保濕底霜 推薦好用產品

Emily Leung好用推薦：「Clé de Peau Beauté」鑽光妝前乳 質地： 一擠出嚟係好水潤嘅淡肉粉色乳液，流動性幾高，推開個下感覺好絲滑，好似擦緊高級精華咁。佢有少少矽感（但無Benefit反孔精英咁重），主要係幫助順滑皮膚。吸收速度中等，唔會立痴痴，保濕感明顯，乾皮同混合皮都會鍾意。味道係好清淡高級嘅花香味，唔會俗氣。 妝效： · 即時提亮：因為有少少肉粉色調，可以好自然地中和暗啞同少少泛黃，成塊面即刻「醒神」咗，有健康光澤。 · 轉油為光：呢個真係唔係講笑！就算出咗油，啲油光都會變成一層好靚嘅「鑽光」，唔會係一塊塊噉溶妝，個妝感會變得更貼更透，好似本身皮膚就好靚咁。油皮朋友可能會覺得光澤感太強，建議局部用喺需要提亮嘅位置，或者之後壓多啲碎粉。 · 貼服度：後續上粉底真係會更貼，尤其係用返CDP自家粉底，簡直係「天作之合」。可以令妝容持久度提升，冇咁易浮粉或者起皮。 · 遮瑕度：接近零，佢主要係調節膚色同光澤。如果皮膚瑕疵多，一定要後續用遮瑕。 適合咩人？ · 追求自然光澤肌、貴婦妝感嘅人。 · 膚質偏乾、混合肌，或者唔介意出油後有光澤感嘅輕油肌。 · 預算充足，想投資一支高質妝前打底。

Lydia好用推薦：Product: Cle de peau Correcting Cream Veil 呢支妝前乳係我喺日本買嘅日本版。比起CDP粉底, 呢支妝前乳霜對我嚟講吸引力相對低少少。 質地：佢係帶少少潤色嘅霜狀質地，有輕微遮瑕力同調色效果。不過我覺得佢冇我想像中咁易推開，上面嗰陣要用多少少力同時間先推得勻。網上好多人都話用完佢就唔需要搽粉底，但對我嚟講效果唔算明顯。可能因為我本身皮膚瑕疵比較多（有啲暗瘡印同毛孔），單用呢支妝前係完全唔夠遮瑕嘅，最後都係要用返粉底或者遮瑕膏。 控油能力：我係油性肌膚，用落覺得佢控油能力唔算出色。夏天用嘅話，大概三四個鐘頭已經開始出油，冬天會好用啲。佢嘅防曬系數得SPA25唔算高，但對我嚟講日常用係足夠嘅，如果唔係長時間曝曬都ok。同其他CDP產品一樣，偏向滋潤質地，搽完上面都有水潤感，但對油肌人嚟講唔算好友好。 優點：最值得讚嘅係佢夠貼服，好少有搓擦子膠碎情況，同埋調和膚色嘅能力都唔錯，可以做到均勻膚色嘅效果。 總結：整體嚟講，呢支妝前對我嘅皮膚嚟講性價比唔算高。如果你本身皮膚底子好，只係想均勻膚色同有基本防曬，或者係偏乾性肌膚

Fng好用推薦：Laura Mercier 極致潤澤妝前底霜 ☀️ 產品定位：乾肌救星級妝前打底 最佳使用時機：防曬成膜後 → 底霜全臉按壓 → 等待2分鐘 → 粉底液 ✨ 核心優勢： · 沙漠肌福音：實測在冷氣房帶妝8小時仍保水潤，完勝同類產品 · 質地智慧轉化：凝霜觸膚即融成保護膜，填平起皮位但不堵塞毛孔 · 底妝黏合劑：使粉底服貼度提升，解決秋冬常見的浮粉問題 🌦️ 香港季節使用： ✅ 秋冬季（10-2月）：全臉使用，妝效持續12小時不乾燥 ✅ 春夏季（3-9月）：僅在兩頰易乾處局部使用，T區改用控油底霜 ✅ 極端乾冷：可混入1滴護膚油，強化保濕鎖水層 💡 專業技巧： 1. 遇到難推粉底時，將底霜與粉底以1:4比例混合上妝 2. 補妝前輕拍少量底霜溶解卡粉，再補上氣墊粉餅 總結：乾燥季節的「底妝保險」！特別適合香港秋冬季的熟齡偏乾肌，但混合肌務必分區使用～❄️ #LauraMercier妝前 #保濕打底 #秋冬底妝

