找產品
快乾(指甲油) 推薦好用產品
65 件
Emily Leung好用推薦：Canmake 瑰麗色彩指甲油 FC06 嘅真實使用心得 「成日搽指甲油都怕又臭又難乾，仲要兩日就崩邊……點知俾我試到Canmake呢枝FC06，一搽就愛上咗。以下係我嘅真實用後感，俾想搽靚色但又怕麻煩嘅你參考。」 顏色 FC06 係溫柔嘅煙熏玫瑰色——帶少少灰調嘅粉紅色，唔係螢光粉紅，亦唔係老土嘅深玫瑰。日光下望落似乾燥玫瑰，室內燈光下會偏少少豆沙色。 顯白度：對黃皮膚好友好，搽完隻手望落乾淨咗、冇咁黃。唔誇張，係氣質型顏色，返工、見人都啱用。 覆蓋力：搽一層已經均勻，唔會透出指甲白邊。想更實色可以搽兩層。 材質／質地 係偏稀嘅液體狀，唔會杰到一坨嘢，亦唔會稀到滴周圍。 · 掃頭係扁身、中等寬度，一掃可以覆蓋大半塊指甲，邊緣位易控制。 · 流動性適中，唔會話未搽完就流晒去兩邊。 乾的速度算快——搽完一隻手五隻手指，大概一分鐘左右就表面乾，可以搽第二層。完全乾透大約需時三至五分鐘。 氣味 老實講，指甲油一定有味。FC06 係典型化學溶劑味，同一般平價指甲油差唔多，唔算特別大陣味，但都唔會係香嘅。 通風地方搽就 OK，乾咗之後氣味會散得好快，唔會留係指甲上面
<看全文>Kathy Wai好用推薦：Canmake N115 喺香港好受歡迎，屬於「晶璨指甲油」系列，評價幾兩極，等我詳細講下： 色號 奶茶杏色，帶輕微細閃。室內偏溫柔氣質杏色，陽光下閃粉透出低調光澤，唔誇張。黃皮白皮都啱用，唔會顯手黃。 上手感覺最直接係 好快乾、好薄身。搽第一層時，指甲油流動性好高，似水狀好易推勻，唔會一嚿嚿。大約一分鐘左右表面就唔黏，但完全乾透前撞到硬物仍然會花，所以要忍一忍手。 薄搽效果最靚：第一層偏透，似好淡的杏色base；疊到第二層，奶茶色開始出，閃粉均勻，指甲表面變得平滑。因為質地透薄，就算搽兩三層都唔覺得「厚」，仲見到指甲天然的半月位，感覺好自然。 遮蓋力中等：如果指甲有泛黃或小瑕疵，要搽到第三層先完全遮到。不過大部分香港女仔覺得兩層就夠，保留少少透明感反而更日系。 另外，呢隻指甲油冇刺鼻臭味，有少少類似化妝品的淡香，喺室內搽都唔會覺得侷。總括嚟講，上手似高級少少嘅「稀身甲油」，對新手來講算易控制，但最緊要記得「薄層多次」呢個原則。 優點 · 價錢平，約四十蚊，質素對得住價格 · 掃頭扁闊，易控制，兩三筆就均勻 · 質地輕身，薄塗兩層已飽和，乾得快（五分鐘內） · 持久度唔
<看全文>
Fng好用推薦：OPI甲油， n年前買落 😝😝😝 🎨 顏色與質地：秋日裡的一抹溫柔氣質 呢隻色號NLW52，係一隻好靚嘅玫瑰木色調，帶少少啡調同灰調，好似一杯暖笠笠嘅玫瑰奶茶咁！🍂佢唔係好鮮艷搶眼嗰種，而係一種好溫柔、好顯氣質嘅顏色，超級無敵襯返秋天著毛衣、飲熱咖啡嘅氛圍！☕ 對黃皮膚嘅我哋嚟講超級友好，好顯白，唔會老土！ 質地方面，OPI一如既往咁出色！💯 指甲油掃頭夠闊，一兩下就可以掃勻成隻指甲。油嘅濃度剛剛好，好順滑，好易塗勻，就算係新手都好容易駕馭！ ✨ 上色度與光澤感：一層已經好出色 以呢種溫柔色系嚟講，佢嘅上色度算係非常優秀！只係塗一層，顏色已經好均勻、好飽和，只係會透少少指甲原本的顏色，有種通透感。如果想顏色再實淨啲，塗兩層就完全唔會透底，而且光澤感會更加靚，好似做完Gel甲咁，有種高級嘅漆光效果！🌟 ⏳ 持久度：正常表現，記得要做好底層同頂層！ 我嘅測試係：塗一層底油、兩層NLW52、再加一層快乾頂油。大概可以維持4-5日開始指尖有少少磨損。如果唔做家務、成日打字，應該可以維持得更耐。對於一般指甲油嚟講，呢個持久度算係合格以上！記得一定要塗底油同頂油，持久度同光澤感真係會差好遠！
