CANMAKE TOKYO

高效保濕妝前底霜

本身睇中佢嘅超低價格，試下可能會搵到隱藏版好物。不過用完之後，感覺就真係一般，無驚喜但勝在夠平，適合預算有限嘅人。 首先，佢嘅保濕效果只能話係勉強合格，剛塗上去嘅時候會有一點水潤感，但維持時間好短，過咗幾個鐘皮膚就開始乾燥，特別係乾性肌膚嘅話，卡粉同脫妝嘅情況比較明顯。至於質感方面，佢比較稀薄，容易推開，但吸收之後皮膚會有少少黏，對油性肌膚嚟講可能會感覺唔太舒服。 另外，佢喺妝前打底嘅效果真係好普通，唔會特別令底妝貼服或者持久，基本上就係一款單純提供少量保濕嘅底霜。如果你皮膚狀態本身唔錯，或者追求簡單保濕而唔需要其他功能，呢款勉強可以用，但如果你想有修飾毛孔、提亮或者控油效果，呢款可能唔係最好嘅選擇。

感謝cosme 俾我做Canmake 今個秋季既新品試用！ 今次我試用咗Canmake既高效保濕妝前底霜（01色）。 由於我最近皮膚狀態不太穩定，有輕微脫皮情況，所以化妝都選擇化簡單裸妝，底霜越薄越好。 剛好可以體驗Canmake 既保濕妝前底霜。 經過約一週的使用，我發現保濕效果並不如預期，使用後輕微卡粉現象依然存在。不過，佢既質地輕薄，容易推開且緊貼肌膚。和未使用底霜既地方相比，使用01底霜既部分明顯有提亮同美白效果。這個顏色接近自然膚色，唔會過於死白。 底霜輕薄，因此遮瑕度都比較一般，臉上好多暗瘡印、黑暗圈都無沒隱藏。 持久度一般。我既皮膚是混合肌， T位容易出油。用咗六小時後，還是有點脫妝既狀況，但都keep 到膚色係輕微提亮既效果。 整體而言，呢款底霜表現尚可，但對於油性肌膚而言，可能唔太適合，因為控油既功能相對不足。 保濕：● ● ● ○ ○ 貼服：● ● ● ○ ○ 遮瑕：● ● ○ ○ ○ 持久：● ● ● ○ ○

首先多謝@cosme 選中我試用，跟住要說聲對不起，遲交試用文，因為試用品寄到時人不在港。 試用咗三天趕快來寫試用心得。 呢支裝前乳液（我收到的是01 Beige） 質感有D「𠎀」，上面後很容易推開，但都好似比其他牌子的primer要塗多一點才可以塗勻全面。 遮瑕度低、但有明顯的Tone-up，塊面提亮，有D似NARS支primer咁有少少「發光」。再上粉底令到膚色看來更有光澤。而且佢有令妝容更持久。底霜嘅保濕成分十分好，到夜晚都唔覺有任何乾紋。性價比十分高嘅一支打底霜。

妝前底霜 打底好物 🙂 我用是02顏色 皮膚屬於乾性皮膚😀 容易推開貼面，02有調色， 用咗之後皮膚感乾爽 面皮膚光亮😀 適合夏天潮濕天氣用😀 我每日出門都會用佢 細細脂方便攜帶 如果趕時間嘅可以返公司先化妝🤣

多謝@cosme 抽中我試用Canmake秋季彩妝新品🍂🧡 試用產品：高效保濕妝前底霜 我收到嘅色號係01✨平時化妝我都鍾意用有防曬功能嘅base，可以偷懶減少化妝步驟🙈呢個底霜有SPF28 PA++，啱晒我需要！  01色號唧出嚟係淺淺嘅肉色，質地輕盈好易推開，上面之後調色效果&遮瑕效果一般，但我好鍾意佢嘅珍珠光澤，之後上完底妝都仲透到佢嘅光澤出嚟😍保濕效果就還好，我兩邊面頰偏乾，用咗佢之後唔會令我之後上妝甩皮，但保濕感覺唔太明顯。 整體嚟講呢枝妝前底霜比較適合面部較少瑕疵或者鍾意有自然光澤底妝~ 保濕度：⭐️⭐️⭐️ 遮瑕度：⭐️ 光澤感：⭐️⭐️⭐️⭐️ 貼服度：⭐️⭐️⭐️

呢支妝前底霜上咗面明顯會有種光澤感，同埋有少少遮到毛孔，通常上完粉底之後都仲會留有少少光澤就啱啱好，不過佢有個缺點就係比較厚，有啲難推開同埋上咗面會立痴痴，如果用啲正常粉底就會好易出油，不過如果襯啲比較乾嘅粉底或者用粉餅就啱啱好。

多謝@cosme 俾機會我試用canmake的產品😍😍今次試用嘅係： 高效保濕妝前底霜🔆質地容易推開、保濕滋潤亦做到輕盈不油膩。底霜能修飾暗啞或膚色不均，而且有推亮的作用使肌膚更有光澤感。提到底霜質地滋潤，用後再會使肌膚較水潤，使後續上妝更貼服。😻😻

用落感覺一般般，對於乾性嘅皮膚嚟講有啲乾唔太貼面，用咗之後提亮膚色嘅效果冇想像中咁好，已經被擱置，遲啲夏天拎返出嚟用，睇吓會唔會好啲

*02 淡粉紅* 吱出嚟嗰下似cream，搽上臉都容易推開，好絲滑，改善到肌嘅膚暗黃，不過即使秋冬用都要少少時間吸收，夏天可能只適合乾肌。 上臉好自然，遮到暗沉同可以均勻膚色，想懶可加返啲遮瑕同碎粉就出得街，加上有防曬成份大大加分！ 值意注意嘅係佢有閃粉，珠光感算係高，局部用都係唔錯嘅選擇。 SPF28 PA++，適合日常室內返工返學 記得單搽都要卸妝啊

本身見到呢支包裝好靚幾期待 但用落覺得有啲失望 粉紅色帶閃嘅顏色有少少提亮效果 但係個效果比唔上之前紫色嗰款咁好 呢隻又改善唔到膚色不均同遮毛孔 可能只適合皮膚本身好好嘅人 質地方面係偏厚重嘅乳液 預期會有保濕作用 用落發現唔保濕，仲要難推開，會同粉底打交起屑