去痘印 推薦好用產品

Cosmeemee好用推薦：#火熱新品 🗓️使用時間：持續使用一個月 💆🏻‍♀️個人皮膚狀況： 混合乾性肌膚，全面易乾而出油 膚色有點不均勻，有少許雀斑及暗瘡印 皮膚有時洗澡後有敏感及易紅約情況 使用產品後沒有任何過敏反應 🔽全面使用心得如下🔽 1️⃣產品質地: 這款精華液的質地非常輕盈,無油光感。滑順易推開,即使在潮濕天氣下也不會有任何黏膩感，並能夠快速滲透進肌膚,基本上1分鐘內已完全吸收。 2️⃣淡/防印效果: 在持續使用一個月後,我發現暗瘡印和色斑確實變淡了不少，使肌膚看起來更加平滑。🔼剛使用🔼一個月後 3️⃣保濕效能: 精華液含有多種保濕成分,能給肌膚長效補水保濕。每日早晚都有用，雖然冇純B5gel咁保濕，但以美白精華來說，保濕效果非常不錯，即使在炎熱天氣下也沒有任何乾燥或緊繃感。 4️⃣低敏配方: 這款精華液非常溫和,不含酒精、香料和防腐劑，是敏感肌也能用的美白產品～ （使用方法:早晚洗臉後，上爽膚水，取適量精華液塗抹於全臉，再上面霜。） 🙌總結評分🙌 低敏程度：♥️♥️♥️♥️♥️ 美白效果：♥️♥️♥️🤍🤍 防班效果：♥️♥️♥️♥️🤍 淡印效果：♥️♥️♥️🤍🤍 推薦程度：♥️♥️♥️♥️

Kelvin好用推薦：Olay PROX皙顏袪斑精華液 從根源防班淡印，具備有「NIA + SDL」專利淡斑配方，穩定黑色素母體，減少黑色素擴散和沈積，有助從肌底淡斑🤗 質地透明珍珠白色，我塊面需要一次用3泵，搽上面大概30秒已經吸收晒，清爽唔黏笠，朝早用都唔會黐立立，仲有啲保濕效果，大部份用都鍾意嘅質地👍🏻 大概用咗1/3，暗瘡印位退得快，用完會塊面白淨咗。但我多年嘅色斑就感覺退嘅效果就唔太見到，但係我覺得可以keep住用，開架牌子又有專利效果針對淡斑嘅精華唔多，希望用落夏天keep住唔好再出咁多斑。 但會提返美白精華，一定要用足夠份量，如果唔係用咗等於冇用

Also melon好用推薦：Cerave A醇精華由外國引入香港了，綠色呢支除咗可以抗老，仲可以加速角質層更新，可以疏通毛孔，從而減少痘痘。前排食得太多油膩嘢，下巴位置生咗幾豆豆同閉口，即刻用依支精華。 唧出嚟係啫喱質地，清爽不油膩，全面搽一層之後，再喺出痘痘嘅下巴位置搽多一次，小小嘅份量已經夠用。感覺過咗一晚之後下巴位置變得平滑，豆豆係依然有紅，但已經冇咗腫起。 平時大概隔日都會keep住全面用，用完之後皮膚變得好滑，但對去印就無效。所以可以用呢支晚上使用A醇抗老同時疏通毛孔，然後再用美白精華淡印。

Emily Leung好用推薦：CeraVe A醇精華 藍瓶測評 CeraVe藍色係抗痘線，加咗菸鹼胺同甘草，理論上對祛痘印同抗炎效果會好啲。前者係黃色乳液狀，流動性強，質地偏油潤，我個人就唔太介意。 對我嚟講，用完皮膚係有滑咗，毛孔都細咗少少，睇得出有效果，但就唔太能夠維持皮膚穩定。我個人就係買到邊款用邊款，滋潤度可以根據產品同季節，配返面霜去調節。 我防曬基本上一四季都搽，冬天本身冇乜太陽，夏天正常會曬黑少少，應該唔係反黑（皮膚只係暗咗少少啫），冇咩不良反應。 CeraVe嘅嘢都比較溫和，好似有緩釋技術，但都建議要行返一次耐受流程。另外我之前有擔心生痘痘嗰陣，會刺激到有傷口嘅皮膚，所以中間有斷斷續續咁用，但後尾發現其實都ok。真係好溫和，注意做好防曬就得。 整體嚟講係推薦嘅。

