眼影盤 推薦好用產品

曦La好用推薦：勁中意huda beauty既眼影，有rose gold & lude。lude更日常，所以亦更常用。超顯色、high coverage 、閃粉貼妝、啞色粉幼、易blending。會keep住回購。

natanatalie好用推薦：Sunrise真係好適合眼妝新手！❤️ 慢慢開始入秋，街上夜晚都會有少少風，與暖色系Sunrise形成對比，令妝容給予人一種温暖感覺，更甜美更親和！🙆🏼‍♀️ 淡淡的打底色與玫瑰色調互相搭配，加上閃粉襯出嬌美膚色！💕 Sunrise眼影盤一盒就能打造有如少女般的甜美氣質，而且發色既柔美又不失活潑氣息，為秋天添上點點生氣！🙌🏻 #火熱新品

Shan好用推薦：Suqqu眼影出名唔駛講，但恆常色多數有閃，依個係25年限量版，咁岩搵緊Matt眼影，佢連Matt眼影都滑又唔飛粉，勁推薦💖💖 油眼建議打返層eye base，我今日冇用，6個鐘後照鏡有小溶。

royu3好用推薦：這盤眼影雖然很貴，但真的物有所值！ 包裝為黑金色，很有高級感。使用上也很方便，內附鏡子、刷子，能隨時隨心地化上喜歡的眼妝👍🏻 我買的是08 光焦，很適合暖膚色。 特別是B色，超美的橙金色！A+B+D屬於較幼細的閃粉，沒有顆粒感； C則是肉眼可見的銀色閃粉，較少機會使用。 前者加起來，於一般場合使用已經很足夠， 要不要加上C的就視乎情況而定。（我只有夜間活動時使用到C呢）粉質細緻，基乎沒有飛粉⭕️ 而且與皮膚的貼合度很高，能自然放大雙眼，沒有違和感！不會顯得眼妝很濃，非常百搭，任何場合都能使用👍🏻 #夏季戀愛感妝容

Wkk好用推薦：非常輕透的一個眼影，持久度也很高，通勤返工5分鐘就可以化好眼影，隨便搭配都可以 #火熱新品

🌸好用推薦：ANA全日空限定四色，於飛機免稅購買。 左上角嘅淺金色係092 Mariage，細緻順滑； 右上角帶閃粉嘅淺粉紅色係078 Sakura storm，猶如櫻花般溫柔如水； 左下角080 Cry baby，色澤粉嫩，好有春暖花開嘅感覺； 右下角085 Shanghai Breakfast,雖然唔清楚同上海有咩關係，但係呢隻色帶點深邃，令到呢個粉紅色調嘅眼影盤不顯眼腫。 總括而言，係充滿春夏風情嘅日系眼影盤。

shirley好用推薦：行Cosme時見到，多手試用就買咗返屋企… 外型小巧，半透明黑色蓋，簡單一個Logo 高級感100分 好顯色，而且顏色實用， 掙扎咗好耐買咩色，因為每隻都好好睇 而且閃粉好細緻，唔會有顆粒感。

Chloe好用推薦：RMK嘅純色風四色眼影盤 一盒有齊啞同閃爍珠光質感❤️係我最鍾意嘅大地色系，好有秋天嘅感覺🥰 每隻顏色都好靚，搽上眼蓋仲好顯色，而且粉質幼細不飛粉🫶🏻 四種顏色疊塗都唔會感覺混濁，能夠輕鬆打造富層次感嘅大地色系眼妝😚

Fng好用推薦：#Diana 係一盒春日冷調嘅眼影，三種顏色粉質幼細， 微閃、緞光、珠光效果，分別係綠色、淺粉色、灰棕色，淺綠色比較罕見，色調深淺適中，令人驚喜。 粉質輕透不厚重，有透視感，疊加後有層次感，持久度好好，一整日不褪色，而且好貼膚。 唯一嘅缺點係比較貴， 蝴蝶翅膀包裝超靚，望住有療癒感。