Tszki好用推薦： 質地更像啫哩，這個主要是妝前保濕，沒有其他任何修飾功能（追求其他功能的可以選擇瓶身其他顏色），之後上粉底會更貼！ 暫時係最好用打底霜 無沒有香料，我是敏感肌使用了沒有產生過敏反應， 保濕能力極強，吸收得快唔會搞到厚妝，重要係唔起擦子膠粒！

maylam好用推薦：會員試用裝 我覺得幾好用 有少少似Chanel(?)嗰個cc cream 不過呢個輕薄d 有少少遮瑕度and閃粉 但係搽完之後隻手唔會污糟 顯得塊面幾乾淨

Sarah好用推薦：這款新出的產品好好用，覺得幾潤澤，面色好咗好多，敏感肌都用得。

Tszki好用推薦：質地水潤易推，能即時提亮膚色並修飾毛孔，可單獨使用打造「偽素顏」效果。控油效果明顯，即使在 T 字位也能長時間保持清爽，減少溶妝機會。具備 SPF50 PA+++ 的防曬系數，足以應對日常紫外線。提亮暗沉及偏黃膚色，呈現粉嫩、白皙的透明感。特別適合在香港潮濕炎熱的環境下使用。使用前可先敷面膜才用，妝容更加貼服持久！

Chloeincosme好用推薦：呢排買左Sofina Primavista 持久控油調色底霜，唔知係咪因為買完用嘅時候皮膚狀況好差，用咗呢支底霜反而令皮膚睇落去更加差😂 我本身係乾皮膚，可能要等皮膚狀況好啲嘅時候再試真啲～ 🤍 調色效果：4/5 修正膚色能力唔錯，能均勻提亮 🤍質地： 2/5（對乾肌黎講） 偏流質既base，冇咩保濕力 🤍 控油力：4/5 明顯感受到控油效果，T位出油減少，但代價係雙頰更乾，甚至出現緊繃感～乾肌一定要做好保濕先用佢🥹 🤍 貼服度：2.5/5 （皮膚狀況差） 皮膚狀態差時使用，會卡皮屑同浮粉，妝感唔細緻，可能真係要皮膚穩定時先用得到～ 總結： Sofina呢支底霜似乎真係比較適合油肌或混合肌～乾肌同皮膚唔穩定時使用，反而會暴露更多問題～會等皮膚狀態好返再試，暫時唔會回購！建議乾肌朋友要一定要做足保濕打底先好用～ #火熱新品

Mo Wong好用推薦：Excel係日本開架品牌，成日聽人地讚佢D產品好用，今次用呢款防曬底霜真係好高質，我見佢話潤澤驚佢會笠，點知佢質地幾水又易推，搽上面完全唔笠，乾肌用都無問題，而且佢係四合一，我懶時只用佢之後簡單上cushion粉底就出門，佢幾保濕，只係佢完全無任向遮瑕作用同提亮效果偏弱。

msthea好用推薦：試咗Excel嘅日間防曬潤澤面霜佢質地比較杰身，搽上面會有少少覺得油膩感覺 過一陣吸收咗會覺得好啲 我個人比較懶，用咗佢就冇再用調色霜 加上呢排天氣乾燥，我用咗佢又真係冇卡粉情況 比較乾燥嘅天氣之下，我覺得皮膚乾燥嘅人都值得一試 但春夏天就應該唔係好啱了

