不卡粉 推薦好用產品

Kylieee好用推薦：多謝cosme抽中派發試用品～ 首先想同staff講聲唔好意思先啊 因為一啲私人原因直到截止日期後 我先輾轉收到份禮物仔🥹🙏🏻 試用後依家講下個產品體驗先～ 🌸🌸🌸🌸🌸🌸🌸🌸🌸🌸 今次一共收到兩份試用產品： 1. CHARLOTTE'S MAGIC CREAM 魔法面霜 2. AIRBRUSH FLAWLESS FINISH POWDER輕盈無瑕蜜粉 🌸🌸🌸🌸🌸🌸🌸🌸🌸🌸 ✴️ 魔法面霜 ✴️ 首先想講迷你裝真係好可愛好袖珍 🤣 上官網見到個正品裝係切割面嘅玻璃樽身 個設計好靚好想入手🥹💕 我自己膚質係混合偏乾，T區易出油， 但同時個鼻頭同臉頰好易乾燥脫皮🥲 呢期轉季、天氣轉乾都物色緊岩用嘅面霜， 因為多數一係唔夠潤，一係潤到油光滿面.. 實際用魔法面霜嘅感覺係 首先佢味道係幾典型嘅面霜味🤣 本身有少少期望會有特別嘅香味， 但另一方面睇可能都代表佢冇落咁多香料～ 至少係我試用期間係冇任何過敏情況🙏🏻 質地方面係好易推開好滑嘅cream狀， 上臉唔會覺得笠，按摩好快吸收， 令我驚喜嘅係如果夜晚開冷氣 好多時候訓醒會發覺面霜吸乾曬🫠 但charlotte呢隻就算冷氣

Miawong好用推薦：感謝@cosme的試用邀請Charlotte Tilbury Magic Cream 魔法面霜x Airbrush Flawless Finish Powder 輕盈無瑕蜜粉試用產品 🩷我是乾性皮膚在炎炎夏日皮膚還是很乾的那種，如果大家秋冬比較乾/ 上妝有卡粉情況的話，我非常推介大家試用佢的皇牌魔法面霜👍🏻 Magic Cream上面後有少許水潤光澤感，而且有不會和後續的化妝品打交起碎！Magic Cream也可以當妝前Primer使用！☺️混合肌夏天用的話，Magic Cream質地相對地會感到有點厚重，但可試試減少用量試試。 而秋冬天使用的話就剛剛好。 Magic Cream蘊含 MAGIC 8 高效護膚成分，當中具有獨家專利抗哀老成分三胜肽複合物及透明質酸有助補充膠原蛋白，有效減淡細紋皺紋 ，鎖緊皮膚水分，提升光澤感；所以用作妝前/ 妝後保養都可以一瓶搞定🤝🏻 而 Airbrush Flawless Finish Powder 輕盈無瑕蜜粉主打「柔焦濾鏡」😄 用後肌膚好像用了濾鏡一樣能夠撫平毛孔細紋☺️ 抑制油光效果妝感好自然能打造霧面妝容； 蜜粉質感好細緻絲滑用手指輕輕一摸

babybear_好用推薦：我的肌膚狀況 : 沙漠乾肌 + 敏感肌 眼下乾紋嚴重，眼下/臉頰/額中央/鼻頭不時有脫皮，臉頰泛紅，淚溝嚴重 來試用GA的 設計師光感修護粉底液 SPF 15 / PA+++ 色號 1.5 先貼Before & After 照 (全部iPhone 13 Pro 後鏡) : 今天皮膚狀況是地獄級，因為天氣太冷，我的臉大爆脫皮，也因為太冷也沒完全不想敷mask 加上今天試妝沒特別出街，也沒特別做妝前保濕🤣 來個脫皮部分的Before & After : 上妝後沒有突顯脫皮，正常照鏡覺得OK，我給過👌🏻 暗沉對比 : 覺得在臉上暗沉沒這麼嚴重，而且1.5號我用太白了，暗沉了還是白🤣 試用報告(5分滿分) : 保濕度 : 5/5 持妝度 : 3.5/5 遮瑕度 : 3/5 個人感想 : 保濕度非常滿意，眼下也沒有卡粉/積線，今天帶妝8個半鐘也沒有蹦緊的感覺，而且光澤超喜歡! 一直到晚上都keep住個光澤，是那種晚上做完保養皮膚好靚透光那種! 遮瑕中輕度，遮泛紅ok，其他需疊遮瑕膏。 持妝一般，正常保濕精華粉底通病，唇上+下巴有浮粉，用手可以推返好，不過毛孔部分依然遮

