控油粉餅 推薦好用產品

Tcc好用推薦：因為皮膚比較乾，夏天出油量不多，想找比較滋潤的粉底，睇到有介紹這款乾肌人士比較友好，所以就買來試試，用後感覺的確不容易有繃緊的感覺，遮瑕度亦十分不錯（重度黑眼圈，只用粉底遮，能遮7成左右），但成膜度方面，不太會成膜，要用碎粉好好定妝，只用噴霧定妝是不足夠的

Josephine Lau好用推薦：本人混合性皮膚，四季都能使用。 無論是在冷氣房或者外出都不會脫妝。 可以維持8-10個小時也沒有問題，遮瑕度不錯，不會卡粉。 不論是香港、日本、韓國、台灣都使用過，冬天在北海道也試過。 覺得很適合混合性皮膚。

Kitty 好用推薦：呢款粉餅遮瑕力幾高，所以粉質粗少少我都接受到。打完底妝之後用嚟定妝，會覺得有少少厚重。對油皮嚟講，控油力唔錯，持妝力都算OK。 缺點係毛孔比較大嘅位置、下巴痘痘粉刺多唔平滑嘅地方，如果帶妝耐咗，嗰妝效會變粗糙，冇咁貼服。呢款唔係輕薄型粉餅，皮膚缺水時，補妝會顯得有啲厚重同假面感，要做好保濕同埋控制好份量輕輕咁補。 如果皮膚好，或者唔追求無瑕妝效、想快啲出門口嘅話，搽完防晒加呢款粉餅都幾正㗎，總體來講我都好推薦大家試一試！

Fng好用推薦：作為熟齡混合偏乾肌人，喺香港呢個啱啱開始有啲涼風、但濕度依然飄忽嘅秋天，用 MAKE UP FOR EVER 高清柔霧粉餅，真係別有一番體會！🍁 🧏‍♀️ 膚質與測試環境： · 膚質：熟齡混合偏乾（T位微量出油，兩頰與眼周轉季時特別乾燥） · 測試環境：香港秋天，日夜溫差大，濕度下降，偶爾有風，長時間處於冷氣房。 · 上妝方法：針對轉季，調整了上妝手法，務求妝感與保濕並重。 👍 轉季優點：穩定膚況，妝容高級 1. 「微啞光」妝效，高級感滿分 秋天唔再需要極度啞光，呢塊粉餅出嚟嘅效果係一種帶有絲絨感嘅「微啞光」妝面，睇落非常高級！🤩 佢唔會好似全霧面咁吸走皮膚所有光澤，反而有種天生好皮膚嘅質感，對於熟齡肌來講，可以有效柔化毛孔同細紋，又唔會顯得粉感厚重，正正適合秋天追求嘅「自然偽素顏」感覺。 2. 遮瑕力持久在線 轉季時皮膚容易泛紅同有啲唔穩定，佢嘅高遮瑕度依然發揮穩定，一層已經可以遮蓋大部分瑕疵。最好係，即使皮膚有少少乾，佢都唔會好似其他高遮瑕產品咁，卡喺乾紋度，或者突顯皮屑，貼服度做得非常好。 3. 持久度驚喜！抗得住溫差同冷氣 呢點真係要大力讚！👍 朝早喺

Poyobb好用推薦：Ysl底妝產品應該大部份香港女仔都會鐘意，型格菱格紋皮質包裝💕但我都比較着重係用後感多啲🫶🏻 我揀嘅係N20 自然白色調，呢隻色大部份黃一白膚色都啱，皮膚再白啲可以揀N10。 依排較熱，妝前我淨護膚淨係搽咗toner同水凝霜，薄薄既保濕，Cushion有相對嘅保濕度，有YSL化妝品嘅香味，拍上面唔會好快乾晒，舒適唔會過乾💧 Cushion 剛剛上面係會有光澤感，係好方便拍上面會有光澤感，能夠提升氣息，輕輕拍一層碎粉即刻變返matte 身。但cushion真係好薄，遮瑕力得兩三成，如果係瑕疵皮膚一定要用遮瑕膏先至可以完美妝容，遮瑕度同all hours foundation差太遠。 另外，就算用返ysl嘅毛孔隱形glow base/髒妝前濕敷toner，用10次有7次會浮粉，即使上一層cushion 都浮，有時候上面會起芝麻。唔係好夾，用完不會回購。 另一次出街使用都有啲浮粉⬇️