<看全文>A&R好用推薦：OPI指甲油真係好受歡迎，顏色選擇多到眼花繚亂，最高峰期我至少有15隻色。 質地偏厚實，但塗上指甲好均勻，顏色飽和度高，兩層就已經好靚。乾得都算快，唔容易出現刷痕。 經典酒紅色系列，效果真係好亮澤，指甲睇落好有質感。持久度方面都幾好，正常家務同打字都唔會即刻甩色，大概可以keep到五至七日。再加埋Base Coat and Top Coat，效果更加耐。 包裝設計簡約，瓶身容量適中，價錢雖然比開架品牌高少少，但質素真係有保證。
<看全文>
lingbb好用推薦： - 當時購入係性價比高，外型好靚就試下 - 當放得太耐（中間68 色）質地變得好杰身，塗嘅時候黏住好難推開，所以開左建議盡快用 - 55 色新買，雖然質地比起用開都偏厚但係塗上甲滑身易塗 - 咁多隻色最鐘意107， 番茄紅唔會紅得太誇張又顯得好精神，夏天冬天拜年用都冇問題 - 呢個牌子嘅指甲油唔算快乾，所以需要啲啲耐性
<看全文>橘子貓好用推薦：Ducato指甲油樽身設計可愛，像個瘦南瓜般，吸引人買。 指甲油質地偏流動，不厚，比較水狀。甲油掃都易用，兩下就可以掃好一層甲油。不過由於指甲油較薄身，好易塗不均勻，有點考驗塗甲的技術。顯色度較低，要最少塗三層才有樽身顯示的顏色。好在甲油還算快乾，塗三層也不會費時。 最大優點是持久度，我腳甲單塗Ducato，沒有加塗底油、面油，塗了三天也依舊沒有甩色崩缺，就像最初塗上。如顏色合適，會考慮再購入。 #122 柿子色（暗橘色）帶金閃的，顯白，不似正紅色張揚，活潑適合夏天。 #BA照
<看全文>
Kmggigi好用推薦：Homei Weekly Gel — 易上手、易卸除，輕鬆玩美甲💅 質地: 呢款Homei Weekly Gel嘅質地同普通指甲油差唔多，延展性好、容易上手。 品牌仲有推出配套嘅Peel Off Serum Base， 用咗之後可以輕鬆撕除甲油，完全唔傷甲， 對經常轉款嘅人嚟講真係非常方便。 款式: 色號選擇非常豐富， 我用嘅係貓眼系列，磁吸效果靚又有層次感。 不過要注意，磁石棒需要另外購買， 想打造閃亮貓眼效果就要準備好工具。 效果: 塗抹時顏色均勻順滑，雖然色澤偏淺色系， 但通常上一至兩層已經夠飽和。 照燈固化後效果光滑細緻，有專業美甲店既視感！ 唯一缺點係持久度唔算高——大約3至4日就會開始脫落，未必做到官方講嘅「weekly」效果。 不過相對優點係，完全唔傷指甲！ 對於平時用普通指甲油容易令甲面變脆、變薄嘅人，呢款真係輕鬆又安全嘅選擇。 用完三日後效果: 雖然甩咗四隻，但係指甲表面完全冇花！ 總結：輕鬆玩色，溫和不傷甲的入門gel甲 Homei Weekly Gel集易用、易卸、顏色靚於一身， 雖然持久度一般，但勝在對指甲零負擔。 適合想間中玩下美甲、又唔想太花