Ressie14好用推薦：#火熱新品 #我的最愛粉底液 L’Oréal 旗下不論YSL，LANCÔME 定 Shu家出嘅粉底液，無論透薄度/遮瑕度/持妝度都達到大師級水平，今次試用ARMANI designer glow SPF15 PA+++ ，試到翻唔到轉頭 本身我係YSL粉絲，於唔同嘅場合分別會用上YSL氣墊粉底 B25 or 佢既ALL HOURS粉底液LN4 ，本身已經好啱我混合偏乾+只有少量紅印/微絲血管/暗瘡印嘅肌膚。但呢次用ARMANI designer glow, 唧出黎佢既延展性幾高，冇YSL ALL HOURS咁快成膜，用粉樸輕拍上臉，印下印下就印出密密實實既遮暇度，遮蓋到大部分瑕疵；印勻後見肌膚好似上咗一層水光薄膜咁，而粉底既色號都好靚，1.75其實對我嚟講係白咗啲，但試用產品就冇乜所謂啦另外要讚既係，ARMANI designer glow持妝力極高！因為我本身唔大汗，主要留喺商場行街，到夜晚，其實妝容都冇乜點溶亦冇發現氧化跡象，如果要講究少少嘅話，就可以吸一吸油再上返少少蜜粉，將妝容再持續多2-3個鐘。但返到屋企之後，始終眼底都會有微微卡粉，正常現象。 所以試用過後，我的確去配

heihei好用推薦：膚況：混合偏乾，但T位同鼻兩邊會出油最易溶妝，同埋好敏感長時間大範圍泛紅，除此之外平時大部分時間無乜太大瑕疵如瘡印同斑等等，只有黑眼圈同少少眼底紋淚溝咁。咁啱呢個星期唔知係咪轉季加上用咗弱酸去角質，爆咗好多瘡，所以係喺好多瑕疵嘅情況下試用粉底。本身有用過第一代係好鐘意，空瓶咗2-3枝。直至上年試用過BB新粉底之後覺得佢好過Shu先無再買Shu，所以今次升級咗都好期待佢嘅效果。為咗試到新粉底嘅效果，呢一個星期我番工定出街都用佢揤一泵，而且除咗黑眼圈外所以位置都無用任何遮瑕，測試下粉底嘅遮瑕同持妝能力。 不變因素： 粉底用量：一泵，剛好全面上一層 上妝工具：手指＋Solone 梳乎厘 定妝：Suqqu 碎粉/CPB粉平；掃/粉撲上 ———————————————— 第一日 氣溫：20-23C 濕度：91% 妝前打底：爽膚水＋小黑瓶精華+嘉丹防曬
帶妝時數：10小時，當中有7小時喺冷氣地方戴口罩 收工後狀態：額頭有啲乾、顯紋。鼻同面頰近睇會見到溶溶地，但遠睇底妝還算完整，仍然有7成遮瑕度。 上妝前、剛上妝、收工 ———————————————— 第二日 氣溫：16-25C 濕度：90% 妝

carriecat好用推薦：由舊版開始已經由好多朋友推薦shu uemura嘅小方瓶，最近出咗全新升級的「小方瓶2.0」之後，班朋友都升級晒仲推咗唔少身邊人落坑，搞到自己都心思思。 今次有幸試用，仲要遇著反覆不穩氣候就啱晒。 自己一向就好大汗，但皮膚又好乾易紅易痕，毛孔粗大，妝容易氧化溶妝嘅。屋企無品牌類似嘅粉底掃，用一字掃推開好易好滑，好輕手已經可以上好薄薄一層粉底，再慢慢疊加去遮啲相對明顯嘅瑕疵同粒粒。 都幾滿意，唔會焗皮膚。 大致明顯嘅眼底白色油脂粒，粗大毛孔都遮到，膚色不勻修飾都幾靚。 畢竟皮膚瑕疵好多亦唔平滑，但佢可以薄得黎有一定遮瑕力都幾好，無特別用遮瑕膏 眼底都tune到一半。定好妝，配合埋shu uemura嘅定妝噴霧，摸上塊臉係乾爽同順滑嘅，唔會笠唔痴手。 出街3，4個鐘後平時已經抹緊汗溶緊妝，今次用完2.0 只係髮際無辦法因為抹汗抹甩咗啲粉，T字位微油變咗少少光澤感😂，整體都ok，少少黏，有啲意外持妝都幾高，仲要天氣一係焗一係濕凍，印番少少粉又完好了。 會繼續開心使用～