橘子貓好用推薦：SUPERIEUR Day Care Revolution Tone Up SPF50+ PA++++ 因為被很多日本KOL燒到，當初這款防曬一上市，我就去日本購入了！！！ 在日本天冷時使用，感覺非常驚豔。我使用了比官方建議的兩倍份量，令其有充足的防曬度，防曬霜提亮皮膚整整亮白了一度，然後整體妝感非常貼服，完全不會死白，恍如媽生好皮。難得試到一枝既可以正經防曬又能作妝前的防曬霜，所以我當日試用完之後，趁着還未離開日本，立馬回購了3條。可惜回到香港，因為香港天氣跟日本非常不同，又濕又熱，而且我是混油皮，這款防曬的使用感和效果大打折扣。因為出油出汗之後，皮膚會感到悶焗，甚至很容易起屑。於是我減少了使用份量至官方建議的大小，妝感和使用感就好了很多，但就沒有了在日本使用時容光煥發的效果。 如果你是偏乾肌，相信這款防曬會很適合你呢！現在，這枝防曬我會留待下次去日本等寒冷氣候的地方使用。

Micwy好用推薦：前排開始咗去做gym，由於唔想化妝、又想有啲防曬輕微調色所以去咗朗豪坊@cosmestore度睇睇。好鐘意果度同其他藥妝店唔同，有產品排行推介 😌 就跟住買咗Elixir呢支櫻花色底霜配另一牌子素顏碎粉。 防曬度SPF50+ PA++++ 呢啲基本啦，我最鐘意都係佢都係質地夠潤、唔駛揸太多嘢、一抹完化妝水就搽得。仲有啲珍珠令令地效果，做到即時提亮。防曬底霜+碎粉效果 如果平時都無咩點化妝可以試下 （因為兩樣產品都係可以唔駛用卸妝） 佢好似聲稱有啲護膚成份，我無太大感覺。我自己主要用嚟運動時有啲輕微偽素顏感（亦無試過用佢後再上底妝）；so far爆汗後都無咩甩到、所以對我嚟講我係滿意 🫶🏻

Kathy Wai好用推薦：好啊，呢支Laura Mercier極致持久水潤澤妝前乳（Hydrating Primer）真係乾肌同混合肌嘅恩物！ 支嘢係奶白色嘅乳液質地，好柔滑，推開個下感覺好水潤，好似搽緊保濕乳液咁，好舒服。吸收得幾快，唔會留低黏立立嘅感覺。 用咗佢打底之後，最大感覺係成塊面即刻充滿光澤感，好似飲飽水咁。之後再上粉底，真係會貼服好多，尤其係眼底同鼻翼啲容易卡粉嘅位置，情況改善咗好多。個妝好似「食」咗落皮膚咁，持久度都提升咗，冇咁容易因為皮膚乾而浮粉或者出乾紋。 如果你係大油皮就可能覺得太潤，但對於追求水光肌同需要保濕嘅用家來講，佢絕對係一支高分嘅妝前打底！

mcosmetics好用推薦：乾肌秋冬天氣必備嘅妝前底霜！已經用過兩至都係咁鐘意🩵 我本身皮膚比較容易敏感，LM呢款皇牌產品係無矽無香味，搽開係gel 妝好容易吸收。皮膚即時保水，面頭留低輕微黏感，之後上妝會貼服好多☺️即時由暗啞皮膚變得飽滿有光澤👇🏻

Kitty 好用推薦：🌟無限回購❗️Curel控油保濕毛孔細緻妝前打底霜真係驚艷到爆燈💥 睇完博主推薦買返嚟試，真係好勁咯😱 我係油敏皮👩🦰，但完全唔敏感，用完超正👍控油力MAX💯 搽完塊面滑捋捋，有啲磨皮效果📸，即刻變啞光面，零油光✨真係超級❗️超級❗️超級❗️控油🌬️ ☀️日頭搽完，成日都唔出油💦，仲保持住啞光效果添！放工嗰陣額頭先有少少油光（我主要額頭，鼻翼出油多🧏♀️） 👩🎨之後上妝仲超貼服，完全唔卡粉💄，連妝都持久啲！ 拎俾同事試👥，個個都話正到拍爛手掌👏，真係要無限回購🔄💸 正到喊❗️🔥 #妝前打底

