純素美妝 推薦好用產品

莓莓好用推薦：Bobbi Brown 維他命營養底霜（橘子面霜）測評 Hello～今日評測嘅係Bobbi Brown呢枝維他命營養底霜，又叫做「橘子面霜」。佢主打一物兩用：可以當普通面霜，亦可以做妝前打底，號稱保濕＋平滑皮膚＋令粉底更貼。等我哋睇下係咪真係咁神！ 質地 質地係軟滑嘅乳霜狀，有少少似雪芭，好易推開。唔會太厚又唔會太稀，仲要一抹就吸收，皮膚唔會覺得油淋淋或者有層膜。 味道 一打開已經聞到好清新嘅柑橘味，天然唔刺鼻，似新鮮橙皮加少少柚香。每次搽都好療癒，鍾意水果香嘅人一定會開心。 滋潤度 以混合肌嚟講，冬天用夠滋潤，但唔會笠。乾肌用前最好配個保濕精華；油肌夏天用可能覺得少少潤，可以減量或者秋冬先用。佢入面有維他命B、C、E，用完皮膚即時軟滑，冇乾紋。 妝效＋用後感 最驚喜係妝前用效果：搽完直接上粉底，粉底好滑好貼，唔會卡粉，尤其鼻翼、眉心呢啲乾燥位。就算用偏啞致嘅粉底，個妝都自然帶少少光澤，唔會起屑。 如果當面霜單用，保濕力中上，日頭用夠清爽，夜晚用可能要加精華油。但最大賣點都係妝前打底，尤其冬天或冷氣房必用。 評分（五星為滿分） · 質地：⭐⭐⭐⭐⭐（極易推，唔笠） ·

Poyobb好用推薦：冬季護膚❄️ Bobbi brown柚子面霜，我自己覺得冬天或者皮膚乾燥起皮嘅時候用，最適合係妝前面霜用。 上網睇其實面霜係喺妝前使用係最佳，所以我唔會作晚霜用。用完之後都唔需要再用其他。base，如果冬天嚟講係好方便一物兩用，已經有面霜嘅保濕，又有隱形base嘅效果。吸收得快～好薄一層已經夠用，之後會啞光，好方便之後再上粉底液。 我混合性皮膚容易出粒粒，用依款柚子面霜都冇起粒粒。超讚👍🏻不過佢係冇防曬功能，所以要額外加防曬。 Yuzu味清新都幾香濃，冬天朝頭早仲係好舒服嘅感覺🥰

Miranda好用推薦：【質感】 首先講質地。佢係白色嘅輕身乳液狀，流動性幾高，唧出嚟會喺手背流動嗰種。推開嗰下好順滑，上面之後輕拍幾下就吸收晒，皮膚表面會留低一層薄薄嘅水潤感，但又完全唔會覺得黐立立或者油淋淋。 呢種輕薄嘅質地我好鍾意。佢唔似某啲美白精華咁，用完之後塊面會乾爭爭；亦都唔似某啲太潤嘅產品咁，用完之後好似有一層嘢封住。佢嘅滋潤度係啱啱好嘅，無論夏天定冬天用都唔會覺得有負擔。 味道方面，佢有Caudalie招牌嘅淡淡葡萄花香，聞落好舒服，唔會太濃烈。每次用嘅時候都覺得好放鬆，呢種「護膚儀式感」係幾加分嘅。包裝係滴管設計，每次唧出嚟嘅份量啱啱好，一兩滴已經夠全面，唔會浪費。 【使用感】 呢個位係我最滿意嘅部分。佢嘅 「提亮效果」 真係好出色。用咗大約兩星期之後，我發現塊面望落有光澤咗，膚色均勻咗，冇以前咁暗啞。尤其係捱夜之後用，朝早起身塊面都仲Keep到明亮感，唔會變「黃面婆」。 佢嘅 「淡斑效果」 都係我幾滿意嘅。我本身有啲暗瘡印，用咗大約一個月之後，見到印嘅顏色明顯淡咗，望落冇咁礙眼。雖然對於一啲好舊嘅深色斑點，效果就冇咁快，但對於新形成嘅色素沉澱，佢嘅效果係幾明顯嘅。 最加分嘅係佢