楊壯碩好用推薦： 購買其他化妝品獲贈LANCOME TEINT IDOLE ULTRA WEAR粉底液試用一包，測評如下： 使用感：5/5 ▶️質地輕盈、流動性高、延展性強，膚感透薄不油膩，好似無擦粉底，很舒服，不會悶痘 服貼度：5/5 ▶️底妝非常服貼，好像第二層皮膚，沒有面具感，不會顯得很厚重cakey ，可參考下面attached的上妝前後對比圖 遮瑕度：3/5 ▶️可以均勻膚色，但顏色較深的hyperpigmentation是遮不到的，例如色斑、黑色痘印（粉紅色淺色痘印可以遮住）等 妝效：5/5 ▶️自然啞光妝效，不會凸顯乾皮，有效將毛孔、細紋、乾紋等texture瑕疵隱形，可參考下面attached的上妝前後對比圖 控油力：4/5 ▶️控油力普通，但優點在於就算出油、輕微融妝，也不會融得特別斑駁難看，而是從啞光變得更加glowy 持久度：5/5 ▶️正常定妝的情況下可以全日持妝，持妝8小時後的狀態可以參考下圖： 綜合評分：4.5/5

Desse好用推薦：一個妝化得好唔好.. 底妝絕對係重點之一.. 皆因一浮粉.. 就會毁曬全個妝😪 我自己揀粉底液…會睇幾個重點 -質地 -不易氧化 -帶遮瑕度 -有防曬功能 至於霧面.. 日韓風.. 歐美風.. 通通都係其次 LANCOME持妝輕透粉底液 喱一款我會俾8分 💡 輕薄貼服 質地好貼服.. 用美妝蛋輕拍薄薄一層已經上到妝.. 就算叠加遮瑕都無出現卡粉現象.. 色調非常自然兼帶柔焦效果 💡不易氧化 底妝最怕氧化後變咗黃面婆.. 喱一款完全無問題.. 新年期間朝7晚11都無變色泛油.. 吸油紙都慳番🤭 💡帶遮瑕度 我用Po-03.. 無特別去化白.. 如果少量瑕疵.. 例如雀斑同暗瘡印.. 叠加2-3層就完全遮到.. 只有黑眼圈要另外處理 💡有基本防曬功能 Spf38 pa+++ 雖然只係基本配置.. 但算唔錯.. 我買粉底液必睇防曬度數.. 因為防曬實在太易同底妝打交.. 搞到搓曬泥.. 所以喱項都算合格 🧏🏻‍♀️喱款粉底液嘅霧面效果都唔錯.. 所以我自己會俾8分 扣分位係防曬度數唔夠.. 如果上到spf50 會更加好💓 因為度數唔夠.. 如果需要進行室外活動記得

cynthia_snow好用推薦：本身皮膚比較乾，所以每次搽完粉底之後，都要拎住塊鏡，用好多時間仔細端詳塊面有冇出現斑駁、卡粉嘅情況🥹除此之外，鼻翼兩邊毛孔都比較粗大，兩邊面頰亦因為毛囊角化引致泛紅，邊緣位置亦有唔少暗瘡印，平時都要用遮瑕膏慢慢遮，所以成日都要化妝化一粒鐘先出到門口🤦🏻‍♀️ 一直有聽聞Bobbi brown嘅蟲草精華粉底係養膚粉底，因為粉底液入面有75%護膚成分，包括蟲草修護精華+人蔘配方，化妝同時可以做埋護膚，所以好期待試用嘅效果！一般做好妝前保養之後，我會吱一泵粉底液，分幾次點上面，再用定妝噴霧噴濕美妝蛋，然後將粉底液均勻拍開。BB蟲草粉底液屬於比較水潤嘅粉底，延展度好好，feel到好貼膚，唔會令人覺得帶咗個面具，好厚重咁，我甚至一度唔記得自己化咗妝😂 上妝之後皮膚微微反光，真係有水潤亮澤、緞光肌嘅效果~最開心係成功將鼻翼側邊嘅毛孔完美遮左！😍觀察埋其他地方，都見唔到有卡粉嘅問題~ 暗沉同泛紅嘅位置我有再疊加一層，都遮到七、八成，以比較水潤嘅粉底嚟講效果好唔錯！