Tszki好用推薦：質地透明乳霜 狀滑好推，抹開後迅速變為霧面乾爽質地。修飾毛孔效果明顯，能讓肌膚表面呈現平滑柔焦感適合敏感肌，不會阻塞毛孔，成份友善。「夏日神器」，能顯著抑制 抑制 油光同時保濕 。其成分溫和，無香料、無添加，在控油同時保濕，對敏感不穩的膚況亦很安心使用。

Bendict好用推薦： 我買嘅色號係colorless $400一支 我覺得麻麻哋 無修飾毛孔效果 第二係太乾 一搽完上粉底 卡粉卡到飛起 如果真心要買 顏色買Beige會好啲 或者試下第二隻牌子我係敏感肌偏乾 用呢一支嘢會太乾 左中右分別係 rmk CPD 植村秀 可以見到植村秀 texture比較厚 rmk同cpd 係偏水狀 推開更加睇到 乾肌用呢支妝前打底 會比較乾 所以唔太推薦

Poyobb好用推薦：佢係三合一防曬隔離霜，有防曬SPF50/PA++++ 、base、調色效果。我係混合性皮膚，我唔鍾意分開用乳液、防曬、底霜疊加喺底妝，因為咁樣疊加多層一定爆粒粒，淨係買一支過嘅底霜。 如果買膚色嘅話，直接日常當底妝使用都OK。佢隻紫色好靚，可以做強嘅去黃效果。比其他開架牌子嘅紫色base，效果更自然。 我用佢再加Shu uemura既foundation，妝感貼服有光澤。持妝度好好👍🏻唔知點解佢用依支base係唔會令皮膚起暗粒，但佢嘅保濕度又幾好。即使粉底液用碎粉定妝後，都唔會令個皮膚底層乾燥💕

Fng好用推薦：Bobbi Brown 蟲草抗氧修護精華底霜 ✨ 🌟 第一印象：養妝合一嘅貴婦級隔離 作為Bobbi Brown嘅皇牌產品，呢支「蟲草隔離」喺美妝界嘅口碑一直好高！🔥 磨砂玻璃瓶身配金屬按壓頭，拎上手已經覺得好高級～💎 官方定價約 HK$490-680 / 40ml（視乎版本），雖然唔算平，但網上唔少用家都話「貴買平用」，因為一支可以用好耐！ ✨ 質地與觸感：絲絨奶油，秒速吸收 一泵出嚟，係柔滑嘅乳液質地，帶有淡淡嘅象牙白色，仲有微微嘅珠光感～推開嘅瞬間，真係好似絲絨奶油咁融化喺皮膚上，延展性極高，一粒黃豆大小就夠搽勻全臉！🤍 最驚喜係佢嘅吸收速度超快，輕輕拍幾下就ok，表面完全唔黏笠，只留下一種水潤飽滿、柔嫩順滑嘅觸感。對於我哋呢啲怕油怕黏嘅混合肌，呢個質地真係一試愛上！ 🔬 成分核心：蟲草精華 x 三重水潤機制 呢支隔離嘅成分配置真係好有誠意！💪 佢嘅核心優勢在於「三重水潤機制」： 1. 即時補水：透明質酸鈉喺接觸肌膚時迅速吸水，令角質層快速飲飽水 2. 長效鎖水：神經酰胺NP構建脂質屏障，防止水分蒸發，實測4小時後兩頰仍保持濕潤感 3. 活性修護：凍乾蟲草提取物可促進表皮細

iliya 好用推薦：#火熱新品 Bobbi Brown新版蟲華抗氧修護精華底霜真係不得了❤️ 一支有齊multiple functions，集提亮、潤色、保濕仲有防曬於一身，SPF25 PA++足夠平日出街日常使用，而全新嘅玫瑰粉色色調修正膚色，有效去黃提亮，改善暗啞倦肌膚色，帶有微微粉嫩珠光嘅光澤感，提升紅潤感，肌膚即時煥然一新，充滿活力，而且兼顧化妝同時抗氧護膚，蘊含冬蟲夏草、植萃醣、紅海藻、甘草根及維他命E成份，扮靚靚都可以錫住啲皮膚，帶有微微嘅玫瑰香味，就keep住成日都有好心情啦，真係唔可以唔推介俾大家！！！💕🙌🏻 #火熱新品