　peg好用推薦：首先佢個包裝同埋質感真係冇得輸，上手好輕薄，上臉嗰下係好舒服嘅霧面感，而且控油效果確實係唔錯，啱晒夏天或者容易出油嘅日子用。如果嗰日皮膚狀態好好，上完之後個妝感係幾高級、幾有質感嘅。 但係，我覺得呢款氣墊真係好挑皮膚狀態，因為佢真係幾容易浮粉。如果嗰日皮膚稍微乾咗少少，或者角質層厚啲，啲粉就完全食唔入皮膚，尤其係鼻翼同嘴角位，好快就會見到啲粉浮晒出嚟，仲會有啲卡粉嘅情況。遮瑕度方面亦都係中規中矩，大少少嘅暗瘡印都要另外補遮瑕膏。 雖然佢主打輕透無重，但如果為咗追求遮瑕而疊加多兩層，個粉感就會變得好重，成塊面望落去乾爭爭咁。對於我呢啲追求貼服度嘅人嚟講，佢嘅表現真係有啲失望，成日都要好擔心佢會唔會隨時溶妝或者浮粉。整體嚟講，除咗個名同埋包裝夠吸引之外，實用性真係一般般，未必會再回購。

KelsiK好用推薦：今次分享K.K用到非常推薦的粉餅 - Nars 的柔霧完美粉餅~ 買過很多家的粉餅, 但都是無法用到鐵皮, 暫時能用到鐵皮而且回購的粉餅就只有Nars的柔霧粉餅^^ 膚質： 混合性偏乾 上妝問題： T字位置出油, 兩頰容易乾燥 常用場景：上班💼 （室內冷氣環境) 使用方式：MF#124/ MF#130蜜粉掃作最後定妝 妝效： 一開始上妝會比較霧面, 毛孔可以遮蓋七成之後會慢慢溶入底妝, 呈現緞光的妝效 (因為我是混合偏乾, 所以會用保濕型底妝) T字位置出油亦有所延緩, 平日中午飯前已經出油嚴重, 使用柔霧粉餅後可以支撐到下午三四點, 而且使用紙巾輕輕按壓就可以帶走油份, 不會帶走底妝~ 兩頰也不會出現乾燥脫妝的問題, 有效平衡兩種膚況👍🏻👍🏻 小小一塊,並有鏡子非常適合帶上班💼/ 出街補妝使用~ 化妝品用在每一個人身上都會有不同的效果, 非常建議靠櫃試用後再購入, 🙅🏻‍♀️不要盲買啊~ K.K回購程度： 😻😻😻😻 (4/5)

Chloeincosme好用推薦：對Nars的大白餅（無色碎粉餅）好感爆燈，於是買埋佢既粉餅（有色粉餅），睇下可唔可以取代到大白餅作補妝用。 色號：COVE ，岩黃一白♥️粉質： 好幼細，同大白餅有得揮 ♥️控油：8/10，Nars既「控油調節技術」好岩我既肌質！我係乾肌，但香港既天氣依然令我避唔過出油既命運，出油後我會輕輕印走面油，再用佢補妝，出油既情況已經受控！ ♥️保濕：6/10，同類型控油粉餅黎講佢唔算好乾！ ♥️持久：9/10，上面係霧面，即刻出左油都唔會一撻撻，而係好自然咁同溶埋一齊，做到好靚既膚感！ ♥️ 妝感：微霧，可撫平肌膚和柔化瑕疵 ♥️其他：冇咩缺點！一定回購 總結：如果你想搵一塊持久、控制水油平衡、出到微霧妝感既粉餅，我好推薦佢！ P.s. Nars的蜜粉餅/ 粉餅真係好好用！希望永遠唔好停產😭