Lesleyy好用推薦：Bobbi Brown Intensive Skin Serum Foundation SPF 40 PA ++++ 色號：Warm Ivory 香港專門店售價：$660* @Cosme試用邀請 是日分享·輕熟肌，乾皮嘅命定粉底 如果有留意Bobbi Brown嘅都會聽過蟲草粉底 年過25就開始想搵養膚型粉底，加上依加除口罩，梗係要靚靚樣啦 之前入手咗佢地嘅cushion 結果一試愛上仲買埋佢地嘅粉底 蟲草粉底一向都係sell光澤感 如果鍾意霧面粉底嘅朋友可能就唔係你杯茶啦，不過，加霧面碎粉都可以一戰㗎❗️❗️ 但我就係鍾意Bobbi Brown 嘅水潤光澤感 令人有種皮膚好好嘅錯覺🤪 講吓用後感先 粉底屬於medium coverage 中等遮瑕 延展度都唔錯 遮瑕度可以build up 我自己本身瑕疵唔算多，對我嚟講都幾夠 質感好水潤透薄，唔會有焗促嘅感覺 粉底好快就融入到皮膚 同cushion都好似，但粉底就抵用好多啦 上妝前 上妝後： 粉底嘅滋潤度真係好好 比較容易卡粉同甩皮嘅位都控制得唔錯 唔會上極都上唔到粉 亦都唔會話大風少少就吹乾曬嘅皮膚 但滋潤型粉底嘅缺點就係

wandywsy好用推薦：多謝Cosme 俾我試用Maybelline全新Superstay系列嘅小紫瓶粉底液～呢個系列唔似其他Fit me系列咁有咁多款色可以揀，不過6隻顏色都偏向亞洲人膚色，仍都容易自己揀適合既色調。是次試用主要係用C20同N10為主。 自己之前覺得自己係用C20（偏自然和中性）， 試用後發現N10其實都啱用，視乎自己喜好想要自然定係偏白小小既效果。如果要出成日街，建議揀左偏白一度既，咁樣到夜晚粉底液氧化後皮膚都會睇起黎比較自然。 今次試用左成個星期，幾乎日日都係用呢個系列，呢款比我既感覺係「速乾」，用果時都建議擠係手上先再上面，咁就唔會係塊面度乾咗難抹開。有一講一，速乾既效果令到粉底液係皮膚上好快成膜，上妝後幾乎15秒都唔洗就成膜，呢點值得一讚～ 而遮暇程度達到七成左右，如果有暗瘡的話要上幾層或者額外加遮暇膏。 上妝實況： 即時用Superstay後可以見到皮膚平面係霧面，而鼻梁位置等有微光既感覺。 以下係上左妝一個鐘既皮膚狀態（下巴暗瘡印位置沒有額外加遮暇膏）以下係上妝後4-5小時嘅皮膚狀態，可以見到鼻翼兩邊有出位而遮暇效果開始減退，但整體而言成個妝仍然維持到輕薄，半霧面半光澤嘅

皮皮爱马桶好用推薦：在药妆店试了几款粉底液，这款相对滋润度较好而且价格友好，于是毫不犹豫就拿下。 挤出一些在手上可以看到流动性适中，很好推开。本人是混合性肌肤，夏天T区容易出油，这款上脸一点也不油腻，效果是雾面肌的效果，粉质也很细腻，完全不输大牌的效果，不过一天下来略微有点浮粉。 脸小且平时不怎么化妆的人一瓶甚至可以用一年，综合来说算是性价比很高的粉底液了。

Sophia好用推薦：Hourglass vanish無瑕遮瑕液絕對是我用過最驚豔的遮瑕產品！首先，包裝設計簡約時尚，磨砂玻璃瓶身搭配金屬色瓶蓋，高級感滿滿，拿在手上很有質感。 遮瑕液的質地非常輕薄，延展性極佳，只需用指腹輕輕推開，就能完美地與肌膚融合，完全沒有厚重感。遮瑕力更是沒話說，非常少量已能把黑眼圈、痘印等瑕疵輕鬆遮蓋，而且妝效非常自然，不會卡粉或顯乾紋。這次顏色選了cotton 很適合中間膚色女士，輕微提亮。 它持久度亦高，即使在炎熱潮濕的天氣下，妝容依然保持到。整體效果比同類產品優勝太多，值得入手👍💯

mcosmetics好用推薦：近年beauty blogger 們大推gewhourglass 遮暇膏～ 我本身眼底比較乾用開dior forever. 試用hourglass 覺得單用佢太乾。所以而家照用dior打一層底，再用hourglass點喺淚溝位拍開，少量多次上冇咁易卡粉同冇咁乾，遮暇度可以疊加，持久度都好好。 以下係dior forever 同 hourglass 嘅比較：Dior Forever 色號1N 稍為偏橙黃，質地潤啲我會推薄搽成個黑眼圈。hourglass 遮暇度高少少 我揀淺色啲用黎提亮淚溝。 呢支遮暇膏大牌子而且唔平，但包裝實在係太差。入面會漏到去出面都污糟埋，一黎好浪費，二黎用嗰陣容易整污糟收/其他化妝品。