Emily Leung好用推薦：講起呢支 #科顏氏維C淡斑精華 真係要大力推！ 用咗半支已經想同佢平反 之前聽人講話會『癢身』 其實係維C喺度努力工作緊啊！ 質地係透明水感 上臉吸收得快 頭兩次用會有微微刺刺哋嘅感覺 （櫃姐話正常，建立耐受就得） 果然第三日開始就冇事喇 最驚喜係額頭啲痘印 淡咗超多！ 成塊面睇落勻淨咗 冇以前咁『花面貓』 同埋透白感係由內而外咁發出嚟 唔係死白嗰隻 而家化妝唔使特登用遮瑕膏蓋黑眼圈 慳返唔少時間 會繼續回購嘅一支！

YYeman好用推薦：呢支Kiehl's維C淡斑精華（醫學維C淡斑精華），實測後同你哋分享下重點，特別係透明感同淡斑效果。 質地與膚感： 水感輕透，好似好稀嘅精華水。一推開就吸收，唔會黐立立。油皮、混合皮用好舒服，乾皮後續要加保濕。 提升透明感表現： 呢點好驚喜。用咗大約兩星期，塊面開始有種「飲飽水」嘅透亮，由內反出自然光澤，唔係油光。毛孔位平滑咗，膚色均勻，成塊面望落乾淨、好通透，即係大家成日講嘅 「透明感」——好似打燈會穿透咁，素顏都唔會灰灰黃黃。 淡斑與去痘印： 新痘印（紅／啡色）效果明顯，快則一星期就變淡。但萬年深層色斑，用完一支只係淡咗少少，唔會完全消失。針對整體膚色均勻＋提亮，會比單單淡斑更出色。 使用貼士： 日間要用足防曬，裡面嘅活性維C遇光會加速氧化，唔搽防曬等於白做。另外敏感肌可能要試下先，部分人會覺得「吉吉哋」。 總結： 想要淡新痘印 + 提升光澤透明感，呢支值得入手。但如果有深層色斑，建議配合淡斑療程會更見效。透明感比淡斑成績更搶眼，追求亮白水光肌可以一試。 #透明感#提升肌膚透明感#美白

Eun H好用推薦：使用了 Helena Rubinstein 黑繃帶面霜 一段時間，質地偏滋潤但延展性很好。皮膚乾燥或狀態不穩定時用，修護和舒緩感覺不錯，第二天皮膚會比較柔軟穩定。不過對我來說稍微有點厚重，建議少量使用或晚上用會更合適。整體是一款修護力不錯的面霜。

Kmggigi好用推薦：HR Replasty 修復晚霜 — 高效修復，減淡泛紅細紋✨ 效果: 呢款晚霜嘅修復效果非常顯著， 使用後可以有效抑制泛紅同減淡細紋， 尤其適合需要修護嘅脆弱肌膚，幫助重建健康膚質。 雖然晚霜本身滋潤度唔錯， 但對於乾肌用家，如果皮膚屏障唔算好強， 建議搭配保濕精華一齊使用， 可以進一步改善乾燥問題，令修復效果更加全面。 總結：修復力一流，脆弱肌膚的完美選擇 HR Replasty 修復晚霜以強效修復力見稱， 能有效舒緩泛紅同減淡紋路， 對於需要修護嘅肌膚非常適合。 如果你係乾肌，用前搭配精華使用， 就可以更好發揮晚霜嘅修復力量，絕對值得一試！

Paris merci 好用推薦：Dermacept維他命C精華有多款濃度，依款係25%的超高濃度純維他命C，佢係一個強效的抗氧化劑，可以改善我們的肌膚問題。 我依照官方使用方法一次用4滴，輕輕在按壓全臉。雖然佢係維他命C精華，4滴啱啱好夠用，油膩感好快會消失！然後我再加一層面霜，咁樣就可以覆蓋全面，所有維他命C精華都被肌膚吸收，完全唔會浪費。 用維他命C精華，可以令肌膚更持久地保持美白和白淨。唔同嘅維他命C濃度有唔同嘅功效，依支有25%已經係超高濃度，keep住用可以令皮膚整體膚色更均勻💕

