Ducato 好用推薦產品

布吶吶好用推薦：Ducato #37 珍珠粉紅甲油用後感：靚就靚，但黃黑皮要諗清楚！ 今次試咗Ducato #37，係一隻溫柔到爆嘅粉色珍珠色。有光線直射嘅時候，會見到入面有細細嘅閃粉，低調得嚟又唔會太過份；但係光線暗嘅時候，就變成一種珍珠緞光效果，望落好優雅。 講真，隻色本身係幾靚嘅，氣質感滿分。但呢種淺粉色＋珍珠光嘅組合，真係難以避免會顯手黃、顯手黑⋯⋯如果你本身係黃黑皮，真心建議諗清楚先好入，否則搽咗上手可能會覺得「點解對手好似污糟咗」咁😂 講返甲油本身，Ducato支掃頭係幾好掃嘅，好控制，好快就塗得均勻。但乾嘅速度就偏慢少少，心急嘅人要等耐啲。官方宣傳話有「光療感」，呢點我認同——搽完之後的確有種似塗咗Gel甲嗰種飽滿、圓潤嘅質感，望落好高級。 唯一要彈嘅係個樽有少少醜🤣 設計感一般，擺喺度唔算靚。但整體嚟講，以呢個價錢有咁嘅質素，性價比都算唔錯，如果你係白皮或者唔介意顯黃問題，呢隻色都值得一試嘅～ 評分（5星滿分）： 顏色靚度：⭐⭐⭐⭐ 珍珠光澤：⭐⭐⭐⭐⭐ 掃頭好掃度：⭐⭐⭐⭐⭐ 乾透速度：⭐⭐⭐ 黃黑皮友善度：⭐

lingbb好用推薦： - 當時購入係性價比高，外型好靚就試下 - 當放得太耐（中間68 色）質地變得好杰身，塗嘅時候黏住好難推開，所以開左建議盡快用 - 55 色新買，雖然質地比起用開都偏厚但係塗上甲滑身易塗 - 咁多隻色最鐘意107， 番茄紅唔會紅得太誇張又顯得好精神，夏天冬天拜年用都冇問題 - 呢個牌子嘅指甲油唔算快乾，所以需要啲啲耐性

Paris merci 好用推薦：Ducato卸甲紙好用方便，冇一般嘅天拿水味道，背面日文字寫住係無臭type，的確係冇洗甲水嘅天拿水味道。 唔需要喺包裝入邊取出卸甲棉紙。直接放手指擺落去敷一敷，然後前後轉幾轉8-10下捽一捽，轉幾轉就會甩晒，一張紙巾大概缷兩隻指甲都夠💅🏻 勝在方便，帶去旅行袋住一流。喺美容院人哋俾我拎咗包佢用，因為嗰陣時佢有急切性需要卸除指甲油，好用小物💕

Poyobb好用推薦：一包可以卸10隻指甲，用到尾要大力少少捽，就會捨得甩。雖然佢細細包，但係其實個份量好足夠 佢唔係水劑天拿水，係油性卸甲，對手部皮膚冇咁乾燥。而且冇乜天拿水嘅味道，感覺好似冇咁傷害皮膚。 最方便係有時候去旅行，指甲油甩咗少少就會想成隻抹走，大約一兩包去最方便。

Evoo好用推薦：自購*Ducato 弱爪專用指甲強化液 (透明）（nail hardener 7ml $72 狀況：卸完美甲後，指甲變好薄好軟 5⭐️為最高評價 >味道：⭐️⭐️⭐️⭐️一般指甲油化學味道，但唔算好大浸又好濃烈，可以接受 >乾的速度：⭐️⭐️⭐️⭐️都算快乾，塗完十隻手指已乾一半（乾的速度與一般指甲油相同） >硬度：⭐️⭐️⭐️因為指甲太薄，所以厚塗一層都係可以整彎指甲，但整體感覺有幫助令指甲增加硬度 >>值得注意係，塗一層已經可以撫平凹凸不平的指甲，睇落似nail coat 咁可以改善卸甲後指甲不光滑的情況！！！（很滿意⭐️⭐️⭐️⭐️⭐️） 整體感覺：4星⭐️半，建議如果想改善指甲軟&裂的情況，可配搭不同品牌的指緣油～