Sophia好用推薦：NARS光亮柔滑遮瑕霜（Honey色號）質地輕薄滋潤，延展性佳，能輕鬆推勻，不會卡粉或顯乾紋。遮瑕力中等偏高，能有效遮蓋黑眼圈，提亮眼下區域，使眼周看起來更明亮有精神。Honey橙調色號適合暖調膚色，對於偏黃肌來說，能自然地修飾黑眼圈，而不會顯灰沉。持久度表現良好，即使長時間帶妝也不易脫妝或暗沉。整體來說，是一款值得推薦的遮瑕產品，尤其適合用於遮蓋黑眼圈，打造自然無瑕的妝容。👀✨️

Wing好用推薦：**遮瑕效果出色**: 有效遮蓋痘痕、黑眼圈，易於融入肌膚,不易起白斑 **持久性高**: 持久性高,即使係炎熱潮濕的環境下都唔易甩，即使成日外出都唔需要經常補 **自然服貼**:好自然服貼的妝感 **色調選擇豐富**: 能夠完美遮蓋我既黑眼圈 但質地有少少乾

Circlecyy20好用推薦：之前喺法國藥妝店度見特別平，所以買咗。好適合用來做妝前嘅保濕，對於後續嘅底妝唔會打交唔會粒粒，反而會令到個底妝會更加貼服。 我覺得喺夏天使用就未必咁適合，因為滋潤度好高，而係冬天使用之後，亦都可以係乾燥嘅天氣使用粉狀嘅粉底。  本身一支都比較大枝，所以可以用好耐大概三至四個月都已經夠用，便宜好用。

unclecar好用推薦：感謝 @cosmeHK 今次送出Embryolisse Sensitive Multi-fonction Nourishing Moisturizer試用裝。呢枝低敏護膚霜，集合洗面、面霜面膜同身體潤膚乳等多重用途，無香料並有高達98%天然成份，大人、小朋友同七個月大或以上BB 都可以安心使用。 保濕霜係輕盈偏水狀乳霜質感，相對普通藍色款個人感覺比較薄身十分容易推開。只需要少量就可以搽曬全面，吸收快，用後亦無黏笠厚重感。岩岩轉天氣日子一直有輕微敏感及甩皮，但係早晚都用咗大約4-5 日，已經得到舒緩，甩皮嘅問題亦都無再出現，皮膚仲柔軟咗少少。係早上用後再搽防曬，唔會出現擦膠碎，面部全日都無癢同乾燥不適感。 屋企人有濕疹問題，比佢哋當身體乳霜用係患處亦舒緩唔少，雖然產品無止痕成份，但因為有鎖水平衡水油比例，患處有明顯改善，最主要係潮濕天氣都唔會有黏笠感覺。 本身有一直用開普通款，但試用咗妤敏保濕霜之後覺得更加好用，回購清單必備。

皮皮爱马桶好用推薦：感谢@Cosme这次Benefit试用体验, 本人也是首次使用这个品牌。老规矩先上一张大合照。 图中左上方为Benefit柔雾控油毛孔细致霜(旅行装2支)，右上方为强力无重定妆喷雾（旅行装2支），下方为柔雾控油蜜粉（虽说是迷你装，但是好大一盒，比我在别家买的正装还要大） 本人夏季肤质为混合偏干，两颊中性肤质，T区比较容易出油，尤其是鼻翼非常油。为了体现产品定妆效果，本次测评分为左右脸进行，其中观众视角左脸使用了Benefit定妆三件套，右脸则没有定妆。 首先上一张素颜图，只做了基础护肤步骤，上了水、精华、乳液。然后右脸上妆前乳，用化妆蛋轻轻拍开；左脸上Benefit柔雾控油毛孔细致霜，用手点涂后抹匀。全脸上粉底液，用化妆蛋拍均匀。左脸用Benefit柔雾控油蜜粉定妆，可以看到粉质是肤色，比较细腻，不会假白；右脸无定妆。左脸再用Benefit强力无重定妆喷雾定妆，按照说明以一个手臂距离喷上；右脸无定妆。刚上完妆左右脸的对比图如下: 左脸有定妆:右脸无定妆: 持妆6小时后对比图，可以看到未定妆的右脸已经有微微浮粉+脱粉，左脸则基本和刚上完妆的区别不大，妆效保持较完好。  左脸有定妆:右