橘子貓好用推薦：Vitamin C Serum 20 plus V.E Obagi就是 Dermacept的日本版本。去旅遊時回購的。 因為現在用A酸類產品，不可與維C同用。之前用過25%，現在就回購濃度低一點的20%來日常使用。 油狀的精華，新鮮開封時是淡橙色的。三個月後還未用完，精華就會變啡橙色，氧化了護膚效果就沒有了。 20%的不會刺激，質地是很薄身的油狀精華，用幾滴就足夠塗會臉，夏天單用就足夠滋潤。冬天我會混到面霜中一同使用。 可能已經用過了25%，皮膚已經習慣高濃度，20%的收毛孔效果沒有25%的明顯，不過也算是有維持到。

Blueblueblue好用推薦：用完一支，皮膚變到有光澤，美白效果唔多覺。所以我又回購多一次。

mandy好用推薦：ONE BY KOSE  Melanoshot White Brightening Serum 有些美白精華液 的保濕力比較差, 容易令肌膚變乾燥, 而ONE BY KOSE 美白精華液 則沒有這樣的問題。 美白精華液  的質地跟平時大家用的保濕精華液一樣水潤易推, 延展性和保濕力非常好, 主打成分麴酸具美白及抗氧化功效。 美白精華液  的主要美白成分為麴酸 KOJIC ACID, 是一種不錯的美白淡斑成分, 然而過高濃度卻有可能導致皮膚敏感。 以我的個人經驗來說ONE BY KOSE美白精華液 用起來完全沒有敏感或不舒服, 但敏感肌還是要注意一下, 小心使用。 什麼是 麴酸 kojic acid  By-product of the fermentation process of malting rice for use in the manufacture of sake (Japanese rice wine). In vitro and in vivo research and animal studies have shown that kojic a

Kitty 好用推薦：作為天氣一潮濕就開始受痘痘困擾嘅混合肌人，見到呢隻精華有成2%水楊酸，即刻覺得搵到救星✨。用法真係超簡單，平時搽完面霜之後，就咁點幾滴係痘痘、粉刺位置，輕輕按摩等佢吸收。最驚喜係等一兩分鐘後會形成一層隱形保護膜，之後化妝都唔怕卡粉，遮瑕膏照樣上得！👍 用咗幾晚，明顯感覺到紅腫大痘痘消腫得快咗，急救效果真係一流🤯。4%煙酰胺幫到手控油，平時T區冇咁快出油，膚色仲提亮咗，陳年痘印都好似淡咗啲。加埋甘草根提取物，敏感肌用落都好溫和，冇話刺痛甩皮。💯 呢支精華集齊袪痘、维稳、淡印三樣功能，清爽唔黏腻，絕對係痘痘肌夏日必備嘅戰痘神器+超隱形痘痘貼！同埋聽聞細細支已經用得到300粒痘痘，真係可以用好耐，真心推薦俾受暗瘡困擾緊嘅朋友！💪😍

Janet SF好用推薦：質地透明輕薄，水流質，吸收力強。如果患處有傷口，還是有一點痛的。試過在患處早晚塗上一次，三天後明顯粒粒縮細了。塗在患處後還可以在上面上妝，絕對沒有卡粉，大力推薦！👍🏻👍🏻 #火熱新品

Noel好用推薦：今年的夏季購入了這枝 Estee Lauder 維他命C 精華，因為希望努力美白，就選了大瓶裝~ 基本上每天也用上四泵，早上及晚間都各兩泵，再加上敷 sheet mask 前也用兩泵，用得挺豪的！ 精華液呈淡淡米黃至透明色，流動性甚高，質感比平常精華液稀少許。塗到面上很順➕很水，吸收速度很快。所以我會塗完一層，待吸收後再上一層👍 整體感覺，精華液的滋潤感很強，但上到面快吸收，又很 lightweight，使用感很好！而且我喜歡多塗精華的關係，感覺會很水潤很full 💗 不過，美白效果就不太強了，用完 100ml，感覺有點似補濕後皮膚變明亮而已，在我面上不明顯～ 如果用作保濕精華去評分，這枝產品效果很不錯，皮膚能保持滋潤，又有飽滿感❗而且質感很輕，沒有油膩感啊～