Luvty好用推薦：Caudalie 葡萄蔓極緻亮白精華液是溫和美白精華嘅好選擇，獨家成分葡萄蔓萃取液有助減淡皮膚黑色素，質地輕盈，搽上皮膚後清爽無負擔。 使用一段時間後，可以感覺到膚質變得亮白，對於改善暗沉、均勻整體膚色有顯著幫助，尤其適合敏感的肌膚。淡淡的天然草本香氣令人心情放鬆。雖然針對頑固深色斑點需要更長時間觀察，但作為日常亮白保養，我會推薦呢個精華。

Lindabb好用推薦：Nars 白氣墊（原生光水感透亮氣墊粉底）嘅使用心得。 一句總結： 夏天專用嘅「降溫神器」，上妝嗰下涼浸浸，妝感薄到似冇化，但唔好指望佢遮到任何明顯瑕疵。 質地與上妝感（最大賣點） · 水感爆棚：粉底液勁稀流，拍上面嗰下真係有冰涼降溫感，大熱天時用係一種享受。 · 粉撲設計：同黑氣墊一樣，但呢款配呢個水質地，上妝更快更貼。 · 妝效：完！全！透！亮！唔係油光，係似做完保濕 mask 嗰種飽滿水光。近距離望都唔覺你有化妝，只會覺得你皮膚好好。 遮瑕力（最大缺點） · 極度輕度：均勻到膚色，提亮到暗啞位，但痘印、紅印、色斑一律冇符。 · 解決方法：一定要另外用遮瑕膏，或者當佢係「有色防曬＋保濕精華」嘅混合體，心態上會好過啲。 持妝與控油 · 持妝約 4 小時：比黑氣墊更短，但甩妝係「消失」而唔係「溶」，唔會一撻撻。 · 控油一般：唔算勁吸油，但如果只係普通返工冷氣環境，到 lunch 都 keep 到七成。 適合邊個用？ · 本身皮膚底子好，淨係想提亮均勻膚色。 · 追求「偽素顏」、返工趕時間拍兩下就搞掂。 · 大熱天時唔想個妝咁厚重。 唔適合邊個用？ · 多暗瘡印

Hy好用推薦：為外表而買的氣墊 因內在而喜歡上 春日入手的蝴蝶樣式 大方簡潔 內裡黑色膠蓋 質感很有 粉底 質感輕薄 透氣不悶痘 遮瑕度一般 配合同牌concealer 使用 ✨✨✨✨✨

Emily Leung好用推薦：【皮膚救星！✔️一按搞掂泛紅敏感！】 有冇人明每次生理期塊面就紅敏嘅痛苦！！！ M期荷爾蒙搞到個人超敏感 唔生性塊面一捽落去粗過砂紙 搞到個人勁焦慮啊啊啊😭 之前一直用開佢支靈芝水 敷面退紅滅痘真係無得輸 今次入手靈芝精華更加冇令我失望 ✔️抗紅敏鐵三角 赤靈芝+白樺茸+甘草根 組成抗紅敏鐵三角戰隊 3大路線打殘紅敏因子 由根源撲滅泛紅 抑制紅敏出現👍 ✔️獨家仿生屏障科技 又修到屏障又減低敏感 先幫皮膚補窿補罅 再起返座城堡幫塊面擋走外來刺激💪 佢係液體繃帶精華乳質地，真係好特別！ 搽上塊面好似貼多層皮 無形中形成咗層隱形修護膜 雖然成膜但係完全冇黏笠悶熱感✨ 而家經期皮膚敏感泛紅終於有解！ 平時夜晚護膚我都用佢 塊面只要稍微唔聽話好快就鎮壓返 第二朝起身塊面水嫩嫩💦 用多排之後發現 皮膚狀態定過枱腳！！

Catherine 好用推薦：朋友介紹購買，用過之後，自己都覺得幾好用，皮膚有改善，有變白滑，沒有過敏

Kura好用推薦：被我稱為世一嘅精華，真係保濕效果一流嘅精華，秋冬季節嘅必備單品，精華嘅質地係超級水潤，搽上臉兩秒都唔洗就已經完全吸收曬，無香味，我堅持用咗一段時間都覺得自己嘅皮膚有改善，整體嘅水潤度有所提升，膚質方面都有好大嘅改善，價錢方面都非常實惠，我絕對會繼續回購嘅一款精華，推薦俾同我一樣都係乾性肌膚嘅朋友仔，呢款精華一試包你都會即刻愛上，同埋產地係台灣，大家都快d去試下啦 @cosme #火熱新品 #火熱新品