Tobimak好用推薦：係情人節呢啲浪漫嘅日子，最怕就係比男朋友近距離見到粗大的毛孔。唔想比毛孔破壞氣氛，用呢支primer就可以完美解決困擾了。💋 呢支毛孔細緻霜係Benefit既皇牌產品之一，我已經回購過兩次。佢唧出黎既時候係有少少深既肉色，但千祈唔需要比佢嚇親，因為推開既時候佢係透明的。❤️ 用呢支底霜係無需全面搽，只要重點搽係毛孔粗大的位置便可。係面上推開左之後果d位置會明顯平滑左，連粗大的毛孔都會消失埋！之後再上粉底液便能造出一個完美的底妝，連影相都唔使再加Filter😊

KDing好用推薦：我用既色號係15號，顏色對於自然肌嚟講係偏白少少，但係用嚟打兩黑眼圈淚溝嘅地方或者有八字明嘅地方我覺得都算幾出色。 你知遮瑕膏唔可以攞嚟單用喺遮黑眼圈，因為佢有帶少少嘅灰白色，好容易令到黑眼圈有種灰灰暗暗嘅感覺，但係如果本身黑眼圈有做調色嘅打底，咁再遮一層上去就會效果好少少。 我幾鍾意用呢一支嘅遮瑕膏代替打量嘅產品，因為佢本身個持妝力都極高，而且佢唔帶閃粉，所以做出嚟提亮嘅效果都幾容易，而且佢一物多用，有時都好易輕微遮少少嘅遮瑕，新年拜年想快快手化個靚妝就岩曬啦。 質地：流質 遮瑕度：3/5 色調：偏灰白

Burnyourwallet.hk好用推薦：多謝cosme提供試用，今次試咗Maybelline既開價粉底同遮瑕液。我係混油肌，夏天用matte finish既粉底就最啱！ 呢支matte finish好適合油皮，上妝超貼面同清爽，有控油效果，而且好有流動性，完全無痴泣泣既感覺，妝感好薄好靚。不過佢遮瑕能力唔算太高，可以配合埋同系列既遮瑕膏重點用 都唔會加重粉感，但呢款粉底液乾肌同超級瑕疵肌未必啱用。以上係好薄一層既試色，有需要既話，直接再薄薄疊加就可以！要讚係佢唔會卡粉 浮粉！ 半日後會有專櫃品牌一樣會有既少少暗沉問題，但以呢個價錢有呢個效果已係超值得入手，尤其係油肌朋友，戓者追求裸妝效果都會好適合。香港春夏天又熱又濕好易出油，呢個粉底可以大大改善出油問題！ *照片有機會有輕微色差問題

zetalhc好用推薦：粉撲好柔軟，好容易可以均勻地上蜜粉，呢個粉控油同修飾毛孔能力非常好，可以令妝容更加貼服同埋持久

Karman28好用推薦： 已經回購第三次，粉是偏淺粉淺肉色，上面後覺得妝容會變得霧面一點，控油和定妝效果也不錯。最喜愛係佢個粉撲，十分軟，而且很容易清洗，每次港完像新的一樣。

Haidy好用推薦：其實我覺得和舊版差不多🤣 舊版我已經用很久了  只是感覺之前全黑的比較型酷 哈哈哈 晚上出油後，毛孔比較明顯 用來補妝超好 毛孔都不見了 補妝前: 補妝後:  真的完全0濾鏡！ 我買的是1Y04 顏色感覺剛剛好~ 雖然使用後會看得出妝感，但也比毛孔露出來好的吧🤣 

TY好用推薦：遮瑕度高，而且可以疊加，疊加之後深色印都遮到九成。 但係我夏天用都好乾，用佢個撲無論係拍定係抹都好卡粉，由其是鼻翼位，已經打入冷宮一段時間。 但係免稅店買價錢都唔平，嚟緊夏天可能試用掃上睇下可唔可以用埋佢。