<看全文>Suidan好用推薦：我呢色號係 NE-43 SHINY BEIGE，有好微細既閃粉，令指甲望落更美更健康。而呢支GEL甲油使用好方便，只需一支便可以做到gel甲，好合適懶人使用。
<看全文>
Emily Leung好用推薦：Nail Holic GR762（藍色透明閃粉）使用心得 「今次要同大家分享嘅係 Nail Holic GR762 —— 一支藍色透明閃粉指甲油。之前我成日睇錯呢隻色嘅 description，原來佢唔係抹茶牛奶，亦唔係乾燥玫瑰，而係一支清清涼涼、帶住夜空星光感覺嘅閃粉甲油。今次會講下佢嘅上色效果、閃粉密度、快乾程度，同埋疊擦嘅小技巧。如果你鍾意玩閃粉、或者想搵一支可以點綴指甲嘅 topper，就繼續睇落去啦！」 顏色： GR762 係透明基底 + 藍色幼閃粉，帶少少銀白折射，似夜空嘅星光，清爽又有仙氣。 優點： · 閃粉細緻靚：唔係大亮片嗰種 cheap 閃，係幼細 shimmer，陽光下好靚 · 疊加神器：可以單擦（自然低調閃），亦可以疊喺其他色上面（例如深藍、紫色、裸色），效果即時升級 · 冇明顯刷痕：因為係透明底，就算手殘都睇唔出 · 快乾：Nail Holic 一貫快乾 缺點： · 要搖勻：閃粉好易沉底，用之前一定要狂搖支嘢 · 遮蓋力等於零：想實色效果一定要疊底色，或者厚塗3-4層先見到明顯藍色 · 卸除要敷：有閃粉嘅甲油，卸嗰時要用棉花敷一陣，唔可以就咁捽 ·
<看全文>Bubu好用推薦：Nail Holic(BR395)指甲油 快乾又掃頭夠闊容易搽，呢個咖啡色顯白又百搭！
<看全文>
Wenwen03好用推薦：最近開始塗指甲油，一塗就唔敢懶 - base+指甲油+Top Coat，試過一隻牌子既Top Coat 用左一半之後漿住，使用感很近差，以致於下定決心試下Revlon 嘅Gel Envy Diamond Top Coat。 掃頭呈扇形，連我呢個新手都覺得易塗👍🏻👍🏻，而且快乾，有味道但不刺鼻，很好用～ 會回購
<看全文>Noel好用推薦：個人認為最值得投資的 Top Coat 💕 只要沾一下，就可以塗完一片指甲，光澤感強，非常 smooth，亦令指甲目測有更厚實既效果❣ 個人認為，即使使用比較便宜的顏色指甲油，再配上 Revlon 這枝 Diamond Top Coat，在指甲上的效果也會截然不同，提升了整體質感 😍 快乾 🌟🌟🌟🌟🌟🌟🌟 易卸 🌟🌟🌟🌟🌟🌟 持久 🌟🌟🌟🌟🌟🌟
<看全文>
Paris merci 好用推薦：非常難得會購買嘅專櫃指甲油，因為某幾隻顏色係做特價，所以就買來試吓 千祈唔好俾呢隻顏色嚇到，顏色叫做Sacred Growve，佢係深灰綠色有閃粉，如果你係原宿系y2k 會鍾意，亦可以用嚟做做指甲款式點綴都幾靚。 佢嘅掃頭幾好用，即使用咗幾次嘅話都冇開叉。第一層搽上去係會有薄薄地半透明感覺，第二層會實色好多，而且都乾得算幾快，呢個牌子嘅化妝品同指甲油都幾好用💕 第一層 第二層
<看全文>Fng好用推薦：Addiction 036SP DREAMLAND 細閃夢幻人魚粉紫色， 質地夠順滑，上一層已顯色，塗得均勻，亦都快乾，沒刺鼻氣味，甲油整體表現良好， 缺點係價錢比較貴少少。唔知點解🤔過咗幾日，會變深色咗，唔知係咪錯覺。🤣