Fng好用推薦：這個 MAQUILLAGE dramatic Skin sensor base EX 可以當素顏霜用，可提亮肌膚🌟，一秒偽素顏就出門，它夠輕透，質地非常水潤，塗在臉上很好推💞，又有少少遮瑕力兼SPF 50+。 或者薄薄塗上一層，然後等一兩分鐘之後，再上粉底，沒違和感，妝效非常自然，又有提亮效果，而且裏面還有養膚成分，透氣唔會焗到生粒粒，夏天勁啱用，值得推介🫶。 佢仲有個tone up version係淡紫色底，如果係想退黃調嘅sis可以考慮嗰個。

Vivian好用推薦：淡紫色較為水妝質地，延展性高，能夠明顯改善暗沉泛黃皮膚，提亮效果好，清爽不黏笠，比較適合春夏季節潮濕或炎熱天氣使用，配合滋潤型氣墊粉底妝感不錯

Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品

Julianna好用推薦：一開始買呢支都係抱住試下心態，因為我皮膚比較容易泛紅，搵一款有tone up功能嘅妝前其實幾難。點知第一次用已經有驚喜，佢帶淡淡粉紫色，推開之後會中和到啲泛紅位，令膚色睇落勻淨咗之餘又唔會死白。重點係佢夠輕薄，質地偏水感，保濕度中等，適合春夏用～搽完個底乾淨晒，之後上粉底或者碎粉都好貼服。有時出街快快手唔化妝，淨係搽呢支都夠見人。不過就唔係太控油，T-zone好易出油嘅人可能要補啲定妝。好鍾意佢係物理+化學混合防曬，保護力高但用落唔刺激，敏感肌都應該ok。係我近期妝前愛用品之一！

Rachel好用推薦：保濕效果好好 但椰子味太濃 味道淡返啲會接受到多啲 用佢令到皮膚好水潤 四季都岩用 令後續化妝品都keep到 又唔會起擦膠碎👍🏻

Nicole 好用推薦：味道是淡淡的椰子香，輕薄乳液質地，延展性高，易推開易吸收，看起來半啞光效果，有一定的控油持妝的功效。 但有時皮膚狀態不好時，會有搓泥情況，所以它不是全能型選手，用完應該不會再回購。

LenaC好用推薦：#大人感妝容 🥰 要顯得 #能幹 #烔烔有神 #得體 我會推薦簡單不花巧既妝容 疫情下大家都帶口罩 眼神尤為重要 我會推介以下「秒出門」四寶(Sofina隔離底霜 、benefit 眼線筆、睫毛夾、FASIO 睫毛膏 ) 10分鐘內搞點快靚正😇😇😇 Sofina - Primavista Ange 水潤瓷效妝前隔離乳 UV SPF16 PA++ 25g (滋潤型) 擠適量既稀薄乳液 輕輕塗抹 雖說是妝前打底用 但佢本身帶少少珠光顏色 可以修飾膚色不均 打造勻透好皮膚既感覺 仲添加咗保濕成分 而且具防曬度SPF16 PA++ 護膚 修飾 防曬 一次過完成Benefit They're Real精細銳目持久眼線筆 呢款防水眼線筆質感柔滑 而佢既特製0.1mm錐形筆尖超精細且順滑 可以輕鬆畫出極精細眼線 色澤濃黑 唔易暈染 唔結塊 新手都可以輕鬆駕馭☺️ 睫毛夾 （aeon $12店 / sasa 有售） 小巧玲瓏 方便攜帶出門 隨時可以再夾再捲 而且適合我眼窩 好容易就位 每一條睫毛都照顧到 效果一啲都不遜於大牌子 持久度亦相當唔錯 夾一夾望落精神好多❤️ #小心機FASIO Po