Ni好用推薦：Ester lauder一貫的香味 透明輕盈的精華 擦上臉吸收很快 持續使用一週皮膚變亮、痘疤變淡 一直對他們美白產品的效果相當有信心

ksks22好用推薦：第一次寫心得 一定要講哩枝🥰 雖然佢救我都已經係4-5年前既事🙈 但一定要介紹下比大家 前幾年因為一次敏感爆到成塊都係暗瘡 睇中醫都睇唔好 又唔敢睇西醫食A酸 （因為學生時期冇乜錢🙈）買過好多暗瘡產品 要講一講 當時我面上既暗瘡有部分係屬於石頭瘡 而且搞左好耐都消唔到 有次經朋友介紹 買左枝黎試一試 一直消唔到既石頭瘡 佢3 4日幫我搞掂左 而且對我果陣極度敏感嘅皮膚 但冇太大既刺激 當然 成面暗瘡要對付條路係好慢長 石頭瘡佢係可以幫我消到部分 但阻止唔到我Keep住爆既體質 所以我之後都係一邊調理身體 一邊用佢黎對抗我啲暗瘡😎 咁多年黎都已經回購過5-6枝 點都要有一枝看門口🙈  雖然對學生黎講 哩個價錢$300/20ml 其實唔平 但如其用咁多錢買其他暗瘡膏 暗瘡產品 不如花多少少錢試下哩枝 真心推薦❗️

choichoi好用推薦：得到的是贈品但也幸好只是贈品，我有刺痛的過敏反應、在未能消除粉刺的時間我已泛紅，冷宮；建議大家先小小區域試用確保OK再使用

Poyobb好用推薦：本身覺得呢個牌子嘅包裝普普通通，但係朋友介紹話用佢嘅卸妝洗面乳可以卸防曬唔錯，一次過買埋佢呢支係美白精華🍋 精華液係透明質地，用落較清爽，雖然屬於美白精華，但係冇任何刺激嘅感覺，敏感肌都用得，完全係好溫和嘅美白產品。佢嘅質地直程好似係敏感皮膚用嘅保濕精華，搽上面係有一層覆蓋到好舒服嘅感覺。 至於美白效果反而就一般，冇咩特別感覺，我鍾意一啲美白產品係好快見效，不過可能就相對刺激😆

格仔餅公主好用推薦：精華既質地偏水潤但唔會話無左個種滋潤感，如果本身係敏感皮膚或者好怕精華笠但又想美白，佢可以「溫和」咁幫到你，但需要既時間都相對耐，請付出少少耐性😏我主要用黎減痘印，大部分都係新既痘印，退紅確認無傷口之後開始搽，早晚保濕後一次，會愈黎愈淡色，仲唔易令佢複發架！

Noel好用推薦：個人對這款去痘印潔面產品非常好奇，加上有朋友用過，都讚它清潔力強，我就乖乖付款了🤣 白色的潔面膏，起泡超容易❗而且泡泡很豐盈，塗到面上超舒服👍加上它帶有蘋果味，很療癒呢🥰 而清潔力也不錯，雖然泡泡很多，但又不會令皮膚變乾，很神奇。 不過，產品標榜的袪印功效就很麻麻，感覺用前跟用後沒有多大分別。天啊！我可是整整用了兩枝的啊🥺

chymiaaa好用推薦：清潔力的確係幾強 而且價錢亦都係大眾可接受嘅 不過就係唔見到有明顯嘅去痘印功效 不過個人覺得以咁嘅價錢來講其實算係幾唔錯 嚟緊應該會再回購

whTsoi好用推薦：因為我臉上的痘印顏色大多都比較深 等了幾個月也不見有減淡就很在意 想說買來試試看有沒有效果 它一盒只有六塊 說實話很少 所以我就只選同一個痘印貼上去針對改善 一星期貼兩次 從圖片中可以看出顏色深到被痘貼貼住也完全遮不住 我用完了一盒再照鏡子看看 深色的區域有變淡一點（有點後悔沒拍before照） 但要很仔細看才發現 如果遠一點看感覺還是沒甚麼差別 整體效果給我的感覺就是不過不失吧 如果能再用幾個月效果應該會更明顯 可惜它實在有點貴 所以我不打算回購

祁云好用推薦：的確有淡化痘印，用兩至三個月就見效。但係搽上去會有小小刺激。

Hazel好用推薦：含有水楊酸，碌係有痘印嘅地方，個頭冰冰涼涼咁，不過唔知係咪有時啲水楊酸出唔到，碌咗一段時間見冇進展最後放埋左一邊，居然俾我摷番出嚟，一定要影下，哈哈！

balabababa好用推薦：呢支中學階段有買黎用。但我認為唔太有效。 有時走珠會碌唔到精華出黎，同埋對暗瘡/痘痘印冇太大改善，只感覺清涼。比起買呢支，其實買支茶樹油，會平而且更有效果。所以不建議。