Julia 好用推薦：《40+，皮膚暗啞，有暗瘡洞，黑眼圈，眼紋，混合皮膚的真實用家》 首先多謝Cosme今次送贈的764號Shu Uemura unlimited 粉底液。 今次我用左JSM做打底，用sponge上妝。 +做到簿薄的妝感，沒有面具感 +水潤，容易推開 +有提亮皮膚顏色的作用 +氧化不明顯 ————————————————————————- 咁因為有d係自己年紀，成熟肌關係，所以有d缺點唔係product問題： -遮瑕效果麻麻地，如果自己有很多瑕疵，可能要用一d薄d遮瑕液配合，不然妝感會顯得又有薄又有厚的地方。 ————————————————————————— 總括而言，我覺得這款粉底比較適合年輕，皮膚沒有什麼大問題的女生。但如果成熟一點的肌膚而不想化一個重又厚的妝，都可以考慮試試這款，畢竟它有SPF 47 PA+++ 喔。

RainLo好用推薦：呢支小方瓶真係唔錯，質地creamy，易推。 遮瑕度好夠, 霧面得黎有光澤，唔會出乾紋。 持久度都好好，帶妝10幾個鐘都冇溶，淨係啲鼻位出少少油。 Before After 呢張淨係用左支粉底液，未上遮瑕膏，啲暗瘡已經擠得7788，眼底暗沉位都遮咗九成，用完之後膚色均勻返好多鼻位都唔會卡粉！ 推薦！

janna17好用推薦：本人一直有用開MUF嘅粉餅，超級大推薦！佢地推出粉底液我都抱住好大期望睇下會唔會做到高遮瑕又自然貼服嘅妝感。結果係做到嘅！coverage有，持久度有，亦非常貼面。不過唔會再回購🥹🥹原因係呢支粉底液真係好難推開…我本身習慣用手上粉底液，呢支係你搽完幾秒即刻乾左完全無辦法修正…….而且…雖然本人係從來唔追求產品要好香好好聞（甚至我係抗拒有加香料嘅產品），不過呢支真係好臭…有一陣完全難以接受嘅化學味….不會回購！！

YolandaAuYeung好用推薦：疫情持續，口罩已經成為我地既日用品。 炎炎夏日，長期戴住口罩，妝容一定受影響，不是弄花妝容就是加速溶妝，甚至嚴重泛油和令粉底變色、氧化。 Make Up For Ever 高清隱形持妝粉底 HD SKIN FOUNDATION 價錢：$380 (18色) 實測色號: 1R02 今年春夏，MAKE UP FOR EVER 矚目推出 HD SKIN 高清隱形持妝粉底。深受歡迎的王牌超高清無瑕粉底經過 10 年時間，於今年推出終極完美無痕的HD SKIN FOUNDATION。 如想追求更完美無瑕的話，可配合專屬工具- 高清美妝蛋，乾濕兩用皆可，超快速上妝，省時方便，仲高度精準，令妝感更細緻、高效貼服！ 高清美妝蛋： 雙重物料設計、乾濕兩用皆可、上妝時更細緻無瑕，締造真實自然妝感 。 平面部份：用作推開及延展粉底 圓錐位置：用作均勻膚色及修飾微細部位 上妝小貼士 ❤️ 1. 把粉底泵於美妝蛋的平面底部。 2. 由面部中央向外順暢地推開粉底。 3. 利用美妝蛋曲面印開粉底，以及控制粉底遮瑕度。 4. 利用超精細尖位印開微細部位的粉底，以及重點遮蓋瑕疵。 形狀：

LenaC好用推薦：#大人感妝容 🥰 要顯得 #能幹 #烔烔有神 #得體 我會推薦簡單不花巧既妝容 疫情下大家都帶口罩 眼神尤為重要 我會推介以下「秒出門」四寶(Sofina隔離底霜 、benefit 眼線筆、睫毛夾、FASIO 睫毛膏 ) 10分鐘內搞點快靚正😇😇😇 Sofina - Primavista Ange 水潤瓷效妝前隔離乳 UV SPF16 PA++ 25g (滋潤型) 擠適量既稀薄乳液 輕輕塗抹 雖說是妝前打底用 但佢本身帶少少珠光顏色 可以修飾膚色不均 打造勻透好皮膚既感覺 仲添加咗保濕成分 而且具防曬度SPF16 PA++ 護膚 修飾 防曬 一次過完成Benefit They're Real精細銳目持久眼線筆 呢款防水眼線筆質感柔滑 而佢既特製0.1mm錐形筆尖超精細且順滑 可以輕鬆畫出極精細眼線 色澤濃黑 唔易暈染 唔結塊 新手都可以輕鬆駕馭☺️ 睫毛夾 （aeon $12店 / sasa 有售） 小巧玲瓏 方便攜帶出門 隨時可以再夾再捲 而且適合我眼窩 好容易就位 每一條睫毛都照顧到 效果一啲都不遜於大牌子 持久度亦相當唔錯 夾一夾望落精神好多❤️ #小心機FASIO Po