mandy好用推薦：NARS ORGASM RISING EYESHADOW PALETTE 眼影組合 $500 這個ORGASM眼影組合是情人節的限量版， NARS基本上任何彩妝產品貫上ORGASM的名字， 通常都會大賣，相信這個ORGASM眼影盤也一樣受歡迎。 ORGASM 眼影組合的外盒是非常少女心的Baby Pink， 其實NARS很少使用粉色的設計，所以十分獨特。 眼影組合內藏9色百搭眼影，閃爍、珠光、霧面質地都有，可以打直、打橫、打斜， 由淺入深使用(日常眼妝)或由深到淺使用(Smokey Eyes)都可以， 總之畫眼影的方法千變萬化，可以創造無限多變的不同眼影配搭。 9色眼影充滿甜美感及變化，可濃可淡，可甜可日常可smokey，可說是戀愛眼影盤，隨時化出令人心動的眼妝，展現出各式各樣的風格。 眼影粉的質地非常細滑易上妝，顯色零色差，而且不會飛粉。帶閃片或珠光的眼影顯色不會很誇張。所有眼影色都不顯眼腫，對早上易眼腫的我來說實在太好了。先塗眼影底霜再上眼影，眼妝持久度非常高，可以維持一整天都不用補眼妝，也不會溶妝/暈染。 喜歡用9宮格眼影又喜歡Orgasm色號的要趕快

Winnie好用推薦：非常少見的basic 4色眼影盤，真是for eye shadow的，專登影後面証明真是眼影盒。白色其實非常實用，用來畫臥蠶又得，當highlighted又得，淺黑及纯黑色拿來畫眼線或眉又得，啡色更不用說了，大地色是永恆色，一盒走天涯。MAC質素又高，易上又上色度高，這種基礎中的基礎色真是永不過時。

Chloeincosme好用推薦：呢排終於試咗傳說中嘅 Charlotte Tilbury 四色眼影盤（買完平替excel1最後都係忍唔住入手CT😂），果然名不虛傳，易上色唔飛粉，閃粉比Excel大粒少少，歐美感重啲，但又可以輕鬆畫到近期好興嘅「白開水」妝容♥️ 🤍 粉質與顯色：5/5 粉質細滑如絲，一掃就上色，暈染度超順手～深色夠實淨，淺色透薄有層次，即使新手都輕易畫出專業感！ 🤍 閃粉效果：4.5/5 閃片比Excel更璀璨，顆粒稍大但唔會飛粉，厚搽光澤偏歐系華麗感，但用指尖輕拍眼頭或臥蠶，即刻變溫柔韓系水光～ 🤍 實用度：5/5 配色設計聰明，跟住官方教法三步驟就完成日常妝，濃淡皆宜！想要「白開水」妝容的話，用啞光色打底加少少閃片點綴已經好清透！ 🤍 持久度：4.5/5 帶妝10小時都冇積線或褪色，閃片依然緊貼眼皮，油眼人都撐到一日！ 總結： 如果預算允許，CT眼影盤絕對值得投資！佢完美平衡咗歐美顯色度同亞洲清淡妝感，一盤搞定多種風格♥️

pinky好用推薦：自購左2次，買黎送比朋友1次😆 以前覺得眼影唔使買專櫃級 但CT眼影系列質地好幼滑 顯色度高 好易攞粉🎨 而且每盒顏色配搭都十分好看😍 一盒就輕鬆化曬成個眼妝 岩曬d對眼妝無咁熟練既靚女們♪( ´θ｀)ノ 而家佢地既閃粉格真係好sharp好出色！！ 拎黎做highlight都得 雖然價錢貴少少 但經過呢2年使用後又覺得都值得 好過買左盒平野完全唔用/唔記得左 因為好用既產品唔使刻意自己都識搵出黎用呀🫶🏻😆 黎緊年尾咁多party 各位可以考慮入手haha(≧▽≦)

maylam好用推薦：限定眼影盤101號 冬響 之前喺日本揾咗好耐先買到 係比較成熟冷艷嘅偏紫色調 日系眼影中比較少呢種色系 眼影盤連埋highlighter 顏色配搭得好靚 但其實我覺得有少少難carry 不過收藏角度都好值得入手