劉肥貓好用推薦：清潔力強 但洗完面部又唔會覺得蹦緊 皮膚乾淨滑溜，適合夏天使用

YYeman好用推薦：講下我賣到斷貨嘅超好用冷門品牌！ Sabon呢個牌子我買咗兩年幾， 真係個個用過都必定比好評！ 係冷門得嚟又賣到爆煲🔥！ 呢支面部磨砂膏而家冇盒特價先百零蚊人仔 原價要300+，用完塊面滑溜到呢～治癒到爆！ 仲要個樽真係靚到不得了！ 磨砂玻璃樽加淡紫色膏體， 完全擊中少女心啊！ 支磨砂膏係二合一面部清潔， 即係磨砂+洗面奶二合一， 裡面乳白色膏體就係洗面奶， 質地似足雪糕咁滑溜。 我嘅用法：整濕塊面後均勻搽上臉， 加少少水輕輕按摩， 唔使似其他清潔面膜要等十分鐘， 按摩得七七八八就可以直接沖水。 海鹽磨砂粒子大部分都好細， 間中會有幾粒大嘅參雜裡面。 洗面奶都好溫和唔起泡， 乾性敏感肌都可以放心用。 官方冇寫一星期用幾多次， 我自己覺得當清潔面膜一星期一次就差唔多。 真心推介俾大家！！

Poyobb好用推薦：柚子面膜的主要功能係保濕同提亮膚色。佢嘅紙質好柔軟，而呢款面膜嘅精華係乳液質地，柚子味道淡淡地唔會太刺激，第一次敷上面都完全冇刺激或者刺痛感覺，成個感覺好舒服☺️ 面膜入邊嘅精華係乳液質地，所以我認為瞓覺前用較適合，並不作為急救面膜化妝前用。敷完之後成塊面係好柔軟，而呢種質地感覺皮膚會係滋潤咗滲透咗水份入皮膚，膚色變得平滑了。另外佢嘅美白效果就係一般，但如果一個星期敷一次你嘅皮膚會keep住好水潤🥰 對於我混合肌膚嚟講，夏天鍾意用水份較重嘅面膜，而依款柚子面膜我會比較鍾意喺而家秋天轉季至到冬天都啱用。

Chan好用推薦：Innisfree 巴西莓面膜是一款受歡迎的護膚產品，主要以巴西莓（也稱為亞馬遜莓）為主要成分， 連續使用6天後的使用感受 質地，面膜的質地通常較為輕盈，塗抹時感覺順滑，不會造成厚重感。 吸收性，大多數用戶反映該面膜容易被肌膚吸收，使用後不會有黏膩感。 效果， 許多用戶在使用後表示肌膚變得更加水潤、有光澤，使用幾次後，膚色的均勻度也有所提升。 總的來說，Innisfree 巴西莓面膜在滋潤、修復和提亮方面表現出色，適合各種肌膚類型，尤其是乾燥和暗沉的肌膚。

Ocean好用推薦：好用的潤膚乳，這款潤膚乳質地似牛油相對比較厚身，但係搽上皮膚也好快吸收到，帶有薰衣草同香根草精油的香氣，喜愛清新草本味道的人會很喜歡，保濕能力強，適合夏天開冷氣或冬天用。

YolandaAuYeung好用推薦：產品介紹： - 適合所有肌膚 - 97%天然成分 ，天然的薰衣草和香根草精油、蘊含乳木果、巴西果仁油及橄欖油 - 毫不黏膩、質感輕盈，肌膚可迅速吸收 質地／易推度：4.2分 初時質地較挺身，不太親膚，待用指尖熱力慢慢推開後就與肌膚緊貼融合，像牛油般塗抹後溶化了變成奶油 氣味：4.8分 氣味自然柔和，不刺鼻，滲出淡淡的薰衣草和香根草的幽香，令人慢慢舒緩情緒，立即放鬆下來 吸收度：4.8分 來回塗抹後，潤膚乳慢慢與肌膚融合，打圈按摩後，繼而再慢慢被手背肌膚完全吸收。 吸收度相當高，肌膚清爽不油膩，面油紙並沒有黏附在手背上 滋潤保濕度： 4.9分 用後繃緊的肌膚即時感到滋潤柔軟，充滿光澤感。經水份測試機測試後，肌膚水分大幅提升了27% #火熱新品 #專櫃抵買好物