Cici Wong好用推薦：人生第一枝primer，幾個朋友都介紹我用，比較適合乾肌，不過建議都係要做好妝前保濕，如果淨係用佢，始終會有啲乾，我有時會溝少少cream先搽上面。 佢有淡淡嘅珠光，但唔會好明顯，唔使擔心太誇張，用完明顯白亮咗，亦無同我d粉底打交。有時太懶或者皮膚狀態好嘅時候，會淨係用呢支primer，最多上少少遮瑕，已經有唔錯修飾效果 用量唔洗太多就足夠成塊面，我用咗大半年，最近回購第二枝，cp值高。如果油肌人，可以試控油version

Kpl6be6好用推薦：質地水潤透薄～易推開但唔夠貼服～而且正正因爲太輕薄令遮瑕度略嫌不足～

Kura好用推薦：呢款粉底液遮瑕度都算高，冬天好凍用都算滋潤，但價錢偏貴，顏色都算貼合我嘅膚色，唔會溶妝

Fng好用推薦：喺網上面買，係霧面妝感，上面之後有少少粉感，但係最優勝嘅地方就係夠控油，同埋有隱形毛孔嘅妝效。 我都用到差唔多hit pan，好好用😘

Juneman好用推薦：使用效果良好，控油效果好，補妝方便。 使用效果良好，控油效果好，補妝方便。

chasiutung好用推薦：本人混油肌 膚色大概黃1.5白ysl 銀氣墊用 b30 主打霧面妝感控油持久不脫妝防曬SPF50/PA+++剛上面有點白氧化之後色號剛好 遮暇度高 輕輕上一兩層粉底就已經好足夠 黑眼圈嗰d位都吾洗加遮瑕 但依款粉感會有點重 霧面啞緻妝效 控油效果吾錯 持久度都算高 我平時夏天用銀氣墊 無用定妝產品 都keep得吾錯 T字位會出油 吾算嚴重 下巴位同鼻邊會輕微浮粉 係可接受嘅範圍 因為我用氣墊粉底妝 懶得定妝 下午補一補就可以了 整體來講算吾錯 個銀氣墊秋冬會有點乾 秋冬我就會用新版羽毛氣墊控油持妝都吾錯 妝感比銀氣墊薄 同滋潤d 但遮暇度就真係無銀氣墊咁高 無卡粉 無浮粉問題 妝感真係幾靚 兩款都好鐘意 但個人比較喜歡新版羽毛氣墊粉底嗰種日系奶油肌嘅妝感 我覺得同銀氣墊嘅控油同持妝能力 差吾太遠 兩款都好好用 右邊係恆時啞緻氣墊粉底B30 左邊係昇級版輕透無重羽毛氣墊粉底B25

pigpig好用推薦：油性皮膚友善 上臉輕薄清爽不會顯毛孔 遮瑕度中上 容易推開 係眼圈位置可以疊加唔厚重 屬於絲滑質感 防水防油 表面都唔會有黏笠感覺 唔癡口罩 。 夏天出入商場完全唔補妝可以堅持全日 。如果全日都係戶外需要中途補妝但持久度都唔錯 。我用附屬的工具已經可以完美延展 在氣墊中屬最適合油性皮膚

Hchan好用推薦：本身膚質是混合偏油的敏感肌，一直有毛孔粗大易出油的問題，尤其現時天氣不穩定更會有泛紅情況。因此平日上底妝會習慣在防曬乳後先上毛孔底霜再上粉底液，並以碎粉定妝來增加持妝度。 用過不同品牌覺得這枝表現最平均，半透明霜狀質地很滑很易推開，薄薄塗一層就可以遮蓋毛孔，後續上粉底也不會起碎屑，再上碎粉即可呈現有柔焦效果的妝效，因為有控油效果在現時悶熱的天氣一整天下來脫妝情況還可以接受。包裝小小一枝容量看起來很少，但因只局部塗臉頰及鼻子其實很耐用，下次仍會回購。

Kyhy好用推薦：自己本身係油性肌 化妝前用左呢枝底妝會較貼服 而且控油效果都好好 用完會再買