Viff好用推薦：好靚的眼影，好顯色，但係又有透明感。 雲石嘅highlight亦可以用喺胭脂上面，實用性很高。

poonpoon好用推薦：購自cosme既日本開架眼影盤💕 Fujiko 淡彩眼影盤 01色 😉設計：奶粉色盒子，好可愛。入面配一支迷李掃，細細盒好方便 🤗質地：粉質好細好軟糯，粉質唔會好乾身，亦都唔會飛粉。日系眼影盤最方便就係粉質可以直接用手指掃，黏度啱啱好，幾秒鐘時間已經可以完成眼影妝容👍🏻 😊用後感：每一隻色都可以用到，而且2隻隻色配搭已經可以做唔同嘅深淺，eg偏酒紅、偏橙嘅眼妝。完全係都可以一盒眼影做到，就連畫埋下眼影都冇問題，唔會過分深色。同時顏色冇偏差，掃上眼窩完全就係盒上面嘅顏色。我圖片中嘅顏色淨係掃咗一層，就已經做到好實色。 😛總結：性價比高。沒廢色既開架日本牌子眼影盤，一盒眼影盤係可以用到鐵皮，值得入手！ 我冇用過盒入邊配嘅掃，反而用棉頭或者用手指已經上得好實色，雖然係開架牌子，但係粉質確實好，不會飛粉，更勝canmake! 🫢tips:建議可先上一層眼底膏再上粉狀眼影，成個妝容可以持妝。

Emily Leung好用推薦：呢盒日系眼影，色號02 配色溫柔，好有春日感覺。 粉質有啲鬆，輕輕咁有少少飛粉。 個顏色配搭好有日本雜誌feel，薄薄上一層真係有日雜嗰種氛圍。黃黃地、粉粉哋，簡單得嚟幾舒服。 如果想整啲層次感都可以，就要落手重少少，疊多幾層，效果就會有啲韓系感覺。 成盒眼影都係偏清淡，春夏時候幾好易襯。

Chloeincosme好用推薦：講到開架好物，不得不介紹一下我係日本購入Canmake 8色眼影盤。canmake出眼影出左好耐，但幾年前買我覺得佢太易甩，呢兩年好左好多！帶妝全日都仲有色！ 我買入既係02號色，係好岩淺夏皮膚既顏色！ 其中我最鍾意下面個排左二果格，係好低飽和的玫紅粉紅色，另外右上角既香檳淺粉閃都好鐘意，最常用就係佢地🤣（右上用到鐵皮了）（支掃係日本整唔見左😅🤣） Canmake雖然係開架牌子，但呢盒眼影粉質真的不錯，上眼之後唔飛粉！而顏色亦好實用，除左右下既深啡色我嫌佢唔夠實色搞到畫唔到眼線，呢到扣左D分，但其他幾隻色都好OK! 望下上眼效果：佢可以做到日系眼影追求既自然透明感，容易blend開，閃粉幼細，令眼妝更日系（但如果鍾意大閃片既就要考慮返韓牌啦🧐）上眼皮中間搽左眼影盒右上角閃粉果格，有種自然水光感。（發現過左相機唔多唔少食左少少色😢） 推薦小資女如果想搵盒CP好高既眼影，可以試下呢盒！ . #開架好物 #透明感

Kura好用推薦：canmake嘅八色眼影係 @cosme 嘅榜單上暢銷王，外包裝超級靚，當然係我聖誕妝容必不可少眼影，顏色非常有節日氣氛，適合我出席各種聖誕活動，我用嘅色號係01色，顏色嘅閃粉恰當，仲有粉質非常好，搽上眼唔會飛粉，仲有顯色度，飽和度都好高，呢一點真係大讚，眼影上眼令到成個妝容都變得非常好貴，但望落又唔會覺得好成熟，同埋呢八隻色日常出街約會嘅妝容都非常適合，真係百搭眼影，當然價錢都係非常心得我心，cp值好高，我一定會包色回購呢款眼影，平靚正嘅代表眼影，同埋係大家聖誕必備眼影之選 #聖誕 #聖誕