bbbcls好用推薦：膚質：混合性（T字位出油，面頰偏乾） 控油 ★★★☆☆☆：控油效果一般，下午T字位已現油光，對於呱呢個價格，控油效果唔符合期望。 調色 ★★★★☆☆：自然裸妝感，輕至中度遮瑕，1號色惟偏白欠血色。 香味 ★★★★★☆：溫柔玫瑰香，非常討喜。 方便度 ★★★★☆☆：大粉撲好用，但size偏大不便攜帶。 呢款粉餅香味出色，調色自然，適合中性至乾性膚質。油性膚質不建議，對於濕熱既香港氣候略顯控油力不足且size偏大，不便攜帶。

Gtam 好用推薦：Elegance 定妝蜜粉餅真的是一款讓人驚艷的化妝品❤️它的細粉質地非常👌，能夠輕易地融入肌膚，妝容看起來更加自然、細緻，而且不會造成厚重感或浮粉現象，讓你的肌膚看起來更加🌟光滑、柔軟。 此外，Elegance 定妝蜜粉餅的控油效果也非常出色，能夠有效地吸收肌膚上的油脂，讓你的妝容更加持久，不易脫妝。它能夠減少肌膚的油光，讓你的肌膚看起來更加清爽、乾淨，讓你一整天都能保持完美的妝容。 此外，Elegance 定妝蜜粉餅的外觀設計也非常👍，精美的包裝和可愛的盒子讓人一看就愛不釋手。它還有多種不同的色號可以選擇，能夠適應不同膚色和妝容需求。 總之，Elegance 定妝蜜粉餅是一款非常值得推薦的化妝品，它的細粉質地和出色的控油效果能夠讓你的妝容更加自然、持久、細緻，而且它的外觀設計也非常可愛，讓你愛不釋手。如果你正在尋找一款能夠幫助你打造完美妝容的優秀化妝品，那麼 Elegance 定妝蜜粉餅絕對值得一試！💁‍♀️

bibubibu好用推薦：一向都知道呢款粉餅喺開架彩妝嚟講好受歡迎 sofina成日都會推出好多期間限定嘅外殼 粉紅色外殼好有少女心  我揀咗一個比較自然嘅顏色 佢上面唔算太修飾毛孔 都有明顯嘅妝感 持久力尚可 唔算甩得勁 當然用紙巾抹汗嘅時候都會見到佢有甩 氧化程度一般 以佢嘅價錢嚟講，佢表現都算唔錯 不過唔知點解我冇跌過佢落地 佢自己就無啦啦碎咗

格仔餅公主好用推薦：用佢好少浮粉，超趕時間出門都會簡佢，可能佢同我皮膚好夾，所以我keep住有再買用完一位又一盒。如果冬天用佢之前噴一噴保濕噴霧之後就好貼唔會話好乾。薄薄地都夠力遮到眼圈同痘印，但紅卜卜既痘印最好用返遮瑕膏會無咁明顯。 個價錢都唔貴所以大力推薦比返學黨啦同埋貪靚又要慳錢既靚女。

Wongwong好用推薦：呢隻蜜粉對大油肌黎講好好用，出街上少少已經全日無出油，多數係T字位會上多少少，已回購多次。

Mei_pk好用推薦：這款碎粉很控油，用了它妝容一整天都不會脫妝，就是有點乾。底妝需要加強保濕

Coco Ng好用推薦：非常貼，妝感不重，有遮瑕，適合乾肌用的粉餅，推薦！已回購兩次。

wintonggg好用推薦：會話上妝方便快捷，比另外一系列（全黑盒）稍微好小小，冇咁乾，但質地都係偏乾

　peg好用推薦：佢啲粉質好細，可以遮到毛孔同埋唔會卡粉，如果嗰排啲皮膚好可以直接淨係上呢個粉餅，因為其實佢啲遮瑕能力喺粉餅嚟講算高，如果唔係啲太明顯嘅瑕疵佢都可能遮到少少，但遮瑕度高嘅缺點就係粉感有啲重，有時唔小心重手咗會變到有啲面具感，不過佢都係我最鍾意嘅粉餅之一。