Fng好用推薦： The Body Shop 植物幹細胞活肌去角質啫喱 「搓得出碎屑，但係咪真係溫和？」 用過Cure去角質嘅朋友，應該對呢類「搓屑型」啫喱唔陌生。The Body Shop呢支🧴 質地：透明啫喱，有明顯酒精味 擠出嚟係透明啫喱狀，同Cure相似，但一搽上臉就聞到比較濃嘅酒精味。對氣味敏感嘅人可能要留意。 乾手乾面係基本，輕輕打圈大約20秒就會開始有白色碎屑出現。用完過水之後，塊面即時滑溜咗，暗粒位明顯平滑咗。 🌸 優點：用完透亮、後續吸收加快 綜合網上評價同我自己實測： · 即時柔滑感：用完摸塊面係滑咗一層，有評測話「過兩日皮膚會變得平滑咗，同埋會白咗」 · 透亮感提升：用完皮膚望落有光澤，有用家分享「用完皮膚會變得透亮咗，可以清潔到d污糟嘢出嚟」 · 後續吸收加快：去完角質之後搽精華，明顯覺得吸收快咗 · 性價比高：145ml大支裝，一星期用1-2次可以用好耐 · 成份加分：蘊含雪絨花幹細胞，有抗氧化功效 ⚠️ 缺點：呢幾點要留意 · 酒精味濃：呢個係最多人提到嘅缺點，敏感肌/對酒精敏感者要小心 · 有刺激性風險：敏感肌建議先喺手臂內側試 · 過水要徹底：如果沖唔

HaloPrettyPig好用推薦：乾手乾面用，不停打圈會有碎碎的走出來。用後皮膚很滑溜，但有時要用很多水才可以徹底沖走，如果沒有徹底沖走，會有黏黏的感覺殘留在面上。可能對某些人有刺激性，我老公用後鼻頭變得又紅又痛，足足3天才感好轉，所以要改用另一個去角質產品。

橘子貓好用推薦：Aloe 90% Fresh Mask 面膜紙偏薄，易拉扯變形。面膜的精華液有厚度，標示有20g，量不多不少，包裝袋沒有太多精華液有餘。敷上臉很伏貼，基本上不會變皺或起泡，面膜很掛臉，精華就算偏厚也會不滴落。面膜效果偏向舒緩、保濕，成份𥚃沒有添加香料、酒精。主要是一個快速補水降溫的效果。可能沒有添加太多增稠劑或滋潤成份，敷了15後，鼻頭、眉毛位置的面膜紙明顯收乾變白，不宜久敷。

呆呆的槑好用推薦：在韓國見到有又便宜買來試試，現在香港也買得到🥰 這個面膜紙真的要大讚，是我用過最貼服和薄的面膜，我貼完遠看好像沒貼一樣🤣🤣 敷完也不會黏膩，反而面明顯降溫和有補水感，摸上去像jelly😍 推薦平常不喜歡太潤和會黏的面膜的人用下，乾肌的話就推薦夏天試試！

hellolulu好用推薦：BA極力推介有助抗污染、促進皮膚更生修復，但見有酒精、水楊酸和香料等敏感肌不友善的成分，安全為見先試用了幾包試用裝，確認沒有導致敏感和使用感不錯後，才自購了貨size (此為30ml，另有50ml裝會較抵)。 包裝簡潔，滴管能準確擠出所需份量。精華液呈透明，質地水潤，潔面後使用兩至三滴，按摩全面後再塗上面霜，暫時夏天初秋使用都夠保濕力。用了幾個月只用了約半瓶，都頗襟用。 使用數月以來感覺皮膚較穩定，即使日日戴口罩焗住皮膚亦比之前少了冒暗粒暗瘡，亦有朋友讚膚色望落較通透明亮，有動力繼續用😂

