GARNIeR 好用推薦產品

mcosmetics好用推薦：之前喺英國boots 買，好平好抵用。唔會拎皮膚敏感，用完塊面唔會乾。但卸眼妝有少少乸，所以都係鐘意bioderma紅水多啲。

Aivlys好用推薦：今次分享呢支卸妝水相當冷門， 但絕對係我自己嘅真愛嚟， 每次lookfantastic有特價都會補貨咁滯， 愛用原因第一當然係好平好抵用， 第二係卸淨力對我嚟講恰到好處， 平時化全妝都可以輕鬆卸除曬， 不過我唔用睫毛膏所以唔知卸防水睫毛膏會唔會唔夠力， 但一般眼影+防水眼線液都卸得好好， 第三就係佢好水潤完全唔會刺激到皮膚或者太乾， 卸完就咁再用清水過一過已經覺得塊臉輕鬆曬冇曬負擔， 已經持續回購同囤貨好耐， 真係好好用！

格仔餅公主好用推薦：平得黎好好用，但而家要去某某大藥品平台先買到囉，所以每次一買就買幾盒园下貨，實實在在保濕粗用一流

Kura好用推薦：個人覺得敷完呢款面膜之後覺得皮膚水潤度有提高，價錢唔算好貴，都值得一試

Circlecyy20好用推薦：滾珠形眼霜 上眼周涼浸浸 一朝起身用有少少去水腫 但本體的效果不突出

jaye好用推薦：有走珠幫助加快眼周血液循環，朝早周可幫助消除水腫，不過無其他功效，保濕滋潤度完全不足。

LenaC好用推薦：帶淡淡香味 起泡度還可以 潔淨度高 補濕度一般 但未至於令潔後肌膚繃緊 比較適合夏天使用

Kylieee好用推薦：啫喱狀嘅保濕霜好易推勻，而且吸收得都好快， 搽完會明顯感到塊臉平滑左，輕微硅感， 保濕力其實一般般，所以唔岩冬季使用， 但夏季咁怕油怕笠，搽呢隻就夠曬清爽，推薦

wingshan1124好用推薦：用起都幾清爽，而且夠平，夏天用ok，秋冬略嫌不足

Kylieee好用推薦：初期學化妝入手嘅平價卸妝水 俾我感覺同出名嘅紅蓋卸妝水感覺差唔多 溫和，淡妝可卸，用後唔乾，無色無味 平平地500ml 好抵玩，可惜冇再見到有賣

Kylieee好用推薦：超級油嘅素顏霜，搽完爆左好多粉刺出黎 上臉效果唔明顯，搽得多又太假白，好難捉摸用量 而且佢質地好禁達達，唔易推勻，成日有粉痕 勉強自己用左一半就頂唔順dum左，超唔推薦

balabababa好用推薦：覺得一般般。好處是cream狀好易推開至整塊臉，同埋有少少潤色效果，做到素顏但水潤的感覺，上臉即時睇落白左啲。 但唔鍾意用完之後好易出油，同埋有啲塞毛孔、T字位同鼻翼兩邊會有浮粉刺....建議一定要小心避開油位/特定出油位需要搽得好薄。

Hazel好用推薦：含有水楊酸，碌係有痘印嘅地方，個頭冰冰涼涼咁，不過唔知係咪有時啲水楊酸出唔到，碌咗一段時間見冇進展最後放埋左一邊，居然俾我摷番出嚟，一定要影下，哈哈！

balabababa好用推薦：呢支中學階段有買黎用。但我認為唔太有效。 有時走珠會碌唔到精華出黎，同埋對暗瘡/痘痘印冇太大改善，只感覺清涼。比起買呢支，其實買支茶樹油，會平而且更有效果。所以不建議。

jaye好用推薦：係泰國旅行即買即用，不過唔推薦敏感皮膚用，面膜質地尚算貼臉，不過好快就吉，而且持續吉，5分鐘頂唔順要拎走，刺激左皮膚，即時面頰有少少紅，保濕未見，更加唔奢望有美白效果，況且只係用左一次，都唔敢再用了。