lingbb好用推薦： - 用緊11 號色，粉質幼滑透薄輕巧，同時具有吸油及控油效果👍🏻 夏日生痘痘都無問題 - 有瑕疵既時候用佢會比較貼妝 - 我既使用技巧係重點遮瑕會用粉撲上，會高遮瑕啲，亦有效修飾毛孔，打造出柔霧妝感。 - 成面用會用掃，有磨皮感，千奇唔好上太多，會好厚重， - 持久力相當強既粉餅，試過hold8個鐘無問題 - 加上粉餅含有維他命E成分，能防止氧化，維持定妝效果。呢樣係非常加分位，最怕塊面過咗一日暗過條頸既顏色， - 而且聽講呢款係比教耐用既粉餅，cp值幾高 -推俾瑕疵肌或黃皮肌👍🏻

mandy好用推薦：Excel Featherize On Powder 絲感輕羽美肌粉餅 SPF35 PA+++ #FO01 粉餅連盒及海綿 $209/ 粉餅 Refill $149 Excel 的3合1眉筆及4色眼影盤都是名品及熱銷產品，而本次試用的絲感輕羽美肌粉餅也很好用。 Sana 旗下的開架化妝品牌Excel 在一眾開架品牌之中，是定價最高的粉餅，這難免令人有更高的期望。 Excel 絲感輕羽美肌粉餅的粉盒設計非常簡約優雅高質，跟其他的可愛系開架化妝品牌完全走不一樣的路線。 Excel 絲感輕羽美肌粉餅 有著令人喜愛的超柔滑質地，我試過其他的開架粉餅，粉質都真的不夠Excel的滑嫩。 Excel 的確是貴一點, 但卻是真的很有實力! 但如果大家對價位比較執著，那也可以嘗試具口碑的Cezanne 及 Visee。 Excel 絲感輕羽美肌粉餅 共推出4色供大家選擇, 分別是較淺色明亮的FO01，標準色FO02，標準色(偏粉調)FO03 及較深色的FO04。基本上淺膚色選FO01，中間色選FO02 或 FO03，看那種色號較適合，較深膚色選FO04。 Excel 絲感輕羽美肌粉

貓餅好用推薦：偽素顏的好幫手，開價品牌嚟講算係幾平，粉末好細，質感輕薄，修飾毛孔能力唔錯，但係控油力一般

Wuxx好用推薦：唔係講笑，依個應該係唯一可以係冬天或者極乾天氣下使用嘅粉餅～ 有時帶妝耐得濟我會係日中落妝再上多次妝， 但無理由帶枝粉底液翻公司咁大陣仗， 所以我會隨身帶住粉餅，唔上妝都方便補妝～ 首先冬天嘅使用感係超級滿意！！ 佢上妝後時間耐左係變好靚好靚嘅奶油肌， 除左粉質本身好細滑之外粉質保濕度都非常足夠， 就算妝前保養做得唔太足夠都唔怕， 就算去北海道用佢底妝都係可以好貼同好持妝！ 所以連坐飛機我都係用依隻粉餅上妝～ 但香港依隻粉餅夏天用可能控油同持妝度會稍微不足， 鼻翼和下巴會比較容易出油，有脫妝嘅情況， 但其他部分都可以保持貼服嘅奶油肌～都唔太會暗沉～ **注意選色部分 我用最白嘅色號OC00都會有啲黃， 而換左佢最新出左嘅偏粉調嘅色號BP00之後就好少少 如果你日系粉底色用開明亮色、淺膚色之類可以參考下～

Noelle S好用推薦：四月已經有28度，工作有時要外出，出出入入冷氣地方，食完lunch必定溶妝。呢款maquillage oc10粉餅一開盒就用足一星期，非常適合混合乾皮夏天淡妝用。粉質綿綿的，遮瑕度ok，自然妝感，另加concealer遮黑眼圈，帶上粉盒隨時補補妝就可以last足一日。粉餅𢹂帶方便，上妝方便快速，旅行趕景點shopping又shopping早起搭車搭船，黎緊呢幾個月愈黎愈熱 #出國必備彩妝，遲啲去旅行都諗住靠佢。