Cici Wong好用推薦：人生第一枝primer，幾個朋友都介紹我用，比較適合乾肌，不過建議都係要做好妝前保濕，如果淨係用佢，始終會有啲乾，我有時會溝少少cream先搽上面。 佢有淡淡嘅珠光，但唔會好明顯，唔使擔心太誇張，用完明顯白亮咗，亦無同我d粉底打交。有時太懶或者皮膚狀態好嘅時候，會淨係用呢支primer，最多上少少遮瑕，已經有唔錯修飾效果 用量唔洗太多就足夠成塊面，我用咗大半年，最近回購第二枝，cp值高。如果油肌人，可以試控油version

sueman15好用推薦：用既係粉色呢隻，因為鍾意粉白少少同改善暗黃 幾潤，最鍾意佢用完之後既光澤感，佢係有好幼細既閃粉係裏面，呢隻係真係做到偽素顏，稍稍提升肌膚膚色 佢係屬於妝前底霜，唔會有遮瑕力，作用單一，用完會有層光澤膜係臉，creamy感，試過搽完戴住口罩翻工，唔會悶熱，放工都仲見到光澤感 所以唔錯 缺點係吱頭有啲卡，有時吱唔到出黎，同埋份量都幾少下 搽完既光澤感明顯 好潤咁

Suki好用推薦：本身睇中佢嘅超低價格，試下可能會搵到隱藏版好物。不過用完之後，感覺就真係一般，無驚喜但勝在夠平，適合預算有限嘅人。 首先，佢嘅保濕效果只能話係勉強合格，剛塗上去嘅時候會有一點水潤感，但維持時間好短，過咗幾個鐘皮膚就開始乾燥，特別係乾性肌膚嘅話，卡粉同脫妝嘅情況比較明顯。至於質感方面，佢比較稀薄，容易推開，但吸收之後皮膚會有少少黏，對油性肌膚嚟講可能會感覺唔太舒服。 另外，佢喺妝前打底嘅效果真係好普通，唔會特別令底妝貼服或者持久，基本上就係一款單純提供少量保濕嘅底霜。如果你皮膚狀態本身唔錯，或者追求簡單保濕而唔需要其他功能，呢款勉強可以用，但如果你想有修飾毛孔、提亮或者控油效果，呢款可能唔係最好嘅選擇。

Ressie14好用推薦：Primer屬於保養的化妝品，肌膚狀態唔好，或者想營造一個無瑕嘅妝容嘅話，一定要靠保濕度高，透氣嘅底霜。 Make up forever 呢隻持久保濕底霜，白色牙膏狀包裝，容易控制份量～唧出嚟見到佢三文魚色嘅水凝質地，有啲嚇親；不過一推開就覺得好水潤 ，同埋其實不會影響膚色狀態；用少少時間按摩於肌膚，就令皮膚非常有光澤。但缺點在佢單一功能 — 只能保濕，不能防曬。春夏秋冬出入門都要做好防曬功夫，尤其我呢啲家族遺傳有雀斑嘅人士！疊加幾樣護膚品會令到皮膚好似唞唔到氣，呢一點令我鎖定佢只會喺局部乾燥位置使用呢支持久保濕底霜。 相比之下，旁邊呢支有防UV效果既primer 我就會比較常用。不過我唔特別喺呢篇心得提及呢款產品 ：） 下一次再分享！