Kura好用推薦：有一段時間係瘋狂用呢款精華，質地好快吸收，好水潤，用完皮膚飽滿咗

HaloPrettyPig好用推薦：呢款面膜質地好似乳霜一樣，但就有美白同溫和磨沙效果，可以溫和地移除鼻頭上嘅黑頭，冬天好啱用。有小量果酸成份，未必啱敏感肌用。雖然我本身皮膚較薄，鼻翼容易泛紅，但係我用完都覺得舒服，即時覺得皮膚變得柔軟光滑。通常我會配搭埋Caudalie葡萄籽保濕修護面膜一齊用，效果會更加好。

mandy好用推薦：Caudalie  Vinoperfect Glycolic Peel Mask 葡萄蔓極緻亮白更新面膜 $240/ 75ml 質地滋潤的霜狀美白面膜, 也是只需敷10分鐘的速效面膜， 而且可以一面敷mask,一面玩手機之類。 保濕力不錯，帶非常淡的香味, 使用感舒適。 使用後，觸感有少許黏笠，肌膚水潤飽滿, 膚色更均勻明亮，而且不會引起乾燥。 含有眾多優質護膚成分, 如保濕、抗衰老 及 美白/均勻膚色成分。 Caudalie 除了很有名氣的美白精華液,  美白系列中我最愛這款美白面膜。 一款面膜可以多功能護膚(兼顧保濕、抗衰老 及 美白),  而且每次只需敷10分鐘, 再忙也可敷,  [哈~]好適合懶惰的我使用, 實在對Caudalie的研發十分感謝! 含保濕成分: 甘油, 角鯊烷, 葡萄籽油, 甘醇酸(Glycolic Acid), 辛乙二醇, 乳酸, 精氨酸, 聚甘油-6, 葵花籽油, 葡萄糖 及 藻膠 抗衰老成分: 甘油, 角鯊烷, 葡萄籽油, 甘醇酸(Glycolic Acid), 甜沒藥, 乳酸, 精氨酸, 酒石酸, 葵花籽油, 維他命E 及

ying好用推薦：✨ WAKEMAKE 純素輕透無暇啞光氣墊 純素・輕透・唔焗 12g*2 / HK$280 SPF38 PA++ 「薄薄上一層已經均勻到膚色，唔會面具感，仲要唔焗。」 ✅ 輕透清爽，唔焗 呢個係最大優點。 香港天氣又濕又熱， 好多氣墊用完塊面好似「漿住」。 呢個用完係清爽嘅， 唔會覺得塊面有層嘢。 ✅ 妝感自然，唔會假面 薄薄一層已經均勻到膚色， 唔會白到「面具感」。 妝效係自然啞光， 望落似「本身皮膚就係咁」。 ✅ 持久度ok，唔會暗沉 朝早化完，到下晝都keep到。 唔會變灰變黃， 出油之後用紙巾印一印就靚返。 ✅ 純素＋養膚成分 92%天然成分， 化妝同時護膚， 用落安心啲。 敏感肌都用得（通過皮膚刺激測試）。 ✅ 環保包裝 氣墊容器係用環保回收塑膠製成， 用完都唔會咁 guilty。 ✅ 補妝方便 細細盒，帶出街補妝好方便。 一扑上去，即刻變返清爽啞光。 ⚠️ 注意： 遮瑕力中等， 痘印、黑眼圈要另外遮。 極乾肌冬天用可能會覺得乾。 WAKEMAKE 純素輕透無暇啞光氣墊，輕透清爽唔焗，薄薄一層已經均勻到膚色，妝感自然唔面具。持久度ok，補妝方便。夏天／潮濕天氣

Ruby好用推薦：這款氣墊真的很強！ 妝感輕簿不黏笠，油肌使用10小時後0補妝也不脫妝！出油後是很好看的奶油肌！大推！

Kathy Wai好用推薦：🌿 Innisfree 蘆薈能量面膜 冬季真實使用心得 ❄️ 轉季急救必備！ 香港冬天溫差大，皮膚時乾時痕，上星期鼻翼同面頰突然泛紅敏感，即刻摷返呢款蘆薈面膜出嚟急救！ 鎮靜保濕一敷見效 打開係滿滿嘅蘆薈精華液，質地清爽唔黏笠。面膜紙剪裁夠貼面，敷上臉一陣就有種「降溫感」。試過喺暖氣房焗完面紅紅哋敷15分鐘： ✔️ 即時鎮靜泛紅部位 ✔️ 補水力足夠但唔膩，適合怕黏笠嘅人 ✔️ 敷完皮膚觸感明顯柔軟咗 冬季護膚程序點夾？ 我通常會咁用： 1. 冬天夜晚沖完涼，毛孔打開時敷 2. 敷完將剩餘精華按摩吸收，直接上面霜鎖水 3. 每星期1-2次，作為保濕滋潤加強步驟 同其他季節嘅分別 夏天用覺得純粹補濕，但冬季皮膚不穩定時，佢嘅蘆薈成分真正發揮到鎮靜+補水雙重效果。特別係突然轉凍嗰幾日，敷完即時解決繃緊感！ 性價比小評 ✨ 保濕力：7.5/10（日常維持夠用，極乾肌可能要疊加護膚油） ✨ 溫和度：9/10（敏感期用都冇刺痛） ✨ 便利度：8/10（開袋即敷，5分鐘快速補水） 總結 如果唔追求功能性抗老美白，純粹想搵一款冬季日常保濕、成分溫和嘅面膜，呢款蘆薈能量面膜係穩陣之選。一盒