Nicnic好用推薦：近期冇腦快速上妝精選，偏暖嘅啡橙色應該好多人都啱用～ 色號004 Timeless Gold 顏色（消腫，污糟）：佢係偏橙嘅大地色，絕對係唔洗用腦之選！個啡色調色啱啱好，可以消腫，一啲都唔污糟～💕 🧡淺膚色：我會大範圍喺眼皮打底，佢帶有少少同細粒嘅閃閃，提亮到個眼皮。如果有時想淡妝好清透嘅妝容，我會淨係上呢隻色。用咗一個月多啲，呢隻色已經凹凹地。🥹 🧡橙啡色：呢個色好靚，明顯又唔誇張，黃昏時間嘅天空就係喺我嘅眼上🥹 🧡深啡色：因為我單偏小內雙，我鍾意用呢隻色做眼線位，畫完眼線再按top加多少少smudge 開，消腫一流 🧡閃金色：我日常比較少用，佢係冇底色嘅，係比較大粒鬆散啲嘅金色閃粉。 質地：好smooth,，好滑，一啲粉感都冇。同掃拎都唔飛粉~👍🏻 持久度：日常使用冇問題，到夜晚唔會唔見咗 妝感貼膚，啲粉唔會好乾，唔會令到眼紋好明顯 閃粉：四隻色都有閃粉，深啡色嘅閃粉比橙色同膚色嘅大粒少少 暈染：容易blend 開，冇用eye primer 都唔會結塊～👍🏻 飛粉：唔飛粉的🤣🤣 喜愛度：4.5/5

Nicole 好用推薦：色號是03 秘密橙 四色眼影，一盤就能完成眼妝👍🏻 這盤眼影適合畫日系元氣🍊妝，我平時亦會用來疊加胭脂，令妝容更加有層次感！ 眼影壓得很實，不會飛粉，就是眼影沒有跟掃，有一點點不方便。 綜合來說，性價比都是很高，百元出頭就買到！

mimiwoo好用推薦：因為以前很喜歡這個牌子的創辦人吉田朱里所以買來支持一下，這盤是02 駆引きのピンク，上手粉質細緻、好暈染又不飛粉，磨砂包裝也很有質感，比一般日系眼影更顯色。上妝一天眼皮可以留下8成色，加上眼部打底的話效果應該更好。

Noel好用推薦：Visee 眼影產品係信心保證，個人而收了好幾盒不同系列👍 老實說，Visee 不同系列的眼影，除了包裝 case 的分別外，眼影拼色、妝效、品質都大致相同，未入坑的靚靚挑 Visee 就對了❗最近子瑜還代言呢！ 驟眼看，以為眼影係四色 quard，打開有驚喜的第五個色🤣 眼影粉質幼細，觸感很滑。而右上的灰色底×銀閃色有 surprise，即使只用來單塗，已經超好看❣眼影粉壓得很實，不飛粉，平日快快化妝趕上班，用手指 apply 也沒有困難💖 基本上這款五色眼影，可以打造到兩個類似的眼妝。而最下方比較實的啡色更可用作眉粉／眼尾加長，真的一盒可以救全家，一物三用，爆CP值❗❗真的沒有時間化妝，我就帶著這盒衝出門👌

橘子貓好用推薦：#BR-2 眼影摸着是軟糯粉質型的，順滑不卡粉、不結塊，易推開，顯色度偏高，可暈染疊色，以平價眼影來說，使用感不錯。 要說缺點的話，稍嫌左上一格的香檳閃粉色底色顯色度不足，會顯得閃片比較呆板單調。整個5色眼影可畫的眼妝風格變化不大，都是日常大地色系眼妝。而且，眼影持久度一般。 整體而言，在平價眼影之中算表現不錯，化妝新手友好，顏色適合的可以入手。

zzzhelen好用推薦：買咗有一段時間，依隻係100 Stora Dolls。本身諗住佢比較冷色，所以擺到天時凍先用佢，點知上眼效果超自然，日日用都得，顏色都係百搭，日妝又得，晚妝又得，簡直係相逢恨晚，馬上成為我2024年最喜愛眼影。我諗依隻色tone，啱哂所有同我咁上下膚色既人。 ysl眼影仲好易blend開，又顯色，點兩下既量就夠一隻眼既眼皮。重點色要少量多次先唔會太濃 以下係我用係日妝既時候 以下係我用前鏡影，會易啲見到閃粉 成個眼妝只要用右上大範圍打底，右下加深雙眼皮摺位，左上閃粉點亮眼中+眼頭，左下掃鬆眼線就完成啦

