Fujiko

淡彩眼影盤

之前入Cosme行一轉，見到好多新出嘅日本彩妝，入手咗一盒fujiko眼影😛 我選購嘅係01色號，呢盒眼影嘅顏色可用度相當高。由左至右 🍣三文魚色，打底色，上兩層就會成為淡橙色，包眼眼影都唔會浮腫，呢隻色顯年輕🫢 🥫紅磚色，我會係其他嘅顏色打底再喺尾部疊加紅磚色，加深眼窩位輪廓 🥧土黃色，有時化偏秋天土色系嘅妝，用呢隻色就好適合 🍪大地啡色，百搭顏色，有時懶就淨係用手指搽少少大地啡就出街 真心冇一隻色會浪費！ 而且粉質好細緻，好滑冇cake粉。 試過其他開架牌子淡色系眼影，疊加多層都無乜色，一係淨得閃粉粒，但依盒fujiko眼影係真心好上色，新手用手指上眼影都唔會出錯，簡直係開架牌嘅戰鬥機🏅 就算屋企有多盒專櫃眼影，但依盒fujiko我日日都會用🩷

買嘅係01同03色號， 一開始先是買03色，覺得佢個閃粉好靚， 之後發現原來佢個設計係疊配嚟用， 01色係底色，03色係配喺上面嘅閃粉色， 四個顏色可以隨意配搭， 配搭顏色可以有好多種， 完全可以發揮創意， 如果唔用03閃粉色， 可以只用01嘅底色， 亦都實而不華，非常適合型格造型。

Pretty Color and all of them are daily and smooth