Viannie好用推薦：最近啲指甲唔知做咩好似酥皮咁，一層層分離又好易斷，變得好薄🥲 日本旅行買咗黎試下，呢款強化甲油可以當底油/強化/面油使用，顏色全透明，搽完會好似上咗光油咁，快乾易搽，同埋佢真係會令到指甲硬啲，冇咁易反，推薦！

Also melon好用推薦：先講氣味就係香精味，護甲油質地輕盈，而且有個細細嘅掃仔，軟毛筆掃，方便查喺指甲死皮嘅角落位置，不會沾污其他手指。而且佢啲護甲油都算幾快乾，幾方便。 添加咗植物成份有護甲作用，習慣間唔中用吓，死皮冇咁硬。依枝護甲油屬正常發揮。

poonpoon好用推薦：啱啱收到Cosme送嚟嘅Ducato甲油溶解液。 Ducato甲油溶解液包裝入邊內附一支滴管，重點made in Japan的產品。 小朋友學校返學唔俾搽指甲油，放假先至用得，通常買咗用一兩次就擺咗喺度，好多指甲油都乾晒。滴左幾滴甲油溶解液落指甲油之後探勻，甲油真係順滑返，同新買返嚟冇分別。真係幾方便！

YY好用推薦：多謝Cosme送我的試用ducato甲油溶解液。 甲油溶解液嘅用法就係用吸管直接吸取甲油溶解液滴落指甲油裏面稀釋，再搖勻。 如果日常保養指甲油3-5秒就ok，但已經變得好厚既指甲油就搖均10-20秒。 一支甲油溶解液復活10-20支指甲油都無問題。簡直就係指甲沖復活液，但切記沒有寫gel nail先可以用。 感覺既方便，如果買一支百幾二百蚊/專櫃既指甲油 凝固左用唔到會好心痛。

Kura好用推薦：呢支拋光棒嘅size係非常細，方便可以帶去旅行，就算擺係屋企都唔會好霸佔地方

choichoi好用推薦：自家美甲需要用到打磨，選擇它勝在容易找到購買也很便宜，用舊了再買不心痛

Paris merci 好用推薦：鍾意gel甲質地嘅關係，Gel top coat一細細支預計可以用15-20次，厚厚地，每次用嘅份量都算多。 底層用咗快乾指甲油，面層gel甲面油做封層，依款面有不容易塗均勻，仲會拉絲，特別留意非常難乾。用風扇吹大概10分鐘，摸上去都依然未乾透 。趕時間人士使用千祈唔好買！

Kura好用推薦：可以幫助到我嘅指甲油快d乾，好適合我呢種心急嘅人，但係價錢偏貴小小

Paris merci 好用推薦：快乾面油係好好用 ，2分鐘就乾8成 ，再用風扇吹就好快乾 ，以我估計10分鐘內完全乾透。持久度都唔錯，唔會好似$10支嗰啲指甲油咁，幾日就一塊塊面油甩。 細細支二十零蚊一支，個掃都唔會好差，掃出嚟甲油平均，最緊要快脆用晒又可以換過新嘅唔需要怕佢擺得太耐變質💕

Kura好用推薦：呢款快乾面油搽上手真係好快乾，同埋價錢唔貴，都值得一試嘅指甲油

Kura好用推薦：方便係屋企自己貼，價錢算合理，動手能力強可以試下，我自己癡到比較肉酸

choichoi好用推薦：自家美甲用到，選擇算多也不會太浮誇所以買數張也不心痛，質素不錯易撕易貼

Kura好用推薦：係無顏色嘅護理指甲油，用完指甲變得冇咁脆弱，但係要堅持經常用，一唔係睇唔到效果

choichoi好用推薦：乾的速度說說不上很快 , 不過乾了以後會有一點點光澤, 令原本了無生氣的指甲多了一份活力