Tyc@@好用推薦：買咗15號色 成個系列出嘅色都幾黃 粉質中等 但因為顏色深 妝感會好厚重

綺羅香好用推薦：買之前未睇清楚，一心諗住買嗰粉餅，拎錯咗蜜粉餅，上臉先發現，不過錯有錯着，可以睇到獨立用蜜粉餅嘅功效 蜜粉餅都係攞嚟定妝同補妝，maybelline 呢款蜜粉餅雙層設計，將粉餅同粉撲分開，乾淨衛生，粉餅壓得好實淨，用手捽都唔點飛粉，粉餅底部有鏡，下層放圓形粉撲，正方形粉盒都算容易收納，粉撲膠感比較重，不過對摺唔易出摺痕同產生裂痕，氣孔少，質地密實，一掃粉餅均勻上粉 我買咗第二白色嘅，蜜粉餅遮瑕度點都係偏低，可以疊擦提高，但係上三層左右已經係極限，可以柔焦毛孔同紋理，有啲粉感，持妝（單上蜜粉）半日，控油力真係好犀利，多油嘅T zone無點出油，又唔會乾到卡粉，如果單純用嚟定妝，建議淨係上易出油地方，同埋用掃上，附帶粉撲太實，會好易唔小心擦走底妝，比較適合補妝時重點印一印

Kaze13579好用推薦：GA底妝系列一直都好好口碑。一直都好鍾意佢個粉盒兩層嘅設計，靚得來又唔會太大嚿帶出街補妝一啲都唔失禮。粉撲都係一向嘅底面唔同質地可以做出唔同嘅效果。粉質都夠細緻。不過就要控制份量，始終都比較乾身matt面，太多太厚會好粉感。

KDing好用推薦：粉質好幼細 上面既遮瑕度雖然唔高 但係就因為咁好有自然妝效 有時候會用埋佢黎做定妝粉餅 妝感都唔會太厚重 新手好岩用

jaye好用推薦：呢個礦物粉餅細細盒，方便攜帶，自己係用黎搽完粉底液後定妝用，買之前都有問過sales碎粉定粉餅好，sales解釋成份一樣，甘就買左粉餅黎試。佢既成份係天然礦物質及天然薄荷萃取物，可以調節水油平衡。夏天用舒緩左個人口罩肌問題，肌膚自然乾爽，定妝效果不錯！冬天不太合適，真係會有啲乾。

LenaC好用推薦：Innisfree 既控油粉餅係我宜家手袋入面必備品佢呢個餅狀版有埋鏡同小粉撲 易於攜帶及非常方便使用 佢既控油礦物粉係濟州天然礦物粉 擁有超強吸油力 仲蘊含天然薄荷精華 有效調節水油平衡 而且雖然佢既粉餅無調色 但都有少少美白作用 唔得閒補妝只靠佢都可以維持妝容 #出遊不能沒有它

Angie好用推薦：保濕度高，比較適合秋冬天使用，包裝好有少女心🤭 價錢唔貴，適合小資女👍🏻

mavis好用推薦：香港天氣潮濕 一般BB cushion用上面都持久 個ZA lei 個keep到六個鐘左右 印一印油，上返少少碎粉妝感都ok

Tszki好用推薦：由於我皮膚是偏白我選的是偏白1W2專為淺色皮膚設計的熱門色號，自然偏白（比1W1深一點），是非常安全的自然白皙色，能修飾泛紅。 粉質細緻即使多次疊加也不容易顯得厚重，呈現輕薄的霧面妝效「偽素顏」。遮瑕力相當強能修飾泛紅並提升氣色以及能有效掩蓋痘疤、毛孔與曬斑，打造柔焦霧面妝效，且不易脫妝。對於油性、混合性肌膚而言，控油力優秀，即便出油後也會轉化為奶油肌，妝感依舊自然服貼。 由於主打控油持久，乾性肌膚直接使用可能會感到過於乾燥，建議做好妝前保濕。 粉持久系列使用量若過多，妝感容易過厚，建議少量多次上妝！敏感肌使用了沒有產生過敏！