Fish Tse好用推薦：#底妝升級好物 妝前既第一步保濕對於我黎講好重要，如果保濕度唔夠高會好易脫妝 哩款持久保濕底霜係我用過幾款品牌黎講比較滿意，因為佢真係可以為我既肌膚去補充水份既同時亦唔會同後續既粉底打交 見到係呈橙色既保濕霜延展性好高，搽左上面之後會變透明唔會改變原來既膚色，特別針對眼底、鼻翼個d位置搽，搽完之後上妝好貼服仲好似有種光澤既感覺 我覺得妝前用左佢之後有令個妝變得更加持久既其中一個秘訣黎，因為佢入面有甘油等成分令到保濕個力度可以維持得耐d

natanatalie好用推薦： #火熱新品 營造日系乾淨俐落底妝的高性價比之選❣️ 本身屬於油性肌膚，外油內乾，一直好難揾到一支夠保濕又持妝嘅底霜。呢支RMK新出嘅自選水感透光潤色霜真係好驚喜，相信會成為大愛之物！❤️‍🔥 首先，佢價錢唔貴，只係$330就有25g，好多時仲會有唔少贈品。支裝唧出嚟可以用到最後，唔會好似pump裝咁嘥左啲。😍 質地好保濕，一啲都唔厚重，推開有幾好嘅調色效果，而且有一種好自然嘅光澤感。但睇落唔會令人覺得誇張出油，嗰種光澤感好靚好自然。☺️ 佢有SPF15，平時出街用都得。我通常就咁用佢，普通黑眼圈痘印都遮到七七八八，持妝力都算耐，9個鐘都不會甩不會溶。有時會叠加粉底，呢支調色霜嘅抓粉能力都不錯，而且佢唔會令膚色變暗，呢一點我好喜歡！😘

Yoyo Sin好用推薦：約會持久妝必備！ 好輕薄既底霜～遮到毛穴又令到後續粉底更貼服～ 性價比極高 用完之後出完一整日街都無溶妝浮粉😍 加左底霜之後上底妝無咁易起乾紋👍🏻T字位都無江易出油😍 用完會再回購

killkew.b好用推薦：算係有顏色既妝前底霜，可能因為係舞台化妝牌子？ 所以個底霜質地比較厚身，搽上面似粉底， 可以遮蓋臉上瑕疵，保濕度還可以， 不過份量要自己調節返，如果用得太多， 會望落去好厚粉，而且都唔適合用完佢再上粉底， 因為作為底霜佢實在太厚身，會容易造成斑駁，似面具咁。

Clovercc好用推薦：帶有粉紅提亮調色功效的妝前底霜，質地輕薄水潤，很容易就能推開，可以提亮均勻膚色之餘，還會帶有點光澤感，令皮膚看上去有水光感。試過接住上妝都可以很貼，不會與粉底液打架。因為它防曬很高，有SPF50+ PA+++ ，有時不化妝，也會當防曬單用，有提亮效果，面色都會精神點！唯一壞處，是我眼睛比較敏感，如果塗得太接近眼周，我眼睛會覺得澀澀的，要避開使用。其餘都超好的～🍀

格仔餅公主好用推薦：質地好薄唔會笠，好有韓國水光肌嘅感覺，上面之後有滋潤感覺，之後嘅粉底容易上咗仲唔會咁易浮，呢排夏天用落感覺非常好，用完之後絕對會回購

Chloeincosme好用推薦：呢排用緊 Excel 水感精華持久底妝霜🤍 但對佢標榜嘅「持久」效果頗無感... 下面講下會既妝效 🤍 水潤度：4/5 質地確實水感輕薄，推開時好順滑，上臉有自然光澤感～ #轉季 岩用 🤍 持久度：2.5/5 帶妝4個鐘已經開始浮浮地，鼻翼同額頭出油位明顯脫妝，完全感受唔到「持久」效果～ 🤍 貼服度：3.5/5 剛上妝時幾貼服，但隨著時間會慢慢浮粉，尤其係眼底，鼻同法令紋位置～ 總結： Excel呢支底妝可能適合追求自然妝感同短時間出門嘅人～但如果你同我一樣期待持久妝效，就可能要諗諗先～唔會回購啦！

Tszki好用推薦：質地水潤易推、防曬系數 SPF28/PA+++ 適合日常。由於光澤感強，油性肌膚或毛孔粗大者需局部使用，否則容易顯油光。深層保濕，修飾毛孔及凹凸處，使後續上粉底更貼服。