🌸好用推薦：引頸以待的YSL皮革四色眼影盒終於在香港專櫃及官方網站產架。早前在歐美的美妝網站見過相關的介紹已經很想買，現在終於等到了！我是在香港官方網站購入的，連同唇膏一同購入，獲贈了贈迷你皮革氣墊粉底。皮革設計很有質感。 我買了300 Kasbah Spices（暖棕色）和400 Babylone Roses（冷調粉紅）。300號色比平時常用的大地色盤更橘一點，有點像橘子汽水的感覺，四格的顏色分別是淡金色、裸米色、絨面駝色和牛奶巧克力色。除了金色外，其餘三種顏色都是啞光的。特別喜歡它的金色，閃片與粉質完美結合，粉質細膩，閃耀而不浮誇。 400號色是煙熏玫瑰色調，四種顏色分別是玫瑰石英、冷調粉色、暗粉色和酒紅色。這是大熱色號，右上角的冷調粉色，色調偏紫，不會顯得腫眼包，反而是很有氣質的配色。 眼影粉質細膩，容易暈染。眼影貼服，妝效持久。大力推薦！

Emily Leung好用推薦：Excel Sr03真是神一樣的眼影盤 怎麼做到盤面看起來寡淡無聊但是塗在眼睛上這麼有神采的… 不得不承認日系做這種珠光濕潤感真的有一套。整盤都是珠光色，妙就妙在，它的珠光細到類似於緞光粉質又足夠軟糯。所以成功避開了大珠光會造成的腫脹感，兩塊深色還能幫忙自然消一下腫。 配色是日系盤一貫堅持的清淡，妝感看起來清透溫柔，很顯眼睛神采。整盤是中性大地色，不暖不冷，勝在不挑人，單眼皮雙眼皮都能用！ sr03 就是為通勤而生的盤子！主打不出錯+不費事 對於新手來說不用動腦研究配色，不需要厲害的手法 甚至不用刷子，手指 or 自帶的海綿棒都能搞定！

auntiemuscle好用推薦：大推excel呢盒眼影 呢盒cx05(推出之前一路私心想買cx04因為鐘意綠色）同埋之前做左color test我係岩autumn啞我就試下呢個tone晚眼影😀 雖然佢價格比其他開架高少少 但絕對性價比高 眼影粉好滑 唔飛粉 想透薄啲就用掃上 想實啲顯色啲就用掃疊/印上去 同埋好多日系都透明感重 響我呢啲「小麥肌？」就唔係好顯色同埋冇妝感 佢左上第一格都唔會顯腫（當然唔好搽到上眼窩） 反而覺得有啲元氣 鐘意佢右上同左下格閃 有啲偏光 chrome 啡色果格佢係啞色有少少光 做眼線我嫌佢唔夠色 但疊眼線上面做過度色就好靚岩岩好 個啡係少少偏藕色 同埋！keep到全日冇溶！

lingbb好用推薦：- beige beige01係經典通勤大地色，無論包裝定內涵都非常精緻。閃亮鏡面包裝非常有質感，眼影質地很細緻，上起來都相當服貼，持妝度去到夜晚都係完整 - 屬走低調溫暖的氣質路線 - 左上米金色嘅珠光可同膚色融合，滲出好靚嘅光澤度，唔會飛粉 - 右上溫暖米金色＆左下暖駝色都屬淡低調眼影，冇明顯的亮片卻帶有細緻低調的珠光光澤感 - 右下眼線色係溫暖咖啡金色，深色裡帶有比較明顯金色亮粉 - 呢種淡雅的米色還是較適合偏白膚色嘅人，有氣質感，一般場合都相當實用，出錯率低！推薦！

Rachel Hui好用推薦：Lunasol 4色眼影EX03使用感非常好，顯色度高，一抹上色，粉質細膩柔滑，貼服度佳，不易卡紋。閃粉特別明顯，在燈光下尤其亮眼，適合打造華麗妝效，十分推薦！