<看全文>
Wenwen03好用推薦：一直想搵一支性價比高既指甲底油，我選指甲油既標準好簡單，淡粉色系列就得啦，唔好比小朋友發現我塗左指甲油😂😂。。 左選右選，最後選左Canmake Tokyo 既Foundation Colors FC01色試下先。 油掃好用，好易推開指甲油，好少塗指甲油的新手的我都carry到🤩🤩 。第一次上色是淡粉色（唔記得影😅😅），等左2-3分鐘好快乾，之後第二次上色即刻顯色，有點像櫻桃紅色，晶瑩通透的效果我好鐘意呀😍😍，不過都會有一道指甲油有既味道，不是臭到攻鼻，但對味道敏感既朋友就要留意啦。 以下是效果圖（塗了2次+面油，室內白光）
<看全文>葉子🍃好用推薦：刷頭易用，質地透薄，可以按需要疊搽，唔會覺得太厚，基底色方便工作，唔會太顯眼，但又夠自然
<看全文>Evoo好用推薦：自購*Ducato 弱爪專用指甲強化液 (透明）（nail hardener 7ml $72 狀況：卸完美甲後，指甲變好薄好軟 5⭐️為最高評價 >味道：⭐️⭐️⭐️⭐️一般指甲油化學味道，但唔算好大浸又好濃烈，可以接受 >乾的速度：⭐️⭐️⭐️⭐️都算快乾，塗完十隻手指已乾一半（乾的速度與一般指甲油相同） >硬度：⭐️⭐️⭐️因為指甲太薄，所以厚塗一層都係可以整彎指甲，但整體感覺有幫助令指甲增加硬度 >>值得注意係，塗一層已經可以撫平凹凸不平的指甲，睇落似nail coat 咁可以改善卸甲後指甲不光滑的情況！！！（很滿意⭐️⭐️⭐️⭐️⭐️） 整體感覺：4星⭐️半，建議如果想改善指甲軟&裂的情況，可配搭不同品牌的指緣油～
<看全文>Viannie好用推薦：最近啲指甲唔知做咩好似酥皮咁，一層層分離又好易斷，變得好薄🥲 日本旅行買咗黎試下，呢款強化甲油可以當底油/強化/面油使用，顏色全透明，搽完會好似上咗光油咁，快乾易搽，同埋佢真係會令到指甲硬啲，冇咁易反，推薦！
<看全文>mandy好用推薦：SALLY HANSEN Miracle Gel 奇蹟光療指甲油 @$99 Miracle Gel 奇蹟光療指甲油 是一款相當好用的甲油。 奇蹟光療指甲油的甲油掃設計得很具巧思， 甲油掃大小剛剛好，基本上只需由指甲底端塗至項端兩次，已可為指甲塗上完美的甲油，而且塗上甲油後速乾（很能滿足急性子的我），總而言之使用起來非常方便及容易，初學者也能輕鬆上手。 Miracle Gel 奇蹟光療指甲油配合使用同品牌的Miracle Gel Top Coat 就可完成有點Gel甲feel的美甲效果，塗上Miracle Gel Top Coat後， 指甲的顯色會更變得更富光澤，而且甲油可以維持最少10+多天， 不用經常補指甲油。真的Gel甲有可能傷指甲，而且需要專人拆掉Gel甲，而Miracle Gel 奇蹟光療指甲油只需卸甲水已可輕鬆卸除，亦不傷指甲。 Miracle Gel 奇蹟光療指甲油的定價於中低價， 卻有專櫃甲油的質素，可說是物超所值，性價比高，值得入手及回購。
<看全文>Hamiii好用推薦：好鐘意既一隻指甲油牌子，亦係最鐘意既呢隻色🫶🏻 顏色上手好溫柔，甲油快乾又唔會好大陣味🫶🏻 長期用都唔覺指甲有變黃，大愛🌷
<看全文>