Chocol55好用推薦：用完皮膚有飽滿既感覺，冬天使用亦夠保濕，可配合美容儀使用，感覺更良好。

takemyokane好用推薦：買 medicube 美容儀附送的贈品，質地是透明啫喱狀，很清爽適合夏天用，面膜片也很貼面，精華足夠後面配合美容儀深層吸收，敷完感覺皮膚十分保濕水潤。 其實沒有什麼大問題，但約 $30 一塊也不是沒有其他性價比更高的産品代替，所以找不到回購的理由 🤔

Blooming好用推薦：Caudalie 葡萄蔓極緻凝白晚霜，質地我覺得算是比較笠，我秋冬天才會用。但吸收都算快，唔會話焗住啲皮膚，亦不會令我起粒粒。保濕效果是幾好的。淡化色斑效果不太看到。但提升肌膚亮澤度是有感的。

lingbb好用推薦：- 採用日本清酒發酵技術，純素、無酒精，配方包含3大益生菌＋2大益生元，透過改善肌膚微生物菌運作提升肌底屏障口，敷完皮膚水嫩彈滑 ，瞬間提亮膚色 - 面膜採用100%無漂染有機棉，親膚性極高，敏感肌啱哂 - 覺得鎮定效果非常好，薄荷清涼感好強。 - 使用感不錯，適合曬後修復，或者皮膚狀態不太穩定的時候使用。

AK好用推薦：我推介SNOW FOX日本清酒益生菌面膜嘅原因係敷完後，即時感到肌膚很保濕、很滋潤、而且即時提亮。另外，面膜採用100%無漂染有機棉，親膚性極高，適合敏感、泛紅肌膚人士使用。

Verna好用推薦：我一向對成份天然的護膚品很有好感，這是一個天然純素品牌，也是我第一次接觸 這個面膜的成份有人蔘根、橄欖葉和小球藻，都是比較少見的成份，面膜紙是棉質無漂染，十分親膚，就算敏感肌也可安心用，不過我覺得面膜紙的尺寸有點大，不太貼面，有點扣分 精華液的質地不是水稀稀，而是有點黏稠，不過敷上面都是舒服的，我大約敷15至20分鐘，就會撕去面膜，面膜紙仍然濕潤，不會很乾，而面上仍然有點精華液，我會再按摩一下令皮膚再吸收一下 敷完面膜後，發現皮膚好似飲飽水，毛孔變得很細緻，真的不錯👍

lingbb好用推薦：- 呢款面膜功能性好多，唔知敷咩就敷佢 - 主要功效有保濕、緊緻、修復、抗氧化及增加肌膚彈性，源源不絕補充膠原蛋白及醣脂質！ - 最適合以下問題用： 現鬆弛、缺乏彈性、乾燥及激光療程後嘅肌膚。 - 面膜紙都係100% 天然成份， 有淡淡草本香，用完飲飽水，皮膚漲卜卜，感覺到精華能迅速滲透肌底，好高鎖水能力 - 推薦

lingbb好用推薦：- 我係被佢嘅自熱式提亮吸引，含銅肽、煙酰胺和 PAD，有助於最大限度地縮小毛孔。 - 用刮痧板一齊用可激活熱力，熱力可幫助打開毛孔，從而更好地吸收精華， -PAD 可鎮靜痘痘和發紅，增加膠原蛋白的生成：包含煙酖胺，可最大限度地縮小收緊粗大毛孔。 - 覺得有啲啲作用，皮膚真係透亮有光澤，膚色均勻咗