Fng好用推薦：Hourglass Vanish 輕霧蜜粉餅 Translucent｜ 混合偏乾肌の冬日柔焦羊絨感❄️ --- ✨色調深度分析｜Translucent透明版實測 ▸ 色調屬性：中性微米白，無明顯粉/黃調偏色 ▸ 提亮效果：約半度自然提亮，不改變底妝原色 ▸ 暗沉對抗：有效延緩底妝氧化發黃，尤其適合搭配粉底液 ▸ 膚色兼容： ✅ 白皙至自然肌（黃一白至黃二白）完美融合 ⚠️ 小麥肌（黃三白或更深）可能略顯灰白感 --- ✨寒冬實測：冷風中的柔焦奇蹟 粉末觸感如融化中的雪沙，上臉瞬間毛孔隱形！ ✅ 寒風鎖水測試：戶外4小時不拔乾、不起白屑 ✅ 溫差挑戰：出入暖氣房不結塊，妝感持續貼膚 ✅ 口罩實測：摩擦後僅鼻樑微脫妝，無斑駁脫屑 --- ✨成分黑科技：低溫貼膚解密 ▸ 專利「空氣粉體」技術：含保濕精油微膠囊，定妝同時鎖水 ▸ 鑽石微粒折射：柔焦毛孔不厚重，光線下肌膚透出絲緞光 ▸ 抗低溫配方：防止冷風導致粉末凝固難推開 --- ✨混合肌寒冬分區定妝術 ✅ 兩頰乾區：用絨毛刷輕滾按壓（忌來回掃） ✅ T字油區：粉撲局部輕拍，重複疊加不厚重 ✅ 鼻翼死角：指尖溫熱粉撲後點

TinaWongLK好用推薦：𝗛𝗼𝘂𝗿𝗴𝗹𝗮𝘀𝘀 — 𝗩𝗔𝗡𝗜𝗦𝗛 𝗔𝗜𝗥𝗕𝗥𝗨𝗦𝗛 𝗣𝗥𝗘𝗦𝗦𝗘𝗗 𝗣𝗢𝗪𝗗𝗘𝗥 #𝗩𝗮𝗻𝗶𝘀𝗵 Hourglass第一次俾我嘅感覺 ...... 會浮粉 甩皮 一噠噠 根本對吾住個價錢 但後尾發現係我用嘅底妝太滋潤 或上妝手法唔岩 佢哋嘅粉餅 一定要用matte身嘅粉底液 搽完粉餅後 皮膚好似開咗filter咁 甘光滑 粉質方面 摸落去較幼細 我揀咗隻有色粉餅#𝗩𝗮𝗻𝗶𝘀𝗵 上臉有少許粉感 基本上可以Keep到全日 較適合混合偏乾/乾肌使用 適合天氣：夏季 ✔️以上是自購產品 ✔️為個人真實感受

940727.0好用推薦：依款粉餅搽完吾會好厚粉，有一定嘅遮暇程度，但又唔會好死白。仲有防曬20+++，方便快速完成底妝。

Poyobb好用推薦：粉餅唔係太幼細，粒子一般。試過佢支涼或修改液，反而感覺粉餅冇乜涼感，可能只係拍上面極度輕微嘅涼感，對三十幾度炎熱天氣冇作用🤣 控油度一般，輕微磨皮效果，少許粉感，一般膚色都會啱用嘅顏色。日系開架化妝品好可愛💕勝在細細盒，方便用細袋時攜帶。如果夏天長時間留喺冷氣地方唔需要太大控油度，就夠用嘅。 雖然粉餅入邊配合一個棉花糖粉撲，但我覺得粘粉力唔夠好，額外自己配置更好。 #火熱新品