catcmc好用推薦：係用過最好嘅遮瑕膏，之前已經試咗N咁多其他款，有啲遮唔到太深嘅黑眼圈，有啲又太乾，有啲又浮；最後發現呢個係最最最最最好，潤得來又唔會厚，但係又遮到！唔怪得知咁多人介紹

KDing好用推薦：呢款遮瑕都幾貼面，唔會喺眼底造成顯乾紋，黑眼圈調色嘅function都幾好

Fng好用推薦：ysl 明彩筆 ✍️ 質地與設計： 筆狀設計超精準，扭出嚟係水潤奶油質地，帶微微珠光。本來用開#2自然色遮黑眼圈，今次特意揀#1亮白色嚟做提亮。 💡 眼周提亮實測： · 遮黑眼圈：水潤唔卡紋，但遮深色黑眼圈要疊加 · 提亮法令紋：效果超自然，係真正「明彩」效果 · 唇峰打亮：即刻有嘟嘟唇感 總結： 一支創意與功能並重嘅多功能筆！依然係化妝袋必備嘅提亮神器。

Simona好用推薦：YSL明彩筆真係外表吸引，金管拎出街一拎即刻加分✨！ 遮瑕力一般，但用嚟提亮眼底同補妝一流，保濕度都幾好。 有時真係趕時間，上唔切遮瑕，用YSL明彩筆隨手一掃都即刻有精神啲！👍 提亮眼底氣色好咗，夠晒方便快捷。

Karman28好用推薦：係nars專門店揀左兩款顏色，化妝師幫我試黎遮黑眼圈好得，係好完美咁遮左。如果買，真係要試色上面，咁先可以揀到最岩自己既顏色。 不過自己係屋企用時，無化妝師咁好手勢，出黎效果係差少少。同埋用膏上面，感覺無咁易有乾紋，裂紋。

Pinky好用推薦：固體質地，用既時候用手指warm up，少少份量就夠，唔會乾，輕輕印係皮膚，逐少逐少搽，遮瑕度算高，但唔可以用太多，如果唔係會好易厚

Minnie Tse好用推薦：10年前都已經用梗 而家都keep 住2個色號，一深一淺 1號色用作highlight (例如淚溝，法令紋） 1.5號色用黎遮黑眼圈 金色包裝真的很靚

Noel好用推薦：YSL 明彩筆，當時超火紅，無人不曉！這個遮瑕膏版本可以用來遮下眼了，不只用作作提亮！遮瑕膏質感 creamy 又很保濕，又容易控制份量，自帶掃子，超方便👍

olitong好用推薦：使用有秘訣❣️輕力斜印遮好遮滿～ maybelline的遮瑕有幾款，之前一直是用開方形fit me那款用了幾年，最初轉用海棉頭這支覺得不及fit me那款好，畢竟海棉頭不可拆出來洗，容易藏污，但用慣了之後才發現越用越愛，現在寧願換得密一點也要買返這一枝！ 我用的是130號，我自己膚色算是中性偏白一點的，之前買過140和120，一個太黃一個太白，130剛好比我的膚色稍微（真的是稍微）深色一點點，用來遮眼袋其實反而最自然！真的是最剛剛好能遮眼袋的色號了👍🏻 （上手圖就能看到會比我膚色稍微深色一點點，但其實這種顏色用來遮眼袋是最好的了，上完粉底或碎粉後這種色差就會消失，然後變得很自然） 要說一下這款海棉頭的遮瑕筆是要「開筆」的，新開時需要狂扭幾下，將樽內的遮瑕液扭出，扭到白色的海棉上能看到有肉色的遮瑕液為止，之後要在紙巾上，打斜地用少許陰力壓幾下，你會隔住紙巾feel到海棉頭內有一枝野，那就是裡面「出墨」既位置，這時才正式用在臉上。 我通常只用在眼袋位置，由於海棉頭已經沾有適量的遮瑕液了，此時「不需要」再扭動出墨，直接用海綿頭「打斜」地輕力在眼袋位置上印開，因為要斜印才能邊輕壓沾在海棉

KDing好用推薦：呢支黑眼圈擦擦筆用起嚟比我想像中嘅失望，佢遮瑕膏同海棉一體成形係佢本身既特點，睇落係方便D，但係佢吱遮瑕膏既多少唔係太易控制，同埋如果本身黑眼圈大又要用調色遮瑕打底，用呢枝遮瑕筆就好易抹走埋打底調色果層。 對於黑眼圈比較淡，唔係好明顯既人黎講，呢枝遮瑕膏就可以好好發揮到。如果論補妝方便性，呢枝擦擦筆就有埋海棉可以推開，唔洗用到手。 遮瑕膏本身質地唔係好流質，但佢都算幾輕薄，佢嘅時裝力算係唔錯。 質地：偏固態 遮瑕力：3.5/5

Kura好用推薦：呢款遮瑕膏我用咗好耐，四季都好啱用，遮瑕效果唔錯，佢嘅質地係偏厚實嘅膏狀，容易推開，價錢合理

Circlecyy20好用推薦：並非能夠單用的遮瑕膏，但是因為顏色偏橙使用着黑眼圈作打底，再加後續嘅遮瑕膏會容易遮得好啲

LenaC好用推薦：一直都頗喜愛Ettusais 呢個品牌 佢既產品made in Japan 好多都不含香料 礦物油等刺激成份 呢隻遮瑕液都一樣 不含香料 而且揉合洋甘菊精華、迷迭香精華、甘油等天然保濕成分 佢既棒棒好似指甲油掃咁係軟毛面 易於瑕疵部位塗抹 例如黑眼圈及鼻翼等位置而且遮瑕液質地薄透水潤 塗上面非常薄貼均勻 自然隱藏黑眼圈 膚色瑕疵等

Circlecyy20好用推薦：水感較重的遮瑕 對遮普通的瑕疵會比較有用 質地是較輕盈 相當不錯

jaye好用推薦：夠水潤，用黎遮黑眼圈唔錯，唔會顯眼紋，遮瑕度中等，可以疊加，可以令雙眼更精神，素顏妝淡妝都好岩！

Circlecyy20好用推薦：質地較厚身 容易取過量 除非當日要當較完整的妝容 否則較不日常可用

KDing好用推薦：遮瑕力都有中度 一D痘印都遮得到 不過佢明顯有妝感 所以最好夾粉底用

jojoma123好用推薦：遮瑕液質地尚算易推,薄薄一層已能修飾臉上紅印,效果亦夠自然,如果要遮黑眼圈,則要塗厚一點

Verna好用推薦：這支霜狀遮瑕棒的質地很柔滑，很容易操作，只需要直接在要遮瑕的地方點一點，再用手指暈開邊緣就可以 它的顏色和我的膚色很配合，遮瑕度也不錯，暈開後，面上的瑕疵完全被遮蓋，隱形了 而且它的價錢十分親民，性價比高👍

Milo101好用推薦：偏膏狀的遮暇筆，直接塗在臉上會比較難塗得均勻，通常都會用手指再印開，價格較便宜

Puffysheep好用推薦：之前見到啲化妝師有時都會有呢一支 老實講呢枝嘢遮瑕度都ok㗎而且都算平 用咗好耐都仲用到 性價比高

chasiutung好用推薦：Maybelline依支遮瑕液 質地好厚 好乾 上臉不久顏色就變得暗沉 不致痘

scoco0515好用推薦：因为之前一直很在意，所以就买了。正如日本的口碑所说，橙色的遮瑕膏非常出色。把黑眼圈擦干净， 另外，因为可以混合使用，所以最适合斑点、痤疮痕迹、暗沉。本来以为和价格相比是少量的，但是因为伸展性非常好，所以一次使用的量非常少。 前から気になっていたので購入しました。日本での口コミのとおりオレンジ色のコンシーラーが秀逸です。クマを綺麗に消してくれます。 また混ぜても使えるので、シミやニキビ跡、くすみにも最適です。値段の割に少量だなと思いましたが、伸びがとてもいいので一度に使う量はとても少なくて済みます。

LB好用推薦：眼底乾ge 人5好買 好易浮粉 用左幾次已經想扔佢入垃圾桶 反而佢另一款遮瑕stick 仲好用 貼d同冇咁移位

Tiffany好用推薦：好滋潤的遮瑕膏，太滋潤質地又比較厚，反而容易卡紋，不過要小心用量。